მომგებიან ბანკებში კრედო დაწინაურდა

საქართველოს ბანკის Agent orchestrator აგენტების სისტემაა, რომელიც პროგრამული დეველოპმენტის გუნდების წევრის როლში მუშაობს. მას შეუძლია დავალების მიღებიდან საბოლოო შედეგამდე თავად მოიპოვოს საჭირო კონტექსტი, დაგეგმოს სამუშაო, დაწეროს და დატესტოს კოდი და წარადგინოს ის განხილვისთვის. ამასთან, ყველა მნიშვნელოვანი ეტაპს თანამშრომელი აკონტროლებს და წარმოებაში კოდის გაშვებამდე საბოლოო გადაწყვეტილებას დეველოპერი იღებს.Agent orchestrator საქართველოს ბანკის IT გუნდმა შექმნა და ის უკვე რეალურ სამუშაო პროცესში გამოიყენება. სისტემა რამდენიმე AI მოდელს აერთიანებს და ბანკის საკუთარი კოდის ბაზაზე შექმნილ ტექნიკურ ცოდნას იყენებს. მისი ერთ-ერთი მთავარი განსხვავება ტრადიციულ AI coding assistant-ებთან შედარებით ისაა, რომ თანამშრომლის მუდმივი მითითებების ნაცვლად, Agent orchestrator იღებს კონკრეტულ დავალებას და მასზე მუშაობის დასრულების შემდეგ შედეგს წარადგენს.„AI-ის გამოყენებისას ჩვენთვის მნიშვნელოვანია არა მხოლოდ ტექნოლოგიის შესაძლებლობების დემონსტრირება, არამედ ის, თუ როგორ შეიძლება მან რეალურად შეცვალოს სამუშაო პროცესი. Agent orchestrator სწორედ ასეთი მიდგომის მაგალითია - სისტემას ვაძლევთ ამოცანას, ის თავად გადის სამუშაოს ძირითად ეტაპებს, თუმცა გადაწყვეტილების მიღებასა და ხარისხის კონტროლში ადამიანს ცენტრალური როლი რჩება. ეს გვაძლევს შესაძლებლობას, დეველოპერებმა მეტი დრო დაუთმონ იმ ამოცანებს, სადაც გამოცდილება, კრეატიულობა და გადაწყვეტილების მიღებაა საჭირო“, — აცხადებს ვაჟა მანტუა, საქართველოს ბანკის IT დირექტორი.DataIQ Awards მონაცემთა, ანალიტიკისა და ხელოვნური ინტელექტის სფეროში ერთ-ერთი მნიშვნელოვანი საერთაშორისო დაჯილდოებაა, რომელიც სხვადასხვა ინდუსტრიის წამყვან კომპანიებსა და პროფესიონალებს აერთიანებს. 2026 წლის კონკურსში საქართველოს ბანკი ისეთ საერთაშორისო კომპანიებთან ერთად იყო წარმოდგენილი, როგორებიცაა: Lloyds Banking Group , NatWest Group, BNP Paribas Fortis , Schneider Electric, ITV, Burberry, Mars, Aviva, Vodafone, Boots, The Guardian, Domino’s Pizza Group და ა.შ.აღსანიშნავია, რომ საქართველოს ბანკმა DataIQ Awards 2026-ზე ერთდროულად ოთხი ჯილდო მიიღო. ბანკმა გაიმარჯვა როგორც მონაცემთა და AI-ის მიმართულებით გამორჩეული გუნდის, ასევე ინოვაციური ტექნოლოგიური გადაწყვეტილებებისა და ლიდერობის მიმართულებებით. 

