საქართველოს წყალმომარაგების რეგულირების მოდელი საუკეთესოა - ხოსე ენრიკ...

ჯივიპი LUOW-ის წევრობაზე ნომინირებული იყო კომპანიის საერთო პროდუქტიულობის, წყალმომარაგების ქსელების ოპერირებისა და მდგრადი ფინანსური რესურსის შექმნის კატეგორიებში. აღნიშნული მიმართულებებით კომპანიამ ბოლო სამი წლის განმავლობაში მნიშვნელოვან მაჩვენებლებს მიაღწია, რისი შესაძლებლობაც წყალმომარაგების სექტორის რეგულაციებმა და განხორციელებულმა ინვესტიციებმა შექმნა.“საქართველოს წყალმომარაგების რეგულირების სისტემა საუკეთესოა იმ 18 ქვეყანასთან შედარებით, სადაც ჩვენ ვოპერირებთ. ჩვენ ამ მოდელს წარმატებული მაგალითის სახით უკვე ვთავაზობთ სხვადასხვა ქვეყნებს, რადგან ეს არის მიდგომა, რომელიც ხელს უწყობს ინვესტორს გააუმჯობესოს ეფექტიანობა, გაზარდოს ინვესტიცია და მიაღწიოს საუკეთესო შედეგებს, რაც საბოლოო ჯამში ხელს უწყობს ქვეყანაში კერძო ინვესტიციების ზრდას და სისტემის განვითარებას.” - ხოსე ენრიკე ბოფილი, Aqualia-ს აზია აფრიკის რეგიონალური დირექტორი.“Aqualia მრავალწლიანი გამოცდილების მქონე საერთაშორისო კომპანიაა, რომელსაც არაერთ ქვეყანაში და ქალაქში აქვს მოწესრიგებული წყალმომარაგების და წყალარინების სისტემა. საქართველოს ბაზარზე შემოსვლისთვის Aqualia-სთვის გადამწყვეტი იყო  ჩვენს ქვეყანაში არსებული ევროპული რეგულაციები,  წყალმომარაგების სფეროში არსებული ღია და გამჭვირვალე მარეგულირებელი წესები და ნორმები.Aqualia-მ ჩვენი რეგულირების ქვეშ უკვე რამდენიმე მნიშვნელოვანი ნაბიჯი გადაიდგა - გაიზარდა საინვესტიციო პაკეტი და კომპანია ოპერირების ახალ, ევროპულ მოდელზე გადავიდა. მოხარული ვართ, რომ ჯივიპის განვითარების პროცესი საერთაშორისო ასპარეზზეც შესამჩნევი გახდა, რასაც ადასტურებს კომპანიის მიერ მოპოვებული გავლენიანი საერთაშორისო ქსელის წევრობა. ვიმედოვნებთ, რომ ჩვენი რეგულაციების ხელშეწყობით მომავალში  კიდევ უფრო გააუმჯობსესდება თბილისის, რუსთავისა და მცხეთის წყალმომარაგება.” - დავით ნარმანია, საქართველოს ენერგეტიკისა და წყალმომარაგების მარეგულირებელი ეროვნული კომისიის თავმჯდომარე.“მსოფლიოს წამყვანი კომუნალური კომპანიების (LUOW) წევრობა პირველ რიგში ჩვენ მიერ მიღწეული შედეგების აღიარებას ნიშნავს და ასევე, წყალმომარაგების სფეროში წარმატებული საერთაშორისო კომპანიების გამოცდილებისა და ცოდნის გაზიარებას გულისხმობს. მიუხედავად რთული გამოწვევებისა, ჩვენ ჯივიპიში არაერთი მიმართულებით ვაჩვენეთ პროგრესი, რის შედეგადაც LUOW-ის წევრობა მოვიპოვეთ. ახლა კი გვეძლევა შესაძლებლობა თბილისის წყალმომარაგების გასაუმჯობესებლად გამოვიყენოთ ის ცოდნა და გამოცდილება, რაც წყალმომარაგების კომპანიებს, მთავრობებსა და ოპერატორებს აქვთ მსოფლიოს სხვადასხვა ქალაქში”. - ხოსე მიგელ სანტოს გონსალესი, ჯივიპის გენერალური დირექტორი.ჯივიპიმ LUOW-ის წევრობა მიმდინარე წლის 12-14 მაისს, პარიზში გამართულ გლობალურ წყლის სამიტზე მიიღო. აღნიშნული სამიტი წყლის სექტორში მსოფლიოში ყველაზე გავლენიანი ღონისძიებაა, რომელიც წამყვანი კომუნალური სერვისების კომპანიებს აღმასრულებელ დირექტორებს, ინვესტორებსა და ინოვატორებს აერთიანებს.

