ამის შესახებ აზერბაიჯანული მედია ქვეყნის თავდაცვის სამინისტროზე დაყრდნობით წერს.„მომხდარზე მთელი პასუხისმგებლობა ირანის ისლამურ რესპუბლიკას ეკისრება. აზერბაიჯანი, თავის მხრივ, მზადაა აუცილებელი საპასუხო ზომებისთვის ქვეყნის ტერიტორიული მთლიანობისა და სუვერენიტეტის დასაცავად, ასევე მშვიდობიანი მოსახლეობის უსაფრთხოების უზრუნველსაყოფად და ინფრასტრუქტურის ობიექტების დასაცავად“, – აცხადებენ თავდაცვის სამინისტროში.აზერბაიჯანში, ნახიჩევანის ავტონომიურ რესპუბლიკაზე ირანის მხრიდან დრონებით მიტანილი იერიშის შედეგად ორი ადგილობრივი მშვიდობიანი მოქალაქე დაშავდა. ამის შესახებ ინფორმაციას აზერბაიჯანის საგარეო საქმეთა სამინისტრო აცხადებს, რომელიც ირანული მხრიდან მომხდარზე განმარტებებს ითხოვს.უწყების ცნობით, 5 მარტს ირანის ტერიტორიიდან ნახიჩევანის ავტონომიაში შეფრინდა ორი უპილოტო საფრენი აპარატი, რომელთაგან ერთი ნახიჩევანის საერთაშორისო აპარატის ტერმინალს დაეცა, ხოლო მეორე სოფელ შექერაბადის სკოლასთან აფეთქდა.ამის შემდეგ ირანის ისლამური რესპუბლიკის ელჩი აზერბაიჯანში მოჯთაბა დემირჩილუ საგარეო უწყებაში გამოიძახეს მას შემდეგ, რაც ირანული დრონებით ნახიჩევანის აეროპორტზე და მის მიმდებარე ტერიტორიებზე შეტევა განხორციელდა.აზერბაიჯანული მედიის ცნობით, ირანელ ელჩს საპროტესტო ნოტას გადასცემენ.

