უზბეკეთი ფოთის პორტში 500 000 ტ. სიმძლავრის ლოგისტიკური ცენტრის გახსნას გეგმავს

გიორგი შარაბიძემ შეხვედრის მონაწილეებს ინფორმაცია მიაწოდა არჩევნების მნიშვნელობაზე და ამ პროცესში საარჩევნო ადმინისტრაციის როლზე, საქართველოში არჩევნების ისტორიაზე და იმ მნიშვნელოვან სიახლეებზე, რომელიც საარჩევნო ელექტრონული ტექნოლოგიების დანერგვას უკავშირდება.მან ასევე დეტალურად ისაუბრა დემოკრატიულ პროცესებში ახალგაზრდების ჩართულობის როლსა და საარჩევნო საკითხების შესახებ ინფორმირებულობის მნიშვნელობაზე. ასევე ყურადღება გაამახვილა დეზინფორმაციასა და მის გავლენაზე, საარჩევნო ადმინისტრაციის სტრატეგიაზე და დეზინფორმაციასთან ბრძოლის მიმართულებით განხორციელებულ საქმიანობებზე.შეხვედრის მონაწილეებს ასევე ჰქონდათ საშუალება გასცნობოდნენ  საარჩევნო ადმინისტრაციის ჟურნალს „არჩევნები 360 გრადუსით“, რომელიც მკითხველს აქტუალურ საარჩევნო საკითხებზე მრავალმხრივ და ამომწურავ ინფორმაციას აწვდის. შეხვედრის დასკვნითი ნაწილი ინტერაქციის რეჟიმში წარიმართა და დისკუსიას დაეთმო. ბანაკის მონაწილეებმა ცესკოს თავმჯდომარის მოადგილეს სხვადასხვა საარჩევნო თემაზე არაერთი კითხვა დაუსვეს და მისგან ამომწურავი პასუხები მიიღეს.შეხვედრა 2026 წლის საზაფხულო ბანაკების პროექტის ფარგლებში გაიმართა. აღსანიშნავია, რომ აღნიშნული პროექტის ფარგლებში საარჩევნო ადმინისტრაციის ხელმძღვანელი პირები და წარმომადგენლები ქვეყნის სხვადასხვა რეგიონში კიდევ არაერთ საინფორმაციო შეხვედრას გამართავენ, რაც ხელს შეუწყობს ახალგაზრდების საარჩევნო განათლებისა და ინფორმირებულობის ამაღლებას.(R)

