„ღვინის ეროვნული სააგენტოს საქმიანობის ერთ-ერთი მთავარი მიზანია, ხელი შეუწყოს საოჯახო მარნების ღვინის ცნობადობის გაზრდას საერთაშორისო ბაზრებზე. აღნიშნულ გამოფენაზე გვაქვს შესაძლებლობა, ფართო მასშტაბით წარმოვაჩინოთ ქვევრის ღვინო, მოხდეს მისი გაცნობა საერთაშორისო რეპუტაციის მქონე მეღვინეობის სფეროს წარმომადგენლებისთვის და მწარმოებლებს მიეცეთ პოტენციური იმპორტიორების მოძიების შესაძლებლობა“, - აღნიშნა ღვინის ეროვნული სააგენტოს გამოფენებისა და ღონისძიებების კოორდინაციის სამმართველოს უფროსმა ელენე კიკნაძემ. გამოფენის RAW Wine ორგანიზატორია ცნობილი ღვინის მაგისტრი საფრანგეთიდან იზაბელ ლეგერონი.მიმდინარე წელს ქართული ღვინის მარნები, ასევე ღვინის ეროვნული სააგენტოს მხარდაჭერით, პარიზში, შანხაიში, ტოკიოში, კოპენჰაგენსა და ვერონაში გამართულ RAW Wine-ის გამოფენებში მონაწილეობდნენ.„წელს საქართველოდან ყველაზე დიდი წარმომადგენლობა გვყავს. როდესაც ვსინჯავთ ქართულ ღვინოებს, აშკარაა, რამდენად განსხვავებულია თითოეული მათგანი. ყურძნის ჯიშების ასეთი მრავალფეროვნება მართლაც უნიკალურია. ძალიან სასიამოვნოა, რომ სულ უფრო მეტი მეღვინე მუშაობს აქამდე ნაკლებად ცნობილ ჯიშებთან. ადრე, ძირითადად, რქაწითელსა და საფერავს ვხედავდით, ახლა კი, ბევრად ხშირად გვხვდება ქისი, ქიხვი, მწვანე, ასევე როზე და ბუნებრივად ცქრიალა, რაც ძალიან სასიხარულოა. შესაბამისად ხარისხი ყოველწლიურად უმჯობესდება და სტილების მრავალფეროვნებაც მეტად იზრდება“, - აღნიშნა იზაბელ ლეგერონმა.ქართული ღვინის ფესტივალს ნიუ-იორკში საქართველოს გენერალური კონსული მაია ბართაია დაესწრო. აშშ-ში ღვინის წარსადგენად ქართველმა მეღვინეებმა მხარდაჭერა ქალაქ ნიუ-იორკში საქართველოს გენერალური საკონსულოსგანაც მიიღეს.ერთი კვირის განმავლობაში, ნიუ-იორკში ქართული ღვინო წარმოდგენილი იყო ორ მნიშვნელოვან ღონისძიებაზე - ქართული ქარვისფერი ღვინის პირველ ფესტივალზე Amber Georgia და გამოფენაზე RAW Wine NYC.ქართული ღვინის საექსპორტო პოტენციალის გაზრდისა და ბაზრების დივერსიფიცირების მიზნით, ღვინის ეროვნული სააგენტოს ფინანსური და ორგანიზაციული მხარდაჭერით, 2025 წლის 10 თვეში, ქართული ღვინო 29 გამოფენა-ფესტივალსა და 250-მდე დეგუსტაცია-სემინარზე აშშ-ში, ევროპისა და აზიის, ჯამში, 20-მდე ქვეყანაში იყო წარდგენილი.

