როგორც ცესკოს თავმჯდომარემ აღნიშნა, საარჩევნო ადმინისტრაციის ტრადიციად იქცა, რომ საერთო არჩევნების წინ უწყების წარმომადგენლები სტუმრობენ უხუცეს ამომრჩეველს, რაც ხაზს უსვამს თითოეული ამომრჩევლის მონაწილეობის მნიშვნელობას. „ბუნებრივია, ფიზიკურად მთელი ქვეყნის მასშტაბით ყველა უხუცესთან ფიზიკურად მისვლა შეუძლებელია, თუმცა ეს არის გზავნილი ყველა მათგანისთვის, რომ მათი არჩევნებში მონაწილეობა ისეთივე ღირებულია, როგორც სხვა ნებისმიერი ასაკობრივი ჯგუფისა თუ თაობის წარმომადგენლის“ - განაცხადა გიორგი კალანდარიშვილმა.შეხვედრას ჩუღურეთის საოლქო საარჩევნო კომისიის თავმჯდომარე თინათინ კალმახელიძე და კომისიის წევრი ირმა ფიდაშვილი ესწრებოდნენ.(R)

1759325415

TI Georgia-ს ინფორმაციით: ბიძინა ივანიშვილი "იმედს" მინიმუმ 2018 წლიდან აფინანსებს. 2022 წლის ბოლოს "იმედის" სასესხო დავალიანება ბიძინა ივანიშვილის კომპანიების მიმართ მინიმუმ ₾61 მლნ იყო. "ქართუ ჯგუფთან" დაკავშირებულ სხვა კომპანიებთან ერთად დავალიანება ₾165 მლნ-ს აღწევს, რაც იმედის დაფინანსების 50%-ია. "იმედის" დაფინანსება შეღავათიანი სესხებით ხდება. 2023 წელს ტელეკომპანიას ₾331 მლნ-ის სესხი ჰქონდა აღებული. სესხის 2 მთავარი გამცემი ბიძინა ივანიშვილი და ირაკლი რუხაძე არიან (დაკავშირებული კომპანიების საშუალებით). კომპანია ზარალზე მუშაობს. 2023 წლის ბოლოს, მას 388 მლნ ლარის ზარალი ჰქონდა დაგროვილი."ქართული ოცნების მთავარი პროპაგანდისტული საშუალება – ტელეკომპანია „იმედი“ ხშირად პოზიციონირებს, როგორც დამოუკიდებელი სარედაქციო პოლიტიკის მქონე კერძო ტელევიზია. ამავე დროს, მისი მფლობელი ირაკლი რუხაძე აღიარებს, რომ ტელეკომპანიის სარედაქციო პოლიტიკას ის განსაზღვრავს და რომ ის „ქართული ოცნების“ პარტიულ მიზნებს ემთხვევა. შპს „ტელეიმედის“ 100%-ს შპს „ჯორჯიან მედია პროდაქშენ ჯგუფი“ ფლობს, რომლის მფლობელი ნიდერლანდებში რეგისტრირებული კომპანია „მედია ფაინენს გრუპ“ არის. 2023 წლის 31 დეკემბრის მდგომარეობით, „მედია ფაინენს გრუპის“ საბოლოო მფლობელები კი ირაკლი რუხაძე, ბენჯამინ ალბერტ მარსონი და იგორ ალექსეევი არიან.„ტელეიმედი“ ზარალზე მომუშავე კომპანიაა. მისი ფინანსური ანგარიშის მიხედვით, 2023 წლის 31 დეკემბრის მდგომარეობით 388 მლნ ლარის დაგროვილი ზარალი ჰქონდა. 2018 წელს, როდესაც პირველად გასაჯაროვდა „ტელეიმედის“ ფინანსური ანგარიში, კომპანიას უკვე 170 მლნ ლარის დაგროვილი ზარალი ჰქონდა.ზარალის დასაფარად „ტელეიმედი“ მისი მფლობელებისა და მათთან დაკავშირებული კომპანიებისგან წლიდან წლამდე იღებს შეღავათიან სესხებს, რომელთა დაბრუნებას „ტელეიმედს“ არავინ სთხოვს. ამას კომპანია თავად აღნიშნავს მის ფინანსურ ანგარიშებში. 2023 წლის ფინანსურ ანგარიშში (გვერდი 22) ვკითხულობთ:„მიმდინარე ვალდებულებების მნიშვნელოვანი ნაწილი წარმოდგენილია ისეთი კომპანიებისგან აღებული სესხებით, რომლებიც კომპანიის აქციონერები და მათი ჯგუფის წევრები არიან. კომპანიის ხელმძღვანელობა არ მოელის, რომ აღნიშნული კრედიტორები მოითხოვენ სესხების დაფარვას ისე, რომ „ტელეიმედს“ლიკვიდურობის პრობლემა შეექმნას”.2018 წელს „ტელეიმედს“ 141 მლნ ლარის სესხი ჰქონდა აღებული, ხოლო 2023 წელს