ხუციშვილის მოადგილე თანამდებობიდან გაუშვეს

საგზაო ინფრასტრუქტურის გაუმჯობესებაზე მიიმართება ₾1,2 მლრდ-მდე, მათ შორის, ჩქაროსნული მაგისტრალების მშენებლობას მოხმარდება ₾681მლნ მუნიციპალური ინფრასტრუქტურის გაუმჯობესებისთვის გათვალისწინებულია ₾2,6 მლრდ-ზე მეტი წყალმომარაგებისა და წყალარინების სექტორის გაუმჯობესებაზე მიიმართება ₾570 მლნ-ზე მეტი საგანმანათლებლო ინფრასტრუქტურაზე მიიმართება ₾820 მლნ-ზე მეტი ტურისტული ინფრასტრუქტურის გაუმჯობესებაზე გათვალისწინებულია ₾150 მლნ სპორტული ინფრასტრუქტურის მშენებლობა-რეაბილიტაციაზე გამოყოფილია ₾200 მლნ  ხუციშვილმა აღნიშნა, მცირე და საშუალო ბიზნესის ხელშეწყობის მიზნით, 2026 წელს გათვალისწინებულია ₾270 მლნ-ზე მეტი, სოფლის მეურნეობის პროგრამების დაფინანსებისთვის გათვალისწინებულია ₾660 მლნ-ზე მეტი, გარემოს დაცვის პროგრამების დაფინანსებისთვის გამოყოფილია ₾210 მლნ-ზე მეტი.ლაშა ხუციშვილმა პარლამენტში 2026 წლის ბიუჯეტის პროექტის განხილვისას ისიც განაცხადა, რომ როგორც წინა წლებში, 2026 წლის ბიუჯეტიც ამ ეტაპზე დაგეგმილია კონსერვატიული მიდგომით და გათვალისწინებულია შემდეგი მაკროეკონომიკური პარამეტრები: რეალური ეკონომიკური ზრდა დაგეგმილია 5%-ის ოდენობით, ხოლო საშუალოვადიან პერიოდში რეალური ეკონომიკური ზრდის პროგნოზი 5,3%-ს შეადგენს მშპ-ის დეფლატორის პროგნოზი 4%-ს შეადგენს, ხოლო მომდევნო წლებში აღნიშნული მაჩვენებელი 3%-ია საშუალო ინფლაციის პროგნოზი მიმდინარე წელს 3,6%-ს შეადგენს, ხოლო საშუალოვადიან პერიოდში მიზნობრივი მაჩვენებლის - 3%-ის ფარგლებშია ნომინალური მშპ-ის პროგნოზი განსაზღვრულია ₾110,5 მლრდ-ის ოდენობით, ხოლო ერთ სულ მოსახლეზე გადაანგარიშებული მთლიანი შიდა პროდუქტი 10 900 დოლარს აჭარბებს 2029 წლისთვის პროგნოზირებულია ნომინალური მთლიანი შიდა პროდუქტის ზრდა ₾140,9 მლრდ-მდე, რაც ერთ სულ მოსახლეზე გადაანგარიშებით 13 900 დოლარს გადააჭარბებს ნაერთი ბიუჯეტის საგადასახადო შემოსავლები განისაზღვრება ₾26,8 მლრდ-ის ოდენობით, რაც მშპ-ის 24,2%-ია ბიუჯეტის დეფიციტი შეადგენს მშპ-ის 2,5%-ს, ხოლო მთავრობის ვალის მაჩვენებელი მშპ-ის 35%-ის ფარგლებშია 2026 წლის განახლებული პროგნოზით ნაერთი ბიუჯეტის საგადასახადო შემოსავლები ნომინალურ გამოხატულებაში 26 800,0 მლნ ლარს შეადგენს, რაც 2025 წლის გეგმასთან შედარებით 1 495,0 მლნ ლარით მეტია. ნაერთი ბიუჯეტის პრივატიზაციის საპროგნოზო მაჩვენებელი შეადგენს ₾350 მლნ-ს.„ნაერთი ბიუჯეტის ნაწილში, ასევე, მნიშვნელოვანი პარამეტრია საბიუჯეტო დეფიციტის და ვალის მაჩვენებლები. 2026 წელს, როგორც სახელმწიფოს ერთიანი ბიუჯეტის, ასევე საერთაშორისო სავალუტო ფონდის პროგრამით გაანგარიშებული ნაერთი ბიუჯეტის  დეფიციტის მაჩვენებელი, პროგნოზირებული მთლიანი შიდა პროდუქტის 2.5%-ს შეადგენს. რაც შეეხება მთავრობის ვალს, ჩვენ განვაგრძობთ მის ეტაპობრივ შემცირებას და 2026 წლის ბოლოსთვის, მისი მოცულობა პროგნოზირებულია მთლიანი შიდა პროდუქტის 34.9%-ის ოდენობით", - განაცხადა ფინანსთა მინისტრმა, ლაშა ხუციშვილმა.