სსფ–მ საქართველოში „მეოთხე მუხლის კონსულტაციები" დაიწყო

მისიამ, რომელსაც ხელმძღვანელობს ალეხანდრო ჰაჟდენბერგი, პირველი შეხვედრა ფინანსთა მინისტრთან, ლაშა ხუციშვილთან გამართა.მიმდინარე მისიის მიზანია, საერთაშორისო სავალუტო ფონდის მიერ საქართველოში არსებული მაკროეკონომიკური მდგომარეობის, ქვეყნის ფისკალური და მონეტარული პოლიტიკის განხილვა.ლაშა ხუციშვილმა მისიის წევრებს გააცნო ეკონომიკაში არსებული ვითარება, 2025 წლის  ბიუჯეტის შესრულების მაჩვენებლები და საშუალოვადიანი პერიოდის პროგნოზები.შეხვედრას ქართული მხრიდან დაესწრნენ ფინანსთა მინისტრის მოადგილეები გიორგი კაკაურიძე, ეკატერინე გუნცაძე, მაკროეკონომიკური ანალიზისა და ფისკალური პოლიტიკის დაგეგმვის დეპარტამენტის ხელმძღვანელი ვახტანგ ჩალაფეიქრიშვილი.

„რიყის დოქებს“ დაანგრევენ, „მშვიდობის ხიდს“ – არა

„რიყის დოქების" ადგილზე რა აშენდება, მოლაპარაკებების პროცესში დაზუსტდება, თუმცა ჩვენთვის პრინციპულად მნიშვნელოვანია, რომ პროექტი, რომელიც განხორციელდება, იყოს შერწყმული ძველი თბილისის გარემოსთან“, - თქვა კობახიძემ.როგორც მთავრობის მეთაურმა აღნიშნა, „მახინჯი დოქები არ ეკადრება ლამაზ დედაქალაქს“. „მე არქიტექტორი არ ვარ, მაგრამ მგონია, რომ ეს სიმახინჯე არ ეკადრება ჩვენს ლამაზ დედაქალაქს. ჩვენ ყურადღებას მივაქცევთ იმას, რომ პროექტი, რომელიც განხორციელდება იმ ადგილზე, იყოს ჰარმონიულად შერწყმული ძველი თბილისის გარემოსთან. საუბარია კონკრეტულ პროექტზე, რომელიც უნდა განხორციელდეს მახინჯი დოქების ადგილას. რა აშენდება, ეგ დაზუსტდება მოლაპარაკებების პროცესში, თუმცა ჩვენთვის პრინციპულად მნიშვნელოვანია, რომ პროექტი, რომელიც განხორციელდება, იყოს შერწყმული ძველი თბილისის გარემოსთან", - განაცხადა კობახიძემ.კითხვაზე, იმავეს უპირებენ თუ არა „მშვიდობის ხიდს", მან აღნიშნა, რომ არა.ბიზნესმენ დავით ხიდაშელის საკუთრებაში არსებული ე.წ. რიყის დოქები მიმდინარე წელს გაიყიდა. უფრო კონკრეტულად, ბიზნეს რეესტრის მიხედვით, რიყის დოქების მესაკუთრე შპს „რიყე დომი“ გახდა, რომელიც შპს ნ.გ.ბ. ეკუთვნის, ხოლო კომპანიის დირექტორი მიხეილ ტყეშელაშვილია. თავის მხრივ შპს ,,ნ.გ.ბ.” -ს მესაკუთრე თორნიკე კოპალიანია, რომელიც სამეწარმეო რეესტრის მიხედვით ფლობს შპს ბამბუ გარდენსის წილის 10%-ს და თავადაა დირექტორი, შპს 3ფ-ს 100%-ს, შპს თპ კომპანის 100%-ს, მეღვინეობა ხვამლის 100%-ს. მისი თანასაკუთრებაა კოოპერატივი უდაბნო-ლახირიც.ე.წ. რიყის დოქები სახელმწიფო ქონების ეროვნულმა სააგენტომ მეშვიდე მცდელობაზე, ელექტრონულ აუქციონზე 10 020 000 ლარად 2022 წელს გაყიდა. ქონება Global Victory Trust-მა შეიძინა, რომლის ერთ-ერთი აქციონერი დავით ხიდაშელის კომპანია იყო. აუქციონის პირობების მიხედვით, კომპანიას სახელმწიფოს წინაშე ჰქონდა ვალდებულება, 36 თვის ვადაში, ტერიტორიაზე ღვინის, ციფრული ხელოვნების და ტექნოლოგიების მუზეუმი, ასევე საგამოფენო და საკონფერენციო სივრცეები მოეწყო, რისთვისაც არანაკლებ 20 მლნ ლარის ინვესტიცია უნდა განეხორციელებინა.რიყის დოქების გარდა, მიმდინარე წელს ბიზნესმენ დავით ხიდაშელს სახელმწიფომ კურორტი ლიბანი და ახტალა ჩამოართვა. ხიდაშელმა რამდენიმე თვის წინ სახელმწიფოს რაჭის ტყეების 49 წლიანი ლიცენზიაც დაუბრუნა.

