მეხუზლას თქმით, პანდემიის შეფერხებების შემდეგ, ქართული ღვინო წარმატებით იყიდება აზიის, კერძოდ, ჩინეთის ბაზარზე. გასულ წელთან შედარებით გაიზარდა ქართული ღვინის საექსპორტო ფასიც.  ღვინის სააგენტოს თავმჯდომარის განცხადებით, ღვინის მაღალი ხარისხის უზრუნველყოფის მიმართულებით მიმდინარე წელს გადაიდგა პირველი ნაბიჯი, როდესაც რთველის დროს ყურძნის ფასი განსხვავებული იყო.„რთველის დროს, იმ კომპონენტში, სადაც სახელმწიფოს უწევდა ჩარევა, მთავარი სიახლე იყო ის, რომ განვსაზღვრეთ ხარისხის მაჩვენებელი და განსხვავებულ ფასს ვიხდიდით შედარებით დაბალი ხარისხის ყურძენში, რომელიც გადამუშავდა სასპირტე მიმართულებით. აღნიშნული ემსახურება მიზანს, რომ დარგი გახდეს კიდევ უფრო წარმატებული. ქართული ღვინო, იმ მძაფრი კონკურენციის პირობებში, რომელიც არის გლობალურ ბაზარზე, აუცილებლად უნდა იყოს განსაკუთრებული, უმაღლესი ხარისხის, უნიკალური თვისებების მატარებელი და ამ ყველაფრის საწინდარია ვენახი და ყურძენი. მომავალ წელს ეს მექანიზმი კიდე უფრო გამკაცრდება და დაიხვეწება“, - აღნიშნა სააგენტოს თავმჯდომარემ.მისი თქმით, ქართული ღვინის საერთაშორისო პოზიციების გამყარებას ემსახურება „ვაზისა და ღვინის შესახებ საქართველოს კანონის“ ცვლილებები, რომელთაგან ერთ-ერთი ითვალისწინებს მომავალი წლიდან სამეწარმეო ვენახის გაშენებაზე თანხმობას, რომელსაც სსიპ ღვინის ეროვნული სააგენტო გასცემს.„აღნიშნული ცვლილება გრძელვადიან და საშუალო ვადიან პერსპექტივაში კიდევ უფრო გაამყარებს ქართული ღვინის პოზიციებს საერთაშორისო ბაზარზე. ვენახის გაშენების დროს სწორად უნდა შეირჩეს ნიადაგი, ნერგი, ექსპოზიცია. ეს ცვლილებები ეხება მხოლოდ კომერციულ ვენახებს და არ ეხება უკვე გაშენებულს. ასევე არ ეხება მათ, ვინც ვენახის გაშენებას პირადი მოხმარებისთვის გეგმავს. ახალი, კომერციული ვენახის გაშენების პირობა გაიწერება შესაბამის ნორმატიულ აქტში; გათვალისწინების შემთხვევაში, არავის შეექმნება თანხმობის მიღების პრობლემა“, - აღნიშნა ლევან მეხუზლამ.