1762943935

ღონისძიებაზე გალტ & თაგარტის კაპიტალის ბაზრების მიმართულების უფროსმა, ვანო კიკვილაშვილმა კაპიტალის ბაზრის მეშვეობით განახლებადი ენერგიის პროექტების დაფინანსებაზე იმსჯელა. მან პრეზენტაციაში ყურადღება გაამახვილა იმ კრიტერიუმებზე, რომელთა დაკმაყოფილება მწვანე დაფინანსების მოსაპოვებლად არის საჭირო. ასევე, სპიკერმა განიხილა განახლებადი ენერგიის პროექტების დაფინანსების ალტერნატიული გზები.ფორუმზე გაიმართა დისკუსია ენერგეტიკული პროექტების მწვანე ტრანზიციის დაფინანსებაზე, რომლის მოდერატორი გალტ & თაგარტის ენერგეტიკის სექტორის უფროსი, მარიამ ჩახვაშვილი იყო.მონაწილეებმა ენერგეტიკული პროექტების დაფინანსების ინსტრუმენტები, მათ განხორციელებასთან დაკავშირებული პროცესები და რისკები, ამასთანავე, ზოგადად, საქართველოს ენერგეტიკული და ფინანური ბაზრების პოტენციალი განიხილეს.დისკუსიის დროს ხაზი გაესვა გარემოსდაცვითი, სოციალური და ტექნიკური ასპექტების სწორად მართვის აუცილებლობას და გამოჩნდა საფინანსო ინსტიტუტების მხრიდან სექტორის მიმართ მაღალი ინტერესი. დისკუსია ფინანსურ და ენერგეტიკის სექტორებში მომუშავე საერთაშორისო და ადგილობრივი ლიდერი კომპანიების წარმომადგენლებს შორის გაიმართა.ფორუმში მონაწილეობდნენ განახლებადი ენერგიის დეველოპერები, ენერგეტიკის სექტორის წარმომადგენლები, ელექტროენერგიის მსხვილი მომხმარებლები, ფინანსური ორგანიზაციები როგორც საქართველოდან, ასევე მთელი მსოფლიოდან და სხვა. ფორუმის პარალელურად გაიმართა გამოფენა, სადაც საერთაშორისო ბრენდებმა დამსწრეებს სექტორის უახლესი მიღწევები და ინოვაციები წარუდგინეს.