უკვე 331 მლნ ლარი. ამ თანხის უმეტესი ნაწილი კომპანიის ერთ-ერთი საბოლოო ბენეფიციარი მფლობელის, ირაკლი რუხაძის კომპანიებისგან მოდის. თუმცა, ფინანსური ანგარიშების ანალიზმა აჩვენა, რომ იმავე სქემით, „ტელეიმედის“ დამფინანსებელთა შორის ბიძინა ივანიშვილთან დაკავშირებული კომპანიებიც არიან, ბოლო მონაცემებით (2022 წელი): სს „ბანკი ქართუ“ - 44.8 მლნ ლარი შპს „ქართუ ჯგუფი“ - 6.9 მლნ ლარი Wenigen Management Limited - 9 მლნ ლარი 2018 წლის ბოლოს „ტელეიმედს“ ბიძინა ივანიშვილთან დაკავშირებული კომპანიებისგან 15 მლნ ლარამდე სესხი ჰქონდა მიღებული, კერძოდ „ქართუ ბანკისგან“ 8.1 მლნ ლარი და Wenigen Management Limited-სგან 6.8 მლნ ლარი. 2022 წლის ბოლოს „ტელეიმედის“ სასესხო დავალიანება ბიძინა ივანიშვილთან დაკავშირებული კომპანიების მიმართ 61 მლნ ლარამდე იყო. ტელევიზიას ყველაზე მეტი ვალი – 45 მლნ ლარამდე „ქართუ ბანკის“ მიმართ ჰქონდა. 9 მლნ ლარის სესხი ჰქონდა Wenigen Management Limited-სგან და 7 მლნ ლარის სესხი შპს „ქართუ ჯგუფისგან“. 2018 წელს ბიძინა ივანიშვილთან დაკავშირებული კომპანიების სესხის წილი მთლიან სესხებში 10% იყო, ხოლო 2022 წელს 21%.2023 წლის ფინანსურ ანგარიშში „ტელეიმედის“ სესხები აღარ არის ჩაშლილი კრედიტორების მიხედვით. თუმცა, აღნიშნულია, რომ 2023 წლის 31 დეკემბრის მდგომარეობით არსებული მიმდინარე ვალდებულებებიდან (331 მლნ ლარი) მნიშვნელოვანი ნაწილი (274 მლნ ლარი) „ტელეიმედის“ აქციონერებისგან და მათთან დაკავშირებული კომპანიებისგან აღებული სესხებია.მონაცემთა წყარო: „ტელეიმედის“ წლიური ფინანსური ანგარიშებიბიძინა ივანიშვილთან პირდაპირ დაკავშირებული კრედიტორი კომპანიებისს „ბანკი ქართუ“სს „ბანკი ქართუს“ 100% წილის მფლობელი ფონდი „ქართუ“ არის, რომელსაც, თავის მხრივ, მფლობს სს „ქართუ ჯგუფი“; ამ უკანასკნელის საბოლოო მფლობელი, 2025 წლამდე, ბიძინა ივანიშვილის შვილი უტა ივანიშვილი იყო. 2025 წლის დასაწყისში შეიცვალა მფლობელობის სტრუქტურა, სავარაუდოდ ბიძინა ივანიშვილზე დაწესებული სანქციებისგან კომპანიების დაცვის მიზნით; დღეის მდგომარეობით უტა ივანიშვილი სს „ქართუ ჯგუფის“ 35%-ს ფლობს, ხოლო დანარჩენი წილები სულ მცირე 14 უცნობ პირზეა გადანაწილებული.2018 წელს „ტელეიმედს“ სს „ბანკი ქართუსგან“ 8 მლნ ლარის სესხი ჰქონდა აღებული. 2022 წლის მონაცემებით ბანკისადმი დავალიანება 44.8 მლნ ლარამდე იყო გაზრდილი.შპს „ქართუ ჯგუფი“შპს „ქართუ ჯგუფის“ 100% წილის მფლობელი ასევე ფონდი „ქართუა“, შესაბამისად, „ქართუ ბანკის“ მსგავსად, კომპანიის საბოლოო მფლობელი 2025 წლამდე ბიძინა ივანიშვილის შვილი უტა ივანიშვილი იყო; დღეის მდგომარეობით კი წილები განაწილებულია უტა ივანიშვილსა (35%) და სულ მცირე 14 უცნობ პირს შორის.„ტელეიმედმა“ „ქართუ ჯგუფისგან“ სესხი პირველად 2020 წელს მიიღო 7.1 მლნ ლარის ოდენობით. 2022 წლის ბოლოს დავალიანება 6.9 მლნ ლარამდე იყო შემცირებული.Wenigen Management Limited„ტელეიმედის“ ფინანსური ანგარიშების მიხედვით Wenigen Management Limited ტელევიზიის მფლობელებთან დაკავშირებული კომპანიაა. თუმცა, „საერთაშორისო გამჭვირვალობა - საქართველოს“ 2022 წლის კვლევის მიხედვით, Wenigen Management Limited ბიძინა ივანიშვილთან დაკავშირებული ოფშორში რეგისტრირებული კომპანიაა, რომელიც 2018-2019 წლებში ფონდ „ქართუს“ აფინანსებდა. 