1763026227

ფესტივალი La Grande Dégustation de Montréal უკვე მეთხუთმეტე წელია იმართება და ის კვებეკის რეგიონში ერთ-ერთ ყველაზე მასშტაბურ ღონისძიებად ითვლება, რომელსაც ყოველწლიურად 10 ათასამდე ვიზიტორი ესწრება.  ფესტივალის სტუმრებს შესაძლებლობა მიეცათ, დაეგემოვნებინათ ცხრა სახეობის ის ქართული ღვინოები, რომლებიც კვებეკისა და ონტარიოს რეგიონებში უკვე იყიდება. ღონისძიების სტუმრების მხრიდან ქართული ღვინის მიმართ ინტერესი დიდი იყო, რაც მნიშვნელოვანია საქართველოსა და ქართული ღვინის პოპულარიზაციისთვის. ფესტივალს  დაესწრნენ ღვინის სფეროში მომუშავე პროფესიონალები, ჟურნალისტები, ღვინის მწერლები და იმპორტიორები მსოფლიოს სხვადასხვა ქვეყნიდან.ფესტივალზე წარმოდგენილი იყო ღვინოები კანადიდან, საფრანგეთიდან, იტალიიდან, ესპანეთიდან, ავსტრიიდან, საბერძნეთიდან, რუმინეთიდან და სხვ ქვეყნებიდან.  ღონისძიებაში მონაწილეობა მიიღეს კანადაში საქართველოს საქმეთა დროებითმა რწმუნებულმა სალომე ქურასბედიანმა და საელჩოს წარმომადგენლებმა.  ღვინის სააგენტოში აღნიშნავენ, რომ ბოლო წლების განმავლობაში, ქართული ღვინის ექსპორტი კანადაში ყოველწლიურად სტაბილურად მზარდია.2024 წლის მონაცემებით, კანადაში ექსპორტირებულია 200,000-მდე ლიტრი ღვინო, რაც 16%-ით აღემატება წინა წლის ანალოგიურ მაჩვენებელს. ღვინის ექსპორტიდან მიღებულმა შემოსავალმა შეადგინა 1,1 მლნ აშშ დოლარი და წინა წელთან შედარებით დაფიქსირდა 35%-იანი ზრდა. ზრდის ტენდენცია გრძელდება 2025 წელსაც; 10 თვის მონაცემებით, ექსპორტირებულია 193 ათას ლიტრი ღვინო; ზრდამ, გასული წლის ანალოგიურ პერიოდთან შედარებით, 19% შეადგინა. კანადაში ქართული ღვინის ექსპორტიდან 10 თვეში მიღებულმა შემოსავალმა 1,2 მლნ ლარს მიაღწია, რაც 32%-ით აღემატება გასული წლის ანალოგიურ მაჩვენებელს.

1762845935

ფესტივალზე ქარვისფერი ღვინოები 30-მდე ღვინის მარანმა საქართველოს სხვადასხვა კუთხიდან წარმოადგინა. „ღვინის ეროვნული სააგენტოს საქმიანობის ერთ-ერთი მთავარი მიზანია, ხელი შეუწყოს ქართული ღვინის პოპულარიზაციას საერთაშორისო ბაზრებზე. დღევანდელი ღონისძიება დაეხმარება ქართული ქარვისფერი ღვინის საექსპორტო პოზიციების გაძლიერებას აშშ-ის ბაზარზე. ფესტივალზე მოსული სტუმრების რაოდენობამ ყოველგვარ მოლოდინს გადააჭარბა, რაც ამერიკელი ღვინის პროფესიონალების, მომხმარებლებისა და კომერციული სექტორის წარმომადგენლების მხრიდან ქარვისფერი ღვინის მიმართ მზარდ ინტერესზე მიუთითებს“, - აღნიშნა ღვინის ეროვნული სააგენტოს გამოფენებისა და ღონისძიებების კოორდინაციის სამმართველოს უფროსმა ელენე კიკნაძემ.ქარვისფერი ღვინის ფესტივალის ჩატარების ინიციატივით, ღვინის ეროვნულ სააგენტოს ასოციაციამ „ბუნებრივი ღვინო“ მიმართა.„ქართული ღვინისთვის ისტორიული დღეა, რადგან ეს არის ქართული ღვინის პირველი ფესტივალი ამერიკის შეერთებულ შტატებში.  ჩვენ წლების განმავლობაში ვიღებდით  მონაწილეობას სხვადასხვა ფესტივალში; ახლა კი დადგა დრო, როდესაც აშშ-ში ქართული ღვინის ფესტივალი გაიმართა. იმედი გვაქვს, რომ ეს ღონისძიება ბევრ ქართველ მეღვინეს მისცემს ამერიკის ბაზარზე  ქართული ღვინის გაყიდვის შესაძლებლობას“, - აღნიშნა ასოციაციის „ბუნებრივი ღვინო“ დირექტორმა, მეღვინე ზურაბ მღვდლიაშვილმა.ქართული ღვინის ფესტივალს ნიუ-იორკში საქართველოს გენერალური კონსული მაია ბართაია დაესწრო. აშშ-ში ღვინის წარსადგენად ქართველმა მეღვინეებმა მხარდაჭერა ქალაქ ნიუ-იორკში საქართველოს გენერალური საკონსულოსგანაც მიიღეს.ქართული ქარვისფერი ღვინო, რაც ტექნოლოგიურად ჭაჭაზე დაყენებულ ღვინოს ნიშნავს, სახელწოდებით „დურდოზე (ჭაჭა) ხანგრძლივი მაცერაციით დაყენებული ღვინო“, ვაზისა და ღვინის საერთაშორისო ორგანიზაციის (OIV) სპეციალური ღვინოების ჩამონათვალს დაემატა. მანამდე, OIV-ის სპეციალური ღვინოების ჩამონათვალში სულ 7 ღვინო შედიოდა: „შუშხუნა“, „ცქრიალა“, „შემაგრებული“, „ლიქიორული“, „ბუნებრივად ტკბილი ღვინოები“, „აისვაინი“ და „საფუვრის აპკის ქვეშ დავარგებული ღვინო“. „დურდოზე ხანგრძლივი მაცერაციით დაყენებული ღვინო“ OIV-ის სპეციალური ღვინოების ჩამონათვალში მე-8 გახდა.მიმდინარე წლის ოქტომბრის თვეში, ასევე ქარვისფერი ღვინის პოპულარიზაციის მიზნით, ღვინის ეროვნული სააგენტოს და ამერიკული მარკეტინგული კომპანიის Colangelo & Partners ორგანიზებით, ქალაქ ნიუ-იორკში გამართულ ქარვისფერი ღვინოების საერთაშორისო გამოფენაზე Orange Glou Fair, საქართველოდან რვა მარნის 15-მდე ღვინო იყო წარმოდგენილი.ღვინის სააგენტოშ აღნიშნავენ, რომ ქართული ღვინის საექსპორტო პოტენციალის გაზრდისა და ბაზრების დივერსიფიცირების მიზნით, ღვინის ეროვნული სააგენტოს ფინანსური და ორგანიზაციული მხარდაჭერით, 2025 წლის 10 თვეში, ქართული ღვინო 29 გამოფენა-ფესტივალსა და 250-მდე დეგუსტაცია-სემინარზე აშშ-ში, ევროპისა და აზიის, ჯამში, 20-მდე ქვეყანაში იყო წარდგენილი.