1762942531

2025 წლისთვის ხარჯის მაჩვენებელი ₾8.5 მლრდ-ს აჭარბებს. გაზრდილი დაფინანსების პირობებში, შესაძლებელი გახდა პენსიებისა და სხვა სოციალური გასაცემლების ზრდა, კერძოდ: 70 წლამდე პენსიონერთა პენსიის მატებამ 110 ლარი, ხოლო მაღალმთიან დასახლებებში 132 ლარი შეადგინა 70 და მაღალი ასაკის პირთა პენსიის მატებამ 175 ლარი, ხოლო მაღალმთიან დასახლებებში 210 ლარი შეადგინა დაფინანსდა 85 ათასზე მეტით გაზრდილი ბენეფიციართა რაოდენობა 40%-ზე მეტად გაიზარდა ყოფილი ჯარისკაცებისა და პოლიციელების კომპენსაციები, ხოლო კომპენსაციის ზედა ზღვარი 560 ლარიდან გაიზარდა 1035 ლარამდე პენსიების ზრდის შესაბამისად, გაიზარდა სხვადასხვა კატეგორიის შეზღუდული შესაძლებლობის მქონე პირთა სოციალური გასაცემლები დახმარების მიმღებ 16 წლამდე ბავშვთა სოციალური სარეიტინგო ქულა 100 ათასიდან გაიზარდა 120 ათასამდე, ხოლო უშუალოდ ბავშვის ყოველთვიური დახმარების მოცულობა გაოთხმაგდა და თვეში 200 ლარს შეადგენს ჯანდაცვის პროგრამების დაფინანსება გაზრდილია ₾600 მლნ-ზე მეტით ხუციშვილის თქმით, თავდაცვისა და უსაფრთხოების მიმართულებით დაფინანსება გაიზარდა 1.8 მილიარდ ლარამდე (ჯამურად გაზრდილი ბიუჯეტის 20%) და ჯამში, 2024 წლისთვის ₾4.2 მლრდ-ს აღწევს. გაზრდილი დაფინანსებით შესაძლებელი გახდა ჯარისკაცებისა და პოლიციელების ხელფასების ზრდა, რომელმაც ბოლო 4-წლიან პერიოდში 60%-ს მიაღწია.როგორც ფინანსთა მინისტრმა განაცხადა, გარდა ჯარისკაცებისა და პოლიციელებისა, 2021 წელს განხორციელებული საკანონმდებლო ცვლილებების საფუძველზე, მთლიანად საჯარო სექტორში დასაქმებულთათვის დაიწყო ხელფასების მოწესრიგება. ბოლო 4-წლიან პერიოდში საჯარო სექტორში დასაქმებულთა ხელფასი 46%-ზე მეტით გაიზარდა.ლაშა ხუციშვილმა ისაუბრა განათლებისა და მეცნიერების მიმართულებით (საბავშვო ბაღების დაფინანსების ჩათვლით) გაზრდილ დაფინანსებაზე და აღნიშნა, რომ დაფინანსება გაზრდილია ₾2 მლრდ-ზე მეტით (ჯამურად გაზრდილი ბიუჯეტის 22%) და 2025 წელს ამ სფეროს დაფინანსება ₾4 მლრდ-ს აჭარბებს. გაზრდილი დაფინანსების ფარგლებში შესაძლებელი გახდა საჯარო სკოლების მასწავლებელთა საშუალო ხელფასის ზრდა 700-800 ლარის ფარგლებში, ხოლო საბავშვო ბაღების პერსონალის საშუალო ხელფასის 400-500 ლარით ზრდა.მისი განცხადებით, გარდა ზემოაღნიშნულისა, მნიშვნელოვნად არის გაზრდილი ინფრასტრუქტურული პროექტების დაფინანსება. 2025 წელს კაპიტალური ხარჯებისთვის გამოყოფილი თანხა 8 მილიარდ ლარს აჭარბებს, რაც 2021 წელთან შედარებით გაზრდილია 66%-ზე მეტით (₾3,2 მლნ-ზე მეტით).ამასთან, ხუციშვილის განცხადებით, მომავალი წლის ბიუჯეტის პროექტით, ჯანდაცვისა და სოციალური დაცვის პროგრამების დასაფინანსებლად სამინისტროს დაფინანსება გაზრდილია ₾800 მლნ-ზე მეტით, რომლის ფარგლებში: 70 წლის და მეტი ასაკის პენსიონერთა პენსია იზრდება 45 ლარით და განისაზღვრება 495 ლარის ოდენობით. ამავე კატეგორიის პენსიონერთა პენსია მაღალმთიან დასახლებებში თითქმის 594 ლარს გაუტოლდება 70 წლამდე პირთა პენსია იზრდება 20 ლარით და განისაზღვრება 370 ლარის ოდენობით, ხოლო მაღალმთიან დასახლებებში 444 ლარი იქნება გარდა პენსიისა, რომელიც, როგორც იცით ინდექსირებულია და კონკრეტული ფორმულით ხდება მისი ზრდა, ბიუჯეტში გათვალისწინებულია მკვეთრად გამოხატული და 18 წლამდე შშმ პირების სოციალური გასაცემლის ზრდა 45 ლარით, ხოლო დანარჩენი კატეგორიის შშმ პირთა გასაცემლის ზრდა 20 ლარით ჯამში სოციალური პროგრამების დაფინანსება შეადგენს ₾7 მლრდ-ს ჯანდაცვის პროგრამების დასაფინანსებლად გამოყოფილია ₾2,1 მლრდ-ზე მეტი, მათ შორის, გათვალისწინებულია პირველადი ჯანდაცვის პერსონალის ხელფასების 10%-იანი ზრდა დევნილთა სახლებით უზრუნველყოფის მიზნით გათვალისწინებულია ₾240 მლნ.

