ფორუმის ფარგლებში ქეთევან თოიძე მონაწილეობდა Avesta Capital Markets Day 2026-ის პანელურ დისკუსიაში – „უზბეკეთში კაპიტალის ბაზრის განვითარების პერსპექტივები“, სადაც საინვესტიციო ბანკისგამოცდილება, კაპიტალის ბაზრის განვითარების მიმართულებით განხორციელებული პროექტები და საქართველოს ბაზარზე დაგროვილი პრაქტიკა გააზიარა. დისკუსიის მონაწილეებმა იმსჯელეს კაპიტალის ბაზრის განვითარების შესაძლებლობებზე, კაპიტალის მოზიდვის ინსტრუმენტებსა და რეგიონული თანამშრომლობის მნიშვნელობაზე.„რეგიონული გამოცდილების გაზიარება და საერთაშორისო პროფესიულ დისკუსიებში მონაწილეობა მნიშვნელოვანია კაპიტალის ბაზრების განვითარებისა და ქვეყნებს შორის თანამშრომლობის გაძლიერებისთვის. მოხარული ვართ, რომ Tashkent International Investment Forum-ის ფარგლებში, შესაძლებლობა გვქონდა გაგვეზიარებინა გალტ & თაგარტის გამოცდილება და საქართველოს კაპიტალის ბაზრის განვითარების პრაქტიკა. მსგავსი პლატფორმები ხელს უწყობს ცოდნისა და საუკეთესო საერთაშორისო პრაქტიკის გაცვლას, რაც რეგიონის საინვესტიციო გარემოს კიდევ უფრო აძლიერებს”, - განაცხადა ქეთევან თოიძემ, გალტ & თაგარტის გენერალური დირექტორის მოადგილემ.Tashkent International Investment Forum უკვე მეხუთედ გაიმართა. გასულ წელს ფორუმს 8 000-ზე მეტი მონაწილე, მათ შორის თითქმის 3 000 საერთაშორისო სტუმარი 97 ქვეყნიდან დაესწრო. ღონისძიების ფარგლებში გაფორმდა 30.5 მილიარდ აშშ დოლარზე მეტი ღირებულების საინვესტიციო და სავაჭრო შეთანხმებები, ხოლო ბიზნესპროგრამა 150-ზე მეტ საერთაშორისო სპიკერსა და ათეულობით თემატურ პანელურ დისკუსიას აერთიანებდა.

1783522380

ფინანსური განათლების ხელშეწყობის მიზნით, საქართველოში ყოველწლიურად გლობალური ფულის კვირეული აღინიშნება. ინიციატივის მხარდამჭერია საქართველოს ბანკი.პროექტის ფარგლებში, საქართველოს ბანკის თანამშრომლები 150-ზე მეტ სკოლას ესტუმრნენ, სადაც V–XII კლასის მოსწავლეებისთვის ფინანსური განათლების თემებზე ინტერაქციული და პრაქტიკული გაკვეთილები ჩაატარეს. შეხვედრებს 1000-ზე მეტი მოსწავლე დაესწრო.ინიციატივა მიზნად ისახავს, დაეხმაროს ახალგაზრდებს ფინანსური საკითხების უკეთ გააზრებაში, სწორი ფინანსური ჩვევების ჩამოყალიბებასა და ინფორმირებული გადაწყვეტილებების მიღებაში.ინფორმაციისთვის, ინიციატივა წარმოადგენს ფულის გლობალური კვირეულის ნაწილს, რომელიც საქართველოს ეროვნული ბანკის მიერ ინიცირებული პროგრამის „მოიწვიე ფინედუ კლასში“ ფარგლებში ხორციელდება.

