ჯაბაროვი ქართულ-აზერბაიჯანული პროექტების როლზე ევროპულ ენერგოუსაფრთხოებაში

ურსულა ფონ დერ ლაიენი განმარტავს, რომ ევროკავშირმა უკვე დაიწყო ვიზების შეჩერების მექანიზმის ფარგლებში შემდგომი ზომების პროცედურა. მიზეზად მმართველობის, კანონის უზენაესობისა და კორუფციასთან ბრძოლის კუთხით სისტემური და წინასწარგანზრახული უკუსვლა სახელდება.პროცესი ორ ფაზად არის დაყოფილი: პირველი ფაზა: გამარტივებული სავიზო რეჟიმი უკვე ნაწილობრივ შეჩერებულია და ის დიპლომატიური, სამსახურებრივი და ოფიციალური პასპორტების მფლობელებს ეხება. მეორე ფაზა: თუ ხელისუფლების მიერ პრობლემების მოგვარება არ მოხდება, ვიზების შეჩერება შესაძლოა მთელ მოსახლეობაზე გავრცელდეს. ევროკომისიის პრეზიდენტის წერილში ხაზგასმულია, რომ ევროკავშირი საქართველოდან ჟურნალისტების, აქტივისტებისა და უსამართლოდ დაკავებული პირების გათავისუფლებას მოითხოვს. რაც შეეხება ინდივიდუალურ სანქციებს, ფონ დერ ლაიენი აღნიშნავს, რომ ევროკავშირის წევრ სახელმწიფოებს შორის კონსენსუსი ჯერჯერობით მიღწეული არ არის, თუმცა მოლაპარაკებები გრძელდება. საუბარია იმ პირების დასანქცირებაზე, რომლებიც პასუხისმგებელნი არიან დემოკრატიულ უკუსვლასა და ადამიანის უფლებების დარღვევებზე.ევროკომისიის პრეზიდენტს წერილი საპატიმროდან ოპოზიციონერმა პოლიტიკოსებმა: ზურაბ ჯაფარიძემ, ელენე ხოშტარიამ, ნიკა გვარამიამ, ნიკა მელიამ, ლევან ხაბეიშვილმა, გიორგი ვაშაძემ, ირაკლი ოქრუაშვილმა და გივი თარგამაძემ გაუგზავნეს.პასუხად ურსულა ფონ დერ ლაიენი აცხადებს, რომ ევროკავშირი ძალისხმევას არ დაიშურებს ქართველი ხალხის ევროპული მომავლისთვის, თუმცა ქვეყნის ხელისუფლებას ნეგატიური მოვლენების ფონზე მტკიცე რეაგირებისკენ მოუწოდებს.

