ირაკლი ნადარეიშვილი: ბიზნესისთვის სტაბილური, კომფორტული და პროგნოზირებ...

ADB-ის წლიური შეხვედრის ფარგლებში გამართულ საპანელო სესიაზე, რომელიც ეხებოდა საქართველოს სტრატეგიული უპირატესობების გამოყენებას რეგიონული განვითარებასა და მწვანე ეკონომიკაში.მინისტრის მოადგილემ ისაუბრა გამოწვევებზე, რომელთა წინაშეც იდგა საქართველო პანდემიის და პოსტპანდემიურ პერიოდში, აგრეთვე იმ ეგზოგენულ რეგიონულ ფაქტორებზე, რომლებსაც ქვეყნის მთავრობამ წარმატებით გაართვა თავი, რაც 2021-2022 წლებში ორნიშნა ეკონომიკურ ზრდაში აისახა, შემდეგ კი აღნიშნული დინამიკა წარმატებით გაგრძელდა. ირაკლი ნადარეიშვილის თქმით, 2022 წელს საქართველოში 2 მლრდ აშშ დოლარის ოდენობის პირდაპირი უცხოური ინვესტიცია განხორციელდა, რამაც მთლიანი შიდა პროდუქტის თითქმის 8% შეადგინა, რაც, მინისტრის მოადგილის შეფასებით, რეკორდული მაჩვენებელია. ირაკლი ნადარეიშვილმა ასევე ყურადღება გაამახვილა გაზრდილ ექსპორტსა და აღდგენილ ტურიზმის ინდუსტრიაზე.მინისტრის მოადგილემ ასევე ყურადღება გაამახვილა შუა დერეფნის განვითარებასა და ამ მიმართულებით საქართველოს მთავრობის მიერ გაწეულ ძალისხმევაზე. მისი თქმით, როგორც საქართველო, ასევე დერეფნის სხვა ქვეყნები მეტ ინვესტიციას ახორციელებენ შესაბამისი სატრანსპორტო ინფრასტრუქტურის განვითარებაში, გარდა ამისა, მისი თქმით, ისინი მუშაობენ სასაზღვრო ბარიერების მოხსნაზე, ტარიფების შემსუბუქებასა და უნიფიცირებაზე, რადგან შუა დერეფანი მულტიმოდალურია და მოიცავს განსხვავებულ ტრანსპორტსა და გადაზიდვის საშუალებებს, როგორებიცაა საგზაო, სარკინიგზო და საზღვაო გადაზიდვები. „საქართველოს ბუნებრივი მდებარეობა ჩვენს ქვეყანას შუა დერეფნის მნიშვნელოვან მოთამაშედ ხდის - ფაქტიურად, ჩვენ ვართ საზღვაო კარიბჭე დერეფნის მეორე მხარისთვის და უზრუნველვყოფთ სატრანსპორტო მარშრუტს ზღვაზე გასასვლელის არმქონე ქვეყნებისთვის. ჩვენ რეალურად ვაკავშირებთ აღმოსავლეთსა და დასავლეთს, ევროპასა და აზიას. ეს უპირატესობა კიდევ უფრო მეტ შესაძლებლობებს გვთავაზობს. შესაბამისად, უკვე დაგეგმილია მთელი რიგი ინიციატივებისა და აქტივობებისა დერეფნის პოტენციალის შემდგომი განვითარებისთვის,“ - აღნიშნა ირაკლი ნადარეიშვილმა.მინისტრის მოადგილემ საქართველოს კიდევ ერთ უპირატესობად დაასახელა წარმატებული სავაჭრო პოლიტიკა, რომლის წყალობითაც საქართველოს, რომელიც გამოირჩევა მცირე ბაზრით და დაბალი მსყიდველუნარიანობით, თავისუფალი ვაჭრობის შეთანხმებებიდან გამომდინარე გლობალური სამომხმარებლო ბაზრის თითქმის 1/3 - თან აქვს წვდომა. „საქართველო ერთერთი წამყვანი ქვეყანაა ბიზნესის კეთების სიმარტივის თვალსაზრისით. მსოფლიო ბანკის შეფასებით, მესამე ადგილზე ვართ საგადასახადო ტვირთვის სიმსუბუქით. ასევე მნიშვნელოვანია ქვეყანაში არსებული რეგულაციები, კანონის უზენაესობა, ბიზნესის კეთების სიმარტივე. სხვადასხვა საერთაშორისო რეიტინგებში ასახული დადებითი ფაქტორი ბიზნესს აძლევს შესაძლებლობას, განიხილოს საქართველო, როგორც დანიშნულების ადგილი საკუთარი ბიზნესის გასახსნელად. საქართველოში ასევე ძალიან მაღალია რეინვესტირების მაჩვენებელი, რომელიც 65%-ს აღემატება, რაც იმის მაჩვენებელია, რომ ბიზნესი საკუთარი გამოცდილებით რწმუნდება იმ შეთავაზებების რეალურობაში, რასაც ჩვენი ქვეყანა მათ სთავაზობს,“ - აღნიშნა მინისტრის მოადგილემ.ირაკლი ნადარეიშვილმა გაამახვილა ყურადღება საქართველოს მთავრობის მიერ ბიზნესის ხელშეწყობის, სტარტაპ-ეკოსისტემის, კაპიტალის ბაზრის განვითარების პროგრამებზე.