1766749743

ევროკავშირში ქართული ღვინის ექსპორტი კვლავ იზრდება — 2025 წლის 9 თვეში 13%-ით. ექსპორტის ფასები ევროკავშირში სტაბილურად უფრო მაღალია, ვიდრე გლობალურად და რუსეთში. ევროკავშირში ქართული ღვინის ექსპორტის ფასები საკმაოდ განსხვავდება ქვეყნების მიხედვით. შედარებით მაღალი ფასები ისეთ ბაზრებზეა მიღწეული, როგორიცაა გერმანია და ჩეხეთი, მაშინ როცა პოლონეთი კვლავ დაბალი ფასის მაგრამ ექსპორტის მაღალ მოცულობის მქონე დანიშნულების ადგილად რჩება."თიბისი კაპიტალი" წერს, რომ რუსეთი კვლავ რჩევა ქართული ღვინის ძირითად საექსპორტო ბაზრად – 2024 წელს მისი წილი მთლიანი ექსპორტში 66%-მდე გაიზარდა და ქართული ღვინო, რუსეთის ღვინის იმპორტის 26%-ს შეადგენდა.ამასთან, საქართველომ გააძლიერა თავისი პოზიცია, როგორც წამყვანმა მომწოდებელმა რუსეთის ბაზარზე, საშუალო ფასის სეგმენტში კონკურენტუნარიანი შეთავაზებებით — საშუალო იმპორტის ფასებით კვლავ ჩამოუვარდება იტალიას, პოლონეთსა და ლატვიას.საქართველოს ღვინის ექსპორტი ცენტრალურ აზიაში სტაბილურად იზრდება - განსაკუთრებით სწრაფად მზარდი ბაზარია - უზბეკეთი. ცენტრალური აზიის ქვეყნების ღვინის იმპორტში საქართველოს წილი სტაბილურად იზრდება - კონკრეტული ფასებით, რომლებიც უმეტეს ქვეყნებში ბაზრის საშუალო მაჩვენებლებს ემთხვევა ან ნაკლებია, რაც კიდევ უფრო ზრდის ქართული ღვინის მიმზიდველობას ამ სწრაფად მზარდ ბაზრებზე. 

1766749342

„ვენახების გაშენების დროს ყურადღება უნდა მიექცეს ვაზის ნერგების ხარისხს, გაშენების ექსპოზიციას, ნიადაგს, ჯიშებს. ყველაფერი უნდა შეესაბამებოდეს იმ სტანდარტს, რაც საშუალებას იძლევა, მივიღოთ ხარისხიანი ყურძნის მოსავალი და ღვინო. თუ ამ ყველაფერს მეწარმე გაითვალისწინებს, მას არ შეექმნება გაშენების თანხმობის მიღებაში დაბრკოლება. მეღვინეობის დარგის სტაბილურად განვითარებისთვის, ღვინის ხარისხზე ზრუნვა ვენახიდან უნდა დაიწყოს. იმ ფონზე, როდესაც მსოფლიო გლობალურ ბაზარზე იკლო ღვინის მოხმარებამ და ბაზარზე მაღალი კონკურენციაა, ეს არის ერთადერთი გზა, რომ უმაღლესი ხარისხის პროდუქტის წარმოება მოხდეს და არ შეფერხდეს დარგის განვითარების ბოლო წლების ტენდენცია“, - აღნიშნა ღვინის ეროვნული სააგენტოს თავმჯდომარემ.  მაღალი ხარისხის უზრუნველყოფის მიმართულებით პირველი ნაბიჯი გადაიდგა 2025 წელს, როდესაც რთველის დროს ყურძნის ფასი განსხვავებული იყო. ხარისხის მიხედვით ფასთა სხვაობა მომავალ წელს შენარჩუნდება და კიდევ უფრო გამკაცრდება.„ყურძენი, რომლითაც ღვინო მზადდება, უნდა იყოს უკომპრომისოდ მაღალი ხარისხის. 2026 წლის რთველის დროს იქნება ყურძნის 3 განსხვავებული ფასი: 17%-ზე დაბალი შაქრიანობის ყურძენი გათანაბრდება ჰიბრიდებთან (ვაზისა და ღვინის შესახებ კანონით აკრძალული ვაზის ჯიშები) და ექნება დაბალი ფასი. თეთრი ყურძნის შემთხვევაში 17-21% და წითელი ყურძნის შემთხვევაში 17-23% შაქრიანობის ყურძნის ფასი იქნება 1 ლარზე ნაკლები. ყურძენი საღვინედ შეფასდება - თეთრი ყურძნის შემთხვევაში 21%-ზე და წითელი ყურძნის შემთხვევაში 23%-ზე მეტი შაქრიანობის/კონდიციურობის ყურძენი“, - აღნიშნა ღვინის ეროვნული სააგენტოს თავმჯდომარემ.ღვინის ეროვნული სააგენტოს თქმით, სხდომაზე ისიც აღინიშნა, რომ სახელმწიფოს მხრიდან უკანასკნელ წლებში მევენახეობა-მეღვინეობის დარგის მხარდაჭერამ მეღვინეობის ინდუსტრია მნიშვნელოვნად გააძლიერა და დარგში შექმნილმა რეალობამ დღის წესრიგში დააყენა რეფორმების გატარების აუცილებლობა, რაც უპირველეს ყოვლისა უკავშირდება ვენახების გაშენების რეგულაციების შემოღებას და ღვინის მაღალი ხარისხის უზრუნველყოფას.მეხუზლას შეფასებით, რეფორმის მნიშვნელოვანი ასპექტია „ვაზისა და ღვინის შესახებ საქართველოს კანონის“ ცვლილება, რომელიც ითვალისწინებს მომავალი წლიდან სამეწარმეო ვენახის გაშენებაზე თანხმობას, რომელსაც სსიპ ღვინის ეროვნული სააგენტო გასცემს.