1772114780

მალე ამ ინდექსების ძირითადი პარამეტრები ხელმისაწვდომი გახდება ეროვნული ბანკის ვებგვერდის მეშვეობითაც.ადგილობრივ და საერთაშორისო ინვესტორს შეეძლება მაქსიმალური გამჭვირვალობით თვალი ადევნოს  სახელმწიფო ფასიანი ქაღალდების ბაზრის მომგებიანობა/შემოსავლიანობას, რისკ-მახასიათებლები ... საინვესტიციო და საპენსიო ფონდებს შეუძლია საერთაშორისოდ აღიარებული ეტალონი (Benchmark) ქართული სახელმწიფო ფასიანი ქაღალდების შესაფასებლად გამოყენება; შესაძლებელი ხდება საბირჟო საინვესტიციო ფონდების (ETF) და სხვა ტიპის  საინვესტიციო ფონდების სტრუქტურირება გამჭვირვალე ინდექსებზე დაყრდნობით; საინვესტიციო აქტივების მმართველებს საშუალება ეძლევათ, ობიექტურად გაზომონ და გამოაქვეყნონ თავიანთი პორტფელების შემოსავლიანობები გამჭვირვალე ბენჩმარკის მიმართ; ადგილობრივი და საერთაშორისო ინვესტორები უფრო მკაფიოდ შეაფასებენ საქართველოს სახელმწიფო ობლიგაციებში ინვესტირების რისკების პარამეტრებს და ამონაგების დინამიკას; საზოგადოება მიიღებს სახელმწიფო ობლიგაციების ბაზრის ამონაგებზე გამჭვირვალე წვდომას. ინდექსებს აქვეყნებს Intercontinental Exchange (ICE), ფინანსური ბაზრის მონაცემებისა და ინდექსების ერთ-ერთი უმსხვილესი გლობალური მიმწოდებელი. ICE ჯგუფში შედის ბევრი ცნობილი საფონდო ბირჟა და ქლირინგული ორგანიზაცია, მ.შ. ნიუ-იორკის საფონდო ბირჟის ჯგუფი (NYSE Group), აგრეთვე ფიუჩერსებისა და დერივატივების ბირჟები (ICE Futures US, Europe, Endex) და ქლირინგული ორგანიზაციები (ICE Clear US, Europe, Netherlands, Singapore).დღეს ICE მართავს მსოფლიოში ერთ-ერთ ყველაზე ყოვლისმომცველ ინდექსთა პლატფორმას, რომელიც მოიცავს ათასობით სუვერენულ, კორპორაციულ და განვითარებადი ბაზრების ინდექსს. მისი მეთოდოლოგიური სიზუსტე და გლობალური აღიარება მას საერთაშორისო კაპიტალის ბაზრების ერთ-ერთ ყველაზე პრესტიჟულ ინდექსების პლატფორმად აქცევს.საქართველოს სახელმწიფო ობლიგაციების შვიდი ინდექსი ამოქმედდა:

1772110320

სამუშაოების მიმდინარეობას დღეს ადგილზე ჯივიპის ტექნიკურ დირექტორთან, გიგა ნადირაძესთან ერთად დავით გელოვანი, დიდუბის რაიონის გამგებელი და შოთა ქევხიშვილი, თბილისის საკრებულოს დიღმის მასივის მაჟორიტარი დეპუტატი გაეცნენ.სარეაბილიტაციო სამუშაოები მოიცავს წყალმომარაგების ქსელის 390 მეტრი სიგრძის მონაკვეთის სრულ შეცვლას. პროექტის ფარგლებში ახალ ქსელზე დამონტაჟდება 3 ერთეული სახანძრო ჰიდრანტი და მოეწყობა 22 ერთეული საკვანძო ჭა, რაც სისტემის გამართულ მუშაობასა და სტაბილურ წყალმომარაგებას უზრუნველყოფს.ამასთან, სრულად განახლდება წყალარინების ქსელის 420 მეტრი სიგრძის მონაკვეთი და 14 ერთეული წყალარინების ჭა მოეწყობა. განახლებული ინფრასტრუქტურა მნიშვნელოვნად შეამცირებს ქსელის დაზიანების რისკს და უზრუნველყოფს სისტემის გამართულ ფუნქციონირებას.სარეაბილიტაციო სამუშაოები ჯივიპიმ 2026 წლის 27 იანვარს დაიწყო და მარტის ბოლოს დაასრულებს. პროექტის ჯამური ინვესტიცია 650,000 ლარს შეადგენს.სარეაბილიტაციო სამუშაოების დასრულების შედეგად დიღმის მასივის მე-3 კვარტალის აბონენტებს წყალმომარაგება მნიშვნელოვნად გაუუმჯობესდება.(R)

