"დღეს ჩვენ ვხედავთ შეტაკებებს, რომელშიც ყველა ასაკისა და დემოგრაფიული ჯგუფის წარმომადგენელი - მოვაჭრეებიდან დაწყებული, სტუდენტებით დასრულებული მონაწილეობს. აიათოლების მმართველობის დასრულების, მონარქიის აღდგენისა და თავისუფლების მოთხოვნა კასპიის ზღვიდან სპარსეთის ყურემდე ისმის. მართალია, ეკონომიკა კოლაფსის პირასაა, თუმცა ეს პროცესი მხოლოდ ეკონომიკას არ ეხება - ეს ბრძოლაა თავისუფლებისთვის", - წერს The Telegraph.სტატიის ავტორის თქმით, კარიბის ზღვის აუზში ვითარება კიდევ უფრო მას შემდეგ დამძიმდა, რაც ნიკოლას მადურო აშშ–ის სპეცრაზმმა დააკავა. ათწლეულების განმავლობაში ვენესუელა წარმოადგენდა იმ დასაყრდენს, რომელიც ირანის მსგავს ტერორისტულ სახელმწიფოს ფუნქციონირების საშუალებას აძლევდა.მას შემდეგ, რაც აშშ-ის სანქციებმა ირანში აქტივები გაყინა და ვაჭრობა შეაფერხა, ვინ დაუდგებოდა მათ გვერდში? თავდაპირველად ახლო აღმოსავლეთის ზოგიერთი ქვეყანა მზად იყო გარკვეული სარგებლის სანაცვლოდ დახმარებოდა, თუმცა სირიის დაცემისა და სხვების დისტანცირების შემდეგ, კარაკასი თეირანის უმნიშვნელოვანეს პარტნიორად იქცა. ერთი კვირის წინ ყველაფერი შეიცვალა.ნიკოლას მადუროს გადაყენება შესაძლოა ვენესუელის სუვერენიტეტის დარღვევად აღიქმებოდეს, თუმცა ამ ფაქტმა ირანის ლოგისტიკის პარალიზებული მოახდინა. სად მოიპოვებენ ახლა დიპლომატიურ პასპორტებს რეჟიმის წარმომადგენლები - ისლამური რევოლუციის გუშაგთა კორპუსი (IRGC) და მათი ტერორისტული მარიონეტები „ჰეზბოლადან“? როგორ აუვლიან გვერდს სანქციებს? სად დაამზადებენ ნაწილებს ბალისტიკური რაკეტებისა და დრონებისთვის, რომლებითაც ახლო აღმოსავლეთს უტევენ და რომლებსაც რუსეთს აწვდიან უკრაინელების დასახოცად?ახლა ირანის რეჟიმს მოუწევს ისეთი მანევრირება, რაც ყველაზე განვითარებულ ქვეყნებსაც კი გაუჭირდებოდათ. ირანის რეჟიმს ცოტა მეგობარი დარჩა, მოსკოვი კი — მათი მთავარი პარტნიორი — სხვა საქმეებითაა დაკავებული", - ვკითხულობთ სტატიაში. 2026 წლის დასაწყისი 86 წლის უზენაესი ლიდერისთვის კატასტროფული აღმოჩნდა, თუმცა წელი ახლა იწყება და მიმართულება უკვე ნათელია. მოვლენების სავარაუდო განვითარება აჩვენებს, თუ რატომ არის ეს რეჟიმი განწირული. ასაკის მიუხედავად, აიათოლა ალი ხამენეი დემონსტრანტებს წინააღმდეგობას უწევს. მან საპროტესტო აქციების დარბევის ბრძანება გასცა და უსაფრთხოების ძალებს ქუჩაში გამოსული დემონსტრანტების დახოცვისკენ მოუწოდა. შედეგები უკვე სახეზეა: გადავსებული მორგები და ციხეები, უამრავი დაჭრილი და რეიდები საავადმყოფოებში, სადაც ამ დაჭრილებს მკურნალობენ. ეს არის სრულმასშტაბიანი რეპრესია, რომელიც მარცხისთვისაა განწირული — აიათოლების წინააღმდეგ მოქმედი ფაქტორები მეტისმეტად ძლიერია.ნორვეგიაში დაფუძნებული არასამთავრობო ორგანიზაციის, "Iran Human Rights"-ის ინფორმაციით, დეკემბრის ბოლოს დაწყებული არეულობის შემდეგ ირანის უსაფრთხოების ძალების მიერ 45 დემონსტრანტია მოკლული.8 იანვარსაც, თეირანში მასობრივი პროტესტი გაიმართა. საინფორმაციო სააგენტო AFP-ის მიერ გადამოწმებული სოციალური ქსელების ფოტოებზე ჩანს, რომ დემონსტრანტები შეიკრიბნენ ბულვარში - ირანის დედაქალაქის ჩრდილო-დასავლეთ ნაწილში მდებარე ერთ-ერთ მთავარ გამზირზე.პროტესტები დაფიქსირდა ქვეყნის სხვა რეგიონებშიც, მათ შორის დასავლეთ ირანში მდებარე ქურთულ რაიონებში, ჩრდილოეთში და აღმოსავლეთში.რამდენიმე საათის წინ მედიაში და სოცქსელებში გავრცელდა ბრიტანელი დეპუტატის, უსაფრთხოების საკითხებში ყოფილი მინისტრის ტომ ტუგენდჰატის განცხადება, რომელიც თემთა პალატაში გააკეთა. დეპუტატი ბრიტანეთის დაზვერვის მონაცემებზე დაყრდნობით ამბობს, რომ რუსეთის სატვირთო თვითმფრინავები თეირანის აეროპორტში დაეშვნენ, საიდანაც ოქროს მსხვილ პარტიებს ეზიდებიან.პროტესტის ფონზე ვრცელდება ინფორმაცია, რომ ქვეყნის მასშტაბით გაითიშა ინტერნეტი.