1762766016

ღონისძიებას პროფესიონალები HoReCa (სასტუმრო, რესტორანი, კაფე) სექტორიდან, მათ შორის, ვარშავის მიშელინის ვარსკვლავის რესტორნებიდან და სომელიეები, ჯამში, 40 სტუმარი დაესწრო. ღონისძიება მოიცავდა სემინარს ქართული ღვინის კულტურისა და პოლონეთში ქართული ღვინის გაყიდვების ზრდის ხელშეწყობის შესახებ, დეგუსტაცია-მასტერკლასს ქართული ღვინის შეხამებაზე სხვადასხვა ქვეყნის სამზარეულოსთან.დეგუსტაციაზე წარმოდგენილი იყო სხვადასხვა დასახელების ცხრა ღვინო. ქართული ღვინის წარდგენას უძღვებოდნენ სომელიე, იმპორტიორი და სერტიფიცირებული HoReCa ტრენერი შიმონ მილონასი და მიშელინის ერთ-ერთი რესტორნის სომელიე იან კნაბერი.ღონისძიების ფარგლებში, გაიმართა მცირე ფორმატის Walk-around დეგუსტაცია, რომელსაც ესწრებოდა პოლონეთში ქართული ღვინის ექვსი იმპორტიორი.ქართული ღვინის წარდგენის მხარდამჭერი იყო პოლონეთის სომელიეთა ასოციაცია.პოლონეთი ქართული ღვინის ერთ-ერთ სტრატეგიულ ბაზარს წარმოადგენს, რომელმაც ქართული ღვინის ექსპორტიორი ქვეყნების ხუთეულში სტაბილურად დაიმკვიდრა ადგილი. პოლონეთის ბაზარზე ქართული ღვინის მარკეტინგული კამპანიის წარმართვის მიზნით, ღვინის ეროვნული სააგენტო კომპანიასთან „People PR” 2022 წლიდან თანამშრომლობს. აღნიშნულ პერიოდში, პოლონეთის ბაზარზე ქართული ღვინის ექსპორტის სტაბილური ზრდა ფიქსირდება. 2025 წლის იანვარ-ოქტომბრის მონაცემებით, პოლონეთში ქართული ღვინის ექსპორტმა 5,7 მლნ ლიტრი შეადგინა, ზრდამ, 2024 წლის ანალოგიური პერიოდთან  შედარებით, 9%-ს მიაღწია.

