საფოსტო-საკურიერო სექტორის შემოსავლების 67% საერთაშორისო მომსახურებაზე...

საფოსტო და საკურიერო საქმიანობით დაკავებული საწარმოების შემოსავლების 76.8% ამანათების მიწოდებიდან არის მიღებული, რომლის 70.3% საერთაშორისო გზავნილებზე მოდიოდა, 29.7% კი – ადგილობრივ გზავნილებზე.საფოსტო და საკურიერო საქმიანობით დაკავებული საწარმოების შემოსავლების 17.3% წერილობით კორესპოდენციებზე მოდიოდა, რომლის 57.8% საერთაშორისო იყო, ხოლო 42.2% – ადგილობრივი.საქსტატის მონაცემებით, საფოსტო და საკურიერო მომსახურებით დაკავებულმა საწარმოებმა 2025 წლის განმავლობაში გააგზავნეს 16.4 მილიონი ამანათი და 7 მილიონი წერილობითი კორესპონდენცია.2025 წელს საფოსტო და საკურიერო საქმიანობით დაკავებულ საწარმოებში დასაქმებულთა საშუალო წლიური რაოდენობა შეადგენდა 4.6 ათასს და მათ შორის 1.8 ათასი იყო კურიერი და ფოსტალიონი.

"მთის ტრასების სააგენტო“ საფრანგეთის სამთო კურორტებთან თანამშრომლობას...

MTA-ს ცნობით, მემორანდუმს ხელი საფრანგეთის საელჩოში ,,მთის ტრასების სააგენტოს“ დირექტორის მოვალეობის შემსრულებელმა ლევან დარსალიამ და ,,გრან მასიფის“ გენერალურმა დირექტორმა ფრედერიკ მარიონმა 22 ოქტომბერს მოაწერეს.უწყების ცნობით, თანამშრომლობა მოიცავს ცოდნისა და გამოცდილების გაზიარებას კურორტების მართვის, ტექნიკური ოპერაციების, უსაფრთხოების, მარკეტინგისა და კომერციული საქმიანობის მიმართულებით. ამ მიზნით დაგეგმილია ორმხრივი სამუშაო და სასწავლო ვიზიტები, პროფესიული შეხვედრები და თანამშრომელთა გადამზადება. უწყებაში მიაჩნიათ, რომ აღნიშნული აქტივობები ხელს შეუწყობს საერთაშორისო გამოცდილების პრაქტიკაში გამოყენებასა და საქართველოს სამთო კურორტების მართვის ეფექტიანობის გაუმჯობესებას.„ძალიან მნიშვნელოვანი მემორანდუმია, რომელიც ითვალისწინებს ბევრ საინტერესო ინიციატივასა და საინტერესო ჩარჩოს. ეს ჩარჩო მოიცავს როგორც ტექნიკურ თანამშრომლობას, ასევე ტურისტებისა და მგზავრების მიმოცვლას. საინტერესო იქნება ჩვენთვის ფრანგი ტურისტების მიღება და დარწმუნებული ვარ, რომ ჩვენი მოქალაქეებისთვისაც საინტერესო იქნება საფრანგეთში ვიზიტი, ,,გრან მასიფის“ კურორტებზე სრიალი. ამ მემორანდუმის ფარგლებში ასევე ჩვენ გვაქვს გათვალისწინებული ჩვენი თანამშრომლების გაცვლითი პროგრამები“, - განაცხადა ლევან დარსალიამ.გრან მასიფი (Grand Massif) საფრანგეთის ალპების ერთ-ერთი უდიდესი სამთო-სათხილამურო არეალია, რომელიც ხუთ კურორტს - Flaine-ს, Les Carroz-ს, Morillon-ს, Samoëns-სა და Sixt-ს აერთიანებს.MTA მართავს და ავითარებს სამთო-სათხილამურო არეალებს საქართველოს ოთხ მთის კურორტზე: გუდაურში (კობისა და გუდაურის სასრიალო არეალები), ბაკურიანში (დიდველის, კოხტასა და მიტარბის სასრიალო არეალები), მესტიასა (ჰაწვალისა და თეთნულდის სასრიალო არეალები) და გოდერძიზე.

საქართველო ეკონომიკის განვითარების კორპორაციას ქმნის – რა შედეგები მოი...