1767948104

სომხეთის ეკონომიკის მინისტრის თქმით, აზერბაიჯანიდან ნავთობპროდუქტების შეტანის გამო ქვეყანაში ლიტრი საწვავი დაახლოებით 80 დრამით (0.21 აშშ დოლარი) შემცირდება.პაპოიანმა ასევე აღნიშნა, რომ გზაშია 7 600 ტონა აზერბაიჯანული ნავთობპროდუქტები, რომელთაგან 6 100 ტონა ბენზინია და 1 500 ტონა დიზელი.2025 წელს სომხეთში აზერბაიჯანის გავლით რკინიგზით 1 210 ტონა აზერბაიჯანული ბენზინი შევიდა.

1767946320

ევროკავშირის საგარეო საქმეთა მინისტრებმა 7 იანვარს განაცხადეს, რომ გრენლანდიის „დაპყრობა არ შეიძლება“, მას შემდეგ, რაც თეთრმა სახლმა კვლავ წამოჭრა სამხედროების მიერ მისი ხელში ჩაგდების შესაძლებლობა.Politico-ს ინფორმაციით, ევროპელი პოლიტიკოსები აღარ უგულებელყოფენ აშშ-ის პრეზიდენტის გაძლიერებულ რიტორიკას და სასოწარკვეთილად ეძებენ გეგმას მის შესაჩერებლად.„სასწორზე დევს კითხვა, თუ როგორ შეიძლება ევროპის, ევროკავშირის გაძლიერება, რათა შეაჩეროს საფრთხეები, მისი უსაფრთხოებისა და ინტერესების წინააღმდეგ მიმართული მცდელობები. გრენლანდია არ იყიდება და არც მისი აღებაა შესაძლებელი. ამიტომ მუქარები უნდა შეწყდეს“, – განაცხადა საფრანგეთის საგარეო საქმეთა მინისტრმა, ჟან-ნოელ ბარომ“.Politico-მ აღწერა ის ნაბიჯები, რომლებიც ტრამპმა შეიძლება გადადგას გრენლანდიის დასაკავებლად. განვიხილოთ თითოეული მათგანი:ვარიანტი 1: კომპრომისის პოვნატრამპი ამტკიცებს, რომ გრენლანდია სასიცოცხლოდ მნიშვნელოვანია აშშ-ის უსაფრთხოებისთვის და დანიას ადანაშაულებს იმაში, რომ ის არ აკეთებს საკმარისს არქტიკაში ჩინეთისა და რუსეთის გაზრდილი სამხედრო აქტივობისგან დასაცავად.მოლაპარაკების გზით მიღწეული შეთანხმება, სადაც ტრამპი მიიღებს იმას, რასაც საკუთარ ამომრჩეველს „გამარჯვებად“ მიჰყიდის, ხოლო დანია და გრენლანდია სახეს შეინარჩუნებენ, შესაძლოა კრიზისიდან გამოსავლის ყველაზე სწრაფი გზა იყოს.NATO-ს ყოფილმა მაღალჩინოსანმა გამოთქვა ვარაუდი, რომ ალიანსს შეუძლია შუამავლის როლი შეასრულოს გრენლანდიას, დანიასა და აშშ-ს შორის, ისევე, როგორც ეს გაუკეთებია თურქეთსა და საბერძნეთს შორის დავების დროს.NATO-ში აშშ-ის ელჩმა მეთიუ უიტეკერმა ოთხშაბათს განაცხადა, რომ ტრამპი და მისი მრჩევლები არ მიიჩნევენ გრენლანდიას სათანადოდ დაცულად: „ყინულის დნობასთან ერთად არქტიკული მარშრუტები იხსნება... გრენლანდია ხდება ძალიან სერიოზული უსაფრთხოების რისკი აშშ-ის კონტინენტური ნაწილისთვის“.NATO-ს მოკავშირეები ასევე განიხილავენ ახალ წინადადებებს ტრამპისთვის, რამაც შეიძლება გააძლიეროს გრენლანდიის უსაფრთხოება, მიუხედავად გავრცელებული მოსაზრებისა, რომ რუსული და ჩინური გეგმებისგან მომდინარე საფრთხე გადაჭარბებულია.NATO-ს სამი დიპლომატის თქმით, სხვა წინადადებებთან ერთად, ალიანსმა უნდა განიხილოს არქტიკაში თავდაცვის ხარჯების დაჩქარება, რეგიონში მეტი სამხედრო სწავლების ჩატარება და, საჭიროების შემთხვევაში, ჯარების განლაგება გრენლანდიის დასაცავად და აშშ-ის დასამშვიდებლად. ალიანსი ასევე მზად უნდა იყოს „Arctic Sentry“-ს (არქტიკის გუშაგის) სქემის შესაქმნელად, რაც გულისხმობს სამხედრო რესურსების რეგიონში გადასროლას, მათი აღმოსავლეთ და ბალტიისპირეთის ინიციატივების მსგავსად.