1790769720

ერთი გამჭვირვალე ყოველთვიური სააბონენტო მოდელის ფარგლებში, TBC Concept 360 აერთიანებს Visa-სა და Mastercard-ის სადებეტო ბარათებს, Turkish Airlines-თან თანამშრომლობით შექმნილ სამოგზაურო ბარათს, Ertguli საკრედიტო ბარათის ქეშბექს, პერსონალური ბანკირის კონსულტაციას, Visa Concierge-ის მომსახურებასა და მოგზაურობასთან დაკავშირებულ მრავალფეროვან უპირატესობებს.მაღალშემოსავლიანი სეგმენტის მომხმარებლებისთვის, რომელთა ცხოვრების სტილი ხშირ საერთაშორისო მოგზაურობას, პრემიუმ გამოცდილებებსა და ფინანსურ მოქნილობას მოიცავს, TBC Concept 360-ის საბარათე შეთავაზება აერთიანებს ყოველდღიურ ფინანსურ აქტივობასა და ცხოვრებისეულ ღირებულებებს ერთიან საბანკო გამოცდილებად.საბარათე შეთავაზებების მიმართულებით გამოირჩევა ერთგული Visa Platinum საკრედიტო ბარათი, რომელსაც წლიური მომსახურების საკომისიო არ აქვს. აღნიშნული ბარათით, საქართველოში ნებისმიერ POS-ტერმინალზე  ყოველი გადახდისას, მომხმარებლები თანხის 2%-ს ქეშბექის სახით იბრუნებენ. თიბისის 5,000-ზე მეტ პარტნიორ ობიექტში კი,  ქეშბექის ოდენობა 12%-მდე იზრდება.The Digital Banker-ის საერთაშორისო ჯილდო კიდევ ერთხელ უსვამს ხაზს თიბისის მისიას - შექმნას ისეთი ციფრული პროდუქტები და სერვისები, რომლებიც მომხმარებლების რეალურ საჭიროებებსა და ფინანსურ მოთხოვნებს პასუხობს და მათ უმარტივებს ცხოვრებას.

1790767294

მისივე თქმით, თუ აქამდე სესხის მომსახურების კოეფიციენტის 25%-იანი მოთხოვნა 1500 ლარამდე შემოსავლის მქონე პირებზე ვრცელდებოდა, ეს ზღვარი 2027 წლის 1 თებერვლიდან 2000 ლარამდე, ხოლო 2027 წლის 1 სექტემბრიდან 2500 ლარამდე გაიზრდება. აღნიშნული ცვლილება ხელს შეუწყობს მსესხებლების ჭარბვალიანობის რისკების შერბილებასა და ფინანსური სისტემის მდგრადობას.დავითი უტიაშვილის განმარტებით,  ამ დრომდე არსებული მიდგომა 2018 წლიდან მოქმედებს და მსესხებლის შემოსავლის მიხედვით განსაზღვრავს, რა მაქსიმალური წილი შეიძლება მოხმარდეს სესხის მომსახურებას.მისივე თქმით, 2018 წელს, როდესაც საშუალო ხელფასი 1 000 ლარამდე იყო, 1 500 ლარზე ნაკლები შემოსავლის მქონე პირებისთვის სესხის მომსახურების მაქსიმალური ზღვარი 25%-ით, ხოლო 1 500 ლარზე მეტი შემოსავლის შემთხვევაში  50%-ით განისაზღვრა. 2022 წელს შემოსავლის ზრდასთან ერთად შესაბამისი ზღვარი 1 500-დან 2 000 ლარამდე გაიზარდა.„საშუალო ხელფასი უახლოვდება დაახლოებით 2500 ლარს და ვფიქრობთ დროა,  არსებული ზღვარი 2000 ლარიდან 2500 ლარამდე ავწიოთ. ჩვენი მიზანია, დაბალშემოსავლიან მოსახლეობას არ დააწვეს იმაზე მეტი ვალის ტვირთი, რომლის მომსახურებაც მათთვის ფინანსური სტრესის გარეშე რთული იქნება", - აცხადებს დავით უტიაშვილი, საქართველოს ეროვნული ბანკის ფინანსური სტაბილურობის დეპარტამენტის უფროსი.ეროვნული ბანკის შეფასებით, ეტაპობრივი ცვლილება ხელს შეუწყობს როგორც დაკრედიტების პროცესზე გავლენის შემცირებას, ისე მსესხებლებისთვის ვალის ტვირთის ოპტიმალურ დონეზე შენარჩუნებას.

