საქართველოში FDI 19.3%-ით, $1.9 მილიარდამდე გაიზარდა

საქსტატის გამოკვლევის შედეგების მიხედვით, 2Q26-ში სასაკლაოებში დაიკლა 128.1 ათასი სული პირუტყვი, საიდანაც 27.3% – მსხვილფეხა რქოსანი პირუტყვი, 65.6% – ღორი, ხოლო 4.1% ცხვარი და თხა იყო. დანარჩენი პირუტყვის წილი (არ მოიცავს ფრინველს) 3%-ს შეადგენდა. გარდა ამისა, საანგარიშო პერიოდის განმავლობაში სასაკლაოებში დაკლული ფრინველის რაოდენობა 2 942.1 ათასი ერთეულით განისაზღვრა.სასაკლაოების მიერ 2Q26-ში 14.3 ათასი ტონა ხორცი იქნა წარმოებული (იგულისხმება დაკლული წონა, ფრინველის ხორცის ჩათვლით), საიდანაც 31.9% მოდიოდა მსხვილფეხა რქოსანი პირუტყვის ხორცზე, 25% – ფრინველის ხორცზე, 42.5% – ღორის ხორცზე, 0.6% – ცხვრისა და თხის ხორცზე, ხოლო დანარჩენს უმნიშვნელო წილი ეკავა.საანგარიშო პერიოდში მომსახურება გაეწია 7.8 ათას პირს, საიდანაც 48.8% შინამეურნეობების (ოჯახური მეურნეობები) სახით იყვნენ წარმოდგენილნი, სასაკლაოებში დასაქმებულთა საშუალო თვიურმა რაოდენობამ კი 1 076 კაცი შეადგინა.ერთეული პირუტყვის დაკვლაზე მომსახურების საშუალო ფასი შემდეგნაირი იყო: მსხვილფეხა რქოსანი პირუტყვის დაკვლის საფასური – 47 ლარი, ღორის დაკვლის საფასური – 36.7 ლარი, ხოლო ცხვრის ან თხის დაკვლის საფასური – 16.4 ლარი.2Q26-ში საქართველოში 302 ერთეული სამაცივრე მეურნეობა ფუნქციონირებდა, რომელთა უმრავლესობაც (51.7%) შიდა ქართლის რეგიონში იყო განთავსებული. მოქმედი სამაცივრე მეურნეობები ასევე განთავსებული იყო თბილისში (13.9%), აჭარის ა.რ.-ში (8.3%), სამეგრელო-ზემო სვანეთის რეგიონში (7%), იმერეთის რეგიონში (6%), ქვემო ქართლის რეგიონში (4.3%), კახეთის რეგიონში (3.3%), სამცხე-ჯავახეთის რეგიონში (2.6%), მცხეთა-მთიანეთის რეგიონში (1.7%), გურიის რეგიონში (1%) და რაჭა-ლეჩხუმისა და ქვემო სვანეთის რეგიონში (0.3%).2Q26-ში მომსახურება გაეწია 361 მომხმარებელს. მწარმოებელთა და გადამყიდველთა რაოდენობამ, რომელთაგანაც შესყიდულ იქნა პროდუქცია შემდგომი რეალიზაციის მიზნით 863 ერთეული შეადგინა, ხოლო სამაცივრეებში დასაქმებულთა საშუალო თვიური რაოდენობა 1 698 კაცით განისაზღვრა.2Q26-ის განმავლობაში სამაცივრეებში სულ შენახული (განთავსებული) იყო 119.4 ათასი ტონა პროდუქცია, მათ შორის 29.3% – ქათმის ხორცი (გაყინულის ჩათვლით), 25.4% – ხორცი და ხორცპროდუქტები (ნახევარფაბრიკატების ჩათვლით, ქათმის ხორცის გარდა), 20.2% – თევზეული, 9.6% – ხილი და ბოსტნეული, 12.2% – რძის პროდუქტები და 3.3% – სხვა პროდუქტები.2Q26-ში სამაცივრე მეურნეობებში შენახული პროდუქციის მთლიანი მოცულობიდან 22.1%-ს – საკუთარი წარმოების, 21.7%-ს – შემდგომი რეალიზაციის მიზნით შესყიდული, ხოლო 56.1%-ს მომსახურების სახით შენახული პროდუქცია