ვარიანტი 2: გრენლანდიისთვის დიდი რაოდენობით ფულის მიცემატრამპის ადმინისტრაციამ მხარი დაუჭირა გრენლანდიის დამოუკიდებლობის მოძრაობას. მათი გზავნილია: თუ არქტიკული ტერიტორია დატოვებს დანიის სამეფოს და გააფორმებს შეთანხმებას აშშ-სთან, ის ამერიკული ფულით აივსება.მიუხედავად იმისა, რომ ტრამპმა არაერთხელ თქვა უარი სამხედრო ძალის გამოყენების გამორიცხვაზე, ის ასევე ამტკიცებს, რომ სურს გრენლანდია ნებაყოფლობით შეუერთდეს მას. ევროკავშირი და დანია ცდილობენ დაარწმუნონ გრენლანდიელები, რომ მათ უკეთესი პირობების შეთავაზება შეუძლიათ.ბრიუსელი გეგმავს 2028 წლიდან გრენლანდიაზე დახარჯული თანხა გააორმაგოს. სექტემბერში გამოქვეყნებული ევროკომისიის პროექტის მიხედვით, ევროკავშირი თითქმის გააორმაგებს ხარჯებს გრენლანდიაზე 530 მილიონ ევრომდე 2028 წლიდან დაწყებული შვიდწლიანი პერიოდისთვის. ეს ემატება იმ თანხას, რომელსაც დანია ისედაც უგზავნის გრენლანდიას.ვარიანტი 3: ეკონომიკური საპასუხო დარტყმაევროკავშირს აქვს ერთი ძლიერი პოლიტიკური ინსტრუმენტი: „ანტიიძულების ინსტრუმენტი“ (Anti-Coercion Instrument), რომელიც ტრამპის პირველი ადმინისტრაციის შემდეგ შეიქმნა. ის ევროკავშირს საშუალებას აძლევს საპასუხო ზომები მიიღოს სავაჭრო დისკრიმინაციის წინააღმდეგ.„ჩვენი ექსპორტი აშშ-ში 600 მილიარდ ევროზე მეტია და ამ საქონლის დაახლოებით მესამედზე ჩვენი ბაზრის წილი 50 პროცენტზე მეტია. სრულიად ნათელია, რომ ეს ძალა ჩვენს ხელშია“, - განაცხადა ბერნდ ლანგემ, ევროპარლამენტის საერთაშორისო ვაჭრობის კომიტეტის თავმჯდომარემ.ვარიანტი 4: ჯარების განლაგება თუ აშშ მაინც გადაწყვეტს გრენლანდიის სამხედრო ძალით დაკავებას, ევროპელებს ამის აღსაკვეთად ბევრი არაფერი შეუძლიათ.თუმცა, იურიდიული თვალსაზრისით, შესაძლოა დანია იძულებული გახდეს სამხედრო პასუხი გასცეს. 1952 წლის ბრძანების თანახმად, „დანიის ტერიტორიაზე თავდასხმის შემთხვევაში,“ ჯარებმა „დაუყოვნებლივ უნდა დაიწყონ ბრძოლა ბრძანების მოლოდინის გარეშე“.ევროკავშირის ერთ-ერთმა დიპლომატმა აღნიშნა, რომ ევროპულმა ქვეყნებმა უნდა განიხილონ გრენლანდიაში ჯარების გაგზავნის შესაძლებლობა (დანიის მოთხოვნის შემთხვევაში), რათა გაზარდონ აშშ-ის მხრიდან სამხედრო მოქმედების პოტენციური „ფასი“. მიუხედავად იმისა, რომ ეს ძალები ვერ გაუძლებენ აშშ-ის სრულმასშტაბიან შეჭრას, ისინი იმოქმედებენ როგორც შემაკავებელი ფაქტორი.