1783520520

ივნისში წლიური ინფლაცია მცირედით, 5.7%-დან 5.8%-მდე გაიზარდა. სეზონური ეფექტის გამორიცხვით ფასების გასულ თვესთან მიმართებით ზრდა უფრო შესამჩნევი იყო და მაისში დაფიქსირებული 0.3%-დან 0.6%-მდე იმატა.მცირედი აჩქარების მიუხედავად, აღნიშნული დინამიკა დიდწილად კვლავ თანხვედრაშია წლის ბოლოსთვის 5.1%-იანი ინფლაციის ჩვენს საბაზო სცენართან. ამავდროულად, რადგანაც ინფლაცია, სავარაუდოდ, მთელი წლის განმავლობაში სამიზნე დონეზე მაღალი დარჩება, პროგნოზი მონეტარული პოლიტიკის განაკვეთის უცვლელად, 8.25%-ზე შენარჩუნებას ითვალისწინებს, ვინაიდან ეროვნული ბანკი „ინფლაციური შოკის ამოწურვას“ განაკვეთის შემცირების წინაპირობად ასახელებს. ამ კუთხით, საყურადღებოა ირანსა და აშშ-ს შორის სამხედრო დაპირისპირების ხელახალი გააქტიურება ახლო აღმოსავლეთში. როგორც თიბისი კაპიტალის წინა პუბლიკაციაში იყო აღნიშნული, ის ფაქტი, რომ ორ ქვეყანას შორის ივნისში მიღწეული შეთანხმება საბოლოო არ არის, ჯერ კიდევ საკმაო გაურკვევლობას მოიაზრებს, მიუხედავად იმისა, რომ შეთანხმების გაფორმებას ბაზრების მხრიდან გამოკვეთილად ოპტიმისტური რეაქცია მოჰყვა. მიმდინარე ესკალაციის ფონზე, რთული სათქმელია, კონფლიქტის კვლავ გამწვავება დროებითია თუ არა, თუმცა, თუკი დაძაბულობა ხანგრძლივად შენარჩუნდა, რაც ფასებზე გლობალურ წნეხს ბუნებრივად გაზრდის, ინფლაციის პროგნოზიც უფრო მეტად წინა, 6%-იან ნიშნულს დაუახლოვდება. მკითხველს შევახსენებთ, რომ ივნისში პროგნოზის შემცირება სწორად გლობალურ სასაქონლო პროდუქციაზე ფასების მკვეთრ კლებას მოჰყვა. გაურკვევლობის მატებასთან ერთად, იზრდება გამკაცრებული მონეტარული პოლიტიკის ხანგრძლივად შენარჩუნების ალბათობაც. ივნისის დინამიკის მხრივ, წლიური ინფლაციის ფორმირებაში ძირითადი კომპონენტი კვლავ საწვავია, თუმცა მნიშვნელოვანი გავლენა ჰქონდა ასევე პურის, ელექტროენერგიის, სიგარეტისა და ინტერნეტის ტარიფების ცვლილებებს. ეს ფაქტორები ამჟამად ინფლაციის მნიშვნელოვან ნაწილს განაპირობებს, თუმცა, საბაზო ეფექტის ამოწურვასთან ერთად, მათი გავლენა ფასებზე თანდათან შესუსტდება. აღსანიშნავია, რომ ინფლაციის უფრო ხისტი მაჩვენებლები სამომხმარებლო ფასებზე შედარებით მაღალი, თუმცა მეტწილად მაინც ზომიერი წნეხის არსებობაზე მიუთითებს. მაგალითისათვის, მედიანური ინფლაცია ივნისში 1.9%-დან, 2.5%-მდე გაიზარდა, თუმცა უკვე ზედიზედ მესამე წელია 3%-იან სამიზნე დონეზე დაბალი რჩება. ამასთან, შეკვეცილი ინფლაციისა და დიფუზიის ინდექსებიც მიუთითებს, რომ ცალკეული საქონლის წვლილი ფასების ზრდაში მართალია მნიშვნელოვანია, თუმცა ინფლაციის აჩქარება მხოლოდ მათი მიზეზით არ არის განპირობებული და უფრო ფართო ხასიათს ატარებს. აგრეთვე, გაზრდილია მომსახურების ფასებიც, რასაც ძირითადად საცხოვრებელთან და ტრანსპორტთან დაკავშირებული მომსახურებების გაძვირება განაპირობებს.

1783517315

4 300 ლარით სანქცირებულია მ/ო "ექსპრეს კაპიტალ +", უწესობისთვის (ფინანსური მონიტორინგის სამსახურის წესი დაარღვია, არ აღირიცხა გარიგება). ასევე რეგულატორს ინფორმაცია არასწორად მიაწოდა. 6 000 ლარით დაჯარიმებულია მ/ო კროს კრედიტი, 1 000 ლარით ჯორჯიან კაპიტალი.17 000 ლარით სანქცირებულია მ/ო ინვესტ ჯორჯია. მისომ სებ-ს ტრანზაქციებზე მცდარი ინფორმაცია მიაწოდა. 2 გზის და 4 000  ლარით დასანქცირდა.9 000 ლარი გამოწერილია 3 კლიენტის საქმის რისკ ფაქტორების  გაუთვალისწინებლად წარმოებისთვის.