შეადგენდა. ამავე პერიოდში, მომსახურების სახით მიღებულმა შემოსავალმა ₾7.8 მლნ შეადგინა.2Q26-ში სამაცივრე მეურნეობების მიერ გაყიდულ იქნა ₾302 მლნ-ის ღირებულების პროდუქცია (32.1 ათასი ტონა), საიდანაც, ღირებულებით გამოსახულებაში, იმპორტირებულმა პროდუქციამ შეადგინა 35.3%, საკუთარი წარმოების პროდუქციამ – 19.1%, ხოლო გაყიდვის მიზნით შესყიდულმა (ადგილობრივი) პროდუქციამ – 45.7%.ამასთან, საანგარიშო პერიოდში, სამაცივრეების მიერ გაყიდული საკუთარი წარმოების პროდუქციის მთლიანი მოცულობის 66.4% მოდიოდა ხორცსა და ხორცპროდუქტებზე (ნახევარფაბრიკატების ჩათვლით). ამავე პერიოდში, სამაცივრე მეურნეობების მიერ გაყიდული იმპორტირებული პროდუქციის მთლიან ღირებულებაში მნიშვნელოვანი წილი რძის პროდუქტებზე (40%), ხორცსა და ხორცპროდუქტებზე (ნახევარფაბრიკატების ჩათვლით) (22.5%), ქათმის ხორცზე (გაყინულის ჩათვლით) (13.5%) და თევზეულზე (7.8%) მოდიოდა.საანგარიშო პერიოდში, სამაცივრე მეურნეობების მიერ უცხო ქვეყნებში გაყიდული პროდუქციის ღირებულებამ ₾3.8 მლნ შეადგინა, რაც ამავე პერიოდში გაყიდული პროდუქციის მთლიანი ღირებულების 1.2%-ს შეადგენდა. საზღვარგარეთ ძირითადად რეალიზებულ იქნა ხილი და ბოსტნეული. გამოკვლევის შედეგების მიხედვით, კამერების საშუალო დღიური დატვირთვა (პროცენტულად კამერების ჯამური ტევადობიდან) აპრილში შეადგენდა 48.6%-ს, მაისში – 45.7%-ს, ხოლო ივნისში – 52.3%-ს.2Q26-ის განმავლობაში მომსახურება გაეწია 24 მომხმარებელს. მწარმოებელთა და გადამყიდველთა რაოდენობამ, რომელთაგანაც შესყიდულ იქნა პროდუქცია შემდგომი რეალიზაციის მიზნით, 49 ერთეული შეადგინა, ხოლო ელევატორებში დასაქმებულთა საშუალო თვიური რაოდენობა 381 კაცით განისაზღვრა.2Q26-ში, ელევატორებში შენახული (განთავსებული) იყო 116.1 ათასი ტონა პროდუქცია, რომლის 55.1%-ს წარმოადგენდა ხორბალი და 21.4%-ს სოიოს შროტი.საანგარიშო პერიოდში, ელევატორებში განთავსებული პროდუქციის მთლიანი მოცულობის 69.6%-ს ელევატორების მიერ შემდგომი რეალიზაციის მიზნით შესყიდული პროდუქცია შეადგენდა.2Q26-ში, ელევატორების მიერ გაყიდულ იქნა ₾70.3 მლნ-ის ღირებულების 69.4 ათასი ტონა პროდუქცია, საიდანაც 44.1% იყო იმპორტირებული პროდუქცია, ხოლო 47% – ადგილობრივი (საკუთარი წარმოების) პროდუქცია. ელევატორების მიერ საკუთარი წარმოების პროდუქციაში, როგორც მოცულობის, ისე ღირებულების მიხედვით, ჭარბობდა ხორბლის ფქვილი, რომელზეც მოდიოდა ელევატორების მიერ გაყიდული საკუთარი წარმოების პროდუქციის 76.9%.საქსტატის გამოკვლევის შედეგების მიხედვით, ელევატორების საცავების საშუალო დღიური დატვირთვა (პროცენტულად საცავების ჯამური ტევადობიდან) აპრილში შეადგენდა 43.8%-ს, მაისში – 48.6%-ს, ხოლო ივნისში – 51.5%-ს.

