Visa ქუთაისის აეროპორტში ბიზნეს ლაუნჯის გაიხსნაზე აცხადებს

G&T-ის ინფორმაციით, წინა კვირას Lion Finance Group-ის ფასიანი ქაღალდები  £107.7-112.9-ად ივაჭრებოდა.01.06.2026-ის მდგომარეობით, ჯგუფის კაპიტალიაცია £4.760 მილიარდიააქციების ტრენდი კვირის და თვის ჭრილში

1780318147

საელჩოს განცხადებით, ვაშინგტონი მზად არის დაიწყოს ორმხრივი ურთიერთობების ახალი ეტაპი, რომელიც დაეფუძნება ურთიერთპატივისცემას, საერთო ინტერესებსა და გულწრფელ დიალოგს სუვერენულ პარტნიორებს შორის. აშშ-ის დელეგაცია ვიზიტის ფარგლებში შეხვდა როგორც ხელისუფლების, ისე ძირითადი ოპოზიციური პარტიების წარმომადგენლებს.პრემიერ-მინისტრ ირაკლი კობახიძესთან, ვიცე-პრემიერებთან და მთავრობის სხვა წევრებთან შეხვედრისას, მხარეებმა განიხილეს შესაძლო თანხვედრის სფეროები, მათ შორის: ეროვნული სუვერენიტეტი, სამართლიანი ეკონომიკური გარემო, მავნე გარე გავლენებისადმი მდგრადობა და ფუნდამენტური ღირებულებები.აშშ-ის მხარემ ხაზი გაუსვა ინტერესს კომერციული კავშირების გაფართოების, ამერიკული საქონლისა და ინვესტიციებისთვის ბაზრის ხელმისაწვდომობისა და უსაფრთხოებისა და ენერგეტიკის სფეროებში პარტნიორობის გაღრმავების მიმართ. საელჩოს განცხადებით, გრძელვადიანი და მდგრადი სტრატეგიული პარტნიორობისთვის საჭირო იქნება უწყვეტი პროგრესი იმ პირობების უზრუნველსაყოფად, რაც საქართველოს სანდო პარტნიორად აქცევს. კერძოდ, საუბარია ამერიკული ბიზნესისთვის ხელსაყრელ გარემოსა და სტაბილურ შიდა პოლიტიკურ კლიმატზე, რომელიც ხელს უწყობს ოპოზიციის ჩართულობას. დელეგაციამ მთავრობასთან ამ მიზნების მისაღწევად კონკრეტული ნაბიჯებიც განიხილა.სახელმწიფო დეპარტამენტის წარმომადგენლებმა სიღრმისეული შეხვედრები გამართეს წამყვანი ოპოზიციური პარტიების ლიდერებთან, მათ შორის: „ერთიანი ნაციონალური მოძრაობის“, „კოალიცია ცვლილებისთვის“, „ძლიერი საქართველო - ლელოსა” და პარტია „გახარია საქართველოსთვის“ წევრებთან.დელეგაციამ მოისმინა ოპოზიციის შეშფოთება 2024 წლის ოქტომბრის შემდეგ მათ მიმართ მოპყრობის, საკონსტიტუციო სასამართლოში მიმდინარე საქმეებისა და ქვეყანაში არსებული პოლიტიკური გარემოს შესახებ. შეხვედრაზე ამერიკულმა მხარემ დააფიქსირა პოზიცია, რომ ფუნქციონალური დემოკრატია საჭიროებს პოლიტიკურ ოპოზიციას, რომელიც სახელმწიფო ინსტიტუტებთან ურთიერთობს ამომრჩეველთა ინტერესების წარმოსაჩენად.ვაშინგტონის შეფასებით, პოლიტიკური სტაბილურობა და ოპოზიციის რეალური წარმომადგენლობა არის სწორედ ის ფაქტორები, რომლებიც საქართველოს სანდო პარტნიორად აქცევს ამერიკული ინვესტიციების, უსაფრთხოების სფეროში თანამშრომლობისა და გრძელვადიანი სტრატეგიული პარტნიორობისთვის. აშშ-ის საელჩოს განცხადებით, შეერთებული შტატები ერთგული რჩება კონსტრუქციული ურთიერთობისა ყველა სერიოზულ პოლიტიკურ აქტორთან, რომელიც დაინტერესებულია ქვეყნის სტაბილურობითა და სუვერენიტეტით.

