ოქრო NYMEX(უნც.)  1.303.95  +0.68%    |    პლატინა (უნც.)  835.85  +1.12%    |    ვერცხლი (უნც.)  15.383  +1.40%    |    პალადიუმი NYMEX  1.523.60  +0.59%    |    ნიკელი (ტონა)  12.987.5  +0.62%    |    ალუმინი (ტონა)  1.908.5  +0.33%    |    ნავთობი (Brent)  66.98  -0.37%    |    გაზი(NYMEX)  2.830  -0.91%    |    შაქარი LIFFE (ტონა)  12.40  -0.16%    |    ყავა(Robusta), USD (ტონა)  96.97  -0.19%    |    ხორბალი (ტონა)  451.38  -0.14%    |   
 USD 3.1794        EUR 3.4576        GBP 3.9227        RUB 4.2035        UAH 1.1655        AZN 1.8702        AMD 6.4084      
gbc.ge
Eng
შესვლა    რეგისტრაცია
მომხმარებელი
პაროლი
დაგავიწყდათ პაროლი?
ინფორმაციის გამოწერის პირობები
მთავარი მოვლენები << უკან
10 ახალი კანონპროექტი ბიზნესს, პარლამენტი წელს განიხილავს
ნინო კვინტრაძე
4 თებერვალი, 2020, 11:19
10 ახალი კანონპროექტი ბიზნესს, პარლამენტი წელს განიხილავს

თბილისი (GBC) - საქართველოს პარლამენტმა 2020 წლის საგაზაფხულო სესიისთვის გათვალისწინებული საქმიანობის გეგმა გამოქვეყნა. პარლამენტში ამ პერიოდში მთავრობის მიერ ინიცირებული 100-ზე მეტი კანონქვემდებარე აქტის განხილვა იგეგმება.

გეგმაშია ახალი საკანონმდებლო ინიციატივების განხილვაც. მათ შორისაა:

ნარჩენების იმპორტის, ექსპორტისა და ტრანზიტის შესახებ კანონი: კანონი ვრცელდება ყველა სახის ნარჩენზე, რომელიც კვეთს საქართველოს საზღვარს (იმპორტი, ექსპორტი ან ტრანზიტი). 

ფოსტის შესახებ კანონი: კანონის პროექტი ადგენს საქართველოს მთელ ტერიტორიაზე ფოსტის სფეროში საქმიანობის სამართლებრივ საფუძვლებს და ძირითად პრინციპებს. 

ელექტრონული კომერციის შესახებ კანონპროექტი: კანონპროექტის თანახმად, დარეგულირდება, საინფორმაციო საზოგადოების მომსახურებასთან დაკავშირებული საქმიანობა, ამ მომსახურების გამწევი და მიმღები პირების პასუხისმგებლობა. 

საინვესტიციო ფონდების შესახებ კანონი: ახალი კანონით მოხდება არსებული კანონის გაუქმება. კანონის პროექტი ადგენს რეგულირებადი და ალტერნატიული ფონდების სახეებს.

ფასიანი ქაღალდების ფლობის შესახებ კანონი: კანონის პროექტი აჩენს ანგარიშის მწარმოებლის ცნებას, რომელიც ქმნის შესაბამის იერარქიას ფასიანი ქაღალდის ფლობასთან დაკავშირებულ უფლებებზე. 

რეაბილიტაციისა და კრედიტორთა კოლექტიური დაკმაყოფილების შესახებ კანონი: კანონპროექტის მომზადების საჭიროება „გადახდისუუნარობის საქმის წარმოების შესახებ“ საქართველოს კანონში არსებულმა ხარვეზებმა განაპირობა.

მეწარმეთა შესახებ კანონი: „მეწარმეთა შესახებ“ ახალი კანონის პროექტი მიზნად ისახავს ამ სფეროში ფუნდამენტური ცვლილებების განხორციელებას, მოქმედ კანონში არსებული დაურეგულირებელი საკითხების მოწესრიგებას და ბიზნეს გარემოსთვის უფრო მოქნილი და ხელსაყრელი გარემოს შექმნას.

დასაქმების შესახებ კანონი: საქართველოს კანონი „დასაქმების შესახებ“ განსაზღვრავს დასაქმების სფეროში სახელმწიფო პოლიტიკის ეკონომიკურ, სოციალურ, ორგანიზაციულ და სამართლებრივ საფუძვლებს და არეგულირებს ურთიერთობებს, რომლებიც წარმოიშობა დასაქმებასთან დაკავშირებულ პროცესში დამსაქმებელს, სამუშაოს მაძიებელსა და სახელმწიფოს შორის. 

საშემფასებლო საქმიანობის შესახებ კანონი: უდიტორული და საშემფასებლო პროფესიების გამიჯვნის მიზნით საქართველოს მთავრობამ უნდა შეიმუშაოს საშემფასებლო საქმიანობის შესახებ საკანონმდებლო აქტი.

საჯარო შესყიდვების შესახებ კანონპროექტი: მიღებული კანონპროექტი იქნება ერთიანი და მასში მოქცეული იქნება საჯარო შესყიდვებთან დაკავშირებული ყველა შესაბამისი საკითხი და დარგი, კერძოდ, სტანდარტული საჯარო შესყიდვები, საჯარო შესყიდვები კომუნალური და სხვა საზოგადოებრივი მომსახურების სფეროში, საჯარო შესყიდვები თავდაცვასთან და უსაფრთხოებასთან დაკავშირებით, საჯარო შესყიდვებთან დაკავშირებული დავების განხილვის წესი.


მსგავსი სტატიები
გამოკითხვა
სიახლეების არქივი
ორშ სამ ოთხ ხუთ პარ შაბ კვ
  12345
6789101112
13141516171819
20212223242526
27282930   
სპონსორები