PSP-ს ახალი კონცეფციის აფთიაქები მომხმარებელს თანამედროვე და განსხვავებულ გარემოში ახალი ბრენდებისა და ინოვაციური სერვისების აღმოჩენის შესაძლებლობას სთავაზობს. გარანტირებული ხარისხის პროდუქციის მრავალფეროვანი არჩევანიდან სასურველი პროდუქტის შერჩევა ამ სივრცეში კიდევ უფრო მარტივი და კომფორტულია, განსაკუთრებული სადიაგნოსტიკო სარკე და ინოვაციური საპრეზენტაციო თარო კი თავის მოვლის პროდუქტების გაცნობას სრულიად ახალ გამოცდილებად აქცევს.სადიაგნოსტიკო სარკე ინოვაციური ტექნოლოგიით შექმნილი მონიტორია, რომლის კამერა და პროგრამული უზრუნველყოფა მომხმარებლის სახის კანის მდგომარეობას აანალიზებს. გამოვლენილი მდგომარეობების - ლაქების, ნაოჭების, თვალის გარშემო მუქი წრეების, სიმშრალის, ცხიმიანობისა და სხვა პრობლემების მიხედვით ეკრანზე ჩნდება პერსონალიზებული რეკომენდაციების შეთავაზება მისი კანის საჭიროებების მიხედვით.მიღებული რეკომენდაციების გაცნობა მომხმარებელს QR კოდის დასკანერებით შეუძლია, სურვილის შემთხვევაში კი სასურველ ელექტრონულ ფოსტაზე მიღება.ინოვაციური საპრეზენტაციო თარო მომხმარებელს პირველად სწორედ ახალი კონცეფციის აფთიაქში შეუძლია იხილოს. ახალ აფთიაქში წარმოდგენილია კორეული ბრენდის - „მიზონის“ საპრეზენტაციო თარო, რომელიც მომხმარებელს პროდუქტის გაცნობას უფრო მარტივსა და საინტერესო გამოცდილებად სთავაზობს. მომხმარებელს შესაძლებლობა აქვს, თაროზე განთავსებული პროდუქტის შესახებ საჭირო ინფორმაცია ეკრანზე მიიღოს, უკეთ გაიცნოს მისი შესაძლებლობები და მისთვის სასურველი პროდუქტი უფრო მარტივად შეარჩიოს.მსგავსი საპრეზენტაციო თაროები შერჩეულ აფთიაქებში სხვადასხვა ბრენდის პროდუქტებით განთავსდება, რათა მომხმარებელს ახალი და საინტერესო მეთოდით პროდუქციის გაცნობა და მისთვის სასურველი არჩევანის გაკეთება კიდევ უფრო გაუადვილდეს.საზეიმო ლენტი PSP-ს მარკეტინგის დირექტორმა ანო გოგიჩაძემ და ქსელის მართვის სამსახურის უფროსმა ნანა გვილავამ გაჭრეს. ახალი კონცეფციის აფთიაქის გახსნას ჯანდაცვის სფეროს წარმომადგენლები, ინფლუენსერები და ცნობილი სახეები დაესწრნენ.„PSP-ს ქსელის განვითარება ჩვენი მომხმარებლებისთვის ხარისხიანი მედიკამენტებისა და მსოფლიოში ცნობილი თავის მოვლის ბრენდების პროდუქტების კიდევ უფრო ხელმისაწვდომობას ემსახურება. ჩვენთვის მნიშვნელოვანია, აფთიაქი მხოლოდ საჭირო პროდუქტის შეძენის ადგილი არ იყოს და მომხმარებელს კომფორტული, საინტერესო და თანამედროვე გამოცდილება შესთავაზოს.როგორც სილამაზის ინდუსტრიის ერთ-ერთი ყველაზე დიდი და ინოვაციური წარმომადგენელი საქართველოში, PSP მუდმივად ნერგავს სიახლეებს როგორც ასორტიმენტის, ისე მომსახურების მიმართულებით. ახალი კონცეფციის აფთიაქიც სწორედ ამ იდეას აერთიანებს - მომხმარებელს შეუძლია ახალი პროდუქტები აღმოაჩინოს, თანამედროვე ტექნოლოგიები გამოსცადოს და პროფესიონალი ფარმაცევტებისა და კონსულტანტების დახმარებით მის საჭიროებებზე მორგებული არჩევანი გააკეთოს.გახსნასთან დაკავშირებით ორი კვირის განმავლობაში მომხმარებლისთვის მოქმედებს განსაკუთრებული შეთავაზება - 5% ექსტრა ფასდაკლება ფარმაცევტულ პროდუქტებზე, ხოლო 10% - პარაფარმაცევტულზე, ყველა 50-ლარიან შენაძენზე კი სასაჩუქრე ქისები გადაეცემათ. 2026 წლის განმავლობაში კომპანიამ 16 ახალი აფთიაქი გახსნა, მათ შორის ახალი დიზაინით ბათუმსა და ქუთაისში, ახლა კი უკვე ახალი კონცეფციით თბილისში. ქსელის გაფართოების პროცესი გრძელდება და წლის ბოლომდე კიდევ 10-მდე აფთიაქი გაიხსნება, მათ შორის ახალი კონცეფციის აფთიაქი თელავში” - აცხადებენ PSP-ში.შეთავაზებებისა და სიახლეების შესახებ ინფორმაციის მისაღებად თვალი ადევნეთ PSP აფთიაქის Facebook გვერდს.#PSP ხარისხის გარანტი(R)

1788852484

2Q26-ში სააქციო კაპიტალმა $210.5 მლნ შეადგინა, რაც მთლიანი პირდაპირი უცხოური ინვესტიციების 44.9%-ია. რეინვესტიციამ $300.5 მლნ შეადგინა და მისი წილი 64.1%-ით განისაზღვრა.საქსტატის წინასწარი მონაცემებით 2Q26-ში პირველ ადგილზეა ჩინეთი $219.5 მლნ-ით, რაც მთლიანი პირდაპირი უცხოური ინვესტიციების 46.8%-ს შეადგენს, მეორე ადგილზე იმყოფება გაერთიანებული სამეფო $123.5 მლნ-ით (26.3%), ხოლო მესამეზე არაბთა გაერთიანებული საამიროები - $47.7 მლნ-ით (10.2%).სამი უმსხვილესი ინვესტორი ქვეყნის წილი ინვესტიციების მთლიანი მოცულობის 83.3%-ს შეადგენს.საქსტატის წინასწარი მონაცემებით 2Q26-ში ყველაზე მეტი პირდაპირი უცხოური ინვესტიციები საფინანსო და სადაზღვევო საქმიანობების სექტორში განხორციელდა და $207.6 მლნ-ს მიაღწია (44.3%). მეორე ადგილზე უძრავი ქონების სექტორია $119.9 მლნ-ით (25.6%), ხოლო მესამეზე - დამამუშავებელი მრეწველობის სექტორი $59 მლნ-ით (12.6%).სამი უმსხვილესი სექტორის წილმა (განხორციელებული პირდაპირი უცხოური ინვესტიციების მიხედვით) 82.4% შეადგინა.

