ფინანსთა სამინისტრო $1.3–მილიარდიანი ფინანსური პაკეტის მობილიზებას გეგმავს

სწორედ ამ მიზნით, SOLO-ს ინიციატივით შეიქმნა ვინილი “თაკარა” - ექსკლუზიური და ლიმიტირებული კოლექცია, რომელიც მხოლოდ 600 ეგზემპლარად გამოიცა და შესაძლებლობას აძლევს მსმენელს, სუხიშვილების ექსპერიმენტული სივრცის, თაკარას, უნიკალური ენერგია და ჟღერადობა საკუთარ სივრცეში გადაიტანოს.ვინილი აერთიანებს ილიკო სუხიშვილისა და მისი გუნდის კომპოზიციებს იმ სახით, რომლითაც ისინი თაკარას სცენაზე გაჟღერდა. ალბომი სტუდია Leno Records-ში ჩაიწერა.როგორც ილიკო სუხიშვილი აღნიშნავს, სცენაზე მუსიკა და მოძრაობა ერთმანეთისგან განუყოფელია, თაკარას შემთხვევაში მუსიკა ცეკვასთან ერთად, ნაბიჯ-ნაბიჯ და ბგერა-ბგერა იქმნება. სწორედ ამ პროცესის შედეგად იბადება ის განსაკუთრებული ენერგია, რიტმი და მუხტი, რომელიც წლების განმავლობაში თაკარას სცენის განუყოფელ ნაწილად იქცა.SOLO-ს ინიციატივით შექმნილი ვინილი „თაკარა“ ამ ენერგიის მატერიალური გამოხატულებაა. ფირფიტაზე შვიდი მუსიკალური ჩანაწერია თავმოყრილი - შვიდი განსხვავებული წარმოდგენიდან, რომლებმაც თაკარას სცენაზე საკუთარი ისტორია შექმნეს. ეს არის მუსიკალური კაფსულა, რომელიც სცენის ჯადოსნურ მომენტებს ინახავს და მსმენელს წარმოდგენის თანამონაწილედ აქცევს.ალბომში შესული კომპოზიციები ქართული კულტურის მრავალფეროვან ხასიათს წარმოაჩენს. მათ შორისაა „ქარაბშა“ - თავისუფალი, ლაღი და იმპროვიზაციული ენერგიით გამორჩეული დადგმის მუსიკა; „ჯარა“, რომელიც სვანურ მოტივებზეა დაფუძნებული და განსაკუთრებული სიზუსტითა და რიტმით გამოირჩევა; ასევე „კინტრიში“, რომელიც აჭარული ცეკვის მსუბუქ და ენერგიულ ბუნებას ასახავს.„თაკარა“ ლიმიტირებული ტირაჟით გამოიცემა. თითოეულ ვინილს საკუთარი სერიული ნომერი აქვს, რაც მას უნიკალურ საკოლექციო ნიმუშად აქცევს. ვინილის შეძენა SOLO ბუტიკში არის შესაძლებელი.საქართველოს ბანკი - სუხიშვილების გენერალური სპონსორი. (R)

1781096930

შეთავაზების ფარგლებში, 12, 13 და 14 ივნისს, Tbilisi Mall-ში შოპინგისას PLUS ბარათის მფლობელები 10-ჯერ მეტ PLUS ქულას დააგროვებენ. (მაქსიმუმ 100 ლარის PLUS ქულა).აქციით სარგებლობისთვის აუცილებელია შეთავაზების გააქტიურება მობილბანკში და გადახდის განხორციელება საქართველოს ბანკის ტერმინალზე.ინფორმაციისთვის, შეთავაზება ვრცელდება მხოლოდ შოპინგისა და აქსესუარების კატეგორიაზე და არ მოქმედებს კვების ობიექტებში, მარკეტებში, აფთიაქებში, გასართობ ზონებსა და სალონებში.Tbilisi Mall ერთ-ერთი ყველაზე დიდი სავაჭრო ცენტრია საქართველოში, რომელიც მომხმარებლებს მრავალფეროვან მაღაზიებსა და ბრენდებს სთავაზობს ყველა ასაკისა და გემოვნებისთვის.ასე რომ, თუ PLUS-ის დაბადების დღისთვის მეტი ქულის დაგროვება გსურთ, 12-14 ივნისს Tbilisi Mall-ში შოპინგი ამისთვის კარგი შესაძლებლობაა.შეთავაზებების გააქტიურება შესაძლებელია ამ ბმულზე. (R)

