ოქრო NYMEX(უნც.)  1.303.95  +0.68%    |    პლატინა (უნც.)  835.85  +1.12%    |    ვერცხლი (უნც.)  15.383  +1.40%    |    პალადიუმი NYMEX  1.523.60  +0.59%    |    ნიკელი (ტონა)  12.987.5  +0.62%    |    ალუმინი (ტონა)  1.908.5  +0.33%    |    ნავთობი (Brent)  66.98  -0.37%    |    გაზი(NYMEX)  2.830  -0.91%    |    შაქარი LIFFE (ტონა)  12.40  -0.16%    |    ყავა(Robusta), USD (ტონა)  96.97  -0.19%    |    ხორბალი (ტონა)  451.38  -0.14%    |   
 USD 3.1761        EUR 3.5366        GBP 3.9161        RUB 4.5026        UAH 1.1824        AZN 1.8634        AMD 6.5659      
gbc.ge
Eng
შესვლა    რეგისტრაცია
მომხმარებელი
პაროლი
დაგავიწყდათ პაროლი?
ინფორმაციის გამოწერის პირობები
კომპანიის სიახლეები << უკან
მაიკლ ქაუგილი: აშშ-სკენ ავიარეისების დანიშვნა ინვესტორებს ბიზნესის დაწყებას გაუმარტივებს
20 სექტემბერი, 2019, 16:31
მაიკლ ქაუგილი: აშშ-სკენ ავიარეისების დანიშვნა ინვესტორებს ბიზნესის დაწყებას გაუმარტივებს

თბილისი (GBC) - მაიკლ ქაუგილი, ამერიკის სავაჭრო პალატის პრეზიდენტი საქართველოსა და აშშ-ს შორის ავიამიმოსვლის დაწყებაზე მოლაპარაკებებს მნიშვნელოვანს უწოდებს. ამბობს, რომ ყოველწლიურად საქართველოსა და აშშ-ს შორის მიმოსვლა, დაახლოებით, 25%-ით იზრდება და არიან ინვესტორები, რომლებიც პირდაპირი რეისების არარსებობას საქართველოში ბიზნესის დაწყების შემაფერხებელ ფაქტორად მიიჩნევენ, პირდაპირი რეისების დანიშვნა ინვესტორებს ბიზნესის დაწყებას გაუმარტივებს.

მისი თქმით, ამ ინიციატივის განხორციელება ხელს შეუწყობს ბიზნესს, მეტ ინვესტიციებს შემოიტანს და დაეხმარება ტურიზმს, როგორც ამერიკაში, ასევე საქართველოში.

სწორედ ამიტომ ქაუგილი შეხვედრებს, რომლებიც ამ მიზნით მინისტრმა თურნავამ გასულ კვირას United Airlines-სთან და Delta Airlines-სთან გამართა სასიხარულოს უწოდებს.

"ეს მნიშვნელოვანია ეკონომიკური თვალსაზრისით, ვინაიდან ავიაკომპანიები ნახავენ მოგებას, გაიზრდება ბიზნეს მიმოსვლა და, შესაძლოა, ორ ქვეყანას შორის გამარტივებული და გაღრმავებული ბიზნეს ურთიერთობები იქცეს თავისუფალი ვაჭრობის შესახებ შეთანხმებაზე მოლაპარაკებების უფრო წარმატებით და დროულად დასრულების საწინდარი. ამასთან, ბევრი სახელმწიფო მოხელეა, რომელსაც ხშირად უწევს ამერიკასა და რეგიონს შორის მოგზაურობა და საქართველო არის ერთგვარი ჰაბი რეგიონში თავისი ”ღია ცის” პოლიტიკით, რომელსაც შეუძლია მოიზიდოს მეტი მოგზაური სხვადასხვა რეგიონიდან, რადგან მათ შეეძლებათ აშშ-ში წასვლა პირდაპირი რეისით.

ეს არის ის, რასაც ჩვენ დიდი ხანია გვსურს და ასევე ხელს ვუწყობთ ამ საქმეს იმ პოლიტიკოსებთან საუბრისას, რომლებიც ჩამოდიან საქართველოში ვიზიტით და მათთან, ვისაც ვაშინგტონში ვხვდებით. ასე რომ, ჩვენ აღსავსენი ვართ ენთუზიაზმით და მინისტრმა თურნავამ იცის, რომ ჩვენ, ამერიკის სავაჭრო პალატა საქართველოში, ყველაფერს გავაკეთებთ იმისათვის, რომ ეს ინიციატივა რეალობად იქცეს.

ჩვენ ვიცით, რომ ამ ინიციატივის განხორციელება ხელს შეუწყობს ბიზნესს, მეტ ინვესტიციებს შემოიტანს და დაეხმარება ტურიზმს, როგორც ამერიკაში, ასევე საქართველოში", - განაცხადა ქაუგილიმ.

მსგავსი სტატიები
გამოკითხვა
სიახლეების არქივი
ორშ სამ ოთხ ხუთ პარ შაბ კვ
1234567
891011121314
15161718192021
22232425262728
2930     
სპონსორები