1788851886

უკრაინაში ბოთლის წყლის უმსხვილესი მწარმოებლის, IDS Ukraine-ის აქტივები ხელისუფლებამ 2022 წელს გაყინა.უკრაინის აქტივების აღდგენისა და მართვის სააგენტოს (Arma) ხელმძღვანელის, იაროსლავა მაქსიმენკოს თქმით, უწყება დამოუკიდებელი მენეჯმენტის შესაყვანად მუდმივად წააწყდა სამართლებრივ დაბრკოლებებს, რადგან პატარკაციშვილები უარს ამბობენ თავიანთ კუთვნილ აქტივებზე კონტროლის დათმობაზე.თავის მხრივ, პატარკაციშვილების ოჯახის წარმომადგენელმა განაცხადა, რომ ისინი 2022 წლის თებერვლიდან უკრაინის ერთგული მხარდამჭერები არიან და უსამართლოდ გახდნენ სამიზნე. ოჯახის პოზიციით, სახელმწიფო არ უნდა ართმევდეს აქტივებს არასანქცირებულ მესაკუთრეებს, რომელთა მიმართაც არანაირი ბრალდება არ არსებობს.ოჯახის წარმომადგენლები ხაზგასმით აღნიშნავენ, რომ თუ უკრაინულ სასამართლოებში სამართლიანობის მიღწევა ვერ მოხერხდება და კომპანიას Arma-ს პროცესით ჩამოართმევენ, ისინი საკუთარი უფლებების დაცვას საერთაშორისო სასამართლოებში გააგრძელებენ.IDS Ukraine-ში 34%-იანი წილი ლიანა, ია და ინა პატარკაციშვილებმა მემკვიდრეობით 2008 წელს, ბადრი პატარკაციშვილის გარდაცვალების შემდეგ მიიღეს.კომპანიის მცირე აქციონერებს შორის საქართველოს მთავრობაც შედის.