1762325712

ამავე პერიოდში, უცხოელი ღვინის პროფესიონალების მონაწილეობით, საქართველოში 17 ღვინის ტური გაიმართა, რომლის ფარგლებშიც ქართული ღვინოები ადგილზე დააგემოვნეს ღვინის მაგისტრებმა, ექსპერტებმა, სომელიეებმა და კომერციული სექტორის წარმომადგენლებმა გერმანიიდან, იაპონიიდან, ჩინეთიდან, პიოლონეთიდან, დიდი ბრიტანეთიდან, შვედეთიდან, ფინეთიდან და ამერიკის შეერთებული შტატებიდან.ასევე აღსანიშნავია ადგილობრივ ბაზარზე ქართული ღვინოპროდუქციის პოპულარიზაციის სახელმწიფო პროგრამის ფარგლებში საქართველოს მასშტაბით გამართული ღვინის გამოფენები, კონკურსები და ფესტივალები, რომლებიც ემსახურება ქართული ღვინის პოპულარიზაციას, ღვინის ტურიზმის პოტენციალისა და ღვინის სამომხმარებლო კულტურის ზრდას. საანგარიშო პერიოდში, საქართველოში 23 გამოფენა - ფესტივალი და 6 დეგუსტაცია - კონკურსი გაიმართა. ზემოთ აღნიშნული აქტივობები ხორციელდება „ქართული ღვინის პოპულარიზაციის სახელმწიფო პროგრამის“ ფარგლებში, რომელიც მიმდინარე წელს ₾17,4 მლნ-ით განისაზღვრა და ₾1,4 მლნ-ით აღემატება გასული წლის ანალოგიურ ბიუჯეტს.

1762253564

მიღება-გადამუშავების პროცესში ჩართული იყო 500-ზე მეტი ღვინის საწარმო.საქართველოს მასშტაბით ყურძნის მოსავალი სრულად დაბინავებულია, გარდა ლეჩხუმის რეგიონისა, სადაც რთველი უახლოეს დღეებში დასრულდება.გადამუშავებული ყურძნიდან უდიდესი წილი, 327 ათასამდე ტონა, კახეთზე მოდის, რაც ასევე რეკორდული მაჩვენებელია. კახეთში ყურძნის რეალიზაციით მიღებულმა შემოსავლებმა 432 მლნ ლარს მიაღწია. მთავრობის გადაწყვეტილებით, წელს კახეთის რეგიონში ღვინის საწარმოებზე სუბსიდია აღარ გაიცა. ჭარბ ყურძენს სახელმწიფო საწარმო შპს „მოსავლის მართვის კომპანია“ ხარისხის მიხედვით  დიფერენცირებულ ფასად იბარებდა: კახეთის რეგიონში მოწეული საფერავის ჯიშის ყურძენს - 1.50 ლარად, „ვაზისა და ღვინის შესახებ“ საქართველოს კანონით ნებადართულ  სხვა საღვინე ჯიშებს  - 1.20 ლარად, არაკონდიციურ და  დაზიანებულ/ან დაავადებულ ყურძენს - 1 ლარად.წელს რაჭაში გადამუშავებულია ასევე რეკორდული, 3 ათას ტონამდე სხვადასხვა ჯიშის ყურძენი, საიდანაც უდიდესი წილი ალექსანდროული და მუჯურეთულია. მოსავალი 1400-ზე მეტმა მევენახემ დააბინავა, ყურძნის რეალიზაციით მიღებულმა შემოსავალმა 23,5 მლნ ლარს მიაღწია. რაჭის რეგიონში, კერძო სექტორის სტიმულირების მიზნით, მთავრობის გადაწყვეტილებით, სუბსიდირების პროგრამა განხორციელდა. სუბსიდიის მიმღებია ყველა ის კომპანია, რომელმაც შეიძინა და გადაამუშავა „ხვანჭკარას“ მიკროზონაში მოწეული არანაკლებ 3 ტონა ალექსანდროულისა და მუჯურეთულის ჯიშის ყურძენი და მევენახეს არანაკლებ 8 ლარი გადაუხადა. სახელმწიფო სუბსიდიის ოდენობა, რომელსაც რაჭა-ლეჩხუმის რეგიონში ღვინის კომპანიები იღებენ, შეადგენს 4 ლარს, როგორც 1 კგ ალექსანდროულის, ასევე, 1 კგ მუჯურეთულის ჯიშის ყურძენზე.