1772108706

მედიისთვის ცნობილი გახდა, რომ კომპანიის ახალ ფინანსურ დირექტორს, ირაკლი ინაშვილს, რეორგანიზაციის საფარქვეშ კადრების მასობრივი შემცირება დაევალა. დასაქმებულთა განცხადებით, პროცესს იძულებითი ხასიათი აქვს: მათ აპრილის ბოლომდე საკუთარი ნებით წასვლის შესახებ განცხადებების დაწერას სთხოვენ, ყოველგვარი ფინანსური კომპენსაციისა და სოციალური გარანტიების გარეშე.„ენგურჰესის“ 1 100-მდე თანამშრომლიდან 80%-მდე ოკუპირებულ ტერიტორიაზე, კერძოდ გალის რაიონში ცხოვრობს. მათთვის აღნიშნული სამსახური შემოსავლის ერთადერთი წყაროა. დასაქმებულები აცხადებენ, რომ სამუშაო ადგილების დაკარგვა გამოიწვევს რეგიონის ქართველებისგან დაცლას, რადგან ადგილზე სხვა დასაქმების ალტერნატივა არ არსებობს. გარდა ამისა, პერსონალის დიდ ნაწილს აქვს საბანკო ვალდებულებები და ჯანმრთელობის მძიმე პრობლემები, რომელთა მოგვარებაც სამსახურის გარეშე შეუძლებელი გახდება.გიორგი თოდუა აცხადებს, რომ „ენგურჰესი“ არ არის რიგითი საწარმო. მისი თქმით, ეს არის სტრატეგიული ობიექტი და ერთადერთი ინსტიტუციური კავშირი საქართველოსა და ოკუპირებულ აფხაზეთს შორის.„იქ დასაქმებული ქართველები რეალურად ქმნიან ცოცხალ ხიდს, რომელიც ინარჩუნებს სოციალურ და ეროვნულ კავშირს. თუ იქ დასაქმებული ქართველები იძულებით დატოვებენ სამუშაო ადგილებს, ეს ნიშნავს, რომ სახელმწიფო ხალხს მეორედ დევნის საკუთარი სახლებიდან, ამჯერად „ეკონომიკური“ ფორმით,“ - აღნიშნავს თოდუა.მისივე შეფასებით, თანამშრომელთა გათავისუფლება დამატებით რისკებს ქმნის ეროვნული უსაფრთხოების თვალსაზრისით, რადგან საწარმოს სამუშაო ნაწილი და ტურბინები ოკუპირებულ ტერიტორიაზე, სოფელ საბერიოში მდებარეობს.ეკონომიკის სამინისტროში რეორგანიზაციის პროცესს ადასტურებენ, თუმცა გათავისუფლებების მასშტაბსა და იძულების ფაქტს უარყოფენ. მინისტრის მოადგილის, ინგა ფხალაძის განმარტებით, ცვლილებების მიზანი საწარმოს ეფექტიანობის გაზრდა და კადრების განახლებაა.სამინისტროს პოზიციით, „ელექტროენერგიის ტარიფიდან“ არ უნდა ხდებოდეს სოციალური ფუნქციის სუბსიდირება. უწყებაში მიიჩნევენ, რომ ადგილობრივი მოსახლეობის სოციალურ-ეკონომიკურ საჭიროებებზე სხვა სახელმწიფო უწყებებმა უნდა იზრუნონ.

1772108253

Moody’s ელის, რომ 2026 და 2027 წლებში რეალური მშპ-ს ზრდა დაახლოებით 5.5% იქნება, რაც ხელს შეუწყობს ძლიერ საკრედიტო აქტივობასა და ჯანსაღი ბიზნეს გარემოს ჩამოყალიბებას.Moody’s-ის ანგარიშში აღნიშნულია, რომ საბანკო აქტივების ხარისხი მდგრადი დარჩება. ძლიერი ეკონომიკური ზრდა და შინამეურნეობების შემოსავლების ჯანსაღი დინამიკა ხელს შეუწყობს მსესხებელთა გადახდისუნარიანობას.კაპიტალის ბუფერები საკმარისი დარჩება, რასაც ხელს შეუწყობს მკაცრი მარეგულირებელი მოთხოვნები და ძლიერი შიდა კაპიტალის წარმოქმნა. ასევე, მაღალი დარჩება მომგებიანობა.ანგარიშში ასევე აღნიშნულია, რომ დეპოზიტების დედოლარიზაცია კვლავ გაგრძელდა და საქართველოს ეროვნულმა ბანკმა აღადგინა უცხოური ვალუტის რეზერვები.

