თბილისში ბინების გაყიდვები 7.2%-ით გაიზარდა

29 ივნისიდან, იტალიაში მსოფლიო რაგბის 20-წლამდელთა ჩემპიონატი იწყება. ბორჯღალოსნები აპენინის ნახევარკუნძულზე უკვე გაემგზავრნენ, სადაც 26 ივნისს, ჩემპიონატის დაწყებამდე ავსტრალიელ თანატოლებთან ერთად ერთობლივ ვარჯიშს გამართავენ და შემდეგ, პირველი მატჩისთვის მოემზადებიან.20-წლამდელთა მთავარმა მწვრთნელმა, ლადო კილასონიამ მსოფლიო თასისთვის 30 მორაგბე შეარჩია:შერკინება: არჩილ ნოზაძე (აჟენი), ბაჩუკი ბარათაშვილი, ლუკა ნარსია (აია), მიხეილ ხახუბია, შოთა ხელაძე, დავით არჩვაძე, ნიკა აბესაძე (ლელო), მათე ღურწკაია (კასტრი), გიორგი ძაგანია (ნარბონი), გიორგი მესხიძე, ანდრო დვალი (პერპინიანი), თემურ წულუკიძე (ოიონა), გაგი მარგველაშვილი (რასინგი), დავით ბარამია, მიხეილ შიოშვილი (ტულონი), ნიკოლოზ ჩხორთოლია (მონპელიე), გიორგი არძენაძე (ბათუმი).ხაზი: გიორგი სპანდერაშვილი (შავი ლომი), თემურ ძოძუაშვილი, საბა შარვაშიძე (აია), დავით წიკლაური, ლუკა თაყაიშვილი (ხვამლი), ბუბა ნოზაძე (ბათუმი), გიგი სირბილაძე, ნუგზარ ქევხიშვილი, დათა ახვლედიანი (ლელო), სანდრო სესიაშვილი, სანდრო მესხიძე, ლუკა კეშელავა (არმია), ტარიელ ბურთიკაშვილი (ვეფხვები).საქართველოს ნაკრები C ჯგუფში, ირლანდიასთან, ახალ ზელანდიასთან და მასპინძელ იტალიასთან ერთადაა.ჩვენი გუნდის მატჩების განრიგი კი, ასეთია:ირლანდია Vs საქართველო | 29 ივნისი, 20:00, კალვიზანოახალი ზელანდია Vs საქართველო | 4 ივლისი, 20:00, ვიადანასაქართველო Vs იტალია | 9 ივლისი, 22:30, კალვიზანოთიბისისთვის ქართული რაგბის მხარდაჭერა მომავალში ინვესტიციაა - იმ ახალგაზრდებში, რომლებიც არამხოლოდ მოედანზე, არამედ მის გარეთაც ჩვენი ქვეყნის სიმტკიცისა და ენერგიის მაგალითები არიან.#ერთადგავიმარჯვებთ

1751017704

ახლახან, მარტვილში სამეგრელოს სასკოლო ლიგის ფარგლებში, მინი ფეხბურთის ფინალური შეხვედრა გაიმართა. შეხვედრაში ერთმანეთს ფოთის N15 საჯარო სკოლა და მარტვილის მუნიციპალიტეტის სოფელ სერგიეთის საჯარო სკოლა დაუპირისპირდნენ.შეხვედრა სერგიეთის მოგებით დასრულდა.სამეგრელოს მინი ფეხბურთის ჩემპიონატში მონაწილეობა რეგიონის 8 მუნიციპალიტეტის 16 საჯარო სკოლის 200-მდე მოსწავლემ მიიღო.ახლა ფინალური შეხვედრები საქართველოს სხვადასხვა რეგიონში იმართება. ერთად ვუგულშემატკივროთ მომავალ სპორტსმენებს.ინფორმაციისთვის, სასკოლო ლიგის ფარგლებში, საქართველოს სხვადასხვა რეგიონში, სპორტის 15-მდე სახეობაში სკოლებს შორის შეჯიბრებები იმართება - მინი ფეხბურთში, კალათბურთში, თაგ რაგბიში (ე.წ. უკონტაქტო რაგბი), ჭადრაკში, მაგიდის ჩოგბურთში, ფარიკაობაში, მშვილდოსნობაში, ველოსპორტში, ტექბოლში, ცურვაში, ხელბურთში და სხვა - რაც შესაძლებლობას აძლევს მოსწავლეებს, გამოავლინონ საკუთარი პოტენციალი, აღმოაჩინონ ახალი უნარები და მიაღწიონ წარმატებას სპორტში.სასკოლო ლიგის პროექტში ყოველწლიურად 20 000-მდე მოსწავლე მონაწილეობს. საქართველოს ბანკი სასკოლო ლიგის მთავარი სპონსორია. 