1767869640

კარაკასს აქამდე დაღუპულთა რიცხვი არ დაუსახელებია, თუმცა ქვეყნის არმიამ 23 დაღუპულის სია გამოაქვეყნა.როგორც ვენესუელის ოფიციალური პირები აცხადებენ, ნიკოლას მადუროს უსაფრთხოების სამსახურის დიდი ნაწილი „ცივსისხლიანად“ მოკლეს.მანამდე, კუბის მთავრობამ 4 იანვარს განაცხადა, რომ ვენესუელაში ამერიკის შეერთებული შტატების სამხედრო ოპერაციის დროს კუბის 32 მოქალაქე დაიღუპა.ვენესუელის შინაგან საქმეთა მინისტრის, დიოსდადო კაბელოს თქმით, ვენესუელის ყოფილი ლიდერის მეუღლემ, სილია ფლორესმა, რომელიც მასთან ერთად დააკავეს, აშშ-ის რეიდის დროს თავის ტრავმა მიიღო, თავად მადურომ კი – ფეხის.

1767856107

აღნიშნული განცხადება მოჰყვა აშშ-ის სახელმწიფო მდივნის, მარკო რუბიოს სიტყვებს, რომლის თანახმადაც, შეერთებული შტატები „ვენესუელის ნავთობის შესყიდვისა და გაყიდვის შესახებ შეთანხმების მიღწევასთან ახლოსაა“.„ეს თანხა იმგვარად იმართება, რომ ჩვენ გავაკონტროლებთ მის განაწილებას, რათა მან სარგებელი მოუტანოს ვენესუელელ ხალხს და არა კორუფციას ან რეჟიმს“, - განაცხადა რუბიომ.აშშ-ის მიერ მადუროს დატყვევების შემდეგ, ტრამპის ადმინისტრაციამ გააჟღერა განზრახვა, რომ აქცენტი ვენესუელის ნავთობზე გადაიტანოს და ამ აქტივზე კონტროლი დაამყაროს.კომპანიაში აცხადებენ, რომ შეერთებულ შტატებთან ნავთობის მოცულობების გაყიდვის თაობაზე მოლაპარაკებები ორ ქვეყანას შორის არსებული სავაჭრო ურთიერთობების ფარგლებში მიმდინარეობს.„ეს პროცესი ისეთივე სქემებით ხორციელდება, როგორიც საერთაშორისო კომპანიებთან, მაგალითად, Chevron-თან მოქმედებს. ის კომერციულ ტრანზაქციას, კანონიერების, გამჭვირვალობისა და ორმხრივი სარგებლის პრინციპების დაცვას ეფუძნება“, – აღნიშნულია ვენესუელის სახელმწიფო ნავთობკომპანიის განცხადებაში, რომელიც სოციალურ ქსელში გავრცელდა. PDVSA-ს ნავთობზე სანქციებს აშშ წლების განმავლობაში აწესებდა, თუმცა ამერიკის შეერთებული შტატების პრეზიდენტის, დონალდ ტრამპის ადმინისტრაციაში ოთხშაბათს განაცხადეს, რომ ამ სანქციების ნაწილს გააუქმებდა და ვენესუელური ნედლი ნავთობის გლობალურ ბაზარზე გასაყიდად რეალიზაციას დაიწყებდა. ადმინისტრაციის განცხადებით, ამ გაყიდვებიდან მიღებული შემოსავალი აშშ-ის მიერ კონტროლირებად ანგარიშებზე განთავსდება და აშშ-ის მთავრობის შეხედულებისამებრ განაწილდება.63 წლის მადურო და მისი მეუღლე კილია ფლორესი ამერიკელმა ძალებმა შაბათს, 3 იანვარს, ვენესუელის დედაქალაქ კარაკასში დააკავეს.5 იანვარს, აშშ-ში, დენიელ პატრიკის სახელობის მანჰეტენის სასამართლოში ნიკოლას მადუროსა და მისი მეუღლის, სილია ფლორესის სასამართლო პროცესი გაიმართა.ნიკოლას მადურომ განაცხადა, რომ ყველა ბრალდებაში თავს უდანაშაულოდ მიიჩნევს. მისივე თქმით, ის ვენესუელის პრეზიდენტია და კარაკასში, საკუთარ სახლში დააკავეს. „მე არ ვარ დამნაშავე, მე პატიოსანი ადამიანი ვარ, მე კვლავ ჩემი ქვეყნის პრეზიდენტი ვარ“, – განაცხადა მადურომ.2026 წლის 17 მარტს, ნიკოლას მადუროს სასამართლოში მომდევნო მოსმენაზე გამოცხადება დაევალა.ნიკოლას მადუროს ბრალი ედება ნარკოტერორიზმის, კოკაინის შეტანის შეთქმულებაში, ტყვიამფრქვევებისა და დესტრუქციული მოწყობილობების ფლობაში. ასევე, აშშ-ის წინააღმდეგ შეთქმულებაში.

