დისკუსია სსფ-ისა და მსოფლიო ბანკის წლიური შეხვედრების ფარგლებში იმართება და ეკონომიკური პოლიტიკის მიმართულებით წარმატებული გამოცდილების გაზიარებას ემსახურება. მასში ყოველწლიურად მსოფლიოს ხუთი რეგიონიდან შერჩეული წარმომადგენლები მონაწილეობენ, სესიებს კი სსფ-ის რეგიონული დეპარტამენტების დირექტორები უძღვებიან. წელს „მმართველთა საუბრები“ საქართველოს გარდა, კიდევ ოთხი ქვეყნის - საფრანგეთის, სამხრეთ კორეის, ვენესუელისა და რუანდის ცენტრალური ბანკების პრეზიდენტებთან გაიმართა.სებ-ის პრეზიდენტთან სესიას, სახელწოდებით „ცენტრალური ბანკების როლი ცვალებად სამყაროში - პერსპექტივები საქართველოს ეროვნული ბანკისგან“ მოდერაციას უწევდა სსფ-ის ახლო აღმოსავლეთისა და შუა აზიის დეპარტამენტის დირექტორი ჯიჰად აზური.დისკუსიის ერთ-ერთი მთავარი საკითხი ცენტრალური ბანკების მიერ მონეტარული პოლიტიკის მართვა და ინფლაციური მოლოდინების შენარჩუნება იყო ძლიერი, თანმიმდევრული შოკების ფონზე, რასაც გამოხატული ინფლაციური გავლენა ჰქონდა ქვეყნების უმეტესობაზე.ნათია თურნავას თქმით, მთავარი გამოწვევა ასეთ დროს სანდოობის შენარჩუნებაა. შესაბამისად, ინფლაციური მოლოდინების შეკავება ასეთ გაურკვეველ გარემოში ძალიან სანდო და მკაფიო პოლიტიკურ ქმედებებს მოითხოვს.„ამ თვალსაზრისით, საქართველოს ნამდვილად საკმაოდ პოზიტიური მაჩვენებლები აქვს. ჩვენ მოვახერხეთ ინფლაციური მოლოდინების შენარჩუნება მთელი ამ პერიოდის განმავლობაში, მიუხედავად ყველა საგარეო გამოწვევისა, და გავაძლიერეთ ჩვენი მდგრადობა. ბოლო სამი-ოთხი წლის განმავლობაში ინფლაციას მიზნობრივ მაჩვენებელზე დაბლა ვინარჩუნებდით - 2023-2025 წლებში ჩვენი ინფლაციის საშუალო მაჩვენებელი 2.5% იყო, რაც 3%-იან მიზნობრივ მაჩვენებელზე დაბალია. ახლაც კი, როდესაც განვიცდით გარე ენერგეტიკული შოკის, ახლო აღმოსავლეთის კონფლიქტის გავლენასა და მასთან დაკავშირებულ საწვავის ფასების ზრდას, რაც მყისიერად გადაეცემა ჩვენს ეკონომიკას (რადგან ენერგომატარებლების იმპორტიორი ქვეყანა ვართ), ჩვენი ინფლაციის ძირითადი მაჩვენებელი მიზნობრივს გადასცდა და 5.6%-ს მიაღწია. თუმცა, ისეთი მნიშვნელოვანი და ინფორმაციული ინდიკატორები, როგორიცაა საბაზო ინფლაცია და მომსახურების ინფლაცია, კვლავ მიზნობრივთან ახლოს რჩება (შესაბამისად 3.5% და 3.7%), რაც მიანიშნებს, რომ ინფლაციური მოლოდინები ჯერ კიდევ მყარად არის შენარჩუნებული“, - აღნიშნა ნათია თურნავამ.სებ-ის პრეზიდენტის თქმით, დაბალი ინფლაციის პარალელურად, საქართველოს მაღალი ეკონომიკური ზრდა აქვს, რაც მისი განმარტებით, ძლიერი უნიკალური და ხელსაყრელი კომბინაციაა.ნათია თურნავას განცხადებით, ზრდის მამოძრავებელი ძალები ძირითადად მაღალპროდუქტიული ინდუსტრიებია, რომლებიც არ ქმნიან ინფლაციურ ზეწოლას შიდა მოთხოვნიდან.