1751016709

პარლამენტში ირაკლი კობახიძის დღევანდელი გამოსვლიდან გავიგეთ ისიც, რომ თბილისის ახალი აეროპორტის აშენების ვადამ გადაიწია. შესაბამისად, ვაზიანში აშენებული აეროპორტი მგზავრებს 2028 წლის ნაცვლად 2031 წლიდან მოემსახურება. „მოსამზადებელი სამუშაოები არის უკვე დაწყებული. დავიწყებთ პარტნიორის შერჩევის პროცედურას და მომავალ წელს უკვე გვეყოლება პარტნიორი კომპანია. 2031 წელს უკვე ჩვენ შევძლებთ აეროპორტის გადატანას ვაზიანში“, - თქვა ირაკლი კობახიძემ და დაამატა, რომ ვაზიანში თბილისის ახალი საერთაშორისო აეროპორტი მინიმუმ 18 მლნ მგზავრზე იქნება გათვლილი.ირაკლი კობახიძის ძირითადი გზავნილები პარლამენტის ტრიბუნიდან კი ასე გამოიყურება:  ჩვენ ისტორიულად ერთმანეთთან ვაკავშირებდით ევროპას და აზიას, დასავლეთს და აღმოსავლეთს და ჩვენი სურვილია, რომ ეს პოტენციალი მაქსიმალურად ავითვისოთ ანაკლიის პორტის მშენებლობის პირველი ფაზა არაუგვიანეს 2029 წლისა დასრულდება და ჩაიდება 600 მილიონი დოლარის ინვესტიცია, პირველი ფაზის დასრულების შემდეგ, პორტი წელიწადში 600 ათასზე მეტ კონტეინერს მოემსახურება გასული 12 თვის განმავლობაში აშენდა 4 ახალი ჰიდროელექტროსადგური, ამ კუთხით კიდევ უფრო გააქტიურდება სამუშაოები, გვაქვს ამბიციური მიზანი - 2030 წლისთვის საქართველო გახდეს სრულად თვითკმარი ქვეყანა ენერგეტიკული თვალსაზრისით ტურიზმის სექტორი ვითარდება სწრაფი ტემპით, 2024 წელს რეკორდულად მაღალი - 4.4 მლრდ დოლარის შემოსავალი მიიღო ტურიზმიდან ჩვენმა ქვეყანამ, ვუმასპინძლეთ 7.4 მლნ საერთაშორისო მოგზაურს სრულდება რკინიგზის მოდერნიზაციის პროექტი, რის შემდეგაც რკინიგზის გამტარუნარიანობა გაიზრდება 27 000 000-დან 48 000 000 ტონამდე, ბაქო-თბილისი-ყარსის პროექტით გათვალისწინებული სამუშაოები თითქმის ბოლომდეა მიყვანილი 2024 წელს სიღარიბემ შეადგინა 9.4%, პირველად დაფიქსირდა ერთნიშნა მაჩვენებელი, გვაქვს ამბიციური მიზანი, რომ  2028 წლისთვის მაქსიმუმ 4%-მდე შემცირდეს სიღარიბე ჩვენს ქვეყანაში 2028 წლისთვის ჩვენი მიზანია, მაქსიმუმ 4%-მდე შემცირდეს უმუშევრობის დონე  ქვეყანაში,  გვინდა, რომ შევქმნათ 200 000 სამუშაო ადგილი,  ასევე გვაქვს ამბიციური მიზანი, რომ საშუალო ხელფასმა მიაღწიოს 3 500 ლარს პროგრამის - „აწარმოე საქართველოში"  ფარგლებში დაფინანსდა 1 500 მეწარმე სუბიექტი და შეიქმნა 10 ათასზე მეტი სამუშაო ადგილი, საკრედიტო საგარანტიო სქემის სახელმწიფო პროგრამით დაფინანსდა 292 პროექტი, შეიქმნა 3 300-ზე მეტი სამუშაო ადგილი ისტორიულ მინიმუმზეა უმუშევრობა ჩვენს ქვეყანაში - გასული წლის ბოლოსთვის უმუშევრობამ შეადგინა 13,9%, ეს არის ისტორიული მინიმუმი დამოუკიდებლობის აღდგენის შემდეგ საქართველო პირველ ადგილზეა ბიუჯეტის გამჭვირვალობის კუთხით საერთაშორისო ინდექსებში, ეს მნიშვნელოვანი ფაქტორი ხელს უწყობს სწორი ფისკალური მონაცემების შენარჩუნებას ჩვენ გავაორმაგეთ და კიდევ უფრო