1772101207

იმ 40 ქვეყანაში, რომლებსაც ეს საერთაშორისო საფინანსო ინსტიტუტი ფარავს, ეკონომიკური ზრდა პროგნოზირებულზე მეტად - 3.4%-ით გაიზარდა. თუმცა, ბანკი აფრთხილებს, რომ განგრძობადმა სავაჭრო არეულობამ შესაძლოა ზოგიერთი ეკონომიკის ზრდა მაინც შეაფერხოს.„სურათი იმაზე მეტად ოპტიმისტურია, ვიდრე შემოდგომაზე იყო... ჩვენ ველით, რომ მიმდინარე და მომავალ წელს მაჩვენებლები იმაზე უკეთესი იქნება, ვიდრე შარშან", - განუცხადა Reuters-ს EBRD-ის მთავარმა ეკონომისტმა ბეატა იავორჩიკმა.ინფლაციის შენელება და ინფრასტრუქტურულ პროექტებზე დიდი ხარჯები - განსაკუთრებით ევროპაში - ხელის შემწყობი ფაქტორები აღმოჩნდა. ამასთან, ანგარიშმა აჩვენა, რომ აშშ-ის პრეზიდენტ დონალდ ტრამპის სავაჭრო ტარიფების გავლენა არ ყოფილა ისეთი მკვეთრი, როგორც მოსალოდნელი იყო.ბანკი ახლა მიმდინარე წელს 3.6%-იან ზრდას ელოდება, ხოლო 2027 წელს - 3.7%-იანს. ორივე მაჩვენებელი 0.2 პ.პ.-ით არის გაზრდილი შემოდგომის პროგნოზებთან შედარებით.EBRD-ის ზოგიერთი ქვეყნიდან აშშ-ში ექსპორტი გაიზარდა კიდეც, განსაკუთრებით ხელოვნური ინტელექტის (AI) ბუმთან დაკავშირებულ სექტორებში, რადგან ამ ქვეყნებმა ჩინური ექსპორტი ჩაანაცვლეს. უნგრეთი, ჩეხეთი და პოლონეთი ახორციელებენ ხელოვნურ ინტელექტთან დაკავშირებული პროდუქციის ექსპორტს, როგორიცაა: სერვერები, პროცესორები და გამოთვლითი სისტემები, რაც იმას ნიშნავს, რომ მათმა ეკონომიკამ ამ ცვლილებით შესაძლოა სარგებელი ნახოს.თუმცა, იავორჩიკმა გააფრთხილა, რომ ტარიფების სრული გავლენა კვლავ ბუნდოვანია; ანგარიშში ასახული ვაჭრობის უდიდესი ნაწილი აშშ-ში 2025 წლის აპრილის „განთავისუფლების დღის“ (Liberation Day) ტარიფების დაწესებამდე შევიდა. გარდა ამისა, გაურკვევლობას მატებს აშშ-ის უზენაესი სასამართლოს გადაწყვეტილება იმის შესახებ, რომ ტრამპმა გადააჭარბა თავის უფლებამოსილებას საწყისი ტარიფების დაწესებისას.„ეს ტურბულენტობა ნიშნავს, რომ პოლიტიკის შემქმნელები იძულებულნი არიან ფოკუსირდნენ გადაუდებელ შოკებზე, რომლებიც ყოველკვირეულად, თუ ყოველდღიურად არა, ჩნდება“, - განაცხადა მან. მისივე თქმით, ეს ქვეყნებს ართმევს შესაძლებლობას, დაუპირისპირდნენ უფრო დიდ პრობლემებს, როგორიცაა დემოგრაფიული „ნელი მოქმედების ბომბი“ და სხვა ფაქტორები, რომლებიც ცხოვრების სტანდარტებს ემუქრება.იავორჩიკმა ასევე აღნიშნა, რომ უკრაინაში მიმდინარე ომის გამო შექმნილმა „საგანგებო რეჟიმმა“ და თავდაცვის ხარჯების შემდგომმა ზრდამ, შესაძლოა, თანხები სხვა პრიორიტეტულ სამთავრობო მიმართულებებს მოაკლოს. საბოლოო გავლენა იმაზე იქნება დამოკიდებული, დაიხარჯება თუ არა ეს ფული ერთჯერად აღჭურვილობაზე, თუ ისეთ ინფრასტრუქტურაზე (გზები, საავადმყოფოები), რომელიც ეკონომიკასაც წაადგება. მისი თქმით, „პოლიკრიზისი“ ხაზს უსვამს იმის აუცილებლობას, რომ ლიდერებმა საჯარო ინვესტიციების ფოკუსირება მოახდინონ პროექტებზე, რომლებიც ეკონომიკურ ზრდას განაპირობებს.„გლობალური გაურკვევლობის ტურბულენტობა, სავარაუდოდ, შენარჩუნდება და ის დამაბრკოლებელი ძალა იქნება კერძო ინვესტიციებისთვის, სწორედ ამიტომ ვუსვამ ხაზს საჯარო ინვესტიციების როლს“, - დასძინა იავორჩიკმა.

