AI ქარხნების გამო სომხეთს, შესაძლოა, ელექტროენერგიის იმპორტი დასჭირდეს - მათ შორის საქართველოსგან

12 აგვისტოს ქუთაისის საოლქო საარჩევნო კომისიამ ქალაქის ცენტრში შეკრებილ ახალგაზრდებს საარჩევნო ტექნოლოგიები წარუდგინა და მსურველებს კიდევ ერთხელ საშუალება ჰქონდათ თავად გამოეცადათ თუ როგორ მუშაობს საარჩევნო ელექტრონული აპარატები. ამასთან, ახალგაზრდები გაეცნენ ჟურნალ „არჩევნები 360°“-ის პირველი გამოცემას, რომელიც ელექტრონულ არჩევნებს ეძღვნება. ჟურნალი ამომრჩევლებს საარჩევნო თემებზე მრავალმხრივ ინფორმაციას სთავაზობს და მიზნად ისახავს საარჩევნო პროცესებში ჩართული მხარეებისა და ფართო საზოგადოების სრულყოფილ ინფორმირებას. ამასთან, საოლქო საარჩევნო კომისიის წევრებმა და თავმჯდომარე ლარინა ლალიაშვილმა ღონისძიების მონაწილეებს პირადად მიაწოდეს ინფორმაცია ადმინისტრაციაში მიმდინარე სიახლეების შესახებ. საარჩევნო ადმინისტრაციისთვის განსაკუთრებით მნიშვნელოვანია საარჩევნო პროცესში ახალგაზრდობის აქტიური ჩართულობა და იყენებს ყველა საშუალებას რათა უზრუნველყოს მათი ინფორმირება საარჩევნო საკითხებთან მიმართებაში. სწორედ ამ მიზნით საარჩევნო ადმინისტრაცია ახორციელებს არაერთ პროექტს. ამასთან აქტიურად ერთვება სხვა სტრუქტურებთან თანამშრომლობით გამართულ სოციალურ და საგანმანათლებლო პროექტებში. ახალგაზრდობის საერთაშორისო დღეს ორგანიზება ქუთაისის მუნიციპალიტეტის მერიამ განათლების, მეცნიერებისა და ახალგაზრდობის სამინისტროს სსიპ ახალგაზრდობის სააგენტოსთან პარტნიორობით გაუწია. ამასთან, ღონისძიების ფარგლებში ახალგაზრდულმა ორგანიზაციებმა, საგანმანათლებლო დაწესებულებებმა, სახელმწიფო და საერთაშორისო ორგანიზაციებმა, ინოვაციურმა სტარტაპერებმა მასშტაბური გამოფენა მოაწყვეს. დღის განმავლობაში მოქალაქეებს შესაძლებლობა ჰქონდათ სპეციალურად მოწყობილ საინფორმაციო სივრცეებში გაცნობოდნენ სიახლეებს განათლების, ინოვაციების და კულტურის სფეროებში. თითოეულმა ორგანიზაციამ ინტერაქციულ სივრცეებში ახალგაზრდებს გააცნო თავისი საქმიანობები, მიმდინარე პროექტები და მათთვის ხელმისაწვდომი შესაძლებლობები. საქართველოს საარჩევნო ადმინისტრაცია მუდმივად ერთვება სოციალურ აქტივობებში, რითაც ხელს უწყობს მოქალაქეების და განსაკუთრებით კი ახალგაზრდების ცნობიერების ამაღლებას საარჩევნო პროცესებთან მიმართებაში.