მეტად გავზარდეთ ოთხი წლის განმავლობაში ჩვენი ქვეყნის ნომინალური ეკონომიკა დოლარში, წლის ბოლოს პირველად, ჩვენი ეკონომიკა 100 მილიარდ ლარს გადააჭარბებს ინვესტიციების მოზიდვის კუთხით ერთ-ერთი ყველაზე შთამბეჭდავი მიღწევა იყო არაბული, Emaar-ის ინვესტიცია - ეს არის 6 მილიარდი დოლარის ღირებულების პროექტი, რომელიც საქართველოში განხორციელდება ეკონომიკაზე დგას ჩვენი მოსახლეობის სოციალური მდგომარეობის გაუმჯობესება, ჩვენი დემოკრატიული სისტემის და ჩვენი საგარეო პოლიტიკური პოზიციების განმტკიცება, გვაქვს ძალიან კარგი ტენდენციები, მაღალი ეკონომიკური ზრდა, მთავარია, ყველაფერი გავაკეთოთ, რომ ზრდის მაღალი ტემპი შევინარჩუნოთ იუსტიციის სახლების რაოდენობამ ქვეყნის მასშტაბით 125 შეადგინა, 2012 წელს კი, მხოლოდ 12 იუსტიციის სახლი ფუნქციონირებდა, მიწის სისტემური რეგისტრაციის რეფორმის ფარგლებში აიზომა 810 ათასი მიწის ნაკვეთი, საიდანაც 553 ათასი დარეგისტრირდა საანგარიშო პერიოდის განმავლობაში განხორციელდა 437 კილომეტრი საერთაშორისო და შიდასახელმწიფოებრივი მნიშვნელობის გზის რეაბილიტაცია, გაიხსნა 84,4 კილომეტრი მაგისტრალური გზა, წინა ხელისუფლებამ 9 წლის განმავლობაში მხოლოდ 68 კილომეტრი მაგისტრალური გზა ააშენა წლის ბოლომდე 24-საათიანი წყალმომარაგებით უზრუნველყოფილი იქნება გაერთიანებული წყალმომარაგების კომპანიის დაფარვის არეალში მყოფი 31 ქალაქი, 2026 წელს დაემატება 14 ქალაქი, 2027 წელს 3 ქალაქი და წყალმომარაგებით ისარგებლებს უკლებლივ ყველა ქალაქი ქვეყნის მასშტაბით 2024 წელს, რთველი ჩატარდა წარმატებულად, ჩაბარდა 325 000 ტონა ყურძენი, რაც უპრეცედენტო მაჩვენებელია, ექსპორტიდან მიღებულმა შემოსავლებმა შეადგინა 276 მლნ დოლარი, მევენახეების შემოსავალმა კი - 485 მლნ ლარი, დარგის მხარდაჭერა მომავალშიც გაგრძელდება სოფლის მეურნეობის განვითარებაში გვაქვს მნიშვნელოვანი მიღწევები - აგრობიზნესის გამოშვება გაიზარდა გასულ წელს 1 მილიარდი ლარით, აგროსასურსათო პროდუქციის ექსპორტის მოცულობამ შეადგინა 1,7 მილიარდი დოლარი, რაც რეკორდული მაჩვენებელია სკოლამდელი და ზოგადი განათლების ბიუჯეტი გაიზარდა 419 მილიონი ლარით, 30-30 მილიონი ლარით გაიზარდა უმაღლესი და პროფესიული განათლების ბიუჯეტი, რაც უზრუნველყოფს შესაბამისი პროგრამების გაფართოებას და განათლების ხარისხის შემდგომ გაუმჯობესებას 2 120 ჰა ფართობზე განხორციელდა ტყის აღდგენა-განაშენიანების ღონისძიებები, უმკაცრესი ზომები იქნება მიღებული ტყის უკანონო ჭრის წინააღმდეგ, ტყე არის ერთ-ერთი მნიშვნელოვანი სიმდიდრე, რომელიც აქვს ჩვენს ქვეყანას ადამიანებზე ზრუნვა არ იყო წინა ხელისუფლების პრიორიტეტი, ჩვენი ხელისუფლების პირობებში 4-ჯერ და მეტად არის გაზრდილი დანახარჯები ჯანდაცვის სფეროში, მოსახლეობის ჯიბიდან გადახდები 2012 წლის შემდეგ 73%-დან 41%-მდე შემცირდა, გრძელდება ყველა წარმატებული ჯანდაცვის პროგრამის განხორციელება

