ვეტერინარული სასაზღვრო-საკარანტინო კონტროლის პროცედურების განხორციელებისას, შესაბამისი სპეციალისტების მიერ, აღნიშნული ტვირთის შემოწმების შედეგად, გამოვლინდა არადამაკმაყოფილებელი, ჯანმრთელობისთვის საშიში მახასიათებლების არსებობა, ასევე ტრანსპორტირების პირობების უხეში დარღვევა.ამასთან, აღსანიშნავია, რომ ერთ-ერთ პროდუქციაზე დატანილი მარკირება/ნიშანდება შეუსაბამო იყო თანმხლები დოკუმენტების მონაცემებთან.კანონმდებლობის შესაბამისად, ტვირთი ექსპორტიორ ქვეყანაში გაბრუნებას დაექვემდებარა.

1760103645

როგორც გახსოვთ, 3-6-თვიანი შეღავათები 07/2023 -დან შეზღუდულია. სესხის გამცემი ყველა სუბიექტი, მ.შ. მისო, სებ--მა აიძულა, პროდუქტის დადიზაინებისას სასესხო ტვირთი აწონოს ისე, რომ საშეღავათო პერიოდის გასვლის შემდეგ უფრო არ დამძიმდეს.მისო „ევრო კრედიტი“ წინასაახალწლოდ, ავტომობილის შესაძენად, სალომბარდე სესხს დამტკიცების საკომისიოს (რომელიც სტანდარტულად 4%-მდეა) და გირავნობის საფასურის (₾160) გარეშე  გასცემს, წლიურ  26%-დან 42%-მდე განაკვეთით (ეფექტური 50%-მდე).მსესხებელი ალომბარდებს შესაძენ, 2003 წლიდან გამოშვებულ, ტექდათვალიერებულ ავტომობილს, რომელიც მსესხებლის საკუთრებაში რჩება და  ღირებულების 80%-ზე მიუწვდება ხელი.მისოს 86 მლნ ლარის პორტფელში ძირითადად სალომბარდე სესხებია. მისოს აქტივები მოიცავს 80 000 ლარამდე დასაკუთრებულ ქონებას.მისოს ინფორმაციით,  გაიცემა ბიზნესესხებიც, წლიურ 24-36% განაკვეთით (ეფექტური 50%-მდე).„ევრო კრედიტში“ სესხები  6 წლამდე ვადით, 200 000 ლარამდე მოცულობით გაიცემა.

1760103454

ახალი თიბისი ბარათის მფლობელი სტუდენტები (18-23 წელი) 20%-იანი ქეშბექ შეთავაზებით სარგებლობენ შერჩეული უნივერსიტეტების კაფეტერიებშიც: საქართველოს უნივერსიტეტი ქუთაისის საერთაშორისო უნივერსიტეტის | KIU შერჩეულ ობიექტში: პიკნიკი ევროპის უნივერსიტეტი კავკასიის უნივერსიტეტი | CU კავკასიის საერთაშორისო უნივერსიტეტი საქართველოს საზოგადოებრივ საქმეთა ინსტიტუტის | GIPA შერჩეულ ობიექტში: გურმე თავისუფალი და აგრარული უნივერსიტეტების კაფეტერიის შერჩეულ ობიექტებში: Meama, ნუში, მსუნაგი ფისო შავი ზღვის საერთაშორისო უნივერსიტეტში | IBSU შეთავაზება ვრცელდება აგროჰაბში თბილისის სახელმწიფო სამედიცინო უნივერსიტეტში | TSMU შეთავაზება ვრცელდება აგროჰაბში ნიუ ვიჟენ უნივერსიტეტი შეთავაზებით სარგებლობა შესაძლებელია ყოველდღე, დეკემბრის თვის ბოლომდე, თუმცა მხოლოდ თიბისის პოს-ტერმინალზე გადახდისას. ასევე, გაითვალისწინეთ, რომ ერთი მომხმარებელი თვის მანძილზე, ჯამში მაქსიმუმ 20 ლარს დაიბრუნებს.აიღეთ, ახალი თიბისი ბარათი და ისარგებლეთ თქვენზე მორგებული შეთავაზებებით.სტუდენტების შეთავაზების დეტალური პირობები იხილეთ ბმულზე.