1783514405

წელს ფესტივალი საიუბილეო, მეათე სეზონს აღნიშნავს და 11 ივლისიდან 1 აგვისტომდე, ლაგოდეხში, Blues Village-ის სივრცეში გაიმართება. ოთხი მუსიკალური საღამოს განმავლობაში ქართველ მსმენელს ბლუზის მსოფლიო სცენის გამორჩეული არტისტები შეხვდებიან:11 ივლისი | Crystal Thomas და Sobo Blues Band;18 ივლისი | JJ Thames;25 ივლისი | Lakeetra Knowles;1 აგვისტო | Leon Beal.წლევანდელი პროგრამა ბლუზის საერთაშორისო სცენის ერთ-ერთ ყველაზე გამორჩეულ შემადგენლობას აერთიანებს, რაც ლაგოდეხის ბლუზ ფესტივალს მსოფლიო ბლუზის რუკაზეც განსაკუთრებულ ადგილს უმკვიდრებს.ფესტივალის სტუმრებს, მუსიკალურ პროგრამასთან ერთად, განსაკუთრებულ გასტრონომიულ გამოცდილებასაც შესთავაზებენ ბრენდ შეფი მიშა ავსაჯანიშვილი და აღმასრულებელი შეფი ლუკა კერვალიშვილი.თიბისისთვის კულტურისა და თანამედროვე მუსიკალური პროექტების მხარდაჭერა მნიშვნელოვანი მიმართულებაა. ლაგოდეხის ბლუზ ფესტივალი წლების განმავლობაში ქმნის სივრცეს მაღალი ხარისხის მუსიკის, საერთაშორისო კულტურული დიალოგისა და ახალი გამოცდილებების გასაზიარებლად, ხოლო თიბისის მხარდაჭერით ფესტივალი ყოველწლიურად კიდევ უფრო ფართო აუდიტორიას მასპინძლობს და ინარჩუნებს იმ ხარისხს, რომელმაც ის საქართველოს ერთ-ერთ გამორჩეულ მუსიკალურ ღონისძიებად აქცია.

1783514348

EJOI ევროპის ერთ-ერთი ყველაზე პრესტიჟული საერთაშორისო შეჯიბრია 16 წლამდე ასაკის პროგრამისტებისთვის, სადაც ერთმანეთს სხვადასხვა ქვეყნის საუკეთესო ახალგაზრდა მონაწილეები ეჯიბრებიან. ოლიმპიადა 24-30 ივლისს ლიეტუვის ქალაქ კაუნასში გაიმართება და მასში საქართველოს ნაკრებთან ერთად 24 ქვეყნის ახალგაზრდა ტალანტები იასპარეზებენ.საქართველოს სახელით ოლიმპიადაზე ოთხი ახალგაზრდა პროგრამისტი იასპარეზებს: გიორგი ციბაძე – სსიპ ანდრია რაზმაძის სახელობის ქალაქ ქუთაისის N41 ფიზიკა-მათემატიკის საჯარო სკოლის მე-10 კლასის მოსწავლე, ქუთაისის დაპროგრამების სკოლა AiaSoft. დიმიტრი შენგელია – პირველი ექსპერიმენტული საჯარო სკოლის მე-10 კლასის მოსწავლე, საინფორმაციო ტექნოლოგიების ცენტრი „მზიური“. ნატალია პაპაშვილი – ვლადიმირ კომაროვის თბილისის ფიზიკა-მათემატიკის N199 საჯარო სკოლის მე-9 კლასის მოსწავლე, საინფორმაციო ტექნოლოგიების ცენტრი „მზიური“. რიჩარდ ბარბაქაძე – ვლადიმირ კომაროვის თბილისის ფიზიკა-მათემატიკის N199 საჯარო სკოლის მე-9 კლასის მოსწავლე, საინფორმაციო ტექნოლოგიების ცენტრი „მზიური“. მათ საერთაშორისო ასპარეზზე მონაწილეობის უფლება ჰაბის ფარგლებში ჩატარებულ საკვალიფიკაციო და შესარჩევ ტურებზე ნაჩვენები შედეგების საფუძველზე, მაღალი კონკურენციის პირობებში მოიპოვეს. ყველა ეტაპზე მათ მენტორობას ნაკრების ლიდერი, გიორგი მანდარია და თანალიდერი, ბაქარ გამეზარდაშვილი უწევენ.ოლიმპიადის დაწყებამდე საქართველოს ნაკრების წევრებმა სპეციალური ინტენსიური მოსამზადებელი პროგრამა გაიარეს, რომლის ფარგლებში განსაკუთრებული ყურადღება დაეთმო რთული ალგორითმული ამოცანების ამოხსნასა და სპორტულ პროგრამირებას, რათა საერთაშორისო კონკურენციისთვის მაქსიმალურად მზადყოფნაში შეხვდნენ.თიბისი და ბიზნესისა და ტექნოლოგიების უნივერსიტეტი ტექნოლოგიური ოლიმპიადების ჰაბის ფარგლებში სისტემურად უჭერენ მხარს საქართველოში STEM განათლების განვითარებას, ნიჭიერი ახალგაზრდების აღმოჩენასა და მათ საერთაშორისო ასპარეზზე წარდგენას. ჰაბი მიზნად ისახავს ქვეყნის მასშტაბით მოტივირებული მოსწავლეების გამოვლენას, მათი ცოდნის გაღრმავებასა და საერთაშორისო ოლიმპიადებისთვის მომზადებას.თიბისისთვის განათლებისა და ტექნოლოგიური ეკოსისტემის გაძლიერება ერთ-ერთი პრიორიტეტული მიმართულებაა. სწორედ ამიტომ, ბრენდი განაგრძობს ისეთი ინიციატივების მხარდაჭერას, რომლებიც ახალგაზრდებს საერთაშორისო შესაძლებლობებს უხსნის და მათ პროფესიულ განვითარებას უწყობს ხელს. (R)