1751016019

მოლაპარაკების თანახმად, TBC PLC შეიძენს მაჟორიტარულ წილს BILLZ-ში მაქსიმუმ $12 მლნ-ად, რაც მოიცავს საწყის ეტაპზე 53%-იანი წილის შეძენას $9 მლნ-ად და მომდევნო ორი წლის განმავლობაში მისი 60%-მდე გაზრდის გეგმას. ამ გარიგებით BILLZ-ის ღირებულება ინვესტიციის შემდეგ $20 მლნ-ად განისაზღვრა (post-money valuation).შეთანხმების პირობების მიხედვით, BILLZ განაგრძობს ფუნქციონირებას საკუთარი ბრენდის ქვეშ, თუმცა სრულად ინტეგრირდება TBC Uzbekistan-ის ეკოსისტემაში. BILLZ-ში ასევე რჩება მენეჯმენტი და ძირითადი გუნდი, რომლებიც პროდუქტის განვითარებასა და სამუშაოს შესრულებას განაგრძობენ.TBC PLC-მ ასევე მოიპოვა უფლება დარჩენილი 40%-იანი წილის გამოსყიდვაზე, რაც შეიძლება განხორციელდეს შეთანხმების დასრულებიდან 36 თვის შემდეგ.ცნობისთვის, BILLZ წარმოადგენს ყოვლისმომცველ SaaS პლატფორმას საცალო ვაჭრობის მართვისთვის მცირე და საშუალო ბიზნესებისთვის. იგი აერთიანებს POS სისტემას, მარაგების აღრიცხვას, CRM-ს, ელექტრონულ კომერციასა და ანალიტიკას, რაც ბიზნესს ეხმარება ოპერაციების გამარტივებასა და გაყიდვების ზრდაში. პლატფორმა ასევე უზრუნველყოფს მარტივ მარკეტინგს, ინტეგრაციას ონლაინ ბაზრებთან და სოციალურ მაღაზიებთან, რაც ხელს უწყობს ონლაინ ზრდას. BILLZ ამჟამად ემსახურება 4,000-ზე მეტ საცალო ბიზნესს და ყოველთვიურად ამუშავებს 1.5 მილიონზე მეტ ტრანზაქციას, რაც მას რეგიონში ერთ-ერთ ყველაზე პოპულარულ SaaS პლატფორმად აქცევს.აღნიშნულ თანამშრომლობას წინ უსწრებდა აპრილში მცირე და საშუალო ბიზნესისთვის ახალი სესხის პროდუქტის წარდგენა, ხოლო წინა წელს გამოშვებული Osmon საკრედიტო ბარათი და Salom სადებეტო ბარათი. ეს პროდუქტები მნიშვნელოვან როლს ასრულებს ახალი მომხმარებლის სეგმენტების მოზიდვაში, შემოსავლების დივერსიფიკაციასა და ციფრული ბანკინგის ზრდაში, - აღნიშნავს TBC PLC.„მას შემდეგ, რაც 2019 წელს უზბეკეთში შევედით, TBC-მა მნიშვნელოვანი როლი ითამაშა ქვეყნის ფინანსური სერვისებისა და ტექნოლოგიური სექტორის განვითარებაში. ვიყავით ერთ-ერთი მთავარი სტრატეგიული ინვესტორი, რომლის ციფრულმა საბანკო ეკოსისტემამ დააწესა ახალი სტანდარტი ჯერ კიდევ ნაკლებად განვითარებულ ბაზარზე. მოხარულები ვართ, რომ განვაგრძობთ ამ მისიის შესრულებას ბაზრის ლიდერ BILLZ-თან სტრატეგიული პარტნიორობით. ვგეგმავთ ინოვაციებსა და პროდუქტის გაფართოებას, რაც მნიშვნელოვანი ნაბიჯია უზბეკეთის ტექნოლოგიური ინდუსტრიისთვის. მჯერა, რომ ეს პარტნიორობა კიდევ უფრო დააჩქარებს პლატფორმის ზრდას და გააღრმავებს სინერგიას ჩვენს ეკოსისტემაში მომხმარებლის აქტიურობის, ლოიალურობისა და შემოსავლის ზრდის მიმართულებით“, - განაცხადა TBC Uzbekistan-ის გენერალურმა დირექტორმა ნიკა ქურდიანმა.„ეს პარტნიორობა მნიშვნელოვანი ეტაპია არა მხოლოდ BILLZ-ისთვის, არამედ მთლიანად ცენტრალური აზიის სტარტაპ ეკოსისტემისთვის. ბოლო რამდენიმე წელი დავუთმეთ საცალო მოვაჭრეებისთვის თანამედროვე ციფრული ინსტრუმენტების მიწოდებას, რათა გაეზარდათ და გაეციფრულებინათ საკუთარი ბიზნესი. TBC Uzbekistan-თან გაერთიანება გვაძლევს შესაძლებლობას, მნიშვნელოვნად გავზარდოთ ჩვენი გავლენა, მეტი ღირებულება შევთავაზოთ მომხმარებელს და ავაჩქაროთ ჩვენი მისიის შესრულება რეგიონში. ვამაყობთ იმით, რაც ჩვენმა გუნდმა შეძლო და მოუთმენლად ველით განვითარების ახალ ეტაპს TBC-თან ერთად“, - განაცხადა რუსტამ ხამდამოვმა, BILLZ-ის თანადამფუძნებელმა და გენერალურმა დირექტორმა.TBC Capital აღნიშნულ გარიგებაში მოქმედებს როგორც TBC PLC-ის ექსკლუზიური M&A მრჩეველი.