„შესაბამისად, შეგვიძლია თავს უფლება მივცეთ ვიყოთ უფრო პროაქტიურები. ამიტომაც ავირჩიეთ წინმსწრები და ფრთხილი, მზადყოფნის პოზიცია. ასე იყო კოვიდ პანდემიის დროსაც, როდესაც საქართველოს ეროვნული ბანკი ერთ-ერთი პირველი იყო, ვინც სწრაფად მოახდინა რეაგირება და მონეტარული პოლიტიკის განაკვეთი გაამკაცრა. მოგვიანებით, ჩვენ კვლავ ვიყავით პირველებს შორის, ვინც შერბილება დაიწყო მას შემდეგ, რაც შოკებმა შესუსტება იწყო. დაბალი ინფლაციის პერიოდშიც კი ვინარჩუნებდით ნეიტრალურზე მაღალ პოლიტიკის განაკვეთს ჩვენს რეგიონში ახალი გეოპოლიტიკური კონფლიქტების ესკალაციის გამო. როდესაც ახლო აღმოსავლეთის კონფლიქტი დაიწყო, კარგად ვიყავით მომზადებული, მაგრამ კვლავ წინმსწრები მიდგომა გამოვიყენეთ - 2026 წლის მაისში მონეტარული პოლიტიკის განაკვეთი 0.25%-ით გავზარდეთ, რამაც ფინანსურ ბაზრებს ძალიან ძლიერი სიგნალი მისცა“, - დასძინა ნათია თურნავამ.მისივე განმარტებით, ამ გადაწყვეტილებების მიზანი იყო ინფლაციური მოლოდინების სტაბილურად შენარჩუნება და მეორე რაუნდის ეფექტების მაქსიმალური პრევენცია.„ამ მიდგომის ეფექტიანობას ადასტურებს შედარებით ხისტი ფასების ინფლაციის მაჩვენებლები, რომლებიც სამიზნე მაჩვენებელთან ახლოს ნარჩუნდება“, - განაცხადა ეროვნული ბანკის პრეზიდენტმა.სესიის ფარგლებში ნათია თურნავამ ცენტრალური ბანკის დამოუკიდებლობისა და ძლიერი მმართველობის ჩარჩოს მნიშვნელობაზეც ისაუბრა. მისი შეფასებით, ინსტიტუციური დამოუკიდებლობა მხოლოდ საკანონმდებლო გარანტიებით არ შემოიფარგლება და, უპირველეს ყოვლისა, საკუთარი მანდატის ფარგლებში დროული და სანდო გადაწყვეტილებების მიღებას და მისი მთავარი მიზნების უზრუნველყოფას გულისხმობს. ეროვნული ბანკის პრეზიდენტმა ხაზი გაუსვა საერთაშორისო სავალუტო ფონდთან თანამშრომლობის მნიშვნელობასაც. მისი განცხადებით, თანამშრომლობის ფარგლებში გამოვლინდა მმართველობის ჩარჩოს შემდგომი გაძლიერების შესაძლებლობები და გადაიდგა მნიშვნელოვანი ნაბიჯები ინსტიტუციური განვითარების მიმართულებით.დისკუსიის ერთ-ერთი მთავარი თემა დედოლარიზაცია იყო. ნათია თურნავას განცხადებით, დედოლარიზაციის მდგრადი პროგრესისთვის გადამწყვეტია მაკროეკონომიკური სტაბილურობის შენარჩუნება და ეროვნული ვალუტის მიმართ ნდობის გაძლიერება. ეროვნული ბანკის მიერ განხორციელებული თანმიმდევრული პოლიტიკის შედეგად, მაკროეკონომიკური სტაბილურობის ფონზე, ბოლო ათი წლის განმავლობაში დეპოზიტებისა და სესხების დოლარიზაცია დაახლოებით 25-30 პროცენტული პუნქტით შემცირდა.სესიის დასასრულს სსფ-ის ახლო აღმოსავლეთისა და ცენტრალური აზიის დეპარტამენტის დირექტორმა, ჯიჰად აზურმა, საქართველოს ეროვნული ბანკის პრეზიდენტსა და მის გუნდს ბოლო წლების განმავლობაში მიღწეული შედეგები მიულოცა.