ჰორმუზის სრუტესთან სამხრეთ კორეის 26 გემია ჩარჩენილი

ისრაელის სამხედრო უწყებამ ასევე დაადასტურა გენერალ ღოლამ რეზა სოლეიმანის მკვლელობის შესახებ, რომელიც „ისლამური რევოლუციის გუშაგთა კორპუსის“ მოხალისეთა ძალების „ბასიჯის“ ხელმძღვანელი იყო.აღნიშნული მკვლელობები ირანის თეოკრატიულ რეჟიმს კიდევ ერთხელ აცლის უმაღლეს ლიდერებს 28 თებერვლის დარტყმის შემდეგ, რომელსაც 86 წლის აიათოლა ალი ხამენეი ემსხვერპლა.„ლარიჯანი და „ბასიჯის“ მეთაური წუხელ იქნენ ლიკვიდირებულნი. ისინი შეუერთდნენ ხამენეის - განადგურების პროგრამის ხელმძღვანელს - და „ბოროტების ღერძის“ ყველა იმ წარმომადგენელს, რომლებიც ჯოჯოხეთის უფსკრულში არიან განადგურებულნი“, - ნათქვამია კაცის განცხადებაში.

1773741718

შეხვედრას ეკონომისტი და ოპერაციების მკვლევარი, ლევან ფავლენიშვილი ჩაატარებს. ღონისძიების შესახებ დეტალური ინფორმაციის მისაღებად ეწვიეთ ვებგვერდს.შეხვედრის ძირითადი თემები შეეხება ისეთ საკითხებს, როგორებიცაა: ბიუჯეტირება, ფულის ფსიქოლოგია, ხარჯვის ემოციური ფაქტორები, პროცენტი, ანაბარი, ემოციების გავლენა დანაზოგებზე და სხვა.ტრენინგის გავლის შემდეგ მონაწილეებს გადაეცემათ სერტიფიკატები.ინფორმაციისთვის, ლევან ფავლენიშვილი ეკონომისტი და ოპერაციების მკვლევარია, რომელსაც აქვს ISET-ის მაგისტრის ხარისხი ეკონომიკაში. ის ასევე არის ედინბურგის უნივერსიტეტის, მათემატიკის სკოლის მეცნიერებათა მაგისტრის ხარისხი ოპერაციების კვლევაში.ლევანი 2014 წლიდან ასწავლის სხვადასხვა უნივერსიტეტში არაერთ საგანს: ეკონომიკის პრინციპები, საერთაშორისო ეკონომიკა, საერთაშორისო ფინანსები, გარემოსა და ბუნებრივი რესურსების ეკონომიკა, ეკონომეტრიკა და ხარჯთ-სარგებლიანობის ანალიზი.2021 წელს ლევანმა კოლეგებთან ერთად დააარსა საქართველოს ეკონომიკური წიგნიერების ინიციატივა (GELi), რომელსაც ის ხელმძღვანელობდა 2024 წლამდე და რომლის ფარგლებშიც საქართველოში ეკონომიკური და ფინანსური წიგნიერების გავრცელებისთვის არაერთი პროექტი გაუკეთებია.ამასთან, 2026 წელს ფინანსური წიგნიერების სასერტიფიკატო კურსების ფარგლებში, შეხვედრები გაიმართება სამ განსხვავებულ ჯგუფთან: სტუდენტებთან, მასწავლებლებთან და სკოლის მოსწავლეების მშობლებთან. თითოეული კურსი მორგებული იქნება ინდივიდუალური ჯგუფის ინტერესებსა და საჭიროებებზე.  შეხვედრები ჩატარდება როგორც ფიზიკურ, ასევე ონლაინ ფორმატში და მათ მაღალკვალიფიციური ლექტორები გაუძღვებიან.გაეცანით საქართველოს ბანკის მიერ შექმნის საგანმანათლებლო პროექტებს ვებგვერდზე: ganatleba.bog.ge(R)