1766739240

ე.წ. Outdoor (გარე სივრცე) კამპანია 4 კვირის განმავლობაში გრძელდება და ორიენტირებულია მომხმარებელზე. წელიწადის აღნიშნული დრო, კერძოდ, საშობაო პერიოდი გაყიდვების კუთხით ყველაზე აქტიურია, რაც ხელს შეუწყობს სამიზნე აუდიტორიის ზრდას და, შესაბამისად, დადებითად აისახება ექსპორტის მაჩვენებელზე.სააგენტოში აღნიშნავენ, რომ ამერიკის შეერთებული შტატები ქართული ღვინის ერთ-ერთ სტრატეგიულ საექსპორტო ბაზარს წარმოადგენს. ღვინის ეროვნული სააგენტოს მხარდაჭერით, 2013 წლიდან მიმდინარე მიზანმიმართულმა მარკეტინგულმა აქტივობებმა მნიშვნელოვნად შეუწყო ხელი როგორც ქართული ღვინის ცნობადობის, ისე ექსპორტის ზრდას აშშ-ში. აშშ-ში ქართული ღვინის მარკეტინგულ კამპანიას ღვინის ეროვნულ სააგენტო უმსხვილეს ამერიკულ მარკეტინგულ კომპანიასთან Colangelo&Partners თანამშრომლობით ახორციელებს. კამპანიის ფარგლებში, აშშ-ის სხვადასხვა ქალაქში, ღვინის პროფესიონალებისა და ღვინით ვაჭრობის სფეროს წარმომადგენლებისთვის დეგუსტაცია-სემინარები იმართება; ქართული ღვინო წარმოდგენილია საერთაშორისო გამოფენებზე; მედიის, სომელიეებისა და გაყიდვების სფეროს წარმომადგენლებისთვის ეწყობა ღვინის ტურები საქართველოში, რაც ხელს უწყობს ქართული ღვინის უკეთ გაცნობასა და პოპულარიზაციას ამერიკულ ბაზარზე.ქართული ღვინის სარეკლამო კამპანია აშშ-ში ბოლო 3 თვეში განსაკუთრებით გააქტიურდა. ქართული ღვინის წარდგენა არაერთ ღონისძიებაზე გაიმართა: ქართული ღვინის მასშტაბურ დეგუსტაციაზე Wines of Georgia Grand Tasting (ლოს-ანჯელესი), ღვინის საერთაშორისო ფესტივალზე Karakterre (ნიუ-იორკი), ღვინის საერთაშორისო გამოფენაზე Orange Glou Fair (ნიუ-იორკი), ქართული ქარვისფერი ღვინის პირველი ფესტივალზე „Amber Georgia” (ნიუ-იორკი), ბუნებრივი ღვინოების საერთაშორისო გამოფენაზე RAW Wine NYC (ნიუ-იორკი), San Diego Food + Wine Festival (სან-დიეგო), ქართული ღვინის შესახებ ვრცელი სიუჟეტი მოამზადა აშშ-ში ერთ-ერთმა ყველაზე პოპულარულმა ღვინის შოუმ - V is for Vino.ამასთან, ქართული ღვინის დეგუსტაციები ჩატარდა მსხვილ სუპერმარკეტების ქსელებსა და საცალო ობიექტებში აშშ-ს სხვადასხვა შტატში.