1788762995

მერლონსი 2011 წელს „შარმი ჯგუფმა“ დააფუძნა და კომპანიამ მალევე მიიღო პირველი საერთაშორისო ბრენდის -- VitrA-ს - ექსკლუზიური წარმომადგენლობა საქართველოში. შემდეგ, 2012 წელს, თბილისსა და ბათუმში VitrA Georgia-ს ბრენდული შოურუმები გაიხსნა.ამჟამად მერლონსი მომხმარებელს ერთიან სივრცეში სთავაზობს ინტერიერისთვის საჭირო ოთხ ძირითად მიმართულებას - სანტექნიკას, ფილებს, ავეჯსა და განათებას.კომპანიის მთავარი ამოცანაა, მომხმარებელს გაუმარტივოს არჩევანისა და ინტერიერის მოწყობის პროცესი. მერლონსში არცერთი პროდუქტი შემთხვევითი არჩევანის შედეგად არ ჩნდება - თითოეული ბრენდი, კოლექცია და პროდუქტი წინასწარი შეფასებისა და შედარების შემდეგ არის შერჩეული ხარისხის, დიზაინის, ტექნოლოგიური შესაძლებლობებისა და პრაქტიკული ღირებულების მიხედვით. ამის შედეგად მომხმარებელს აღარ სჭირდება დროის დაკარგვა უამრავ გადატვირთულ არჩევანში და შეუძლია ერთ სივრცეში გაეცნოს სანდო და ხარისხიან პროდუქტებს.მრავალწლიანი გამოცდილება პროექტებშიმერლონსის მიერ წარმოდგენილი პროდუქცია ფართოდ გამოიყენება როგორც კერძო, ისე კომერციულ პროექტებში - სასტუმროებში, რესტორნებში, ოფისებში, ბანკებში, აეროპორტებში, საჯარო სივრცეებსა და საცხოვრებელ კომპლექსებში.კომპანია საქართველოში მნიშვნელოვან პროექტებში მონაწილეობის მრავალწლიან გამოცდილებას ფლობს. მერლონსის პროდუქცია უკვე გამოყენებულია არაერთ მნიშვნელოვან ობიექტში, მათ შორის ქუთაისისა და თბილისის საერთაშორისო აეროპორტებში, იუსტიციის სახლებში და საქართველოს ბანკის სათავო ოფისში. პროფესიონალური თანამშრომლობა დიზაინერებთანმერლონსი განსაკუთრებული ინტენსივობით თანამშრომლობს ინტერიერის დიზაინერებთან და არქიტექტორებთან. დიზაინერებისა და არქიტექტორებისთვის მერლონსი არა მხოლოდ მომწოდებელი, არამედ პროცესში ჩართული პროფესიონალური პარტნიორია.დიზაინერები განახლებულ ინფორმაციას მუდმივად იღებენ ბრენდების, ახალი კოლექციების, ტექნიკური დეტალებისა და პროდუქციის მახასიათებლების შესახებ. კომპანია მათ სთავაზობს სპეციალურ პირობებს, მუდმივ სიახლეებსა და პროფესიონალურ მხარდაჭერას, რაც პროექტზე მუშაობას უფრო ორგანიზებულსა და მარტივს ხდის.რეგიონში მერლონსი ერთადერთი კომპანიაა, რომლისგანაც დიზაინერები პროდუქციის 3D მოდელებს იღებენ, რათა მათ შეძლონ კონკრეტული პროდუქტების უშუალოდ საკუთარ პროექტებსა და ვიზუალიზაციებში გამოყენება. ასეთი შესაძლებლობა სამუშაო პროცესს ამარტივებს და მნიშვნელოვან დროს ზოგავს და დიზაინერს საშუალებას აძლევს, პროექტის საბოლოო შედეგი მომხმარებელს უფრო ზუსტად და რეალისტურად წარუდგინოს.VitrA Georgia - ერთ-ერთი მთავარი ბრენდი მერლონსის პორტფელშიმერლონსის ერთ-ერთ უმნიშვნელოვანეს ექსკლუზიურ ბრენდს წარმოადგენს VitrA Georgia. ბრენდის მფლობელია Eczacıbaşı Group-ი, რომელიც 1942 წელს დაარსდა და დღეს სამშენებლო მასალების მიმართულებით ერთ-ერთი მნიშვნელოვანი ინდუსტრიული ჯგუფია.VitrA Georgia-ს ძირითად უპირატესობად მიიჩნევა სააბაზანოსთვის სრული სისტემის შექმნის შესაძლებლობა. VitrA-ს ასორტიმენტი აერთიანებს:● უნიტაზებსა და ჩასაშენებელ ავზებს;● ღილაკებს, ხელსაბანებს, ბიდეებსა და პისუარებს;● შემრევებსა და საშხაპე სისტემებს;● აბაზანებს, ტრაპებსა და სიფონებს;● სააბაზანოს ავეჯსა და სარკეებს;● აქსესუარებსა და ფილებს;● შშმ პირებისთვის ადაპტირებულ პროდუქტებს.ხარისხის კონტროლი და პროდუქციის ტესტირებაVitrA Georgia-ს პროდუქციის ხარისხს განაპირობებს ძლიერი წარმოების და ხარისხის კონტროლის სისტემა.კერამიკული პროდუქცია ბუნებრივი ნედლეულის გამოყენებით იწარმოება. წარმოების პროცესში მასალა იღებს შესაბამის ფორმას, შრება, მოჭიქურდება და მაღალ ტემპერატურაზე იწვება. ეს პროცესი პროდუქტს ანიჭებს სიმტკიცეს, სიპრიალესა და ხანგრძლივ საექსპლუატაციო თვისებებს.VitrA-ს ჩასაშენებელ ავზებზე მრავალსაფეხურიანი ტესტირება ტარდება, მათ შორის 200 000 ჩარეცხვის, 500 კგ დატვირთვის, გაჟონვის, გადმოღვრისა და ხმაურის ტესტებს.VitrA-ს უნიტაზების ტექნოლოგიური შესაძლებლობებიVitrA-ს უნიტაზებში გამოიყენება Rim-ex, SmoothFlush და QuantumFlush-ის თანამედროვე ტექნოლოგიები, რომლებიც წმენდას უფრო მარტივსა და მოსახერხებელს ხდიან, ამცირებენ ბაქტერიების დაგროვების რისკს და ეფექტურ, ჩუმ ჩარეცხვას უზრუნველყოფენ.სმარტ უნიტაზი V-Care ერთ პროდუქტში აერთიანებს უნიტაზის, ბიდესა და ჰიგიენური საშხაპის ფუნქციებს. მას აქვს პულტი, თვითრეცხვადი მილი, საფარის გათბობა, გაშრობის ფუნქცია, სუნის გაწოვისა და დეკალკიფიკაციის სისტემა.შემრევების ხარისხი და გამძლეობაVitrA-ს შემრევები მზადდება მაღალი ხარისხის, გამძლე თითბერისგან. მათში გამოიყენება Sedal-ისა და Kerox-ის კერამიკული კარტრიჯები, Neoperl-ის აერატორები, PVD დაფარვა და წყლის დამზოგავი ტექნოლოგიები.თითოეული შემრევი მოწმდება 2.1 მილიონ გახსნა-დაკეტვაზე, რაც პროდუქციის გამძლეობისა და ხანგრძლივი ექსპლუატაციის ერთ-ერთი მნიშვნელოვანი მაჩვენებელია.თანამედროვე ფილები და დამუშავების სერვისიმერლონსში მომხმარებელს დიდი, საშუალო და პატარა ფორმატის ფილების მრავალფეროვანი არჩევანი ხვდება. კომპანია მომხმარებელს სთავაზობს დიდი ფორმატის ფილებს სხვადასხვა სისქით, ასევე ფილების ჭრის სერვისს, რაც განსაკუთრებით პრაქტიკულია თანამედროვე ინტერიერებისთვის, სამზარეულოს ზედაპირებისთვის, სააბაზანოებისა და ინდივიდუალური პროექტებისთვის.VitrA Georgia-ს ფილები გამორჩეულია ტექნოლოგიური მახასიათებლებითა და მაღალი მედეგობით. ისინი გათვლილია ცვეთის, ქიმიური ნივთიერებების, ტემპერატურული შოკის, მზის, წვიმის, მარილისა და ქლორის ზემოქმედებაზე.ამიტომ შესაბამისი კლასის ფილები წარმატებით გამოიყენება მაღალი დატვირთვის სივრცეებში - რესტორნებში, ქარხნებში, სავაჭრო ცენტრებში, ავტომობილების შოურუმებსა და აუზებში.უსაფრთხო ზედაპირები და V-Safe ტექნოლოგიაV-Safe ტექნოლოგიის დახმარებით იქმნება მოცურების საწინააღმდეგო ზედაპირები. სხვადასხვა დანიშნულების სივრცისთვის ხელმისაწვდომია განსხვავებული კლასები - R9, R10, R11, R12 და R13. R13 განსაკუთრებით მნიშვნელოვანია სამრეწველო და მაღალი რისკის ზონებისთვის, სადაც ზედაპირის უსაფრთხოება გადამწყვეტ როლს ასრულებს.VitrA-ს ფილების სისტემა ასევე აერთიანებს VitrA Block, VitrA Shield, V-Agent და VitrA Clean 2.0 ტექნოლოგიებს, რომლებიც ხელს უწყობენ წყლის შეწოვის შემცირებას, წმენდის გამარტივებასა და ჰიგიენის მაღალი სტანდარტის შენარჩუნებას.