1786953989

ღორის რაოდენობა 171.9 ათასი სულით განისაზღვრა, რაც 5.5%-ით ნაკლებია წინა წლის შესაბამის მაჩვენებელზე.ფრინველის რაოდენობა წინა წლის ანალოგიურ მაჩვენებელთან შედარებით 4.8%-ით შემცირდა და 10.6 მილიონი ფრთა შეადგინა.საქსტატის წინასწარი მონაცემებით, 2Q26-ში რძის წარმოებამ 168.8 მილიონი ლიტრი შეადგინა, რაც წინა წლის ანალოგიურ მაჩვენებელზე 8.9%-ით ნაკლებია.ხორცის წარმოებამ 18.2 ათასი ტონა შეადგინა, რაც 2025 წლის შესაბამის პერიოდის მაჩვენებელზე 12.1%-ით ნაკლებია.საანგარიშო პერიოდის განმავლობაში წარმოებულია 178.2 მილიონი კვერცხი, რაც წინა წლის ანალოგიურ მაჩვენებელზე 1.8%-ით ნაკლებია.

1786952041

ერთ-ერთი სისხლის სამართლის საქმის გამოძიებით დადგინდა, რომ აჭარის სატყეო სააგენტოს ხულოს სატყეო ადმინისტრაციის ტყის მცველმა, სახელმწიფო ტყის ფონდის ნაკვეთით სარგებლობის სანაცვლოდ, მოქალაქეს ქრთამის სახით 1 000 აშშ დოლარი გამოართვა. იგი თანხის აღების მომენტში, დანაშაულის ადგილზე დააკავეს.მეორე  სისხლის სამართლის საქმეზე ჩატარებული გამოძიებით გამოვლინდა, რომ სურსათის ეროვნული სააგენტოს რაჭა-ლეჩხუმისა და ქვემო სვანეთის რეგიონული სამსახურის ვეტერინარმა, დადგენილი პროცედურების გვერდის ავლით, დაურეგისტრირებელი საქონლის იდენტიფიკაცია-რეგისტრაციის სანაცვლოდ მოქალაქეს ქრთამის სახით 650 ლარი გამოართვა.გამოძიება  საქართველოს სისხლის სამართლის კოდექსის 338-ე მუხლის პირველი ნაწილით ქრთამის აღების ფაქტზე მიმდინარეობს, რაც სასჯელის სახით 6-დან 9 წლამდე ვადით თავისუფლების აღკვეთას ითვალისწინებს.მესამე სისხლის სამართლის საქმეზე გამოძიებით დადგინდა, რომ შპს „საქართველოს მყარი ნარჩენების მართვის კომპანიის“ ოპერატორმა, ქვემო ქართლის რეგიონში მდებარე ნაგავსაყრელზე ნარჩენების უნებართვო განთავსების სანაცვლოდ, მოქალაქეს 500 ლარი მოსთხოვა და გამოართვა, რა დროსაც საგამოძიებო სამსახურის თანამშრომლებმა დააკავეს.მესამე სისხლის სამართლის საქმეზე გამოძიება საქართველოს სისხლის სამართლის კოდექსის 221-ე მუხლით – კომერციული მოსყიდვის ფაქტზე მიმდინარეობს.