1783509786

მისი თქმით, მსგავსი შინაარსის ღონისძიებები ძალიან მნიშვნელოვანია საქართველოს ეკონომიკის წარმატებისთვის. „საქართველოს ბაზარი საერთაშორისო ინვესტირებისთვის ერთ-ერთი მთავარი მიმზიდველი ქვეყანაა", - განაცხადა  საინვესტიციო ბანკ Barclay-ის განვითარებადი ბაზრების მმართველმა დირექტორმა.სებ-ის მიერ ორგანიზებული ორდღიანი საერთაშორისო კონფერენცია მიეძღვნა 2026 წლის თებერვალში მიღწეულ მნიშვნელოვან პროექტს, როდესაც, პირველად ისტორიაში, საქართველოს ეროვნული ბანკის ხელშეწყობით, გამოქვეყნდა საქართველოს სახელმწიფო ობლიგაციების შვიდი ინდექსი. ინდექსები შეიმუშავა Intercontinental Exchange-მა (ICE) და ხელმისაწვდომი გახდა როგორც Bloomberg-ის (Bloomberg IND), ისე ICE-ის ინდექსების პორტალის (indices.ice.com) მეშვეობით.

1783503425

საერთაშორისო კონფერენცია „საქართველოს ფინანსური ბაზრის განვითარების პერსპექტივა - ინდექსები და ბირჟაზე ვაჭრობადი საინვესტიციო ფონდები" საქართველოს სახელმწიფო ობლიგაციების ინდექსების პრაქტიკულ გამოყენებასა და ინდექსზე დაფუძნებული საინვესტიციო პროდუქტების განვითარების პერსპექტივებს მიეძღვნა.„მინდა მივულოცო საქართველოს ეროვნულ ბანკს ისეთი მნიშვნელოვანი ნაბიჯი, როგორიცაა საქართველოში ICE ინდექსების გამოქვეყნება და მასში ქართული ფასიანი ქაღალდების ბაზრის ინტეგრაცია. როგორც ადგილობრივი, ისე საერთაშორისო აქტივების მმართველები, აქტიურად ვართ ჩართულები ადგილობრივ ბაზარზე. ჩვენ მივესალმებით და ინტერესით ველოდებით ეროვნული ბანკის ნებისმიერ ახალ ინიციატივას, რაც ბაზრის ლიკვიდობას კიდევ უფრო გაზრდის და მეტ უცხოელ ინვესტორს მოიზიდავს", - აღნიშნა ადრიან პეტრეანუმ.სების მიერ ორგანიზებული ორდღიანი საერთაშორისო კონფერენცია მიეძღვნა 2026 წლის თებერვალში მიღწეულ მნიშვნელოვან პროექტს, როდესაც, პირველად ისტორიაში, საქართველოს ეროვნული ბანკის ხელშეწყობით, გამოქვეყნდა საქართველოს სახელმწიფო ობლიგაციების შვიდი ინდექსი. ინდექსები შეიმუშავა Intercontinental Exchange-მა (ICE) და ხელმისაწვდომი გახდა როგორც Bloomberg-ის (Bloomberg IND), ისე ICE-ის ინდექსების პორტალის (indices.ice.com) მეშვეობით. 

