მიხეილ ლომთაძემ ინგლისურ საფეხბურთო კლუბში წილის ნაწილი გაყიდა

კვლევა, რომელიც ოთხშაბათს ორგანიზაცია „ევროპის საგარეო ურთიერთობათა საბჭომ“ (ECFR) გამოაქვეყნა, მომავალ კვირებში საფრანგეთსა და თურქეთში დაგეგმილი „დიდი შვიდეულისა“ (G7) და NATO-ს კრიტიკული სამიტების წინ - ავტორების შეფასებით, „აშშ-ის მიმართ ევროპელთა ღრმა უნდობლობას“ ააშკარავებს.ანგარიშის თანახმად, მიუხედავად იმისა, რომ ბევრი ევროპელი ელოდება ვაშინგტონთან ურთიერთობების გაუმჯობესებას დონალდ ტრამპის მიერ თანამდებობის დატოვების შემდეგ, ისინი ამავდროულად სულ უფრო მეტად არიან მზად, თავი დაიცვან აშშ-ის არასაიმედოობისგან და გააძლიერონ ევროპის თავდაცვა.მოხსენების თანახმად, აშშ-ის პრეზიდენტის აგრესიამ ახლო აღმოსავლეთში, მუქარებმა გრენლანდიის მისამართით, ევროპული ბაზებიდან ჯარების გაყვანის პირობამ და NATO-ს მომავლის მიმართ სკეპტიციზმმა ევროპელებში პრაგმატიზმის ზრდა გამოიწვია.„კონტინენტზე აშკარაა მხარდაჭერა ვაშინგტონზე დამოკიდებულების შემცირების მიმართ“, - განაცხადა იანა კობზოვამ, კვლევის თანაავტორმა და ECFR-ის უფროსმა მკვლევარმა. – „ევროპელები სულ უფრო მეტად უჭერენ მხარს თავდაცვის ხარჯების გაზრდას და, რაც მთავარია, გასაოცარ ნდობას ავლენენ იმის მიმართ, რომ კრიზისის დროს მათ დასახმარებლად მეზობელი ქვეყნები მივლენ“.პაველ ზერკამ, კობზოვას თანაავტორმა და ასევე ECFR-ის უფროსმა მკვლევარმა, აღნიშნა, რომ საზოგადოების მკაფიო მოთხოვნამ მეტი თვითმყოფადობისკენ და აშშ-ის თავდაცვის გარანტიებისგან თავის დაზღვევის აუცილებლობამ „ევროპის ლიდერებს შეუქმნა შესაძლებლობა, უსაფრთხოების საკითხებში უფრო შორს და სწრაფად წავიდნენ“.კვლევამ, რომელიც მაისში ჩატარდა ავსტრიაში, ბულგარეთში, დანიაში, ესტონეთში, საფრანგეთში, გერმანიაში, უნგრეთში, იტალიაში, ნიდერლანდებში, პოლონეთში, პორტუგალიაში, ესპანეთში, შვედეთში, შვეიცარიასა და გაერთიანებულ სამეფოში, აჩვენა, რომ გამოკითხულთა საშუალოდ მხოლოდ 11% მიიჩნევს აშშ-ს მოკავშირედ.ეს მაჩვენებელი ექვსი თვის წინ 16%-ს შეადგენდა, ხოლო 2024 წლის ნოემბერში - 22%-ს. გაბატონებული მოსაზრებით, აშშ ახლა „აუცილებელი პარტნიორია“, თუმცა ევროპული საზოგადოების 13% მას კონკურენტად მიიჩნევს, ხოლო 12% - პირდაპირ მოწინააღმდეგედ.