1772098056

საგარეო საქმეთა მინისტრ მაკა ბოჭორიშვილსა და ბრიტანელ დიპლომატს შორის აუდიენცია დაახლოებით 40 წუთს გაგრძელდა. შეხვედრის დასრულების შემდეგ ელჩმა მედიასთან კომენტარისგან თავი შეიკავა, თუმცა მინისტრმა საუბრის დეტალები მკაცრად შეაფასა. ბოჭორიშვილის განცხადებით, მან ელჩისგან მოისმინა შეფასებები, რომელსაც ეფუძნება ლონდონის გადაწყვეტილება, თუმცა ვერ მოისმინა არგუმენტები, თუ რას ეფუძნება თავად ეს შეფასებები.„40 წუთის განმავლობაში მე არ მომისმენია არცერთი არგუმენტი, რომელიც გაამართლებდა იმ გადაწყვეტილებას, რომელიც ლონდონმა მიიღო. ასეთი მტკიცებულება ან ასეთი დოკუმენტი მე არ მინახავს. ბუნებრივია, არაფერი ყოფილა კონკრეტული წარმოდგენილი“, - განაცხადა მინისტრმა.ბოჭორიშვილის თქმით, ეს გადაწყვეტილება, სავარაუდოდ, თბილისიდან გაგზავნილ ინფორმაციას ეფუძნებოდა, რადგან, მისივე შეფასებით, რთული წარმოსადგენია, ლონდონში ვინმე ამ ტელეარხებს უყურებდეს.24 თებერვალს დიდმა ბრიტანეთმა „იმედსა“ და POSTV-ს სანქციები „რუსული დეზინფორმაციის გავრცელებაში ჩართულობის“ მოტივით დაუწესა. ბრიტანეთის მთავრობის განმარტებით, აღნიშნული მედიასაშუალებები უკრაინაში რუსეთის სრულმასშტაბიანი შეჭრის შესახებ შეცდომაში შემყვან ინფორმაციას განზრახ ავრცელებენ. დაწესებული შეზღუდვები მოიცავს აქტივების გაყინვას, ფინანსური მომსახურების აკრძალვასა და დირექტორების დისკვალიფიკაციას.