1787045610

თბილისი (GBC) –თბილისში ადგილობრივი მცირე ბიზნესების ჯაჭვი სულ უფრო და უფრო იზრდება. საქართველოს ბანკის ახალი ინიციატივა საინტერესო სივრცეებს აერთიანებს - მთავარი მიზანი კი მცირე ბიზნესების წახალისება და დაახლოებაა. პროექტის პრინციპი მარტივია: გაუყევით ჯაჭვს და წაიყოლეთ ფასდაკლება - სტუმრობთ ერთ ობიექტს, სადაც პოსტერი დაგხვდებათ ფასდაკლების ვაუჩერებით, ჩამოხევთ ვაუჩერს და მიემართებით ახალი სივრცის აღმოსაჩენად, სადაც კიდევ სხვა ობიექტის ფასდაკლება გელოდებათ.Ganjina-დან ჯაჭვი JPG Tbilisi-ში წაგიყვანთJPG Tbilisi შემოქმედებითი სივრცე და პრინტ შოპია, რომელიც ახალ ენერგიასა და საინტერესო ადამიანებს აერთიანებს. გარდა იმისა, რომ აქ გამორჩეული და ინდივიდუალური პრინტები დაგხვდებათ, შეგიძლიათ საკუთარი დიზაინი მაღალ ხარისხში დაბეჭდოთ ტანსაცმელსა და აქსესუარებზე.JPG Tbilisi-ის დამფუძნებელი, რატი ხაზალია გვიყვება, რომ მსგავსი ინიციატივები დამწყები ბიზნესებისთვის განსაკუთრებულად ღირებულია:„ერთმანეთთან დამეგობრება მხოლოდ ცნობადობის გაზრდას კი არა, ახალი კონტაქტებისა და გამოცდილებების გაზიარებას ნიშნავს. დამოუკიდებლად ფართო აუდიტორიაზე გასვლა რთულია, საქართველოს ბანკისნაირი პარტნიორი გვეხმარება, ეს პროცესი ბევრად მარტივი და სწრაფი გახდეს“.JPG Tbilisi-ის ფასდაკლების კუპონი Dodonut-მდე მიგიყვანთთუ ტკბილეული გიყვართ, აუცილებლად გეცოდინებათ Dodonut - ქართული ტკბილეულის საცხობი და კაფე, რომლმაც გამორჩეული გემოებით მომხარებელს მალევე შეაყვარა თავი. დოდონატის ფერად ვიტრინაში მუდმივად დაგხვდებათ 12 სხვადასხვა სახეობის ფუმფულა დონატი, ორცხობილა და არომატული ყავა. გემოების ასეთმა მრავალფეროვნებამ, ხარისხმა და დიდმა შრომამ შედეგიც გამოიღო და ბრენდმა ბათუმში გაფართოებაც შეძლო.დოდონატის დამფუძნებელი, ნინო ვარშანიძე, გვიყვება, რომ მათთვის პროექტში მონაწილეობა ერთგვარი აუცილებლობაც კი იყო:„ვფიქრობთ, სხვა ბიზნესებთან დამეგობრება და პარტნიორობა ყველასთვის სასარგებლოა. ეს კავშირები გვაძლევს შესაძლებლობას გავზარდოთ ხილვადობა, ვიპოვოთ ახალი, სანტერესო კონტაქტები. მცირე ბიზნესების წარმატების საიდუმლო სწორედ ამ ურთიერთმხარდაჭერაშია. საქართველოს ბანკის წამახლისებელ პროექტებში ხშირად ვმონაწილეობთ და ყოველ ჯერზე კარგი გამოცდილება გვაქვს, ამიტომ არც ახლა გვიფიქრია ბევრი“.ჩაერთეთ ჯაჭვშიპროექტის მარშრუტი ასე გამოიყურება: Dodonut > City Hikers > Mob.Burgers > Sio Print > Lunatic > Wine Square > Maua.concept > Ganjina > JPG Tbilisi > Dodonutთუ თქვენც გაქვთ მცირე ბიზნესი და გინდათ, რომ ახალი მომხმარებლები მოიზიდოთ, გაზარდოთ ცნობადობა და თან სხვა ადგილობრივ ბიზნესებსაც დაუდგეთ გვერდში, აუცილებლად ჩაერთეთ ჯაჭვში.ამისათვის დაგჭირდებათ მხოლოდ ფიზიკური სივრცე (სადაც სტუმრებს მასპინძლობთ) და საქართველოს ბანკის ბიზნეს ანგარიში POS ტერმინალთან ერთად.ინფორმაციისთვის, საქართველოს ბანკი გთავაზობთ პოს-ტერმინალს, რომელიც ერთდროულად ორ პრობლემას ჭრის: გაძლევთ შესაძლებლობას, მიიღოთ საბარათე გადახდები 0%-იანი საკომისიოთი და, ამავე დროს, ასრულებს სალარო აპარატის ფუნქციას - გაიგეთ მეტი.პროცესი ძალიან მარტივია:● შეავსეთ განაცხადის ფორმა: გადადით ბმულზე, დატოვეთ თქვენი მონაცემები და ბანკის წარმომადგენელი მალევე დაგიკავშირდებათ;● მიიღეთ პოსტერი: ჩვენ გამოგიგზავნით სპეციალურ პოსტერს, რომელიც თქვენთან მოსულ სტუმრებს მეგობარი ბიზნესის ფასდაკლებას გაატანს;● უმასპინძლეთ ახალ სტუმრებს: მოემზადეთ იმ მომხმარებლების მისაღებად, რომლებიც სხვა ობიექტებიდან ფასდაკლების ვაუჩერით პირდაპირ თქვენთან გადმოინაცვლებენ.ეს კამპანია ამტკიცებს, რომ ჯანსაღი კონკურენციის პარალელურად, ერთმანეთის მხარდაჭერით განვითარება უფრო მარტივია. ადგილობრივი ბიზნესის ჯაჭვი ქალაქში სრულიად ახალ და საინტერესო მარშრუტს ქმნის, სადაც ყოველი გაჩერება ახალი აღმოჩენაა. ჯაჭვში ჩართული ობიექტების სრულად სანახავად შეგიძლიათ განახლებად რუკას გადაავლოთ თვალი.ჩაერთეთ ჯაჭვში (R)