„მსურს, მოგილოცოთ თქვენ და თქვენს გუნდს, რომ ბოლო რამდენიმე წლის განმავლობაში ერთ-ერთ ყველაზე რთულ გარემოში საქმიანობის მიუხედავად, შეძელით მაკროეკონომიკური სტაბილურობის უზრუნველყოფა“, - აღნიშნა ჯიჰად აზურმა.მისი შეფასებით, ეროვნული ბანკის მიერ ეკონომიკური ბუფერების ზრდა საგარეო შოკების მიმართ მდგრადობის მნიშვნელოვანი წინაპირობაა. მან ასევე ხაზი გაუსვა საქართველოს პროგრესს ფინანსური სექტორის მოდერნიზაციის, ფინანსური ტექნოლოგიების განვითარებისა და ფინანსური ინოვაციების დანერგვის მიმართულებით.ჯიჰად აზურმა დადებითად შეაფასა საქართველოს ეკონომიკის შედეგები, რომლებმაც, მისი განცხადებით, ყველა პროგნოზს გადააჭარბა. მან ასევე აღნიშნა ეროვნული ბანკის შესაძლებლობა, გაუმკლავდეს სხვადასხვა შოკს, და მაღალი შეფასება მიანიჭა მონეტარული პოლიტიკის მიმართულებით მიღებულ გადაწყვეტილებებს.

1792132784

ამ მიზნით, ბანკი 40-ზე მეტ საგანმანათლებლო პროექტს ახორციელებს და უჭერს მხარს. მათ შორისაა პროგრამები, რომლებიც მონაწილეებს სწავლის საფასურის სრულად დაფინანსების მიღების შესაძლებლობას აძლევს.საქართველოს ბანკის სტიპენდიები ადგილობრივ უნივერსიტეტებშისაქართველოს ბანკი ბაკალავრიატის სტუდენტებისთვის 23 პარტნიორ უნივერსიტეტში სასტიპენდიო პროგრამას ახორციელებს. პროგრამის ფარგლებში ახალგაზრდებს შესაძლებლობას აძლევს, მიიღონ სწავლის სრული ან ნაწილობრივი დაფინანსებაპროგრამაზე რეგისტრაცია დაიწყო. პროგრამის შესახებ დეტალური ინფორმაციისა და განაცხადის პირობების გასაცნობად ეწვიეთ საქართველოს ბანკის სტიპენდიების გვერდს.გიორგი ჩახავას სახელობის სტიპენდია მომავალი არქიტექტორებისთვისსაქართველოს ბანკის სათავო ოფისის ავტორის, გიორგი ჩახავას სახელობის სტიპენდია არქიტექტურისა და მასთან დაკავშირებული სფეროების სტუდენტებს პროფესიული განვითარების შესაძლებლობას აძლევს. ოთხ პარტნიორ უნივერსიტეტში სტუდენტებს სწავლის სრული ან ნაწილობრივი დაფინანსების მიღება შეუძლიათ.პროგრამაზე რეგისტრაცია უკვე დაიწყო. დეტალური ინფორმაციისთვის ეწვიეთ ვებგვერდს.AI სტიპენდია გოგოებისთვის ხელოვნური ინტელექტის განვითარებასთან ერთად, საქართველოს ბანკმა პარტნიორ ორგანიზაციებთან და აკადემიებთან ერთად გოგოებისთვის სპეციალური AI სტიპენდია შექმნა. პროგრამა მონაწილეებს მომავლის ტექნოლოგიების შესწავლას და ახალი პროფესიული შესაძლებლობების შექმნას სთავაზობს. პროგრამაზე რეგისტრაცია დაიწყო, დეტალური ინფორმაციისთვის ეწვიეთ ვებგვერდს.სტიპენდია პროფესიულ აკადემიებში -  ახალი უნარებისა და შესაძლებლობებისთვისიმ ადამიანებისთვის კი, რომლებსაც პროფესიის შეცვლა, ახალი უნარების შეძენა ან კვალიფიკაციის ამაღლება სურთ, საქართველოს ბანკი პროფესიული განათლების სასტიპენდიო პროგრამას ახორციელებს და საქართველოს ნებისმიერ მოქალაქეს აძლევს შესაძლებლობას, სრული დაფინანსებით შეისწავლონ ახალი პროფესიები 20-მდე პარტნიორ აკადემიაში. პროგრამაში მონაწილეობის მსურველთათვის რეგისტრაცია მალე დაიწყება. დეტალური ინფორმაციისთვის ეწვიეთ პროგრამის გვერდს.