ფერების ზუსტი შეხამება RAL კოდებითდიზაინერებისა და მომხმარებლებისთვის RAL ფერის კოდებთან მუშაობის შესაძლებლობა განსაკუთრებით პრაქტიკულია. ეს სხვადასხვა პროდუქტის ფერების ზუსტად ან მაქსიმალურად ახლოს შეხამების საშუალებას იძლევა.ამ შესაძლებლობით დიზაინერს შეუძლია ფილები, ავეჯი, განათება, სანტექნიკა და ინტერიერის სხვა დეტალები უფრო მარტივად გააერთიანოს ერთიან ვიზუალურ კონცეფციაში.პროდუქცია სპეციალური საჭიროებებისთვისშშმ პირებისთვის, ასაკოვანი ადამიანებისა და ბავშვებისთვის განკუთვნილი პროდუქცია მერლონსის ერთ-ერთი პრიორიტეტული მიმართულებაა.VitrA Georgia-ს ასორტიმენტი აერთიანებს ადაპტირებულ უნიტაზებსა და ხელსაბანებს, გრძელი სახელურიან შემრევებს, გადახრად სარკეებს, ხელჩასავლებს, ასაკეც დასაჯდომებსა და სხვა სპეციალიზებულ აქსესუარებს.ამ მიმართულებით დიზაინი მხოლოდ ვიზუალური გადაწყვეტა არ არის - ის უსაფრთხოებას, კომფორტსა და ყოველდღიური ცხოვრების გამარტივებას ემსახურება.ეკომეგობრული წარმოება და პასუხისმგებლობაეკომეგობრული და პასუხისმგებლიანი მიდგომა მერლონსის საქმიანობაში მნიშვნელოვან ადგილს იკავებს. კომპანიის მიერ წარმოდგენილი ბრენდები განსაკუთრებულ ყურადღებას აქცევენ წყლის ეკონომიურ მოხმარებას, ენერგოეფექტურ წარმოებას, სუფთა ტექნოლოგიებსა და ნახშირბადის ნაკვალევის შემცირებას.არაერთი მწარმოებელი იყენებს მზის ენერგიასა და რესურსების დამზოგავ სისტემებს, რაც თანამედროვე და პასუხისმგებლიანი წარმოების პრინციპებთან სრულ შესაბამისობაშია.საერთაშორისო ბრენდების მრავალფეროვანი პორტფელიმერლონსის შოურუმებში მომხმარებელს შემდეგი საერთაშორისო ბრენდები დახვდება:VitrA, Pedrali, Viokef, Infinity, Schock, Bolia, Carisa, Simas, Aquaforte, Alcoswell, Meir, Dune და Nofer.ყველა წარმოდგენილი ბრენდი შერჩეულია ხარისხის, დიზაინის, ტექნოლოგიისა და პრაქტიკული ღირებულების მიხედვით.თანამედროვე და ფუნქციური ავეჯიმერლონსის ავეჯის მიმართულება მომხმარებელს თანამედროვე, კომფორტულ და ფუნქციურ კოლექციებს სთავაზობს. განსაკუთრებული ყურადღება ექცევა მასალის ხარისხს, ქსოვილის გამძლეობას, Martindale ტესტის მაჩვენებლებს, ანტიალერგიულ თვისებებსა და მარტივ მოვლას.ავეჯი შექმნილია ყოველდღიური კომფორტისთვის. მჭიდროდ ნაქსოვი ქსოვილები ხელს უშლის მტვრის ბოჭკოებში ღრმად შეღწევას, ზედაპირზე ნაკლებად ჩერდება ცხოველის ბეწვი და შედეგად ავეჯის მოვლაც უფრო მარტივია.თანამედროვე განათების გადაწყვეტილებებიმერლონსის განათების მიმართულება მომხმარებელს სხვადასხვა სტილის მაღალი ხარისხის სანათებს სთავაზობს, მათ შორის საქართველოში ექსკლუზიურად წარმოდგენილი ბერძნული ბრენდის - Viokef-ის - კოლექციებს.შოურუმში წარმოდგენილია მინიმალისტური, დეკორატიული, თანამედროვე, თბილი და ფუნქციური განათების გადაწყვეტილებები. ბევრი მოდელი რეგულირების შესაძლებლობასაც იძლევა, რაც სივრცეში სასურველი განათებისა და განწყობის შექმნას ამარტივებს.Schock-ის კვარცის კომპოზიტური ნიჟარებიმერლონსი Schock-ის ნიჟარებს ექსკლუზიურად წარმოადგენს.Schock ცნობილია კვარცის კომპოზიტური ტექნოლოგიით, რომელიც ნიჟარებს ანიჭებს სიმტკიცეს, ნაკაწრების მიმართ მედეგობას, ჰიგიენურ ზედაპირსა და ხანგრძლივ გამძლეობას. პროდუქცია გათვლილია სამზარეულოში ყოველდღიურ ინტენსიურ გამოყენებაზე და ამავდროულად გამოირჩევა თანამედროვე დიზაინით.კონსულტაცია და მომსახურება შეძენიდან ექსპლუატაციამდემომსახურება მერლონსის ერთ-ერთ მთავარ უპირატესობას წარმოადგენს. მერლონსის დატრენინგებული გუნდი მომხმარებელს მხარდაჭერას უწევს პროდუქციის შერჩევაში, ტექნიკური დეტალების დაზუსტებაში, მონტაჟის დაგეგმვაში, საგარანტიო საკითხებში, ნაწილების შეკვეთასა და შემდგომ მომსახურებაში.მომხმარებელი პროფესიონალურ და დეტალურ ინფორმაციას იღებს არა მხოლოდ პროდუქტის ფერსა და დიზაინზე, არამედ ისეთ მნიშვნელოვან ტექნიკურ საკითხებზეც, როგორიცაა მონტაჟის სიმაღლე, წყლის წერტილები, ავზის ტიპი, ფილის კალიბრი და ტონალობა, პროდუქტის მოვლა და სწორი ექსპლუატაცია.საკუთარი სერვის-ჯგუფის მქონე ერთადერთი კომპანია მერლონსია. თუ პროდუქტთან დაკავშირებული პრობლემა ან დაზიანება დაფიქსირდა, მომხმარებელი პრობლემის წინაშე მარტო არ რჩება - სერვის-ჯგუფი ადგილზე მიდის, ამოწმებს მდგომარეობას და საჭიროების შესაბამისად უზრუნველყოფს პრობლემის მოგვარებას.ქარხნული დეფექტის დაფიქსირებისას მერლონსი მაქსიმალურად სწრაფ რეაგირებასა და პროდუქტის უმოკლეს ვადაში ჩანაცვლებას უზრუნველყოფს, რათა მომხმარებელმა ზედმეტი დრო არ დაკარგოს.მომხმარებლისთვის ხელმისაწვდომი დამატებითი სერვისებიმერლონსის დამატებითი სერვისებია:● მიტანისა და ატანის სერვისი;● მონტაჟი;● საგარანტიო მომსახურება;● ნაწილების შეკვეთა;● განვადება;● ნაწილ-ნაწილ გადახდა.კომპანია ლოიალურ და განმეორებით მომხმარებლებს სპეციალურ ფასდაკლებებსა და ინდივიდუალურ პირობებს სთავაზობს.ფასები და კომპლექსური შეძენის შესაძლებლობამერლონსი მომხმარებელს კონკურენტულ ფასებს სთავაზობს, რაც წარმოდგენილი ხარისხის, სერვისისა და საერთაშორისო ბრენდების შესაბამისია.ამასთანავე, მომხმარებლისთვის მნიშვნელოვანია ისიც, რომ ერთ შოურუმში სანტექნიკის, ფილების, ავეჯისა და განათების ერთად შეძენისას მომხმარებელს შეუძლია მიიღოს უკეთესი პირობები და დამატებითი ფასდაკლებები.ერთ სივრცეში შერჩევის ეს მიდგომა პროექტს მთლიანობაში უფრო მარტივსა და ორგანიზებულს ხდის და მომხმარებლისთვის ფინანსურადაც ხელსაყრელია.მერლონსი მიზნად ისახავს, მომხმარებელს დაეხმაროს გააზრებული არჩევანის გაკეთებაში, ტექნიკური და დიზაინერული შეცდომების თავიდან აცილებასა და ისეთი ინტერიერის შექმნაში, რომელიც ერთდროულად ლამაზი, კომფორტული, ფუნქციური და ხანგრძლივად სანდოა.შოურუმების მისამართები და საკონტაქტო მონაცემებითბილისი: ა. ბელიაშვილის ქ. №142ბათუმი: შ. ხიმშიაშვილის ქ. №1ტელეფონი: 0322 30 70 90(R)