2018 წელს „ტელეიმედს“ Wenigen Management Limited-სგან 6.8 მლნ ლარის სესხი ჰქონდა აღებული. 2022 წლის მონაცემებით კი სესხის მოცულობა 9 მლნ ლარამდე იყო გაზრდილი.შპს „ამბერი“ – „ქართუ ბანკთან“ / ბიძინა ივანიშვილთან დაკავშირებული კიდევ ერთი კომპანია?შპს „ამბერი“ „ტელეიმედის“ მსხვილი კრედიტორია. ის 2018 წლიდან აფინანსებს ტელევიზიას და 2022 წლის ბოლოს 105 მლნ ლარის სესხი ჰქონდა გაცემული. რადგან „ამბერის“ სახელი ფინანსურ ანგარიშებში ქართულად წერია, ის სავარაუდოდ საქართველოში რეგისტრირებული კომპანია უნდა იყოს. ფინანსურ ანგარიშებში არ არის მოცემული კომპანიის საიდენტიფიკაციო კოდი, „ამბერი“ კი ათზე მეტ კომპანიას ჰქვია. აქედან გამომდინარე კომპანიის ზუსტი იდენტიფიცირება ვერ მოხერხდა. თუმცა, „ტელეიმედის“ 2022 წლის ფინანსურ ანგარიშში აღნიშნულია (გვერდი 22), რომ „ამბერი“ ტელევიზიის მფლობელებთან და მათი ჯგუფის წევრებთან დაკავშირებული კომპანიაა.ჩვენ შევისწავლეთ 2018 წლამდე რეგისტრირებული ყველა კომპანია, რომელსაც „ამბერი“ ჰქვია. მაღალი ალბათობით ტელევიზიას 2018 წლის 17 ოქტომბერს რეგისტრირებული შპს „ამბერი“ (საიდენტიფიკაციო ნომერი 400251758) აფინანსებს, რომლის 100% წილის მფლობელი იაკობ გოგოლაძეა. ერთ-ერთი სპორტული ვებსაიტის მიხედვით, იაკობ გოგოლაძე ფუტსალის გრანდ ლიგაში „ბანკი ქართუს“ გუნდში თამაშობს. სოციალურ მედიაში მის მიერ გამოქვეყნებული პოსტის მიხედვით, ის „ბანკი ქართუს“ გუნდში 2019 წელსაც თამაშობდა.სს „ქართუ ჯგუფის“ 2018 წლის ფინანსურ ანგარიშში აღნიშნულია, რომ „ქართუ ჯგუფმა“ 2018 წლის 18 ოქტომბერს 2.8 მლნ ლარის სესხი მისცა შპს „ამბერს“. ჩვენს მიერ იდენტიფიცირებული „ამბერი“ კი ერთი დღით ადრე დარეგისტრირდა, რაც მიანიშნებს, რომ სესხი სწორედ ამ კომპანიამ მიიღო. თავის მხრივ, 2018 წელს „ამბერმა“ „ტელეიმედს“ დაახლოებით იგივე მოცულობის თანხა - 2.9 მლნ ასესხა. „ქართუ ჯგუფმა“ ამბერს 2.9 მლნ ლარის სესხი 2019 წელსაც მისცა, რომელმაც შემდეგ „ტელეიმედი“ დააფინანსა.ეს სქემა აჩენს ეჭვს, რომ შპს „ამბერიც“ რეალურად ბიძინა ივანიშვილთან დაკავშირებული კომპანიაა, რომლის საშუალებითაც ივანიშვილი იმაზე მეტ თანხას დებს იმედში, ვიდრე ზემოთ ნახსენები სამი კომპანიის საშუალებით. ასეთ შემთხვევაში, ბიძინა ივანიშვილთან დაკავშირებული კომპანიების მიერ „იმედის“ დაფინანსების წილი 56%-მდე იზრდება.ცხრილი 1. შპს „ტელეიმედის“ სესხები, 31 დეკემბრის მდგომარეობით, მლნ ლარიინფორმაციის წყარო: „ტელეიმედის“ წლიური ფინანსური ანგარიშებიPs Capital Lux S.A.R.L„ტელეიმედის“ ფინანსური ანგარიშების მიხედვით, Ps Capital Lux S.A.R.L ტელევიზიის მესაკუთრეებთან დაკავშირებული კომპანიაა. Ps Capital Lux S.A.R.L ლუქსემბურგში არის რეგისტრირებული და მისი მფლობელი ბრიტანეთის ვირჯინიის კუნძულებზე რეგისტრირებული კომპანია Park Street Capital LP-ია. აღნიშნული კომპანია 2021 წლიდან აფინანსებს „ტელეიმედს“ და 2022 წლის ბოლოს ყველაზე მსხვილი დამფინანსებელი იყო. ტელევიზიის დავალიანება მის მიმართ 126 მლნ ლარი იყო", - წერს TI.

