წისქვილკომბინატებს პირობა ჩამოართვეს – პური არ უნდა გაძვირდეს

„ქვეყანაში სასურსათო პროდუქტებზე, მათ შორის ხორბალზე, თვითუზრუნველყოფის მაჩვენებლების გაუმჯობესება ჩვენი ერთ-ერთი ამოცანაა. შარშან განვაცხადეთ, რომ შესაძლებელია ქვეყანაში ხორბლის წარმოების თვითუზრუნველყოფის მაჩვენებელი 50 %-მდე გაიზარდოს. მინდა გითხრათ, რომ, ბოლო 2 წლის განმავლობაში, ჩვენ 60 %-იანი ზრდა გვაქვს წარმოების ნაწილში  და, ვფიქრობთ, რომ წელს ზრდის დინამიკა შენარჩუნებული იქნება. შარშანდელი მონაცემებით, დაახლოებით, 30 %-ზე მეტი იყო თვითუზრუნველყოფის მაჩვენებელი; გახსოვთ, რომ, 2 წლის წინ, ეს იყო, დაახლოებით, 15 %-ის ფარგლებში. ჩვენ ვმუშაობთ საერთაშორისო პარტნიორებთან, რომ ამ პროცესს კიდევ უფრო შევუწყოთ ხელი“, - აღნიშნა ოთარ შამუგიამ.მინისტრის განცხადებით, ბოლო თვეების განმავლობაში მცირდება ფასები ფქვილზე, რამაც წისქვილკომბინატების დიდი ნაწილის ფაქტობრივი გაჩერება გამოიწვია, ვინაიდან ისინი არაკონკურენტულ გარემოში აღმოჩნდნენ.„ბოლო ერთი წლის განმავლობაში ვაკვირდებოდით პროცესს და ფქვილის იმპორტი იყო მზარდი, ხორბალთან მიმართებაში; თუმცა,  ხორბლის იმპორტი ხორციელდებოდა - დაახლოებით 25-30 000 ტონის ფარგლებში და  წისქვილკომბინატები არასრული დატვირთვით, მაგრამ მაინც მუშაობდნენ. ასევე შეუფერხებლად ხორციელდებოდა ჩვენი ადგილობრივი მოსავლის დაბინავებაც. თუმცა, ბოლო სამ თვეში, ფქვილის იმპორტმა 2-ჯერ გადააჭარბა ხორბლის იმპორტს. დაახლოებით, 20 000 ტონაა შემოსული ხორბალი და 40 000 ტონა ფქვილი, რისი მიზეზიც უკვე ვახსენე. ბოლო 2 კვირის განმავლობაში, ჩვენ ინტენსიური შეხვედრები გვქონდა როგორც წისქვილკომბინატების წარმომადგენლებთან, ასევე, პურის მრეწველთა კავშირთან და მარცვლეულის მწარმოებელთა ასოციაციასთან, ფქვილის იმპორტიორებთან. ამ შეხვედრების მიზანი იყო, რომ ყველა მხარესთან შეგვეჯერებინა ისეთი გადაწყვეტილება, რომლითაც უპირობოდ შევინარჩუნებდით პურის ფასს და, არსებულ ვითარებაში, ფერმერებიც შეუფერხებლად შეძლებდნენ  მოსავლის რეალიზაციას. გამართული კონსულტაციების შედეგად, მივიღეთ გადაწყვეტილება, რომ ფქვილის იმპორტზე დაწესდეს დამატებითი საფასური, რაც კონკურენტულ გარემოში ჩააყენებს წისქვილკომბინატებს. წისქვილკომბინატები იღებენ ვალდებულებას, რომ შეისყიდონ ქართული ხორბალი, იმუშაონ სრული დატვირთვით და პურის მწარმოებლებს ისეთი პირობებით მიაწოდონ პირველი ხარისხის ფქვილი, რომ  ამან არ გამოიწვიოს პურის გაძვირება. დადგენილების პროექტი დაახლოებით  ორ კვირაში შევა ძალაში, იქნება დროებითი  ღონისძიება  და იმოქმედებს  5 თვის განმავლობაში; თუმცა, ამ პერიოდში, ჩვენ მუდმივად დავაკვირდებით ბაზარზე არსებულ  ვითარებას  და, შესაბამისად,  მივიღებთ ისეთ  გადაწყვეტილებებს, რომელიც  სიტუაციაზე იქნება მორგებული“, - განაცხადა ოთარ შამუგიამ.