1772704029

ირანის მხრიდან ეს მუქარა გაჟღერდა ირანის წინააღმდეგ აშშ-ისა და ისრაელის ერთობლივი ინტენსიური საჰაერო კამპანიის მეხუთე დღეს. ორივე მხარე აცხადებს, რომ ოპერაციის მიზანია ირანისთვის ბირთვული ბომბის შექმნის აღკვეთა და ისლამური რესპუბლიკის შორ მანძილზე მოქმედი ბალისტიკური რაკეტების პროგრამის განადგურება. ისრაელი ასევე აქტიურად მოუწოდებს ირანელებს რეჟიმის დამხობისკენ, ხოლო აშშ-მა მიანიშნა, რომ მიესალმება ასეთ ცვლილებას.The Times of Israel წერე, შიმონ პერესის სახელობის ნეგევის ბირთვული კვლევის ცენტრი, რომელიც ქალაქ დიმონასთან მდებარეობს, მიიჩნევა ისრაელის ატომური იარაღის პროგრამის საკვანძო ობიექტად. ისრაელი არც ადასტურებს და არც უარყოფს ბირთვული იარაღის ფლობას. ქვეყნის სამხრეთ ნაწილში, ნეგევის რეგიონში მდებარე ეს ობიექტი ერთ-ერთ ყველაზე დაცულ ადგილად ითვლება, რომლის უსაფრთხოებასაც ისრაელის საჰაერო თავდაცვის სისტემების სრული სპექტრი უზრუნველყოფს.აღნიშნული კამპანიის საპასუხოდ, ირანმა რაკეტები ესროლა რეგიონის იმ ქვეყნებს, სადაც განთავსებულია აშშ-ის ბაზები, ასევე უშუალოდ ისრაელს, რის შედეგადაც 10 ადამიანი დაიღუპა. ოთხშაბათს ღამით განხორციელებულმა სამმა სარაკეტო თავდასხმამ მილიონობით ისრაელელი აიძულა ბომბსაფარებში ჩასულიყო, თუმცა ამას დაშავება არ მოჰყოლია. გაეროს ბირთვული ზედამხედველობის ორგანოს (IAEA) განცხადებით, ბოლოდროინდელი საბრძოლო მოქმედებების შედეგად ირანში ბირთვული მასალის შემცველ ობიექტებს ზიანი არ მისდგომია და რადიაციის გაჟონვის საფრთხე არ არსებობს.ამავდროულად, თეთრი სახლის პრესსპიკერმა კაროლინ ლივიტმა განაცხადა, რომ ირანთან ომის ფონზე, აშშ ჰორმუზის სრუტის უსაფრთხოების უზრუნველყოფის გეგმებზე მუშაობს.ლივიტმა პრესკონფერენციაზე აღნიშნა, რომ ოპერაცია „Epic Fury“ (ეპიკური რისხვა) - კამპანიის ამერიკული სახელწოდება - უზრუნველყოფს იმას, რომ „ირანი ვეღარ შეძლებს ენერგიის თავისუფალი ნაკადის შეზღუდვას იმ წყლის გზაზე, რომელიც მსოფლიოს ნავთობის მარაგის დაახლოებით 20 პროცენტს აკონტროლებს“.„როგორც ომის დეპარტამენტმა (აშშ-ის თავდაცვის სამინისტრომ) დღეს დილით განაცხადა, ჩვენ ველით სრულ და აბსოლუტურ დომინირებას ირანის საჰაერო სივრცეზე მომდევნო რამდენიმე საათში“, - განაცხადა ლივიტმა. თავდაცვის მდივანმა პიტ ჰეგსეტმა მანამდე აღნიშნა, რომ აშშ და ისრაელი ირანის ცაზე სრულ კონტროლს ერთი კვირის განმავლობაში მოიპოვებენ.ლივიტმა დასძინა, რომ აშშ-მა გაანადგურა 20-ზე მეტი ირანული გემი, რაც ორჯერ აღემატება ორი დღის წინანდელ მონაცემს.კითხვაზე, იმ ცნობების შესახებ, რომ აშშ განიხილავს ქურთი მებრძოლების შეიარაღებას ირანის წინააღმდეგ, ლივიტმა ეს უარყო და განაცხადა, რომ აშშ-ის პრეზიდენტი დონალდ ტრამპი ქურთ ლიდერებს ცოტა ხნის წინ მხოლოდ ჩრდილოეთ ერაყში მდებარე ამერიკულ სამხედრო ბაზაზე ესაუბრა. მედიაში გავრცელებული ინფორმაციით, აშშ მოლაპარაკებებს აწარმოებს ირანელ ქურთებთან, რათა მათ იბრძოლონ ირანის უსაფრთხოების ძალების წინააღმდეგ და ხელი შეუწყონ სახალხო აჯანყებას რეჟიმის წინააღმდეგ, რომელმაც იანვარში სასტიკად ჩაახშო ანტისამთავრობო პროტესტი და ათასობით ადამიანი მოკლა.