1786625468

ახალმა ელჩმა საქართველო-გერმანიის ურთიერთობებსა და ქვეყნის ევროპულ პერსპექტივაზე ისაუბრა და აღნიშნა, რომ გერმანიის მხარდაჭერა უცვლელი რჩება.„არსებული დაძაბულობა ამძიმებს გერმანიისა და ევროკავშირის ურთიერთობას საქართველოსთან. მიუხედავად ამისა, გერმანიის აქტიური მხარდაჭერა ქვეყნის დემოკრატიული და პროევროპული კურსის მიმართ უცვლელად ძლიერი რჩება“, – აცხადებს ბარბარა ფოსი.საქართველოში ელჩად დანიშვნამდე ბარბარა ფოსი, 2023-2026 წლებში, ინდოეთში, კალკუტას გენერალურ საკონსულოში გენერალური კონსულის თანამდებობას იკავებდა.დიპლომატიურ უწყებაში გამოქვეყნებული ბიოგრაფიის თანახმად, ფოსს საგარეო საქმეთა სისტემაში მუშაობის მრავალწლიანი გამოცდილება აქვს: 2019–2023 - გერმანიის საგარეო საქმეთა სამინისტრო (ბერლინი): მაღრიბის, ახლო და ცენტრალური აღმოსავლეთის ქვეყნებთან კულტურისა და მედიის დარგში თანამშრომლობის დეპარტამენტის უფროსის მოადგილე; 2015–2019 - გერმანიის საგარეო საქმეთა სამინისტრო: საერთაშორისო თანამშრომლობა ტერორიზმის წინააღმდეგ; 2012–2015 - გერმანიის საელჩო ისლამაბადში: ეკონომიკური ურთიერთობების განყოფილების უფროსი; 2009–2012 - გერმანიის საელჩო თელ-ავივში (ისრაელი): კონსული; 2006–2009 - გერმანიის საგარეო საქმეთა სამინისტრო: კადრების განყოფილება; 1996–2005 - გერმანიის საელჩოები ლაგოსში (ნიგერია), დარ-ეს-სალამში (ტანზანია) და გერმანიის მუდმივი წარმომადგენლობა გაეროში (ნიუ-იორკი); 1992–1996 - გერმანიის საგარეო საქმეთა სამინისტრო (ბონი): პოლონეთთან, ჩეხეთსა და სლოვაკეთთან ორმხრივი ურთიერთობების დეპარტამენტი. ბარბარა ფოსმა 1986–1992 წლებში განათლება ფედერაციის უნივერსიტეტში, საგარეო ურთიერთობების მიმართულებით მიიღო, ხოლო 2005-2006 წლებში საგარეო უწყების მაღალი რგოლის თანამდებობისთვის სპეციალური მომზადება გაიარა.

1786622738

აზერბაიჯანის სახელმწიფო სტატისტიკის კომიტეტის მონაცემებზე დაყრდნობით, სააგენტო Report წერს, რომ აღნიშნული მოცულობის ბენზინის ღირებულებამ $2.77 მილიონი შეადგინა, რაც წლიურ ჭრილში 3.4-ჯერ გაზრდილი მაჩვენებელია.ჯამში, აზერბაიჯანმა საანგარიშო პერიოდში AI-92 მარკის 5 365 ტონა ბენზინი $4.36 მილიონად გაიტანა. გასული წლის იმავე პერიოდთან შედარებით, ექსპორტის ღირებულება 2.3-ჯერ, ხოლო მოცულობა 72%-ით გაიზარდა.აზერბაიჯანის AI-92 ბენზინის კიდევ ერთი მნიშვნელოვანი მიმართულება სომხეთი გახდა. წლის პირველ ნახევარში აზერბაიჯანმა სომხეთში 1 951 ტონა ბენზინი $1.59 მილიონად გაიტანა. ერთი წლის წინ ამ მიმართულებით მიწოდება არ განხორციელებულა.ამავე პერიოდში აზერბაიჯანი AI-92 მარკის ბენზინს მხოლოდ რუსეთიდან ყიდულობდა. იანვარ-ივნისში რუსეთიდან იმპორტირებული ბენზინის მოცულობამ 3 414 ტონა, ხოლო ღირებულებამ $2.56 მილიონი შეადგინა. წლიურ ჭრილში ორივე მაჩვენებელი 96%-ით შემცირდა.საქართველოში საწვავის ბაზარზე აზერბაიჯანი ერთ-ერთი მნიშვნელოვანი რეგიონული მომწოდებელია. ამასთან, საქართველოს ენერგეტიკული და ჰუმანიტარული პოლიტიკის ფარგლებში ოკუპირებულ აფხაზეთთან დაკავშირებული საკითხები პერიოდულად მოიცავს მოსახლეობისთვის აუცილებელი რესურსების მიწოდების თემასაც.საქართველოს ხელისუფლება ოკუპირებულ ტერიტორიებზე მცხოვრები მოსახლეობის ჰუმანიტარული საჭიროებების საკითხს ჟენევის საერთაშორისო მოლაპარაკებებისა და შერიგების პოლიტიკის კონტექსტში განიხილავს.პრემიერ-მინისტრმა ირაკლი კობახიძემ 12 აგვისტოს დაადასტურა, რომ ოკუპირებულ აფხაზეთში ბენზინი საქართველოს კონტროლირებადი ტერიტორიიდან შევიდა. მისი თქმით, ეს კერძო ბიზნესმა განახორციელა და არა სახელმწიფომ. 

