GHG-ის ₾350 მლნ-იანი ობლიგაციები ბირჟაზე 17 სექტემბერს დაილისტება

კერძოდ, კომპანია ნაადრევად გამოისყიდის $98,057,000-ის ნომინალური ღირებულების ობლიგაციებს მისი $148,057,000-ის ჯამური ნომინალური ღირებულების მდგრადობასთან დაკავშირებული ობლიგაციებიდან (ISIN: GE2700604475).ობლიგაციების გამოსასყიდი ფასის გამოთვლა მოხდება შემდეგნაირად: (I) ძირი თანხის 101.70%, დამატებული (II) პროსპექტში აღწერილ “მდგრადობის შესრულების მიზანთან” დაკავშირებული პრემია ძირი თანხის 0.30%-ის სახით, და დამატებული (III) გადახდის თარიღამდე დაგროვილი და გადაუხდელი საპროცენტო სარგებელი.აღნიშნული თანხები $1,943,000-იანი ჯამური ნომინალური ღირებულების (1,943 ერთეული) მდგრადობასთან დაკავშირებული ობლიგაციის გამოკლებითაა, რომლებიც სს “საქართველოს კაპიტალის” სახაზინო ანგარიშზე ინახება და რომელთა გაუქმებაც მოხდება ზემოხსენებულ ანგარიშსწორების თარიღამდე.შესაბამისად, ანგარიშსწორების თარიღის შემდეგ, მდგრადობასთან დაკავშირებული ობლიგაციების დარჩენილი ძირითადი თანხა განისაზღვრება $50 მლნ-ით.ობლიგაციების ვადა 2028 წლის აგვისტომდეა. ობლიგაციების წინასწარ გამოსყიდვის სააღრიცხვო თარიღად 23 სექტემბერი, ხოლო ანგარიშსწორების თარიღად კი 26 სექტემბერი 2025.აღნიშნული ტრანზაქცია შეესაბამება კომპანიის ₾700 მლნ-იანი კაპიტალის დაბრუნების პროგრამას, რომელიც ჯგუფმა 2025 წლის 6 აგვისტოს გამოაცხადა და გაგრძელდება 2027 წლის ბოლომდე. პროგრამა მოიცავს კაპიტალის დაბრუნებას აქციების უკუგებით (buyback), დივიდენდებით და JSC GCAP-ის ობლიგაციების წინასწარი დაფარვით.

1758033319

პროგრამაში მონაწილეობით დაინტერესებული ახალგაზრდებისთვის კი საქართველოს ბანკი 19 სექტემბერს, 19:00 საათზე ონლაინ შეხვედრას მართავს.CHEVENING-ის პროგრამაზე განაცხადების მიღება უკვე დაიწყო და ის 7 ოქტომბერს დასრულდება.ღონისძიების ფარგლებში, საქართველოს ბანკის სტიპენდიატი - ლუკა ხუნდაძე და CHEVENING-ის პროგრამის კოორდინატორი - ვიკა ზამთარაძე მონაწილეებს მათთვის საინტერესო კითხვებზე პასუხებს გაუზიარებენ. კერძოდ, ვებინარის მონაწილეები გაიგებენ: როგორ მოიპოვონ საქართველოს ბანკის 100%-იანი სტიპენდია CHEVENING-ის პროგრამაში; როგორ მიიღონ ინფორმაცია სააპლიკაციო პროცესის შესახებ; მოისმენენ რჩევებს, რომლებიც საზღვარგარეთ სწავლისა და ცხოვრების გამოწვევების დაძლევაში დაეხმარებათ. შეხვედრაზე დასწრების მსურველებმა უნდა გაიარონ რეგისტრაცია ბმულზე: http://go.bog.ge/46uENpoაპლიკაციის შევსების შესახებ ინფორმაციის მისაღებად ეწვიეთ ბმულს.ღონისძიების შესახებ დეტალური ინფორმაცია ხელმისაწვდომია ბმულზე. 