1787043054

შედეგად, რეგიონის მასშტაბით Bridgestone-ის დილერებსა და გაყიდვების მენეჯერებს ბრენდის საერთაშორისო სტანდარტებისა და მეთოდოლოგიის სრული დაცვით გადაამზადებენ. Bridgestone-მა „თეგეტა აკადემიას“ საკუთარი სატრენინგო მოდულები, სასწავლო მასალები და მეთოდოლოგია გადასცა - რესურსები, რომლებიც აქამდე მხოლოდ ბრენდის შიდა საკომუნიკაციო არხებში გამოიყენებოდა.ირინა წეროძე, „თეგეტა აკადემიის“ დირექტორი: „Bridgestone 1998 წლიდან „თეგეტას“ სტრატეგიული პარტნიორია. სწორედ ამ ხანგრძლივი თანამშრომლობის ლოგიკური გაგრძელებაა, რომ ბრენდმა რეგიონულ სასწავლო პარტნიორად სწორედ „თეგეტა აკადემია“ აირჩია. ეს თანამშრომლობა დაგვეხმარება, კიდევ უფრო განვავითაროთ ჩვენი სასწავლო პროცესი და საერთაშორისო სტანდარტებთან კიდევ უფრო მეტად დავაახლოოთ. ის, რომ Bridgestone  უფლებას გვაძლევს, არაერთ ქვეყანაში გავმართოთ ტრენინგები ბრენდის პროდუქტების შესახებ, ჩვენთვის ბევრს ნიშნავს. ფაქტი ადასტურებს, რომ „თეგეტა“ მსოფლიო ბრენდისთვის სანდო პარტნიორი და რეგიონში საიმედო დასაყრდენია“.სასწავლო პროგრამა ორ ძირითად მიმართულებას აერთიანებს. პირველი საბურავის ტექნიკურ მახასიათებლებს მოიცავს - კონსტრუქციას, თვისებებსა და Bridgestone-ის სამოდელო ხაზებს ზამთრის, ზაფხულისა და ყველა სეზონის სეგმენტში. მეორე მიმართულება გაყიდვების სპეციფიკურ ტექნიკაზეა ფოკუსირებული, რომელიც პრემიუმ კლასის საბურავების რეალიზაციას უკავშირდება. ცალკე მოდულად გამოყოფილია Fleet Solution - ავტოპარკებთან, განსაკუთრებით სატვირთო გადაზიდვების სექტორთან მუშაობის მიმართულება. კურსდამთავრებულები Bridgestone-ისა და „თეგეტა აკადემიის“ ერთობლივ სერტიფიკატებს მიიღებენ.Bridgestone-თან თანამშრომლობა „თეგეტა აკადემიის“ სასწავლო პროცესის ხარისხთან უშუალოდ არის დაკავშირებული. ბრენდი, რომელიც მსოფლიოში უმაღლესი ხარისხის საბურავების მწარმოებლებს შორისაა, აკადემიას არა მხოლოდ პროდუქტის შესახებ ცოდნას, არამედ საკუთარ სტანდარტებსაც გადასცემს, რომლებიც სასწავლო პროცესის თითოეულ ეტაპს მოიცავს ტრენერთა მომზადებიდან მეთოდოლოგიის გამოყენებამდე. შედეგად, ცოდნა, რომელსაც აკადემია სერტიფიცირებული ტრენერების მეშვეობით იღებს, შემდეგ „თეგეტას“ თანამშრომლების მეშვეობით უშუალოდ მომხმარებლამდე მიდის.ლაშა ჯუღელი, „ექსელენს ჰაბის“ დირექტორი: „Bridgestone ხარისხის სიმბოლოა - ეს არის ბრენდი, რომელიც მრავალწლიანი გამოცდილებითა და კონკრეტული ტექნიკური მტკიცებულებებითაა გამყარებული და სწორედ ეს მიდგომა გადმოაქვს სასწავლო პროცესში. როდესაც ამ დონის ბრენდი გვანდობს საკუთარი სტანდარტებით ტრენინგების გამართვას, ეს გვავალდებულებს, რომ ჩვენი მეთოდოლოგია, ტრენერები და