1759319051

ბიძინა ივანიშვილი აღნიშნავს, რომ დღეს ბრძოლის ხაზი მშვიდობისა და სტაბილურობის შენარჩუნებაზე გადის, რაც განვითარების, უკეთესი მომავლის, ერთიანი საქართველოსკენ მიმავალი ერთადერთი გზაა.„განვლილი 13 წელიწადი ჩვენი მრავალსაუკუნოვანი ყოფის ლოგიკური გაგრძელებაა. 2012 წელს არამხოლოდ გადავრჩით, არამედ გავიმარჯვეთ კიდეც, თუმცა, მოპოვებულ თავისუფლებას თუ არ გავუფრთხილდით, ყველაფერს დავკარგავთ, რაც ამდენი წლის განმავლობაში გვიშენებია... უნდა გვესმოდეს, რომ სუვერენიტეტისა და დამოუკიდებლობისთვის მუდმივ ბრძოლას მუდმივი სიფხიზლე სჭირდება. რა თქმა უნდა, განვლილ 13 წელიწადში იყო შეცდომებიც, თუმცა, საბედნიეროდ, არა იმ ხარისხის, რომ ჩვენს სახელმწიფოებრიობას თუ ფიზიკურ არსებობას საფრთხე დამუქრებოდა, არა იმ ხარისხის, რომლის გამოსწორება და აღმოფხვრაც შეუძლებელი იქნებოდა“, - აღნიშნავს ბიძინა ივანიშვილი, რომლის განცხადებასაც „ქართული ოცნება“ ავრცელებს.ბიძინა ივანიშვილი აღნიშნავს, გარე მტრები არეულობის, სახელმწიფო გადატრიალებისა და საკუთარი მიზნების განხორციელების კიდევ ერთ შესაძლებლობას 4 ოქტომბერს ხედავენ.„მოახლოებულ ადგილობრივი თვითმმართველობის არჩევნებში ნიღაბჩამოხსნილი შიდა და გარე მტრები არეულობის, სახელმწიფო გადატრიალებისა და საკუთარი მიზნების განხორციელების კიდევ ერთ შესაძლებლობას ხედავენ. მათ რეალურ ზრახვებში სულ უფრო და უფრო ბევრი ადამიანი რწმუნდება, მათი მხარდაჭერაც ყოველდღიურად იკლებს, საქართველოში სახელმწიფო ინსტიტუტებიც დღეს ისეთი მყარია, როგორც არასდროს, ეს კი არწმუნებთ, რომ ერთადერთი შანსი დარჩათ, რაც კიდევ უფრო მეტ რადიკალიზმს, საკუთარ სახელმწიფოზე და, შესაბამისად, ხალხზე პირდაპირ თავდასხმას გულისხმობს“, - აღნიშნავს ბიძინა ივანიშვილი."ქართლი ოცნების" საპატიო თავმჯდომარე საკუთარ განცხადებაში იმასაც აღნიშნავს, რომ "დღეს ჩვენ აღარ გვეშლება ხარისხობრივი შეფასება იმისა, თუ ვინ მეგობარია და ვინ - მტერი. კარგად გავაანალიზეთ, რომ არც ერთი უცხო ძალა ჩვენს დასახმარებლად არ იღვწის, ყველას საკუთარი ინტერესები და სურვილები ამოძრავებს. ცხადია, არავისთან პარტნიორობაზე უარს არ ვამბობთ, თუმცა, ეს არ უნდა მოხდეს ჩვენი ქვეყნის სუვერენიტეტის დასუსტების და საქართველოს გამოყენების ხარჯზე".მისივე თქმით, 13 წლის განმავლობაში „ქართული ოცნების“ მთავარი მონაპოვარი არის ის, რომ გუნდმა ისწავლა მოვლენებისა და ფაქტების სწორად შეფასება.საკუთარ განცხადებაში ბიძინა ივანიშვილი საუბრობს "ღალატზეც" და ამბობს, რომ პირადად მისთვის უმძიმესია გუნდის შიგნით "მუხანათური ღალატი", რამაც, მისი აზრით, არამხოლოდ „ქართული ოცნება“ დააყენა კრიზისის წინაშე, არამედ, ქართველ ხალხიც. ივანიშვილი იმასაც აღნიშნავს, რომ „მეგობრისა და პარტნიორის ნიღაბს ამოფარებულ კონკრეტულ უცხო ძალებს ღიად მოუწიათ ეღიარებინათ, რომ ჩვენგან მათი ინტერესების მორჩილებას მოითხოვენ".ივანიშვილმა ისაუბრა ასევე ოპოზიციურ პარტიებზეც და აღნიშნა, რომ "გარე მტრების დასაყრდენი აგენტები ქვეყნის შიგნით ოპოზიციურ პარტიებსა და ე.წ. არასამთავრობო სექტორში უხვად არიან გაბნეული".მისივე თქმით, "ქართველი ხალხისთვის ავტორიტეტს არა კონკრეტული სახელები და გვარები, რეგალიები ან ხელოვნურად შექმნილი გავლენიანი პოლიტიკოსები, არამედ სიმართლე წარმოადგენს".4 ოქტომბერს საქართველოში თვითმმართველობის არჩევნები იმართება. ამ არჩევნებში დიდი ოპოზიციური პარტიებიდან მონაწილეობას აპირებენ „ლელო - ძლიერი საქართველო“ და „გახარია საქართველოსთვის“, „კოალიცია ცვლილებისთვის“, „ერთიანი ნაციონალური მოძრაობა“, „ფედერალისტები“ და ა.შ კი არა.„ქართული ოცნება – დემოკრატიული საქართველო“ საქართველოს ხელისუფლებაში 2012 წლის 1 ოქტომბრის საპარლამენტო არჩევნების შემდეგ მოვიდა, რის შედეგადაც დასრულდა „ერთიანი ნაციონალური მოძრაობის“ 9-წლიანი ყოფნა ხელისუფლებაში (2003–2012).ChatGPT აგენერირებს იმ დაპირებების, რომლებსაც ბიძინა ივანიშვილმა საქართველოს ხელისუფლებაში მოსვლამდე ამომრჩეველს დაჰპირდა, და რომლებიც შესრულდა ან არ შესრულდა.შეუსრულებელი დაპირებები ოკუპირებული ტერიტორიების დაბრუნება მშვიდობიანი გზით 400,000 ახალი სამუშაო ადგილის შექმნა ეკონომიკური სწრაფი ზრდა და გადასახადების შემცირება „ღირსეული“ პენსიები და შემწეობები, ევროპულ სტანდარტთან მიახლოება სასამართლოს სრული დეპოლიტიზაცია კორუფციის აღმოფხვრა მაღალჩინოსნებში დასავლურ სტრუქტურებში (EU, NATO) დაჩქარებული ინტეგრაცია 5 მილიონი ყველა სოფელს უფასო ფული ბენზინის გაიაფება  ChatGPT "ოცნების" მიერ სრულად შესრულებულ დაპირებას ვერ აგენერირებს. ნაწილობრივ შესრულებული დაპირებები პენსიის გაზრდა – დაპირებული იყო 220 ლარამდე გაზრდა საყოველთაო ჯანდაცვა – დაპირებული იყო უფასო ჯანდაცვის პროგრამა პოლიტპატიმრების გათავისუფლება მოსწავლეებისა და სტუდენტების დახმარება სოფლის მეურნეობის მხარდაჭერა პროცენტულად ChatGPT ბიძინა ივანიშვილის 2012 წლამდე, წინასაარჩევნო დაპირებებს ასე ანაწილებს: ნაწილობრივ შესრულებულ დაპირებები მოიცავს 35–40%-ს, ხოლო შეუსრულებელი დაპირებები - 60–65%.კითხვაზე, რომ "ოცნება",  აგერ უკვე 13 წელია, რაც ხელისუფლებაშია და თავისი თავდაპირველი დაპირებების რამდენი პროცენტის შესრულება უნდა მოესწრო, ChatGPT გვპასუხობს, რომ მინიმუმ 70–80%-ის და იქვე დასძენს, რომ "ქართული ოცნება" დღესაც დაპირებების ნახევარზე მეტს შეუსრულებლად ტოვებს, მაშინ როცა დროის რესურსი საკმარისზე მეტი ჰქონდა".ავტორი: ანა გულბათაშვილი