1762941553

"მუდმივ კავშირში და კოორდინაციაში ვიმყოფები თურქეთის შინაგან საქმეთა მინისტრთან.ჩვენ შევქმენით საერთაშორისო საგამოძიებო ჯგუფი, სადაც ჩართული არიან ჩვენი თურქი კოლეგები, რომლებიც მთელი ღამის განმავლობაში იმყოფებოდნენ შემთხვევის ადგილას და იღებდნენ მონაწილეობას საგამოძიებო მოქმედებებში. მოგეხსენებათ, ეს არის სამხედრო თვითმფრინავი და მე დეტალებზე თურქეთის მხარესთან ერთად, შეთანხმებით ეტაპობრივად მოგაწვდით ინფორმაციას", - ამის შესახებ გეკა გელაძემ ჟურნალისტებს დღეს განუცხადა.11 ნოემბერს, სიღნაღის მუნიციპალიტეტში, საქართველოს სახელმწიფო საზღვრიდან დაახლოებით 5 კილომეტრში, თურქულმა სამხედრო თვითმფრინავმა ავიაკატასტროფა განიცადა. შსს-მ გამოძიება დაიწყო მუხლით, რაც საჰაერო ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.დღეს, თურქეთის თავდაცვის სამინისტრომ საქართველოში სამხედრო სატვირთო თვითმფრინავის ჩამოვარდნისას დაღუპული 20 სამხედროს ვინაობა სოციალურ ქსელში გაასაჯაროვა. დაღუპულთა შორის არიან: პილოტი გოხან კორკმაზი, თვითმფრინავის ტექნიკური სამსახურის უფროსი ლეიტენანტი ემრე მერკანი, თვითმფრინავის ტექნიკური სერჟანტი ნური ოზკანი, თვითმფრინავის ტექნიკური უფროსი სერჟანტი ილჰან ონგანი, საჰაერო შტაბის უფროსი ილკერ აიკუტი და საჰაერო ძალების ოფიცრები: სერდარ უსლუ, ნიჰატ ილგენი, ჯუნეით კანდემირი, უმიტ ინცე, ბურაკ ოზკანი, ემრა კურანი, ჰამდი არმაგან კაპლანი, აკინ კარაკუსი, რამაზან იაგიზი, ემრე ალთიოკი, ბურაკ იბიგი, ბერკაი კარაჩა, აჰმედ იაშარ კუიუჩუ, ჯემ დოლაპჩი და ემრე საინი.

1762941196

ტრანზაქციის მენეჯერები არიან ისეთი საერთაშორისო საინვესტიციო ბანკები როგორიცაა: Citigroup; J.P. Morgan. BCP Securities, Oppenheimer Europe, Société Générale და „გალტ & თაგარტი“ .რაც შეეხება იურიდიულ მრჩევლებს, ტრანზაქციაში ინგლისისა და ამერიკის ფედერალური კანონმდებლობის შესაბამისობის კუთხით ჩართული იყვნენ: Sidley Austin LLP და Baker & McKenzie LLP. ქართული კანონმდებლობის შესაბამისობის კუთხით კი Dentons Georgia LLC და Andersen.ევრობონდები ირლანდიის საფონდო ბირჟაზე განთავსდება და Moody's Investors Service Ltd-ისგან Ba2 რეიტინგს მიიღებს.„მოხარული ვარ, რომ საქართველოს ბანკის ისტორიაში კიდევ ერთი მნიშვნელოვანი ტრანზაქცია წარმატებით დასრულდა. 2025 წლის მანძილზე, ეს არის კავკასიაში, თურქეთსა და ცენტრალურ აზიაში, კერძო სექტორიდან ადგილობრივი ვალუტის ევრობონდის ყველაზე მასშტაბური საერთაშორისო განთავსება. ვფიქრობ, ტრანზაქცია იძლევა დამაჯერებელ ილუსტრაციას იმისას, თუ რამდენად ძლიერია ბანკის ჯგუფის ფინანსური მდგომარეობა და რამდენად მაღალია ინტერესი და ნდობა ინვესტორების მხრიდან“, - განაცხადა არჩილ გაჩეჩილაძემ, საქართველოს ბანკის გენერალურმა დირექტორმა.