1788526702

პარტია ევროპულ სტანდარტ EN 228-ს აკმაყოფილებს. კომპანიის განცხადებით, იტალიიდან საწვავის მიწოდება საქართველოს ბაზარზე ნავთობპროდუქტების მომარაგების წყაროების დივერსიფიკაციას და საწვავის სტაბილური მიწოდების უზრუნველყოფას შეუწყობს ხელს.ბენზინი წარმოებულია SARPOM-ის ნავთობგადამამუშავებელ ქარხანაში, რომელიც იტალიის ნოვარის პროვინციის ქალაქ ტრეკატეში მდებარეობს. ეს ქარხანა, ანკონაში მდებარე ბიტუმის მწარმოებელ ქარხანასთან ერთად, SOCAR-ის იტალიურ აქტივებს წარმოადგენს.SOCAR Georgia Petroleum-ის დირექტორის ნოდარ ყანჩაველის განცხადებით, იტალიურ მხარესთან თანამშრომლობა საქართველოს ბაზრისთვის საწვავის მიწოდების დივერსიფიკაციისა და უწყვეტი მომარაგების დამატებით შესაძლებლობებს ქმნის.SOCAR-მა Italiana Petroli-ს 99.82%-იანი წილის შეძენა 2026 წლის 8 მაისს დაასრულა, მას შემდეგ, რაც გარიგებისთვის ყველა საჭირო მარეგულირებელი თანხმობა მიიღო.SOCAR საქართველოში საქმიანობას უკვე 20 წელია ახორციელებს.

1788522516

დადგინდა, რომ ბელარუსში რეგისტრირებულმა საერთაშორისო გადაზიდვების განმახორციელებელმა სატვირთო ავტომობილის მძღოლმა საქართველოს სახელმწიფო საზღვარი ,,წითელი ხიდის" საბაჟო გამშვები პუნქტის გავლით გადმოკვეთა.ავტომობილი დატვირთული იყო ორი სახეობის სპორტული მოედნების ზედაპირებისთვის განკუთვნილი კაუჩუკის საფარი ფილებით და საბოლოო დანიშნულების ქვეყანას ჩეხეთის რესპუბლიკა წარმოადგენდა.აღმოჩენილია მალულად განთავსებული  სხვადასხვა დასახელების 202  176 კოლოფი არადეკლარირებული, უაქციზო სიგარეტი, მათ შორის -  ,,NZ“,  ,,MINSK" და ,,Queen Menthol“.აქციზური მარკით სავალდებულო ნიშანდებას დაქვემდებარებული სიგარეტის საერთო საბაზრო ღირებულებამ 1 132 185 ლარი შეადგინა.საქმის მასალები შემდგომი რეაგირების მიზნით ფინანსთა სამინისტროს საგამოძიებო სამსახურს გადაეგზავნა.

