გასული კვირა ქართულმა კომპანიებმა ლონდონის ბირჟაზე წითელ ზონაში დახურეს

სამიტს საქართველოს პრემიერ-მინისტრი ირაკლი კობახიძე გახსნის. სტუმრებს მისასალმებელი სიტყვით მიმართავენ საქართველოს ვიცე-პრემიერი, ეკონომიკისა და მდგრადი განვითარების მინისტრი მარიამ ქვრივიშვილი, საქართველოს ეროვნული ბანკის პრეზიდენტი ნათია თურნავა და გლობალური ფინანსებისა და ტექნოლოგიების ქსელის (GFTN) ხელმძღვანელი სოპნენდუ მოჰანტი.წლევანდელ სამიტში 60-მდე ქვეყნის 800-ზე მეტი წარმომადგენელი და 100-მდე მაღალი რანგის სპიკერი მიიღებს მონაწილეობას.სამიტის მონაწილეებს შორის არიან ისეთი მსხვილი კომპანიების წარმომადგენლები, როგორებიცაა Swift, UnionPay, Luma Group, Accel, Tether, Ant International და სხვა. ასევე ჩინეთის ბანკის აღმასრულებელი ვიცე-პრეზიდენტი იანგ ჯუნი, ყაზახეთის ეროვნული ბანკის ვიცე-პრეზიდენტი ბინურ ჟალენოვი, ალბანეთის ბანკის პირველი ვიცე-პრეზიდენტი ჰოლტა ზაჩაი, ჩინეთის სახალხო ბანკის ციფრული ვალუტის კვლევითი ინსტიტუტის გენერალური დირექტორი მუ ჩანგჩუნი, სომხეთის ცენტრალური ბანკის ვიცე-პრეზიდენტი ოვანეს ხაჩატრიანი, ბოსნია-ჰერცეგოვინას ცენტრალური ბანკის ვიცე-პრეზიდენტი ემირ კურტიჩი, ჩეხეთის ეროვნული ბანკის ყოფილი პრეზიდენტი ზდენეკ ტუმა და ასტანის საერთაშორისო ფინანსური ცენტრის პრეზიდენტი რენატ ბექტუროვი. ორდღიანი ღონისძიების ფარგლებში დაგეგმილია თემატური სესიები, პანელური დისკუსიები, სამუშაო და პროფესიული შეხვედრები. განხილვის ძირითადი მიმართულებები იქნება რეგიონული ფინანსური და ეკონომიკური კავშირების გაძლიერება, ციფრული აქტივები, გადახდების მომავალი, ღია ბანკინგი, ხელოვნური ინტელექტი და ფინანსური სისტემების კიბერუსაფრთხოება.საქართველოს ეროვნული ბანკის პრეზიდენტი ნათია თურნავა ალბანეთის, სომხეთის, ბოსნია-ჰერცეგოვინის, ყაზახეთისა და ჩინეთის ფინანსური ინსტიტუტების წარმომადგენლებთან ერთად მონაწილეობას მიიღებს  მაღალი დონის პანელურ დისკუსიაში - ცენტრალური ბანკების პრიორიტეტები 2027 წლისთვის, სადაც მონეტარულ პოლიტიკაზე, ფინანსურ სტაბილურობასა და ციფრულ და ტრანსსასაზღვრო ფინანსურ ინფრასტრუქტურაზე იმსჯელებენ.სამიტის ფარგლებში განსაკუთრებული ყურადღება დაეთმობა ფინანსური ტექნოლოგიების განვითარების, ციფრული აქტივების რეგულირების საკითხებსა და ინოვაციური გადაწყვეტილებების დანერგვას. სამიტის დღის წესრიგი ასევე მოიცავს რეგიონში ფინანსური ინფრასტრუქტურის განვითარების, საერთაშორისო თანამშრომლობისა და საინვესტიციო შესაძლებლობების გაფართოების საკითხებს.სამიტის ფარგლებში გაიმართება AI და ღია ბანკინგის ჰაკათონის დემო დღე. ჰაკათონი ეროვნული ბანკისა და საქართველოს ინოვაციებისა და ტენოლოგიების სააგენტოს ერთობლივი პროექტია და მასში 28 ადგილობრივი და საერთაშორისო გუნდი მონაწილეობს. გამარჯვებულები 28 ოქტომბერს სწორედ დემო დღეზე გამოვლინდებიან.„„თბილისის ფინანსური სამიტი" საქართველოსთვის საერთაშორისო ფინანსურ და ტექნოლოგიურ ეკოსისტემაში პოზიციების გაძლიერების შესაძლებლობაა. ღონისძიება ხელს შეუწყობს საერთაშორისო პარტნიორებთან თანამშრომლობის გაღრმავებას, ფინანსური ინოვაციების მიმართულებით გამოცდილების გაზიარებასა და საქართველოს, როგორც რეგიონული ფინანსური და ტექნოლოგიური პლატფორმის, პოტენციალის წარმოჩენას", - აღნიშნა საქართველოს ეროვნული ბანკის პრეზიდენტმა ნათია თურნავამ.ღონისძიება საქართველოს ეროვნული ბანკის, საქართველოს ეკონომიკისა და მდგრადი განვითარების სამინისტროსა და სინგაპურში დაფუძნებული გლობალური ფინანსებისა და ტექნოლოგიების ქსელის (GFTN) ერთობლივი ორგანიზებით ტარდება.GFTN სინგაპურში დაფუძნებული საერთაშორისო ქსელია, რომელიც ფინანსური ტექნოლოგიების, ციფრული ტრანსფორმაციისა და თანამედროვე ფინანსური ეკოსისტემების განვითარებაზე მუშაობს. აღნიშნული ქსელი მოიცავს მსოფლიოს წამყვან ფინანსურ ცენტრებს ისეთები როგორიცაა სინგაპური, იაპონია, შვეიცარია, ა.შ. 2025 წელს ქსელს საქართველოც შეუერთდა.(R)