1767850260

„ვფიქრობ, რომ ამის გაკეთება უფრო ნაკლებ დროში შეგვიძლია, მაგრამ დიდ თანხასთან იქნება დაკავშირებული. უზარმაზარი თანხის დახარჯვა იქნება საჭირო, ნავთობკომპანიები მას დახარჯავენ, შემდეგ კი ჩვენგან შემოსავლების მეშვეობით აუნაზღაურდებათ“, - განუცხადა ტრამპმა NBC News-ს.აშშ-ს პრეზიდენტმა თავი აარიდა იმის დაკონკრეტებას, თუ რა თანხა დასჭირდება ვენესუელის მოძველებული ნავთობის ინფრასტრუქტურის რეაბილიტაციას, თუმცა ხაზი გაუსვა, რომ საუბარია „სოლიდურ ციფრებზე“. მისი თქმით, ეს ინვესტიცია მოგებიანი იქნება როგორც კომპანიებისთვის, ისე თავად ქვეყნისთვის.პრეზიდენტის გათვლით, ვენესუელის ნავთობის მარაგების ათვისება გამოიწვევს ნავთობზე მსოფლიო ფასების ვარდნას, რაც აშშ-ის ინტერესებშია. ტრამპმა NBC News-ს ისიც განუცხადა, რომ ვენესუელაში ახალი არჩევნები მომდევნო 30 დღის განმავლობაში არ ჩატარდება. „ქვეყანაში ჯერ სიტუაცია უნდა გამოვასწოროთ. ახლა არჩევნების ჩატარება შეუძლებელია. ხალხი ხმის მიცემასაც ვერ შეძლებს, ამას გარკვეული დრო დასჭირდება. ჩვენ უნდა უზრუნველვყოთ ქვეყნის გამოჯანმრთელება“, – თქვა ტრამპმა.აშშ-ის პრეზიდენტის მტკიცებით, აშშ ვენესუელასთან ომში არ იმყოფება.„არა, ვენესუელას არ ვებრძვით. ჩვენ ომი გვაქვს მათთან, ვინც ნარკოტიკებს ყიდის“, – აღნიშნა ტრამპმა.63 წლის მადურო და მისი მეუღლე კილია ფლორესი ამერიკელმა ძალებმა შაბათს, 3 იანვარს, ვენესუელის დედაქალაქ კარაკასში დააკავეს.5 იანვარს, აშშ-ში, დენიელ პატრიკის სახელობის მანჰეტენის სასამართლოში ნიკოლას მადუროსა და მისი მეუღლის, სილია ფლორესის სასამართლო პროცესი გაიმართა.ნიკოლას მადურომ განაცხადა, რომ ყველა ბრალდებაში თავს უდანაშაულოდ მიიჩნევს. მისივე თქმით, ის ვენესუელის პრეზიდენტია და კარაკასში, საკუთარ სახლში დააკავეს. „მე არ ვარ დამნაშავე, მე პატიოსანი ადამიანი ვარ, მე კვლავ ჩემი ქვეყნის პრეზიდენტი ვარ“, – განაცხადა მადურომ.