1762167435

ბოლო წლებში საქართველო ერთ-ერთ მიმზიდველ მიმართულებად იქცა სამედიცინო ტურიზმის სფეროში. განსაკუთრებით მზარდია მოთხოვნა სტომატოლოგიურ სერვისებზე, სადაც ქვეყანა  პროფესიონალიზმს, თანამედროვე ტექნოლოგიებსა და ხელმისაწვდომ ფასს სთავაზობს უცხოელ პაციენტებს. სწორედ ამ მიზნით, სულ უფრო მეტი უცხოელი ირჩევს საქართველოს ამათუ იმ სტომატოლოგიური სერვისის მისაღებად.საქართველოში მნიშვნელოვნად გამკაცრდა ბოლო წლებში სამედიცინო რეგულაციები, კლინიკები ხშირად გადიან სერტიფიცირებას, რაც პაციენტებისთვის უსაფრთხოების გარანტიაა.ჩვენს ქვეყანაში არსებული სტომატოლოგიური კლინიკიდან ერთ-ერთია „ელიტი“, რომელიც „ერთი ფანჯრის“ პრინციპით აერთიანებს პაკეტს - ტრანსფერი, სასტუმრო, კონსულტაცია და მკურნალობა. ორგანიზაცია Global Healthcare Accreditation–ის (GHA) მიხედვით, 2017 წელს საქართველოში 1500 ადამიანი ჩამოვიდა უცხოეთიდან, 2017-2019 წლებში ათობით ათასი ვიზიტი დაფიქსირდა აზერბაიჯანიდან. კოვიდ პანდემიის დროს, უცხოეთიდან ვიზიტები შემცირდა, თუმცა, პოსტპანდემიურ პერიოდში კვლავ გაიზარდა 40%-ით, წელიწადში 3000-დან 5000-მდე და მეტი.  ამის მიზეზებია: კლინიკების ხარისხის გაუმჯობესება, ფასების კონკურენტულობა, ტურისტული ინფრასტრუქტურის განვითარება, პირდაპირი ფრენების რაოდენობის ზრდა. საქართველოში სტომატოლოგიური მომსახურების მისაღებად ჩამოდიან აზერბაიჯანიდან (30%), სომხეთიდან (6%), რუსეთიდან (33%), ასევე შედარებით შორი ქვეყნებიდან: ისრაელიდან და არაბული ქვეყნებიდან (31%).საქართველოში სტომატოლოგიური ტურიზმის პერსპექტივებზე და გამოწვევებზე ექიმ-სტომატოლოგს, სამედიცინო კოლეჯ "პანაცეას" პროფესორს ნინო ჩომახაშვილს ვესაუბრეთ.- როგორ შეაფასებთ საქართველოში სტომატოლოგიური ტურიზმის განვითარებას, პირობითად, ბოლო 5 წლის ჭრილში და რომელი ქვეყნებიდან ჩამოდიან უმეტესად ამ სერვისის მისაღებად?- ბოლო 5-7 წლის განმავლობაში საქართველოში მოთხოვნა სტომატოლოგიური სერვისების მისაღებად მნიშვნელოვნად გაიზარდა უცხოელი პაციენტების მხრიდან, რაც განპირობებულია მომსახურების მაღალი ხარისხითა და ხელმისაწვდომი ფასებით. ბოლო წლებში ბევრი კლინიკა გაიხსნა თანამედროვე ტექნიკით აღჭურვილი, რომელიც უცხოელ პაციენტებს სხვა და სხვა ტიპის მომსახურებებს სთავაზობს. განსაკუთრებით დიდია მოთხოვნა ესთეტიკურ მომსახურებაზე – მაგალითად კბილების გათეთრება, ვინირება. ასეთი სერვისები სადაზღვევო პაკეტებში, როგორც წესი, არ შედის, დაზღვევა არ აფინანსებს და მათ ქვეყანაში კოლოსალური თანხები ჯდება. პაციენტები გვყავს როგორც ამერიკიდან, აზიიდან, ასევე ევროპული ქვეყნებიდანაც.- როგორია სტომატოლოგიური სერვისების ფასები თბილისსა და ევროპულ ქვეყნებში?- სტომატოლოგიური კლინიკების ფასები თბილისსა და ევროპულ ქვეყნებში საკმაოდ განსხვავდება, საუბარი ზედმეტია აშშ-ის ფასებზე, სადაც სამედიცინო მომსახურება კოლოსალური თანხები ჯდება.შევადაროთ მაგალითად საქართველოს და გერმანიის ფასები: თბილისი:  კონსულტაცია 40-100 ლ, პროფესიონალური წმენდა 80-150 ლ , კბილების გათეთრება 400-800 ლ, კარიესის მკურნალობა 210 ლარიდან , კბილის ექსტრაქცია 30-650 ლ, დენტალური იმპლანტაცია 1 300 - 2 500 ლ, გვირგვინი+ვინირი 400-850 ლარი, ბრეკეტ-სისტემა 1 500 - 5 000 ლ.რაც შეეხება ევროპული ქვეყნების ფასებს : კონსულტაცია 100-150 € პროფესიონალური წმენდა 80-150 € , კბილის ექსტრაქცია 200-600 € , კბილების გათეთრება 300-600 € ,  გვირგვინი+ვინირი 750-1 500  € , დენტალური იმპლანტაცია 2 000 – 2 500  € , ბრეკეტ-სისტემა  4 500 -8 000 € თუმცა, უნდა აღინიშნოს, რომ შედარებით დაბალი ფასი არ ნიშნავს დაბალ ხარისხს. უცხოელი პაციენტებისათვის მიმზიდველია ფასების ხელმისაწვდომობა, მკურნალობის მაღალი ხარისხი.  საქართველოს კლინიკებში მკურნალობისთვის გამოიყენება თანამედროვე მასალები და ტექნოლოგიები, რაც ახლოს არის ევროპულ სტანდარტებთან (3 D დიაგნოსტიკა, ციფრული მოდელირება, ლაზერული მკურნალობა). ექიმებს აქვთ დამატებითი სწავლების გამოცდილება საზღვარგარეთ (ევროპა, ისრაელი, აშშ).