ყველა ქვეყანაში უმრავლესობას აღარ აქვს იმედი, რომ თავდასხმის შემთხვევაში აშშ მათ დასახმარებლად მივა. ბულგარეთის გარდა, ადამიანების უმეტესობას,  მათ შორის იმ ქვეყნებშიც, სადაც ძლიერი მემარჯვენე პარტიები არიან, როგორებიცაა საფრანგეთი, იტალია, ნიდერლანდები და შვედეთი, სჯერა, რომ მსგავს სცენარში მათ „მინიმუმ ზოგიერთი ევროპული ქვეყანა“ მაინც დაეხმარება.გამოკითხვის მიხედვით, ევროპელები ახლა საშუალოდ 4%-ით უფრო მეტად უჭერენ მხარს ეროვნული თავდაცვის ხარჯების გაზრდას, ვიდრე გასულ წელს. იტალია ერთადერთი ქვეყანაა, სადაც მკაფიო უმრავლესობა ამის წინააღმდეგია.საშუალოდ, რესპონდენტთა 47% მხარს უჭერს ევროკავშირის მიერ ერთობლივი სესხის აღებას თავდაცვის ხარჯების დასაფინანსებლად, ხოლო 35% ამის წინააღმდეგია. მხარდაჭერა ყველაზე ძლიერია პორტუგალიაში (59%), დანიაში (56%), ნიდერლანდებში (55%) და ესპანეთში. თითქმის ყველა გამოკითხულ ქვეყანაში რესპონდენტთა უმრავლესობამ აღნიშნა, რომ მათმა ქვეყანამ უნდა შეამციროს სტრატეგიული დამოკიდებულება აშშ-ის სამხედრო ტექნიკაზე. იდეას „იყიდე ევროპული“ ყველაზე მეტი მომხრე ჰყავს დანიაში (75%), ნიდერლანდებში (72%), შვედეთში (70%), პორტუგალიაში (69%), საფრანგეთში (66%), შვეიცარიაში (64%), გაერთიანებულ სამეფოსა და ესპანეთში (ორივეში 62%).თუმცა, მნიშვნელოვნად ნაკლები მხარდაჭერა აქვს შიდა სახელმწიფოებრივი ხარჯების შემცირებას ეროვნული თავდაცვის ბიუჯეტების გასაზრდელად. ამ იდეის მიმართ წინააღმდეგობა ყველაზე დიდია იტალიაში (63%), ავსტრიაში (59%), გერმანიაში (56%), ესპანეთსა (54%) და დანიაში (52%).ასევე მცირეა მხარდაჭერა (29%) NATO-ს ახალი, მხოლოდ ევროკავშირის თავდაცვის ორგანოთი ჩანაცვლების იდეის მიმართ. ბულგარეთის გარდა, თითქმის ყველა ქვეყანაში გაბატონებული მოსაზრებაა, რომ აშშ-ევროპის ურთიერთობები „სავარაუდოდ გაუმჯობესდება“ ტრამპის წასვლის შემდეგ - ამ პოზიციას იზიარებს გამოკითხულთა 60% ან მეტი საფრანგეთში, ესპანეთში, დანიაში, ნიდერლანდებსა და შვედეთში.ენერგორესურსების გაზრდილი ფასების მიუხედავად, ევროპელთა 44% მიიჩნევს, რომ რუსეთიდან ნავთობისა და გაზის იმპორტის აღდგენა „უფრო ცუდი“ ან „ძალიან ცუდი“ იდეა იქნებოდა.თუმცა, უკრაინის ამბიცია ევროკავშირში გაწევრიანებასთან დაკავშირებით კვლავ ყოფს ევროპულ აზრს. უნგრეთში, ბულგარეთში, ავსტრიაში, გერმანიასა და ესტონეთშიც კი, რომელიც კიევის ერთ-ერთი ყველაზე მტკიცე მხარდამჭერია, რესპონდენტები „არსებულ კონტექსტში“ უკრაინის მიღებას უფრო მეტად ეწინააღმდეგებიან, ვიდრე მხარს უჭერენ.

