ჯივიპი რუსთავში, აღმაშენებელზე სარეაბილიტაციო სამუშაოებს ახორციელებს

მ.შ. ტურისტული ვიზიტები 2.7%-ით (Y.Y), 1.3 მლნ-მდე, ერთდღიანი, 11.6%-ით (Y.Y), 0.3 მლნ -მდე შემცირდავიზიტების კლება ძირითადად ახლო აღმოსავლეთიდან (-32.4% Y/Y), ინდოეთიდან (-75.8% წ/წ) და მეზობელი ქვეყნებიდან, მათ შორის თურქეთიდან (-6.9% Y/Y) და სომხეთიდან (-5.0% Y/Y), ვიზიტების რაოდენობის შემცირებამ განაპირობა. ახლო აღმოსავლეთიდან კლება ირანის კონფლიქტს, ხოლო ინდოეთიდან კლება IndiGo-ს მიერ ფრენების შეჩერებას უკავშირდებოდა. აღნიშნული კლება ნაწილობრივ დააკომპენსირა ვიზიტების ზრდამ ევროკავშირიდან (+19.4% Y/Y), რუსეთიდან (+5.1% Y/Y), უკრაინიდან (+21.3% Y/Y), აზერბაიჯანიდან (+4.7% Y/Y) და ჩინეთიდან (+3.2% წ/წ). ჯამურად, 2026 წლის პირველ ნახევარში საერთაშორისო ვიზიტების რაოდენობა წლიურად 2.7%-ით შემცირდა, 2.7 მლნ -მდე..G&T -ის მოლოდინით, 2026 წელს საერთაშორისო ტურისტული ვიზიტების რაოდენობა დაბალი ერთნიშნა ტემპით გაიზრდება. ზრდას ხელს შეუწყობს საჰაერო მიმოსვლის გაუმჯობესება, ახლო აღმოსავლეთიდან სამოგზაურო მოთხოვნის ნორმალიზება და ბაქო-თბილისის სარკინიგზო მიმოსვლის აღდგენა. შემოსავლები ტურიზმიდან: 2026 წლის II კვარტალში ტურიზმიდან მიღებული შემოსავლები წლიურად 3.8%-ით შემცირდა და 1.1 მლრდ აშშ დოლარი შეადგინა. ვიზიტების დინამიკის მსგავსად, კლება ძირითადად ახლო აღმოსავლეთიდან, კერძოდ, ირანიდან (-65.1% წ/წ) და საუდის არაბეთიდან (-61.9% წ/წ), ასევე თურქეთიდან (-10.9% წ/წ) მიღებული შემოსავლების შემცირებამ განაპირობა. ამასთან, ისრაელიდან ვიზიტების უფრო მკვეთრი კლების მიუხედავად, შემოსავლები წლიურად მხოლოდ 3.0%-ით შემცირდა. აღსანიშნავია, რომ ევროკავშირიდან (+12.1% წ/წ), რუსეთიდან (+10.1% წ/წ), უკრაინიდან (+49.8% წ/წ) და აზერბაიჯანიდან (+10.3% წ/წ) მიღებული შემოსავლების ზრდამ აღნიშნული კლება ნაწილობრივ დააკომპენსირა. 

1784809139

პოზიტიურად შეფასდა საქართველო-ჩინეთის ურთიერთობის დინამიკა ელჩის დიპლომატიური მისიის პერიოდში, მათ შორის, ყოვლისმომცველი სტრატეგიული პარტნიორობის მიღწევაც.საუბარი შეეხო იმ პრაქტიკულ შედეგებსაც, რომლებიც პოლიტიკური ურთიერთობების გაღრმავებას მოჰყვა - ორმხრივი უვიზო რეჟიმის ამოქმედება, პირდაპირი საჰაერო მიმოსვლის აღდგენა და გაფართოება, „სარტყლისა და გზის“ ინიციატივის ფარგლებში კავშირების გაძლიერება, თავისუფალი ვაჭრობის შესაძლებლობების განვითარება და უმაღლესი განათლების დიპლომების ურთიერთაღიარების შესახებ შეთანხმება.განიხილეს  საქართველო-ჩინეთის თანამშრომლობის სამომავლო დღის წესრიგიც, მათ შორის, საუბარი შეეხო სამეცნიერო და კვლევით ინსტიტუტებს შორის კავშირების გაძლიერებასა და ტექნოლოგიურ სექტორში სამომავლო თანამშრომლობას. ყურადღება დაეთმო მაღალი დონის პოლიტიკური დიალოგის გაგრძელების მნიშვნელობას და შედეგზე ორიენტირებული პარტნიორობის შემდგომ განვითარებას.საქართველოს პრეზიდენტმა ჭოუ ციენს საქართველოში დიპლომატიური საქმიანობისთვის მადლობა გადაუხადა და შემდგომ პროფესიულ საქმიანობაში წარმატება უსურვა.