სხდომის მიმდინარეობისას ნიკოლას მადუროს ადვოკატმა თქვა, რომ მადუროს ჯანმრთელობასთან დაკავშირებული პრობლემები აქვს და სამედიცინო დახმარება სჭირდება.სილია ფლორესის ადვოკატმაც ასევე აღნიშნა, რომ მისი დაცვის ქვეშ მყოფს ჯანმრთელობასთან დაკავშირებული პრობლემები აქვს.მადურომ და მისმა მეუღლემ სასამართლო დარბაზი დაახლოებით 30 წუთის შემდეგ დატოვეს.2026 წლის 17 მარტს, ნიკოლას მადუროს სასამართლოში მომდევნო მოსმენაზე გამოცხადება დაევალა.ნიკოლას მადუროს ბრალი ედება ნარკოტერორიზმის, კოკაინის შეტანის შეთქმულებაში, ტყვიამფრქვევებისა და დესტრუქციული მოწყობილობების ფლობაში. ასევე, აშშ-ის წინააღმდეგ შეთქმულებაში.

1767681466

„პატივი და დიდება გმირ კუბელ მებრძოლებს, რომლებიც დაიღუპნენ იმპერიული ფორმის ტერორისტებთან ბრძოლაში. მათ გაიტაცეს ვენესუელის პრეზიდენტი და მისი მეუღლე, რომელთა სიცოცხლის დაცვაშიც ჩვენ ვეხმარებოდით მოძმე ქვეყნის თხოვნით“, – წერს კუბის პრეზიდენტი მიგელ დიას-კანელი სოციალურ ქსელში.ამასთან, ტრამპმაც დაადასტურა, რომ ოპერაციის დროს ბევრი კუბელი დაიღუპა.„იცით, ბევრი კუბელი მოკლეს გუშინ. მცველები. ბევრი დაღუპული იყო მეორე მხარეს. ჩვენს მხარეს დაღუპული არ ყოფილა“, - განაცხადა ტრამპმა.აშშ-ის სახელმწიფო მდივნის, მარკო რუბიოს თქმით, კუბელი მაღალჩინოსნები მადუროსთან ერთად იმყოფებოდნენ ვენესუელაში მის დაკავებამდე.„სწორედ კუბელები იცავდნენ მადუროს. მას არ იცავდნენ ვენესუელელი მცველები, არამედ იცავდნენ კუბელები“, – აღნიშნა მარკო რუბიომ.63 წლის მადურო და მისი მეუღლე კილია ფლორესი ამერიკელმა ძალებმა შაბათს, ვენესუელის დედაქალაქ კარაკასში დააკავეს. ახლა ის ნიუ-იორკის დაკავების ცენტრშია გადაყვანილი და ელოდება სასამართლოს, რომელიც დღეს გაიმართება. აშშ-მ მადუროს ბრალი 2020 წელს წაუყენა, მათ შორის ნარკოტერორიზმის შეთქმულებაში. აღნიშნულ დანაშაულში მონაწილეობას ის ყოველთვის უარყოფდა.