ბათუმში ბინების გაყიდვები 6.7%-ით შემცირდა

ბათუმში 2025 წლის აპრილში ახალაშენებული ბინების საშუალო შეწონილი ფასი 9.1%-ით გაიზარდა და კვ.მ-ზე 1,201 აშშ დოლარი შეადგინა.ამასთან, ბათუმში 2025 წლის აპრილში ახალაშენებული ბინების ტრანზაქციების რაოდენობა 3.9%-ით შემცირდა, ძველი ბინების შემთხვევაში კი 28.2%-იანი კლება დაფიქსირდა.  

თბილისში ახალი ბინების საშუალო გასაყიდი ფასი 13%-ით გაიზარდა

ზრდის განმაპირობებელი ძირითადად პირველადი ბაზარია, სადაც ქალაქის მასშტაბით საშუალო შეწონილი ფასი 13.8%-ით გაიზარდა. (პირველად ბაზარზე ზოგიერთი ტრანზაქციები გვიან რეგისტრირდება, რის გამოც ფასების ზრდის ტრენდი არ ასახავს რეალობას.) ახალაშენებული ბინების მეორეულ ბაზარზე კი საშუალო შეწონილი ფასი ქალაქის მასშტაბით 5.5%-ით გაიზარდა.2025 წლის აპრილში თბილისში საცხოვრებელი ბინების ტრანზაქციების რაოდენობამ 3,256 ერთეული შეადგინა და წინა წლის მარტთან შედარებით მცირე 2.6%-იანი კლება დაფიქსირდა. ბაზრის ზომა 6.6%-ით, 244 მილიონ აშშ დოლარამდეა გაზრდილი. 2025 წლის აპრილში თბილისში ძველი ბინების საშუალო შეწონილი გასაყიდი ფასი 2024 წლის აპრილთან შედარებით 7.5%-ით გაიზარდა გარეუბანში, ქალაქის ცენტრში - 4.4%-ით, ხოლო ფართო ცენტრში სულ რაღაც 1.5%-იანი კლება დაფიქსირდა.recov.ge-ის ინფორმაციით, 2025 წლის აპრილში თბილისში ახალ პროექტებში ტრანზაქციების 5%-იანი ზრდა ფიქსირდება, ტრანზაქციების რაოდენობის ზრდა მოხდა პირველადი ბაზრის ხარჯზე. გასათვალისწინებელია, რომ ახალ კორპუსებში პირველად ბაზარზე ტრანზაქციების ნაწილს დეველოპერები გვიან არეგისტრირებენ, რაც ართულებს პირველადი ბაზრის ზუსტი სურათის აღქმას. ძველ პროექტებში ნარჩუნდება კლების ტენდენცია - 2024 წლის აპრილთან შედარებით მაჩვენებელი 21.3%-ით არის შემცირებული.