თუმცა ლივიტმა საბოლოოდ არ გამორიცხა ირანში აშშ-ის სახმელეთო ჯარების შეყვანის შესაძლებლობა, მან განმარტა, რომ „ამ ეტაპზე“ ეს ოპერაციის გეგმის ნაწილი არ არის.პრესსპიკერის თქმით, ტრამპი თავის მრჩევლებთან ერთად განიხილავს, თუ რა როლი შეიძლება ჰქონდეს აშშ-ს ირანში სამხედრო კამპანიის შემდეგ, ხოლო ამერიკული დაზვერვა აკვირდება ცნობებს იმის შესახებ, რომ მოჯტაბა ხამენეი - ირანის მოკლული უზენაესი ლიდერის ვაჟი - მისი მემკვიდრეობის მთავარ პრეტენდენტად ჩამოყალიბდა.„ჩვენც ვნახეთ ეს ცნობები და ჩვენი სადაზვერვო სააგენტოები ამ საკითხს სწავლობენ. სიმართლე ისაა, რომ მოვლენების განვითარებას უნდა დაველოდოთ“, - განუცხადა ლივიტმა ჟურნალისტებს და დასძინა, რომ ტრამპი ეროვნული უსაფრთხოების გუნდთან ერთად აქტიურად განიხილავს ვაშინგტონის მომავალ როლს ირანში ოპერაციის დასრულების შემდეგ, თუმცა ამ მომენტში მთავარი ფოკუსი სამხედრო ოპერაციის წარმატებაზეა.ლივიტმა ასევე დაიცვა აშშ-ის მიზნები ირანის წინააღმდეგ ისრაელ-ამერიკის ერთობლივ საჰაერო ომში. ეს მოხდა იმ კრიტიკის ფონზე, რომლის თანახმადაც ვაშინგტონმა ვერ წარმოადგინა მტკიცებულებები თეირანის მხრიდან აშშ-ის მიმართ არსებული დაუყოვნებლივი საფრთხის შესახებ. მან დასძინა, რომ ტრამპს სჯერა ამერიკელი ხალხის მხარდაჭერის ამ ომში.„ამ ოპერაციის დაწყების გადაწყვეტილება ეფუძნება სხვადასხვა პირდაპირი საფრთხის კუმულაციურ ეფექტს, რომელსაც ირანი ამერიკის შეერთებულ შტატებს უქმნიდა. კიდევ ერთხელ ვიმეორებ, ეს არის ტერორისტული რეჟიმი, რომელიც 47 წლის განმავლობაში ემუქრებოდა აშშ-ს, ჩვენს მოკავშირეებსა და ჩვენს ხალხს. ამერიკელი ხალხი საკმარისად გონიერია, რომ ეს იცოდეს“, - განაცხადა ლივიტმა.The Times of Israel-ის ინფორმაციით, ტრამპმა უარყო მოსაზრებები, რომ თითქოს ისრაელმა უბიძგა აშშ-ს ამ კონფლიქტისკენ. მისი ადმინისტრაცია კრიტიკის წინაშე აღმოჩნდა ზოგიერთი მხარდამჭერისა და დემოკრატის მხრიდან, რომლებიც მას „საკუთარი სურვილით დაწყებულ ომში“ (war of choice) სდებდნენ ბრალს.Reuters/Ipsos-ის გამოკითხვამ, რომელიც ამ კვირის დასაწყისში გამოქვეყნდა, აჩვენა, რომ ამერიკელების მხოლოდ მეოთხედი უჭერს მხარს ირანზე დარტყმებს, რომლებმაც ახლო აღმოსავლეთი ქაოსში ჩააგდო. გამოკითხულთა დაახლოებით ნახევარი, მათ შორის ყოველი მეოთხე რესპუბლიკელი, მიიჩნევს, რომ ტრამპი ზედმეტად მარტივად თანხმდება სამხედრო ძალის გამოყენებას.ლივიტმა ასევე გამოაცხადა, რომ ესპანეთი დათანხმდა აშშ-ის სამხედროებთან თანამშრომლობას მას შემდეგ, რაც ტრამპმა სამშაბათს მადრიდი გააკრიტიკა ირანზე თავდასხმებისთვის ამერიკული ბაზების გამოყენებაზე უარის გამო. თუმცა, ესპანელმა ოფიციალურმა პირებმა სასწრაფოდ უარყვეს ქვეყნის პოზიციის შეცვლა და კიდევ ერთხელ დაადასტურეს, რომ მათი ბაზები ამ ომის ფარგლებში არ იქნება გამოყენებული.