1781092073

საქართველოს საბანკო ასოციაციის ცნობით, ერთი სქემა ითვალისწინებს WhatsApp-ში ან სხვა საკომუნიკაციო აპლიკაციაში, ერთი შეხედვით ნაცნობი კონტაქტისგან, შეტყობინების მიღებას. შეტყობინებაში ყალბი ბმულით თაღლითურ ვებგვერდზე გადასვლა და საბარათე თუ სხვა პირადი ინფორმაციის შეყვანაა მოთხოვნილი. შედეგად, თაღლითები იღებენ წვდომას ტელეფონზე. ასევე, ხშირია შემთხვევები, როდესაც ახლობლის სახელით მომხმარებელი პირდაპირ გადარიცხვის მოთხოვნას იღებს.მეორე სქემის თანახმად, ელ-ფოსტაზე ფინანსური ინსტიტუტების სახელით ვრცელდება ყალბი შეტყობინებები, რომლებშიც, თითქოსდა ახალი რეგულაციების მიხედვით, ფინანსური ინსტიტუტი მომხმარებლისგან საიდენტიფიკაციო მონაცემების შეცვლას ითხოვს. აქაც, მომხმარებლებს პირადი ან ბარათის ინფორმაციის შეყვანის მოთხოვნა ხვდებათ.გახსოვდეთ:1. არ დაეყრდნოთ მხოლოდ შეტყობინებას, თუნდაც ის მეგობრის ან ოჯახის წევრისგან იყოს გამოგზავნილი - თუ ერთი სხვა საკომუნიკაციო არხით თანხის გადარიცხვას გთხოვენ, მოთხოვნა სხვა არხით გადაამოწმეთ ან დაუკავშირდით გამომგზავნს პირადად.2. ბანკი არასდროს მოგთხოვთ კონფიდენციალური ინფორმაციის ვებგვერდზე შეყვანას  - ნებისმიერი ინფორმაცია გადაამოწმეთ ბანკთან ოფიციალური საკომუნიკაციო არხით. 3. სისტემატიურად განაახლეთ თქვენი მობილური ტელეფონი და სამუშაო კომპიუტერის ოპერაციული სისტემის ვერსია - თაღლითები სწორედ განუახლებელი მოწყობილობების მოწყვლადობებით სარგებლობენ და თაღლითურ სქემებს მათი მეშვეობით ახორციელებენ.4. ჩართეთ ორფაქტორიანი ავთენტიფიკაცია - ის კიდევ ერთ დამატებით უსაფრთხოების შრეს წარმოადგენს თქვენი მოწყობილობებისა და ანგარიშების დასაცავად.5. იმ შემთხვევაში, თუ მოტყუვდით და გააზიარეთ პაროლი, ფინანსური ან საბარათე მონაცემები თაღლითურ გვერდზე, შეცვალეთ ეს პაროლი ყველგან და დაბლოკეთ ის ბარათი, რომლის მონაცემებიც თაღლითურ ვებგვერდზე შეიყვანეთ.ფინანსური ან პირადი მონაცემების გაზიარებამდე ყოველთვის გადაამოწმეთ, რომ ნამდვილად სანდო სივრცეში შეგყავთ. რამდენიმე წუთიანმა გადამოწმებამ შესაძლოა თავიდან ფინანსური ზარალი აგარიდოთ!