1767599159

„ვენესუელის ხალხის ნების პატივისცემა რჩება ერთადერთ გზად ვენესუელისთვის, რომ აღადგინოს დემოკრატია და მოაგვაროს მიმდინარე კრიზისი“, – აღნიშნულია განცხადებაში.4 იანვარს, საქართველოს საგარეო საქმეთა სამინისტროც გამოეხმაურა ვენესუელაში განვითარებულ მოვლენებს და X-ზე წერს, რომ საქართველო ყურადღებით ადევნებს თვალს, რაც ვენესუელაში ხდება, იმ იმედით, რომ „შემდგომი პროცესები ვენესუელის ხალხის საუკეთესო ინტერესების შესაბამისად განვითარდება“.„იმის გათვალისწინებით, რომ ვენესუელის ხელისუფლებამ საქართველოს ოკუპირებული რეგიონები, აფხაზეთი და ე.წ. სამხრეთ ოსეთი, დამოუკიდებელ სახელმწიფოებად აღიარა, რაც საერთაშორისო სამართლის უხეშ დარღვევაა, გამოვთქვამთ იმედს, რომ ბოლო დროს განვითარებული მოვლენები ამ უკანონო გადაწყვეტილების გაუქმებას გამოიწვევს, საქართველოს ეროვნული ინტერესებისა და საერთაშორისო სამართლებრივი პრინციპების შესაბამისად“, - ვკითხულობთ საგარეო უწყების განცხადებაში. We are closely following developments in Venezuela with the hope that future processes will unfold in line with the best interests of the Venezuelan people. Given that the Venezuelan authorities recognized Georgia’s occupied regions, Abkhazia and the so-called South Ossetia, as… — MFA of Georgia (@MFAgovge) January 4, 2026 ამასთან, აშშ-ის ყოფილმა ვიცე-პრეზიდენტმა და პრეზიდენტობის კანდიდატმა „დემოკრატიული პარტიიდან“ კამალა ჰარისმა სოციალურ ქსელში დაწერა, რომ "დონალდ ტრამპის ქმედებები ვენესუელაში ამერიკას უფრო უსაფრთხოს, ძლიერს ან ხელმისაწვდომს არ ხდის". „ის, რომ მადურო სასტიკი, არალეგიტიმური დიქტატორია, არ ცვლის იმ ფაქტს, რომ ეს ქმედება იყო როგორც უკანონო, ასევე არაგონივრული. ჩვენ ეს ფილმი ადრეც გვინახავს. ომები რეჟიმის შეცვლისთვის ან ნავთობისთვის, რომლებიც საღდება, როგორც ძალა, მაგრამ ქაოსში იზრდება და ფასს ამერიკული ოჯახები იხდიან“, - აღნიშნა ჰარისმა.მისი განცხადებით, ამერიკელ ხალხს ეს არ სურს და დაიღალა ტყუილით.„საქმე არ ეხება ნარკოტიკებს ან დემოკრატიას. საქმე ეხება ნავთობს და დონალდ ტრამპის სურვილს, ითამაშოს ძლიერი რეგიონული ლიდერის როლი. მას რომ რომელიმე მათგანი ადარდებდეს, არ შეიწყალებდა მსჯავრდებულ ნარკოდილერს და არ გარიყავდა ვენესუელას ლეგიტიმურ ოპოზიციას, მადუროს მეგობრებთან გარიგებების მიღწევისას“, - განაცხადა ჰარისმა.ჰარისის თქმით, დონალდ ტრამპი საფრთხეში აგდებს ქვეყნის ჯარებს და რეგიონის დესტაბილიზაციას ახდენს.„პრეზიდენტი საფრთხეში აყენებს ჯარებს, ხარჯავს მილიარდებს, ახდენს რეგიონის დესტაბილიზაციას და არ სთავაზობს არანაირ იურიდიულ უფლებამოსილებას, არ სთავაზობს გასვლის გეგმას და არანაირ სარგებელს ქვეყნის შიგნით“, - აღნიშნა ყოფილმა ვიცე-პრეზიდენტმა.მისი განცხადებით, ამერიკას სჭირდება ლიდერობა, რომლის პრიორიტეტებია ოჯახებისთვის ხარჯების შემცირება, კანონის უზენაესობის აღსრულება, ალიანსების გაძლიერება და - რაც მთავარია - ამერიკელი ხალხის პირველ ადგილზე დაყენება. Donald Trump’s actions in Venezuela do not make America safer, stronger, or more affordable.That Maduro is a brutal, illegitimate dictator does not change the fact that this action was both unlawful and unwise. We’ve seen this movie before. Wars for regime change or oil that… — Kamala Harris (@KamalaHarris) January 4, 2026 შაბათს, 3 იანვარს ვენესუელის პრეზიდენტი ნიკოლას მადურო, მეუღლესთან, სილია ფლორესთან ერთად, აშშ-ს სამხედრო ოპერაციის შედეგად კარაკასში დააკავეს. ისინი ამჟამად ნიუ-იორკში, წინასწარ პატიმრობაში იმყოფებიან.დონალდ ტრამპმა 3 იანვარს გამართულ პრესკონფერენციაზე განაცხადა, რომ ვენესუელას აშშ უხელმძღვანელებს მანამ, სანამ ძალაუფლების "უსაფრთხო, რიგიანი და კეთილგონიერი" გადაცემა გახდება შესაძლებელი.