1787828649

ამჯერად, ერთობლივი პროექტის ფარგლებში, მიუსაფარ ძაღლებზე ქუთაისში იზრუნეს - „თეგეტა მოტორსის“ ქუთაისის ფილიალის ტერიტორიაზე ცხოველებისთვის სახლები დაიდგა.მარიამ ჯაფარიძე, „თეგეტა ჰოლდინგის“ CSR კოორდინატორი: „ჩვენი კორპორაციული პასუხისმგებლობა საზოგადოების სხვადასხვა ჯგუფზე ზრუნვასა და მათ გაძლიერებას ითვალისწინებს. ოთხფეხა მეგობრები, რომლებიც ქუჩაში ცხოვრობენ, ასევე ჩვენი საზოგადოებისა და გარემოს ნაწილია. ზაქარიას საქმიანობა ჩვენთვის ახალი არ არის - „თეგეტამ“ ის ჯერ კიდევ მაშინ გაიცნო, როდესაც ჩვენი ზრუნვის პლატფორმის, Tegeta Care-ის პარტნიორი გახდა. სისტემური თანამშრომლობა დაახლოებით სამი წლის წინ დავიწყეთ, როცა მას უფრო დიდი ავტომობილი დასჭირდა, რათა მიუსაფარი ცხოველების დასახმარებლად ისეთ ადგილებამდეც მიეღწია, სადაც მისი ძველი მანქანით მისვლა შეუძლებელი იყო. ზაქარიას ფინანსურად დავუჭირეთ მხარი, თუმცა მარტო ჩვენ არ ვყოფილვართ - ძალიან ბევრი ადამიანი იდგა მის გვერდით. ამასთანავე, ავტომობილის ტექნიკური გამართვა და შემდგომი სერვისიც ავიღეთ საკუთარ თავზე. გვინდა, ზაქარიამ იცოდეს, რომ ამ გზაზე მარტო არ არის.ამჯერად ქუთაისში ჩავიტანეთ სახლები ერთად. ქალაქი შემთხვევით არ შეგვირჩევია -  ვიცოდით, რომ „თეგეტა მოტორსის" ქუთაისის ფილიალის ტერიტორიაზე მიუსაფარ ცხოველებზე ჩვენი თანამშრომლები დიდი ხანია საკუთარი კეთილი ნებით ზრუნავენ. ახლა კი ცხოველები დაბინავებულები არიან და მოვლაც გაცილებით ორგანიზებულია. ვფიქრობთ, ბიზნესს აქვს რესურსი, ერთი ადამიანის კეთილი ნება ხელშესახებ და მდგრად შედეგად აქციოს. ვიმედოვნებთ, რომ ამ გზაზე სხვებიც შემოგვიერთდებიან“.ზაქარია დოლიძე მიუსაფარ ცხოველებზე 2018 წლიდან ზრუნავს. ყველაფერი მაშინ დაიწყო, როცა მისი ძაღლი ვალიკო ავად გახდა. ლეკვის გადარჩენის ძიებაში ზაქარია სოციალურ ქსელში არსებულ ერთ-ერთ ჯგუფში გაწევრიანდა და სწორედ იქ დაინახა, რამდენად მასშტაბური იყო მიუსაფარი ცხოველების პრობლემა. ასე გადაწყვიტა, კეთილი საქმის კეთება დაეწყო. მას შემდეგ, რაც 3 000-ზე მეტი სახლი საკუთარი ხელებით ააშენა, თვლა შეწყვიტა და საქმე ისე გააგრძელა. მოგვიანებით ქვეყნის მასშტაბით მოგზაურობაც დაიწყო - ახალგაზრდებთან შეხვედრები, საგანმანათლებლო საღამოები და ცნობიერების ასამაღლებელი საუბრები. მისი საქმეების კვალი კარგა ხანია სახლების მიღმაც ჩანს. ზაქარიას ეკუთვნის ინოვაციური ეტლის იდეა, რომელიც შეზღუდული შესაძლებლობის მქონე ცხოველებისთვის გამოიყენება და რომელმაც ასობით ცხოველს ფაქტობრივად ახალი სიცოცხლე აჩუქა.ზაქარია დოლიძე, „ზაქარას კეთილი მანქანის“ შემქმნელი: „რვა წლის წინ ალბათ ვერც წარმოვიდგენდი, რომ ეს იდეა ამხელა განვითარებას იპოვიდა და ერთ დღეს სიკეთით დამუხტული მანქანით მთელ საქართველოს შემოვივლიდი. დღეს ჩემი ყოველდღიურობა ამ გზაზე გადის - სადაც გავიგებ, რომ საჭმლის, წამლების ან სახლის საჭიროებაა, მეც იქ მივდივარ. ამ გზაზე „თეგეტაც" გამოჩნდა. დამეხმარნენ, რომ უკეთესი ავტომობილი მეყიდა და ახლა ზრუნავენ, ყოველთვის მზად ვიყო შემდეგი კეთილი თავგადასავლისთვის.ხშირად ვხვდები ახალგაზრდებს და ყოველთვის ერთ კითხვას ვუსვამ: როგორც, მაგალითად, რომელიმე შენი საყვარელი ნივთი, ეს ქვეყანა შენია? შენს კუთვნილებად მიიჩნევ? როცა მეუბნებიან: „კი“, შემდეგ ვამბობ: თუ შენია, მაშინ შენი მოსავლელიცაა, შენი პასუხისმგებლობაა და არა სხვისი. როცა შენ თვითონ არ აფასებ, სხვაც არ დააფასებს. ამიტომ მნიშვნელოვანია, რომ ზოგჯერ პატარა, მაგრამ სტაბილური ნაბიჯები გადავდგათ წინ, გავერთიანდეთ და საკუთარი წვლილიც შევიტანოთ ასეთ საქმეებში“.ზაქარია ფიქრობს, რომ ამ რვა წლის განმავლობაში საზოგადოების დამოკიდებულება შესამჩნევად შეიცვალა - ადამიანები ინიციატივას იჩენენ და თავადაც ხდებიან მზრუნველები. მისი მთავარი ამოცანაც სწორედ ეს არის - სიკეთის მუხტი დამკვიდრდეს და ზრუნვა დღის წესრიგად იქცეს.„ზაქარას კეთილი მანქანის“ მხარდაჭერა Tegeta Care-ის პლატფორმის მეშვეობითაა შესაძლებელი. ეს „თეგეტას“ დონაციის პლატფორმაა, რომელიც სხვადასხვა მიმართულების ორგანიზაციებს, პროექტებსა თუ სოციალურ საწარმოებს აერთიანებს. ნებისმიერ მოქალაქეს შეუძლია აირჩიოს კონკრეტული ინიციატივა და პირდაპირ დაუჭიროს მხარი, დონაცია კი მთლიანად იმ კონკრეტულ პროექტს მიემართება.სწორედ მსგავსი ჩართულობით შეძლებს ზაქარია, რომ მისი მანქანა არ გაჩერდეს და წინ იაროს კიდევ უფრო მეტი კეთილი საქმისთვის. როგორც თავად ამბობს, ერთი რამ სულ ახსოვს - მანქანა თავისით ვერაფერს აკეთებს, მას ძალას ადამიანები აძლევენ.„თეგეტა ჰოლდინგის“ შესახებ: უმსხვილესი საავტომობილო კომპანია კავკასიასა და ცენტრალურ აზიაში მომხმარებელს საავტომობილო ეკოსისტემის სრულ სპექტრს სთავაზობს, რაც მსუბუქ, სატვირთო და სამშენებლო, ასევე კომერციულ, სამგზავრო და ინდუსტრიულ ტრანსპორტს მოიცავს. მთელი ქვეყნის მასშტაბით „თეგეტას“ 28 სერვისცენტრი აქვს. „თეგეტა“ ექსკლუზიურად წარმოადგენს ცნობილ ბრენდებს Porsche, Lamborghini, Bentley, Volvo, Toyota, Mazda, Geely, Zeekr. სატვირთო და სპეცტექნიკის მიმართულებით ჰოლდინგის პარტნიორები არიან ისეთი დიდი ბრენდები, როგორებიცაა: MAN, JCB, HINO, LIEBHERR, BOMAG და სხვები. „თეგეტა” მსოფლიოს 300-ზე მეტი წამყვანი საავტომობილო ბრენდის იმპორტიორია საქართველოში. „თეგეტა ჰოლდინგი“, 3 000-მდე თანამშრომლით, დღეს საქართველოში ერთ-ერთი უმსხვილესი დამსაქმებელია.