- კიდევ რით იზიდავს ქართული სტომატოლოგია უცხოურ პაციენტებს და თქვენი აზრით, რა უნდა გაკეთდეს იმისათვის რომ მეტი უცხოელი პაციენტი მოიზიდოს საქართველომ?- მიუხედავად იმისა, რომ საქართველოში სტომატოლოგიური მომსახურების მაღალი ხარისხია, სტომატოლოგიური კლინიკები საერთაშორისო დონეზე ნაკლებად ცნობადია, არ არსებობს ერთიანი, ძლიერ ორგანიზებული ეროვნული სტრატეგია სტომატოლოგიური ტურიზმისათვის, საჭიროა კომუნიკაცია, რომ კლინიკები მუშაობენ საერთაშორისო სტანდარტებით და გარანტიებით, საჭიროა უფრო ფართოდ იცოდნენ საქართველოს შესახებ საქართველო = ხარისხიანი სტომატოლოგია + ულამაზესი გარემო + კარგი ფასები. ასევე მნიშვნელოვანია პაკეტის უკეთესი ორგანიზება (ტრანსფერი, სასტუმრო, ტურისტული ელემენტები) მკურნალობა + დასვენება კომპლექსურად უფრო მიმზიდველია, მაგრამ უკეთესი იქნება, თუ უფრო განვითარდება: ერთიანი პაკეტები (სტომატოლოგია + სპა/რესორტი + ტურისტული ექსკურსია).სასურველია კლინიკებმა და ტურისტულმა სააგენტოებმა ერთად იმუშაონ, რომ შექმნან „სტომატოლოგიური ტურიზმის პაკეტი“. ასევე საჭირო და მნიშვნელოვანია საერთაშორისო მარკეტინგი: პოპულარიზაცია ისეთ ქვეყნებში, საიდანაც პოტენციური პაციენტები მოდიან (ისრაელი, ახლო აღმოსავლეთი, ევროპა). წახალისება ონლაინ პლატფორმებით, სოციალური მედია, პაციენტთა მიმოხილვები, რეალური ფოტოები, კლინიკების პროფილები.ონლაინ მომსახურებები: ონლაინ კონსულტაციები, კონსულტაციების ვიდეო ჩანაწერები, მკურნალობის გრაფიკების მოქნილობა.ასევე მნიშვნელოვანია სახელმწიფოს ჩართულობა: სტიმულირება, სუბსიდიები, ინვესტიციების მოზიდვა, ერთიანი პლატფორმის შექმნა უცხოელი პაციენტების მიმართულებით. შეიქმნას ეროვნული პლატფორმა სტომატოლოგიური ტურიზმისათვის — ვებსაიტი/პლატფორმა, სადაც განთავსებული იქნება საქართველოს ყველა სერტიფიცირებული სტომატოლოგიური კლინიკა, ფასები, მომსახურების პაკეტები, რეალური ფოტო/ვიდეო მიმოხილვები, უცხოელი პაციენტების მომსახურების სტანდარტები.- რა ტიპის სტომატოლოგიურ პროცედურებზე მოგმართავენ ძირითადად უცხოელი პაციენტები? უფრო რთულ კლინიკურ შემთხვევებზე ჩამოდიან თუ ესთეტიკური ჩარევებისთვის?- საქართველოში არის სტომატოლოგიური მომსახურეობის 2 ტიპი:1. სტანდარტული პაკეტი: პროფილაქტიკა, კონსულტაციები, ღრძილების მკურნალობა, დაბჟენა, ქვის მოცილება - დაბალი ფასი.2. პრემიუმ პაკეტი: პროფილაქტიკა, კონსულტაციები, ღრძილების მკურნალობა, დაბჟენა, ქვის მოცილება, რენტგენი, გართულებული ბჟენი, გინგივიტის მკურნალობა, ზოგჯერ ხელოვნური გვირგვინი, ტკივილის მოხსნა, ნარკოზი - საშუალო და მაღალი ფასი.მზღვეველები ს მიერ იმპლანტის არდაფარვის მიზეზი ეკონომიკურია, მისი ფასი – ოპერაცია + მასალა + გვირგვინი 2000-3000 ლარს აღემატება, სადაზღვევო კომპანიებისათვის დაფარვა ძალიან ძვირი გამოდის. დაზღვევა, როგორც წესი, ფარავს გადაუდებელ საჭიროებებს, ხოლო იმპლანტაცია განიხილება, როგორც ესთეტიკური არჩევითი ჩარევა.სტანდარტულ სადაზღვევო პაკეტს შესაძლებელია დაემატოს: რთული ექსტრაქციები: მაგ მე-8 კბილის პაროდონტოლოგიური მკურნალობა, კბილების გათეთრება, ვინირება, ორთოდონტია (ბრეკეტები, კაპები) უცხოელი ტურისტები ძირითადად მიმართავენ ხოლმე იმპლანტოლოგიას და ესთეტიკურ სტომატოლოგიას. უცხოელ პარტნიორებთან (კლინიკებთან) არ ვთანამშრომლობ.საქსტატის ოფიციალურ მონაცემებზე დაყრდნობით, 2024 წლის პირველ კვარტალში, საერთაშორისო ვიზიტებს შორის 5 203 შემთხვევა სწორედ სამედიცინო სერვისის მისაღებად განხორციელდა უცხოელი მოგზაურების მხრიდან. ტურიზმის ეროვნული ადმინისტრაციის მონაცემებით, (jandacva.ge) 2023 წლის პირველ კვარტალში  ეს მაჩვენებელი  2 136 -ს  შეადგენდა, ამავე პერიოდს თუ შევადარებთ, რიცხვი 2,4 ჯერაა გაზრდილი, შესაბამისად, საქართველო აერთიანებს პროფესიონალიზმს, ხელმისაწვდომ ფასებსა და უნიკალურ ტურისტულ გამოცდილებას.ბევრი უცხოელი პაციენტისთვის საქართველო არა მხოლოდ, ლამაზი ღიმილის, არამედ სხვა კულტურის გაცნობის ახალი კერაა.ავტორი: ანნა კარდენახიშვილი,საქართველოს უნივერსიტეტის სოციალურ მეცნიერებათა სკოლის სტუდენტი, პრაქტიკანტი.