1781082662

სწორედ ამ მიზნით, საქართველოს ბანკი Fulbright-ის სასტიპენდიო პროგრამით დაინტერესებული ახალგაზრდებისთვის, 12 ივნისს, 17:00 საათზე ონლაინ ვებინარს გამართავს. დასწრების მსურველებმა უნდა გაიარონ რეგისტრაცია ბმულზე.ვებინარის ფარგლებში მონაწილეები მიიღებენ დეტალურ ინფორმაციას Fulbright-ის პროგრამის შესახებ, რომელიც აშშ-ის საელჩოსთან პარტნიორობით ხორციელდება და ქართველ სტუდენტებს ამერიკის შეერთებული შტატების წამყვან უნივერსიტეტებში სამაგისტრო პროგრამებზე სრული დაფინანსებით სწავლის შესაძლებლობას აძლევს.შეხვედრაზე მონაწილეები გაეცნობიან შემდეგ საკითხებს: როგორ მოიპოვონ სრული დაფინანსება აშშ-ში სასწავლებლად; რა მიმართულებებზე არის შესაძლებელი სწავლის გაგრძელება, პროგრამის ფარგლებში; რას მოიცავს Fulbright-ის სტიპენდია; როგორ მიმდინარეობს განაცხადის შევსებისა და შერჩევის პროცესი; რა გამოცდილებასა და შესაძლებლობებს სთავაზობს პროგრამა ქართველ სტუდენტებს. შეხვედრის სპიკერები იქნებიან ნინა გაბადაძე, პროგრამის კოორდინატორი და აშშ-ის საელჩოს წარმომადგენელი, ასევე სალომე ცეცხლაძე, Fulbright-ის პროგრამის სტიპენდიატი.ვებინარის მონაწილეებს შესაძლებლობა ექნებათ, პირდაპირ დაუსვან კითხვები პროგრამის კოორდინატორსა და Fulbright-ის კურსდამთავრებულს და მიიღონ ამომწურავი ინფორმაცია როგორც განაცხადის პროცესზე, ისე ამერიკის შეერთებულ შტატებში სწავლის გამოცდილებაზე.Fulbright-ის სასტიპენდიო პროგრამაზე განაცხადების მიღება მიმდინარეობს და 1 ივლისს დასრულდება. პროგრამის ფარგლებში საქართველოს ბანკის სტიპენდიის შესახებ დეტალური ინფორმაციის მისაღებად ეწვიეთ ვებგვერდს.ინფორმაციისთვის, Fulbright-ის პროგრამა მსოფლიოში ერთ-ერთი ყველაზე პრესტიჟული საერთაშორისო საგანმანათლებლო პროგრამაა, რომელიც სტუდენტებს შესაძლებლობას აძლევს, ამერიკის შეერთებული შტატების წამყვან უნივერსიტეტებში სრული დაფინანსებით მიიღონ ხარისხიანი განათლება და განავითარონ პროფესიული და აკადემიური შესაძლებლობები საერთაშორისო გარემოში.ვებინარი 12 ივნისს, 17:00 საათზე, ონლაინ ფორმატში გაიმართება. რეგისტრაციის შემდეგ მონაწილეები შეხვედრის ბმულს მითითებულ ელექტრონულ ფოსტაზე მიიღებენ.დამატებითი ინფორმაციის მისაღებად და ვებინარზე დასარეგისტრირებლად ეწვიეთ ბმულს.(R)