1773741193

ჰაბის ერთ-ერთი წარმატებული მონაწილე გვანცა ხვედელიძეა - მოსწავლე, რომელმაც ინფორმატიკის საერთაშორისო ოლიმპიადებზე, საქართველოს სახელით ასპარეზობისას, არაერთხელ მოიპოვა გამარჯვება. გვანცას თქმით, სწორედ საკუთარი თავის რწმენა, ინტენსიური მეცადინეობა და მუდმივი შრომა გახდა მისი წარმატებების საფუძველი. გვანცამ 2023 წელს საერთაშორისო ოლიმპიადაზე ბრინჯაოს მედლის მოპოვების შემდეგ, ეს შედეგი 2025 წელს კიდევ ერთხელ გაიმეორა. დღეს ის აბიტურიენტია და თავის კარიერულ მომავალს კომპიუტერული მეცნიერებების სფეროში ხედავს.გვანცა აღნიშნავს, რომ EGOI განსაკუთრებით მნიშვნელოვანი პლატფორმაა გოგოებისთვის, რადგან მათ აძლევს შესაძლებლობას, ტექნოლოგიების სფეროში, საკუთარი უნარები  სტერეოტიპების გარეშე წარმოაჩინონ. საქართველოს ტექ ოლიმპიადების ჰაბი კი მოსწავლეებს ოლიმპიადებისთვის როგორც აკადემიურად, ისე მენტალურად მომზადებაში ეხმარება.„გოგოებს ხანდახან უჭირთ ინფორმატიკის სწავლა სტერეოტიპებისა და ბევრი ნეგატიური კომენტარების გამო, ამიტომ, ჩემი აზრით, ზუსტად ეს სივრცე დაეხმარებათ მათ, რომ არ შეუშინდნენ გამოწვევებს და ბევრი შრომა ჩადონ იმ საგანში, რომელიც მთელი გულით უყვართ და  აინტერესებთ რადგან, გახსოვდეთ, რომ ყველაფერი გამოგივათ - მთავარია გჯეროდეთ“ - გვანცა ხვედელიძე.საქართველოს ტექ ოლიმპიადების ჰაბი აგრძელებს ახალგაზრდა ტექნოლოგიური ტალანტების მხარდაჭერას, რათა მოსწავლეებმა საკუთარი შესაძლებლობები საერთაშორისო ასპარეზზე წარმოაჩინონ. თუ გსურს ტექნოლოგიურ ოლიმპიადებში საკუთარი ძალების გამოცდა, ჰაბი გაძლევს შესაძლებლობას აღმოაჩინო შენი პოტენციალი და კონკურენცია გაუწიო მსოფლიოს საუკეთესო ტექ-ენთუზიასტებს.  ევროპის გოგოების ოლიმპიადის შესარჩევ ტურზე რეგისტრაცია ღიაა 21 მარტამდე.მთავარია გჯეროდეს საკუთარი მიზნების, ინტერესების და შესაძლებლობების - სწორედ ეს რწმენა ხდება პირველი ნაბიჯი წარმატებისკენ. თიბისის უფასო საგანმანათლებლო პროგრამების ფარგლებში - თიბისი ტექსკოლა, კამპუსი, IT აკადემია, ტექ ოლიმპიადების ჰაბი, AI სტუდენტური კლუბი და სხვა ინიციატივები - მიიღებ ცოდნას, შექმნი პირველ ციფრულ პროექტებს, აღმოაჩენ საკუთარ ძლიერ მხარეებს და ტექნოლოგიურ სამყაროში საკუთარ ისტორიას თავად დაწერ.(R)

1773740818

"მცირე მეწარმე რ. ჯ. საქმიანობდა ეკონომიკურ საქმიანობათა რეესტრში რეგისტრაციის გარეშე; გეგმური ინსპექტირების შედეგად საწარმოში გამოვლინდა ასევე კრიტიკული შეუსაბამობები: ჰიგიენური ნორმების დარღვევა, ინფრასტრუქტურის გაუმართაობა და სურსათის დაბინძურების საფრთხეები. გარდა ამისა, დაფიქსირდა ლიმონათის ეტიკეტირების წესის დარღვევა", - ნათქვამია სეს-ის განცხადებაში.აღნიშნული შეუსაბამობების გამო ბიზნესოპერატორს შეუჩერდა საწარმოო პროცესი. მეწარმე საქმიანობის გაგრძელებას შეუსაბამობების აღმოფხვრისა და ეკონომიკურ საქმიანობათა რეესტრში რეგისტრაციის შემდეგ შეძლებს.