1790762906

ისრაელის ოფიციალური პირების განცხადებით, თვითმფრინავის გატაცების ვერსია გამოირიცხა. არსებული ინფორმაციით, საგანგაშო სიგნალების გააქტიურება ბორტზე პილოტებს შორის ფიზიკურ დაპირისპირებას უკავშირდებოდა.Flydubai-ის ხელმძღვანელობამ ისრაელის სატრანსპორტო უწყებებს აცნობა, რომ დუბაიდან დამატებითი თვითმფრინავი ტაბუკში უნდა გაფრენილიყო და მგზავრები ისრაელში, ბენ-გურიონის აეროპორტში, დაებრუნებინა.ისრაელის პრემიერ-მინისტრის, ბენიამინ ნეთანიაჰუს განცხადებით, „სიტუაცია კონტროლს ექვემდებარება“ და მიმდინარეობს მუშაობა იმისთვის, რომ მგზავრები ისრაელში დაბრუნდნენ.მგზავრების მონაყოლი: ბორტზე კაბინაში ჩხუბი და სისხლი იყოინციდენტის შემდეგ რამდენიმე მგზავრმა და მათმა ახლობლებმა ისრაელის მედიასთან მომხდარის შესახებ ისაუბრეს.ერთ-ერთი მგზავრის თქმით, თვითმფრინავში პანიკა დაიწყო. როდესაც კაბინის კარი გაიღო, მგზავრებმა სისხლი დაინახეს.კიდევ ერთი მგზავრის განცხადებით, ერთ-ერთი პილოტის დაჭრის შემდეგ თვითმფრინავმა სწრაფად დაიწყო სიმაღლის დაკარგვა.„თვითმფრინავში ყვირილი დაიწყო – მგზავრები მიხვდნენ, რომ რაღაც ხდებოდა. როგორც ჩვენ გვესმის, ერთ-ერთ პილოტს დანა დაარტყეს და მძიმედ დაიჭრა, რის შემდეგაც თვითმფრინავზე კონტროლი დაიკარგა. მან სწრაფად დაიწყო დაშვება. ძალიან საშიში იყო“, – განაცხადა მგზავრმა.ერთ-ერთი მგზავრის ნათესავის თქმით, გოგონამ ფრენისას დახმარების ყვირილი გაიგონა. მისი მონაყოლის თანახმად, ერთ-ერთმა მამაკაცმა დანა ამოიღო და გოგონაზე თავდასხმა სცადა, რის შემდეგაც პილოტმა მამაკაცს ხელი დაუჭირა და იატაკზე დააწვინა.„თვითმფრინავმა კონტროლის დაკარგვა დაიწყო. ყველა ყვიროდა, რადგან ეგონათ, რომ დაიღუპებოდნენ. რამდენიმე წუთის შემდეგ კიდევ ორმა პილოტმა თვითმფრინავზე კონტროლი აიღო“, – განაცხადა მგზავრის ნათესავმა.ინციდენტი პილოტებს შორის ჩხუბით დაიწყოისრაელის ტელეკომპანია N12-ის ინფორმაციით, თავდაპირველად გავრცელებული ცნობები პილოტებს შორის „შელაპარაკებისა“ და „ჩხუბის“ შესახებ უფრო სერიოზულ დაპირისპირებაზე მიუთითებს.ერთ-ერთმა მგზავრმა i24NEWS-ს უთხრა, რომ თვითმფრინავში დაახლოებით ორი საათის განმავლობაში ისმოდა ყვირილი და ერთ-ერთ პილოტს დანა დაარტყეს.„ორი საათის განმავლობაში გვესმოდა ყვირილი თვითმფრინავში, ერთ-ერთ პილოტს დანა დაარტყეს, ბევრი სისხლი იყო“, – განაცხადა მგზავრმა.