1781090928

მთავრობის მეთაურის თქმით, ჩინეთთან პარტნიორობა ქაღალდზე კი არ არის, არამედ ორივე ქვეყნისთვის სრულიად კონკრეტულ სარგებელში აისახება. მისივე შეფასებით, ჩინეთის ხელისუფლება საქართველოს ეპყრობა როგორც თანასწორს, რაც გლობალური პოლიტიკის არსებული მანკიერებების ფონზე განსაკუთრებით დასაფასებელია.ირაკლი კობახიძემ ხაზი გაუსვა ბოლო პერიოდში მიღწეულ კონკრეტულ ეკონომიკურ და პოლიტიკურ შედეგებს: სავაჭრო ბრუნვა და ექსპორტი: 2024 წელს ორ ქვეყანას შორის სავაჭრო ბრუნვა 17%-ით, 2025 წელს 21%-ით, ხოლო 2026 წლის იანვარ-აპრილში 45%-ით გაიზარდა. დღეს ჩინეთი საქართველოს სავაჭრო პარტნიორებს შორის მესამე ადგილს იკავებს საერთო ვაჭრობით, ხოლო მეორეს - ქართული წარმოების ექსპორტით. ამასთან, მიმდინარე წლის იანვარ-აპრილში საქართველოდან ჩინეთში ქართული წარმოების ექსპორტი 3-ჯერ გაიზარდა. გასული წლის ნოემბერში კი ხელი მოეწერა თავისუფალი ვაჭრობის შეთანხმების გაღრმავებას. ლოგისტიკა და „შუა დერეფანი“: 2024 წელს ხელი მოეწერა მემორანდუმს ჩინეთ-ევროპის სარკინიგზო ექსპრესისთვის ტრანსკასპიური საერთაშორისო სატრანსპორტო მარშრუტის განვითარების შესახებ. გატარებული ნაბიჯების შედეგად, 2025 წელს შუა დერეფნით გადაზიდული კონტეინერების რაოდენობამ ისტორიულ მაქსიმუმს მიაღწია. ტურიზმი და ავიამიმოსვლა: ამოქმედებულმა უვიზო რეჟიმმა მგზავრთნაკადის მნიშვნელოვანი ზრდა გამოიწვია. ჩინელი ვიზიტორების რაოდენობა 2024 წელს 83%-ით, 2025 წელს 44%-ით, ხოლო 2026 წლის პირველ კვარტალში 49%-ით გაიზარდა. საქართველოს ბაზარზე უკვე 3 ჩინური ავიაკომპანია ოპერირებს - Air China-ს პეკინი-ურუმჩი-თბილისის რეისს, ივლისიდან China Southern-ის ანალოგიური მიმართულება, ხოლო 15 ივლისიდან China Eastern-ის პირდაპირი ფრენები (შანხაი-თბილისი) დაემატება. პრემიერ-მინისტრმა აღნიშნა, რომ 2023 წლის შემდეგ ორ ქვეყანას შორის 14 უმნიშვნელოვანესი საერთაშორისო შეთანხმება გაფორმდა, ხოლო 6 დოკუმენტი განხილვის ფინალურ ეტაპზეა. განათლების მიმართულებით კი მზადდება ახალი მემორანდუმი, რომელიც უნივერსიტეტებს შორის გაცვლით პროგრამებს, ერთობლივ პროექტებსა და საქართველოში ჩინური ენის სწავლების გაფართოებას ითვალისწინებს.ირაკლი კობახიძემ მადლობა გადაუხადა ჩინეთის თავმჯდომარე სი ძინპინს, ჩინეთის პრემიერსა და ელჩს საქართველოში, ჭოუ ციენს. ქართული მხრიდან მან განსაკუთრებული მადლობა გადაუხადა პრეზიდენტ მიხეილ ყაველაშვილს, რომელმაც სახელმწიფოს სახელით მოაწერა ხელი ხელშეკრულებას, ასევე საგარეო საქმეთა მინისტრ მაკა ბოჭორიშვილს, ეკონომიკის მინისტრ მარიამ ქვრივიშვილსა და განათლების მინისტრ გივი მიქანაძეს.