1773739307

„პროქართული“ საზომი გეოპოლიტიკაშიშალვა პაპუაშვილის თქმით, საერთაშორისო პოლიტიკაში „მექანიკური იარლიყები“, როგორიცაა პროდასავლურობა თუ პრორუსულობა - გახუნდა. მისი მტკიცებით, დღეს ერთადერთი ვალიდური საზომი „პროქართული“ ორიენტაციაა, რადგან ნებისმიერი სხვა „პრო-ორიენტაცია“ საბოლოო ჯამში არა ქართულია, ვინაიდან ის ქვეყნის პოლიტიკას ეროვნულ ინტერესს აშორებს და სხვისი მიზნების ინსტრუმენტად აქცევს.პარლამენტის თავმჯდომარემ აღნიშნა, რომ ქვეყნის მართვის საკითხებში არ არსებობს პროევროპულობა და ანტიევროპულობა, არამედ არსებობს მხოლოდ ქართულობა და ანტიქართულობა.ევროპა, როგორც ღირებულება და არა ბიუროკრატიაპაპუაშვილმა განმარტა, რომ ევროკავშირი ევროპის მხოლოდ ერთ-ერთი გამოვლინებაა და წევრობის არქონა არ ნიშნავს, რომ საქართველო ვინმეზე ნაკლები ევროპაა. მან მკაცრად დაგმო პარტნიორების მხრიდან ე.წ. „მენტორული ტონი“ და აღნიშნა, რომ საქართველო ევროპული ღირებულებების დაცვაში ისტორიულად ხშირად მარტო იდგა. მისი თქმით, ევროკავშირის წევრობა არავის უნდა აძლევდეს უფლებას, ქედმაღლურად უკარნახოს ქართველ ხალხს საკუთარი არჩევანი, რადგან ასეთი დამოკიდებულება უსამართლო და არაევროპულია.ბრიუსელის პასუხისმგებლობა და ურთიერთობის გამოსწორების გზაპარლამენტის თავმჯდომარემ დაძაბულ ურთიერთობებზე პასუხისმგებლობა იმ ევროპელ მმართველებს დააკისრა, რომლებმაც ეს პროცესი საკუთარი პოლიტიკური დღის წესრიგის მძევლად აქციეს. მისი თქმით, ურთიერთობების გამოსასწორებლად ბრიუსელმა უპირველეს ყოვლისა პატივი უნდა სცეს დემოკრატიას და შეწყვიტოს პოლიტიკური ნების გარედან თავს მოხვევა.ამასთანავე, პაპუაშვილმა ყურადღება გაამახვილა სამართლის უზენაესობაზე და პარტნიორებს შეახსენა საერთაშორისო სასამართლოებში, კერძოდ სტრასბურგში, ქართული მართლმსაჯულების სასარგებლოდ დასრულებული საქმეები. გამოსვლის დასასრულს მან აღნიშნა, რომ აუცილებელია შეწყდეს ევროპული დედაქალაქებიდან მომდინარე დეზინფორმაცია და ანტიქართული რიტორიკა, რადგან პარტნიორობა შეუძლებელია იქ, სადაც სიმართლის ნაცვლად პოლიტიკური ნარატივები დომინირებს.