1762157810

ფესტივალს, რომელიც ქალაქ ტეულ-სულ-მერში (Théoule-sur-mer) გაიმართა, ყოველწლიურად ათასობით სტუმარი, მათ შორის, ღვინის პროფესიონალები და HoReCa სექტორის წარმომადგენლები ესწრებიან. ფესტივალის სტუმრებს ქართული ღვინო საფრანგეთში მოღვაწე ენოლოგმა, კომპანიის Le Pont Caucasien ხელმძღვანელმა ილია კახოიძემ წარუდგინა.  ღვინის ეროვნული სააგენტოს საქმიანობის ერთ-ერთ ძირითად მიმართულებას საერთაშორისო ბაზრებზე ქართული ღვინის პოპულარიზაცია და ცნობადობის ამაღლება წარმოადგენს. სააგენტო, ქართული ღვინის პოპულარიზაციის ხელშეწყობის ფარგლებში, 2013 წლიდან, ბაზრების დივერსიფიცირების მიზნით, მიზანმიმართულ სარეკლამო-მარკეტინგულ კამპანიებს ახორციელებს, მათ შორის, მეღვინეობით სახელგანთქმულ ისეთ ქვეყანაში, როგორიც საფრანგეთია, სადაც ქართულ ღვინოზე, განსაკუთრებით კი, ქვევრის ღვინოზე, მოთხოვნა მუდმივად მზარდია. მიმდინარე წლის 9 თვის მონაცემებით, საქართველოდან საფრანგეთში 111 ათასი ბოთლი ღვინოა ექსპორტირებული, რაც 71%-ით აღემატება გასული წლის ანალოგიური პერიოდის მაჩვენებელს.ქართული ღვინის საექსპორტო პოტენციალის გაზრდისა და ბაზრების დივერსიფიცირების მიზნით, ღვინის ეროვნული სააგენტოს ფინანსური და ორგანიზაციული მხარდაჭერით, 2025 წლის 9 თვეში, ქართული ღვინო წარდგენილი იყო 21 გამოფენა/ფესტივალსა და 220-მდე დეგუსტაცია-სემინარზე აშშ-ში, ასევე ევროპისა და აზიის, ჯამში 20-მდე ქვეყანაში.