სასწავლო პროცესი მის ხარისხს გავუთანაბროთ. ეს მნიშვნელოვანია არამხოლოდ აკადემიისთვის - ცოდნა, რომელსაც ჩვენი თანამშრომლები მიიღებენ, შემდეგ მომხმარებლამდე მივა და ხარისხის სტანდარტი საავტომობილო ინდუსტრიაზეც აისახება. ამიტომაც მსოფლიო ბრენდთან თანამშრომლობას მნიშვნელოვანი სარგებელი მოაქვს აკადემიის ტრენერებისთვის, დილერებისა და იმ მომხმარებლებისთვისაც, რომლებიც, პროდუქტთან ერთად, ხარისხის გარანტიას იღებენ“.იაპონური ბრენდი Bridgestone მსოფლიოს მასშტაბით საბურავების ერთ-ერთი წამყვანი მწარმოებელია. ბრენდი მომხმარებელს მაღალი ხარისხის საბურავების ფართო არჩევანს სთავაზობს. Bridgestone-ის საბურავები გამოირჩევა გამძლეობით, სტაბილურობით, კომფორტით, საწვავის ეკონომიითა და ნებისმიერ გარემოში უსაფრთხო გადაადგილებით.დავით ჩხაიძე, „თეგეტა მოტორსის“ საბურავების მიმართულების ხელმძღვანელი: „Bridgestone საბურავების ინდუსტრიის ერთ-ერთი წამყვანი გლობალური ბრენდია, რომელიც საუკეთესოა თავისი უმაღლესი ხარისხით, ინოვაციური ტექნოლოგიებითა და უსაფრთხოების მაღალი სტანდარტებით. „თეგეტასა“ და Bridgestone-ის თანამშრომლობა 1998 წლიდან იღებს სათავეს და ის, რომ დღეს ბრენდმა რეგიონულ სასწავლო პარტნიორად სწორედ „თეგეტა აკადემია“ აირჩია, ამ ხანგრძლივი პარტნიორობით მოპოვებული ნდობის ლოგიკური შედეგია. ეს ნაბიჯი მნიშვნელოვანია არა მხოლოდ „თეგეტასთვის“, არამედ მთელი რეგიონის ავტოინდუსტრიისთვის, რომელიც, პრემიუმ ხარისხის სტანდარტებთან ერთად, ცოდნისა და გამოცდილების გაცვლის შესაძლებლობასაც იღებს“.„თეგეტა აკადემიის“ ტრენერებმა წარმატებით გაიარეს ტრენერთა მოსამზადებელი პროგრამა (Train of Trainers) და Bridgestone-ის სერტიფიცირებული სპეციალისტები გახდნენ. ამ ეტაპზე ბრენდის ოფიციალური ტრენინგების გამართვის უფლება სამ ქართველ ტრენერს აქვს მინიჭებული.„თეგეტა აკადემიის“ რეგიონული ექსპანსია მხოლოდ Bridgestone-თან თანამშრომლობით არ სრულდება. აკადემია უკვე წარმოადგენს Porsche-ს რეგიონულ ტრენინგცენტრს, ხოლო უახლოეს მომავალში ანალოგიური სტატუსით თანამშრომლობას იწყებს ბრენდებთან - MAN-თან, JCB-სა და Bosch-თან. პარალელურად, აკადემიის გეგმებშია ევროპულ პროფესიულ კოლეჯებთან მჭიდრო თანამშრომლობის გაფართოება.„თეგეტა ჰოლდინგის“ შვილობილი კომპანია „თეგეტა აკადემია“ არის ავტორიზებული კოლეჯი, რომელიც 2013 წლიდან ეწევა საგანმანათლებლო და საკონსულტაციო საქმიანობას ტექნიკური და ბიზნესის მიმართულებებით.„თეგეტა აკადემია“ კომპანიებს ეხმარება, გააუმჯობესონ სერვისები, ხელი შეუწყონ თანამშრომლების პროფესიულ განვითარებას, წვლილი შეიტანონ სამუშაო ძალის განვითარებაში და გაუზიარონ ახალი ცოდნა და საუკეთესო საერთაშორისო პრაქტიკა.(R)