1760098514

კაკაურიძის თქმით, ბიუჯეტიდან გამოყოფილი დაფინანსების ფარგლებში დაგეგმილია პოლიციელების და ჯარისკაცების ხელფასების 10%-იანი ზრდა. რაც შეეხება თავდაცვის ინფრასტრუქტურისა და შესაძლებლობების განვითარებას, ამ მიმართულებით ₾445 მლნ-ის გამოყოფა იგეგმება.ფინანსთა მინისტრის პირველმა მოადგილემ კომიტეტის წევრებს მომავალი წლის სახელმწიფო ბიუჯეტის ძირითადი ფინანსური და მაკროეკონომიკური პარამეტრები გააცნო.2026 წლის ბიუჯეტის რეალური ეკონომიკური ზრდა კონსერვატიული მიდგომით დაიგეგმა და 5%-იანი მაჩვენებლით განისაზღვრა. პროექტის თანახმად, მომავალი წლის ბიუჯეტის დეფიციტი მშპ-ს 2,5%-ია. სახელმწიფო ბიუჯეტის შემოსულობების ჯამური მაჩვენებელი 30 290, ₾8 მლნ-ით განისაზღვრა, რაც მიმდინარე წლის მაჩვენებელთან შედარებით 2 730,0 მილიონი ლარით მეტია. რაც შეეხება ბიუჯეტის ხარჯვით ნაწილს, ამ მიმართულებით მომავალი წლისთვის 30 475, 9 მილიონი ლარის დახარჯვა იგეგმება.კაკაურიძემ სამინისტროებისა და სახელმწიფო უწყებებისთვის განსაზღვრულ ასიგნებებზეც ისაუბრა, რომლებიც შემდეგნაირად გადანაწილდა: თავდაცვის სამინისტრო - 1 800,0 მილიონი ლარი, შინაგან საქმეთა სამინისტრო - 1 473,0 მილიონი ლარი, სახელმწიფო უსაფრთხოების სამსახური - 265 მილიონი ლარი და სახელმწიფო დაცვის სპეციალური სამსახური - 120.5 მილიონი ლარი.ბიუჯეტის პროექტის განხილვისას კომიტეტის წევრების მხრიდან სახელმწიფო უსაფრთხოების სამსახურის მატერიალურ-ტექნიკური ბაზის განახლების მიზნით, დამატებითი დაფინანსების გამოყოფის საკითხი დაისვა. აღინიშნა, რომ როგორც რეგიონში, ასევე მსოფლიოს მასშტაბით უსაფრთხოების მხრივ გამოწვევების მატების ფონზე უწყებაში თანამედროვე ტექნოლოგიების დანერგვა და შესაბამისი ინფრასტრუქტურის მოწყობაა მიზანშეწონილი, რაც წარმოდგენილ ფინანსური დოკუმენტის პროექტში გათვალისწინებული არ არის. კაკაურიძის განცხადებით, ბიუჯეტის საბოლოო ვარიანტის წარდგენამდე კომიტეტსა და შესაბამის სახელმწიფო უწყებებთან კონსულტაციები გაიმართება, რათა დოკუმენტში ყველა ის საჭიროება და მოთხოვნა აისახოს, რაც უსაფრთხოების მიმართულებით არსებობს.

1760096187

9 -დღიანი ფესტივალის ფარგლებში, რომელიც ორიენტირებულია ღვინის ინდუსტრიის პროფესიონალებზე, მომხმარებელზე, მედიისა და კომერციული სფეროს წარმომადგენლებზე, ქართული ღვინის წარდგენის ღონისძიებები გაიმართა. ღვინის ეროვნული სააგენტოს ღონისძიებების მენეჯერმა ირაკლი ჩოლობარგიამ ქართული ღვინის შესახებ პრეზენტაცია და მასტერკლასი ღვინის პროფესიონალების, იმპორტიორების, საცალო ქსელებისა და მედიის წარმომადგენლებისთვის ჩაატარა. გაიმართა Walk-around ფორმატის დეგუსტაციებიც.ფესტივალზე ქართული ღვინის წარდგენას მილანში საქართველოს გენერალური კონსული ნატალია კორძაია დაესწრო. ფესტივალს ტრადიციულად 5 000-ზე მეტი ღვინის ინდუსტრიის პროფესიონალი და მომხმარებელი ესწრება როგორც იტალიიდან, ასევე მსოფლიოს სხვადასხვა ქვეყნიდან.სააგენტოში აღნიშნავენ, რომ მსგავსი ტიპის ღონისძიებებში მონაწილეობა საუკეთესო შესაძლებლობაა ქართული ღვინის ცნობადობის გაზრდისთვის ღვინის პროფესიონალებისა და მომხმარებლების წრეებში. ღვინის ეროვნული სააგენტოს საქმიანობის ერთ-ერთ ძირითად მიმართულებას საერთაშორისო ბაზრებზე ქართული ღვინის პოპულარიზაცია და ცნობადობის ამაღლება წარმოადგენს. სააგენტო ქართული ღვინის პოპულარიზაციის ხელშეწყობის ფარგლებში, 2013 წლიდან, ბაზრების დივერსიფიცირების მიზნით, მიზანმიმართულ სარეკლამო-მარკეტინგულ კამპანიებს ამერიკის, ევროპის და სამხრეთ-აღმოსავლეთ აზიის ბაზრებზე ახორციელებს. ღვინის ეროვნული სააგენტოს ფინანსური და ორგანიზაციული მხარდაჭერით, 2025 წლის 9 თვეში, ქართული ღვინო წარდგენილი იყო მსოფლიოს 20-მდე ქვეყანაში 21 გამოფენა/ფესტივალსა და 200-მდე დეგუსტაცია-სემინარზე.  