1780316515

1 ივნისს ჩათვლით, sCoolApp-ის მომხმარებლები Wendy’s-სა და Subway-ში 50%-იან ქეშბექს მიიღებენ. (თითოეულ ობიექტში დაბრუნებული თანხის მაქსიმალური ოდენობა 20 ლარია).ასევე 1 ივნისს, Miniso-ს 50%-იანი, მთაწმინდა პარკის 30%-იანი (მაქსიმუმ 50 ლარის) და Meama-ს 50%-იანი ქეშბექი დაგხვდებათ (მაქსიმუმ 20 ლარის).ინფორმაციისთვის, შეთავაზებებით სარგებლობისთვის აუცილებელია მათი წინასწარ გააქტიურება sCoolApp-ში.გარდა ამისა, 1 ივნისს მოსწავლეები 30% - იანი ქეშბექს მიიღებენ შემდეგ ობიექტებში: ჯეკი ჩანი მაგნოლია ფილმ ლაბ პენდანტი ფლეიმ ფუდი ჯემინი ბურგერს დუდლს პანუოცო უმაი ექსტრა მითი ფენქეიქი განჯინაში კი 20% ქეშბექით ისარგებლებთ. 30 ივნისის ჩათვლით ჯემინი ბურგერსსა და დუდლსში მომხმარებლები 30%-იანი ქეშბექით ისარგებლებენ, ხოლო 24 ივნისის ჩათვლით არჩევანში 20%-იანი ქეშბექი იმოქმედებს.sCoolApp-ში მოსწავლეებს ასევე დახვდებათ Cellfie-ის, კას ლენდ პარკის, ლატვილის და სხვა ობიექტების შეთავაზებები.გარდა ამისა, 1 ივნისს East Point-ში მოსწავლეებისთვის სპეციალური ღონისძიება გაიმართება.ასე, რომ არ გამოგრჩეთ sCoolApp-ის შეთავაზებები.თუ სკოლის მოსწავლე ხარ - გადმოწერე sCoolApp მარტივად,ხოლო თუ თქვენს შვილს ჯერ კიდევ არ აქვს აპლიკაცია, გაუაქტიურეთ ამ ბმულზე.(R)

1780308314

კერძოდ, Lion Finance Group-ის (BGEO LN) აქციები დაიხურა 111.10 ბრიტანულ ფუნტ სტერლინგში (GBP), +4.42% წინა კვირასთან შედარებით და +1.18% გასულ თვესთან შედარებით. ვაჭრობის მოცულობამ 247 ათას აქციაზე მეტი შეადგინა, GBP 107.70 - 112.90 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 68 ათასი აქცია შეადგინა.თიბისი ბანკის ჯგუფის (TBCG LN) აქციები დაიხურა 45.02 ბრიტანულ ფუნტ სტერლინგში (GBP), +2.69% წინა კვირასთან შედარებით და -5.82% გასულ თვესთან შედარებით. ვაჭრობის მოცულობამ 265 ათას აქციაზე მეტი შეადგინა, GBP 44.00 - 46.02 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 71 ათასი აქცია შეადგინა.Georgia Capital-ის (CGEO LN) აქციები დაიხურა 42.05 ბრიტანულ ფუნტ სტერლინგში (GBP), +6.46% წინა კვირასთან შედარებით და +7.96% გასულ თვესთან შედარებით. ვაჭრობის მოცულობამ 304 ათას აქციაზე მეტი შეადგინა, GBP 39.70 - 42.25 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 72 ათასი აქცია შეადგინა.