მთავრობის მეთაურის თქმით, ხელისუფლების ეკონომიკური პოლიტიკის შედეგად ქვეყნის ეკონომიკა სწრაფად ვითარდება, იზრდება კერძო სექტორის შესაძლებლობებიც და ამ პროცესს დამატებითი მხარდაჭერა სჭირდება.კობახიძის განცხადებით, ეკონომიკის განვითარებას მნიშვნელოვანი სტიმული მისცა 2014 წელს სააგენტოს „აწარმოე საქართველოში“ შექმნამ.„2014-2025 წლებში სამთავრობო პროგრამებით 20 000-ზე მეტმა მეწარმემ ისარგებლა; განხორციელდა 8,5 მილიარდ ლარამდე ინვესტიცია და შეიქმნა დაახლოებით 90 000 სამუშაო ადგილი“, – განაცხადა პრემიერ-მინისტრმა.მისივე ინფორმაციით, ამ პერიოდში მცირე და საშუალო ბიზნესში დასაქმებულთა რაოდენობა 405 ათასიდან 544 ათასამდე გაიზარდა, ხოლო ამ სექტორში პროდუქციის გამოშვების მოცულობამ 14,8 მილიარდი ლარიდან 54 მილიარდ ლარს გადააჭარბა.კობახიძის თქმით, საშუალო ზომის კომპანიებში შრომის ანაზღაურება 998 ლარიდან 2 760 ლარამდე გაიზარდა, რაც მსხვილ კორპორაციებში დასაქმებულთა ანაზღაურების მაჩვენებელსაც აღემატება. ამასთან, მცირე და საშუალო საწარმოების ექსპორტის მოცულობა 1,3 მილიარდიდან 2,7 მილიარდ დოლარამდე გაიზარდა.პრემიერ-მინისტრის განცხადებით, მიღწეული შედეგების შესანარჩუნებლად საჭიროა უფრო ფართო და გრძელვადიანი ხედვა, ასევე სახელმწიფო მხარდაჭერის გაფართოება.„სწორედ ამიტომ, სხვადასხვა უწყებაში დაგროვილი ცოდნისა და ფინანსური რესურსების გაერთიანებით, ჩვენ ჩამოვაყალიბეთ საქართველოს ეკონომიკის განვითარების კორპორაცია. ეს ცვლილება მხოლოდ სტრუქტურული გარდაქმნა არ არის. ჩვენი მიზანია, მეწარმეების ხელშეწყობა კიდევ უფრო კოორდინირებული და შედეგზე ორიენტირებული გახდეს“, – განაცხადა ირაკლი კობახიძემ.

ექსპორტის მეოთხედი მსუბუქ ავტომობილებზე მოდის

2026 წლის იანვარ-სექტემბერში ათი უმსხვილესი საექსპორტო პარტნიორი ქვეყნის წილმა საქართველოს მთლიან ექსპორტში 67.8% შეადგინა. უმსხვილესი საექსპორტო სამეული შემდეგნაირად ჩამოყალიბდა: ყირგიზეთი - $650.2 მლნ ჩინეთი - $583.1 მლნ აზერბაიჯანი - $566.7 მლნ 2026 წლის იანვარ-სექტემბერში ათი უმსხვილესი საიმპორტო პარტნიორი ქვეყნის წილმა საქართველოს მთლიან იმპორტში 69.2% შეადგინა. პირველ სამეულში შედის: თურქეთი - $2.18 მლრდ ჩინეთი - $1.74 მლრდ აშშ - $1.71 მლრდ 2026 წლის იანვარ-სექტემბერში ათი უმსხვილესი სავაჭრო პარტნიორი ქვეყნის წილმა საქართველოს მთლიან საგარეო სავაჭრო ბრუნვაში 64.8% შეადგინა. ქვეყნის უმსხვილესი სავაჭრო პარტნიორები არიან: თურქეთი - $2.54 მლრდ ჩინეთი - $2.329.2 მლრდ რუსეთი - $2.21 მლრდ საქსტატის მონაცემებით, 2026 წლის იანვარ-სექტემბერში სასაქონლო ჯგუფებიდან საექსპორტო ათეულში პირველი ადგილი მსუბუქმა ავტომობილებმა დაიკავა $1.52 მილიარდით, რაც მთელი ექსპორტის 24.9%-ს შეადგენს. მეორე ადგილს იკავებს ნავთობი და ნავთობპროდუქტები $811.8 მლნ-ით (მთლიანი ექსპორტის 13.2%), ხოლო მესამე ადგილზეა ძვირფასი ლითონების მადნები და კონცენტრატები $464 მლნ-ით (7.5%).უმსხვილესი საიმპორტო სასაქონლო ჯგუფი 2026 წლის იანვარ-სექტემბერში წარმოდგენილი იყო მსუბუქი ავტომობილების სახით, რომლის იმპორტმა $2.65 მლრდ და მთელი იმპორტის 18.4% შეადგინა. მეორე ადგილს იკავებს ნავთობი და ნავთობპროდუქტები $1.4 მლრდ-ით (იმპორტის 9.8%), ხოლო მესამე ადგილზეა სამკურნალო საშუალებები დაფასოებული $526.8 მლნ-ით (იმპორტის 3.7%).

ადგილობრივი ექსპორტის 20.3% ნავთობპროდუქტებზე მოდის - საქსტატი

2026 წლის იანვარ-სექტემბერში ათი უმსხვილესი ქვეყნის წილმა საქართველოს მთლიან ადგილობრივ ექსპორტში 62.8% შეადგინა. ამ მხრივ, უმსხვილესი საექსპორტო პარტნიორებია: ჩინეთი - $566.8 მლნ რუსეთი - $523.2 მლნ თურქეთი - $323.1 მლნ 2026 წლის იანვარ-სექტემბერში ადგილობრივი ექსპორტის ათეულში პირველ ადგილზე ნავთობი და ნავთობპროდუქტები არის წარმოდგენილი $762.6 მლნ-ით, აღნიშნული სასაქონლო ჯგუფის წილი მთლიანი ადგილობრივი ექსპორტის 20.3%-ს შეადგენს. მეორე ადგილზეა ძვირფასი ლითონის მადნები და კონცენტრატები, 464 მლნ-ით (მთლიანი ადგილობრივი ექსპორტის 12.4%), ხოლო მესამე ადგილს იკავებს ფეროშენადნობები $239 მლნ-ით (მთლიანი ადგილობრივი ექსპორტის 6.4%).