1781088949

დოკუმენტს ხელი მოაწერეს საქართველოს ფინანსთა მინისტრმა ლაშა ხუციშვილმა და სამხრეთ კავკასიაში მსოფლიო ბანკის რეგიონულმა დირექტორმა როლანდ პრაისმა.აღნიშნული თანხა ნაწილია პროექტისა, რომლის ჯამური ღირებულება, დაახლოებით, 751 მილიონი აშშ დოლარია, რაც მოიცავს 372 მილიონ აშშ დოლარს მსოფლიო ბანკის ჯგუფისგან, პარალელურად მიმდინარეობს მუშაობა 175 მილიონი აშშ დოლარის აზიის განვითარების ბანკისგან (ADB) და 182 მილიონი აშშ დოლარის აზიის ინფრასტრუქტურის საინვესტიციო ბანკისგან (AIIB) დაფინანსების მიღების მიმართულებით.ხელმოწერის ცერემონიას ქართული მხრიდან დაესწრნენ ინფრასტრუქტურის მინისტრი რევაზ სოხაძე, ფინანსთა მინისტრის მოადგილე ეკატერინე გუნცაძე, ინფრასტრუქტურის მინისტრის მოადგილე მზია გიორგობიანი, ეკონომიკისა და მდგრადი განვითარების მინისტრის მოადგილე თამარ იოსელიანი, სს საქართველოს რკინიგზის გენერალური დირექტორი ლაშა აბაშიძე, საავტომობილო გზების დეპარტამენტის თავმჯდომარე ლევან დარახველიძე და თავმჯდომარის მოადგილე სალომე წურწუმია.პროექტი ითვალისწინებს სარკინიგზო გამტარუნარიანობის გასაზრდელად საქართველოს რკინიგზისთვის ელექტრო სარკინიგზო ლოკომოტივების შეძენას, ელექტრო ქვესადგურების მშენებლობას, საქართველოს რკინიგზის ინსტიტუციონალურ გაძლიერებას, ასევე, საავტომობილო გზის მონაკვეთების – ბადიაურიდან ჩალაუბნამდე და ჩალაუბნიდან ბაკურციხემდე და საავტომობილო გზის მონაკვეთის – გურჯაანიდან თელავამდე მშენებლობას. აღნიშნული მოიცავს, მათ შორის, სატრანსპორტო კვანძებს, ესტაკადებს, ხიდებს, ასევე, საგზაო უსაფრთხოების ზომების მიღებასა და საგზაო სექტორის ინსტიტუციონალურ გაძლიერებას.პროექტს განახორციელებენ სს „საქართველოს რკინიგზა" და საავტომობილო გზების დეპარტამენტი.შესაბამის საპროექტო შეთანხმებას სს „საქართველოს რკინიგზასა" და რეკონსტრუქციისა და განვითარების საერთაშორისო ბანკს შორის ხელი მოაწერეს სს საქართველოს რკინიგზის გენერალურმა დირექტორმა ლაშა აბაშიძემ და მსოფლიო ბანკის რეგიონულმა დირექტორმა სამხრეთ კავკასიაში როლანდ პრაისმა.რკინიგზისა და საავტომობილო გზების მიმართულებით განხორციელებული ინვესტიციები შუა დერეფნის ეფექტიანობის გაზრდისთვის მორიგი მნიშვნელოვანი ნაბიჯია, რაც ხელს შეუწყობს ქვეყნის სატრანსპორტო ინფრასტრუქტურის პროდუქტიულობისა და მდგრადობის გაუმჯობესებას და საქართველოს გრძელვადიან ეკონომიკურ ზრდას დერეფნის გასწვრივ ტვირთების უფრო სწრაფი და უსაფრთხო გადაადგილების უზრუნველყოფით.აღნიშნული ინვესტიციები მნიშვნელოვანია, როგორც საქართველოს ეკონომიკური განვითარებისთვის, ასევე, მზარდი საერთაშორისო სავაჭრო ნაკადებისა და უფრო დივერსიფიცირებული და უსაფრთხო მიწოდების ჯაჭვების მხარდაჭერისთვისაც.