1758027299

ღონისძიება 2025 წლის 19 სექტემბერს გაიმართება და იგი ყურადღებას საქართველოს ზამთრის კურორტების პოტენციალზე, მათ კონკურენტულ უპირატესობებსა და განვითარების პერსპექტივებზე გაამახვილებს.მონაწილეებს ექნებათ შესაძლებლობა, გაეცნონ უახლეს ტენდენციებს, ტექნოლოგიურ გადაწყვეტილებებსა და საკანონმდებლო სიახლეებს, რაც მათ ბიზნესის მოდერნიზაციასა და კონკურენტუნარიანობის ზრდაში დაეხმარება.ღონისძიებაზე განხილული იქნება:· პირდაპირი ჯავშნების ზრდა;· ციფრული მარკეტინგის გამოყენება ადგილობრივი ტურისტების მოსაზიდად;· კურორტების ოთხივე სეზონზე ვიზიტირებადობის ზრდის სტრატეგიები;· საერთაშორისო ტურისტების მოზიდვა რეგიონული კონკურენციის პირობებში;· ახალი ტურიზმის კანონის გავლენა სექტორზე.ღონისძიება თბილისში, 19 სექტემბერს 14:00 – 18:00 საათზე სასტუმრო მუზეუმში გაიმართება. დეტალური დღის წესრიგი იხილეთ ტურისტერის ვებგვერდზე. დასწრება თავისუფალია. რეგისტრაციისთვის ეწვიეთ ბმულს: https://tourister.ge/ka/registration-190925 

1758023844

„საარჩევნო მედია სკოლა“ ცენტრალური საარჩევნო კომისიის (ცესკო) თავმჯდომარე გიორგი კალანდარიშვილმა გახსნა და აღნიშნა, რომ ახალი პროექტი მომავალ ჟურნალისტებს საშუალებას აძლევს მიიღონ დეტალური ინფორმაცია როგორც უშუალოდ არჩევნების, ისე საარჩევნო პროცესების გაშუქების თანამედროვე სტანდარტებისა და საკანონმდებლო რეგულაციების შესახებ. მისი თქმით ,პროექტი კიდევ ერთხელ ადასტურებს ინსტიტუციის თანმიმდევრულობასა და საარჩევნო ადმინისტრაციის სტრატეგიულ ხედვას ახალგაზრდების ჩართულობის და მათი ინფორმირებულობის მიმართულებით.„საარჩევნო ადმინისტრაციამ მორიგი ინოვაციური საგანმანათლებლო პროექტი დაიწყო. ეს არის უნიკალური პლატფორმა და მომავალ ჟურნალისტებს აძლევს შესაძლებლობას მიიღონ საბაზისო ცოდნა არჩევნებთან და არჩევნების გაშუქებასთან. იმისათვის, რომ მათ ჰქონდეთ შესაბამისი ცოდნა და კვალიფიკაცია ობიექტურად გააშუქონ სხვადასხვა საარჩევნო საკითხი და ამომრჩეველს მიაწოდონ გადამოწმებული ინფორმაცია. „საარჩევნო მედია სკოლა“ საპილოტე რეჟიმში ხორციელდება, რაც მოგვცემს საშუალებას, კიდევ უფრო მეტად დავხვეწოთ შინაარსობრივი საკითხები, ლოგისტიკა და მომავალში გავაფართოოთ პროექტის განხორციელების მასშტაბი“, - განაცხადა გიორგი კალანდარიშვილმა.პროექტის მონაწილეებს სიტყვით მიმართა ცესკოს თავმჯდომარის მოადგილე გიორგი შარაბიძემ, რომელმაც ხაზი გაუსვა სასწავლო კურსის მნიშვნელობას საარჩევნო გარემოს გაუმჯობესების თვალსაზრისით.  შეხვედრას მოდერაციას ცესკოს პრეს-სპიკერი უწევდა, ნათია იოსელიანმა მონაწილეებს დეტალური ინფორმაცია მიაწოდა პროექტის შესახებ.საარჩევნო მედია სკოლის მონაწილეებისთვის პირველი ლექცია ცესკოს თავმჯდომარის მოადგილე გიორგი შარაბიძემ ჩაატარა და ქართული არჩევნების ისტორიისა და დემოკრატიული საარჩევნო პროცესის სახელმძღვანელო პრინციპების შესახებ ისაუბრა.პროექტის მონაწილეებს ინფორმაციას და საკუთარ გამოცდილებას შეხვედრებისა და დისკუსიის ფორმატში ცესკოს ხელმძღვანელ პირებთან და წარმომადგენლებთან ერთად მოწვეული ექსპერტები გაუზიარებენ. სტუდენტები ორი კვირის განმავლობაში ისეთ მნიშვნელოვან საკითხებს გაეცნობიან, როგორიცაა: საარჩევნო სისტემები და საარჩევნო ადმინისტრაციის მოდელები; ელექტრონული არჩევნები; ხმის მიცემის პროცედურები; ინკლუზიური საარჩევნო გარემო; მედიის როლი საარჩევნო პროცესში, საერთაშორისო პრაქტიკა, მედიის უფლებები და მოვალეობები საარჩევნო პროცესის გაშუქებისას, საქართველოში მოქმედი კანონმდებლობა და პრაქტიკა; დეზინფორმაცია როგორც მსოფლიოს გამოწვევა და მასთან გამკლავების გზები; არასწორი აღქმები და აზრის ფორმირება და ა.შ.სასწავლო კურსი ითვალისწინებს თეორიულ და პრაქტიკულ სწავლებას. პროექტი ცესკოსა და ახალგაზრდობის სააგენტოს შორის არსებული მემორანდუმის და ასევე ცესკოს სწავლების ცენტრსა და  უმაღლეს სასწავლებლებს შორის გაფორმებული მემორანდუმების ფარგლებში ხორციელდება.(R)