1773738922

ახალი ტარიფები და კატეგორიებიცვლილებების მთავარი არსი ავტომობილების ასაკობრივი ჯგუფების მიხედვით დაბეგვრის პრინციპის შეცვლაა: 0-დან 6 წლის ჩათვლით: აქციზის განაკვეთი ძრავის მოცულობის ყოველ 1 სმ³-ზე 1.5 ლარით განისაზღვრება. 6 წელზე მეტი ასაკის: აქციზის განაკვეთი სამმაგდება და 1 სმ³-ზე 4.5 ლარი ხდება. ამასთან, ნარჩუნდება შეღავათები ჰიბრიდული ავტომობილებისთვის (ძირითადი განაკვეთის 60%-ით შემცირებული ტარიფი), ხოლო მარჯვენასაჭიანი ავტომობილებისთვის ძირითადი განაკვეთი ასევე გასამმაგდება.გარდამავალი პერიოდი და ვადებიკანონპროექტი ითვალისწინებს შეღავათიან პირობებს მათთვის, ვისაც ავტომობილის შემოყვანის პროცესი უკვე დაწყებული აქვს: ძველი ტარიფით ისარგებლებენ ის პირები, რომელთა ავტომობილი საქართველოში 2026 წლის 1-ელ აპრილამდე შემოვა, ან რომელთა ტრანსპორტირება უცხო ქვეყანაში ამ თარიღამდე დაიწყება. სახმელეთო ტრანსპორტირებისას (ან საკუთარი სვლით გადაადგილებისას), ძველი განაკვეთები იმოქმედებს, თუ ავტომობილი ქვეყნის ტერიტორიაზე 2026 წლის 1-ელ ივლისამდე შემოვა. რატომ იცვლება კანონმდებლობა?ინიციატივის ავტორები „ქართული ოცნების“ დეპუტატები არიან. მათი განმარტებით, არსებული სისტემა ვერ ახდენდა ავტოპარკის განახლების სტიმულირებას, რადგან 6-8 წლის ავტომობილებზე დაბალი აქციზი მათ იმპორტს ეკონომიკურად ხელსაყრელს ხდიდა.„საქართველოში იმპორტირებული ავტომობილების დიდი ნაწილი 6 წელზე მეტი ასაკისაა, რაც იწვევს ჰაერის დაბინძურებას და ზრდის საგზაო შემთხვევების რისკს. ცვლილების მიზანია შეიქმნას სტაბილური გარემო ახალი ავტომობილების იმპორტისთვის და დაწესდეს ეფექტიანი ფინანსური ბარიერი ხანდაზმული ტრანსპორტის შესაზღუდად“, - ნათქვამია კანონპროექტის განმარტებით ბარათში.მიუხედავად კომიტეტების მხარდაჭერისა, ინიციატივას მწვავე კრიტიკით გამოეხმაურა „ხალხის ძალის“ დეპუტატი დიმიტრი ხუნდაძე. მისი შეფასებით, შემოთავაზებული ტარიფები არა „შემზღუდავი“, არამედ „ამკრძალავია“, რაც საპირისპირო ეკოლოგიურ ეფექტს გამოიღებს.ხუნდაძემ ძირითად არგუმენტებად მოიყვანა: ავტოპარკის დაბერება: დეპუტატის აზრით, რადგან საზოგადოების დიდ ნაწილს ახალი ავტომობილის ყიდვის საშუალება არ აქვს, ისინი იძულებულნი გახდებიან, უკვე არსებული ძველი მანქანების ექსპლუატაციის ვადა ხელოვნურად გაახანგრძლივონ, რაც ავტოპარკის კიდევ უფრო მეტ დაბერებას გამოიწვევს. სოციალური ფაქტორი: ხუნდაძე აღნიშნავს, რომ თბილისისგან განსხვავებით, რეგიონებში საზოგადოებრივი ტრანსპორტი მოუწესრიგებელია და ავტომობილი იქ ფუფუნება კი არა, გადაადგილების ერთადერთი საშუალებაა. დარტყმა რეექსპორტზე: ცვლილებები შესაძლოა უარყოფითად აისახოს რეექსპორტის სექტორზეც, რომელიც საქართველოს ეკონომიკისთვის ერთ-ერთი წამყვანი მიმართულებაა. ტექდათვალიერება ასაკის ნაცვლად: დეპუტატი მიიჩნევს, რომ მხოლოდ ასაკი ვერ იქნება განმსაზღვრელი და აუცილებელია ტექდათვალიერების ინსტრუმენტის დახვეწა - თუ მანქანა ტექნიკურად გამართულია, მისი აკრძალვა გაუმართლებელია.