1762937197

ფიზიკური პირი მ.გ (მისამართი: დედოფლისწყარო, ცენტრალური პარკის მიმდებარე ტერიტორია) ყველს, რეალიზაციის მიზნით, ეკონომიკურ საქმიანობათა რეესტრში რეგისტრაციისა და სააგენტოს აღიარების გარეშე აწარმოებდა.მეწარმე დაჯარიმდა და საწარმოო პროცესი შეუჩერდა, ხოლო ამოღებული სურსათი დაილუქა და სააგენტოს ზედამხედველობით განადგურდა.ამასთან, სახელმწიფო კონტროლის ფარგლებში, ხელმეორედ შეუჩერდა საწარმოო პროცესი სიღნაღის მუნიციპალიტეტის სოფელ ჯუგაანში რძის გადამმუშავებელ არარეგისტრირებულ საწარმოს.ფიზიკური პირი თ.ბ. სააგენტოს მიერ წარმოების პროცესის შეჩერების მიუხედავად, თვითნებურად აგრძელებდა საქმიანობას (ყველის წარმოება), რისთვისაც მეწარმე, დარღვევის განმეორების გამო, 5000 ლარით დაჯარიმდა.2025 წელს სურსათის ეროვნულმა სააგენტომ მაქსიმალურად გაააქტიურა რძისა და რძის გადამამუშავებელი წარმოებების კონტროლი. მთელი ქვეყნის მასშტაბით განხორციელებული მოკვლევის შედეგად, სააგენტოს ინსპექტორებმა რძის 45 არარეგისტრირებული წარმოება გამოავლინეს. აქედან 20-მდე მეწარმემ სააგენტოს მიმართა და კანონმდებლობის მოთხოვნების შესაბამისად დაიწყო საქმიანობა. 

1762934408

მოთხოვნა 2025 წლის სექტემბერში, საჯარო რეესტრის მონაცემებით, გაყიდული ბინების რაოდენობამ 4,011 შეადგინა, აქედან: მეორად ბაზარზე გაყიდვები წლიურად 12.9%-ით გაიზარდა (9 თვეში +0.5% წ/წ). პირველად ბაზარზე გაყიდვები, რაზეც გავლენას დაგვიანებული რეგისტრაციები ახდენს, წლიურად 12.6%-ით გაიზარდა (9 თვეში +4.9% წ/წ). გალტ&თაგარტის მიერ ჩატარებული დეველოპერების გამოკითხვის მიხედვით (რომელიც პირველადი ბაზრის ტენდენციებს რეალურ დროში ასახავს), 2025 წლის სექტემბერში გაყიდვები წლიურად 81.8%-ით გაიზარდა, რაც რამდენიმე მასშტაბურ პროექტში წინასწარი გაყიდვების დაწყებით იყო განპირობებული.  ჯამურად, 2025 წლის 9 თვეში გაყიდვები წლიურად 16.4% ით გაიზარდა, გალტ & თაგარტის სისტემური დეველოპერების გამოკითხვაზე დაყრდნობით.2025 წლის 9 თვეში თბილისში სულ 29,972 ტრანზაქცია დარეგისტრირდა და გაყიდული ბინების ჯამურმა ღირებულებამ $2.5 მლრდ შეადგინა (+12.4% წ/წ).მიწოდება 2025 წლის სექტემბერში ნებართვა გაიცა 17 საცხოვრებელ პროექტზე, რომელთა ჯამური საცხოვრებელი ფართი 194,189 კვ.მ.-ს შეადგენდა (+48.5% წ/წ). ჯამურად, 2025 წლის 9 თვეში გაცემული ნებართვების მოცულობა წლიურად 8.1%-ით გაიზარდა, რაც მიუთითებს, რომ გაზრდილი მიწოდება კვლავ საყურადღებოა.ფასები 2025 წლის სექტემბერში, უძრავი ქონების ფასებმა ზრდა განაგრძო და თვიურად 0.3% და 1.1%-ით გაიზარდა პირველად და მეორად ბაზრებზე, შესაბამისად.ქირა 2025 წლის სექტემბერში, თბილისში საშუალო ზომის ბინის (50-60 კვ.მ.) ქირის ფასი თვიურად 1.1%-ით გაიზარდა და კვადრატულზე 9.7 აშშ დოლარი შეადგინა, ქირის ამონაგები კი 8.6%-ზე შენარჩუნდა.