1758018965

„ამ კუთხით, აღსანიშნავია, რომ ივლისში შინამეურნეობებისა და იურიდიული პირების მხრიდან უცხოური ვალუტის წმინდა შესყიდვა კვლავ გაიზარდა, რაც, შარშანდელი პერიოდის მსგავსად, შესაძლოა, სენტიმენტების ფაქტორის გააქტიურებას უკავშირდებოდეს, თუმცა, როგორც ჩანს, გარკვეულწილად, ერთჯერად ფაქტორებსაც. ამავდროულად, გასათვალისწინებელია ისიც, რომ ივლისში, დეპოზიტების დოლარიზაციის ზრდის მიუხედავად, ლარის დეპოზიტების ნაშთიც გაიზარდა, აგვისტოს მეორე ნახევრიდან კი, როგორც აღინიშნა, კვლავ ლარიზაციის აჩქარების დინამიკა შეინიშნება. გარდა ამისა, მარტიდან აგვისტოს ჩათვლით საქართველოს ეროვნულმა ბანკმა, ჩვენი შეფასებით, ჯამურად, დაახლოებით, 1.5 მილიარდი აშშ დოლარი შეიძინა და, როგორც ჩანს, სავალუტო ინტერვენციებს სექტემბერშიც განაგრძობს, რაც ლარის მხარდამჭერი ძირითადი ფაქტორების მხრივ გარემოს მნიშვნელოვან ცვლილებაზე არ მიუთითებს. უახლესი მონაცემებით, მთლიანმა სავალუტო რეზერვებმა აგვისტოს მდგომარეობით 5.2 მილიარდი აშშ დოლარი შეადგინა, წინა თვესთან შედარებით 184 მილიონი აშშ დოლარით მეტი.რაც შეეხება სხვა მაკროეკონომიკურ მაჩვენებლებს, სამომხმარებლო ფასების ინფლაცია ზრდას განაგრძობს და აგვისტოში 4.6%-ს მიაღწია, რაც კვლავ ჩვენს პროგნოზებთან თანხვედრაშია. თიბისი კაპიტალის უცვლელი პროგნოზით, ინფლაცია მომდევნო თვეებში მცირედით კიდევ მოიმატებს და 5%-ს გადააჭარბებს, თუმცა წლის ბოლოსთვის, საბაზო ეფექტის გათვალისწინებით, შემცირდება და, დაახლოებით, 4.5%-ს მიაღწევს.  ამ მხრივ, საყურადღებოა, რომ სეზონურად შესწორებულმა და გაწლიურებულმა თვიურმა ინფლაციამ წლიურთან შედარებით ერთი პროცენტული პუნქტით (პ.პ.) ნაკლები, 3.5% შეადგინა.როგორც მოსალოდნელი იყო, აგვისტოში ინტერნეტის გადასახადის შემცირების ერთჯერადი ეფექტი ამოიწურა. უფრო მეტიც, ინტერნეტის გადასახადი ივლისთან შედარებით 4.6%-ით გაიზარდა, რამაც ჯამში მთლიანი ინფლაციის 0.2 პ.პ.-ით და მომსახურების ინფლაციის 1.2 პ.პ.-ით ზრდა გამოიწვია. შედეგად, მომსახურებაზე ფასები წლიურად 4.2%-ით გაიზარდა, ასევე მოლოდინების შესაბამისად. მომსახურების ფასების ზრდის ტემპი აჩქარებულია თვიურ ჭრილშიც, რაც ინფლაციაში კვლავ ადგილობრივი ფაქტორების მზარდ როლზე მიუთითებს.