1787759748

28 აგვისტოს, საქართველოს მასშტაბით, არ იმუშავებენ გაფორმების ეკონომიკური ზონები (გარდა გაფორმების ეკონომიკური ზონების საქონლის გაფორმების და ლოჯისტიკისსამმართველოების, გაფორმების ეკონომიკური ზონა „აეროპორტის" საფოსტო გზავნილების საბაჟო კონტროლის სამმართველოსა) და გაფორმების განყოფილებები.აღნიშნულ თარიღში საბაჟო ორგანოს მიერ მომსახურების გაწევაზე იმოქმედებს საქართველოს მთავრობის 2010 წლის 30 მარტის №96 დადგენილებით განსაზღვრული, არასამუშაო დროისთვის/უქმე დღისთვის დაწესებული ტარიფი.აქვე გაცნობებთ, რომ 2026 წლის 28 აგვისტოს, საქართველოს მასშტაბით არ იმუშავებენ ფინანსთა სამინისტროს შემოსავლების სამსახურის  მომსახურების დეპარტამენტის სერვისცენტრები და საინფორმაციო სატელეფონო ცენტრი 2 299 299.  გთხოვთ, აღნიშნული გაითვალისწინოთ სერვისებით (მათ შორის ელექტრონული) სარგებლობისას.

1787732881

საქმის შესწავლის შედეგად დადგინდა, რომ მოვაჭრემ მომხმარებელს ხელშეკრულებით გათვალისწინებული პირობების შესაბამისი მომსახურება არ გაუწია. კერძოდ, ელექტრომობილის დამუხტვის პროცესში წარმოშობილი სისტემური ხარვეზის გამო, დამტენმა სადგურმა არ შეწყვიტა ენერგიის მიწოდება, მიუხედავად ავტომობილის მხრიდან ნულოვანი მოთხოვნისა, რის შედეგადაც მომხმარებლის ავტომობილი დაზიანდა.მიუხედავად ამისა, მოვაჭრემ მიყენებული ფინანსური ზიანის ანაზღაურებაზე უარი განაცხადა და, საკუთარი კომპანიის შიდა წესებზე დაყრდნობით, პასუხისმგებლობა მოიხსნა. საქმის წარმოების პროცესში მოვაჭრემ ვერ შეასრულა მასზე დაკისრებული მტკიცების ტვირთი და ვერ გააქარწყლა მომსახურების არაჯეროვანი შესრულების ვარაუდი.გარდა ამისა, დარღვევა გამოიკვეთა კომპანიის სავაჭრო პოლიტიკასა და სტანდარტულ პირობებში. სააგენტოს შეფასებით, მოვაჭრის „გენერალური წესები და პირობები" შეიცავდა უსამართლო დებულებებს, რომლებიც კომპანიას ტექნიკური ხარვეზით გამოწვეული ზიანის ანაზღაურების პასუხისმგებლობისგან უსაფუძვლოდ ათავისუფლებდა.დამატებით, დადასტურდა მოვაჭრის მხრიდან შეცდომაში შემყვანი კომერციული საქმიანობის ფაქტიც. კერძოდ, კომპანიის პირობები მომხმარებელს უქმნიდა მცდარ წარმოდგენას, თითქოს ნებისმიერი ტექნიკური პრობლემის შემთხვევაში, მისი გამომწვევი მიზეზის მიუხედავად, მას ზიანის ანაზღაურების მოთხოვნის უფლება არ ჰქონდა. სააგენტოს შეფასებით, მსგავსი პრაქტიკა მომხმარებელს კანონიერი უფლებების რეალიზების შესაძლებლობას უზღუდავდა.GCCA-ის გადაწყვეტილებით, კანონდარღვევის აღმოფხვრის მიზნით, შპს „ელექტრიფაი საქართველოს" დაევალა, ერთი თვის ვადაში აღადგინოს მომხმარებლის დარღვეული უფლებები, რაც დაზიანებული დეტალების თავდაპირველ მდგომარეობაში მოყვანასა და მიყენებული ზიანის ანაზღაურებას გულისხმობს, შეწყვიტოს უსამართლო კომერციული საქმიანობა და სავაჭრო პოლიტიკა კანონის მოთხოვნებს შეუსაბამოს.კანონმდებლობის შესაბამისად, სააგენტოს გადაწყვეტილების დადგენილ ვადაში შეუსრულებლობის ან არაჯეროვნად შესრულების შემთხვევაში, მოვაჭრეს შეიძლება დაეკისროს ჯარიმა წინა ფინანსური წლის წლიური ბრუნვის არაუმეტეს 2%-ის ოდენობით. 12 თვის განმავლობაში განმეორებითი დარღვევა დაკისრებული ჯარიმის გაორმაგებას გამოიწვევს.