1781087642

კვლევა, რომელიც ოთხშაბათს ორგანიზაცია „ევროპის საგარეო ურთიერთობათა საბჭომ“ (ECFR) გამოაქვეყნა, მომავალ კვირებში საფრანგეთსა და თურქეთში დაგეგმილი „დიდი შვიდეულისა“ (G7) და NATO-ს კრიტიკული სამიტების წინ - ავტორების შეფასებით, „აშშ-ის მიმართ ევროპელთა ღრმა უნდობლობას“ ააშკარავებს.ანგარიშის თანახმად, მიუხედავად იმისა, რომ ბევრი ევროპელი ელოდება ვაშინგტონთან ურთიერთობების გაუმჯობესებას დონალდ ტრამპის მიერ თანამდებობის დატოვების შემდეგ, ისინი ამავდროულად სულ უფრო მეტად არიან მზად, თავი დაიცვან აშშ-ის არასაიმედოობისგან და გააძლიერონ ევროპის თავდაცვა.მოხსენების თანახმად, აშშ-ის პრეზიდენტის აგრესიამ ახლო აღმოსავლეთში, მუქარებმა გრენლანდიის მისამართით, ევროპული ბაზებიდან ჯარების გაყვანის პირობამ და NATO-ს მომავლის მიმართ სკეპტიციზმმა ევროპელებში პრაგმატიზმის ზრდა გამოიწვია.„კონტინენტზე აშკარაა მხარდაჭერა ვაშინგტონზე დამოკიდებულების შემცირების მიმართ“, - განაცხადა იანა კობზოვამ, კვლევის თანაავტორმა და ECFR-ის უფროსმა მკვლევარმა. – „ევროპელები სულ უფრო მეტად უჭერენ მხარს თავდაცვის ხარჯების გაზრდას და, რაც მთავარია, გასაოცარ ნდობას ავლენენ იმის მიმართ, რომ კრიზისის დროს მათ დასახმარებლად მეზობელი ქვეყნები მივლენ“.პაველ ზერკამ, კობზოვას თანაავტორმა და ასევე ECFR-ის უფროსმა მკვლევარმა, აღნიშნა, რომ საზოგადოების მკაფიო მოთხოვნამ მეტი თვითმყოფადობისკენ და აშშ-ის თავდაცვის გარანტიებისგან თავის დაზღვევის აუცილებლობამ „ევროპის ლიდერებს შეუქმნა შესაძლებლობა, უსაფრთხოების საკითხებში უფრო შორს და სწრაფად წავიდნენ“.კვლევამ, რომელიც მაისში ჩატარდა ავსტრიაში, ბულგარეთში, დანიაში, ესტონეთში, საფრანგეთში, გერმანიაში, უნგრეთში, იტალიაში, ნიდერლანდებში, პოლონეთში, პორტუგალიაში, ესპანეთში, შვედეთში, შვეიცარიასა და გაერთიანებულ სამეფოში, აჩვენა, რომ გამოკითხულთა საშუალოდ მხოლოდ 11% მიიჩნევს აშშ-ს მოკავშირედ.ეს მაჩვენებელი ექვსი თვის წინ 16%-ს შეადგენდა, ხოლო 2024 წლის ნოემბერში - 22%-ს. გაბატონებული მოსაზრებით, აშშ ახლა „აუცილებელი პარტნიორია“, თუმცა ევროპული საზოგადოების 13% მას კონკურენტად მიიჩნევს, ხოლო 12% - პირდაპირ მოწინააღმდეგედ.ყველა ქვეყანაში უმრავლესობას აღარ აქვს იმედი, რომ თავდასხმის შემთხვევაში აშშ მათ დასახმარებლად მივა. ბულგარეთის გარდა, ადამიანების უმეტესობას,  მათ შორის იმ ქვეყნებშიც, სადაც ძლიერი მემარჯვენე პარტიები არიან, როგორებიცაა საფრანგეთი, იტალია, ნიდერლანდები და შვედეთი, სჯერა, რომ მსგავს სცენარში მათ „მინიმუმ ზოგიერთი ევროპული ქვეყანა“ მაინც დაეხმარება.გამოკითხვის მიხედვით, ევროპელები ახლა საშუალოდ 4%-ით უფრო მეტად უჭერენ მხარს ეროვნული თავდაცვის ხარჯების გაზრდას, ვიდრე გასულ წელს. იტალია ერთადერთი ქვეყანაა, სადაც მკაფიო უმრავლესობა ამის წინააღმდეგია.საშუალოდ, რესპონდენტთა 47% მხარს უჭერს ევროკავშირის მიერ ერთობლივი სესხის აღებას თავდაცვის ხარჯების დასაფინანსებლად, ხოლო 35% ამის წინააღმდეგია. მხარდაჭერა ყველაზე ძლიერია პორტუგალიაში (59%), დანიაში (56%), ნიდერლანდებში (55%) და ესპანეთში. თითქმის ყველა გამოკითხულ ქვეყანაში რესპონდენტთა უმრავლესობამ აღნიშნა, რომ მათმა ქვეყანამ უნდა შეამციროს სტრატეგიული დამოკიდებულება აშშ-ის სამხედრო ტექნიკაზე. იდეას „იყიდე ევროპული“ ყველაზე მეტი მომხრე ჰყავს დანიაში (75%), ნიდერლანდებში (72%), შვედეთში (70%), პორტუგალიაში (69%), საფრანგეთში (66%), შვეიცარიაში (64%), გაერთიანებულ სამეფოსა და ესპანეთში (ორივეში 62%).თუმცა, მნიშვნელოვნად ნაკლები მხარდაჭერა აქვს შიდა სახელმწიფოებრივი ხარჯების შემცირებას ეროვნული თავდაცვის ბიუჯეტების გასაზრდელად. ამ იდეის მიმართ წინააღმდეგობა ყველაზე დიდია იტალიაში (63%), ავსტრიაში (59%), გერმანიაში (56%), ესპანეთსა (54%) და დანიაში (52%).ასევე მცირეა მხარდაჭერა (29%) NATO-ს ახალი, მხოლოდ ევროკავშირის თავდაცვის ორგანოთი ჩანაცვლების იდეის მიმართ. ბულგარეთის გარდა, თითქმის ყველა ქვეყანაში გაბატონებული მოსაზრებაა, რომ აშშ-ევროპის ურთიერთობები „სავარაუდოდ გაუმჯობესდება“ ტრამპის წასვლის შემდეგ - ამ პოზიციას იზიარებს გამოკითხულთა 60% ან მეტი საფრანგეთში, ესპანეთში, დანიაში, ნიდერლანდებსა და შვედეთში.ენერგორესურსების გაზრდილი ფასების მიუხედავად, ევროპელთა 44% მიიჩნევს, რომ რუსეთიდან ნავთობისა და გაზის იმპორტის აღდგენა „უფრო ცუდი“ ან „ძალიან ცუდი“ იდეა იქნებოდა.თუმცა, უკრაინის ამბიცია ევროკავშირში გაწევრიანებასთან დაკავშირებით კვლავ ყოფს ევროპულ აზრს. უნგრეთში, ბულგარეთში, ავსტრიაში, გერმანიასა და ესტონეთშიც კი, რომელიც კიევის ერთ-ერთი ყველაზე მტკიცე მხარდამჭერია, რესპონდენტები „არსებულ კონტექსტში“ უკრაინის მიღებას უფრო მეტად ეწინააღმდეგებიან, ვიდრე მხარს უჭერენ.