1793005528

ირანული საინფორმაციო სააგენტო Mehr-ის მიერ გავრცელებულ მასალაში ყურადღება გამახვილებულია ჰორმუზის სრუტის სტრატეგიულ მნიშვნელობასა და მის შესაძლო გავლენაზე მსოფლიო ენერგეტიკულ ბაზარზე. ეს საზღვაო დერეფანი სპარსეთის ყურეს ომანის ყურესთან აკავშირებს და ნავთობის საერთაშორისო გადაზიდვებისთვის ერთ-ერთი უმნიშვნელოვანესი მარშრუტია.ირანი ტრამპის განცხადებებს ეჭვქვეშ აყენებსაბდოლაჰიმ აშშ-ის პრეზიდენტ დონალდ ტრამპის განცხადებებშიც დაინახა წინააღმდეგობა. ირანელი გენერლის თქმით, თუ ვაშინგტონის მტკიცებით, ირანის ბირთვულ ობიექტებს მნიშვნელოვანი ზიანი მიადგა, გაუგებარია, რატომ აგრძელებს აშშ თეირანის ბირთვული პროგრამის საფრთხეზე საუბარს.ირანული მხარე ამ განცხადებებს აშშ-ის მხრიდან ზეწოლის პოლიტიკის ნაწილად წარმოაჩენს. ამასთან, ბირთვული ობიექტების დაზიანების მასშტაბისა და მათი ამჟამინდელი მდგომარეობის დასადგენად დამოუკიდებელი შეფასებებია საჭირო.ორი ნავთობტანკერის აფეთქების შესახებ ირანის განცხადებაირანის ისლამური რევოლუციის გუშაგთა კორპუსის სამხედრო-საზღვაო ძალების ინფორმაციით, ჰორმუზის სრუტის სამხრეთ მონაკვეთზე ორი სუპერტანკერი საზღვაო ნაღმებზე აფეთქდა და ხანძარი გაუჩნდა. ირანული მხარის ცნობით, გემები იმ მარშრუტით გადაადგილდებოდნენ, რომელიც თეირანს არასანქცირებულად ჰქონდა გამოცხადებული.ირანული უწყების მტკიცებით, აფეთქებებმა ტანკერების სამანქანო განყოფილებები დააზიანა, რის გამოც გემები გაჩერდა და ეკიპაჟებმა მათი დატოვება გადაწყვიტეს. სააგენტოს ცნობით, ტანკერებს ჯამში 4,5 მილიონ ბარელზე მეტი ნედლი ნავთობი გადაჰქონდათ.ინციდენტის ზუსტი გარემოებები ირანულ განცხადებაში დასახელებული არ ყოფილა. გავრცელებული ინფორმაცია დამოუკიდებლად დადასტურებული არ არის. საერთაშორისო მედიაც ამ ცნობებს ირანის რევოლუციის გუშაგთა კორპუსის განცხადებაზე დაყრდნობით ავრცელებს.რატომ არის ჰორმუზის სრუტე მნიშვნელოვანი?ჰორმუზის სრუტეში ნაოსნობის შეფერხებამ შესაძლოა გავლენა მოახდინოს ნავთობის მიწოდებაზე, გადაზიდვისა და დაზღვევის ხარჯებზე და, საბოლოოდ, ენერგეტიკულ ბაზარზე ფასების მერყეობაზე. ამიტომ რეგიონში სამხედრო დაძაბულობა არა მხოლოდ უსაფრთხოების, არამედ საერთაშორისო ვაჭრობისა და გლობალური ეკონომიკის საკითხიცაა.Mehr-ის მასალის ავტორის შეფასებით, სრუტეზე კონტროლი ირანს ვაშინგტონზე ზეწოლის მნიშვნელოვან ბერკეტს აძლევს. ავტორი არ ეთანხმება მოსაზრებას, რომ ჰორმუზის სრუტემ სტრატეგიული მნიშვნელობა დაკარგა და მიიჩნევს, რომ საზღვაო გადაადგილებაზე დაწესებული შეზღუდვები და გადაზიდვებისთვის გაზრდილი საფრთხეები მის გავლენას კიდევ ერთხელ წარმოაჩენს.ამავე დროს, ჰორმუზის სრუტეში მომხდარი ინციდენტებისა და ნავთობის ფასების ცვლილების კონკრეტული მიზეზების დასადგენად დამოუკიდებელი მონაცემებია საჭირო.ირანის გზავნილი ვაშინგტონისადმი მკაფიოა: თეირანი სპარსეთის ყურეში აშშ-ის სამხედრო ყოფნასა და ირანის წინააღმდეგ ზეწოლის პოლიტიკას საკუთარი ინტერესებისა და უსაფრთხოებისთვის საკითხად განიხილავს და აცხადებს, რომ ამგვარ ქმედებებს პასუხი მოჰყვება.