1766574950

აშშ-მა ღვინის იმპორტი ყველაზე მკვეთრად შეამცირა: იტალიიდან (-$67 მლნ) ახალი ზელანდიიდან (-$51 მლნ) ესპანეთიდან (-$22 მლნ) ავსტრალიიდან (-$12 მლნ) მოლდოვიდან (-$11 მლნ) უმსხვილეს სავაჭრო პარტნიორებს შორის, ყველაზე მკვეთრი პროცენტული კლება დაფიქსირდა: შვეიცარიიდან (-47%) მოლდოვიდან (-42%) სამხრეთ აფრიკიდან (-16%) ახალ ზელანდიიდან (-13%)  გერმანიიდან (-11%) AAWE-ის მონაცემებით, ამის საპირისპიროდ, აშშ-ში საფრანგეთიდან ღვინის იმპორტი 4%-ით გაიზარდა, მიუხედავად იმისა, რომ საფრანგეთის საექსპორტო სტატისტიკაში 10%-იანი კლებაა აღნიშნული. ეს სხვაობა ნაწილობრივ ვალუტის კურსის ეფექტით აიხსნება: გამყარებულმა აშშ დოლარმა გაზარდა ღირებულება დოლარში გამოსახვისას, მაშინ, როცა ექსპორტი ევროში შემცირდა. პირიქით, კლება კიდევ უფრო მკვეთრი ჩანს ადგილობრივ ვალუტებში იქ, სადაც აშშ დოლარი 2024 წელთან შედარებით დასუსტდა, განსაკუთრებით კი ევროსთან მიმართებით.

1766398675

თითოეული ღონისძიების ფარგლებში, საპრომოციო ღვინოებისთვის განკუთვნილ სივრცეში, სადეგუსტაციოდ წარმოდგენილი იყო სამი სხვადასხვა კომპანიის ხუთი სახეობის ქართული ღვინო. ქართული ღვინის პოპულარიზაციის დეგუსტაციების ციკლი კომპანიის Saperavi Brothers ორგანიზებით, ივლისში დაიწყო და დეკემბრის თვეშიც გრძელდება. მსგავსი ფორმატის ღონისძიებები ორიენტირებულია მომხმარებელზე და მისი მიზანი ქართული ღვინის საექსპორტო ბაზრების დივერსიფიკაცია და გაყიდვების ზრდის ხელშეწყობაა. ამერიკის შეერთებული შტატები ქართული ღვინის ერთ-ერთ სტრატეგიულ საექსპორტო ბაზარს წარმოადგენს.ღვინის ეროვნული სააგენტოს მხარდაჭერით, 2013 წლიდან მიმდინარე მიზანმიმართულმა მარკეტინგულმა აქტივობებმა მნიშვნელოვნად შეუწყო ხელი როგორც ქართული ღვინის ცნობადობის, ისე ექსპორტის ზრდას აშშ-ში. აშშ-ში ქართული ღვინის მარკეტინგულ კამპანიას ღვინის ეროვნულ სააგენტო უმსხვილეს ამერიკულ მარკეტინგულ კომპანიასთან Colangelo&Partners თანამშრომლობით ახორციელებს. კამპანიის ფარგლებში, აშშ-ის სხვადასხვა ქალაქში, ღვინის პროფესიონალებისა და ღვინით ვაჭრობის სფეროს წარმომადგენლებისთვის დეგუსტაცია-სემინარები იმართება; ქართული ღვინო წარმოდგენილია საერთაშორისო გამოფენებზე; მედიის, სომელიეებისა და გაყიდვების სფეროს წარმომადგენლებისთვის ეწყობა ღვინის ტურები საქართველოში, რაც ხელს უწყობს ქართული ღვინის უკეთ გაცნობასა და პოპულარიზაციას ამერიკულ ბაზარზე.ამასთან ერთად, ქართული ღვინის პოპულარიზაციის მიზნით, ღვინის ეროვნული სააგენტოს პარტნიორები არიან ამერიკული იმპორტიორი კომპანიები A.G Global Trade LLC, Saperavi brothers, Vinoveli inc, Corus systems inc, Georgian House of Greater Washington LLC და მარკეტინგული კომპანია Big Sky Ranch Inc.