1762932816

სასტიპენდიო პროგრამაზე განაცხადების მიღება 30 ნოემბრამდე გაგრძელდება. დეტალური ინფორმაციის მისაღებად ეწვიეთ ვებგვერდს: stipendia.bog.geრა უნდა იცოდე, საქართველოს ბანკის სასტიპენდიო პროგრამის შესახებ? აღსანიშნავია, რომ საქართველოს ბანკის სტიპენდია ერთწლიანია, თუმცა, შესაძლებლობას აძლევს ახალგაზრდებს განაცხადი ყოველწლიურად შეავსონ და კვლავ მოიპოვონ დაფინანსება; სასტიპენდიო პროგრამაში მონაწილეობა ბაკალავრიატის ნებისმიერ საფეხურზე მყოფ სტუდენტს შეუძლია; მათ შორის მათაც, ვისაც მიღებული აქვს სახელმწიფო გრანტი, თუმცა, კერძო უნივერსიტეტში სწავლის გასაგრძელებლად დამატებითი ფინანსები სჭირდება; საქართველოს ბანკის სტიპენდიების პროექტის ფარგლებში, სტიპენდიატების შერჩევა მათი აკადემიური მოსწრების (GPA) და სამოტივაციო წერილის მიხედვით ხდება; საქართველოს ბანკის სტიპენდიების პროექტში 21 ადგილობრივი უნივერსიტეტია ჩართული, რომელთა ნახვა ვებგვერდზე არის შესაძლებელი. ინიციატივის ფარგლებში უკვე გამოვლინდა საქართველოს ბანკის 350-ზე მეტი სტიპენდიატი. შეავსე განაცხადი და გახდი შემდეგი შენ.გამოგზავნე განაცხადი შენც და განათლების გზაზე არ გაჩერდე.ინფორმაციისთვის, ეს საქართველოს ბანკის მიერ, კორპორაციული სოციალური პასუხისმგებლობის (CSR) ფარგლებში განხორციელებული ინიციატივების მხოლოდ ნაწილია. ფინანსური ინსტიტუტი 40-ზე მეტ საგანმანათლებლო პროექტის ახორციელებს და უჭერს მხარს, რომელთა მეშვეობით 500 000-ზე მეტი მოსწავლისთვის, სტუდენტისა და ახალგაზრდა პროფესიონალისთვის ქმნის განათლების, საკუთარი პოტენციალის გამოვლენისა და განვითარების შესაძლებლობას. საქართველოს ბანკის CSR მიმართულების პორტფელი მოიცავს ისეთ საგანმანათლებლო პროექტებს, როგორებიც არის: საქართველოს ბანკის სტიპენდიები; გიორგი ჩახავას სახელობის სტიპენდია; დიდ ბრიტანეთში, აშშ-სა და გერმანიაში სწავლის სრული დაფინანსება; იდეათეკები – საქართველოს ბანკის ბიბლიოთეკების პროექტი; საქართველოს ბანკისა და კომაროვის ერთობლივი პროექტი - STEM სკოლა; საქართველოს ბანკის ოლიმპიადები მოსწავლეებისთვის: STEM ოლიმპიადა, ეკონომიკის ოლიმპიადა, ევერესტი. ამასთან, საჯარო მეტყველების კონკურსი, და სხვა.საქართველოს ბანკის მიერ განხორციელებული საგანმანათლებლო პროექტების შესახებ დეტალური ინფორმაციის მისაღებად ეწვიეთ ვებგვერდს csr.bog.ge

1762929777