1759315069

სახელმწიფო ენის სწავლებისა და ინტეგრაციის პროგრამის წარმატებულ კურსდამთავრებულებს ცენტრალური საარჩევნო კომისიის (ცესკო) თავმჯდომარე გიორგი კალანდარიშვილი და ზურაბ ჟვანიას სახელობის სახელმწიფო ადმინისტრირების სკოლის დირექტორი დავით გიორგაძე შეხვდნენ.თავის გამოსვლაში გიორგი კალანდარიშვილმა დეტალურად ისაუბრა არჩევნებისა და მისი მნიშვნელობის შესახებ, ელექტრონული ტექნოლოგიების დანერგვასთან დაკავშირებით საარჩევნო ადმინისტრაციის მიერ განხორციელებული საქმიანობის, საარჩევნო ელექტრონული ტექნოლოგიების უპირატესობებისა და მნიშვნელოვანი საარჩევნო სიახლეების შესახებ. ასევე ვრცლად ისაუბრა მუნიციპალიტეტის ორგანოთა არჩევნებისთვის მზადების პროცესისა და საარჩევნო ადმინისტრაციის მიმდინარე და დაგეგმილი საქმიანობის შესახებ. მისი თქმით, ინფორმირებული ახალგაზრდები უკეთ აცნობიერებენ არა მხოლოდ საკუთარი ხმის, არამედ პროცესებში ჩართულობის მნიშვნელობასაც, რომელიც თითოეულ მოქალაქეს ეკისრება ქვეყნის მომავალი განვითარებისთვის.შეხვედრის დასასრულს ცესკოს თავმჯდომარემ და ჟვანიას სახელობის სახელმწიფო ადმინისტრირების სკოლის დირექტორმა, მარნეულის სასწავლო ცენტრის კურსდამთავრებულებს სახელმწიფო ენის სწავლებისა და ინტეგრაციის პროგრამის წარმატებით დასრულებისთვის სერტიფიკატები გადასცეს.მარნეულის სასწავლო ცენტრში 28 სექტემბერს გამართულ შეხვედრას ესწრებოდნენ ცესკოს პრეს-სპიკერი ნათია იოსელიანი, მარნეულის საოლქო საარჩევნო კომისიის თავმჯდომარე ლელა ქრისტესიაშვილი, საოლქო საარჩევნო კომისიის წარმომადგენლები და რეგიონული კოორდინატორი კობა ასანიძე. ასევე, მარნეულის მერის პირველი მოადგილე როინ დეკანოიძე, მერის მოადგილე თემურ შუბითიძე და ადმინისტრაციული სამსახურის ხელმძღვანელი მამუკა შუბითიძე.შეხვედრას ფასილიტაციას ზურაბ ჟვანიას სახელობის სახელმწიფო ადმინისტრირების სკოლის, მარნეულის სასწავლო ცენტრის ხელმძღვანელი, მაია ბუწურაძე უწევდა.(R)

1759306922

შეხვედრის მიზანი იყო 2025 წლის მუნიციპალიტეტის არჩევნების შესახებ ამომრჩეველთა ინფორმირება, საარჩევნო პროცედურებისა და მომსახურების ხელმისაწვდომობის შესახებ დეტალური ინფორმაციის მიწოდება, ასევე ამომრჩეველთა საჭიროებების გაცნობა.ცენტრალური საარჩევნო კომისიის (ცესკო) შეზღუდული შესაძლებლობების მქონე პირთა საკითხებზე მომუშავე სამუშაო ჯგუფის ხელმძღვანელმა გიორგი სანტურიანმა  და მდივანმა ელენე ბობოხიძემ შეხვედრის მონაწილეებს 4 ოქტომბრის არჩევნების შესახებ ინფორმაცია და საარჩევნო ტექნოლოგიებთან დაკავშირებული სიახლეები გააცნეს. ცესკოს წარმომადგენლებმა მათ ინფორმაცია მიაწოდეს ინკლუზიური საარჩევნო გარემოს ხელშეწყობის მიზნით განხორციელებული და დაგეგმილი საქმიანობების შესახებ. შეხვედრა ინტერაქტიური იყო და შეხვედრის მონაწილეებმა ამომწურავი პასუხები მიიღეს საარჩევნო საკითხებთან დაკავშირებით მათთვის საინტერესო კითხვებზე.შეხვედრა 29 სექტემბერს, ცენტრალური საარჩევნო კომისიის (ცესკო) შეზღუდული შესაძლებლობების მქონე პირთა საკითხებზე მომუშავე სამუშაო ჯგუფის საქმიანობის ფარგლებში, ქუთაისში გაიმართა. ინკლუზიური საარჩევნო გარემოს ხელშეწყობის, ამომრჩეველთა ინფორმირებისა და საარჩევნო პროცესში თანაბარი მონაწილეობის უზრუნველყოფის მიზნით ცესკო მომავალშიც გააგრძელებს საქართველოს სხვადასხვა ქალაქში საინფორმაციო შეხვედრების გამართვას.(R) 