1783502030

ღონისძიება მიეძღვნა საქართველოს სახელმწიფო ობლიგაციების ინდექსების პრაქტიკულ გამოყენებასა და ინდექსზე დაფუძნებული საინვესტიციო პროდუქტების განვითარების პერსპექტივებს.კონფერენცია ეყრდნობა 2026 წლის თებერვალში მიღწეულ მნიშვნელოვან პროექტს, როდესაც, პირველად ისტორიაში, საქართველოს ეროვნული ბანკის ხელშეწყობით, გამოქვეყნდა საქართველოს სახელმწიფო ობლიგაციების შვიდი ინდექსი. ინდექსები შეიმუშავა Intercontinental Exchange-მა (ICE) და ხელმისაწვდომი გახდა როგორც Bloomberg-ის (Bloomberg IND), ისე ICE-ის ინდექსების პორტალის (indices.ice.com) მეშვეობით.კონფერენცია საქართველოს ეროვნული ბანკის პირველმა ვიცე-პრეზიდენტმა, ეკატერინე მიქაბაძემ გახსნა. მისასალმებელ სიტყვაში მან კაპიტალის ბაზრების განვითარების, საბაზრო ინდექსების პრაქტიკული მნიშვნელობისა და მათი საინვესტიციო პროდუქტებად გარდაქმნის როლზე ისაუბრა.მისი თქმით, ინდექსების გამოქვეყნება მნიშვნელოვანი ნაბიჯია საქართველოს ფინანსური ბაზრის განვითარების გზაზე.„ბოლო წლების განმავლობაში საქართველომ მნიშვნელოვან პროგრესს მიაღწია და დღეს ჩვენ გვაქვს კარგად განვითარებული სახელმწიფო ფასიანი ქაღალდების ბაზარი, ძლიერი საბაზრო ინფრასტრუქტურა, DVP (მიწოდება ანგარიშსწორების სანაცვლოდ) ანგარიშსწორების სისტემა და დანერგილი გვაქვს საინვესტიციო ფონდებისა და აქტივების მმართველების თანამედროვე ჩარჩო. დაგროვებითი საპენსიო სისტემა სულ უფრო მნიშვნელოვანი გრძელვადიანი ინვესტორი ხდება ადგილობრივ ეკონომიკაში.„ICE საქართველოს სახელმწიფო ობლიგაციების ინდექსები“ ამ სტრუქტურას მნიშვნელოვან ფუნდამენტურ ელემენტს სძენს. ისინი წარმოადგენენ გლობალურად აღიარებულ ბენჩმარკს - სამიზნე მაჩვენებელს და სრულად ფარავენ 10 წლამდე ვადიანობის ლარის სუვერენულ მრუდს. ICE-ის ინდექსების გამოყენებით შესაძლებელი ხდება სახაზინო ობლიგაციებში განხორციელებული შემოსავლიანობისა და რისკის მიმართ პორტფელების მართვა,  საინვესტიციო მანდატების შემუშავება და საბოლოოდ საქართველოს სახელმწიფო ობლიგაციების ბაზართან დაკავშირებული ინდექსირებული საინვესიტიციო პროდუქტების განვითარება“, - აღნიშნა ეკატერინე მიქაბაძემ.ღონისძიების ფარგლებში საქართველოს ეროვნული ბანკის ფინანსური ბაზრების დეპარტამენტისა და ფასიანი ქაღალდების ბაზრის ზედამხედველობის დეპარტამენტის წარმომადგენლებმა წარადგინეს მოხსენებები საქართველოს განვითარების სტრატეგიულ ხედვასა და საინვესტიციო ფონდების მარეგულირებელ და საგადასახადო გარემოს შესახებ.პანელური დისკუსიების მონაწილეებმა განიხილეს საქართველოში ინდექსებზე დაფუძნებული საინვესტიციო ფონდების შექმნის პრაქტიკული ნაბიჯები, ETF-ების განვითარების საერთაშორისო გამოცდილება, ასევე საინვესტიციო ბაზრის ეკოსისტემის გაძლიერებისა და შესაბამისი ინფრასტრუქტურის განვითარების საკითხები.კონფერენციას ესწრებოდნენ Intercontinental Exchange-ის (ICE) წარმომადგენლები, აგრეთვე ადგილობრივი და საერთაშორისო ფინანსური ინსტიტუტების, საინვესტიციო ფონდების მმართველი კომპანიების, საბანკო სექტორისა და აქტივების მართვის სფეროს წარმომადგენლები.კონფერენცია მეორე დღეს ადგილობრივი ფინანსური ბაზრების მონაწილეებსა და ICE-ის წარმომადგენლებს შორის ორმხრივი შეხვედრების ფორმატში გაგრძელდა.