1772701627

უწყების ცნობით, 5 მარტს ირანის ტერიტორიიდან ნახიჩევანის ავტონომიაში შეფრინდა ორი უპილოტო საფრენი აპარატი, რომელთაგან ერთი ნახიჩევანის საერთაშორისო აპარატის ტერმინალს დაეცა, ხოლო მეორე სოფელ შექერაბადის სკოლასთან აფეთქდა.ამის შემდეგ ირანის ისლამური რესპუბლიკის ელჩი აზერბაიჯანში მოჯთაბა დემირჩილუ საგარეო უწყებაში გამოიძახეს მას შემდეგ, რაც ირანული დრონებით ნახიჩევანის აეროპორტზე და მის მიმდებარე ტერიტორიებზე შეტევა განხორციელდა.აზერბაიჯანული მედიის ცნობით, ირანელ ელჩს საპროტესტო ნოტას გადასცემენ.

1772701489

აზერბაიჯანული მედიის ცნობით, ირანელ ელჩს საპროტესტო ნოტას გადასცემენ.აზერბაიჯანის ნახიჩევანის აეროპორტზე ირანის მხრიდან დრონებით შეტევა დღეს, 5 მარტს განხორციელდა. ამის შესახებ აზერბაიჯანული სააგენტო APA წერს.