1793003245

პროექტის ჯამური საინვესტიციო ღირებულება 60 მლნ. ლარია. საქართველოს ბანკის მიერ განხორციელებული ინვესტიცია კი 25 მლნ. ლარს შეადგენს.კომპლექსი მცხეთაში, 8 ჰექტარ ტერიტორიაზე შენდება და  ის სასტუმროს, რესტორნებს, ღვინის საწარმოსა და მუზეუმს, ასევე საცხოვრებელ სახლებსა და დასასვენებელ სივრცეებს გააერთიანებს. ტერიტორიაზე ასევე გაშენებულია ვაზი, მოეწყობა ღია აუზი და სპა ცენტრი.ტურისტული კომპლექსის მიმდებარედ მოეწყობა საცხოვრებელი სივრცეც, რომელიც რვა კორპუსს გააერთიანებს. პროექტის კონცეფცია თბილისთან ახლოს მშვიდი, მრავალფეროვანი საცხოვრებელი და დასასვენებელი გარემოს შექმნას ეფუძნება. კომპლექსის მიმდებარედ არსებული ტყის მასივი კი მის ბუნებრივ გარემოს კიდევ უფრო გამორჩეულს ხდის.პროექტის მშენებლობა 2019 წელს დაიწყო. ამ ეტაპზე დასრულებული და გადახურულია სასტუმრო კომპლექსის შენობა-ნაგებობები, მიმდინარეობს საინჟინრო სამუშაოები, ხოლო საცხოვრებელი ბლოკის მშენებლობა 2026 წელს დაიწყო. ორივე კომპლექსის სრულად დასრულება 2028 წლის ბოლოსთვის იგეგმება.„მცხეთის მულტიფუნქციური კომპლექსი ჩვენი ერთ-ერთი გამორჩეული და მნიშვნელოვანი პროექტია. გვინდა, თბილისთან ახლოს შევქმნათ სივრცე, რომელიც სტუმრებსა და მობინადრეებს დასვენების, განტვირთვისა და მრავალფეროვანი გამოცდილების შესაძლებლობას შესთავაზებს. საქართველოს ბანკთან 2011 წლიდან ვთანამშრომლობთ და ამ წლების განმავლობაში პარტნიორობა სხვადასხვა მიმართულებით არაერთ პროექტს მოიცავდა. მცხეთის კომპლექსის განხორციელების ყველა ეტაპზეც ბანკთან ერთად ვმუშაობთ. გვჯერა, რომ ფინანსურ ინსტიტუტსა და ბიზნესს შორის ნდობაზე, პასუხისმგებლობასა და გამჭვირვალობაზე დაფუძნებული თანამშრომლობა მასშტაბური პროექტების წარმატებით განხორციელების მნიშვნელოვანი წინაპირობაა. ჩვენი მიზანია, 2028 წლის ბოლოსთვის პროექტი სრულად დავასრულოთ და სივრცე სტუმრებისა და მობინადრეებისთვის ხელმისაწვდომი გავხადოთ”, - აცხადებს „სამეფო მარანის“ პარტნიორი დავით ფანჯაკიძე.„საქართველოს ბანკისთვის მნიშვნელოვანია ისეთი პროექტების დაფინანსება, რომლებიც თანამედროვე საცხოვრებელი და ტურისტული გარემოს შექმნას უწყობს ხელს. მცხეთის მულტიფუნქციური კომპლექსი მასშტაბური პროექტია, რომელიც ტურისტულ და საცხოვრებელ სივრცეებს აერთიანებს. მოხარული ვართ, რომ „სამეფო მარანთან“ მრავალწლიანი თანამშრომლობის ფარგლებში ამ მასშტაბური პროექტის განხორციელებაში ვმონაწილეობთ და გვჯერა, რომ მომავალშიც არაერთ საინტერესო პროექტს განვახორციელებთ ერთობლივად“, - განაცხადა საქართველოს ბანკის კორპორაციული გაყიდვების სექტორის უფროსმა, ნინო აფციაურმა.(R)