1784805180

2026-2028 წლების საზედამხედველო სტრატეგიაზე მუშაობის პროცესი სექტორისა და სხვა დაინტერესებული პირების მაღალი ჩართულობით წარიმართა. აღნიშნულის უზრუნველსაყოფად კი პირველ ეტაპზე გამოქვეყნდა კითხვარი, რომელმაც მნიშვნელოვანი წვლილი შეიტანა ეროვნული ბანკის საზედამხედველო პრიორიტეტებისა და სამოქმედო გეგმის ფორმირებაში. მომდევნო ეტაპზე კი საჯარო განხილვისთვის განთავსდა 2026-2028 წლების საზედამხედველო სტრატეგიის სამუშაო ვერსია, რომლის ფარგლებშიც მოხდა დაინტერესებული მხარეებისგან უკუკავშირის, ინიციატივებისა და რეკომენდაციების მიღება.საუკეთესო საერთაშორისო პრაქტიკისა და მიმდინარე ტენდენციების ანალიზის, საზედამხედველო პროცესში გამოვლენილი საჭიროებების და როგორც საერთაშორისო პარტნიორებისგან, ისე დაინტერესებული მხარეებისგან კონსულტაციების ფარგლებში მიღებული რეკომენდაციების საფუძველზე, განისაზღვრა ეროვნული ბანკის 2026-2028 წლების საზედამხედველო პრიორიტეტები, კერძოდ:· საუკეთესო საერთაშორისო პრაქტიკასა და სტანდარტებთან დაახლოება;· საფინანსო სექტორის მდგრადი ფუნქციონირების მიზნით რისკების მართვის ჩარჩოს გაუმჯობესება;· ფინანსური ინოვაციების განვითარება, კონკურენციისა და მომხმარებელთა უფლებების დაცვის ხელშეწყობა;· ფასიანი ქაღალდების ბაზრის განვითარება;· მომავალზე ორიენტირებული ზედამხედველობის გაძლიერება და ინკლუზიურობის ზრდა.2026-2028 წლების საზედამხედველო სტრატეგიის დოკუმენტი მოიცავს როგორც საზედამხედველო პრიორიტეტების ფარგლებში დაგეგმილ აქტივობებსა და შესაბამის სამოქმედო გეგმას, ისე, 2025 წლის მნიშვნელოვან მოვლენებსა და გასული წლის ჭრილში სტრატეგიის შესრულების ანგარიშს.

1784801401

ფინანსთა სამინისტროს შემოსავლების სამსახურის ცნობით, აღმოჩენილი დეკლარირებას დაქვემდებარებული თანხის საერთო რაოდენობამ ეროვნული ბანკის გაცვლითი კურსის მიხედვით 4 914 011 ლარი შეადგინა.კანონდამრღვევ მოქალაქეებს საბაჟო კოდექსის 169-ე მუხლის პირველი, მე-2 და მე-3 ნაწილის შესაბამისად სანქციის სახით, ჯარიმა - 420 749 ლარის ოდენობით შეეფარდათ.

1784798670

კანონპროექტს მხარი 216-მა კონგრესმენმა დაუჭირა, წინააღმდეგი 212 იყო. ახლა დოკუმენტს სენატი განიხილავს და დამტკიცების შემთხვევაში ხელმოსაწერად აშშ-ის პრეზიდენტ დონალდ ტრამპს გადაეგზავნება.Politico-ს ცნობით, კანონპროექტის სენატში დამტკიცება შესაძლოა რთული აღმოჩნდეს, რადგან ამისთვის სულ მცირე 60 სენატორის მხარდაჭერაა საჭირო.წარმომადგენელთა პალატამ ასევე დაამტკიცა $95 მილიარდის გამოყოფის შესახებ ინიციატივა, საიდანაც $73 მილიარდი ირანის წინააღმდეგ სამხედრო ოპერაციის დაფინანსებისთვისაა გათვალისწინებული. დოკუმენტს ასევე სენატი განიხილავს.მანამდე აშშ-ის თავდაცვის მინისტრმა პიტ ჰეგსეთმა სენატორებს განუცხადა, რომ ირანთან ომი ქვეყანას უკვე $37.5 მილიარდი დაუჯდა.    