1772700780

მომხდარზე დეტალური ინფორმაცია არ ქვეყნდება. დაზიანების მასშტაბები ამ დროისთვის უცნობია. ადგილობრივების ცნობით, ერთ–ერთი დრონი სკოლის სიახლოვეს ჩამოვარდა.  pic.twitter.com/YHZ5tsK2Vy — Newsfeed (@Newsfeed883920) March 5, 2026

1772699856

Reuters წერს, რომ ნოემბრის ბოლოდან დეკემბრის შუა რიცხვებამდე არსებული მწვავე დეფიციტი, რომლის შესახებ აქამდე ინფორმაცია არ გავრცელებულა, აშიშვლებს უკრაინის საჰაერო თავდაცვის მოწყვლადობას. უკრაინა დიდწილად არის დამოკიდებული დასავლელ მოკავშირეებზე, რათა მოიგერიოს რუსეთის ხშირი დარტყმები. სრულმასშტაბიანი ომის დაწყებიდან (ოთხ წელზე მეტია) კიევი ხშირად ჩივის იარაღის ნაკლებობაზე და ბოლო თვეებში კრიტიკულ დეფიციტზე განგაშს ტეხს, თუმცა ამავდროულად ცდილობს, არ გააღიზიანოს აშშ-ის პრეზიდენტ დონალდ ტრამპის ადმინისტრაცია.დასავლური იარაღის საჭიროება უახლოეს მომავალში სავარაუდოდ არ შემცირდება, რადგან უკრაინის კონფლიქტის დასასრული არ ჩანს, ხოლო ირანთან მიმდინარე ომის ფონზე, კონკურენცია თავდაცვითი იარაღის მოსაპოვებლად ახლო აღმოსავლეთსა და მის ფარგლებს გარეთ, სავარაუდოდ, გამწვავდება.სამივე წყარო, რომლებიც უშუალოდ ფლობენ ინფორმაციას, Reuters-თან ამბობს, რომ მომარაგების შეწყვეტის მომენტში უკრაინას F-16-ების მთელი ესკადრილიისთვის მხოლოდ რამდენიმე ამერიკული წარმოების AIM-9 "Sidewinder" ჰაერი-ჰაერი ტიპის რაკეტა ჰქონდა. ასობით ათასმა უკრაინელმა გადაიტანა მკაცრი ზამთრის ყველაზე რთული პერიოდი გათბობის, ელექტროენერგიისა და წყლის გარეშე ენერგოსისტემაზე რუსეთის გაძლიერებული იერიშების შედეგად, რომელთა სრულად მოგერიება უკრაინამ ვერ შეძლო.მიუხედავად უკრაინის აქტიური ლობისტური საქმიანობისა, კონკრეტული მაგალითები იმისა, თუ როგორ აისახება დეფიციტი თავდაცვისუნარიანობაზე, ჩვეულებრივ, გასაიდუმლოებულია. ამ შემთხვევაში, ერთ-ერთმა წყარომ Reuters-ს განუცხადა, რომ თითქმის ერთი თვის განმავლობაში უკრაინას თვითმფრინავებზე დასამონტაჟებელი არაფერი ჰქონდა.როტაციული ქვემეხები და წუნდებული რაკეტებიდეფიციტის დროს F-16-ის პილოტები დღისით დაფრინავდნენ და დრონების ჩამოგდებას როტაციული ქვემეხებით ცდილობდნენ, - აცხადებს მეორე წყარო და დასძენს, რომ ასეთი მისიების სიბნელეში შესრულება მეტისმეტად სახიფათო იყო, მიუხედავად იმისა, რომ რუსული დრონების შეტევები ძირითადად ღამით ხდება.პილოტები ასევე ცდილობდნენ გამოეყენებინათ ის რაკეტები, რომლებმაც წინა მისიების დროს არ იმუშავეს, იმ იმედით, რომ ტექნიკური მომსახურების შემდეგ ისინი გამოდგებოდა. ზოგ შემთხვევაში მცდელობა წარმატებული იყო. წყაროების თქმით, უკრაინელი პილოტები ძირითადად ეყრდნობიან AIM-9 რაკეტების ვარიანტებს, რომლებიც ცნობილია როგორც "Limas" და "Mikes" და წარმოებულია 1970-იან და 1980-იან წლებში.მიუხედავად იმისა, რომ ეს რაკეტები ათწლეულების წინანდელია, ისინი უკრაინისთვის რუსული დრონებისა და ფრთოსანი რაკეტების გადაჭერის შედარებით იაფ საშუალებას წარმოადგენს.დეფიციტი დეკემბერში შეივსო, როდესაც უკრაინამ პარტნიორებისგან AIM-9 ტიპის რაკეტები მიიღო, რუსეთის მასშტაბურ შეტევამდე ცოტა ხნით ადრე. წყაროებმა კონფიდენციალურობის გამო არ დაასახელეს მიმწოდებელი ქვეყნები.მეოთხე წყარომ დაადასტურა, რომ NATO-ს წევრებმა, გერმანიამ და კანადამ, ბოლო თვეებში მიაწოდეს უკრაინას Sidewinder-ის რაკეტები და აღნიშნა, რომ მანამდე მომარაგებაში მართლაც იყო "გარკვეული ვარდნა", თუმცა მიზეზის დასახელებაზე უარი თქვა.კანადის თავდაცვის სამინისტრომ Reuters-ს განუცხადა, რომ კანადის შეიარაღებული ძალების მარაგებიდან AIM-9M-8 რაკეტების გადაცემის პროცესშია. "ეს ახალი დონაცია შეავსებს წარსულში გადაცემულ ასეულობით კანადურ AIM რაკეტასა და მათ კომპონენტებს".ტრამპმა უკრაინისთვის ამერიკული იარაღის მიწოდების სისტემა შეცვალა - მანამდე არსებული პირდაპირი სამხედრო დახმარება (ჯო ბაიდენის დროს) ჩაანაცვლა მექანიზმით, რომელსაც PURL (Prioritised Ukraine Requirements List - უკრაინის პრიორიტეტული მოთხოვნების სია) ეწოდება. ამ სქემით, აშშ იარაღს NATO-ს მოკავშირეებზე ყიდის უკრაინისთვის გადასაცემად.NATO-ს წარმომადგენლის თქმით, PURL სისტემა კრიტიკულად მნიშვნელოვან მასალას აწვდის უკრაინას და ზაფხულიდან მოყოლებული, სწორედ ამ გზით არის მიწოდებული Patriot-ის საჰაერო თავდაცვის ბატარეების რაკეტების დაახლოებით 75% და სხვა სისტემების საბრძოლო მასალის 90%.რუსეთის უმძაფრესი ზამთრის საჰაერო კამპანიამიუხედავად ამისა, უკრაინის წინაშე კვლავ დგას გამოწვევა - უზრუნველყოს საკმარისი რაკეტები თავისი ვრცელი საჰაერო თავდაცვის ქსელისთვის.რუსეთი დიდი შეტევების დროს რამდენიმე ასეულ დრონსა და რაკეტას უშვებს. უკრაინა მათ განადგურებას ცდილობს სატვირთოებზე დამონტაჟებული ქვემეხებით, ელექტრონული ჩახშობით, იერიშის დრონებით, ასევე ჰაერი-ჰაერი და მიწა-ჰაერი ტიპის რაკეტებით.პრეზიდენტმა ვოლოდიმირ ზელენსკიმ იანვარში საბრძოლო მასალის დეფიციტის გამო სასწრაფო დახმარების თხოვნით მიმართა მოკავშირეებს, განსაკუთრებით ამერიკული Patriot-ის სისტემებისთვის, რომლებიც რუსულ "ისკანდერის" ბალისტიკურ რაკეტებს ანადგურებს.F-16-ები, რომლებიც კიევმა ევროპელი პარტნიორებისგან 2024 წელს მიიღო, უკრაინის საჰაერო თავდაცვის ქსელის საჰაერო კომპონენტის ნაწილია. მეორე წყაროს ცნობით, F-16-ებმა საჰაერო თავდაცვის როლში 2 000 დრონი და რაკეტა ჩამოაგდეს. უკრაინაში მყოფი თვითმფრინავების ზუსტი რაოდენობა არ საჯაროვდება, თუმცა წყარო Reuters-თან ამბობს, რომ საუბარია "ათეულებზე".F-16-ებს შეუძლიათ ატარონ როგორც AIM-9, ისე უფრო დახვეწილი AIM-120 რაკეტები. თითოეული AIM-120 მილიონ დოლარზე ბევრად მეტი ღირს, რაც იმას ნიშნავს, რომ მათ მასობრივად არ იყენებენ იაფი რუსული დრონების წინააღმდეგ. ეს რაკეტები ასევე გამოიყენება ნორვეგიული წარმოების NASAMS-ის სისტემებში, რის გამოც მომარაგების შეფერხებისას ამ სისტემების ოპერაციებიც შეიზღუდა.ნორვეგიის თავდაცვის სამინისტრომ განაცხადა, რომ მთავრობამ ამ ზამთარს NASAMS-ისთვის "მნიშვნელოვანი რაოდენობის" რაკეტები მიაწოდა უკრაინას, რათა სისტემამ შეძლოს მოქალაქეების დაცვა სასიკვდილო საჰაერო დარტყმებისგან.