1786620722

თიბისის მხარდაჭერით,  ბიზნესისა და ტექნოლოგიების უნივერსიტეტთან (BTU) ერთად შექმნილი ტექ ოლიმპიადების ჰაბის მთავარი მიზანი მთელი ქვეყნის მასშტაბით ნიჭიერი მოსწავლეების აღმოჩენა, მათი განვითარება და საერთაშორისო ოლიმპიადებისთვის მომზადებაა. წელს საქართველოს მოსწავლეთა ოლიმპიადაში ინფორმატიკაში 3000-ზე მეტი მოსწავლე ჩაერთო, რაც ტექნოლოგიური განათლების მიმართ ახალგაზრდების მზარდ ინტერესს აჩვენებს.„განათლება გამარჯვებაა! ეს ჩვენთვის მხოლოდ გზავნილი არ არის; ეს არის მიდგომა, რომლის მიხედვითაც ახალგაზრდებისთვის შესაძლებლობების შექმნა ქვეყნის მომავლის მხარდაჭერას ნიშნავს. გვინდა, თითოეულ მოტივირებულ მოსწავლეს ჰქონდეს შესაძლებლობა, მიიღოს ხარისხიანი ტექნოლოგიური განათლება, გამოსცადოს საკუთარი ძალები და გამარჯვება საერთაშორისო ასპარეზზე საქართველოში მიღებული ცოდნით მოიპოვოს“, - ალექსანდრე მაყაშვილი, თიბისის სტრატეგიული პროექტების ლიდი.ჰაბის ფარგლებში ქართველი მოსწავლეები ევროპის და მსოფლიოს მნიშვნელოვან ტექნოლოგიურ შეჯიბრებებში მონაწილეობენ. ევროპის გოგონათა ოლიმპიადაზე ინფორმატიკაში (EGOI) საქართველოს ნაკრებმა 1 ბრინჯაოს მედალი და 1 საპატიო სიგელი მოიპოვა, ხოლო ევროპის ახალგაზრდულ ოლიმპიადაზე ინფორმატიკაში (EJOI) კი 2 ბრინჯაოს მედალი.განსაკუთრებული შედეგით დასრულდა საქართველოს მონაწილეობა ხელოვნური ინტელექტის მე-3 საერთაშორისო ოლიმპიადაში (IOAI 2026). ქართველმა მონაწილეებმა 2 ოქრო, 3 ვერცხლი, 2 ბრინჯაო და 1 საპატიო სიგელი მოიპოვეს. თიბისის მხარდაჭერით, საქართველოს ხელოვნური ინტელექტის ასოციაციის (GAIA)  მიერ მომზადებული სპეციალური საოლიმპიადო კურსის ფარგლებში, საქართველოს AI ნაკრებმა საერთაშორისო ასპარეზისთვის მომზადება ტექ ოლიმპიადების ჰაბში გაიარა.ტექ ოლიმპიადების ჰაბი ასევე მოიცავს ინფორმატიკის საერთაშორისო ოლიმპიადას (IOI), რომელიც მსოფლიოში ყველაზე პრესტიჟული ტექნოლოგიების კონკურსია.STEM მიმართულებებით ახალი თაობის განვითარების ხელშეწყობის მიზნით, თიბისი მხარს უჭერს არაერთ მნიშვნელოვან საგანმანათლებლო ინიციატივასაც. მათ შორისაა ქუთაისის ფიზიკა-მათემატიკის სკოლის რობოტიკის კლუბი და მისი გუნდის მონაწილეობა ფიბონაჩის რობოტიკის საერთაშორისო ოლიმპიადაზე, საქართველოს ეროვნული ნაკრების მონაწილეობა ფიზიკის სტუდენტთა საერთაშორისო ოლიმპიადა PLANCKS-ზე და ქართველი მოსწავლეების მხარდაჭერა GENIUS ოლიმპიადაზე. წელს, თიბისის ხელშეწყობით GENIUS ოლიმპიადაზე საქართველოს სამი წარმომადგენელი გაემგზავრა, მათგან ორმა კი საერთაშორისო ასპარეზი ვერცხლისა და ბრინჯაოს მედლებით დაასრულა.(R)