1787042177

დადგენილების თანახმად, კომისიას თავად პრემიერ-მინისტრი უხელმძღვანელებს. კომისიის თავმჯდომარის პირველ მოადგილედ მონაწილეობა პარლამენტის თავმჯდომარეს ეთხოვა, ხოლო მეორე მოადგილედ ინფრასტრუქტურის მინისტრი განისაზღვრა.კომისიის შემადგენლობაში შედიან თითქმის ყველა საკვანძო უწყების ხელმძღვანელები, მათ შორის: საგარეო საქმეთა, ჯანდაცვის, ეკონომიკის, კულტურის, გარემოს დაცვის, განათლებისა და შერიგების საკითხებში სახელმწიფო მინისტრები. ასევე, ადგილობრივი და სხვა უწყებებიდან კომისიაში წარმოდგენილნი არიან თბილისის მერი, მთავრობის ადმინისტრაციის უფროსი, სახელმწიფო დაცვის სპეციალური სამსახურის უფროსი, მთავრობის ეფექტიანობის დეპარტამენტის უფროსი და მუნიციპალური განვითარების ფონდის (მგფ) აღმასრულებელი დირექტორი, რომელიც ამავდროულად კომისიის მდივნის ფუნქციას შეასრულებს.ახლადშექვნილ უწყებათაშორის კომისიას ფართო უფლებამოსილებები ენიჭება. დებულების მიხედვით, მის ძირითად ამოცანებს წარმოადგენს: სამთავრობო ქალაქის მშენებლობისას პრიორიტეტებისა და სამუშაოების რიგითობის განსაზღვრა; საპროექტო გადაწყვეტებისა და დიზაინის შეთანხმება; პროექტების განხორციელებისას წარმოშობილი პრობლემური საკითხების ოპერატიული გადაჭრა; საჭიროების შემთხვევაში, სახელმწიფო შესყიდვების ტენდერით გაფორმებულ ხელშეკრულებებში ცვლილებების შეტანის თაობაზე რეკომენდაციების გაცემა. კომისიის საქმიანობის ორგანიზაციულ-ტექნიკურ უზრუნველყოფას საქართველოს მუნიციპალური განვითარების ფონდი განახორციელებს. ორგანოს უფლებამოსილება მას შემდეგ შეწყდება, რაც პროექტით გათვალისწინებული ინფრასტრუქტურული ღონისძიებები სრულად დასრულდება. დადგენილება ძალაში გამოქვეყნებისთანავე შევიდა.„სამთავრობო ქალაქის“ მშენებლობისთვის 4.463 მლნ ლარის ღირებულების ტენდერი მუნიციპალურმა განვითარების ფონდმა მიმდინარე წლის 9 იანვარს გამოაცხადა, თუმცა ის არ შედგა. შესყიდვა ჩუღურეთის რაიონში, გედევანიშვილის ქუჩაზე (ყოფილი „არსენალის მთა“) გენერალური გეგმისა და ესკიზური პროექტების მომზადებას ითვალისწინებდა. ტენდერის შეწყვეტის მიზეზად სატენდერო კომისიამ ტექნიკური დავალების გადასინჯვის აუცილებლობა დასახელდა.შეგახსენებთ, რომ „ქართულმა ოცნებამ“ „სამთავრობო ქალაქის“ იდეა პირველად 2017 წელს წამოსწია, როდესაც მაშინდელმა პრემიერ-მინისტრმა გიორგი კვირიკაშვილმა განაცხადა, რომ პროექტი ორთაჭალაში განხორციელდებოდა და ყველა სამინისტროს ერთ სივრცეში მოუყრიდა თავს. 2019 წელს პროექტი პრიორიტეტების ცვლილების გამო შეჩერდა, ხოლო გასული წლის დეკემბერში ცნობილი გახდა, რომ სამთავრობო კომპლექსი ორთაჭალის ნაცვლად ჩუღურეთის რაიონში აშენდება.