1772699483

ამავდროულად, გამოკითხულთა 25%-ს სჯერა, რომ მოლაპარაკებები მდგრად მშვიდობამდე მიგვიყვანს. დანარჩენ 5%-ს საკუთარი პოზიცია ჩამოყალიბებული არ აქვს. 2026 წლის იანვრის შუა რიცხვებთან შედარებით, ამ საკითხზე მოსახლეობის განწყობებში ცვლილებები არ ფიქსირდება.სოციოლოგები აღნიშნავენ, რომ 2026 წლის იანვარში დასვეს დამატებითი ღია კითხვა იმის შესახებ, თუ რატომ არ სჯერათ უკრაინელებს მოლაპარაკებების წარმატების – რესპონდენტები ამას, უპირველეს ყოვლისა, რუსეთითა და მისი პოზიციით ხსნიდნენ.„უკრაინელები კვლავ კრიტიკულად აღიქვამენ მიმდინარე სამშვიდობო მოლაპარაკებებს და უმრავლესობას მათ მიმართ ოპტიმისტური მოლოდინები არ აქვს. პრაქტიკული რეალიები უკრაინაში – რუსების ზეწოლა ფრონტზე მათი უზარმაზარი დანაკარგების მიუხედავად, რუსული ტერორი სამოქალაქო მოსახლეობის წინააღმდეგ და მცდელობები, გაყინონ და შუქის გარეშე დატოვონ ქვეყანა ცივ ზამთარში, რუსეთის ხელმძღვანელობის უკომპრომისო გენოციდური განცხადებები და არა მხოლოდ – მცირე საფუძველს ტოვებს იმისთვის, რომ უკრაინელებმა დაიჯერონ რუსების სურვილი, დაასრულონ ომი უახლოეს მომავალში. კერძოდ, უკრაინელებს ესმით, რომ რუსები, თუკი მზად არიან ომის დასასრულებლად, მხოლოდ ისეთ პირობებზე დათანხმდებიან, რაც უკრაინის ფაქტობრივი კაპიტულაცია იქნება (და სხვა არაფერს მიიღებენ). ამასთან, უკრაინელები რჩებიან ღიად მძიმე კომპრომისების მიმართ და მზად არიან განიხილონ ისინი – თუმცა არა კაპიტულაციის ფასად“, - აღნიშნა KMIS-ის აღმასრულებელმა დირექტორმა, ანტონ გრუშეცკიმ.KMIS-ის საკუთარი გამოკითხვა „ომნიბუსი“ ჩატარდა 2026 წლის 12-24 თებერვალს, სატელეფონო ინტერვიუს მეთოდით, მობილური ტელეფონის ნომრების შემთხვევითი შერჩევის საფუძველზე (ტელეფონის ნომრების შემთხვევითი გენერირებითა და შემდგომი სტატისტიკური აწონვით) უკრაინის მთავრობის მიერ კონტროლირებად ყველა რეგიონში.სულ გამოიკითხა 2004 რესპონდენტი – უკრაინის მოქალაქეები 18 წლის ასაკიდან, რომლებიც გამოკითხვის მომენტში ცხოვრობდნენ უკრაინის მთავრობის მიერ კონტროლირებად ტერიტორიაზე.ფორმალურად, ჩვეულებრივ ვითარებაში, დაახლოებით 1000 რესპონდენტის მოცულობის შერჩევის სტატისტიკური ცდომილება (0,95 ალბათობით და 1,3 დიზაინ-ეფექტის გათვალისწინებით) არ აღემატებოდა 4,1%-ს. ომის პირობებში, აღნიშნული ფორმალური ცდომილების გარდა, ემატება გარკვეული სისტემატური გადახრაც.