ინტერნეტის გადასახადის ეფექტის მილევის შემდგომ, ერთჯერადი ფაქტორები, რომლებიც 2024 წლიდან ინფლაციის შემცირებას განაპირობებდა, უკვე სრულად ამოწურულია. პირიქით, ამჯერად ერთჯერადი ფაქტორები უკვე ინფლაციის ზრდის მიმართულებით მოქმედებს, რაც პურსა და იმპორტულ სიგარეტზე (აქციზის განაკვეთის ზრდის შედეგად) ფასების მატებით არის გამოწვეული. აღნიშნულმა აგვისტოში ინფლაცია, დაახლოებით, 0.8 პროცენტული პუნქტით გაზარდა. სიგარეტის შემთხვევაში, ეს ეფექტი მომდევნო წლის იანვრამდე შენარჩუნდება, ხოლო, პურის შემთხვევაში, აპრილამდე. ამასთან, აგვისტოში საწვავზე ფასების წლიური კლებით გამოწვეული დისინფლაციური ეფექტი მნიშვნელოვნად შესუსტდა, რაც ბოლო ორ თვეში საწვავზე ფასების ზრდით არის განპირობებული.პროდუქტების წარმოშობის მხრივ, ადგილობრივად წარმოებულ საქონელსა და მომსახურებაზე ფასები აგვისტოში 6.6%-მდე აჩქარდა, რაც 2023 წლის ივლისის შემდეგ ყველაზე მაღალი მაჩვენებელია, სეზონურად შესწორებულმა გაწლიურებულმა ინფლაციამ კი 7.9% შეადგინა. 4-თვიანი პაუზის შემდეგ კვლავ დადებითი იყო იმპორტული ინფლაცია, რომელმაც აგვისტოში წლიურად 0.8%-ს მიაღწია, ხოლო, რაც უფრო მნიშვნელოვანია, სეზონურად შესწორებულმა და გაწლიურებულმა - 5.2%-ს. იმპორტული ინფლაციის დინამიკა განსაკუთრებით საყურადღებოა, რადგან, როგორც ადრეც აღინიშნა, ამ არხიდან ინფლაციური ზეწოლის დამატებით მნიშვნელოვანი გაძლიერების შემთხვევაში, რაც, ვფიქრობთ, რომ სადღეისოდ საბაზო სცენარი არაა, უცხოური ვალუტის არსებული სიჭარბე, სავარაუდოდ, ლარის უფრო მეტ სიმყარეში აისახება.აგრეთვე, პირდაპირი უცხოური ინვესტიციები მეორე კვარტალში, წინა წლის შესაბამის პერიოდთან შედარებით, 12%-ით შემცირდა. მიმდინარე წლის პირველ ნახევარში პირდაპირმა უცხოურმა ინვესტიციებმა ჯამში 764 მილიონი აშშ დოლარი შეადგინა, რაც წლიურ ჭრილში 15.5%-იანი კლებაა. ბოლო წლების დინამიკის მსგავსად, ინვესტიციების ძირითადი ნაწილი კვლავ რეინვესტირებულ მოგებაზე მოდიოდა, რომელმაც მეორე კვარტალში ჯამური მაჩვენებლის 80.4% შეადგინა, ხოლო ექვს თვეში - 81.1%. უცხოური ინვესტიციების შემცირება სწორედ რეინვესტიციებისა და სავალო ვალდებულებების კლებას უკავშირდება, ხოლო სააქციო კაპიტალის კომპონენტში გარკვეული ზრდა დაფიქსირდა“, – ნათქვამია თიბისი კაპიტალის მაკროეკონომიკურ მიმოხილვაში.