საქართველოს ბანკის სტიპენდია მოსწავლეებისთვის პროფესიულ აკადემიებში - შეისწავლეთ თქვენთვის საინტერესო მიმართულება სრული დაფინანსებითპროფესიულ აკადემიებში სასტიპენდიო პროგრამის ფარგლებში, საქართველოს ბანკი სკოლის მოსწავლეებსაც აძლევს შესაძლებლობას, დაეუფლონ მათთვის საინტერესო პროფესიებსა და ახალ უნარებს. ინიციატივის ფარგლებში, მოსწავლეებს შეუძლიათ აირჩიონ სასურველი კურსი ბანკის პარტნიორ აკადემიებში და მიიღონ სწავლის საფასურის 100%-იანი დაფინანსება. მიმართულებები მოიცავს ვებპროგრამირებას, გრაფიკულ და UI/UX დიზაინს, IT პროექტების მართვას, პროგრამირების საფუძვლებს, ხელოვნურ ინტელექტსა და სხვა საინტერესო სფეროებს. დეტალური ინფორმაციისა და განაცხადის შესავსებად ეწვიეთ ვებგვერდს.TUMO ქუთაისი - ტექნოლოგიებით დაინტერესებული ახალგაზრდებისთვისსაქართველოს ბანკის მხარდაჭერით, ქუთაისში TUMO-ს ცენტრი გაიხსნა, რომელიც 12-18 წლის ახალგაზრდებს შესაძლებლობას აძლევს, მიიღონ ცოდნა ტექნოლოგიებისა და კრეატიული ინდუსტრიის მიმართულებით, 11 კურსიდან ერთ-ერთზე. ახალგაზრდებს შესაძლებლობა აქვთ, დაეუფლონ პროგრამირებას, რობოტიკას, გრაფიკულ დიზაინს, 3D მოდელირებას და სხვა.TUMO ქუთაისში უკვე 600-მა ახალგაზრდამ დაიწყო სწავლა.თბილისის წიგნის დღეები - ცოდნა წიგნებიდან იწყებაგანათლება მხოლოდ ფორმალურ სწავლებას არ გულისხმობს. ახალი იდეების აღმოჩენა, განსხვავებული პერსპექტივების გაცნობა და ახალი სამყაროების აღმოჩენა წიგნებითაც შეიძლება.სწორედ ამიტომ, 30 ოქტომბრიდან 1 ნოემბრის ჩათვლით, საქართველოს ბანკის მხარდაჭერით, Expo Georgia-ში თბილისის წიგნის დღეები გაიმართება. ღონისძიება მკითხველებს წიგნებისა და ახალი იდეების გარშემო გაერთიანების შესაძლებლობას აძლევს.დეტალური ინფორმაციისთვის ეწვიეთ თბილისის წიგნის დღეების გვერდს.ეს საქართველოს ბანკის მიერ განხორციელებული საგანმანათლებლო ინიციატივების მხოლოდ ნაწილია. დამატებითი ინფორმაციისა და სხვა შესაძლებლობების აღმოსაჩენად ეწვიეთ ვებგვერდს ganatleba.bog.ge.(R)

1792132482

ბანკმა ასევე მიიღო მსოფლიოში საუკეთესო AI გადაწყვეტის ჯილდოები შემდეგ კატეგორიებში: საუკეთესო ფინტექ AI (სამომხმარებლო მიმართულებით); საუკეთესო AI ბანკი გადახდებში (კორპორატიული მიმართულებით) და საუკეთესო აპლიკაცია ფინანსური ინკლუზიურობისთვის (სამომხმარებლო მიმართულებით).Global Finance-ის 27-ე ყოველწლიური World’s Best Digital Bank Awards პროგრამის ფარგლებში კი საქართველოს ბანკი, გლობალური და რეგიონული გამარჯვებულის ტიტულთან ერთად,  დაჯილდოვდა საუკეთესო ონლაინ პროდუქტების შეთავაზების და დაკრედიტების მიმართულებითაც.