მისივე თქმით, გარკვეულ მომენტში მგზავრებს შეექმნათ შთაბეჭდილება, რომ პილოტებმა თვითმფრინავზე კონტროლი დაკარგეს. ბორტზე მყოფმა ისრაელის მოქალაქეებმა ლოცვა „შმა ისრაელი“ დაიწყეს.მგზავრის თქმით, ისრაელელმა მგზავრებმა თავდამსხმელის განეიტრალებაში მიიღეს მონაწილეობა, ექიმმა და ექთანმა კი დაჭრილ პილოტს პირველადი დახმარება აღმოუჩინეს. ამასთან, თავად მგზავრმა აღნიშნა, რომ მათ არ იცოდნენ, ნამდვილად ტერორისტთან ჰქონდათ თუ არა საქმე.თვითმფრინავმა რამდენიმე წამში დაახლოებით 4 500 მეტრი დაკარგაFlightRadar24-ის მონაცემებით, თვითმფრინავმა ფრენისას რამდენიმე საგანგებო სიგნალი გადასცა. მათ შორის იყო კოდი 7700 – ზოგადი საგანგებო მდგომარეობის საერთაშორისო სიგნალი და 7500, რომელიც უკანონო ჩარევის ან გატაცების შესაძლო შემთხვევაზე მიუთითებს.ფრენის მონაცემების მიხედვით, Boeing 737-მა მცირე დროში დაახლოებით 9 000 მეტრიდან 4 500 მეტრამდე დაკარგა სიმაღლე. თვითმფრინავის სიჩქარე ამ მომენტში დაახლოებით 930 კმ/სთ-ს აღწევდა.ამ მონაცემებმა გააჩინა ვარაუდი, რომ ბორტზე განვითარებული მოვლენები თვითმფრინავისთვის სერიოზულ საფრთხეს ქმნიდა.განიხილება თვითმფრინავის განზრახ ჩამოგდების ვერსიაცინციდენტის მიზეზთან დაკავშირებით რამდენიმე ვერსია კვლავ მოწმდება.ერთ-ერთი მათგანია ვარაუდი, რომ ერთ-ერთ პილოტს შესაძლოა თვითმფრინავის მიწისკენ მიმართვა, ანუ მისი განზრახ ჩამოგდება, ეცადა და ბორტზე მყოფი ადამიანები მის შეჩერებას ცდილობდნენ.თუმცა ეს ვერსია ამ ეტაპზე ოფიციალურად დადასტურებული არ არის. ისრაელის ოფიციალური შეფასებით, თვითმფრინავის გატაცება არ მომხდარა.პილოტების წარმომავლობის შესახებ ცნობებიN12-ის ინფორმაციით, ერთ-ერთი პილოტი რუსული, ხოლო მეორე უკრაინული წარმოშობისაა. მედია ვარაუდობს, რომ მათ შორის კონფლიქტი შესაძლოა რუსეთ-უკრაინის ომთან დაკავშირებული უთანხმოებით ყოფილიყო გამოწვეული.ეს ვერსიაც ამ ეტაპზე დადასტურებული არ არის.ტაბუკში დაშვების შემდეგ ორივე პილოტი საუდის არაბეთის სამართალდამცველებმა თვითმფრინავიდან გაიყვანეს. გავრცელებული ცნობებით, ისინი ერთმანეთის წინააღმდეგ ბრალდებებს კვლავ გამოთქვამდნენ.Flydubai-ის რეისის მგზავრები კი თვითმფრინავში რჩებოდნენ და მათი ისრაელში დაბრუნებისთვის დამატებითი ბორტის გაგზავნა იგეგმებოდა.