1781082662

სწორედ ამ მიზნით, საქართველოს ბანკი Fulbright-ის სასტიპენდიო პროგრამით დაინტერესებული ახალგაზრდებისთვის, 12 ივნისს, 17:00 საათზე ონლაინ ვებინარს გამართავს. დასწრების მსურველებმა უნდა გაიარონ რეგისტრაცია ბმულზე.ვებინარის ფარგლებში მონაწილეები მიიღებენ დეტალურ ინფორმაციას Fulbright-ის პროგრამის შესახებ, რომელიც აშშ-ის საელჩოსთან პარტნიორობით ხორციელდება და ქართველ სტუდენტებს ამერიკის შეერთებული შტატების წამყვან უნივერსიტეტებში სამაგისტრო პროგრამებზე სრული დაფინანსებით სწავლის შესაძლებლობას აძლევს.შეხვედრაზე მონაწილეები გაეცნობიან შემდეგ საკითხებს: როგორ მოიპოვონ სრული დაფინანსება აშშ-ში სასწავლებლად; რა მიმართულებებზე არის შესაძლებელი სწავლის გაგრძელება, პროგრამის ფარგლებში; რას მოიცავს Fulbright-ის სტიპენდია; როგორ მიმდინარეობს განაცხადის შევსებისა და შერჩევის პროცესი; რა გამოცდილებასა და შესაძლებლობებს სთავაზობს პროგრამა ქართველ სტუდენტებს. შეხვედრის სპიკერები იქნებიან ნინა გაბადაძე, პროგრამის კოორდინატორი და აშშ-ის საელჩოს წარმომადგენელი, ასევე სალომე ცეცხლაძე, Fulbright-ის პროგრამის სტიპენდიატი.ვებინარის მონაწილეებს შესაძლებლობა ექნებათ, პირდაპირ დაუსვან კითხვები პროგრამის კოორდინატორსა და Fulbright-ის კურსდამთავრებულს და მიიღონ ამომწურავი ინფორმაცია როგორც განაცხადის პროცესზე, ისე ამერიკის შეერთებულ შტატებში სწავლის გამოცდილებაზე.Fulbright-ის სასტიპენდიო პროგრამაზე განაცხადების მიღება მიმდინარეობს და 1 ივლისს დასრულდება. პროგრამის ფარგლებში საქართველოს ბანკის სტიპენდიის შესახებ დეტალური ინფორმაციის მისაღებად ეწვიეთ ვებგვერდს.ინფორმაციისთვის, Fulbright-ის პროგრამა მსოფლიოში ერთ-ერთი ყველაზე პრესტიჟული საერთაშორისო საგანმანათლებლო პროგრამაა, რომელიც სტუდენტებს შესაძლებლობას აძლევს, ამერიკის შეერთებული შტატების წამყვან უნივერსიტეტებში სრული დაფინანსებით მიიღონ ხარისხიანი განათლება და განავითარონ პროფესიული და აკადემიური შესაძლებლობები საერთაშორისო გარემოში.ვებინარი 12 ივნისს, 17:00 საათზე, ონლაინ ფორმატში გაიმართება. რეგისტრაციის შემდეგ მონაწილეები შეხვედრის ბმულს მითითებულ ელექტრონულ ფოსტაზე მიიღებენ.დამატებითი ინფორმაციის მისაღებად და ვებინარზე დასარეგისტრირებლად ეწვიეთ ბმულს.(R)