1766135970

MTA–ს ცნობით, 27 დეკემბრიდან ამოქმედდება გუდაურისა და კობის საბაგიროები - პირველი, სოლიკო, გუდაურა, კობი, ფირნი და თრუსო. პარალელურად, გრძელდება ხელოვნური გათოვლიანების სამუშაოები და ტრასები  თოვლის საფარის შესაბამისად, ეტაპობრივად გაიხსნება.ამავე დღიდან, ჩაირთვება ჰაწვალის სასრიალო არეალზე ზურულდის საბაგირო. ჰაწვალისა და თეთნულდის სასრიალო ტრასების გახსნა ეტაპობრივად განხორციელდება, ამინდისა და თოვლის საფარის პირობების შესაბამისად. აგრეთვე, 27 დეკემბრიდან კურორტ გოდერძიზე ამოქმედდება საბაგირო ,,ზანკა“.ბაკურიანის საბაგიროების აბონემენტების შეძენა 20 დეკემბრიდან, კურორტზე მხოლოდ კოხტას სალაროში იქნება შესაძლებელი. ბილეთების ონლაინ გაყიდვა კი 23 დეკემბრიდან დაიწყება და ხელმისაწვდომი იქნება აპლიკაციებსა და ვებგვერდებზე: TKT.GE, BILETEBI.GE, SKIPASS.GE, ასევე სუპერ აპსა (Super App) და მაუნთ აპში (MOUNT App). დამსვენებლებს პლატფორმებზე გუდაურის, ბაკურიანის, მესტიისა და გოდერძის კურორტების, სხვადასხვა კატეგორიის ბილეთის შეძენა შეეძლებათ.2025–2026 წლის ზამთრის სეზონი „მთის ტრასების სააგენტოსთვის“ განსაკუთრებულ მნიშვნელობას ატარებს, რადგან უკვე მესამედ, საქართველო ფრირაიდის მსოფლიო ტურს უმასპინძლებს. ღონისძიება სვანეთში, თეთნულდზე 22-დან 28 თებერვლის ჩათვლით გაიმართება (ამინდის ფანჯრის ფარგლებში) და მასში 50 გამორჩეული რაიდერი მიიღებს მონაწილეობას. საქართველო 6 წამყვან ექსკლუზიურ ქვეყანას შორისაა (საფრანგეთი, ესპანეთი, შვეიცარია, ავსტრია, აშშ და საქართველო), რომელმაც ფრირაიდის მსოფლიო ტურის  ჩატარების უფლება მოიპოვა.ღონისძიების გამართვა უმნიშვნელოვანესია საქართველოს მთის კურორტების საერთაშორისო ცნობადობისთვის, ზამთრის სპორტისა და ტურიზმის განვითარებისთვის. მსოფლიო სპორტულ რუკაზე ქვეყანამ უკვე დაიკავა საპატიო ადგილი - გასულ წლებში საქართველომ წარმატებით უმასპინძლა მსოფლიო თასის ეტაპებს სკი კროსში, სნოუბორდ კროსსა და მოგულის დისციპლინებში. ფრირაიდის მსოფლიო ტურის გამართვა კი საქართველოს არამხოლოდ ცნობადობას გაუზრდის, არამედ, ქვეყნის სამთო-სათხილამურო კურორტები ზამთრის სპორტის მოყვარულთათვის მსოფლიო რუკაზე კიდევ ერთხელ მოინიშნება. 