1781081165

„აპექს ჰოლბრუკი“ 22-სართულიანი მრავალფუნქციური საცხოვრებელი კომპლექსია, რომელიც აერთიანებს საცხოვრებელ და კომერციულ სივრცეებს, სამდონიან საპარკინგე ინფრასტრუქტურას, 1 200 კვადრატული მეტრის გამწვანებულ ეზოს და 24-საათიან დაცვის სისტემას.კომპლექსის პანორამული ხედები იშლება მტკვარსა და ძველ თბილისზე, რაც „აპექს ჰოლბრუკს“ გამორჩეულ საცხოვრებელ პროექტად აქცევს. მშენებლობა 2025 წლის ბოლოს დაიწყო და დასრულება 2028 წელს არის დაგეგმილი.„მოხარული ვართ, რომ „აპექს დეველოპმენტთან” თანამშრომლობა სწორედ ამ პროექტით იწყება. გვჯერა, რომ ეს პარტნიორობა წარმატებული იქნება და მომავალში კიდევ არაერთ მნიშვნელოვან პროექტს განვახორციელებთ ერთად. თიბისი აქტიურად უჭერს მხარს უძრავი ქონების სექტორის განვითარებას. ჩვენთვის მნიშვნელოვანია ისეთი პროექტების მხარდაჭერა, რომლებიც თანამედროვე, ხარისხიან და მდგრად საცხოვრებელ გარემოს ქმნის. ამ მიდგომის გათვალისწინებით, 44%-იანი საბაზრო წილით ლიდერები ვართ სექტორის დაფინანსებაში, ჩვენი პორტფელი კი ₾2.2 მლრდ-ს აღწევს“, - ლაშა ცინცაძე, თიბისის უფროსი ვიცე პრეზიდენტი საცხოვრებელი უძრავი ქონების დეველოპმენტის მიმართულებით.„მოხარულები ვართ, რომ თიბისისთან პარტნიორობით ვახორციელებთ პროექტს. ჩვენი მიზანია, შევქმნათ ძლიერი და სტაბილური გარემო, სადაც მთავარი იქნება ხარისხი, ნდობა და გრძელვადიანი ურთიერთობები. აღსანიშნავია, რომ პროექტი ჩვენი სოციალური პასუხისმგებლობის მნიშვნელოვანი გამოხატულებაა - ტერიტორიაზე, სადაც წლების განმავლობაში 86 ოჯახი მეოთხე კატეგორიის ავარიულ საცხოვრებლებში ცხოვრობდა, ვაშენებთ თანამედროვე საცხოვრებელ კომპლექსს და უზრუნველვყოფთ მათთვის საცხოვრებელი პირობების არსებით გაუმჯობესებას. ჩვენთვის განვითარება მხოლოდ ახალი შენობების შექმნას არ ნიშნავს - ეს ადამიანების ცხოვრების ხარისხის გაუმჯობესებასა და უკეთესი მომავლის შექმნასაც გულისხმობს“, - ვლადიმერ რობაქიძე, „აპექს დეველოპმენტის“ გენერალური დირექტორი.(R)

1781080707

მიღებული კანონის პროექტის თანახმად, იცვლება „მცირე ზომის მარნის“ დეფინიცია და მისი წლიური წარმადობის მაქსიმალური ზღვარი 40 000 ლიტრიდან 25 000 ლიტრამდე მცირდება.საკანონმდებლო ცვლილებით, ტერმინი „სახლის ღვინო“ ჩანაცვლდება ტერმინით - „ბუნებრივი ღვინო“. აღნიშნული სტატუსი ითვალისწინებს პროდუქციის წარმოებას სისტემური პესტიციდების, ჰერბიციდებისა და სხვა ქიმიური სინთეზური საშუალებების გამოყენების გარეშე.კანონპროექტით სავალდებულო ხდება სერტიფიცირებული ალკოჰოლიანი სასმელების ნიშანდება, რომელსაც ღვინის ეროვნული სააგენტო, გარემოს დაცვისა და სოფლის მეურნეობის მინისტრის მიერ დადგენილი წესით განახორციელებს.ამასთან, ახალი რეგულაციით, როგორც საექსპორტოდ, ისე ადგილობრივ სამომხმარებლო ბაზარზე რეალიზაციისთვის განკუთვნილი ყველა კატეგორიის ღვინო სავალდებულო ორგანოლეპტიკურ შემოწმებას დაექვემდებარება. აღნიშნული ვალდებულება არ გავრცელდება მხოლოდ „ბუნებრივ ღვინოზე“.