1793001466

ბრალდებულთა მიერ მართლსაწინააღმდეგოდ დაუფლებული მიწის ნაკვეთების საერთო ფართობი 11 929 კვადრატულ მეტრს, ხოლო საერთო ღირებულება 1 025 719 ლარს აღემატება.პირველ საქმეზე გამოძიებით დადგინდა, რომ ერთ-ერთმა ბრალდებულმა ყალბი მიღება-ჩაბარების აქტების დამზადებისა და გამოყენების გზით მართლსაწინააღმდეგოდ დაისაკუთრა სახელმწიფოს კუთვნილი, თბილისში, სოფელ გლდანში მდებარე ორი მიწის ნაკვეთი, რომელთა საერთო ფართობი 1 000 კვადრატული მეტრია, ხოლო საბაზრო ღირებულება 116 000 ლარს აღემატება.ასევე, საქმეზე ჩატარებული გამოძიების, მათ შორის, ფარული საგამოძიებო მოქმედებების შედეგად, გამოვლინდა ყალბი ოფიციალური დოკუმენტების დამზადებისა და გამოყენების გზით, წინასწარი შეთანხმებით ჯგუფის მიერ, სახელმწიფოს კუთვნილი მიწის ნაკვეთების თაღლითურად დაუფლებისა და თაღლითობაში დახმარების ფაქტები.მეორე საქმეზე გამოძიებით დადგინდა, რომ რვა ბრალდებულმა სსიპ – საჯარო რეესტრის ეროვნულ სააგენტოში ყალბი უფლების დამადასტურებელი დოკუმენტების წარდგენის გზით, ჯგუფურად, თაღლითურად დაირეგისტრირა თბილისში, სოფელ გლდანში მდებარე, სახელმწიფოს კუთვნილი მიწის ნაკვეთები, რომელთა საერთო ფართობი 2 000 კვადრატული მეტრია, ხოლო ღირებულება 733 760 ლარს შეადგენს. აღნიშნული მიწის ნაკვეთები სრულად გასხვისებულია.მესამე სისხლის სამართლის საქმეზე ორმა პირმა მიწის ნაკვეთების რეგისტრაციის მიზნით სსიპ – საჯარო რეესტრის ეროვნულ სააგენტოს განზრახ არასწორი ინფორმაცია მიაწოდა, მარეგისტრირებელი ორგანო შეცდომაში შეიყვანა და მოტყუებით მართლსაწინააღმდეგოდ დაეუფლა სახელმწიფოს კუთვნილ, ასპინძის მუნიციპალიტეტის სოფელ ნიჯგორში მდებარე ორ მიწის ნაკვეთს, რომელთა საერთო ფართობი 1 840 კვადრატული მეტრია, ხოლო საერთო ღირებულება 12 912 ლარს შეადგენს.მეოთხე სისხლის სამართლის საქმეზე ჩატარებული გამოძიებით დადგინდა, რომ ბრალდებულები მარეგისტრირებელი ორგანოსათვის განზრახ ყალბი მონაცემების მიწოდების გზით მოტყუებით დაეუფლნენ მცხეთა-მთიანეთის რეგიონის ერთ-ერთ მუნიციპალიტეტში მდებარე, სახელმწიფოს კუთვნილ მიწის ნაკვეთებს, საერთო ფართობით 7 089 კვადრატულ მეტრს, რომელთა საბაზრო ღირებულება 163 047 ლარს შეადგენს.ამასთანავე, ჩატარებული საგამოძიებო და საპროცესო მოქმედებების შედეგად აღიკვეთა ზემოხსენებული პირების მიერ ამავე რეგიონში მდებარე, სახელმწიფოს კუთვნილი 10 321 კვადრატული მეტრი მიწის ნაკვეთების მოტყუებით დაუფლების მცდელობის ფაქტები, რომელთა საბაზრო ღირებულება 150 660 ლარია.საგამოძიებო სამსახური აგრძელებს შესაბამის ღონისძიებებს სხვა მიწის ნაკვეთების რეგისტრაციის კანონიერების შესწავლისა და დანაშაულში შესაძლო მონაწილე სხვა პირთა გამოვლენის მიზნით.გამოძიება მიმდინარეობს საქართველოს სისხლის სამართლის კოდექსის 180-ე მუხლის მე-3 ნაწილითა და 362-ე მუხლით, რაც სასჯელის სახით ითვალისწინებს თავისუფლების აღკვეთას 6-დან 9 წლამდე ვადით, აგრეთვე 180-ე მუხლის მე-2 ნაწილით, რაც სასჯელის სახით ითვალისწინებს თავისუფლების აღკვეთას 6-დან 9 წლამდე ვადით.