1759239565

მორიგი სამუშაო შეხვედრა გიორგი კალანდარიშვილმა ცესკოს პრეს-სპიკერთან, ნათია იოსელიანთან ერთად მარნეულის საოლქო საარჩევნო კომისიაში გამართა. ისინი დეტალურად გაეცნენ 4 ოქტომბრის მუნიციპალიტეტის ორგანოთა არჩევნებისთვის კომისიის მიერ განხორციელებულ და მიმდინარე საქმიანობებსა და აქტივობებს.სამუშაო შეხვედრის დასრულების შემდგომ გიორგი კალანდარიშვილმა, ნათია იოსელიანთან და მარნეულის საოლქო საარჩევნო კომისიის წარმომადგენლებთან ერთად, მარნეულში არსებული დროებითი სასაწყობე სივრცე დაათვალიერა.აღნიშნულ სივრცეში განთავსებულია 4 ოქტომბრის არჩევნების ადმინისტრირებისთვის საჭირო საარჩევნო დოკუმენტაცია და ელექტრონული ტექნოლოგიები, რომლებიც კენჭისყრის დღემდე კანონით დადგენილ ვადებში გადაეცემა საუბნო საარჩევნო კომისიებს.(R)

1759226412

აღნიშნული ორგანიზაციის ანალიტიკური ცენტრების მეთერთმეტე ტრადიციული კონფერენცია ბაქოში 29 სექტემბერს გაიმართა და მთავარი თემა იყო „თურქულენოვან სახელმწიფოთა ორგანიზაცია, როგორც რეგიონული აქტორი გლობალური გაურკვევლობის პირობებში“. ამ ღონისძიებაზე საერთაშორისო ურთიერთობების ანალიზის ცენტრის თავმჯდომარემ ფარიდ შაფიევმა თავის გამოსვლაში აღნიშნა, რომ ბოლო წლებში მნიშვნელოვნად გაიზარდა როგორც ორგანიზაციის წევრების რაოდენობა, ისე მისი ავტორიტეტი რეგიონულ და გლობალურ დონეებზე: „დღეს ჩვენ დარწმუნებით შეგვიძლია ვთქვათ, რომ ორგანიზაცია ნამდვილად სრულფასოვნად ემსახურება მშვიდობას და თანამშრომლობას რეგიონში და სხვა ორგანიზაციებისგან განსხვავებით, თანასწორობაზეა დაფუძნებული“.მისივე თქმით, თურქულენოვანი სამყარო უზარმაზარ ტერიტორიაზეა გადაჭიმული, მძლავრი სამხედრო პოტენციალით, მდიდარი რესურსებით, სატრანსპორტო დერეფნებით და ახალგაზრდა მოსახლეობით. კაჯამანმა აღნიშნა, რომ ორგანიზაციის წევრებმა აუცილებლად უნდა მიმართონ ძალისხმევა – გახდნენ გავლენიანი მოთამაშე და მიზიდულობის ცენტრი მსოფლიო არენაზე. მან განსაკუთრებული მნიშვნელობა მიანიჭა აზერბაიჯანს, როგორც სატრანსპორტო და ლოგისტიკურ კვანძს ორგანიზაციის წევრ ქვეყნებს შორის.თავის მხრივ, უნგრეთს სურს, გახდეს თურქულენოვანი სახელმწიფოების ევროპაში და ევროკავშირში ინტეგრაციის ადგილი. ამის შესახებ კონფერენციაზე უნგრეთის საერთაშორისო ურთიერთობების ინსტიტუტის წამყვანმა მეცნიერ–თანამშრომელმა ლასპო ვასამ განაცხადა.კონფერენციის მონაწილეებმა შუა დერეფნის განვითარების მიმართულებებით საუბრისას განსაკუთრებული ყურადღება დაუთმეს სომხეთის ტერიტორიაზე ზანგეზურის დერეფნის მშენებლობას, რომელიც, მათი თქმით, პირდაპირ მაგისტრალს შექმნის აღმოსავლეთსა და დასავლეთს შორის და თავიდან აარიდებს ზედმეტ ლოგისტიკურ ხარჯებს გადამზიდავებს. 