1772448134

„ახლა მიმაჩნია, რომ ჩვენ გვაქვს შანსი. ჩვენს შორის რომ ვთქვათ, რას ვფიქრობ სინამდვილეში მომავალ წელზე... ეს დამოკიდებულია ამ თვეებზე – გვექნება თუ არა შესაძლებლობა, დავასრულოთ ომი შემოდგომამდე. იმ მნიშვნელოვან და გავლენიან არჩევნებამდე შეერთებულ შტატებში. თუ მშვიდობის მიღწევა მოხერხდება, მაშინ ჩვენ გვაქვს ეს შესაძლებლობების ფანჯარა; ახლა ეს ფანჯარა ღიაა...შეერთებული შტატები იმაზე ძლიერიცაა, ვიდრე თავად ჰგონია. მე ნამდვილად ასე ვფიქრობ. მათ ნამდვილად შეუძლიათ პუტინზე ზეწოლა. მათ შეუძლიათ ამ ომის გაჩერება“, – განაცხადა ზელენსკიმ.უკრაინის პრეზიდენტმა ასევე შეაფასა ურთიერთობა თავის ამერიკელ კოლეგასთან, დონალდ ტრამპთან, როგორც „რთული“, თუმცა ისიც აღნიშნა, რომ უკრაინის ურთიერთობები „პიროვნებებს“ სცილდება.26 თებერვალს, ეროვნული უსაფრთხოებისა და თავდაცვის საბჭოს მდივანმა და უკრაინის მომლაპარაკებელთა დელეგაციის ხელმძღვანელმა, რუსტემ უმეროვმა განაცხადა, რომ ამერიკის პრეზიდენტის წარმომადგენლებთან შეხვედრაზე განიხილეს მზადება სამმხრივი მოლაპარაკებებისთვის და ომის შემდგომი აღდგენის საკითხები.შეხვედრების შედეგად, უმეროვმა, ფრაქცია „ხალხის მსახურის“ ლიდერ დავით არახამიასთან და ამერიკული მხარის წარმომადგენლებთან - სტივ უიტკოფთან და ჯარედ კუშნერთან ერთად, ერთობლივი საუბარი გამართეს უკრაინის პრეზიდენტ ვოლოდიმირ ზელენსკისთან.ამის შემდეგ ზელენსკიმ განაცხადა, რომ სამმხრივი მოლაპარაკებების შემდეგი რაუნდი აბუ-დაბიში, მარტის დასაწყისში იგეგმება.