1784798132

შეთავაზება ხორციელდება „ფასიანი ქაღალდების ბაზრის შესახებ" საქართველოს კანონის მოთხოვნების შესაბამისად და განკუთვნილია ლიბერთი ბანკის იმ აქციონერებისთვის, რომლებიც კვლავ ფლობენ ბანკის აქციებს. დეტალური ინფორმაცია და სატენდერო შეთავაზების პირობები იხილეთ ბმულზე: https://bb.ge/ge/personal/news/2699-savaldebulo-satendero-shetavazeba 

1784796345

საქართველოს ეროვნული ბანკის მხრიდან დოკუმენტს ხელი მოაწერა სებ-ის ვიცე-პრეზიდენტმა ეკატერინე გალდავამ.2026 წლის პროგრამა ეძღვნება თემას - „ღია ბანკინგი და ღია ფინანსები, როგორც ტრადიციული საგადახდო ინფრასტრუქტურის კონკურენტუნარიანი ალტერნატივა“. პროექტის მიზანია საქართველოსთვის ღია ფინანსების ეკოსისტემის განვითარების მიმართულებით საერთაშორისო გამოცდილების გაზიარება და შესაბამისი მარეგულირებელი, ინსტიტუციური და ტექნიკური მოდელის შემუშავების მხარდაჭერა.შეხვედრაზე საქართველოს ეროვნული ბანკის პრეზიდენტმა ნათია თურნავამ ხაზი გაუსვა საქართველოს ეროვნულ ბანკსა და კორეის ბანკს შორის თანამშრომლობის მნიშვნელობას. მისი თქმით, 2025 წელს განხორციელებულმა ერთობლივმა პროექტმა, რომელიც საქართველოში უნაღდო ანგარიშსწორების სისტემის განვითარებას შეეხებოდა, მნიშვნელოვანი წვლილი შეიტანა ქვეყნის საგადახდო ინფრასტრუქტურის შეფასებასა და მისი განვითარების მიმართულებების განსაზღვრაში.სებ-ის პრეზიდენტმა ასევე ისაუბრა საქართველოს ეროვნული ბანკის ინიციატივებზე, რომლებიც ფინანსური სერვისების ინოვაციური ეკოსისტემის განვითარებას უწყობს ხელს. მისი თქმით, ეროვნული ბანკის ერთ-ერთი მთავარი პრიორიტეტია თანამედროვე ციფრული ფინანსური გარემოს ჩამოყალიბება, რის ფარგლებშიც ბოლო წლებში განხორციელდა არაერთი მნიშვნელოვანი რეფორმა, მათ შორის, ღია ბანკინგის ჩარჩოს, ციფრული ბანკების სალიცენზიო რეჟიმის, ვირტუალური აქტივების მომსახურების პროვაიდერების მარეგულირებელი ჩარჩოსა და სტეიბლკოინების გამოშვების სამართლებრივი საფუძვლის შექმნა.„ბოლო 12 თვის განმავლობაში საქართველოში ღია ბანკინგის სერვისებით 9 მილიონზე მეტჯერ ისარგებლეს, რაც ცხადყოფს, რომ სისტემა უკვე ჩამოყალიბდა საიმედო საფუძვლად ყოველდღიური ციფრული ფინანსური მომსახურებისთვის. ჩვენი შემდეგი ეტაპი ღია ფინანსების განვითარებაა, რომელიც მომხმარებლის თანხმობის საფუძველზე ფინანსური მონაცემების უფრო ფართო და უსაფრთხო გაზიარებას უზრუნველყოფს. ამ მიმართულებით კორეის MyData მოდელი ერთ-ერთი ყველაზე წარმატებული საერთაშორისო პრაქტიკაა და მისი გამოცდილება საქართველოსთვის განსაკუთრებით ღირებული იქნება“, - აღნიშნა ნათია თურნავამ.ცოდნის გაზიარების პარტნიორული პროგრამის ფარგლებში კორეელი ექსპერტები ეროვნული ბანკის გუნდთან ერთად იმუშავებენ ღია ფინანსების ეკოსისტემის განვითარების კონცეფციაზე. პროექტი მოიცავს როგორც საერთაშორისო გამოცდილების გაზიარებას, ისე საქართველოს სამართლებრივი და მარეგულირებელი გარემოს ანალიზს, ღია ფინანსების მოდელისა და ეკოსისტემის არქიტექტურის, დანერგვის ეტაპობრივი გეგმის, მონაცემთა გაზიარების, მომხმარებელთა უფლებების დაცვის, მმართველობისა და ტექნიკური სტანდარტების შემუშავების საკითხებს.პროექტის ფარგლებში ასევე გაიმართება სამუშაო შეხვედრები საქართველოს საბანკო ასოციაციის, კომერციული ბანკების, ფინტექ კომპანიებისა და სექტორის სხვა წარმომადგენლებთან. პროგრამა წლის განმავლობაში გაგრძელდება შუალედური სემინარებით, შესაძლებლობების განვითარების აქტივობებითა და დასკვნითი ღონისძიებით, სადაც წარმოდგენილი იქნება კვლევის საბოლოო შედეგები და რეკომენდაციები საქართველოს ღია ფინანსების ეკოსისტემის განვითარებისათვის.