ფინანსთა მინისტრმა ADB-ის 57-ე შეხვედრის ფარგლებში, საქართველოს სემინა...

მან სტუმრებს მადლობა გადაუხადა ღონისძიებაში მონაწილეობისთვის და იმედი გამოთქვა, რომ სემინარის ფარგლებში გაიმართება საინტერესო დისკუსია.„ჩემთვის დიდი პატივი და პასუხისმგებლობაა 2024 წელს ბანკის ყოველწლიური შეხვედრის მასპინძლობა თბილისში. მადლობელი ვარ აზიის განვითარების ბანკის თავდადებული გუნდის მხარდაჭერისთვის ამ მნიშვნელოვანი ღონისძიების ორგანიზების პროცესში.თემატური საკითხებია: დაკავშირებადობის გაუმჯობესება - ევროპული დაკავშირებადობა და შუა დერეფანი; ფინანსური ტექნოლოგიების სფეროში შექმნილი შესაძლებლობებისა და იმპულსის განხილვა; პერსპექტივები ახალი ბაზრებისთვის - ადგილობრივი ვალუტებისა და ფასიანი ქაღალდების ბაზრის განვითარება. ასე რომ, მოუთმენლად ველი დღევანდელ დისკუსიას და ყველას გისურვებთ ნაყოფიერ დღეს. იმედი მაქვს, რომ თემატური დისკუსიები ინფორმაციული და საინტერესო იქნება", - განაცხადა ფინანსთა მინისტრმა, ლაშა ხუციშვილმა.

თბილისში ახალი სტადიონის მშენებლობისთვის სპეციალური უწყებათაშორისი კომ...

განკარგულების მიხედვით, უწყებათაშორისი კომისიის თავმჯდომარე პრემიერ-მინისტრი ირაკლი კობახიძე იქნება, კომისიაში შედიან ეკონომიკისა და მდგრადი განვითარების, კულტურისა და სპორტის, ფინანსთა და ინფრასტრუქტურის მინისტრები, თბილისის მერი. ასევე მთავრობის ადმინისტრაციის უფროსის მოადგილე, საქართველოს ფეხბურთის ფედერაციისა და საქართველოს რაგბის კავშირის პრეზიდენტები.სტადიონი, სავარაუდოდ, ახალი აეროპორტის მიმდებარე ტერიტორიაზე აშენდება და 70 000 მაყურებელზე იქნება გათვლილი. მანამდე საქართველოს მთავრობაში აცხადებდნენ, რომ ახალ სტადიონზე 2028 წლის ჩემპიონთა ლიგის ფინალის მასპინძლობის სურვილი აქვთ.