1787040528

ყველაზე ძლიერი საგვარეულოს ტიტულისთვის ერთმანეთს ხარჯიანები, ბარათიშვილები, დოვლათიანები და ანაბრიძეები ეჯიბრებიან. ლიდერებს შორის სხვაობა მცირეა, ამიტომ, მარათონის დასრულებამდე ლიდერი შესაძლოა რამდენჯერმე შეიცვალოს.„საგანძურის მარათონში“ ახლა მხოლოდ პირადი გამარჯვება აღარ არის მთავარი -  მოთამაშის თითოეული ნაბიჯი საკუთარი საგვარეულოს შედეგზეც აისახება. შესაბამისად, საგვარეულოს გასაძლიერებლად ყველაზე მარტივი გზა თავად მარათონში აქტიურობაა. მონაწილეებს, ასევე, შეუძლიათ, თამაშში ოჯახის წევრები და მეგობრები ჩართონ და საგვარეულოს ახალი წევრები შემატონ.მარათონის მასშტაბს საპრიზო ფონდიც აჩვენებს - ფინალური ეტაპისთვის 50 000 ლარია გათვალისწინებული, ხოლო ამ ეტაპზე, უკვე გამოვლენილი და დასაჩუქრებულია დაახლოებით 200 გამარჯვებული 250 000-ლარიანი საერთო საპრიზო ფონდიდან.მარათონის ფინალური ეტაპის მოახლოებასთან ერთად, ბრძოლა კიდევ უფრო საინტერესო ხდება - ვინ დაიკავებს პირველი ადგილს: ხარჯიანები, ბარათიშვილები, დოვლათიანები თუ ანაბრიძეები? პასუხი შესაძლოა ყოველდღიურად შეიცვალოს და საბოლოო გამარჯვებულს, სწორედ, მონაწილეების აქტიურობა გამოავლენს.საგანძურისთვის ბრძოლა გადამწყვეტ ეტაპზე გადადის. „საგანძურის მარათონში“ ჩართვა კი, თიბისის მობაილბანკიდან შეგიძლია - შემოდი, იპოვე შენი საგვარეულო და დაეხმარე მას ლიდერობის მოპოვებაში. ვინ იცის, იქნებ სწორედ შენმა აქტიურობამ შეცვალოს რეიტინგი. (R)