1759220874

მაკკლირის თქმით, საქართველოში არსებული მდგომარეობა მიუღებელია, ამიტომ ის მოუწოდებს მმართველ პარტიას შეწყვიტოს "უკუსვლა ავტორიტარიზმისკენ"."მე გაერთიანებული სამეფოს პარლამენტის წევრი ვარ. ჩემს პარლამენტარ კოლეგებთან ერთად, საკმაოდ ბევრი გვისაუბრია და გვიმსჯელია იმ მდგომარეობის შესახებ, რომელშიც საქართველო აღმოჩნდა. არსებული მდგომარეობა მიუღებელია, ბრიტანეთის ხელისუფლება ინფორმირებულია ამის შესახებ.ბევრმა თქვენგანმა იცის, რომ ბოლო პერიოდში ბრიტანეთმა სანქციები დაუწესა კონკრეტულ პირებს საქართველოში იმ ქმედებების გამო, რისი მოწმეებიც ვართ. ოპოზიციის ლიდერების დაპატიმრება, წამყვანი ჟურნალისტების დაპატიმრება მიუღებელია და ისინი დაუყოვნებლივ უნდა გათავისუფლდნენ. მე აბსოლუტურად და ცალსახად ვგმობ ამას", - განაცხადა ჯეიმს მაკკლირმა.მისივე თქმით, მათი გავლენით, გაერთიანებული სამეფოს მთავრობა მნიშვნელოვან ზომებს ატარებს, კერძოდ კი, იმ ინდივიდების დასანქცირებას, რომლებიც, "ქართული ოცნების" უკან დგანან."მათ შორის ბიძინა ივანიშვილის, რომლის დასანქცირებაც მე პირადად მოვითხოვე და ასევე სხვებისაც. მე მინდა მას მივმართო - რადგან ვიცი, რომ ის ისმენს, რასაც ჩვენ გაერთიანებული სამეფოს მთავრობასა და პარლამენტში ვამბობთ. ასევე ვიცი, რომ "ქართული ოცნების" მთავრობაც ისმენს, რასაც ვამბობთ, რადგან ისინი აქვეყნებენ განცხადებებს, სადაც აცხადებენ, რომ მე აზრზე არ ვარ, რაზე ვლაპარაკობ. ამიტომ მათ ასე ვეტყვი: თუ გინდათ, რომ თქვენზე აღარ ვილაპარაკოთ, თუ გინდათ, რომ სანქციებით აღარ დაგემუქროთ, თუ გინდათ, აღარ მოგიწოდოთ, რა ნაბიჯები უნდა გადადგათ, თუ გინდათ, რომ აღარ დავგმოთ თქვენი ავტორიტარული ქმედებები საქართველოში - ეს ძალიან მარტივია: გაათავისუფლეთ პოლიტიკური პატიმრები, გაათავისუფლეთ ჟურნალისტები, მიეცით საშუალება ქართველ ხალხს, თავად აირჩიონ თავიანთი მომავალი", - განაცხადა ბრიტანელმა პარლამენტარმა, რომლის თარგმანსაც "კოალიცია ცვლილებისთვის" პრესსამსახური ავრცელებს.ჯეიმს მაკკლირმა "ოცნებას" ასევე გამჭვირვალე და სამართლიანი არჩევნების ჩატარებისკენ მოუწოდა და დასძინა, "მიეცით ქართველ ხალხს საშუალება, საკუთარი გზა თავად აირჩიონ, იქნება ეს ევროპული გზა თუ რაიმე სხვა - ეს მათი ნებაა"."ეს არ არის თქვენი გადასაწყვეტი. ამიტომ მოგმართავთ - გაათავისუფლეთ ქართველი ხალხი, შეწყვიტეთ უკუსვლა ავტორიტარიზმისკენ, დაუშვით თავისუფალი და სამართლიანი არჩევნები საქართველოში და ხელი შეუწყვეთ ნათელი მომავლის დადგომას ყველა ჩვენგანისათვის", - განაცხადა ჯეიმს მაკკლირმა. სტრასბურგში გამართულ ბრიფინგზე გერმანელმა პარლამენტარმა, "ქრისტიან-დემოკრატიული" პარტიიდან, კნუტ აბრაჰამმაც ისაუბრა და განაცხადა, რომ "რისი იძულებითი მოწმეებიც ახლა ვართ საქართველოში, არის არა მხოლოდ ევროპული ღირებულებების, არამედ მთლიანად ევროპული ცივილიზაციის რღვევა". მისი თქმით, ოპოზიციის დევნა, მათი ლიდერების დაპატიმრება, უბრალოდ მიუღებელი და აბსოლუტურად დაუშვებელია. გერმანელი პარლამენტარის თქმით, მთავარი არის სამართლიანი და თავისუფალი არჩევნები და ყველა პოლიტიკური პატიმრის დაუყოვნებლივი გათავისუფლება."როგორც გერმანელი, მე ყოველთვის ვამაყობ გერმანულ-ქართული ურთიერთობებით, არა მხოლოდ იმიტომ, რომ ანბანის მიხედვით ახლოს ვართ ერთმანეთთან; მე ყოველთვის ვგრძნობ, რამდენად ღრმაა მეგობრობა ამ ორ ქვეყანას შორის და მინდა, მადლიერება გამოვხატო ქართულ-გერმანული მეგობრობის მარშის მიმართ, რომლის შესახებ რეპორტაჟიც გუშინ ვნახეთ.მინდა ხაზი გავუსვა კიდევ ერთხელ იმას, რაც ჩემმა კოლეგებმა უკვე აღნიშნეს - მთავარი არის სამართლიანი და თავისუფალი არჩევნები, და ყველა პოლიტიკური პატიმრის დაუყოვნებლივი გათავისუფლება", - განაცხადა გერმანელმა პარლამენტარმა.