1786616759

მიჩიგანში ბაზირებული ავტომწარმოებლის განცხადებით, კომპანია აშშ-ში Lincoln-ის წარმოების გაფართოებას 2030 წლიდან გეგმავს. ცნობისთვის, Ford SUV Lincoln Nautilus-ის იმპორტს ჩინეთიდან 2024 წლიდან ახორციელებდა.დაახლოებით სამი წლის წინ, როდესაც Ford-მა Nautilus-ის ჩინური ხანჯოუდან იმპორტის გეგმები გამოაცხადა (სადაც ის Changan Automobile-თან ერთობლივი საწარმოს ფარგლებში იწარმოება), კომპანიამ გადაწყვეტილება ჩრდილოეთ ამერიკაში თავისუფალი საწარმოო სიმძლავრეების დეფიციტით ახსნა. ონტარიოს ქარხანას, სადაც აღნიშნული მოდელი მანამდე იწყობოდა, პროფილი შეეცვალა.გასულ წელს Ford-მა აშშ-ში 34 000-მდე Lincoln Nautilus გაყიდა. შედარებისთვის, 2025 წელს კომპანიამ ბაზარს F-სერიის 829 000-მდე პიკაპი, 223 000-მდე Explorer და 146 000-ზე მეტი Bronco მიაწოდა.წარმოების აშშ-ში დაბრუნების გადაწყვეტილება დონალდ ტრამპის პოლიტიკის ფონზე მიიღება, რომელიც ავტომწარმოებლებზე აქტიურ ზეწოლას ახდენს და იმპორტირებულ ავტომობილებსა თუ სათადარიგო ნაწილებზე მაღალ ტარიფებს აწესებს.პარალელურად, Ford ევროპულ ბაზარზე პოზიციების გამყარებას ცდილობს. კომპანია 2029 წლისთვის ევროპაში 7 ახალი მოდელის ჩაშვებას გეგმავს, რათა გაზარდოს მსუბუქი ავტომობილების გაყიდვები და გაუძლოს ჩინელი კონკურენტების მხრიდან არსებულ მზარდ მეტოქეობას.

1786613580

საქართველოს ინფრასტრუქტურის სამინისტროს საავტომობილო გზების დეპარტამენტის ინფორმაციით, ტენდერი 7 ივლისს გამოცხადდა და წინადადებების წარდგენის თავდაპირველ ვადად 14 აგვისტო იყო განსაზღვრული. ახალი ვადის მიხედვით, მონაწილეებს წინადადებების წარდგენა 24 აგვისტომდე შეეძლებათ.პროექტის საერთო ღირებულება 250 მლნ ევროს შეადგენს. მისი დაფინანსება ევროპის საინვესტიციო ბანკის მიერ გამოყოფილი სესხით განხორციელდება.პროექტის ფარგლებში დაგეგმილია საერთო ჯამში 61.3 კილომეტრის სიგრძის ახალი ოთხზოლიანი ავტომაგისტრალების მშენებლობა.ახალი გზები რუსთავიდან დაიწყება და ორი მიმართულებით, წითელი ხიდისა და სადახლოსკენ გაივლის.

1786613309

საქმის შესწავლის შედეგად დადგინდა, რომ მოვაჭრე სისტემატურად არღვევდა მომხმარებლების მიერ შეძენილი საქონლის მიწოდების ვადებს, ხოლო შეკვეთის გაუქმების შემთხვევაში, მომხმარებლებისთვის თანხის დაბრუნებას არაგონივრული ვადით აგვიანებდა.გარდა ამისა, დარღვევა გამოიკვეთა ხელშეკრულებით შეთანხმებული საქონლის მიწოდების ნაწილშიც. აღნიშნულის გათვალისწინებით, მოვაჭრის ქმედება სააგენტოს მიერ შეფასდა, როგორც მოქმედებით გამოხატული შეცდომაში შემყვანი კომერციული საქმიანობა, რაც ეწინააღმდეგება სამართლიანი ვაჭრობის პრინციპებს და არსებითად აზიანებს მომხმარებელთა ჯგუფის ინტერესებს.სააგენტოს გადაწყვეტილებით, ი/მ ნიკოლოზ ჩახაიას დაევალა, 1 თვის ვადაში სავაჭრო პოლიტიკა კანონის მოთხოვნებთან შეესაბამებინა და აღედგინა მომხმარებელთა დარღვეული უფლებები. დაკისრებული ვალდებულების დადგენილ ვადაში შეუსრულებლობის გამო, მოვაჭრე 1 374 ლარით დაჯარიმდა.ჯარიმის დაკისრება მოვაჭრეს სააგენტოს გადაწყვეტილების შესრულებისა და მომხმარებელთა დარღვეული უფლებების აღდგენის ვალდებულებისგან არ ათავისუფლებს.

1786608149

აქედან, ექსპორტი $4.6 მლრდ იყო (გაიზარდა 21.6%-ით), ხოლო იმპორტი $10.8 მლრდ (გაიზარდა 2.4%-ით). უარყოფითმა სავაჭრო ბალანსმა 2026 წლის იანვარ-ივლისში $6.1 მლრდ შეადგინა, რაც საგარეო სავაჭრო ბრუნვის 39.8%-ია.

1786605902