1790760145

საარჩევნო ელექტრონული ტექნოლოგიები ცესკოს ლოგისტიკის გუნდმა, წინასწარ განსაზღვრული გრაფიკის შესაბამისად საოლქო საარჩევნო კომისიებს უკვე გადასცა. თავის მხრივ, საოლქო საარჩევნო კომისიები ტექნოლოგიურ საშუალებებს შესაბამის საუბნო საარჩევნო კომისიებს კენჭისყრის წინა დღეს გადასცემენ.3 ოქტომბრის შუალედური არჩევნებისთვის ჯამში 7 საარჩევნო უბანი გაიხსნება. მათგან 4 უბანზე გამოყენებული იქნება ამომრჩეველთა ელექტრონული ვერიფიკაციისა და ხმის დათვლის აპარატები.

1790759005

„საქართველოს ეროვნული ბანკი 2026 წლის ფინანსური სტაბილურობის ანგარიშს აქვეყნებს, რომელიც ქვეყნის ფინანსური სისტემის მდგრადობის, არსებული მოწყვლადობებისა და პოტენციური რისკების კომპლექსურ შეფასებას მოიცავს. ანალიზი ძირითადად საშუალო და გრძელვადიან პერსპექტივაზეა ორიენტირებული და ყურადღებას ამახვილებს როგორც ფინანსური სექტორის მდგომარეობაზე, ასევე ეკონომიკის იმ ძირითად ტენდენციებსა და ფაქტორებზე, რომლებიც ფინანსური სტაბილურობისთვის მნიშვნელოვანია. ანგარიშში შეფასებულია საგარეო სექტორიდან მომდინარე მოწყვლადობები და დეტალურად არის გაანალიზებული შინამეურნეობების, არაფინანსური კომპანიებისა და უძრავი ქონების სექტორებში არსებული ტენდენციები და რისკები. მნიშვნელოვანი ნაწილი ეთმობა უშუალოდ ფინანსური სექტორის ანალიზსა და მისი შოკების მიმართ მდგრადობის შეფასებას. დოკუმენტი ასევე მიმოიხილავს ფინანსური სტაბილურობის ხელშეწყობის მიზნით საქართველოს ეროვნული ბანკის მიერ განხორციელებული პოლიტიკის ღონისძიებებს და აფასებს მათ გავლენას. ამ მიმართულებით განსაკუთრებული ყურადღება ეთმობა როგორც მთლიანად ფინანსური სისტემის მასშტაბით რისკების შემცირებაზე ორიენტირებულ მაკროპრუდენციულ პოლიტიკას, ისე ცალკეული ფინანსური ინსტიტუტების მდგრადობის გაძლიერებისკენ მიმართულ მიკროპრუდენციულ ინსტრუმენტებს.ეროვნული ბანკის ფინანსური სტაბილურობის კომიტეტმა კაპიტალის კონტრციკლური ბუფერის ციკლური კომპონენტი უცვლელად დატოვა. 2026 წლის აგვისტოს მდგომარეობით, საბანკო სექტორი კაპიტალისა და ლიკვიდობის ჯანსაღ მაჩვენებლებს ინარჩუნებს. ამავე პერიოდში, გაცვლითი კურსის ეფექტის გამორიცხვით, საკრედიტო პორტფელის წლიურმა ზრდამ 14.8% შეადგინა, რაშიც ძირითადი წვლილი ბიზნეს სესხების ზრდამ შეიტანა. 2026 წლის პირველი კვარტლის მონაცემებით, სესხების მშპ-თან ფარდობა კვლავ მისი გრძელვადიანი ტრენდის ქვემოთაა, შესაბამისად, საკრედიტო გაპი უარყოფით ნიშნულზე ნარჩუნდება. მიმდინარე წლის პირველ ნახევარში დაფიქსირებული მაღალი ეკონომიკური ზრდის ფონზე სესხების მშპ-თან ფარდობის უარყოფითი გაპი კიდევ უფრო გაიზარდა. კომიტეტის შეფასებით, მდგრადი საკრედიტო აქტივობის შენარჩუნებისა და ეკონომიკური ზრდის ტემპის ეტაპობრივი ნორმალიზების პირობებში, სესხების მშპ-თან ფარდობა დროთა განმავლობაში მის გრძელვადიან დონეს დაუახლოვდება. აღნიშნული დინამიკის გათვალისწინებით, ამ ეტაპზე კაპიტალის კონტრციკლური ბუფერის ციკლური კომპონენტის ცვლილების საჭიროება არ იკვეთება. ამასთან, კომერციული ბანკები კონტრციკლური ბუფერის ნეიტრალური კომპონენტის ეტაპობრივ დაგროვებას დადგენილი გრაფიკის შესაბამისად განაგრძობენ.