1773736246

საქართველოში შემოქმედებითი ინდუსტრიის გასაძლიერებლად და ახალგაზრდა ტალანტების აღმოსაჩენად თიბისი, ტრადიციულად, ჩვენს ქვეყანაში „კანის ლომების“ მხარდამჭერი და კონკურსში მარკეტერის კატეგორიის წარმდგენია.ფესტივალის მიზანი ახალგაზრდა შემოქმედებითი პროფესიონალების აღმოჩენა და მათთვის საერთაშორისო სცენაზე საკუთარი შესაძლებლობების წარმოჩენის შესაძლებლობაა.კონკურსი ხუთ კატეგორიაში - Print, Film, Digital, Marketer, PR ჩატარდება და განკუთვნილია, როგორც კრეატიული სააგენტოების თანამშრომლებისთვის, ასევე სტუდენტებისთვის და სხვადასხვა კომპანიებში დასაქმებული შემოქმედებითი გუნდებისთვის.გამარჯვებული გუნდები, საქართველოს სახელით, საფრანგეთის ქალაქ კანში, მსოფლიოს ერთ-ერთ ყველაზე პრესტიჟულ შემოქმედებით ფესტივალზე იასპარეზებენ.შემოქმედებითი ინდუსტრიის განვითარებაში განსაკუთრებული წვლილის შეტანისთვის წელს, კვლავ გაიცემა ნიკა გუჯეჯიანის სახელობის საპატიო ჯილდო.თიბისი ათწლეულებია მხარს უჭერს ინიციატივებს, რომლებიც ახალ თაობას საკუთარი პოტენციალის აღმოჩენაში ეხმარება, აძლიერებს მათ თვითდაჯერებას და ხელს უწყობს შემოქმედებითი უნარების განვითარებას. სწორედ ამიტომ, ბრენდი თავად ქმნის და პარტნიორებთან ერთად ახორციელებს პროექტებს, რომლებიც საქართველოში შემოქმედებითი ინდუსტრიის განვითარებას უწყობს ხელს, ახალ თაობას საერთაშორისო გამოცდილების მიღების შესაძლებლობას აძლევს და მათი პროფესიული განვითარების გაღრმავებას ემსახურება.(R)