ჯამში ბანკმა Global Finance-ის დაჯილდოებების მეორე რაუნდში 11 გლობალური და რეგიონული ჯილდო მიიღო.გამარჯვებულები ექსპერტების შეფასებისა და გამოცემის სარედაქციო გუნდის საბოლოო გადაწყვეტილების საფუძველზე შეირჩნენ. ციფრული ბანკების შეფასებისას ყურადღება ექცევა ციფრული სტრატეგიის ეფექტიანობას, მომხმარებლების მოზიდვასა და ციფრული სერვისების გამოყენების ზრდას, შეთავაზებული პროდუქტების მრავალფეროვნებას, დანერგილი ინიციატივების პრაქტიკულ სარგებელსა და ციფრული არხების ფუნქციურობას. AI მიმართულებით კი ჯილდოები ფინანსურ სექტორში ხელოვნური ინტელექტის გამოყენების გამორჩეულ მაგალითებს წარმოაჩენს.“ხელოვნური ინტელექტის გამოყენებისას ჩვენთვის მთავარი მისი პრაქტიკული ღირებულებაა - როგორ გვეხმარება ის მომხმარებლის საჭიროებების უკეთ გაგებაში, მომსახურების პერსონალიზებასა და უფრო ეფექტიანი პროცესების შექმნაში. Global Finance-ის მიერ საქართველოს ბანკის აღიარება მსოფლიოში საუკეთესო AI ბანკად გვაძლევს დამატებით მოტივაციას, გავაგრძელოთ AI-ის პასუხისმგებლიანი გამოყენება, როგორც ფიზიკური პირების, ისე ბიზნესის მომსახურების გასაუმჯობესებლად. მინდა, მადლობა გადავუხადო ჩვენი გუნდის თითოეულ წევრს, რომელთა დამსახურებაცაა აღნიშნული ჯილდო”, - განაცხადა მიხეილ ნადარეიშვილმა, საქართველოს ბანკის მონაცემთა ანალიტიკის გუნდის ხელმძღვანელმა.“ჩვენთვის ციფრული ბანკინგის განვითარება მხოლოდ ტექნოლოგიური სიახლეების დანერგვას არ ნიშნავს. მთავარი მიზანია, მომხმარებლებს შევთავაზოთ მის საჭიროებებზე მორგებული პროდუქტები და შესაძლებლობები, რომლებიც ყოველდღიურ ცხოვრებაში რეალურ სარგებელს ქმნის. Global Finance-ის ეს აღიარება მომხმარებელზე ორიენტირებული მიდგომის მნიშვნელოვანი შეფასებაა. ჩვენ განვაგრძობთ ციფრული პროდუქტების განვითარებას, რათა საბანკო მომსახურება კიდევ უფრო ხელმისაწვდომი, მოქნილი და პერსონალიზებული გავხადოთ“, - განაცხადა გიორგი ვახტანგიშვილმა, ციფრული საბანკო მომსახურების დეპარტამენტის დირექტორმა.Global Finance 1987 წელს დაარსდა და 193 ქვეყანაში 50,000-ზე მეტ მკითხველს აერთიანებს. იგი რეგულარულად აჯილდოებს საუკეთესო ბანკებსა და ფინანსური სერვისების სხვა პროვაიდერებს. მისი ჯილდოები გლობალური ფინანსური საზოგადოებისთვის სანდოობისა და მაღალი სტანდარტის ნიშნად ითვლება.(R)

1792074900

ევროკავშირიდან ტრანსფერებით, იტალია ლიდერობს, საიდანაც ივლისში $54 მლნ-მდეა შემოსული (08/2026 - $55.2 მლნ)უცხოეთიდან საქართველოში ფულადი გზავნილების 74.5% იმ უმსხვილეს 6 ქვეყანაზე  მოდის, საიდანაც გზავნილების მოცულობა სექტემბერში 11 მლნ აშშ დოლარს აღემატებოდა. მ.შ. აღარაა რუსეთი, საიდანაც საანგარიშო თვეს $7.86 მლნ შემოვიდა.