1780308166

ინოვაციური ვებპლატფორმა ახალგაზრდებში ფინანსური ცნობიერებისა და პრაქტიკული უნარების განვითარებას ისახავს მიზნად და აერთიანებს ერთი მხრივ, ფეხბურთის სტრატეგიას, დინამიკას და მეორე მხრივ, ფინანსური ცოდნის მიღებასა და მის პრაქტიკაში გამოყენებას.ღონისძიების სტუმრებს სიტყვით მიმართეს საქართველოს ეროვნული ბანკის პირველმა ვიცე-პრეზიდენტმა ეკატერინე მიქაბაძემ და Visa-ს რეგიონულმა მენეჯერმა კავკასიასა და მოლდოვაში დიანა კიღურაძემ.პრეზენტაციას ეროვნული ბანკის, კომერციული, საჯარო და არასაჯარო სფეროს წარმომადგენლები, ასევე „ფინედუს“ კონკურსში გამარჯვებული მასწავლებლები და მოსწავლეები ესწრებოდნენ. ღონისძიების ყველაზე საინტერესო და სახალისო ნაწილი  თამაშის  პრაქტიკაში გამოცდას დაეთმო. მოსწავლეები ფეხბურთის წესებისა და თამაშის  სტრატეგიების გარდა, ერთმანეთს ფინანსური განათლების საკითხების ცოდნაშიც შეეჯიბრნენ.„ტრადიციული სწავლების მეთოდების პარალელურად, თამაშზე დაფუძნებული მიდგომები საშუალებას გვაძლევს, რთული ფინანსური კონცეფციები მარტივად აღსაქმელი გავხადოთ. „ფინანსური ფეხბურთი“ სწორედ ასეთი ინსტრუმენტია - ის აერთიანებს სპორტის დინამიკას და ფინანსური ცოდნის პრაქტიკულ გამოყენებას. ეს არის მაგალითი იმისა, თუ როგორ შეიძლება განათლების მიღების პროცესი უფრო ცოცხალი, საინტერესო და სახალისო გახდეს“, - განაცხადა საქართველოს ეროვნული ბანკის პირველმა ვიცე-პრეზიდენტმა ეკატერინე მიქაბაძემ.საქართველოს ეროვნულ ბანკთან თანამშრომლობით შექმნილი „ფინანსური ფეხბურთი“ Visa-ს საგანმანათლებლო ინიციატივის ნაწილია და მისი მიზანია ახალგაზრდებისთვის ფინანსური საკითხების მარტივი, ინტერაქციული და სახალისო ფორმით მიწოდება. თამაში მონაწილეებს სხვადასხვა ფინანსური სცენარის მართვასა და გადაწყვეტილებების მიღებაში ავითარებს, რაც მათ ყოველდღიურ ცხოვრებაში ფინანსური უნარების გაძლიერებას უწყობს ხელს.