1787730466

თათია ხორბალაძე, „თეგეტა ჰოლდინგის“ კომუნიკაციების მთავარი ოფიცერი: „ტაბახმელაში გამართული აქცია „თეგეტას“ გარემოსდაცვითი და კორპორაციული პასუხისმგებლობის სტრატეგიის ნაწილია, რომელიც, რა თქმა უნდა, ერთჯერადი აქტივობა არ არის - ეს ჩვენი ყოველდღიური საქმიანობის განუყოფელი ნაწილია. ჩვენ ვმუშაობთ საავტომობილო სექტორში და გვაქვს პასუხისმგებლობა, ვიზრუნოთ იმაზეც, სად აღმოჩნდება პროდუქტი მას შემდეგ, რაც რესურსს ამოწურავს. ტაბახმელა სწორედ ასეთი შემთხვევა იყო, სადაც ბუნებას წლების განმავლობაში დაგროვილი ნარჩენით საფრთხე ექმნებოდა. დღეს კი ეს ტერიტორია სუფთაა.ყოველი მსგავსი აქცია მხოლოდ გაწმენდილი ტერიტორია არ არის - ეს გზავნილია საზოგადოებისთვის. გვინდა, ადამიანებმა დაინახონ, რომ საბურავი არის რესურსი, რომელსაც სწორი მართვის შემთხვევაში ახალი სიცოცხლე და ეკონომიკური ღირებულება აქვს“.ტაბახმელაში საბურავები დიდ ფართობზე იყო გაფანტული, რაც სამუშაოს როგორც ხანგრძლივობაზე, ისე ტექნიკის მობილიზებაზე აისახა.შალვა ახვლედიანი, „თეგეტა გრინ პლანეტის“ დირექტორი: „უკონტროლოდ დაყრილი საბურავები გარემოსთვის ერთ-ერთი ყველაზე პრობლემური ნარჩენია - როგორც ხანძარსაშიშროების, ისე დაშლის ხანგრძლივი ვადის გამო. შესაძლოა, ისინი აალდეს და დიდი ტერიტორია დაზიანდეს. მეორე მხრივ, გახურებისას საბურავი სხვადასხვა მავნე აირს გამოყოფს, თუ მისი შენახვის წესები დაცული არ არის. ამასთანავე, ძალიან რთულია იმის კონტროლი, რაში გამოიყენებენ ამ  ნარჩენებს - შესაძლოა, ვინმემ არაკეთილსინდისიერად მართოს და, მაგალითად, უბრალოდ, დაწვას.ამიტომ ჩვენთვის, როგორც მწარმოებლის გაფართოებული ვალდებულების ორგანიზაციისთვის, მნიშვნელოვანია, რომ მსგავსი ნარჩენები გარემოს ავარიდოთ და შესაბამისად ვმართოთ. ტაბახმელიდან გატანილი საბურავები „თეგეტა გრინ პლანეტის“ პარტნიორ კომპანია „რექსოლთან“ გადავიდა, „თეგეტა ჰოლდინგთან" დაკავშირებულ საბურავების გადამმუშავებელ საწარმოსთან, რომლის მშენებლობაც ამჟამად მიმდინარეობს. „რექსოლს“ საბურავების დასაწყობების ნებართვა აქვს და ნარჩენს შესაბამის პირობებში, სპეციალურად გამოყოფილ ტერიტორიაზე ინახავს. მომდევნო ეტაპზე კი, ოქტომბრის შუა რიცხვებიდან, ნარჩენი უკვე საქართველოშივე გადამუშავდება. შედეგად, მივიღებთ ფხვნილს, რომელსაც მინარევის სახით მოდიფიცირებულ ასფალტში ურევენ. ამ ტერმინს „რეზინით მოდიფიცირებული ასფალტი“ ჰქვია და ევროპულ ქვეყნებში საგზაო მშენებლობაში აქტიურად გამოიყენება“.„თეგეტა გრინ პლანეტი“ მსგავს გარემოსდაცვით აქციებს რეგულარულად მართავს საქართველოს სხვადასხვა რეგიონში. მასშტაბური სამუშაოები უკვე შესრულდა თბილისის შემოვლით გზაზე, ასევე ბაკურიანსა და გიორგიწმინდაში. ჯამში, კომპანიამ გარემოს უკვე 120 ტონამდე მეორადი საბურავი აარიდა.„თეგეტა გრინ პლანეტი“ მწარმოებლის გაფართოებული ვალდებულების (მგვ) ორგანიზაციაა და ავტორიზებულია სამი მიმართულებით - აკუმულატორების, საბურავებისა და ზეთების ნარჩენების მართვის. კომპანია საქართველოში ცირკულარული ეკონომიკის პრინციპების დანერგვაზე მუშაობს. მგვ ევროპულ პრაქტიკაში დამკვიდრებული პრინციპია, რომელიც საქართველოში ევროინტეგრაციის გზაზე აღებული ვალდებულების ფარგლებში შეიქმნა. ეს არის მიდგომა, რომელიც მწარმოებელს ავალდებულებს, საკუთარი ნარჩენი თავადვე მართოს. „თეგეტა გრინ პლანეტი“ მსგავსი ტიპის აქციების გამართვას მომავალშიც გეგმავს.გარემოს დაცვა „თეგეტას“ CSR-ის სტრატეგიული მიმართულებაა, რომელიც მდგრადი განვითარების პრინციპების გათვალისწინებით იგეგმება. „თეგეტა“ აქტიურად მუშაობს მდგრად სატრანსპორტო გადაწყვეტაზე ნულოვანი ემისიების მისაღწევად, ნარჩენების ეფექტიანად მართვისა და გარემოსდაცვითი ცნობიერების ამაღლების მიმართულებით. „თეგეტა გრინ პლანეტთან“ ერთად, ყოველწლიურად გროვდება მილიონობით კილოგრამი საავტომობილო ნარჩენი - მეორადი საბურავები, აკუმულატორები და ზეთები, რომლებიც ტექნიკური რეგლამენტის შესაბამისად გადამუშავდება.„თეგეტა“ აფართოებს ელექტრომანქანების დამტენების ქსელს, მისი ავტოპარკი კი ნაწილობრივ სრულად ელექტრული და ჰიბრიდული ავტომობილებისგან შედგება, მათ შორის, 2021 წლიდან შიდა ბიზნესპროცესებს - სასაწყობე მეურნეობასა და გადაზიდვებს - ეკომეგობრული ტრანსპორტით მართავს. ინფრასტრუქტურული პროექტები კი ითვალისწინებს მზის პანელების მონტაჟსა და ბუნებრივი რესურსების მდგრად გამოყენებას. დამატებით, „თეგეტა მოტორსი“ მუშაობს მომხმარებლებისა და თანამშრომლების ჩართულობაზე გარემოსდაცვით პროექტებში. მათ შორისაა კამპანია „არ გადაყარო, ჩააბარე“ და მომხმარებლების მხრიდან ასობით სპეციფიკური ნარჩენის ჩაბარება, მაკულატურისა და პლასტმასის შეგროვებისთვის ათეულობით მწვანე ყუთი „თეგეტას“ სერვისცენტრებსა და ფილიალებში, დასუფთავების აქციები, ახალგაზრდების ინფორმირება და ა.შ.(R)

1787667184