1766047887

თითოეული ღონისძიების ფარგლებში, სუპერმარკეტებსა და გაყიდვების ობიექტების საპრომოციო ღვინოებისთვის განკუთვნილ სივრცეში, სადეგუსტაციოდ წარმოდგენილი იყო სამი სხვადასხვა კომპანიის ხუთი სახეობის ქართული ღვინო. CORUS SYSTEMS INC-ის ორგანიზებით, მაისის, ივნისის, სექტემბრის, ოქტომბრისა და ნოემბრის თვეებში, ქართული ღვინის 100-ზე მეტი წარდგენა გაიმართა, დეგუსტაციები გრძელდება დეკემბრის თვეშიც.მსგავსი ფორმატის ღონისძიებები ორიენტირებულია მომხმარებელზე და  მიზანი ქართული ღვინის საექსპორტო ბაზრების დივერსიფიკაცია და გაყიდვების ზრდის ხელშეწყობაა.დეგუსტაციების პარალელურად, ბოლო 3 თვეში, აშშ-ში ქართული ღვინის წარდგენა არაერთ ღონისძიებაზე გაიმართა: ქართული ღვინის მასშტაბურ დეგუსტაციაზე Wines of Georgia Grand Tasting (ლოს-ანჯელესი), ღვინის საერთაშორისო ფესტივალზე Karakterre (ნიუ-იორკი), ღვინის საერთაშორისო გამოფენაზე „Orange Glou Fair“ (ნიუ-იორკი), ქართული ქარვისფერი ღვინის პირველი ფესტივალზე Amber Georgia (ნიუ-იორკი), ბუნებრივი ღვინოების საერთაშორისო გამოფენაზე RAW Wine NYC (ნიუ-იორკი), San Diego Food + Wine Festival (სან-დიეგო), ქართული ღვინის შესახებ ვრცელი სიუჟეტი მოამზადა აშშ-ში ერთ-ერთმა ყველაზე პოპულარულმა ღვინის შოუმ - V is for Vino.ამერიკის შეერთებული შტატები ქართული ღვინის ერთ-ერთ სტრატეგიულ საექსპორტო ბაზარს წარმოადგენს. ღვინის ეროვნული სააგენტოს მხარდაჭერით, 2013 წლიდან მიმდინარე მიზანმიმართულმა მარკეტინგულმა აქტივობებმა მნიშვნელოვნად შეუწყო ხელი როგორც ქართული ღვინის ცნობადობის, ისე ექსპორტის ზრდას აშშ-ში. 