1792999186

eCommerce Georgia 2026-ს „იქომერს ასოციაცია საქართველო“ 2023 წლიდან ატარებს. კონფერენცია მიზნად ისახავს ელექტრონული კომერციის სფეროში ცოდნისა და გამოცდილების გაზიარებას, პროფესიული კავშირების გაძლიერებასა და ახალი პარტნიორობებისა და თანამშრომლობის შესაძლებლობების შექმნას.ღონისძიება ერთ სივრცეში გააერთიანებს ბიზნესის ლიდერებს, ტექნოლოგიური კომპანიების, საჯარო და კერძო სექტორის წარმომადგენლებს, ინვესტორებს, საერთაშორისო ორგანიზაციებსა და სხვადასხვა ინდუსტრიის ექსპერტებს. კონფერენციის ფარგლებში მონაწილეებს შესაძლებლობა ექნებათ, გაეცნონ ინდუსტრიის აქტუალურ ტენდენციებს, განიხილონ ელექტრონული კომერციის განვითარების შესაძლებლობები და იმსჯელონ სექტორის წინაშე არსებულ გამოწვევებზე.ღონისძიების გამომსვლელებს შორის არიან: დოდი მალაზონია - Bank of Georgia-ს იქომერს ექვაირინგის ხელმძღვანელი; მარიამ ჩახვაშვილი - Galt & Taggart-ის სექტორული კვლევების ჯგუფის უფროსი; მოჰამედ ბარდასტანი - Visa-ს მთავარი ეკონომისტი ცენტრალური და აღმოსავლეთ ევროპის, ახლო აღმოსავლეთისა და აფრიკის რეგიონში; ლუკა ხალაძე - WEB Features-ის დამფუძნებელი და აღმასრულებელი დირექტორი; თორნიკე გაბუნია - UGT Cloud-ის ბიზნეს განვითარების ხელმძღვანელი; ნინო ტომარაძე - Glovo საქართველოს სწრაფი კომერციის მიმართულების ხელმძღვანელი; დაზ აკბაროვი - Amazon Web Services-ის გადაწყვეტილებების არქიტექტორი; იასმინ მარიჩი - eComm-ის ბოსნია და ჰერცეგოვინის ელექტრონული კომერციის ასოციაციის პრეზიდენტი; არჯუნ სარკარი - Dubai Commercity-ის ციფრული ეკოსისტემებისა და პარტნიორული ურთიერთობების ვიცე-პრეზიდენტი; მაქსიმ მოროზოვი - Retailgrid-ის დამფუძნებელი და აღმასრულებელი დირექტორი; როზერინ ალპი - Inspark-ის გადაწყვეტილებების ინჟინერი eCommerce Georgia 2026-ის მთავარი თემები იქნება: საცალო ვაჭრობის მომავალი: ხელოვნური ინტელექტი, ომნიჩენელური და სოციალური კომერცია; ზრდის ინფრასტრუქტურა: ნდობა, გადახდები და ლოგისტიკა; ტრანსსასაზღვრო კომერცია: გლობალური ბაზრები და საერთაშორისო ვაჭრობა. “საქართველოს ბანკისთვის ბიზნესის განვითარებისა და ციფრული შესაძლებლობების გაძლიერების ხელშეწყობა ერთ-ერთი მნიშვნელოვანი მიმართულებაა. eCommerce Georgia 2026-ის მხარდაჭერით, ბანკი ხელს უწყობს ელექტრონული კომერციის ეკოსისტემის განვითარებას, სფეროს წარმომადგენლებს შორის ცოდნისა და გამოცდილების გაზიარებას და ახალი ბიზნესკავშირების ჩამოყალიბებას. სასიამოვნოა, რომ ღონისძიება წლიდან წლამდე უფრო და უფრო მასშტაბური ხდება და საინტერესო სპიკერებს აერთიანებს”, - აცხადებენ საქართველოს ბანკში.ღონისძიების გენერალური პარტნიორები: საქართველოს ბანკი ბიზნესი და Insparkინოვაციების პარტნიორი: Visaპარტნიორები: Web Features, UGT Clouds, Kiwi Post, Glovo, Creatio, Quickshipper, Retailgrid, Azfina, UNIEF, eComm Association in Bosnia and Herzegovina(R)