1792074370

სწორედ ამიტომ, საქართველოს ბანკი, როგორც განათლების მთავარი მხარდამჭერი, 40-ზე მეტ საგანმანათლებლო პროექტს ახორციელებს და უჭერს მხარს.აღმოაჩინე შენზე მორგებული შესაძლებლობები - საქართველოს ბანკის განათლების პროგრამებზე განაცხადების მიღება დაიწყო:თუ ბაკალავრიატზე სწავლობ - გაეცანი საქართველოს ბანკის სასტიპენდიო პროგრამასსაქართველოს ბანკი 23 პარტნიორ უნივერსიტეტში ბაკალავრიატის სტუდენტებს სწავლის სრული ან ნაწილობრივი დაფინანსების მიღების შესაძლებლობას აძლევს. თუ სწავლის გაგრძელება და აკადემიური მიზნების მიღწევა გსურს, გაეცანი პროგრამის პირობებს და შეავსე განაცხადი. დეტალური ინფორმაცია ხელმისაწვდომია ბმულზე.თუ არქიტექტურა გაინტერესებს - აღმოაჩინე გიორგი ჩახავას სახელობის სტიპენდიამომავალი არქიტექტორებისთვის შექმნილი პროგრამა სტუდენტებს ოთხ პარტნიორ უნივერსიტეტში სწავლის სრული ან ნაწილობრივი დაფინანსების მიღების შესაძლებლობას სთავაზობს. პროგრამაზე რეგისტრაცია უკვე დაიწყო. მონაწილეობის პირობების გასაცნობად ეწვიე ვებგვერდს.თუ ხელოვნური ინტელექტი გაინტერესებს - გაეცანი AI სტიპენდიას გოგოებისთვისტექნოლოგიები ახალ პროფესიულ შესაძლებლობებს ქმნის. საქართველოს ბანკი პარტნიორ ორგანიზაციებთან და აკადემიებთან ერთად გოგოებისთვის სპეციალურ AI სასტიპენდიო პროგრამას ახორციელებს, რომელიც ხელოვნური ინტელექტის მიმართულებით ცოდნის მიღებასა და განვითარებას უწყობს ხელს. პროგრამაზე განაცხადების მიღება დაიწყო. დეტალური ინფორმაციისთვის ეწვიე ვებგვერდს.თუ ახალი პროფესიის შესწავლა ან პრაქტიკული უნარების განვითარება გსურს - გაეცანი პროფესიული განათლების პროგრამებსსაქართველოს ბანკი პროფესიული განათლების მიმართულებითაც ქმნის შესაძლებლობებს. პროფესიული აკადემიების სასტიპენდიო პროგრამის ფარგლებში, საქართველოს მოქალაქეებს პარტნიორ აკადემიებში ახალი პროფესიების სრული დაფინანსებით შესწავლის შესაძლებლობა ექნებათ. პროგრამაზე რეგისტრაცია მალე დაიწყება.ამასთან, სკოლის მოსწავლეებს პარტნიორ აკადემიებში სხვადასხვა მიმართულების კურსებზე სწავლის საფასურის 100%-იანი დაფინანსების მიღება შეუძლიათ. მიმართულებებს შორისაა ვებპროგრამირება, გრაფიკული და UI/UX დიზაინი, IT პროექტების მართვა, პროგრამირების საფუძვლები და ხელოვნური ინტელექტი. განაცხადის პირობების გასაცნობად ეწვიე საქართველოს ბანკის საგანმანათლებლო პროექტების გვერდს.