1772096760

ორბანმა განაცხადა, რომ ოთხი წლის განმავლობაში ზელენსკიმ „ვერ შეძლო მიეღო უნგრეთის სუვერენული მთავრობისა და უნგრელი ხალხის პოზიცია რუსეთსა და უკრაინას შორის ომთან დაკავშირებით“.„ოთხი წლის განმავლობაში თქვენ მუშაობდით იმაზე, რომ უნგრეთი თქვენს ქვეყანასა და რუსეთს შორის ომში ჩაგეთრიათ. ამ დროის განმავლობაში თქვენ მიიღეთ მხარდაჭერა ბრიუსელისგან და უზრუნველყავით უნგრული ოპოზიციის მხარდაჭერა“, - დაწერა მან.ორბანმა ასევე განაცხადა, რომ ზელენსკი, ბრიუსელი და უნგრული ოპოზიცია „კოორდინირებულად ცდილობენ, უნგრეთში ხელისუფლებაში პროუკრაინული მთავრობა მოიყვანონ“.გარდა ამისა, მან ახსენა ნავთობსადენი „დრუჟბა“, რომელსაც „კრიტიკული მნიშვნელობა აქვს უნგრეთის ენერგომომარაგებისთვის“ და ზელენსკი მის „ბლოკირებაში“ დაადანაშაულა. „თქვენი ქმედებები ეწინააღმდეგება უნგრეთის ინტერესებს და საფრთხეს უქმნის უნგრული ოჯახების უსაფრთხო და ხელმისაწვდომ ენერგომომარაგებას“, - აღნიშნა მან.წერილში ორბანმა უკრაინის პრეზიდენტს მოუწოდა, „შეცვალოს თავისი ანტიუნგრული პოლიტიკა“.„ჩვენ, უნგრელი ხალხი, არ ვართ პასუხისმგებელნი იმ სიტუაციაზე, რომელშიც უკრაინა აღმოჩნდა. ჩვენ თანავუგრძნობთ უკრაინელ ხალხს, მაგრამ არ გვსურს ომში მონაწილეობა. ჩვენ არ გვინდა სამხედრო მოქმედებების დაფინანსება და არ გვსურს ენერგომატარებლებში მეტის გადახდა“, - განაცხადა უნგრეთის პრემიერმა.დასასრულს, მან ზელენსკის მოუწოდა „დაუყოვნებლივ აღადგინოს“ ნავთობსადენ „დრუჟბას“ მუშაობა და „თავი შეიკავოს უნგრეთის ენერგეტიკულ უსაფრთხოებაზე ნებისმიერი შემდგომი თავდასხმისგან“.„მეტი პატივისცემა უნგრეთს!“, - ამ სიტყვებით დაასრულა ორბანმა წერილი. Open Letter to President Volodymyr ZelenskyyMr. President,For four years, you have been unable to accept the position of the sovereign Hungarian government and the Hungarian people regarding the Russia–Ukraine war.For four years, you have been working to force Hungary into… — Orbán Viktor (@PM_ViktorOrban) February 26, 2026 შეგახსენებთ, უნგრეთმა დაბლოკა ევროკავშირის მიერ უკრაინისთვის გამოყოფილი 90 მილიარდი ევროს ოდენობის კრედიტი, რადგან უარი თქვა ევროპარლამენტის მიერ დამტკიცებული სამი დოკუმენტიდან ერთ-ერთისთვის ხმის მიცემაზე.ევროკავშირში გამოთქვამენ შიშს, რომ წინასაარჩევნო კამპანიის დროს ორბანზე ზეწოლა შესაძლოა სახიფათო იყოს.ასევე, 25 თებერვალს უნგრეთის პრემიერ-მინისტრი გამოვიდა განცხადებებით უნგრეთის ენერგოსისტემის მიმართ არსებული ე.წ. „უკრაინული საფრთხის“ შესახებ და ენერგეტიკული ინფრასტრუქტურის დასაცავად სამხედროების განლაგება დააანონსა.უნგრეთში საპარლამენტო არჩევნები 2026 წლის აპრილში გაიმართება. სოციოლოგიური გამოკითხვები ოპოზიციური პარტია „ტისას“ (Tisza) მნიშვნელოვან უპირატესობას აჩვენებს.

1772095236