1Q24-ში საქართველოში საგზაო მოძრაობის წესები 1 104 903–ჯერ დაირღვა

ჯარიმების რაოდენობის მიხედვით თბილისს მოსდევს იმერეთი - 118 392 სამართალდარღვევით. შემდეგი რეგიონია შიდა ქართლი - 88 852 სამართალდარღვევით. საერთო ჯამში ეს მაჩვენებლები შემდეგნაირად გამოიყურება:  საქართველოს ადმინისტრაციული ერთეულები სამართალდარღვევათა რაოდენობა  თბილისი 557015 იმერეთი 118392 შიდა ქართლი 88852 აჭარის ავტონომიური რესპუბლიკა 85910 ქვემო ქართლი 77123 სამეგრელო - ზემო სვანეთი 46278 სამცხე - ჯავახეთი 40026 კახეთი 34183 მცხეთა - მთიანეთი 14623 რაჭა - ლეჩხუმი ქვემო სვანეთი 659 თბილისის ქუჩებში ყველაზე ხშირი სამართალდარღვევა 125-ე მუხლის მე-8 ნაწილით ფიქსირდებოდა, რაც გულისხმობს, - ამკრძალავი ნიშნის „გაჩერება აკრძალულია“ ან „დგომა აკრძალულია“ მოთხოვნის დაუცველობა, აგრეთვე დგომა-გაჩერების წესებით გათვალისწინებული სხვა მოთხოვნის დაუცველობა - ამ მიმართულებით თბილისში სულ 208 123 სამართალდარღვევა დაფიქსირდა. ასევე, 111 809 სამართალდარღვევა დაფიქსირდა 125-ე მუხლის მე-6 ნაწილში, რაც გულისხმობს, სატრანსპორტო საშუალების მძღოლის მიერ საგზაო ნიშნის ან საგზაო მონიშვნის, ბუქსირების, გარე სანათი ხელსაწყოთი, ხმოვანი სიგნალით ან საავარიო შუქსიგნალიზაციით სარგებლობის, სასწავლო სვლის, საცხოვრებელ ზონაში ან საგზაო მოძრაობის წესების, სამარშრუტო სატრანსპორტო საშუალების მოძრაობის პრიორიტეტის ან/და საჭაპანო ტრანსპორტის მართვის წესების დარღვევა, ან მოტოციკლით ან სხვა სატრანსპორტო საშუალებით ჯგუფურ მოძრაობაში მონაწილეობა, რაც აფერხებს საგზაო მოძრაობას ან საშიშროებას უქმნის მოძრაობის უსაფრთხოებას.ქვეყნის მასშტაბით გასულ თვეებში გამოვლენილი ტოპ-5 დარღვევის სტატისტიკა ასეთია: სატრანსპორტო საშუალების მძღოლის მიერ მოძრაობის დადგენილი სიჩქარის გადაჭარბება 15 კმ/სთ-ზე მეტი სიჩქარით, მაგრამ არაუმეტეს 40 კმ/სთ - 334 643 ფაქტი; ამკრძალავი ნიშნის „გაჩერება აკრძალულია“ ან „დგომა აკრძალულია“ მოთხოვნის დაუცველობა, აგრეთვე დგომა-გაჩერების წესებით გათვალისწინებული სხვა მოთხოვნის დაუცველობა - 314 336 დარღვევა; სატრანსპორტო საშუალების მძღოლის მიერ საგზაო ნიშნის ან საგზაო მონიშვნის, ბუქსირების, გარე სანათი ხელსაწყოთი, ხმოვანი სიგნალით ან საავარიო შუქსიგნალიზაციით სარგებლობის, სასწავლო სვლის, საცხოვრებელ ზონაში ან საგზაო მოძრაობის წესების, სამარშრუტო სატრანსპორტო საშუალების მოძრაობის პრიორიტეტის ან/და საჭაპანო ტრანსპორტის მართვის წესების დარღვევა, ან მოტოციკლით ან სხვა სატრანსპორტო საშუალებით ჯგუფურ მოძრაობაში მონაწილეობა, რაც აფერხებს საგზაო მოძრაობას ან საშიშროებას უქმნის მოძრაობის უსაფრთხოებას - 143 296 ფაქტი; იმ ავტოსატრანსპორტო საშუალების სხვა პირისთვის სამართავად გადაცემა/საექსპლუატაციოდ გადაცემა/საექსპლუატაციოდ დაშვება, რომელსაც საქართველოს კანონმდებლობით დადგენილი წესით არ გაუვლია პერიოდული ტექნიკური ინსპექტირება - ფიზიკური პირი - 43 842 დარღვევა; სამარშრუტო სატრანსპორტო საშუალების მოძრაობისათვის განკუთვნილ სპეციალურ ზოლში („BUS LANE“) სამარშრუტო სატრანსპორტო საშუალების გარდა სხვა სახის სატრანსპორტო საშუალების მოძრაობა, გაჩერება ან დგომა (გარდა მუნიციპალიტეტის წარმომადგენლობითი ორგანოს დადგენილებით განსაზღვრულ შემთხვევაში შესაბამისი კატეგორიის მსუბუქი ავტომობილის − ტაქსის (M1 კატეგორია) მოძრაობისა ან/და მგზავრთა ჩასხდომა - გადმოსხდომის მიზნით გაჩერებისა) ან სამარშრუტო სატრანსპორტო საშუალების მოძრაობისათვის განკუთვნილ სპეციალურ ზოლში („BUS LANE“) სამარშრუტო სატრანსპორტო საშუალების გაჩერების ადგილზე მსუბუქი ავტომობილის − ტაქსის (M1 კატეგორია) გაჩერება ან დგომა ან მსუბუქი ავტომობილის − ტაქსის (M1 კატეგორია) მიერ სამარშრუტო სატრანსპორტო საშუალების მოძრაობისათვის განკუთვნილი სპეციალური ზოლის („BUS LANE“) მონიშვნის უწყვეტი ხაზის გადაკვეთა - 43 366 ფაქტი.  ცნობისთვის, 2023 წელს საგზაო მოძრაობის წესების დარღვევით ჯამში სულ 4 565 990 ფაქტი დაფიქსირდა; 2022 წელს - 4 240 654; ხოლო, 2021 წელს - 3 142 677 სამართალდარღვევას ჰქონდა ადგილი.  