1758017996

ღონისძიების მხარდამჭერებს შორის იყო მიკრობანკი „კრისტალი“, რომელიც უკვე მრავალი წელია ქალთა ეკონომიკური გაძლიერების ხელშეწყობას საკუთარი სტრატეგიის ერთ-ერთ მთავარ მიმართულებად განსაზღვრავს.„კრისტალი“ უკვე მრავალი წელია ახორციელებს და მხარს უჭერს იმ პროექტებს, რომლებიც ქალთა ფინანსური განათლების, ლიდერობისა და მეწარმეობის ხელშეწყობას ისახავს მიზნად. კომპანიის მხარდაჭერა გამოფენის მიმართ ხაზს უსვამს მის პასუხისმგებლობას, ხელი შეუწყოს არა მხოლოდ ინდივიდუალურ წარმატებებს, არამედ მეწარმე ქალების მხარდაჭერას და მათ ჩართულობას ქვეყნის ეკონომიკის გაძვირებაში.გამოფენის ფარგლებში გამართული პანელური დისკუსია ქალთა ეკონომიკური გაძლიერების პროცესში ფინანსური მხარდაჭერის მნიშვნელობას მიეძღვნა. დისკუსიაში მონაწილეობა მიიღო მიკრობანკი „კრისტალის“ გენერალურმა დირექტორმა, ილია რევიამ, რომელმაც ხაზგასმით აღნიშნა, რომ მეწარმე ქალთა ფინანსური გაძლიერება არა მხოლოდ ინდივიდუალურ, არამედ საზოგადოებრივ და ეკონომიკურ განვითარებაზე პოზიტიურ ზეგავლენას ახდენს.„ჩვენთვის ქალთა გაძლიერება მხოლოდ სოციალური პასუხისმგებლობის ნაწილი არ არის. ეს არის სტრატეგიული გადაწყვეტილება, რომელიც გავლენას ახდენს როგორც ბიზნესის განვითარებაზე, ისე ქვეყნის ეკონომიკურ ზრდაზე. როდესაც ქალებს ვაძლევთ ფინანსურ შესაძლებლობებს, მათ ვაძლევთ შანსს, საკუთარი პოტენციალი სრულად გამოიყენონ. მათი წარმატება კი ქმნის უფრო სამართლიან და ძლიერ ეკონომიკურ გარემოს,“ - აღნიშნა „კრისტალის“ გენერალურმა დირექტორმა, ილია რევიამ.ღონისძიება განსაკუთრებული მნიშვნელობის მატარებელია, რადგან ის ხელს უწყობს ქალების ეკონომიკურ გაძლიერებას, მათ ჩართულობას ბიზნეს გარემოში და ადგილობრივი წარმოების პოპულარიზაციას. გამოფენაზე წარმოდგენილი იყო მრავალფეროვანი პროდუქცია: საკვები და სასმელი, ხელნაკეთი აქსესუარები, სილამაზისა და თავის მოვლის საშუალებები, სათამაშოები, დეკორი და სხვა. განსაკუთრებული აქცენტი გაკეთდა მწვანე პროდუქტებზე, რომლებიც ეკოლოგიურად სუფთა მასალებისა და თანამედროვე ტექნოლოგიების გამოყენებით არის შექმნილი. გამოფენის მონაწილეთა შორის იყვნენ ძალადობაგამოვლილი, მაღალმთიან რეგიონებში მცხოვრები, უკრაინიდან იძულებით გადაადგულებული ქალებიც.მეწარმე ქალების გამოფენა-გაყიდვა გაიმართა გაეროს ქალთა ორგანიზაციის პროექტის „კარგი მმართველობა გენდერული თანასწორობის ხელშეწყობისთვის საქართველოში“ ქალთა ეკონომიკური გაძლიერების კომპონენტის ფარგლებში, ნორვეგიის მთავრობის დაფინანსებით.