1784732760

Euromoney Awards for Excellence მსოფლიოს საბანკო ინდუსტრიის ერთ-ერთი ყველაზე პრესტიჟული საერთაშორისო ჯილდოა, რომელიც ყოველწლიურად იმ ფინანსურ ინსტიტუტებს აფასებს, რომლებიც მდგრადი განვითარების, ინოვაციებისა და პასუხისმგებლიანი ბიზნესპრაქტიკის მიმართულებით გამორჩეულ ინიციატივებს ქმნიან.შესაბამისად, ESG კატეგორიაში საუკეთესოს წოდება კი იმ ბანკებს ენიჭებათ, რომლებიც გარემოსდაცვითი, სოციალური და მმართველობის მიმართულებებით მნიშვნელოვან პროგრესს აჩვენებენ და ქვეყნის მდგრად განვითარებაში განსაკუთრებული წვლილი შეაქვთ.ბანკის მიერ განხორციელებული ინიციატივებისა და მიღებული შედეგების შეფასების შემდეგ, Euromoney-ს ჟიურიმ საქართველოს ბანკი ESG მიმართულებით საუკეთესო ბანკად დაასახელა საქართველოში.საქართველოს ბანკისთვის მდგრადობა ბიზნესის განუყოფელი ნაწილია. სწორედ ამიტომ, ბანკი აქტიურად აფართოებს მდგრადი დაფინანსების პორტფელს, ESG რისკებს აერთიანებს გადაწყვეტილების მიღების პროცესში, მხარს უჭერს საქართველოს დაბალნახშირბადიან ეკონომიკაზე გადასვლას, ავითარებს ინკლუზიურ ფინანსურ პროდუქტებს და ნერგავს მდგრადი მმართველობის საუკეთესო პრაქტიკებს. ამ მიდგომით ბანკი ქმნის გრძელვადიან ღირებულებას მომხმარებლებისთვის, ინვესტორებისა და ქვეყნის ეკონომიკისთვის.“ESG მიმართულებით Euromoney-ის ჯილდოს ზედიზედ მეორედ მიღება ადასტურებს, რომ საქართველოს ბანკისთვის მდგრადობა ბიზნესის განვითარების განუყოფელი ნაწილია. ეს აღიარება გვაძლევს დამატებით მოტივაციას, გავაგრძელოთ ისეთი ინიციატივების განხორციელება, რომლებიც გრძელვადიან ღირებულებას ქმნის ჩვენი მომხმარებლებისთვის, ეკონომიკისა და ქვეყნისთვის“, - აღნიშნავს ანა ოსაძე, საქართველოს ბანკის ESG და მდგრადობის მიმართულების ხელმძღვანელი.ინფორმაციისთვის, Euromoney Awards for Excellence უკვე 30 წელზე მეტია მსოფლიოს მასშტაბით ავლენს და აჯილდოებს იმ ფინანსურ ინსტიტუტებს, რომლებიც თავიანთ ბაზრებზე საუკეთესო პრაქტიკებსა და ინოვაციურ მიდგომებს ნერგავენ.

1784719765