ფინანსური სტაბილურობის კომიტეტმა სესხის მომსახურების კოეფიციენტის ზღვრების მორიგი რეკალიბრაციის გადაწყვეტილება მიიღო. სესხის მომსახურების კოეფიციენტის ზღვრების თავდაპირველი შეფასება 2017 წლის სტატისტიკურ მონაცემებს ეყრდნობოდა, რომელიც 2022 წელს რიგი ეკონომიკური ნომინალური მაჩვენებლების ზრდის ფონზე განახლდა. მიმდინარე ეტაპზე კვლავ დადგა აღნიშნული კოეფიციენტის ზღვრების რეკალიბრაციის საჭიროება. ბოლო წლებში მაღალი ეკონომიკური ზრდის პარალელურად, მნიშვნელოვნად გაიზარდა ხელფასები და სხვა ნომინალური მაჩვენებლები, რის შედეგადაც არსებული ფიქსირებული ზღვრები სათანადოდ ვეღარ ასახავს მსესხებლების შემოსავლების მიმდინარე განაწილებასა და ვალის ტვირთს. PTI-ის ზღვრების უცვლელად შენარჩუნების შემთხვევაში, მსესხებლების ერთი შემოსავლის კატეგორიიდან მეორეში გადასვლა შესაძლოა ძირითადად ნომინალური შემოსავლების ზრდით იყოს განპირობებული და არა მათი რეალური გადახდისუნარიანობისა თუ რისკის პროფილის არსებითი ცვლილებით. შესაბამისად, ზღვრების განახლება მიზნად ისახავს PTI-ის ჩარჩოს მიმდინარე ეკონომიკურ გარემოსთან შესაბამისობაში მოყვანასა და მაკროპრუდენციული პოლიტიკის თავდაპირველი პოზიციის შენარჩუნებას. ამგვარად, კომიტეტმა მიზანშეწონილად მიიჩნია აღნიშნული მაკროპრუდენციული ინსტრუმენტის რეკალიბრაცია. ამასთან, აღნიშნული ცვლილების მკვეთრი ერთჯერადი ზემოქმედების თავიდან აცილებისა და ეფექტის დროში გადანაწილების მიზნით, კომიტეტის გადაწყვეტილებით, სესხის მომსახურების კოეფიციენტის ზღვარი ეტაპობრივად გაიზრდება. კერძოდ, თუ აქამდე სესხის მომსახურების კოეფიციენტის 25%-იანი მოთხოვნა 1500 ლარამდე შემოსავლის მქონე პირებზე ვრცელდებოდა, ეს ზღვარი 2027 წლის 1 თებერვლიდან 2000 ლარამდე, ხოლო 2027 წლის 1 სექტემბრიდან 2500 ლარამდე გაიზრდება. აღნიშნული ცვლილება ხელს უწყობს მსესხებლების ჭარბვალიანობის რისკების შერბილებასა და ფინანსური სისტემის მდგრადობას.საქართველოს ეროვნული ბანკი განაგრძობს ქვეყნის ფინანსური სტაბილურობის მუდმივ მონიტორინგს, საშინაო და საგარეო რისკების შეფასებას და შესაძლო რისკების მინიმიზაციისთვის მის ხელთ არსებულ ყველა ინსტრუმენტს საჭიროებისამებრ გამოიყენებს.ფინანსური სტაბილურობის კომიტეტის მორიგი სხდომა 2026 წლის 25 ნოემბერს გაიმართება“, – ნათქვამია ფსკ–ის მიერ ოთხშაბათს გავრცელებულ რელიზში.