1758017870

ტურის ფარგლებში, ამერიკელი სტუმრები ქართული ღვინის მწარმოებელ კომპანიებს კახეთში ესტუმრნენ, სადაც ქართული ღვინის დაყენების ტექნოლოგიას გაეცნენ, ადგილზე დააგემოვნეს როგორც კლასიკური, ასევე ტრადიციული მეთოდით დამზადებული ქართული ღვინოები.ქართული ღვინის მასტერკლასი და დეგუსტაცია გაიმართა თბილისშიც, სადაც სტუმრებს შესაძლებლობა ჰქონდათ, გასცნობოდნენ ქართული ღვინის მწარმოებელი 16 კომპანიის ღვინოებს.„საქართველოში იმყოფება ჯგუფი აშშ-დან - ტექსასიდან, კალიფორნიიდან, ნიუ ჯერსიდან, ნიუ იორკიდან და ფლორიდიდან. იმპორტიორები ჩამოსულები არიან ქართული ღვინოების შესაძენად; დისტრიბუტორები, რომლებიც მჭიდროდ თანამშრომლობენ იმპორტიორებთან ღვინოების სხვადასხვა ბაზარზე გასავრცელებლად; არიან საცალო სავაჭრო ობიექტების მფლობელებიც; მთავარი იდეა სტრატეგიის, რომელსაც ვახორციელებთ ღვინის ეროვნულ სააგენტოსთან მჭიდრო თანამშრომლობით, არის ის, რომ წარმოვაჩინოთ საქართველოს უნიკალური ღირებულებები და ამ ადამიანებისგან შევქმნათ ქართველი ღვინის მუდმივი ელჩები, რაც ხელს შეუწყობს ქართული ღვინის გაყიდვების ზრდას ამერიკის შეერთებულ შტატებში“, - განაცხადა მერიონ ჰელუიმ.აღსანიშნავია, რომ აშშ წარმოადგენს ქართული ღვინის სტრატეგიულ ბაზარს, სადაც, ღვინის ეროვნული სააგენტოს ფინანსური და ორგანიზაციული მხარდაჭერით, აქტიური მარკეტინგული კამპანია ხორციელდება.  ღვინის ეროვნულ სააგენტოსთან თანამშრომლობის ფარგლებში, Colangelo & Partners აშშ-ში ქართული ღვინის მარკეტინგულ კამპანიას 2022 წლიდან ახორციელებს. Colangelo & Partners ერთ-ერთი უმსხვილესი მარკეტინგული კომპანიაა, რომელიც ამერიკის ბაზარზე 15 წელზე მეტია ოპერირებს.

1758009653

თიბისი ტექსკოლა ქმნის უნიკალურ შესაძლებლობას 9-12 კლასის მოსწავლეებისთვის, დაეუფლონ ტექნოლოგიებს და ამ დარგში არსებული მრავალფეროვანი ინოვაციები, საქართველოს ნებისმიერი წერტილიდან, სრულიად უფასოდ შეისწავლონ.რეგისტრაცია 16 სექტემბერს დაიწყო და 28 სექტემბრის ჩათვლით გაგრძელდება. ორ ეტაპიანი კონკურსის  შემდეგ, შერჩეული მონაწილეები, 3 თვის განმავლობაში სრულიად უფასოდ შეისწავლიან: ვებგვერდების აწყობა UI/UX დიზაინი შესავალი ხელოვნურ ინტელექტში ვებგვერდების პროგრამირება მობილური აპლიკაციების შექმნა გრაფიკული დიზაინი სოციალური მედია მარკეტინგი წელს ტექსკოლაში სიახლეა, რომ აღნიშნულ კურსებში ინტეგრირდა AI მოდული.მაღალი ხარისხის განათლების ხელმისაწვდომობის მიზნით თიბისი ტექსკოლაში სწავლა ონლაინ მიმდინარეობს, მონაწილეობა სრულიად უფასოა და ამასთანავე საქართველოს ნებისმიერი რეგიონიდანაა შესაძლებელი.მთავარია გჯეროდეს შენი მიზნების, ტექსკოლაში გადადგმული პირველი ნაბიჯები კი ტექნოლოგიების სამყაროში დიდი სიახლეების დასაწყისი იქნება.

1758008219