1781079975

პაპუაშვილის განცხადებით, ოპოზიციური პარტიები იმავე მეთოდებით უპირისპირდებიან ერთმანეთს, რასაც მანამდე საკუთარი ქვეყნის წინააღმდეგ იყენებდნენ.„ვთქვი, ისემც უქნიათ, დაუჭამიათ ერთმანეთი-მეთქი და აი, დაიწყეს კიდევაც შესრულება და ერთმანეთის დაჭმა. ვუყუროთ, ამით მაინც პატარა სიამოვნება მივიღოთ. რასაც ისინი უკეთებდნენ საკუთარ ქვეყანას, ახლა ერთმანეთის მიმართ ზუსტად იმავეს აკეთებენ. ასე რომ დავაკვირდეთ და დავტკბეთ“, - აღნიშნა პარლამენტის თავმჯდომარემ.მან „ნაციონალური მოძრაობის“ პოზიციონირება ოპოზიციურ ერთობაში ქართულ მხატვრულ ფილმს, „ცისფერ მთებს“ შეადარა.„არ ვიცი, „ცისფერი მთებივით“ ვეღარ გაურკვევიათ, აქ არიან, თუ იქ არიან. ჩამოყალიბდებიან. ჩვენ, როგორც „ცისფერ მთებს“, ასე უნდა ვუყუროთ ამ კომედიას, რომელსაც ჩვენ გვაყურებინებენ“, - განაცხადა პაპუაშვილმა.საკანონმდებლო ორგანოს ხელმძღვანელის შეფასებით, აღნიშნული პროცესები მიუთითებს იმ გარე ძალების არაგონივრულობაზეც, რომლებიც ამ ჯგუფების ორგანიზებას ახდენენ. მისივე თქმით, ეს რეალობა ააშკარავებს, თუ „რა ხალხი ზის ბრიუსელში და ზოგიერთ დედაქალაქში“, ვინც ფსონს აღნიშნულ ოპოზიციურ ერთობაზე დებს.„2024 წლის არჩევნებში ამათ არ დაუდგნენ გვერდზე? ამათ მიეცით ხმაო, არ ამბობდნენ? რეზოლუციებს ამათი დაკვეთით და ამათთან შეთანხმებით არ აკეთებენ? ქართველმა ხალხმა ისიც უნდა დაინახოს, რასთან გვაქვს საქმე. როდესაც ასეთ უმარტივეს საკითხებში ვერ არის გარკვეული ბრიუსელი და სხვა ძალები, რომლებიც ამათ უკან დგანან, წარმოგიდგენიათ, ამათ უნდა ჩააბარო საერთაშორისო პოლიტიკა და გეოპოლიტიკა? ამიტომაც არის დღეს არეულობა სამყაროში, ომი დღეს უკრაინაში“, - აცხადებს შალვა პაპუაშვილი.პარლამენტის თავმჯდომარემ ადგილობრივი ოპოზიციის მართვის მოდელი გლობალურ პოლიტიკურ კონტექსტს დაუკავშირა და აღნიშნა, რომ საერთაშორისო ასპარეზზე უსაფრთხოების არქიტექტურის მოშლა სწორედ ამგვარი მიდგომების შედეგია.„ის, რაც ოპოზიციაში ხდება, ეს არის მინი მაგალითი იმისა, რაც სამყაროში ხდება ზუსტად იგივე ძალების დამსახურებით, რასაც ჩვენ „გლობალური ომის პარტიას“, „დიფ სთეითს“ ვეძახით. სახელი შეიძლება სხვადასხვა იყოს, მაგრამ არსი ერთი არის - ეს არის ხალხი, რომელთა მართვის მოდელს ვხედავთ ჩვენ რადიკალური ოპოზიციის სახით. ცირკად აქციეს პოლიტიკის სივრცე და ზუსტად იმავეს აკეთებენ ისინი საერთაშორისო პოლიტიკის პლატფორმაზე და ამიტომ ჩამოიქცა ზუსტად გლობალური უსაფრთხოების სისტემა“, - განაცხადა შალვა პაპუაშვილმა.