1767595999

ტრამპის თქმით, აშშ-მა დარტყმები მიიტანა ნიგერიის ჩრდილო-დასავლეთ ნაწილში, ტერორისტული დაჯგუფების კუთვნილ ინფრასტრუქტურაზე."ნიგერიაში მოქმედი ტერორისტები მრავალი წლის, თუ არა ასწლეულების განმავლობაში, სასტიკად ხოცავდნენ ხალხს და პირველ რიგში უდანაშაულო ქრისტიანებს. მანამდე მე ვაფრთხილებდი ამ ტერორისტებს, რომ თუ ისინი არ შეაჩერებენ ხოცვა-ჟლეტას, მათ მოუწევთ ძვირი საფასურის გადახდა, და დღეს საღამოს ეს მოხდა“, - წერს დონალდ ტრამპი.ტრამპის განცხადებით, მისი ხელმძღვანელობის პირობებში, „აშშ რადიკალური ისლამის აყვავებას არ დაუშვებს“.2025 წლის ნოემბრის დასაწყისში აშშ-ის პრეზიდენტი ამბობდა, რომ ნიგერიაში ქმედებებს რამდენიმე ვარიანტს განიხილავდა, მათ შორის ქვეყანაში სამხედრო ძალების შეყვანას ან ავიადარტყმებს.CNN-ის ცნობით, 2025 წელს ნიგერიაში რელიგიურ ნიადაგზე რამდენიმე მასობრივი მკვლელობა მოხდა. აპრილში ნიგერიის პრეზიდენტმა განაცხადა, რომ ქვეყნის ჩრდილოეთ ნაწილში ქრისტიანების კუთვნილ დასახლებებზე თავდასხმის შედეგად 40 ადამიანი დაიღუპა. ივნისში სოფელ იელვატში, სადაც ძირითადად ქრისტიანები ცხოვრობენ, 100 ადამიანი მოკლეს.ნიგერიაში ასევე ხშირია სკოლებიდან მოსწავლეების გატაცების შემთხვევებიც. ნოემბრის ბოლოს კათოლიკური სკოლიდან ტერორისტებმა გაიტაცეს 303 ბავშვი. მოგვიანებით მათი გათავისუფლება მოხერხდა. ბოლო 130 მოწაფე ტყვეობიდან 21 დეკემბერს გათავისუფლდა.

1766730660

Volkswagen–ის ხელმძღვანელმა თომას შეფერმა განაცხადა, რომ საწარმოს დახურვის შესახებ გადაწყვეტილება მარტივად არ მიუღიათ. „ეკონომიკური თვალსაზრისით ეს გარდაუვალი იყო“, – აღნიშნა მან.ბოლო წლებში Volkswagen სერიოზულ პრობლემებს აწყდება ევროპისა და ჩინეთის ბაზრებზე მოთხოვნის შემცირების, ელექტრომობილების გაყიდვებში არსებული პრობლემების და ჩინური კომპანიების მხრიდან კონკურენციის ზრდის გამო. მიმდინარე წელს კი პრობლემების ჩამონათვალს აშშ–ის საიმპორტო გადასახადიც დაემატა. ავტომწარმოებელმა მიმდინარე წლის მესამე კვარტალი 1,1 მლრდ ევროს მოცულობის ზარალით დახურა, ხოლო აშშ–ის მიერ დამატებული საიმპორტო გადასახადის ჩათვლით კომპანიის ზარალმა 5 მილიარდ ევროს მიაღწია.

1765802701