1751015038

გარდაცვლილთა რაოდენობის პროცენტული განაწილება გარდაცვალების მიზეზების ძირითადი კლასების მიხედვით განსხვავებულია სხვადასხვა ასაკობრივი ჯგუფებისათვის. 5 წლამდე ასაკის გარდაცვლილ ბავშვებში დომინირებს პერინატალურ პერიოდში აღმოცენებული დარღვევები. 5-39 წლის ასაკში ჭარბობს ტრავმები, მოწამვლები და გარეგანი მიზეზების ზემოქმედების სხვადასხვა შედეგები, რადგან აღნიშნული ასაკობრივი ჯგუფისათვის შედარებით მაღალია უბედური შემთხვევების ალბათობა. 40 წლისა და უფროსი ასაკის მოსახლეობაში გარდაცვალების მიზეზებს შორის 2024 წელს დომინირებს სისხლის მიმოქცევის სისტემის ავადმყოფობები და სიმსივნეები.

1751012934

2024 წელს წყალარინების (კანალიზაციის) ქსელზე მიერთებული მოსახლეობის რიცხოვნობამ 2 მილიონი შეადგინა (მთლიანი მოსახლეობის 54.1%), რაც წინა წლის ანალოგიურ მაჩვენებელს (1.98 მილიონი) აღემატება 1%-ით.ამასთან, 2024 წელს ჩამდინარე წყლის გამწმენდ ნაგებობაზე მიერთებული მოსახლეობის რიცხოვნობამ შეადგინა 1.58 მილიონი (მთლიანი მოსახლეობის 42.7%), რაც წინა წლის ანალოგიურ მაჩვენებელს (1.52 მილიონი) აღემატება 3.9%-ით.