1780307846

გამოფენა ფერეიდნელი ქართველების ისტორიასა და კოლექტიურ მეხსიერებას ეძღვნება – თემს, რომელიც ოთხ საუკუნეზე მეტია საქართველოს ფარგლებს გარეთ, ირანის ისპაანის პროვინციაში აგრძელებს საკუთარი იდენტობის, კულტურისა და ქართული ენის შენარჩუნებას.გამოფენის სახელწოდება ერთი სიმბოლური ისტორიიდან იღებს სათავეს. ფერეიდანში მოგზაურობისას ნათელა გრიგალაშვილმა ადგილობრივისგან მოისმინა მისი დედის სიტყვები: „საით მიფრინავ, ღრუბელო? ვინ იცის, იქნებ საქართველოს მთებს გადაუფრინო?!“ – მონატრებისა და სამშობლოსთან უხილავი კავშირის ეს განცდა გამოფენის მთავარ ემოციურ ხაზად იქცა.პროექტის კონცეპტუალური საფუძველი უკავშირდება ლადო აღნიაშვილის 1894 წლის ჩანაწერებს. აღნიაშვილი პირველი ქართველი იყო, რომელმაც ირანში „დაკარგული“ ქართველების მოსაძებნად იმოგზაურა და მათი ყოფა აღწერა. ნათელა გრიგალაშვილის ფოტოსერია სწორედ ამ ისტორიული მოგზაურობის თანამედროვე ინტერპრეტაციას წარმოადგენს – კულტურული მეხსიერების, იდენტობისა და დროის მიღმა გაგრძელებული კავშირის კვლევას.გამოფენაზე წარმოდგენილი ნამუშევრები ასახავს ფერეიდანს, როგორც უნიკალურ კულტურულ სივრცეს, სადაც ყოველდღიური ცხოვრება სამშობლოს მუდმივ მონატრებასთანაა გადაჯაჭვული. ფოტოსერია ქმნის დიალოგს საუკუნის წინ აღწერილ და დღევანდელ ფერეიდანს შორის, წარსულსა და აწმყოს შორის, რომელიც ერთდროულად ისტორიულიცაა და პირადიც.ოცდაათ წელზე მეტია, ნათელა გრიგალაშვილი დოკუმენტური ფოტოგრაფიის სფეროში მუშაობს. მისი შემოქმედების მთავარი თემებია საქართველოს რეგიონების ყოველდღიური ცხოვრება, იზოლირებული თემების სოციალურ-კულტურული იდენტობა, კოლექტიური მეხსიერება და თანამედროვეობის გავლენა ტრადიციულ გარემოზე. ფოტოგრაფი ცნობილია გრძელვადიანი პროექტებით, რომლებიც ადგილობრივ თემებთან მჭიდრო ურთიერთობისა და ნდობის საფუძველზე იქმნება, რაც მის ნამუშევრებს განსაკუთრებულ სიღრმესა და ინტიმურობას ანიჭებს.კურატორი: მირიამ გრიგალაშვილიგამოფენის გახსნა: 6 ივნისის, 17:00 სთმისამართი: თიბისი კონცეპტის მულტიფუნქციური სივრცის გალერეა, მარჯანიშვილის 7(R)

1780306142

შეთანხმება ეფუძნება ეროვნული ბანკის ფინანსური განათლების ეროვნული სტრატეგიის ძირითად პრინციპებს და ითვალისწინებს ფინანსური განათლების პროექტებისა და აქტივობების განხორციელებას.„ფინანსური განათლების ამაღლება საქართველოს ეროვნული ბანკის ერთ-ერთი მნიშვნელოვანი პრიორიტეტია. კერძო სექტორთან თანამშრომლობა გვაძლევს შესაძლებლობას, ფინანსური განათლების პროგრამები უფრო ფართო აუდიტორიამდე მივიტანოთ და საზოგადოებაში პასუხისმგებლიანი ფინანსური ქცევის კულტურის გაძლიერებას შევუწყოთ ხელი“, - განაცხადა საქართველოს ეროვნული ბანკის პირველმა ვიცე-პრეზიდენტმა, ეკატერინე მიქაბაძემ.„ციფრული ფინანსების სწრაფი განვითარების ფონზე ფინანსური განათლების მნიშვნელობა მომავალი თაობებისათვის სულ უფრო იზრდება. ჩვენთვის საამაყოა სქართველოს ეროვნულ ბანკთან პარტნიორობა. ერთობლივი ძალისხმევით შეგვიძლია ახალგაზრდები მოვამზადოთ გააზრებული ფინანსური გადაწყვეტილებების მისაღებად. „პეივ ბანკი“ კვლავაც აქტიურად გააგრძელებს საქართველოს ფინანსური განათლების მხარდაჭერას“, - აღნიშნა „პეივ ბანკის“ აღმასრულებელმა დირექტორმა და თანადამფუძნებელმა სალიმ დჰანანიმ.

