თბილისი (GBC) - ღვინის სააგენტოს ცნობით, 27/08-2/09 პერიოდში სახელმწიფო საწარმომ  შპს „მოსავლის მართვის კომპანია" (აკურას სამართალმემკვიდრე) სასპირტედ 12 000 ტ -მდე დასეტყვილი ყურძენი გადაამუშავა.

26 აგვისტოს, ძლიერმა სეტყვამ და ქარმა, კახეთის რეგიონში, გურჯაანის, თელავისა და ყვარლის მუნიციპალიტეტებში, 4600 ჰა ფართობის ვენახები დააზიანა. დაზიანების ხარისხი სხვადასხვა ლოკაციაზე განსხვავებულია და  10%-დან 90%-მდე მერყეობს.

 100%-ით განადგირებულ 1 ჰა -ზე კომპენსაცია 3 000 ლარია. სეტყვით დაზიანებული 1 კგ რქაწითელი  0,80 ლარად და 1 კგ საფერავი - 1 ლარად  ბარდება.

ამასთან, აგროდაზღვევის სახელმწიფო პროგრამის დაზარალებულ ბენეფიციარებტა ზარალსაც ითვლიან. ყველა კულტურაზე სახელმწიფო  სადაზღვევო პოლისის 70%-ს, ხოლო ვაზზე - 50%-ს აფინანსებს.