დავითაშვილი ეკონომიკური განვითარების გასაღებს რეგიონულ კავშირებში ხედა...

პირველი ვიცე-პრემიერის შეფასებით, კოვიდპანდემიისგან გამოწვეული დიდი მაკროეკონომიკური ზემოქმედების მიუხედავად, კრიზისებმა ახალი მიდგომები და ინოვაციური იდეებიც წარმოშვა ხელახალი ფოკუსირებისა და ძალისხმევის გაძლიერებისთვის დაჩქარებული რეგიონული ეკონომიკური განვითარების მიმართულებით.„ძალიან მნიშვნელოვანია დღევანდელი ღონისძიების თემა „დაკავშირებულობის გაუმჯობესება,“ რადგან, ფართო გაგებით, დაკავშირებულობა მოიცავს ბევრ სფეროს, მათ შორის კომუნიკაციებს, ენერგეტიკასა და ტრანსპორტს, რომლებსაც სინერგიული და კუმულაციური გავლენა შეიძლება ჰქონდეს ჩვენს ქვეყნებსა და ეკონომიკაზე. აღსანიშნავია, რომ  პანდემიის შემდგომ პერიოდში, საქართველოს ეკონომიკურმა ზრდამ, 2021 და 2022 წლებში 10,6%-ისა და 11,0%-ის ორნიშნა მაჩვენებლებს მიაღწია. ტენდენცია გაგრძელდა 7,5%-იანი ზრდის ტემპით 2023 წელს და 7,7%-ით 2024 წლის იანვარ-თებერვალში“ - აღნიშნა მინისტრმა.ლევან დავითაშვილის თქმით, სტრუქტურულ რეფორმებთან ერთად, რეგიონული კავშირის გაძლიერება ხელს უწყობს ეკონომიკური მდგრადობისა და მდგრადი გრძელვადიანი ზრდის უზრუნველყოფას. პირველმა ვიცე-პრემიერმა ხაზი გაუსვა კერძო სექტორისა და საერთაშორისო ფინანსური ინსტიტუტების გადამწყვეტ როლს სტრატეგიული კავშირის პროექტების რეალიზაციის დაჩქარებაში და მადლობა გადაუხადა აზიის განვითარების ბანკს, ასევე სხვა საფინანსო ინსტიტუტებს საქართველოში ხარისხიანი ინფრასტრუქტურის მშენებლობაში ხანგრძლივი მხარდაჭერისთვის.„მიმდინარე რთული გლობალური ლანდშაფტისა და მიწოდების ჯაჭვის დივერსიფიკაციის მზარდი საჭიროების ფონზე, შუა დერეფანი სწრაფად იძენს პოპულარობას, როგორც არაჩვეულებრივი ალტერნატივა ევროპასა და აზიას შორის სავაჭრო ნაკადების გასაადვილებლად შავი ზღვის პორტების ან სახმელეთო მარშრუტების მეშვეობით.  ამისთვის ჩვენ აქტიურად ვავითარებთ ქვეყნის სატრანსპორტო ქსელს სხვადასხვა პროექტებით, როგორიცაა რკინიგზის მოდერნიზაცია, ბაქო-თბილისი-ყარსის სარკინიგზო ხაზი, აღმოსავლეთ-დასავლეთის გზატკეცილი, ანაკლიის ღრმაწყლოვანი პორტი და ა.შ. - ეს სტრატეგიული ინვესტიციები მიზნად ისახავს გააძლიეროს საქართველოს, როგორც დამაკავშირებელი ხიდის როლი ევროპასა და აზიას შორის, ამავე დროს უზრუნველყოს შესაბამისი შესაძლებლობები მუდმივად მზარდი სატრანსპორტო ნაკადების დასაკმაყოფილებლად“ - განაცხადა დავითაშვილმა.ეკონომიკის მინისტრმა ასევე ხაზი გაუსვა საქართველოს მნიშვნელობას  ენერგეტიკული კავშირების კუთხით. მისი თქმით, ყველაზე ამბიციურია  შავი ზღვის წყალქვეშა კაბელის პროექტი, რომელიც გააძლიერებს  რეგიონულ დაკავშირებულობას.„ამ ფლაგმანი პროექტის მნიშვნელობა როგორც ევროპისთვის, ასევე კავკასიისთვის არ შეიძლება გადაჭარბებული იყოს - ის არამხოლოდ მომარაგების მარშრუტების დივერსიფიკაციას და  მიწოდების რისკების შემცირებას ემსახურება, არამედ აქვს დიდი პოტენციალი, ხელი შეუწყოს განახლებადი ენერგიის წყაროების განვითარებას საქართველოსა და უფრო ფართო რეგიონში“ - აღნიშნა პირველმა ვიცე-პრემიერმა.