1786950682

შესაბამის განკარგულებას ხელი საქართველოს პრემიერ-მინისტრმა ირაკლი კობახიძემ მოაწერა. თანხა მუნიციპალიტეტს საქართველოს ფინანსთა სამინისტროს გავლით, მთავრობის სარეზერვო ფონდიდან გადაეცემა.გამოყოფილი თანხა თელავში სტიქიის შედეგად დაზიანებული ინფრასტრუქტურისა და სხვა პრობლემების აღმოფხვრისთვის საჭირო სალიკვიდაციო სამუშაოებს მოხმარდება.თელავში სტიქიის შედეგად ინფრასტრუქტურა დაზიანდათელავის მუნიციპალიტეტში ძლიერი სტიქია 12 ივლისს დაფიქსირდა. უხვმა ნალექმა და ღვარცოფულმა პროცესებმა პრობლემები შექმნა როგორც ქალაქში, ისე მიმდებარე ტერიტორიებზე. სტიქიის ზონაში სალიკვიდაციო სამუშაოები რამდენიმე დღის განმავლობაში მიმდინარეობდა.სტიქიის მასშტაბზე მიუთითებს ისიც, რომ შემდგომ მუნიციპალიტეტში თელავის ხევის დაახლოებით 13-კილომეტრიანი მონაკვეთის გაწმენდისა და რეაბილიტაციის საჭიროება გამოიკვეთა. ასევე დაიწყო სტიქიის შედეგად დაზიანებული ინფრასტრუქტურისა და ტერიტორიების შეფასება.სტიქიის შემდეგ განსაკუთრებული ყურადღება დაეთმო თელავის ხევის მიმდებარე ტერიტორიებს. მოგვიანებით ჩატარებული კვლევების საფუძველზე, ხევის 10-მეტრიან ზონაში არსებული ყველა შენობის დემონტაჟიც დაიგეგმა, რაც სტიქიის რისკების შემცირების მიზნით დამატებითი ღონისძიებების საჭიროებაზე მიუთითებს.თელავისთვის ძლიერი ბუნებრივი მოვლენები ახალი გამოწვევა არ არის. ბოლო წლებში მუნიციპალიტეტში არაერთხელ დაფიქსირდა ძლიერი სეტყვა, ქარი და ინტენსიური ნალექი, რაც განსაკუთრებით პრობლემურია სასოფლო-სამეურნეო სექტორისთვის. მაგალითად, 2025 წლის მაისში ძლიერმა სეტყვამ თელავი და სოფელ შალაურის ნაწილი დააზარალა, რის შედეგადაც საკარმიდამო ნაკვეთებში სასოფლო-სამეურნეო კულტურები დაზიანდა.ამ ფონზე, მთავრობის მიერ გამოყოფილი 500 000 ლარი თელავის მუნიციპალიტეტისთვის სტიქიის შედეგად წარმოქმნილი ინფრასტრუქტურული პრობლემების აღმოფხვრისა და აღდგენითი სამუშაოების დასაფინანსებლად იქნება მიმართული.

1786949289

ეგვიპტის ატომური ელექტროსადგურების ორგანოს (NPPA) მიერ „როსატომისთვის“ გაგზავნილ წერილში აღწერილია „ბირთვული უსაფრთხოების კულტურის“ დარღვევები, მათ შორის რეაქტორული ბლოკებისა და საძირკვლის ფილების ბეტონის დეფექტები. ეგვიპტური მხარე რუსულ კომპანიას შეცდომაში შემყვანი მეთოდების გამოყენებასა და ფიქტიური სამუშაოების წარდგენაში ადანაშაულებს, რისი მიზანიც მშენებლობის მაღალი ტემპის ხელოვნური ჩვენება იყო.გარდა საინჟინრო პრობლემებისა, დოკუმენტებში საუბარია არაპროფესიონალურ სამუშაო გარემოზე, სამშენებლო მოედანზე ალკოჰოლის შეტანაზე, საშვების გაყალბებასა და უსაფრთხოების წესების დარღვევით ობიექტის გადაღებაზე. წერილში ასევე აღნიშნულია სამუშაო ადგილზე მომხდარი მძიმე ინციდენტის დაფარვის მცდელობა, როდესაც დაშავებული მუშა საავადმყოფოში სპეციალური სასწრაფო დახმარების ნაცვლად კერძო ავტომობილით გადაიყვანეს.„როსატომის“ შიდა აუდიტის დოკუმენტები ადასტურებს მშენებლობის გრაფიკის შესაძლო 18 თვით გაჭიანურებას და ვალდებულებების შეუსრულებლობის რისკებს. თავად კომპანია ბრალდებებს უარყოფს და აცხადებს, რომ უსაფრთხოების უმაღლეს სტანდარტებს იცავს.აღნიშნული სკანდალი ჩრდილს აყენებს ევროკავშირის ტერიტორიაზე არსებულ „პაქშ II“-ის პროექტს. უნგრეთის ახალმა მთავრობამ, პეტერ მაგიარის ხელმძღვანელობით, ორბანის ეპოქის ამ მასშტაბური პროექტისა და „როსატომთან“ გაფორმებული ხელშეკრულებების გადახედვა უკვე დაიწყო, რაზეც ეგვიპტიდან გაჟონილი ინფორმაცია დამატებით გავლენას იქონიებს.