1792775023

19 ნოემბრის ჩათვლით, საქართველოს ბანკის ნებისმიერი ბარათის მფლობელები Cellfie-ის Travel eSIM-ის შერჩეული ინტერნეტპაკეტების შეძენისას 40%-იანი ფასდაკლებით ისარგებლებენ. შეთავაზება ვრცელდება შემდეგ პაკეტებზე: ევროპა - 2 GB ევროპა - 7 GB მსოფლიო - 2 GB მსოფლიო - 7 GB ფასდაკლებით სარგებლობისთვის, შეძენისას საჭიროა აქტივაციის კოდის CELLFIEBOG შეყვანა და საქართველოს ბანკის გადახდის მეთოდის არჩევა.აღნიშნული ინტერნეტპაკეტებით სარგებლობისას, Uber-ის, Bolt-ის, Google Maps-ის, MyCellfie App-ის, WhatsApp-ისა და Facebook Messenger-ის ტექსტური შეტყობინებების გამოყენებისას ინტერნეტმეგაბაიტები არ დაიხარჯება.შეთავაზებების სანახავად ეწვიეთ ბმულს.(R)

1792767000

გაცნობითი ხასიათის შეხვედრაზე განხილულ იქნა ორ ქვეყანას შორის ურთიერთობის საკითხები და სხვადასხვა სექტორში მიმდინარე თანამშრომლობის პროექტები.საუბარი შეეხო რეგიონში არსებული გამოწვევების ფონზე, ქვეყნის მაკროეკონომიკურ ვითარებას, საშუალოვადიან პროგნოზებს, დაკავშირებადობისა და სხვა საინვესტიციო პროექტების მიმართულებით საქართველოს გეგმებს.შეხვედრას დაესწრნენ ფინანსთა მინისტრის მოადგილე ეკატერინე გუნცაძე და გერმანიის საელჩოს განვითარების სფეროში თანამშრომლობის განყოფილების უფროსი ანა-მარია შნაიდერი.