1790756946

ქუთაისის, ბათუმის, რუსთავის, გორის, ბორჯომის და ზუგდიდის მცხოვრებლები, რომლებიც ნებისმიერი მუნიციპალური ტრანსპორტით სარგებლობისას, მგზავრობის საფასურს  თიბისის ბარათებით  გადაიხდიან, თანხის 50%-ს, ქეშბექის სახით, ერთგულ ყულაბაში მომენტალურად დაიბრუნებენ. სპეციალური პირობა არ ვრცელდება მოსწავლის და ბიზნეს ბარათებზე.ქეშბექის შეთავაზებით მომხმარებლები ულიმიტოდ ისარგებლებენ, რაც იმას ნიშნავს, რომ მგზავრობის საფასურის 50%-ს ყოველი გადახდისას დაიბრუნებენ.შეთავაზების დეტალური პირობების სანახავად ეწვიეთ ბმულს.თუ ჯერ კიდევ არ გაქვთ თიბისის ბარათი, აიღეთ მარტივად, პირდაპირ მობაილბანკიდან, 30 წამში და იმგზავრეთ თიბისისთან ერთად ქუთაისში, ბათუმში, რუსთავში, ბორჯომში, გორსა და ზუგდიდში.

1790755303

თანხის გაყოფის განახლებული შესაძლებლობებითანხის გაყოფის ფუნქციონალში ორი ახალი მეთოდი გახდა ხელმისაწვდომი, რაც მომხმარებლებს შესაძლებლობას აძლევს, საერთო ხარჯები არა თანაბრად, არამედ სხვადასხვა ნაწილად დაყონ. ამისთვის მობილბანკში ორი ფუნქციონალი გაჩნდა: თანხის გაყოფა წილების მიხედვით - მომხმარებლებს შეუძლიათ თითოეული ადამიანისთვის ინდივიდუალური წილი პროცენტულად განსაზღვრონ ან ერთ ადამიანს რამდენიმე წილი მიანიჭონ. ქვითრის მიხედვით განაწილება - ამისთვის საკმარისია აიტვირთოს ქვითრის ფოტო, მოინიშნოს შესაბამისი კონტაქტები და თითოეულმა ადამიანმა ქვითრის მიხედვით განსაზღვროს საკუთარი წილი. ამასთან, თანხის გაყოფა უკვე შესაძლებელია დოლარსა და ევროში განხორციელებული გადარიცხვებისთვისაც.უცხოურ ბანკში გადარიცხვების ტრეკერიუცხოურ ბანკში გადარიცხვების ფუნქციონალში განახლებული ტრეკერი მომხმარებელს საშუალებას აძლევს, შეამოწმოს, რა ეტაპზეა მისი გადარიცხვა. მათ შორის, არის თუ არა თანხა შუამავალ ბანკში, საჭიროა თუ არა დამატებითი დოკუმენტი ან დასრულებულია თუ არა გადარიცხვა წარმატებით.შაბლონის შექმნა პირდაპირ გადახდის პროცესშიკომუნალური და სხვა განმეორებითი გადახდების შესრულებისას მომხმარებელს აღარ სჭირდება ცალკე შაბლონების სივრცეში გადასვლა - IOS-ის მომხმარებლებისთვის შაბლონის შექმნა ახლა უშუალოდ გადახდის გვერდიდან არის შესაძლებელი. სიახლე მალე დაემატება Android-ის მომხმარებლებისთვის.განაახლეთ მობილბანკი და ისარგებლეთ გაუმჯობესებული ფუნქციონალებით.

1790755168