თბილისი (GBC) -მიუხედავად იმისა, რომ საქართველოს განვითარების დონე არც თუ ისეთი მაღალია, არსებულ მდგომარეობას რკინიგზის განვითარება საუკუნით ჩამორჩება.  არასამთავრობო ორგანიზაცია HUB Georgia სატრანსპორტო მდგომარეობაში არსებულ მძიმე მდგომარეობაზე აცხადებს.

ADB -ის $750 000 მიღების მიუხედავად, სატრანსპორტო სექტორის განვითარების ახალი სტრატეგია არაა შემუშავებული. 

"სატრანსპორტო სექტორში პირდაპირი უცხოური ინვესტიციები ბოლო 2 წელში 2-ჯერ შემცირებულია. შეჩერებულია სატრანსპორტო ინფრასტრუქტურული პროექტები, რაც უარყოფითად აისახება ქვეყნის საერთაშორისო რეიტინგებზე. ინფრასტრუქტურის საერთო მდგომარეობის მიხედვით საქართველოს მსოფლიოში 76-ე ადგილი უკავია, რაც 2012 წელთან შედარებით 22 ადგილით გაუარესებული მაჩვენებელია. 

ყველაზე ცუდი მდგომარეობაში რკინიგზაა, 2012 წლიდან დღემდე 57%-ით არის შემცირებული სატრანზიტო გადაზიდვები. საქართველოს რკინიგზის შემოსავლების წილი ქვეყნის მთლიან შიდა პროდუქტში 50%-ით დაკლებული და ნაცვლად განვითარებისა ის საქართველოს ეკონომიკაში  შავი ხვრელის როლს ასრულებს.  

ქვეყნის ეკონომიკური განვითარება, ტრანსპორტისა და ლოგისტიკის სექტორის განივითარებლად წარმოუდგენელია ქვეყანა Doing Business-ს რეიტინგში იკავებდეს მე-6 პოზიციას და ამავდროულად, ლოგისტიკის ეფექტიანობის ინდექსში ის 119-ე ადგილით პოზიციონირებდეს და ჩამოჩებოდეე ყირგიზეთს, უზბეკეთს და სომხეთს. მაშინ როცა ბიზნესის კეთების ეფექტიანობას ტრანსპორტისა და ლოგისტიკის გლობალური კონკურენტუნარიანობა განსაზღვრავს,“ - განაცხადა ორგანიზაციის აღმასრულებელმა დირექტორმა ვასო ურუშაძემ.