1787039736

როგორც The New York Times წერს, ტრამპმა სოციალურ ქსელში გამოქვეყნებული პოსტით, სადაც ჩრდილოეთ კორეის ლიდერი კიმ ჩენ ინი შეაქო, ფხენიანთან მოლაპარაკებების განახლების მზაობაზე მიანიშნა. ამასთან, აშშ-ის პრეზიდენტმა თავდაცვის მდივანს პიტ ჰეგსეთს დაავალა, შეამციროს ამერიკული მხარის მონაწილეობა სამხრეთ კორეასთან დაგეგმილ ყოველწლიურ სამხედრო სწავლებებში.პენტაგონის პრესსამსახურმა დაადასტურა, რომ უწყება აქტიურად მუშაობს მთავარსარდლის მითითების შესასრულებლად, თუმცა დეტალები, თუ როგორ მასშტაბებს მიიღებს სწავლებების შემცირება, ჯერჯერობით არ დაუკონკრეტებია.ექსპერტებისა და ანალიტიკოსების შეფასებით, ტრამპის პოლიტიკა ორ ბირთვულ გამოწვევასთან მიმართებით მკვეთრად განსხვავდება: ირანთან აშშ ხისტი, სამხედრო პოზიციით გამოირჩევა, ხოლო ჩრდილოეთ კორეასთან პრეზიდენტი დიპლომატიურ დათმობებზე მიდის.ტრამპის გადაწყვეტილება სამხედრო წვრთნების შემცირებაზე ნაწილობრივ სამხრეთ კორეის დასჯის მცდელობადაც აღიქმება. აშშ-ის პრეზიდენტმა უკმაყოფილება გამოთქვა იმის გამო, რომ სეულმა უარი თქვა ირანის წინააღმდეგ ომში ჩართვაზე და დააყოვნა დაპირებული $350-მილიარდიანი ინვესტიციების განხორციელება ამერიკის ეკონომიკაში. აშშ-ის სენატის შეიარაღებული ძალების კომიტეტის დემოკრატმა წევრმა ჯეკ რედიმ ტრამპის ნაბიჯს „ქაოსური გადაწყვეტილება“ უწოდა, რომელიც საკვანძო მოკავშირეს აზარალებს.პირველი საპრეზიდენტო ვადის დროს ტრამპსა და კიმ ჩენ ინს შორის გამართული სამი შეხვედრის მიუხედავად, ჩრდილოეთ კორეის ბირთვული პროგრამის შეჩერება ვერ მოხერხდა. მას შემდეგ ფხენიანმა არსენალი მნიშვნელოვნად გააფართოვა და, ზოგიერთი შეფასებით, დღეს 60-მდე ბირთვულ ქობინს ფლობს.დიპლომატები და ანალიტიკოსები შიშობენ, რომ ახალი სამიტი შესაძლოა კვლავ უშედეგოდ დასრულდეს, რადგან დღევანდელი ჩრდილოეთ კორეა ნაკლებადაა დაინტერესებული ვაშინგტონთან ურთიერთობების დალაგებით და აქტიურად თანამშრომლობს რუსეთთან უკრაინის ომის კონტექსტში.საკუთარი პოზიციის დასაცავად ტრამპმა განაცხადა, რომ კიმ ჩენ ინთან პირდაპირი დიალოგი რეგიონს „ბევრად უფრო უსაფრთხოს ხდის“. თუმცა, ექსპერტების შეფასებით, ირანში განვითარებული სამხედრო მოვლენები ფხენიანს კიდევ უფრო არწმუნებს იმაში, რომ საკუთარი უსაფრთხოების მთავარი გარანტი სწორედ ბირთვული იარაღის შენარჩუნებაა.