1773735555

„ევროპის საბჭოს მინისტრთა კომიტეტი 20 ივნისის საქმეების აღსრულების საკითხის გაძლიერებული ზედამხედველობის ქვეშ განხილვას იწყებს. გაძლიერებული ზედამხედველობა ნიშნავს, რომ კომიტეტი უფრო ინტენსიური, „განსაკუთრებული ყურადღების“ რეჟიმით დააკვირდება ამ საქმეზე გასატარებელი ღონისძიებების სახელმწიფოს მიერ შესრულებას. აღსანიშნავია, რომ ასეთი ზედამხედველობის რეჟიმს სტრუქტურული ან სისტემური პრობლემების, მძიმე ან მასობრივი დარღვევების მნიშვნელობის საქმეებზე გამოიყენება.როგორც საზოგადოებისთვის ცნობილია, ევროპული სასამართლოს დიდმა პალატამ 2025 წლის 11 დეკემბრის გადაწყვეტილებით, დაადგინა, რომ სახელმწიფომ 2019 წლის 20-21 ივნისს ე.წ. „გავრილოვის ღამის“ აქციის დარბევის ოპერაციისას დაარღვია ადამიანის უფლებათა ევროპული კონვენციის მე-3 მუხლი (არაადამიანური და დამამცირებელი მოპყრობა), მე-11 მუხლი (შეკრების თავისუფლება) და მე-10 მუხლი (გამოხატვის თავისუფლება). შედეგად დაზიანდნენ დემონსტრანტები და ჟურნალისტები, მათ შორის, ისე, რომ რამდენიმე მათგანმა დაკარგა თვალი/დაუზიანდათ მხედველობა.ამ საქმეში ევროპული სასამართლოს დიდმა პალატამ დეტალურად განმარტა კინეტიკური საშუალებების გამოყენების წესი და კონვენციის 46-ე მუხლის საფუძველზე მიუთითა სახელმწიფოს მიერ სპეციალური საშუალებების გამოყენების მარეგულირებელი ჩარჩოს მოწესრიგების აუცილებლობა. ეს სახელმწიფომ ადამიანის უფლებათა საერთაშორისო სამართლის წესების დაცვით უნდა გააკეთოს, მათ შორის, იმ სახელმძღვანელო სტანდარტების გათვალისწინებით, რომელიც გაეროს ფარგლებშია შემუშავებული.აღსანიშნავია, რომ საქართველოს ახალგაზრდა იურისტთა ასოციაციამ (საიამ) 2026 წლის მარტში წერილობითი კომუნიკაციით მიმართა ევროპის საბჭოს მინისტრთა კომიტეტს და მოითხოვა 20 ივნისის საქმეზე გაძლიერებული ზედამხედველობა. მინისტრთა კომიტეტისთვის გაგზავნილ კომუნიკაციაში საიამ მიუთითა, რომ 20 ივნისის საქმე წარმოაჩენს სისტემურ და სტრუქტურულ პრობლემებს აქციების მართვის მომწესრიგებელი ჩარჩოსა და პრაქტიკის, ასევე, შემდგომში ეფექტიანი გამოძიების კუთხით. 20 ივნისის საქმის ზოგადი საკითხები არ ეხება მხოლოდ რეზინის ტყვიების გამოყენებას, არამედ, ის ნაკლებად ლეტალური იარაღის ბოროტად გამოყენების ფართო პრაქტიკასაც მოიცავს, რაც 2019 წლის შემდგომი აქციების დროსაც გამოვლინდა, მათ შორის, წყლის ჭავლში ქიმიური ნივთიერებების შერევის პრაქტიკის თვალსაზრისით. ნაცვლად მარეგულირებელი ჩარჩოს გაუმჯობესებისა, არსებული კანონმდებლობა და პრაქტიკა კიდევ უფრო გაუარესდა 2019 წლის შემდეგ. ამიტომ, საიამ კომუნიკაციაში აღნიშნა, რომ, ვინაიდან, საქმეში გამოკვეთილი საკითხები საერთაშორისო სტანდარტებთან შესაბამისი საკანონმდებლო ცვლილებების გატარებას მოითხოვს, მინისტრთა კომიტეტმა საქმე უნდა განიხილოს ცალკე და გაძლიერებული ზედამხედველობის ქვეშ, და, არა სხვა საქმეებთან ერთად გაერთიანებულ ჯგუფში.მინისტრთა კომიტეტის მიერ 20 ივნისის საქმეზე ცალკე საზედამხედველო ჯგუფის გახსნა და გაძლიერებული ზედამხედველობის პროცედურის დაწყება, ამასთანავე, მოცემული საქმისთვის „წამყვანი“ (leading) საქმის სტატუსის მინიჭება მოწმობს ამ პროცესის მნიშვნელობას ევროპის საბჭოს მხრიდან საქართველოში შეკრების თავისუფლების უზრუნველყოფაზე მეთვალყურეობის კუთხით. საიას, როგორც მომჩივანთა წარმომადგენელსა და უფლებადაცვით ორგანიზაციას, კონვენციური უფლება აქვს, კომიტეტში წარადგინოს წერილობითი კომუნიკაციები და, შესაბამისად, ამ საქმის აღსრულების მონიტორინგს აქტიურად განახორციელებს“,- აღნიშნულია საიას მიერ გავრცელებულ ინფორმაციაში.

1773733827