1761294586

ქვეყნის მასშტაბით მოსავალი 21 200-მა მევენახე ფერმერმა დააბინავა.კახეთში სულ გადამუშავებულია 323 ათასამდე ტონა ყურძენი. ღვინის საწარმოების მიერ გადამუშავებული ყურძნიდან 170 ათასამდე ტონა რქაწითელი, 134 ათასამდე ტონა საფერავი, დანარჩენი კი, სხვადასხვა ჯიშის ყურძენია. ამ ეტაპზე, აქტიური ყურძნის კრეფა საგარეჯოს მუნიციპალიტეტში მიმდინარეობს. რთველია მევენახეობის კიდევ ერთ-ერთ მნიშვნელოვან რეგიონში, ლეჩხუმში. ცაგერის მუნიციპალიტეტში მოსახლეობა ღვინის კომპანიებს ყურძენს შეფერხების გარეშე აბარებს. ღვინის კომპანიების მიერ მიღებულია 112 ტონამდე ყურძენი. პროგნოზით, მიმდინარე წელს, ცაგერში მოსავალი 1.4 ათასამდე ტონის ფარგლებშია.რთველი დასრულდა რაჭაში, სადაც რეკორდული რაოდენობის 3 ათას ტონამდე ყურძნის მოსავალი სრულად დაბინავდა.რთველთან დაკავშირებით, დამატებითი ინფორმაციის მიღება შესაძლებელია გარემოს დაცვისა და სოფლის მეურნეობის სამინისტროს ცხელ ხაზზე - 1501, ასევე კახეთის რთველთან დაკავშირებით, რთველის საკოორდინაციო შტაბის ცხელი ხაზზეც – 0322 193 283.

1761210230

საანგარიშო პერიოდში, 56 კომპანიაში ჩატარდა საინსპექციო კონტროლი, რაც სერტიფიცირებისთვის წარდგენილი ალკოჰოლიანი სასმლის ნიმუშის ლოტთან შესაბამისობას ადგენს. აღებული 1091 ნიმუშიდან, დარღვევა აღმოჩნდა 6 კომპანიის 14 ნიმუშში.გაფორმების ეკონომიკურ ზონაში, ღვინის ეროვნული სააგენტოს კონტრაქტორი საერთაშორისო კომპანიების შპს Bureau Veritas და შპს SGS მიერ ინსპექტირება 98 კომპანიაში განხორციელდა; აღებული 365 ნიმუშიდან დარღვევა 1 კომპანიის 1 ნიმუშში აღმოჩნდა.საექსპორტო ალკოჰოლური სასმელების ორგანოლეპტიკური ტესტირების მიზნით, გასულ 9 თვეში, ჩატარდა 201 დეგუსტაცია. სადეგუსტაციოდ შემოსული 9643 ნიმუშიდან უარყოფითად 365, დანარჩენი 9278 ნიმუში კი, დადებითად შეფასდა.ნიმუშის ორგანოლეპტიკური ტესტირება ხდება ფერსა და გამჭვირვალობაზე, ტიპურობაზე, დაავადებების არსებობაზე, არომატზე, გემოსა და ჰარმონიულობაზე.მიმდინარე წელს, გასული წლის ანალოგიურ პერიოდთან შედარებით, დარღვევების რაოდენობა შემცირებულია.ღვინის ეროვნულ სააგენტოში აცხადებენ, რომ სახელმწიფოსთვის პრიორიტეტია, ქართული ღვინის ხარისხი საერთაშორისო სტანდარტებს აკმაყოფილებდეს ღვინის ეროვნული სააგენტოს შესაბამისი სამსახურები რეგულარულად ახორციელებენ ალკოჰოლიანი სასმელების ხარისხის მონიტორინგს, რათა ათეულ მილიონობით ლიტრი ქართული ღვინო და სხვა ალკოჰოლიანი სასმელი აკმაყოფილებდეს საერთაშორისო სტანდარტებს, იყოს კონკურენტუნარიანი და სულ უფრო მეტად მოთხოვნადი.

1761129311