1787035143

მოსარჩელეები Meta-სგან $1 ტრილიონზე მეტ კომპენსაციას და პლატფორმების ფუნქციონირების მნიშვნელოვან ცვლილებას ითხოვენ. მათ შორისაა მოზარდებისთვის მშობლის ვერიფიკაციის სისტემის დანერგვა, რეკომენდაციების ალგორითმების შეცვლა, გარეგნობის შემცვლელი ფილტრების გაუქმება, ვიდეოების ავტომატური ჩართვის შეზღუდვა და მოზარდებისთვის რამდენიმე ანგარიშის შექმნის აკრძალვა.შტატების შეფასებით, Meta-ს მიერ გამოყენებული ისეთი ფუნქციები, როგორიცაა უსასრულო ლენტი, „ლაიქების“ მთვლელი და დროებით ხელმისაწვდომი კონტენტი, მომხმარებლებს, განსაკუთრებით მოზარდებს, პლატფორმებზე უფრო ხშირად შესვლისა და მეტი დროის გატარებისკენ უბიძგებს.Meta ბრალდებებს უარყოფს და აცხადებს, რომ სასამართლო პროცესზე წარმოდგენილი მტკიცებულებები კომპანიის მიერ ახალგაზრდების დაცვის მიმართულებით გატარებულ მრავალწლიან სამუშაოს დაადასტურებს.საქმეს კალიფორნიის ფედერალური სასამართლოს მოსამართლე ივონ გონსალეს როჯერსი განიხილავს. Meta-მ საქმის ფარგლებში სასამართლოს 2 მილიონზე მეტი დოკუმენტი წარუდგინა.პროცესს განსაკუთრებულ მნიშვნელობას სძენს ისიც, რომ ცოტა ხნის წინ ნიუ-მექსიკოს შტატის მოსამართლემ Meta 942 მილიონი დოლარით დააჯარიმა და კომპანიას არასრულწლოვანთა დაცვის მიზნით პლატფორმებში ცვლილებების შეტანა დაავალა. Meta გადაწყვეტილების გასაჩივრებას გეგმავს.თუ 30 შტატის მიერ შეტანილ სარჩელზე Meta დამარცხდება, ცვლილებების გავრცელება შესაძლოა მთელი აშშ-ის მასშტაბით გახდეს საჭირო. ამ შტატებში ქვეყნის მოსახლეობის თითქმის ორი მესამედი ცხოვრობს, რაც გადაწყვეტილებას Instagram-ისა და Facebook-ის მომავლისთვის განსაკუთრებით მნიშვნელოვანს ხდის.სასამართლოში წარმოდგენილ მასალებში ასევე მოხვდა Meta-ს საკუთარი კვლევა, რომლის მიხედვითაც „ლაიქების“ რაოდენობა მომხმარებლებს სხვებთან საკუთარი თავის შედარებისკენ უბიძგებს. მკვლევრები მიუთითებდნენ, რომ ეს განსაკუთრებით ახალგაზრდებში შეიძლება უარყოფითად აისახოს თვითშეფასებაზე, სხეულის აღქმასა და ემოციურ მდგომარეობაზე.

1787033494

მის შესახებ ღარიბაშვილი Facebook-ზე გამოქვეყნებულ განცხადებაში წერს.„მე ყველაფერი ვცადე და გავაკეთე, რომ ეს ნაბიჯი არ გადამედგა, სამწუხაროდ, სხვა გზა არ დამიტოვეს, რომ წინ არ აღვუდგე ამ ღირსების შემლახავ ბოროტებას! ამ დაუნდობელ სისასტიკეს, ჩაგვრას/უსამართლობას, ჩემი და ჩემი ოჯახის განადგურების ბინძურ გეგმას!“, – წერს ღარიბაშვილი.მისივე განცხადებით, ხვალ ის ვრცელ წერილს გამოაქვეყნებს და საზოგადოებას საკუთარ სიმართლეს მოუყვება.„დღეიდან, ჩემი და ჩემი ოჯახის უსაფრთხოებაზე სრული პასუხისმგებლობა ეკისრება ბიძინა ივანიშვილს და მთელ ხელისუფლებას!“, – აღნიშნავს ყოფილი პრემიერი.პოსტში ღარიბაშვილი ასევე წერს: „ეს წერილი გამომიგზავნეს ბიძინა ივანიშვილის დავალებით“.ღარიბაშვილი თავის პოსტში აქვეყნებს მიღებული წერილის ფოტოსაც: 

1786969795