1760092634

პაპუაშვილის თქმით, „4 ოქტომბრის სახელმწიფო გადატრიალების მცდელობის შემდეგ მტკიცებულებები კიდევ უფრო გაბევრდა“. „დიდ ისტერიას ვხედავდით „ნაცმოძრაობის“ მფარველების მხრიდან, თუმცა 4-მა ოქტომბერმა მტკიცებულებების ზღვა მოგვცა იმისათვის, რომ საკონსტიტუციო სასამართლოს მივმართოთ და ჩვენ, რა თქმა უნდა, 4 ოქტომბრის შეუმდგარ სახელმწიფო გადატრიალებას ვუყურებდით არა მხოლოდ მართლწესრიგის აღდგენის კუთხით, არამედ ჩვენ და ჩვენი იურისტები ვუყურებდით ამ პროცესის ყველა დეტალს. დაემატა მტკიცებულებები, რომ „ნაციონალური მოძრაობა“ ექსტრემისტული ძალაა, რომელიც ანტიკონსტიტუციური ქმედებებით ძირს უთხრის ქართულ დემოკრატიას და ქართულ სახელმწიფოს. უცხოელების დუმილი, მიხვდნენ, რომ დამატებითი მტკიცებულებები შექმნეს „ნაციონალური მოძრაობის“ წინააღმდეგ და მიხვდნენ, რომ თავადაც გაიშარნენ ამ ყველაფერში, როგორც თანამონაწილეები სახელმწიფო გადატრიალებისა, ამიტომაც დუმან, რომ რაღაცნაირად „ნაციონალურ მოძრაობას“ ხელი დააფარონ. 4 ოქტომბრის სახელმწიფო გადატრიალების მცდელობის შემდეგ მტკიცებულებები კიდევ უფრო გაბევრდა“, - განაცხადა შალვა პაპუაშვილმა.შალვა პაპუაშვილის თქმით, ახლა ოპოზიცია იმაზე უნდა დაფიქრდეს, რაიმე სისხლის სამართლის დანაშაული ხომ არ აქვთ ჩადენილი.„სარჩელს რაც შეეხება, უახლოეს მომავალში ამ სარჩელით მივმართავთ საკონსტიტუციო სასამართლოს. ვფიქრობ, რომ მყარი არგუმენტები გვაქვს, რომ „ნაციონალური მოძრაობა“ და მისი ბრენდის ქვეშ მოქმედი ჯგუფების არაკონსტიტუციურად ცნობა მოვითხოვოთ.ახლა კი, მე მგონია, რომ ოპოზიცია უნდა ფიქრობდეს იმაზე და იხსენებდნენ 4 ოქტომბრამდე გაკეთებულ განცხადებებს, იხსენებდნენ 4 ოქტომბერს მათ ქმედებებს, კარგად დაფიქრდნენ შემთხვევით რაიმე სისხლის სამართლის დანაშაული ხომ არ აქვთ ჩადენილი“, - განაცხადა შალვა პაპუაშვილმა.ანალოგიური განცხადება, "ქართულმა ოცნებამ" 2024 წელის საპარლამენტო არჩევნებამდეც გააკეთა. მაშინ მათ პირობა დადეს, რომ საკონსტიტუციო უმრავლესობის მოპოვებისთანავე „ნაცმოძრაობა“ და ყველა მისი სატელიტი პარტია არაკონსტიტუციურად გამოცხადდებოდა.მოგვიანებით, 2025 წლის 27 მარტს, მამუკა მდინარაძემ თქვა, რომ პარლამენტში წარდგენილია კანონპროექტი, რომლის მიხედვით „ნაციონალური მოძრაობის“ მემკვიდრეთა და “კოლექტიური ნაცმოძრაობის” საქმიანობის მსგავსი პარტიები უნდა გამოცხადდეს არაკონსტიტუციურად და აუკრძალოთ არჩევნებში მონაწილეობა.

1760087994