1765962038

Vinoveli Inc-მა აღნიშნული ღონისძიებით დაიწყო სარეკლამო-მარკეტინგულ კამპანია აშშ-ში ერთ-ერთ წამყვან დისტრიბუტორ არჯუნ დევანთან (Arjun Dewan) თანამშრომლობით. კამპანიის მიზანია Vinoveli Inc-ის პორტ-ფოლიოში არსებული ღვინოების წარდგენა აშშ-ის ბაზარზე მომუშავე დისტრიბუტორების, საცალო ვაჭრობის წარმომადგენლების, სომელიეებისა და ჟურნალისტებისთვის, რაც მნიშვნელოვანია ქართული ღვინის ცნობადობის ასამაღლებლად.ასევე ღვინის ეროვნული სააგენტოს მხარდაჭერით და Vinoveli Inc-ის ორგანიზებით, ქართული ღვინის შესახებ შვიდი დეგუსტაცია გაიმართა საცალო-ქსელურ სუპერმარკეტებსა და გაყიდვების ობიექტების საპრომოციო ღვინოებისთვის განკუთვნილ სივრცეში ნიუ-ჯერსსა და მასაჩუსეტში, სადაც წარმოდგენილი იყო ქართული ღვინის მწარმოებელი სხვადასხვა კომპანიის ღვინოები.ქართული ღვინის ერთ-ერთ უმნიშვნელოვანეს სტრატეგიულ ბაზარზე, ამერიკის შეერთებულ შტატებში, ღვინის ეროვნული სააგენტოს ფინანსური და ორგანიზაციული მხარდაჭერით, ბოლო 3 თვეში ქართული ღვინის წარდგენა არაერთ ღონისძიებაზე გაიმართა: ქართული ღვინის მასშტაბურ დეგუსტაციაზე „Wines of Georgia Grand Tasting“ (ლოს-ანჯელესი), ღვინის საერთაშორისო ფესტივალზე Karakterre (ნიუ-იორკი), ღვინის საერთაშორისო გამოფენაზე Orange Glou Fair (ნიუ-იორკი), ქართული ქარვისფერი ღვინის პირველი ფესტივალზე „Amber Georgia” (ნიუ-იორკი), ბუნებრივი ღვინოების საერთაშორისო გამოფენაზე RAW Wine NYC (ნიუ-იორკი), San Diego Food + Wine Festival (სან-დიეგო), ქართული ღვინის შესახებ ვრცელი სიუჟეტი მოამზადა აშშ-ში ერთ-ერთმა ყველაზე პოპულარულმა ღვინის შოუმ - V is for Vino.

1765353783

ოთხდღიანი ფესტივალის სტუმრებს შესაძლებლობა მიეცათ, გასცნობოდნენ ქართული ღვინის მწარმოებელი 10 კომპანიისა და მცირე მარნის  სხვადასხვა დასახელების ღვინოებს. ფესტივალზე ქართული ღვინო საფრანგეთში მოღვაწე ენოლოგმა, კომპანიის Le Pont Caucasien ხელმძღვანელმა ილია კახოიძემ წარადგინა.  რიგით 28-ე ფესტივალს ათასობით სტუმარი, როგორც ღვინის მომხმარებელი, ასევე კომერციული და HoReCa სექტორის წარმომადგენელი დაესწრო, რაც უმნიშვნელოვანესია ქართული ღვინის პოპულარიზაციის ხელშეწყობისთვის.Salon Monte Carlo Gastronomie ერთ-ერთი ყველაზე მნიშვნელოვანი ღონისძიებაა აღნიშნულ რეგიონში, რომელში მონაწილეობაც ხელს შეუწყობს ქართული ღვინის ცნობადობის ამაღლებას არა მარტო მონაკოში, არამედ საფრანგეთშიც.ღვინის ეროვნული სააგენტოს საქმიანობის ერთ-ერთ ძირითად მიმართულებას საერთაშორისო ბაზრებზე ქართული ღვინის პოპულარიზაცია და ცნობადობის ამაღლება წარმოადგენს. სააგენტო, ქართული ღვინის პოპულარიზაციის ხელშეწყობის ფარგლებში, 2013 წლიდან, ბაზრების დივერსიფიცირების მიზნით, სარეკლამო-მარკეტინგულ კამპანიებს ახორციელებს, მათ შორის, მეღვინეობით სახელგანთქმულ ისეთ ქვეყანაში, როგორიც საფრანგეთია, სადაც ქართულ ღვინოზე, განსაკუთრებით კი, ქვევრის ღვინოზე, მოთხოვნა მუდმივად მზარდია. მიმდინარე წლის 11 თვის მონაცემებით, საქართველოდან საფრანგეთში 119 ათასი ბოთლი ღვინოა ექსპორტირებული, რაც 80%-ით აღემატება გასული წლის ანალოგიური პერიოდის მაჩვენებელს.

1765271329