1772184853

სვირიდენკოს თქმით, უახლოეს მომავალში უკრაინა მიიღებს პირველ ტრანშს - დაახლოებით $1.5 მილიარდს, რომელიც მიიმართება „ბიუჯეტის დეფიციტის დასაფინანსებლად და მაკროფინანსური სტაბილურობის მხარდასაჭერად“.„პროგრამა, რომელსაც სავალუტო ფონდი მხარს უჭერს, წარმოადგენს უფრო ფართო ფინანსური ჩარჩოს ნაწილს, რომლის მიზანია ოთხი წლის განმავლობაში სახელმწიფო ბიუჯეტის პროგნოზირებული დეფიციტის დაფარვა, რაც $136.5 მილიარდს შეადგენს. ის ითვალისწინებს იმ რეფორმების გაგრძელებას, რომლებმაც წინა წლებში მაკროეკონომიკური და ფინანსური სტაბილურობა უზრუნველყვეს“, - აღნიშნავს იულია სვირიდენკო.უკრაინული მედია წერს, რომ IMF-თან თანამშრომლობის ახალი პროგრამა წარმოადგენს „ღუზას“ მთელი საერთაშორისო ფინანსური მხარდაჭერისთვის. კერძოდ, ის საფუძველია ევროკავშირისგან 90 მილიარდი ევროს ოდენობის კრედიტის მისაღებად.სვირიდენკომ აღნიშნა, რომ ევროკავშირის დაფინანსების გარდა, საუბარია G7-ის ქვეყნების, საერთაშორისო ფინანსური ინსტიტუტების დახმარებასა და ოფიციალურ ვალზე მომსახურების გადასახადების შემცირებაზე, რაც ვალის შემსუბუქების მექანიზმით გახდა შესაძლებელი.„პარტნიორებმა დაადასტურეს ოფიციალური ვალის მომსახურებაზე მოქმედი მორატორიუმის გაგრძელება და გამოხატეს მზადყოფნა, დაასრულონ რესტრუქტურიზაცია სიტუაციის სტაბილიზაციის შემდეგ“, - განაცხადა სვირიდენკომ.საერთაშორისო სავალუტო ფონდი დათანხმდა, უკრაინისთვის ახალი, 8.1-მილიარდიანი საკრედიტო პროგრამისთვის გაეუქმებინა წინასწარი პირობები (prior actions). საუბარია მოთხოვნებზე, რომლებიც ეხებოდა ინდივიდუალური მეწარმეებისთვის (ФОП) დღგ-ის დაწესებას, ამანათებზე ბაჟის შემოღებას, ციფრული პლატფორმების დაბეგვრასა და სამხედრო მოსაკრებლის შენარჩუნებას.იანვარში იტყობინებოდნენ, რომ IMF-ს დირექტორთა საბჭოს გაფართოებული დაფინანსების პროგრამა (EFF) შესაძლოა თებერვალში დაემტკიცებინა, რაც პირველ რიგში დამოკიდებული იქნებოდა უკრაინის მიერ შეთანხმებული წინასწარი ქმედებების შესრულებაზე.

1772172420

რუბიომ დასძინა, რომ ცალკეულ საკითხებში გარკვეული პროგრესის მიუხედავად, ტრამპი მთლიანობაში იმედგაცრუებულია. „მას უბრალოდ არ ესმის, როგორ ვერ ახერხებს ორი ქვეყანა ასეთი სასტიკი, საშინელი და სისხლიანი ომის პირობებში შეთანხმებას მის დასასრულებლად... სტივი (ვიტკოფი - რედ.) არ ვიცი რამდენჯერ იმოგზაურა საკუთარი ხარჯებით მთელ მსოფლიოში, რათა ეს საქმე ბოლომდე მიეყვანა. ამიტომ, გვყავს ბევრი ადამიანი, ვინც უდიდესი ძალისხმევა ჩადო და ვფიქრობ, მივაღწიეთ პროგრესს განსახილველი საკითხების შემცირების კუთხით, თუმცა ზოგიერთი თემა, სამწუხაროდ, რჩება კვლავ რთულად“, - ხაზგასმით აღნიშნა რუბიომ.მანამდე, უკრაინის პრეზიდენტმა ვოლოდიმირ ზელენსკიმ განაცხადა, რომ ჟენევის მოლაპარაკებებზე ტერიტორიული საკითხი არ გადაწყდება. ამავდროულად, მან ხაზი გაუსვა, რომ ამერიკელები მიისწრაფვიან ომის რაც შეიძლება სწრაფად შეჩერებისკენ.„პრობლემა მდგომარეობს იმაში, არსებობს თუ არა პოლიტიკური ნება ამ ომის შესაჩერებლად და ტერიტორიების საკითხში. ეს რთულია - ეს არის ის, რაც გვაქვს. ჩვენს შორის ახალი არაფერია. ისინი შეეცდებიან საუბარს ხვალ და ვფიქრობ, ისაუბრებენ მარტის პირველ დღეებში სამმხრივ დონეზე. იმედი მაქვს, რომ შეხვედრა შედგება“, - თქვა ზელენსკიმ.თავის მხრივ, პრეზიდენტის ადმინისტრაციის ხელმძღვანელმა კირილო ბუდანოვმა რუსეთთან სამშვიდობო მოლაპარაკებების შესახებ ისაუბრა. მისი თქმით, უკრაინა წინ მიიწევს და უახლოვდება მომენტს, როდესაც ყველა მხარეს მოუწევს საბოლოო გადაწყვეტილებების მიღება.„ასეთი ომები თავისთავად არ სრულდება. ისინი ან სამართლიანი გადაწყვეტით სრულდება, ან აუცილებლად ბრუნდება კიდევ უფრო მასშტაბური და საშიში ფორმით“, - დასძინა ბუდანოვმა.

1772090694