1781078542

სებში აღნიშნავენ საერთაშორისო რეზერვების ზრდის ტრენდს, რის შედეგადაც რეზერვებმა ისტორიულ მაქსიმუმს - $7 მლრდ-ს მიაღწია, ხოლო მისი მოცულობა საერთაშორისო სავალუტო ფონდის რეზერვების ადეკვატურობის (ARA) მაჩვენებლის 114.8%-ს შეადგენს.აღნიშნული გადაწყვეტილება წარმოადგენს ეროვნული ბანკის საერთაშორისო რეზერვების მართვის გრძელვადიანი სტრატეგიის ნაწილს და მიზნად ისახავს სარეზერვო აქტივების შემდგომ დივერსიფიკაციას, რეზერვების მდგრადობის გაუმჯობესებასა და მათი ინფლაციური რისკებისაგან დაცვას. მონეტარული ოქრო მსოფლიოს ცენტრალური ბანკების მიერ ფართოდ აღიარებული სარეზერვო აქტივია, რომელიც ხელს უწყობს პორტფელის გეოპოლიტიკური რისკების მიმართ მდგრადობის გაზრდასა და რისკების შემცირებას.ეროვნული ბანკი მომავალშიც განაგრძობს საერთაშორისო რეზერვების მართვას უსაფრთხოების, ლიკვიდურობისა და მომგებიანობის პრინციპების დაცვით. საერთაშორისო რეზერვების ზრდის პარალელურად, სებ კვლავ განიხილავს დივერსიფიკაციის შესაძლებლობებს და გადაწყვეტილებებს მიიღებს გრძელვადიანი სტრატეგიული მიზნებისა და საერთაშორისო საუკეთესო პრაქტიკის შესაბამისად.აღსანიშნავია, რომ სწორედ ძლიერმა მაკროეკონომიკურმა ფუნდამენტურმა ფაქტორებმა მისცა ეროვნულ ბანკს შესაძლებლობა 2025 წელს მნიშვნელოვნად შეევსო საერთაშორისო რეზერვები. კერძოდ, გასულ წელს სებმა $2.4 მლრდ შეისყიდა და რეზერვები წლის ბოლოსათვის $6.16 მლრდ-მდე, ხოლო 2026 წლის თებერვალში ისტორიულად მაღალ მაჩვენებლამდე, 6.65 მლრდ-მდე გაზარდა.აღსანიშნავია ის ფაქტიც, რომ საერთაშორისო ბაზრებზე ცენტრალური ბანკები კვლავ განაგრძობენ ოქროს შესყიდვის მიღებულ პრაქტიკას და მხოლოდ 1Q26-ში 970 ტონაზე მეტი შეისყიდეს, რაც დაახლოებით 80%-ია მთელ 2025 წლის შესყიდვებთან მიმართებაში (1235 ტონა). ცენტრალური ბანკების მთლიანი შესყიდვები ზედიზედ ოთხი წლის განმავლობაში (2022-2025) 1000 ტონაზე მაღალ ნიშნულზე ნარჩუნდება. აღსანიშნავია, ისიც, რომ ცენტრალური ბანკების მხრიდან მოთხოვნა ნაკლებად არის ოქროს ფასზე დამოკიდებული, რაც ძირითადად ოქროს ფასის ქვედა ზღვრის სტაბილურობას უზრუნველყოფს. უკრაინაში კონფლიქტის გაგრძელება, შუა აღმოსავლეთში ესკალაცია, აშშ-ის და ჩინეთის სავაჭრო დაძაბულობა, ასევე 2026 წლის თებერვალში დაწყებული აშშ-ის და ირანის კონფლიქტი - ყველა ეს ფაქტორი თანმიმდევრულად ქმნიდა და აძლიერებდა სტრუქტურულ რისკის პრემიას ოქროს ფასში და ზრდიდა მისი, როგორც უსაფრთხო და დაცული აქტივის ღირებულებას.