1792758780

მეტიც, რამდენიმე წლის წინ, ანაკომ რომ მითხრა გათხოვებას ვაპირებო, ძალიან გამიკვირდა, - რა დროს შენი გათხოვებაა შვილო, ჯერ პატარა ხარ-მეთქი და თვითონ უფრო გაკვირვებულმა მითხრა, - მამი უკვე დიდი ვარ, უკვე გავიზარდე და უკვე ოცდაერთი წლის გავხდიო.ოცდაერთი წლის ქალს, მე რომ გათხოვებას ვერ დავუშლიდი, კი მივხვდი და ანა-მარიამს "ვეფხისტყაოსანიც" გავატანეთ მზითევში და მერე თამარ მერლანიც დაიბადა. პატარა თამარს რომ ჩვენთან მოიყვანდნენ ხოლმე კვირაობით და უზომო სიხარულით ვაღებდი კარს, საბოლოოდ ვრწმუნდებოდი, რომ მე თვითონ უკვე აღარ ვიყავი პატარა. თუმცა, არც მერე, უკვე ლაპარაკი რომ დაიწყო, თამარს არასოდეს მოუმართავს ჩვენთვის როგორც ბებიასა და ბაბუასთვის და ყოველთვის პირდაპირ სახელებით მოგვმართავდა. რასაკვირველია ჩემთვის, როგორც ქართლელისთვის, ისედაც უცნაურად ჟღერს სიტყვა ბაბუა და როგორც რუსთაველი ამბობს, სინამდვილეში პაპა ვარ, მაგრამ მთავარი ამ შემთხვევაში, მაინც ფუნქციაა, რომელსაც კარგად ვერ ვასრულებ და არც კარგი პაპა ვარ და არც კარგი ბაბუა. ჩვენი სტერეოტიპული წარმოდგენებიც იმ ურთიერთობებზე, რაც ბაბუასა და შვილიშვილებს შორის წიგნებში თუ ფილმებში არსებობდა, მგონი ისედაც აღარ არსებობს, რადგან თამარ მერლანის თაობა, უკვე სულ სხვა თაობაა. საქართველოშიც და საერთოდ სამყაროშიც, მართლა სულ სხვა თაობა გაჩნდა ბევრი მიზეზის გამო და ერთ-ერთი მთავარი კი - უსასრულო ტექნოლოგიური ცვლილებებია. სამყარო ისე შეიცვალა, რომ ჩვენც სხვა გზები უნდა  ვეძებოთ ჩვენი შვილებისა და შვილიშვილების გასაცნობად, მათთან ურთიერთობისა და მეგობრობის შესანარჩუნებლად და რაც ყველაზე მნიშვნელოვანია, ჩვენ უნდა შევძლოთ მათი გაგება.როცა დედებს ან ბებიებს, დილიდანვე აქვთ თავები ჩარგული ეგრეთ წოდებულ გაჯეტებში, შვილიშვილებსაც ძალიან აინტერესებთ რას "სქროლავენ" უფროსები ასე გამწარებულები, მაგრამ მე მაინც იმედი მაქვს, რომ მათი ცხოვრების ყველაზე კეთილი თანამგზავრი, მაინც წიგნი იქნება.ამასწინათ მივადექი კიდეც თამარ მერლანს იმ წიგნით ხელში, რომელიც საბავშვო მწერალმა კრისტინ როშიფტემ შექმნა და ქართულად უკვე თარგმნეს და გამოსცეს კიდეც (ისევე როგორც უამრავ ქვეყანაში), მაგრამ მთავარი მაინც ქართულად გამოცემაა, რადგან თანამედროვე ნორვეგიელი ავტორი იმის ახსნას ცდილობს პატარა მკითხველებისთვის, რასაც დიდებს გვასწავლიდა შოთა რუსთაველი ჯერ კიდევ მეთორმეტე საუკუნეში.წიგნს ჰქვია "მოდი, ერთად დავითვალოთ" და აბა ჯერ კიდევ როდის ეწერა "ვეფხისტყაოსანში," რომ სამყაროში უთვალავი ფერია და ეს არის კიდეც ამ სამყაროს მთავარი ხიბლი და უპირატესობა. ჯერ კიდევ როდის გვითხრა რუსთაველმა რომ სამყაროს მთავარი საგანძური, არის ერთი, კონკრეტული ადამიანი და ადამიანი უნდა იყოს კიდეც ადამიანისთვის ყველაზე მთავარი ღირებულება.იმედია ჩვენი შვილიშვილებისთვისაც, ყველაზე რთულ და გამოწვევებით  სავსე დროში, სიყვარული იქნება მათი ცხოვრების გზაც და ხიდიც, როგორც ამას "ვეფხისტყაოსანი" გვკარნახობდა.და იმედია, სადაც ბევრი წიგნი და სიყვარული იქნება, იქნება ბედნიერებაც და თავისუფლებაც...(R)

1792758576