1786948697

ევროკავშირმა 2026 წლის აგვისტოში ტრანსპორტის ხელმისაწვდომობის ახალი პლატფორმა შექმნა, რომლის მიზანია ევროპისა და ცენტრალური აზიის დაკავშირება შავი ზღვისა და სამხრეთ კავკასიის გავლით. ინფრასტრუქტურის განვითარებისთვის ევროკავშირი საერთაშორისო საფინანსო ინსტიტუტებთან ერთად შავი ზღვის რეგიონსა და სამხრეთ კავკასიაში დაახლოებით 2 მილიარდი ევროს მოზიდვას გეგმავს.ევროკომისარი გაფართოების საკითხებში მარტა კოსი აცხადებს, რომ ტრანსკასპიური მარშრუტით ვაჭრობის მოცულობა მომდევნო 15 წელიწადში შესაძლოა ხუთჯერ გაიზარდოს.დერეფნის მთავარი მონაწილეები ყაზახეთი და აზერბაიჯანი არიან. ყაზახეთის განცხადებით, ქვეყანამ ბოლო შვიდ წელიწადში სატრანსპორტო ინფრასტრუქტურაში 35 მილიარდი დოლარი ჩადო და მომავალშიც გეგმავს ინვესტირების გაგრძელებას, რათა ჩინეთსა და ევროპას შორის მთავარი დამაკავშირებელი რგოლის როლი გაიმყაროს.ტრანსკასპიური მარშრუტის განვითარებაში აქტიურად მონაწილეობენ საერთაშორისო საფინანსო ინსტიტუტებიც. ყაზახეთში ალმათის შემოვლითი 75-კილომეტრიანი სარკინიგზო ხაზის პროექტს დაახლოებით 300 მილიონი დოლარით აფინანსებენ აზიის ინფრასტრუქტურის საინვესტიციო ბანკი და საერთაშორისო საფინანსო კორპორაცია. ქვეყნის საავტომობილო გზების მოდერნიზაციის პროგრამის ღირებულება კი 1,5 მილიარდ დოლარს შეადგენს.გაფართოვდა ყაზახეთის კასპიისპირა პორტების შესაძლებლობებიც. აქტაუსა და ყურიკის პორტებში განხორციელებული პროექტების შედეგად მათი საერთო გამტარუნარიანობა წელიწადში 21,6 მილიონ ტონამდე გაიზარდა. პარალელურად, აზერბაიჯანი და საქართველო ბაქოს პორტისა და ბაქო–თბილისი–ყარსის რკინიგზის გამტარუნარიანობის გაზრდაზე მუშაობენ, რამაც ტვირთების თურქეთისა და ევროპის ბაზრების მიმართულებით გადაზიდვას უნდა შეუწყოს ხელი.მიუხედავად ინფრასტრუქტურის განვითარებისა, „შუა დერეფნის“ გავლით გადაზიდვების მოცულობა ჯერ კიდევ შედარებით მცირეა. 2024 წელს მარშრუტით 4,5 მილიონი ტონა, 2025 წელს კი 4,7 მილიონი ტონა ტვირთი გადაიზიდა. 2030 წლისთვის მიზნობრივი მაჩვენებელი 11 მილიონი ტონაა.ევროკავშირისთვის „შუა დერეფანი“ მნიშვნელოვანია როგორც ჩინეთიდან ტვირთების რუსეთის მარშრუტის ალტერნატივა, ხოლო ჩინეთი მას ევროპისკენ მიწოდების გზების დივერსიფიკაციისა და ცენტრალურ აზიასა და სამხრეთ კავკასიაში ეკონომიკური გავლენის გაძლიერების შესაძლებლობად განიხილავს.