1780306107

ანგარიშის მიხედვით, აპრილში ხელფასის მიმღებთა საერთო რაოდენობამ 1,012,141 პირი შეადგინა, რაც 2.1%-ით აღემატება 2025 წლის აპრილის, ხოლო 0.6%-ით - 2026 წლის მარტის მაჩვენებელს. ბაზარზე კვლავ ფიქსირდება მაღალანაზღაურებადი პოზიციების წილის ზრდა დაბალშემოსავლიანი ჯგუფის შემცირების ხარჯზე.სახელფასო დინამიკა: მაღალი შემოსავლების ზრდა მაღალი ანაზღაურება: 2,400 ლარის ან მეტი თვიური ხელფასის მქონე პირთა წილმა ბაზარზე 36.7% შეადგინა. ეს მაჩვენებელი 3.7 პ.პ.-ით აღემატება გასული წლის აპრილის, ხოლო 1 პ.პ.-ით მიმდინარე წლის მარტის მონაცემებს. უმაღლესი სეგმენტი: 9,600 ლარზე მეტი ხელფასის მიმღებთა წილი 3.4%-მდე გაიზარდა (ზრდა მარტთან შედარებით 0.1 პ.პ., ხოლო წინა წელთან შედარებით 0.3 პ.პ.). დაბალი ანაზღაურება: 600 ლარამდე თვიური ხელფასის მქონე პირთა წილი 11.1%-მდე შემცირდა, რაც 1.5 პ.პ.-ით ნაკლებია 2025 წლის აპრილთან შედარებით. ვაკანსიების კლება jobs.ge-ზემიუხედავად დასაქმებულთა რაოდენობის ზრდისა, აპრილში შრომის ბაზარზე აქტივობის კლება დაფიქსირდა. პლატფორმა jobs.ge-ზე გამოქვეყნებული ვაკანსიების რაოდენობა 6,234-მდე შემცირდა, რაც მარტთან შედარებით 8.1%-იანი, ხოლო წინა წლის აპრილთან შედარებით 5.2%-იანი კლებაა. თვიური დინამიკა: მარტთან შედარებით ვაკანსიების ყველაზე მკვეთრი კლება ლოგისტიკის, ტრანსპორტისა და დისტრიბუციის სექტორში (-12.1%) დაფიქსირდა, ხოლო ყველაზე მცირე შემცირება - IT და პროგრამირების მიმართულებით (-6.4%). წლიური დინამიკა: 2025 წლის აპრილთან შედარებით, ვაკანსიები ყველაზე მეტად შემცირდა IT და პროგრამირების სფეროში (-17.0%). ერთადერთი მთავარი სექტორი, რომელმაც წლიური ზრდა აჩვენა, გაყიდვები და შესყიდვები იყო (+5.7%). სამთვიანი ტრენდი: 2026 წლის თებერვალი-აპრილის პერიოდში სულ გამოქვეყნდა 19,403 ვაკანსია (5.8%-ით მეტი 2025 წლის შესაბამის პერიოდზე). ამ ზრდაში ყველაზე დიდი წვლილი შეიტანა გაყიდვებისა და შესყიდვების სექტორმა (5,017 ვაკანსია, +12.8%). მას მოსდევს ადმინისტრაცია/მენეჯმენტი (4,443 ვაკანსია, +5.6%) და ფინანსები/სტატისტიკა (4,194 ვაკანსია, +11.7%). ბევერიჯის მრუდი: შრომის ბაზრის ეფექტიანობის შესუსტებაPMCG-ის ანალიზი, რომელიც სეზონურად დაკორექტირებულ ბევერიჯის მრუდს (Beveridge Curve) ეყრდნობა, აჩვენებს, რომ 2026 წლის პირველ კვარტალში შრომის ბაზრის ეფექტიანობა შემცირდა 2025 წლის მეოთხე კვარტალთან შედარებით.მრუდის გარეთა მიმართულებით გადაადგილება მიუთითებს, რომ გაუარესდა სამუშაოს მაძიებელთა და არსებული თავისუფალი ვაკანსიების ერთმანეთთან შესაბამისობის (matching) პროცესი. აღნიშნული ტენდენცია განპირობებული იყო უმუშევრობის დონის ზრდით იმ ფონზე, როდესაც ვაკანსიების მაჩვენებელი მეტ-ნაკლებად უცვლელი დარჩა. PMCG აღნიშნავს, რომ მსგავსი დროებითი გაუარესება ბაზარზე 2023 წლის პირველ კვარტალშიც დაფიქსირდა.

1780304879