1781081165

„აპექს ჰოლბრუკი“ 22-სართულიანი მრავალფუნქციური საცხოვრებელი კომპლექსია, რომელიც აერთიანებს საცხოვრებელ და კომერციულ სივრცეებს, სამდონიან საპარკინგე ინფრასტრუქტურას, 1 200 კვადრატული მეტრის გამწვანებულ ეზოს და 24-საათიან დაცვის სისტემას.კომპლექსის პანორამული ხედები იშლება მტკვარსა და ძველ თბილისზე, რაც „აპექს ჰოლბრუკს“ გამორჩეულ საცხოვრებელ პროექტად აქცევს. მშენებლობა 2025 წლის ბოლოს დაიწყო და დასრულება 2028 წელს არის დაგეგმილი.„მოხარული ვართ, რომ „აპექს დეველოპმენტთან” თანამშრომლობა სწორედ ამ პროექტით იწყება. გვჯერა, რომ ეს პარტნიორობა წარმატებული იქნება და მომავალში კიდევ არაერთ მნიშვნელოვან პროექტს განვახორციელებთ ერთად. თიბისი აქტიურად უჭერს მხარს უძრავი ქონების სექტორის განვითარებას. ჩვენთვის მნიშვნელოვანია ისეთი პროექტების მხარდაჭერა, რომლებიც თანამედროვე, ხარისხიან და მდგრად საცხოვრებელ გარემოს ქმნის. ამ მიდგომის გათვალისწინებით, 44%-იანი საბაზრო წილით ლიდერები ვართ სექტორის დაფინანსებაში, ჩვენი პორტფელი კი ₾2.2 მლრდ-ს აღწევს“, - ლაშა ცინცაძე, თიბისის უფროსი ვიცე პრეზიდენტი საცხოვრებელი უძრავი ქონების დეველოპმენტის მიმართულებით.„მოხარულები ვართ, რომ თიბისისთან პარტნიორობით ვახორციელებთ პროექტს. ჩვენი მიზანია, შევქმნათ ძლიერი და სტაბილური გარემო, სადაც მთავარი იქნება ხარისხი, ნდობა და გრძელვადიანი ურთიერთობები. აღსანიშნავია, რომ პროექტი ჩვენი სოციალური პასუხისმგებლობის მნიშვნელოვანი გამოხატულებაა - ტერიტორიაზე, სადაც წლების განმავლობაში 86 ოჯახი მეოთხე კატეგორიის ავარიულ საცხოვრებლებში ცხოვრობდა, ვაშენებთ თანამედროვე საცხოვრებელ კომპლექსს და უზრუნველვყოფთ მათთვის საცხოვრებელი პირობების არსებით გაუმჯობესებას. ჩვენთვის განვითარება მხოლოდ ახალი შენობების შექმნას არ ნიშნავს - ეს ადამიანების ცხოვრების ხარისხის გაუმჯობესებასა და უკეთესი მომავლის შექმნასაც გულისხმობს“, - ვლადიმერ რობაქიძე, „აპექს დეველოპმენტის“ გენერალური დირექტორი.(R)

1781080707