1786948289

გამოცემის ანალიზის თანახმად, ჩინეთის ეკონომიკის ერთ-ერთი მთავარი პრობლემა ჭარბი საწარმოო სიმძლავრეებია. ქვეყანაში წარმოების შესაძლებლობები იმდენად გაიზარდა, რომ შიდა მოთხოვნა უკვე ვეღარ უზრუნველყოფს წარმოებული საქონლის სრულად ათვისებას. შედეგად, კომპანიებისთვის ექსპორტი სულ უფრო მნიშვნელოვანი ხდება.ეს განსაკუთრებით თვალსაჩინოა იმ ინდუსტრიებში, რომლებშიც ჩინეთმა ბოლო წლებში მასშტაბურად გაზარდა წარმოება და ტექნოლოგიური შესაძლებლობები. ელექტრომობილებიდან და ბატარეებიდან დაწყებული, მზის პანელებითა და სხვა სამრეწველო პროდუქციით დამთავრებული, ჩინური კომპანიები მსოფლიო ბაზრებზე სულ უფრო დიდ წილს იკავებენ.პრობლემა ის არის, რომ დანარჩენ მსოფლიოს არ შეუძლია ჩინეთის მზარდი ინდუსტრიული ჭარბწარმოების უსასრულოდ შთანთქმა.სტატიის ავტორის მაიკლ ფრომანის შეფასებით, თუ ჩინეთის ეკონომიკური პოლიტიკა მნიშვნელოვნად არ შეიცვლება და წარმოების ზრდა კვლავ ექსპორტის გაფართოებით დაბალანსდება, სხვა ქვეყნების მხრიდან საპასუხო ზომების მიღების რისკი გაიზრდება.ეს შეიძლება გამოიხატოს: ახალი ტარიფებით; იმპორტის შეზღუდვებით; ანტიდემპინგური ზომებით; ჩინური კომპანიებისთვის ბაზრების დახურვით; ადგილობრივი წარმოების დაცვის პოლიტიკის გაძლიერებით. ამგვარი რეაქციები უკვე შეინიშნება დასავლეთის ქვეყნებში, რომლებიც ცდილობენ დაიცვან საკუთარი ინდუსტრიული ბაზრები ჩინური პროდუქციის მზარდი კონკურენციისგან.რატომ არის ეს პრობლემა თავად ჩინეთისთვის?ჩინეთის ეკონომიკისთვის ექსპორტის ზრდა პრობლემის მხოლოდ დროებითი გადაწყვეტაა. თუ ქვეყნის შიდა მოთხოვნა საკმარისად სწრაფად არ გაიზრდება, წარმოების გაფართოება საბოლოოდ კიდევ უფრო მეტ ჭარბ პროდუქტს შექმნის.ამასთან, სავაჭრო პარტნიორების მხრიდან ახალი ბარიერების დაწესება ჩინურ კომპანიებს გარე ბაზრებზე წვდომას გაურთულებს.შედეგად შეიძლება შეიქმნას ჩაკეტილი წრე: სუსტი შიდა მოთხოვნა → ჭარბი წარმოება → ექსპორტზე გაზრდილი დამოკიდებულება → სავაჭრო პარტნიორების წინააღმდეგობა → ახალი სავაჭრო შეზღუდვები.ფრომანის მსჯელობით, სწორედ ამ პროცესმა შეიძლება გამოავლინოს ჩინეთის ეკონომიკური მოდელის ერთ-ერთი მთავარი სისუსტე.სავაჭრო ომის ახალი ტალღის რისკიჩინეთის ექსპორტის შემდგომი დაჩქარება სხვა ქვეყნებისთვის მხოლოდ ეკონომიკური საკითხი აღარ იქნება. ის სულ უფრო მეტად შეიძლება აღიქმებოდეს როგორც საკუთარი ინდუსტრიული სექტორებისთვის საფრთხე.ამიტომ, თუ პეკინი ჭარბი საწარმოო სიმძლავრეების პრობლემას შიდა მოხმარების გაძლიერებითა და ეკონომიკური მოდელის დაბალანსებით ვერ გადაწყვეტს, მსოფლიო ეკონომიკაში ახალი სავაჭრო დაპირისპირების რისკი გაიზრდება.ამ სცენარში ჩინეთის ეკონომიკური პრობლემა შესაძლოა მხოლოდ ჩინეთის პრობლემა აღარ იყოს და გლობალური ეკონომიკისთვის უფრო ფართო შედეგები გამოიწვიოს.