თუ ტექნოლოგიებისა და კრეატიული ინდუსტრიების აღმოჩენა გსურს - აღმოაჩინე TUMO ქუთაისისაქართველოს ბანკის მხარდაჭერით გახსნილი TUMO ქუთაისი 12-18 წლის ახალგაზრდებს ტექნოლოგიებისა და კრეატიული ინდუსტრიების მიმართულებით ცოდნის მიღების შესაძლებლობას აძლევს. ცენტრში ახალგაზრდებს შეუძლიათ, ისწავლონ პროგრამირება, რობოტიკა, გრაფიკული დიზაინი, 3D მოდელირება და სხვა მიმართულებები.საქართველოს ბანკისთვის განათლების მხარდაჭერა ადამიანებისთვის საკუთარი ინტერესების აღმოჩენისა და განვითარების შესაძლებლობების შექმნას გულისხმობს. ბანკის მიერ შექმნილი შესაძლებლობების შესახებ დეტალური ინფორმაციის მისაღებად ეწვიე ვებგვერდს ganatleba.bog.ge(R)

1792066672

Euromoney Foreign Exchange Awards სავალუტო ბაზრის ერთ-ერთი მნიშვნელოვანი საერთაშორისო დაჯილდოებაა, რომელიც მსოფლიოს სხვადასხვა ქვეყნისა და რეგიონის წამყვან ფინანსურ ინსტიტუტებს აფასებს. ჯილდოს ფარგლებში ყურადღება ექცევა ბანკების ფინანსურ შედეგებს, ინოვაციებს, კლიენტებისთვის შექმნილ ღირებულებასა და ბაზარზე გავლენას.Euromoney-ის შეფასებით, 2025 წელს თიბისიმ კიდევ უფრო გააძლიერა სავალუტო მომსახურება და ციფრული შესაძლებლობები, მათ შორის, მომხმარებლის საჭიროებებზე მორგებული სავალუტო ოპერაციების მიმართულებით. გასულ წელს საქართველოში განხორციელებული სავალუტო ოპერაციების დაახლოებით 42% თიბისიზე მოდიოდა.საერთაშორისო პარტნიორებთან თანამშრომლობის ფარგლებში, Bloomberg-ის პლატფორმის საშუალებით განხორციელებული სავალუტო ოპერაციების მოცულობამ 2025 წელს 5.6 მილიარდი დოლარი შეადგინა. ამასთან, ბანკის სავალუტო მიმართულებიდან მიღებული შემოსავლების 80%-ზე მეტი მომხმარებლების მიერ განხორციელებულ ოპერაციებზე მოდიოდა.Euromoney-ის მიერ თიბისის საქართველოს საუკეთესო სავალუტო ბანკად დასახელება მნიშვნელოვანი საერთაშორისო აღიარებაა. სავალუტო ბაზარი გლობალური ფინანსური სისტემის ერთ-ერთი ყველაზე კონკურენტული მიმართულებაა, სადაც წარმატებას განსაზღვრავს როგორც ბაზრის მასშტაბი, ისე მომსახურების ხარისხი, ტექნოლოგიური შესაძლებლობები და საერთაშორისო ბაზრებთან დაკავშირების უნარი. ამ მიმართულებაში ქვეყნის საუკეთესო ბანკად დასახელება ადასტურებს, რომ თიბისის სავალუტო მომსახურება და შესაძლებლობები საერთაშორისო, ავტორიტეტული ფინანსური გამოცემის შეფასებითაც საუკეთესოა.(R)

1792064033