1781075848

STEM ოლიმპიადის ფინალური ტური უკვე გაიმართა, რომელშიც საქართველოს სხვადასხვა რეგიონიდან შერჩეული საუკეთესო გუნდები მონაწილეობდნენ. წლევანდელ ოლიმპიადაში მონაწილეობა 160-ზე მეტი სკოლის 800-ზე მეტმა მოსწავლემ მიიღო. შედეგად კი ფინალში 10 საუკეთესო გუნდი გავიდა.ფინალური ეტაპის ფარგლებში მონაწილეები გუნდურად მუშაობდნენ STEM მიმართულების პრაქტიკულ დავალებებსა და პროექტებზე. ღონისძიების ფარგლებში ასევე გაიმართა მოსწავლეების მიერ შექმნილი ნამუშევრების გამოფენა, გამარჯვებულები კი პროფესიონალმა ჟიურიმ გამოავლინა.ძირითად ლიგაში გამარჯვებული თბილისის თავისუფალი სკოლა გახდა, რომელსაც საქართველოს ბანკისგან 10 000-ლარიანი ფულადი ჯილდო გადაეცა.მეორე ადგილი ბრიტანულ-ქართულმა აკადემიამ მოიპოვა და 5 000 ლარით დაჯილდოვდა, ხოლო მესამე ადგილზე დამოუკიდებელი საერო სკოლა „შავნაბადა“ გავიდა, რომელმაც 3 000-ლარიანი ფულადი ჯილდო მიიღო.ფიზიკა-მათემატიკური სკოლების ლიგაში გამარჯვება ანდრია რაზმაძის სახელობის ქუთაისის №41 ფიზიკა-მათემატიკის საჯარო სკოლამ მოიპოვა. გამარჯვებულ გუნდს საქართველოს ბანკისგან 3 000-ლარიანი ფულადი ჯილდო გადაეცა.ფინალისტ გუნდებს შორის იყვნენ: ივანე ჯავახიშვილის სახელობის ქალაქ ფოთის №3 საჯარო სკოლა, სკოლა-ლიცეუმი „მწიგნობართუხუცესი“, თბილისის თავისუფალი სკოლა, ახალციხის №1 საჯარო სკოლა, სკოლა „სადუნი“, გივი ზალდასტანიშვილის ამერიკული აკადემია თბილისში, ქართულ-ამერიკული სკოლა, ბრიტანულ-ქართული აკადემია, დამოუკიდებელი საერო სკოლა „შავნაბადა“ და ნიუტონის თავისუფალი სკოლა.შეგახსენებთ, რომ STEM ოლიმპიადა სამ ეტაპად ტარდება. პირველ ეტაპზე მონაწილეები ონლაინ შესარჩევ ტურში ერთვებიან, შემდეგ კი საუკეთესო შედეგის მქონე გუნდები დასწრებულ ტურში გადადიან. ფინალურ ეტაპზე მოსწავლეები ერთმანეთს გუნდურად, პრაქტიკული დავალებების შესრულებასა და STEM პროექტზე მუშაობაში ეჯიბრებიან.ამასთან, ფინალურ ტურამდე მონაწილე გუნდებს 40-საათიანი ციფრული ინჟინერიისა და პროგრამირების კურსი ჩაუტარდათ, რომელსაც კომაროვის სკოლის STEM მიმართულების პროფესიონალთა გუნდი უძღვებოდა.პროექტის მხარდამჭერია ალტე უნივერსიტეტი, რომელმაც STEM ოლიმპიადის ფინალურ ტურს უმასპინძლა.საქართველოს ბანკის მიერ განხორციელებული საგანმანათლებლო პროექტების შესახებ დეტალური ინფორმაციის მისაღებად ეწვიეთ ვებგვერდს ganatleba.bog.ge(R)