1759218973

ტრენინგების კონცეფციის შესაბამისად, საარჩევნო უბნებზე კენჭისყრის პროცესის სპეციფიკის გათვალისწინებით, საარჩევნო სისტემების განვითარების, რეფორმებისა და სწავლების ცენტრის (სწავლების ცენტრი) მიერ მომზადებული პროფილური სასწავლო პროგრამების მიხედვით: 2284 საუბნო საარჩევნო კომისიის წევრებმა ტრენინგები გაიარეს ელექტრონული საშუალებების გამოყენებით კენჭისყრის წარმართვის პროცედურებთან დაკავშირებით (ხუთი ეტაპი) 767 საუბნო საარჩევნო კომისიის წევრებმა დეტალური ინსტრუქტაჟი გაიარეს ელექტრონული საშუალებების გამოყენების გარეშე კენჭისყრის განხორციელების რეგულაციებზე (ოთხი ეტაპი) პენიტენციურ დაწესებულებებში გამონაკლის შემთხვევაში შექმნილი 10 საუბნო საარჩევნო კომისიის წევრებმა კი გადამზადება შესაბამისი პროფილური მიმართულებით გაიარეს (ერთი ეტაპი). პროგრამის ფარგლებში საარჩევნო კომისიების ხელმძღვანელი პირები და წევრები დეტალურად გაეცნენ ამომრჩევლებისთვის კვალიფიციური სერვისის მისაწოდებლად შესაბამისი ფუნქციების შესრულების ტექნიკას, მათ შორის, ინკლუზიური საარჩევნო გარემოს მხარდაჭერის ჭრილში.საუბნო საარჩევნო კომისიების წევრებმა, საარჩევნო უბნის გახსნიდან კენჭისყრის შედეგების შეჯამების ჩათვლით, ყველა პროცედურულ საკითხზე სპეციალიზებული ცოდნა  ეტაპობრივად, თემატურად შედგენილი პროგრამების მიხედვით მიიღეს. ტრენინგები პრაქტიკული სწავლების მეთოდოლოგიაზე დაფუძნებით განხორციელდა. მოიცავდა როლურ თამაშებს, ელექტრონულ აპარატებთან მუშაობის მოდელირებას და კენჭისყრის პროცესის ეპიზოდურ ინსცენირებებს.სწავლების ცენტრის მიერ გადამზადებულმა 279-მა ტრენერმა ჯამურად უზრუნველყო 6423 სატრენინგო სესიის ჩატარება, მათ შორის: 4970 სატრენინგო სესია - საუბნო საარჩევნო კომისიებისთვის, რომლებიც კენჭისყრას ელექტრონული საშუალებების გამოყენებით წარმართავენ 1453 სატრენინგო სესია - საუბნო საარჩევნო კომისიებისთვის, რომლებიც კენჭისყრას ელექტრონული საშუალებების გამოყენების გარეშე ჩაატარებენ. მუნიციპალიტეტის ორგანოთა არჩევნებისთვის სწავლების ცენტრმა ასევე უზრუნველყო საინფორმაციო-სასწავლო პროექტის განხორციელება 73-ვე საოლქო საარჩევნო კომისიის სრული შემადგენლობისა და კომისიების იურისტებისთვის. დეტალურად იქნა განხილული საოლქო საარჩევნო კომისიის მანდატს მიკუთვნებული საკითხები, მათ შორის, საკანონმდებლო ცვლილებები, კანონმდებლობის ერთგვაროვნად გამოყენება, საარჩევნო დავების გადაწყვეტის მეთოდოლოგია, ზედამხედველობის მექანიზმები ქვემდგომი საუბნო საარჩევნო კომისიების საქმიანობაზე.ასევე აღსანიშნავია, რომ ცესკომ და სწავლების ცენტრმა, არჩევნების ჩატარების პროცედურული სპეციფიკის გათვალისწინებით, მოამზადა სხვადასხვა სახის საინფორმაციო-სასწავლო რესურსი, რომელიც უკავშირდება საარჩევნო ადმინისტრატორების და საარჩევნო უბნებზე ყოფნის უფლების მქონე პირების უფლებრივი მდგომარეობას, ეთიკის სტანდარტებსა და საქმიანობის განხორციელების პრაქტიკული ასპექტებს. ინკლუზიური საარჩევნო გარემოს ხელშეწყობის მიზნით, საუბნო საარჩევნო კომისიებისთვის განკუთვნილი სახელმძღვანელო და სამახსოვრო ინსტრუქციები ითარგმნა ეთნიკური უმცირესობების ენებზე (სომხური და აზერბაიჯანული ენები).(R) 

1759157997

სუსის განცხადებით, ბრალი წარედგინება საზედამხედველო კომპანიის კიდევ ერთ თანამშრომელ დ.მ-ს. „საქმე ეხება დიდი ოდენობით თაღლითობას, დიდი ოდენობით თაღლითობაში დახმარებას და ყალბი ოფიციალური დოკუმენტის დამზადება-გამოყენებას. კერძოდ, საქართველოს რეგიონული განვითარებისა და ინფრასტრუქტურის სამინისტროს კუთვნილი თანხის მოტყუებით დაუფლების ფაქტს". - აცხადებს უწყება.სუსის გამოძიების თანახმად: „2022 წლის სექტემბრიდან 2023 წლის იანვრის ჩათვლით გარდაბნის მუნიციპალიტეტში, ნირიო-ლილოს დამაკავშირებელი 3.52 კილომეტრი სიგრძის ადგილობრივი მნიშვნელობის საავტომობილო გზის სარეაბილიტაციო სამუშაოების შესრულების პროცესში შპს გურია ენერჯის 100%-იანი წილის მფლობელი და დირექტორი მამუკა ჟღენტი ტენდერის შესრულებაზე პასუხისმგებელი პირის, კ.რ.-ს დახმარებით, ყალბი ოფიციალური დოკუმენტების შედგენა-გამოყენების გზით მოტყუებით დაეუფლა საქართველოს რეგიონული განვითარებისა და ინფრასტრუქტურის სამინისტროს კუთვნილ 403 095 ლარს, რითაც სახელმწიფოს მიადგა დიდი ოდენობით ქონებრივი ზიანი.ექსპერტიზის დასკვნით, შპს „გურია ენერჯის" მიერ სარეაბილიტაციო სამუშაოების შედეგად მიღებული ჩაბარებული საავტომობილო გზა ექსპლუატაციისთვის უვარგისია".უწყების ცნობით, ამ დანაშაულებრივ ქმედებასთან დაკავშირებით გამოძიება მიმდინარეობს სსკ-ის 180-ე მუხლის მე-3 ნაწილის ბ ქვეპუნქტის, 25-180-ე მუხლის მე-3 ნაწილის გ ქვეპუნქტით და 362-ე მუხლის მე-2 ნაწილის გ ქვეპუნქტით, რაც სასჯელის სახედ და ზომად ითვალისწინებს თავისუფლების აღკვეთას 6-იდან 9 წლამდე ვადით.

1759142852