ლარის გაუფასურების მიზეზი – თიბისი კაპიტალის განმარტება

ამასთან, ვალუტების მიხედვით დეპოზიტების ყოველდღიური დინამიკა სენტიმენტების ცვლილებაზე მიუთითებს. კერძოდ, თუ მანამდე ლარის დეპოზიტების ზრდა პრევალირებდა და ეს ფაქტორი, სავალუტო შემოდინებებს მიღმა, გამყარების მიმართულებით დამატებით ზეწოლას ქმნიდა, მაისში უკვე საპირისპირო ტენდენცია იკვეთება. ჯერჯერობით, სესხების კუთხით ანალოგიური ინფორმაცია არაა გამოქვეყნებული, თუმცა, თიბისი კაპიტალის მთავარი ეკონომისტის აზრით, აქაც უკვე სესხების ლარიზაციის მატებას ექნებოდა ადგილი. უნდა აღინიშნოს, რომ ისტორიულად, ეს ფაქტორი, რასაც ე.წ. შოკის გამაძლიერებელი შეიძლება ეწოდოს, ლარის კურსზე მნიშვნელოვან ზეგავლენას ახდენდა.რა შეიძლება ითქვას პროგნოზების კუთხით? ჩვენი აზრით, ახლა კურსის დამატებით გამყარების მოლოდინების სავარაუდოდ უფრო ნეიტრალური განწყობებით ჩანაცვლებას უფრო აქვს ადგილი, ვიდრე მნიშვნელოვანი გაუფასურების მოლოდინების ფორმირებას. ამასთან, ვინარჩუნებთ შეფასებას, რომ საშუალო კურსის გრძელვადიანი ტენდენციიდან და ინფლაციის პროგნოზიდან გამომდინარე, ლარის მცირე, თუმცა როგორც ჩანს მაინც გაუფასურების მიმართულებით შესწორება საბაზო სცენარია. ასევე ვინარჩუნებთ შეფასებას, რომ თუ სავალუტო ბაზრის მონაწილეთა დიდი უმრავლესობა ლარის სეზონურ მერყეობას მოელის, მაშინ ლარის კურსის სეზონურობას ადგილი აღარ ექნება.

ელექტროგენერაცია (გაზის იმპორტიც) თბოსადგურების ხარჯზე შემცირდა

აქედან თბოელექტროსადგურების გამომუშავებამ 208.3 გვტ.სთ შეადგინა, რაც 58.3%-ით ნაკლებია წინა წლის მარტის მაჩვენებლებზე (2022 მარტი: 208.3 გვტ/სთ).თბოელექტროსადგურებისგან განსხვავებით გაზრდილია ჰიდროელექტროსადგურების გამომუშავება. მარტში ჰიდროგენერაცია 41%-ით 804.3 გვტ/სთ-მდე გაიზარდა (2022 მარტი: 570.8 გვტ/სთ).გორის ქარის ელექტროსადგურის გამომუშავებამ მარტში 6.9 გვტ/სთ შეადგინა,რაც  2.8%-ით ნაკლებია გასული წლის მარტის მაჩვენებელზე (7.1 გვტ/სთ).რაც შეეხება ბუნებრივ გაზს, სემეკის ინფორმაციით, მარტში საქართველოში გაზის წარმოებამ 1.4 მლნ.მ3 შეადგინა, რაც 16.7%-ით მეტია წინა წლის იმავე პერიოდზე (2022 მარტი 1.2 მლნ.მ3).საანგარიშო პერიოდში გაზის იმპორტი შემცირდა  35.7%-ით. თუ შარშან მარტში იმპორტირებული გაზის რაოდენობა 424.1 მლნ.მ3-ს შეადგენდა, წელს მარტში 272.5 მლნ.მ3 გაზი იმპორტირდა.