1781074958

თიბისისთვის AI მხოლოდ ტექნოლოგიური ინოვაცია არ არის. ეს არის მომავლის ორგანიზაციის საფუძველი, სადაც ხელოვნური ინტელექტი ადამიანების შემოქმედებით მხარეს, პროდუქტიულობასა და გადაწყვეტილებების მიღების პროცესს აძლიერებს.სწორედ ამ ხედვის გაგრძელებაა თიბისის  და საქართველოს ხელოვნური ინტელექტის ასოციაციის (GAIA) პარტნიორობა, რომელიც ქმნიან AI განათლების ეკოსისტემას საქართველოში და ტექნოლოგიურ განათლებას ხელმისაწვდომს ხდის - სკოლის მოსწავლეებისთვის, სტუდენტებისთვის და ახალგაზრდა პროფესიონალებისთვის. პარტნიორობა ეფუძნება საერთო რწმენას, რომ ხელოვნური ინტელექტის ცოდნა არ უნდა იყოს მხოლოდ ვიწრო წრის პრივილეგია; ის უნდა იქცეს საბაზისო უნარად, რომელიც ადამიანებს თანამედროვე შრომის ბაზართან და მომავლის მოთხოვნებთან ადაპტირებაში დაეხმარება.თიბისის და GAIA-ს პარტნიორობის ფარგლებში უკვე განხორციელდა და მომავალშიც იგეგმება მრავალსაფეხურიანი საგანმანათლებლო ინიციატივები, რომლებიც თეორიულ ცოდნასა და პრაქტიკულ გამოცდილებას აერთიანებს. ესენია: საოლიმპიადო კურსი, AI ოლიმპიადა, AI სტუდენტური კლუბი, AI და.., GAIA Meetups Horizons და Tech, AI კონფერენცია, ეროვნული AI ჰაკათონი და სხვა პროგრამის მეშვეობით AI განათლება უკვე 1000-ზე მეტმა სკოლის მოსწავლემ, სტუდენტმა და ახალგაზრდა პროფესიონალმა მიიღო.აღსანიშნავია, რომ თიბისი განსაკუთრებულ ყურადღებას უთმობს AI განათლებას გუნდებს შორის. ბრენდის მიზანია ხელოვნური ინტელექტის ყოველდღიურ სამუშაო პროცესებში ინტეგრირება ისე, რომ AI ადამიანების შესაძლებლობების გამაძლიერებელ ინსტრუმენტად და საიმედო პარტნიორად იქცეს. ამ ხედვით თიბისი AI-ის მიდგომის დანერგვის ახალ ეტაპზე გადავიდა და 2025 წელს დაწყებული AI Literacy პროექტი დღეს მასშტაბურ ტრანსფორმაციულ პროგრამად იქცა და 4,000-ზე მეტ თანამშრომელს აერთიანებს.თიბისიმ, საკუთარი ტექნოლოგიური ექსპერტიზისა და GAIA-სთან პარტნიორობით, მიზნად დაისახა ხელოვნური ინტელექტის მიმართულებით ხარისხიანი განათლება საქართველოს ყველა რეგიონში მცხოვრები ადამიანებისთვის ხელმისაწვდომი გახადოს. AI განათლების პროგრამები მონაწილეებს სრულიად უფასოდ აძლევს შესაძლებლობას, შეისწავლონ თანამედროვე ტექნოლოგიები, განივითარონ მოთხოვნადი კომპეტენციები და გაიფართოონ კარიერული თუ აკადემიური პერსპექტივები, რაც მათ საერთაშორისო ასპარეზზე წარმატების მიღწევაშიც ეხმარება.(R)

1781073025