1751012633

ნიკა გუჯეჯიანის სახელობის სტიპენდიის 2024 წლის გამარჯვებული ივა ქიმერიძე გახდა. ის ამჟამად ბერლინში, Art Direction-ის მიმართულებით  სწავლობს. როგორც თავად ამბობს, უშუალოდ ამ  მიმართულებით გამოცდილება არ ჰქონია, თუმცა ცოდნა და უნარები, რომლებიც ვიზუალურ ხელოვნებაში დააგროვა,  შთამბეჭდავი პორტფოლიოს შექმნისთვის საკმარისი აღმოჩნდა .იმ ახალგაზრდებს, რომლებსაც სწავლის გაგრძელება Miami Ad School Europe-ში სურთ, ივა  საკუთარ გამოცდილებასა და რჩევებს უზიარებს:„სწავლის დასაწყისში Art Direction-ისა და Copywriting-ის კლასები ერთად ტარდება. აქამდე მეგონა, რომ Copywriting-ი საერთოდ სხვა მიმართულება იყო, ახლა გავიაზრე, რომ სიტყვები, გრაფიკა, ანიმაცია თუ ვიზუალური ხელოვნების სხვა ხერხები ერთმანეთთანაა გადაჯაჭვული, ერთმანეთს ავსებენ. სინამდვილეში, შეიძლება ქოფიდან წამოვიდეს ახალი და საინტერესო სარეკლამო კამპანიის იდეა. აქ სწავლა ყველასთვის სხვადასხვანაირი გამოცდილებაა, არიან უფრო გამოცდილებიც და გამოუცდელებიც. საბოლოოდ, ბევრ ახალ, ნიჭიერ ადამიანს ხვდები, რომლებთან საუბარი და აზრების მიმოცვლაც კი განვითარებაში გეხმარება. ბერლინში ცხოვრებაც სრულიად ახალი გამოცდილებაა. კრეატიული ინდუსტრია აქ დახვეწილი და განვითარებულია, ბევრ რეალურ ნამუშევარს და წარმატებულ კამპანიას ვნახულობთ, ლექციებზე პრაქტიკულად ვსწავლობთ, როგორ ავაგოთ კონცეფცია იდეისგან და როგორ შევქმნათ სრულყოფილი კამპანია მონახაზისგან“.პორტფოლიო Miami Ad School-ში მოსახვედრად და საკმაოდ დიდი კონკურენციის დასაძლევად მთავარი ინსტრუმენტია. ივა მომავალ სტუდენტებს ურჩევს, ყურადღება  გულწრფელობასა და სიმარტივეზე გაამახვილონ :„ვფიქრობ, ყველაზე მნიშვნელოვანია, თითო პროექტს  3-4 სლაიდი დაუთმო. ყოველწლიურად უამრავ პორტფოლიოს იღებენ და აუცილებელია, საკუთარი სათქმელის კომისიამდე ლაკონიურად მიტანა შეძლო.  სწორად უნდა შეარჩიო პროექტები, რომლებზეც  მოყვები, მაქსიმალურად ბევრი უნარი და შესაძლებლობა უნდა გამოავლინო. პროექტები ქაოსური არ უნდა იყოს, ამიტომ უმჯობესია იპოვო რაღაც საერთო ხაზი, იდეა, რომლითაც შენს ნამუშევრებს გააერთიანებ. ფინალურ ეტაპზე შენი საყვარელი პროექტი უნდა წარადგინო. აქ გადამწყვეტი მნიშვნელობა აქვს, როგორ ისაუბრებ, როგორ ახსნი, რატომ არის განსაკუთრებული ეს ნამუშევარი შენთვის. მთავარია იყო საკუთარი თავი და არ ეცადო, რომ ვიღაც უფრო გამოცდილი ითამაშო, გულწრფელი ინტერესი და ენთუზიაზმი უნდა ჩანდეს შენს თითოეულ სიტყვაში.“ივას ნამუშევრებსა და პორტფოლიოს, რომელიც ბევრ აპლიკანტს შორის გასულ წელს საუკეთესოდ დასახელდა, პორტფოლიოს ნახვა ბმულზე არის შესაძლებელი.ინფორმაციისთვის, წელს Miami Ad School-ში სწავლის ფორმატი შეიცვალა. 1-წლიან პროგრამაზე სტუდენტი ჰიბრიდულ რეჟიმში ისწავლის, სასწავლო წლის ნახევარს ბერლინში გაატარებს, ნახევარს კი − საქართველოში და ლექციებს ონლაინ დაესწრება. აპლიკაციების მიღების ბოლო ვადა 25 ივლისია. ასე რომ, თუ შენც მოგწონს კრეატიულ იდეებზე ფიქრი და ამ იდეების სიტყვებად თუ ვიზუალებად გაცოცხლება, აუცილებლად გამოიყენე შანსი, გახდე ნიკა გუჯეჯიანის სახელობის სტიპენდიის შემდეგი გამარჯვებული!აპლიკაციის შევსებისა და სასწავლო პროგრამების შესახებ დეტალური ინფორმაციის მისაღებად, ეწვიეთ ბმულს.განათლების გზაზე არ გაჩერდე!