ივლისიდან ენერგეტიკული ბირჟა ამოქმედდება - ფასს ესკოს ფონდი დააზღვევს

კერძოდ, განცხადებაში ნათქვამია, რომ ბაზრის მონაწილეებს ვაჭრობასთან დაკავშირებული პროცესების განსახორციელებლად დამატებითი დრო ექნებათ. ასევე „ენგურჰესისა“ და „ვარდნილჰესების კასკადი" მზად უნდა იყვნენ საპროექტო დადგმული სიმძლავრის სულ მცირე 70-80%-ის გამომუშავებისთვის, რაც წყლის დონის გათვალისწინებით, სწორედ ზაფხულის პერიოდისთვის არის ხოლმე შესაძლებელი.სემეკის თავმჯდომარე დავით ნარმანია BMGTV-ის ეთერში ამბობს, რომ თუ იმპორტირებულ ელექტროენერგიაზე ფასი მნიშვნელოვნად გაიზრდება, ბირჟაზე მისი გავლენის პრევენციას ესკოში შექმნილი ფონდი უზრუნველყოფს.“ბირჟის ნაწილში სხვადასხვა ქვეყნის გამოცდილებას ვსწავლობთ. ამ ქვეყნებში ბაზრის ამუშავების პირველ ეტაპზე ფასის მყისიერი ცვალებადობა მოხდა, რის გამოც იქაურმა მარეგულირებლებმა გარკვეული ბერკეტები გამოიყენეს. ჩვენთანაც გვაქვს ასეთი მექანიზმი, ანუ თუ იმპორტირებული ელექტროენერგიის ფასი ძალიან მაღალი იქნება, ის ბირჟაზე ფასის განმსაზღვრელი ვერ იქნება. ანუ მას ფასჩამკეტი ფუნქცია არ ექნება. მარტივად რომ ვთქვათ, სამი სხვადასხვა ადამიანი კარტოფილს რომ ყიდდეს და უფრო ძვირიანი კარტოფილის ფასმა სხვების რომ არ გაზარდოს, ამ კარტოფილს ბაზარზე რაოდენობრივად მივიღებთ, თუმცა ფასის ფორმირებაში მონაწილეობას არ მივაღებინებთ. ის ბაზარზე დარჩება, თუმცა ფასის განმსაზღვრელი არ იქნება. ფასთაშორისი სხვაობა ამ იმპორტიორს დაეფარება სპეციალური ფონდიდან, რაც ესკოში შეიქმნება. ეს მექანიზმი ახალი არ არის და ამას როგორც გითხარით სხვადასხვა ქვეყანა იყენებს”, - ამბობს ნარმანია.წყარო: ენერგოპლატფორმა

ფქვილის იმპორტი დაიბეგრება – გაძვირდება თუ არა პური?

მინისტრმა ქვეყანაში ხორბლის თვითუზრუნველყოფის მაჩვენებლის გაზრდის მნიშვნელობას გაუსვა ხაზი და აღნიშნა, რომ ბოლო ორი წლის განმავლობაში ადგილობრივი ხორბლის წარმოება 60%-ით არის გაზრდილი და არსებობს მოლოდინი, რომ ეს დინამიკა მომავალშიც შენარჩუნდება.„ბოლო ორი კვირის განმავლობაში, ინტენსიური შეხვედრები გვქონდა დარგში ჩართულ ყველა წარმომადგენელთან და შევჯერდით ისეთ პირობებზე, რომელიც, ერთის მხრივ, უზრუნველყოფს, რომ ქვეყანაში შენარჩუნებული იყოს პურის ფასი, მეორეს მხრივ, წისქვილკომბინატებმა კონკურენტულ პირობებში შეძლონ მუშაობა და, რაც მთავარია, ფერმერებმა მოსავალი შეუფერხებლად დააბინაონ. შესაბამისად, მომავალ კვირას, საქართველოს მთავრობას დადგენილების პროექტი წარედგინება, რომლის მიხედვითაც, ფქვილის იმპორტზე დამატებითი საფასური 5 თვის ვადით დაწესდება. ჩვენ მუდმივად დავაკვირდებით ბაზარზე არსებულ სიტუაციას და შესაბამის ნაბიჯებს გადავდგამთ. კიდევ ერთხელ აღვნიშნავ, რომ ჩვენი მთავარი ამოცანაა პურზე ფასი იყოს შენარჩუნებული და, ამავდროულად, შეუფერხებლად განხორციელდეს ახალი მოსავლის რეალიზაცია“, - განაცხადა ოთარ შამუგიამ.ბიზნესსექტორის წარმომადგენლებმა თქვეს, რომ მიღებული გადაწყვეტილება შეჯერებული პოზიციაა და არსებულ ვითარებას ისე დაარეგულირებს, რომ პურის ფასი არ გაიზრდება.პურის მრეწველთა კავშირის თავმჯდომარის მალხაზ დოლიძის განცხადებით, შეჯერებული გადაწყვეტილების შედეგად, პურზე არსებული ფასი არ მოიმატებს.როგორც მარცვლეულის მწარმოებელთა ასოციაციის თავმჯდომარემ ნიკოლოზ ბენიაიძემ აღნიშნა, მიღებული გადაწყვეტილება ადგილობრივი ხორბლის შესყიდვას შეუწყობს ხელს და ფერმერები შეძლებენ, როგორც ძველი, ისე ახალი მოსავლის რეალიზებას.ხორბლის მწარმოებელთა ასოციაციის წარმომადგენლის ვლადიმერ ბიძინაშვილის განცხადებით, წისქვილკომბინატების ნაწილი დღესაც მუშაობს, ხოლო მთავრობის გადაწყვეტილების შედეგად, გაჩერებული საწარმოებიც გააქტიურდებიან, რაც უზრუნველყოფს ადგილობრივი ხორბლის შეუფერხებელ დაბინავებას.