1783498346

შეთავაზებით სარგებლობა მარტივია - მომხმარებელმა მომსახურების საფასური ლიბერთის ტერმინალზე, ლიბერთის სოციალური ბარათით უნდა განახორციელოს.ახალი შეთავაზება „ევექსის“ მიერ წარმოდგენილ თანამედროვე ლაბორატორიების ქსელს – „ევექსი ლაბს“ უკავშირდება, რომელიც ლაბორატორიულ სერვისებზე ხელმისაწვდომობის გაზრდას ისახავს მიზნად. ბრენდის კონცეფცია – „უფრო ახლოს“ – ეფუძნება იდეას, რომ ხარისხიანი ლაბორატორიული მომსახურება ადამიანებისთვის იყოს უფრო მარტივი, სწრაფი და კომფორტული.“ევექსი ლაბის” პირველი ხუთი ლაბორატორია უკვე ფუნქციონირებს თბილისის სხვადასხვა უბანში, ხოლო წლის ბოლომდე კომპანია კიდევ 15 ფილიალის გახსნას გეგმავს. განვითარების შემდეგ ეტაპზე კი „ევექსი ლაბის“ ქსელი ეტაპობრივად საქართველოს სხვა რეგიონებსაც მოიცავს.ლიბერთი პარტნიორებთან თანამშრომლობით აგრძელებს ისეთი ინიციატივების განხორციელებას, რომლებიც სოციალური ბარათის მომხმარებლებისთვის ხარისხიან სამედიცინო მომსახურებას კიდევ უფრო ხელმისაწვდომს ხდის.“ევექსი ლაბის“ შესახებ“ევექსი ლაბი” თანამედროვე ლაბორატორიების ქსელს აერთიანებს და მიზნად ისახავს ლაბორატორიულ სერვისებზე ხელმისაწვდომობის გაზრდას, რათა ხარისხიანი სერვისი ადამიანებისთვის უფრო ახლოს, მარტივი, სწრაფი და კომფორტული გახდეს.დეტალური ინფორმაცია: https://evex.ge/ka/evexilabლიბერთი ბანკის შესახებ2026 წლის აპრილში, ლიბერთი ბანკის აქციების 95.99% ბაზისბანკმა შეიძინა.ლიბერთი ბანკი საქართველოში ერთ-ერთი უმსხვილესი ფინანსური ინსტიტუტია და ემსახურება 1.7 მილიონზე მეტ ფიზიკურ პირს და 60,000-ზე მეტ მცირე და საშუალო ბიზნესს.ქვეყნის მასშტაბით წარმოდგენილია ყველაზე ფართო ქსელით: 500-მდე მომსახურების ცენტრით, 700-მდე ბანკომატით, ყველა რეგიონსა და მუნიციპალიტეტში. დასაქმებულ თანამშრომელთა რაოდენობა 5,600-ს აღემატება. ბანკის აქტივები 5.8 მლრდ ლარს შეადგენს, მთლიანი საკრედიტო პორტფელი 4.2 მლრდ ლარია, ხოლო დეპოზიტების პორტფელი 4.17 მლრდ ლარი.  ბანკის 2025 წლის წმინდა მოგება 128 მილიონი ლარია. (R)

1783491179