1751012539

ფორუმის ფარგლებში, ქალაქ დევისის რობერტ მონდავის ინსტიტუტში სამეცნიერო სემინარი მეცნიერების, ეკონომისტების და ღვინის პროფესიონალების მონაწილეობით ჩატარდა. კონფერენციის ფარგლებში, მონაწილეებმა განიხილეს ქართული ღვინის აშშ-ის ბაზარზე დამკვიდრების სტრატეგია, აშშ-ის ბაზარზე ქართული ღვინის მარკეტინგული პოტენციალი და ქართული ღვინის თანამედროვე ინდუსტრიის მდგომარეობა.ამასთან ერთად, ქალაქ სან-ფრანცისკოში ქართული ღვინის კულტურის, მისი ისტორიის, ჯიშობრივი მრავალფეროვნების, უნიკალური მეღვინეობის მეთოდების, ქართული ღვინის ეკონომიკის და მარკეტინგის შესახებ კონფერენცია და ქართული ღვინის დეგუსტაცია გაიმართა.ღონისძიებას ღვინის ეროვნული სააგენტოს მარკეტინგისა და საზოგადოებასთან ურთიერთობის დეპარტამენტის უფროსი თამთა ყველაიძე დაესწრო, რომლის შეფასებით, მსგავსი აქტივობები უმნიშვნელოვანესია ქართული ღვინის ამერიკის ბაზარზე დასამკვიდრებლად.„ქართულ ღვინოს აშშ-ის ბაზარზე დიდი პოტენციალი აქვს; საქართველოდან ამერიკის შეერთებულ შტატებში გასულ წელს დაფიქსირდა ღვინის ექსპორტის ისტორიული მაქსიმუმი, 1,2 მილიონი ლიტრი. ქართული ღვინო წარმოდგენილია ამერიკის შეერთებული შტატების ყველა მნიშვნელოვან გამოფენაზე. ჩვენი მხარდაჭერით იმართება ქართული ღვინის დეგუსტაციები, ქართული ღვინისა და მისი კულტურის გასაცნობად ორგანიზებას ვუკეთებთ ამერიკელი ღვინის პროფესიონალების საქართველოში ვიზიტს“, - აღნიშნა თამთა ყველაიძემ.აღსანიშნავია, რომ „ქართული ღვინის ფორუმი“, ტრადიციულად, მოიცავს სამეცნიერო კონფერენციას, რომლის ფარგლებშიც, მსოფლიოს სხვადასხვა ქვეყნის მეცნიერ-მკვლევრები ქართული ვაზის კულტურასა და ისტორიასთან დაკავშირებულ სამეცნიერო კვლევებს წარადგენენ და განიხილავენ.სააგენტოში აღნიშნავენ, რომ ამერიკის შეერთებული შტატები ქართული ღვინის სტრატეგიულ ბაზარს წარმოადგენს, სადაც ქართული ღვინის პოპულარიზაციისა და ექსპორტის ზრდის ხელშეწყობის მიზნით, ღვინის ეროვნული სააგენტოს მხარდაჭერით, სხვადასხვა მნიშვნელოვანი ღონისძიება, მათ შორის, „ქართული ღვინის ფორუმი“ იმართება. ღვინის ეროვნული სააგენტოს მხარდაჭერით, 2013 წლიდან განხორციელებულმა მიზანმიმართულმა მარკეტინგულმა აქტივობებმა მნიშვნელოვნად შეუწყო ხელი აშშ-ში ქართული ღვინის ცნობადობის და ექსპორტის ზრდას.

1751009397