1786947308

თბილისი (GBC) – ყოველ ოთხ წელიწადში ქართველი პარასპორტსმენები საერთაშორისო ასპარეზზე დიდ წარმატებას აღწევენ. ისინი იგებენ მედლებს, ამყარებენ მსოფლიო რეკორდებს და წერენ ისტორიას. თუმცა, პარალიმპიადის დასრულების შემდეგ, მათი ისტორიები და გამარჯვებები ყურადღების მიღმა რჩება. სწორედ ამიტომ, საქართველოს ბანკი, როგორც პარალიმპიური ნაკრების მთავარი სპონსორი, მიზნად ისახავს, პარასპორტსმენებისა და მათი მიღწევების შესახებ ცნობადობის ამაღლებას და ამ პროცესში ბრენდების შემოერთებას. კამპანიის მიზანია, პარალიმპიელმა ჩემპიონებმა მიიღონ ის ყურადღება, რომელსაც იმსახურებენ.საქართველოს ბანკის კამპანია Art & Qopy დუეტთან თანამშრომლობით შეიქმნა.ჩემპიონები მზად არიან. ახლა ბრენდების ჯერიაკამპანიის ფარგლებში, შეიქმნა პარალიმპიელების ფოტოსერია, რომელშიც ფოტოები ცნობილი სარეკლამო კამპანიების ესთეტიკით არის გადაღებული, თუმცა თითოეულ მათგანში პროდუქტისა და ბრენდისთვის განკუთვნილი ადგილი თავისუფალია. მის ადგილას კი მთავარი კითხვა ჩნდება: „რომელი ბრენდი იმსახურებს ჩემპიონს?“კითხვა ქართული ბიზნესისთვის გამოწვევად იქცევა - შეავსონ ცარიელი ადგილი და დაიწყონ ქართველ პარალიმპიელ ჩემპიონებთან პარტნიორობა.კამპანიაში გამორჩეული ქართველი პარაჩემპიონები მონაწილეობენ, რომელთა შორის არიან გიგა ოჩხიკიძე, ნინა თიბილაშვილი, ირმა ხეცურიანი, გვანცა ზადიშვილი, ნატა ოჩიგავა, ლიკუნა ჩაჩიბაია, ზაკო მუშკუდიანი.„პარასპორტსმენების წარმატებაზე ხშირად მხოლოდ მაშინ ვსაუბრობთ, როცა ისინი მედალს იგებენ. თუმცა, დღეს ჩემპიონების ცნობადობას მხოლოდ მედლები არ განსაზღვრავს. სპორტსმენების ხილვადობას ქმნის ბრენდებთან თანამშრომლობა. თუმცა, ქართველი პარალიმპიელი ჩემპიონები ასეთ შესაძლებლობებს იშვიათად იღებენ.სწორედ ამიტომ, მიზნად დავისახეთ ამ კამპანიით პარალიმპიელი ჩემპიონებისა და მათი მიღწევების შესახებ ცნობადობის ამაღლება. შესაბამისად, კამპანიის მთავარი კითხვაა - “რომელი ბრენდი იმსახურებს ჩემპიონს?” რომელსაც პასუხი ბრენდებმა თავად უნდა გასცენ. მათ შეუძლიათ, პარაჩემპიონებთან თანამშრომლობით არა მხოლოდ საკუთარი კომუნიკაცია გახადონ უფრო საინტერესო, არამედ ხელი შეუწყონ ისეთი გარემოს შექმნას, რომელშიც პარასპორტსმენები მუდმივად დარჩებიან ყურადღების ცენტრში“, - აღნიშნავს მარიამ ცანავა, საქართველოს ბანკის ბრენდის მიმართულების ხელმძღვანელი.(R)

1786728540