ლონდონის ბირჟაზე დალისტული ქართული კომპანიების აქციები უმეტესად მინუსშია

მომხმარებლებისთვის მომსახურების ხარისხის გასაუმჯობესებლად 2025 წელს კომპანია  უპრეცედენტოდ დიდ - 126 მილიონი ლარის  ინვესტიციას განახორციელებს.ინვესტირება განხორციელდება წყლისა და წყალარინების ამორტიზებული ქსელების რეაბილიტირების, მსხვილი ინფრასტრუქტურული პროექტების, ტექნიკური და ტექნოლოგიური განახლებებისა და ენერგეტიკის მიმართულებებით.წყალმომარაგების დარგში არსებული გამოწვევები, როგორიცაა სისტემის სტაბილურობა და ქსელების მდგომარეობა, არაერთი მიმართულებით მასშტაბურ ინვესტიციას საჭიროებს, შესაბამისად, ჯივიპი ახორციელებს პროექტებს, რომლებიც მომხმარებლებისთვის წყალმომარაგების სერვისის ეტაპობრივ გაუმჯობესებას უზრუნველყოფს.ჯივიპის სამოქმედო გეგმის პრიორიტეტი კრიტიკულ მდგომარეობაში მყოფი ქსელების განახლებაა.  სწორედ ამ მიმართულებით  2025 წელს  ჯამში 63 მილიონი ლარი დაიხარჯება და 66 სარეაბილიტაციო პროექტი განხორციელდება. თბილისში, რუსთავსა და მცხეთაში  წყალსადენისა და წყალარინების ქსელზე  უკვე დასრულდა 15 სარეაბილიტაციო პროექტი და განახლდა 11,5 კმ სიგრძის ქსელი, მათ შორის, თბილისში  - ვასაძის, ჩოლოყაშვილი-წერეთლის, ლიახვის, აწყურის, კაპანაძეების ქუჩები, რუსთავში - ხრამის მაგისტრალური წყალსადენის I ეტაპი.2025 წლიდან აქტიურად მიმდინარეობს ცხელი წერტილების იდენტიფიცირება-რეაბილიტაციის პროექტი, რომელიც  ქსელზე არსებული დაზიანებული მონაკვეთების განახლებას ემსახურება. პროექტის ფარგლებში უკვე დაიდენტიფიცირდა წყალმომარაგებისა და წყალარინების ქსელის ყველაზე ხშირად დაზიანებადი 100-მდე მონაკვეთი და დაიგეგმა მათი ოპერატიული განახლება. აღნიშნული მიმართულებით წლის განმავლობაში 1.5 მილიონი ლარის ინვესტიცია განხორციელდება.კომპანიაში მიმდინარე პროექტებს შორის აღსანიშნავია წყალმომარაგების ქსელში წყლის წნევების რეგულირების მიმართულება, რომელიც წყლის რესურსების ოპტიმალურ მართვასა და დანაკარგების შემცირებას ემსახურება. პროექტი მნიშვნელოვნად ამცირებს  ქსელების ავარიულად დაზიანების რისკს. განხორციელებული სამუშაოების შედეგად ავლაბრის, ნავთლუღის, სოფელ დიღმისა და ვარკეთილი ზემო პლატოს არეალებში ავარიული დაზიანებების რიცხვი 50%-ით, ხოლო წყლის დანაკარგები 41%-ით შემცირდა.ქსელის ავარიული დაზიანებებისა და წყალმომარაგების შეზღუდვის არეალების შესამცირებლად მნიშვნელოვან სამუშაოებს ატარებს ჯივიპის მოდერნიზებული საოპერაციო ცენტრები. სამუშაოების ფარგლებში წყალმომარაგების ქსელზე დამონტაჟდა 444 ჩამკეტ-მარეგულირებელი ურდული და 30 აკუსტიკური ლოგერი, ამასთანავე ქსელის ავარიული აღდგენის ფარგლებში კაპიტალურად განახლდა 13 კილომეტრამდე სიგრძის ქსელი.მოძველებული ქსელების განახლების პარალელურად,  ჯივიპი აქტიურად მუშაობს წყალმომარაგების სისტემის მართვის თანამედროვე ტექნოლოგიების დანერგვასა და მოდერნიზებაზე. პარალელურად წარმატებით მიმდინარეობს წყალმომარაგების სისტემების გაციფრულება და ავტომატიზაცია.განხორციელებული ინვესტიციებისა და სტრატეგიული პროექტების შედეგად, კომპანიამ მნიშვნელოვან შედეგებს მიაღწია საპილოტე არეალებში, კერძოდ, ქალაქ რუსთავში, თბილისის ზედა ზონებსა და ისანი-სამგორის რაიონში, სადაც მნიშვნელოვნად შემცირდა წყალმომარაგების შეზღუდვის დრო და არეალები, ქსელის ავარიული დაზიანებების რაოდენობა და წყლის დანაკარგები.გარდა უშუალოდ წყალმომარაგების მომსახურებისა, კომპანიისთვის მნიშვნელოვანია მომხმარებელთან კომუნიკაცია და მათთვის თანამედროვე სერვისის შეთავაზება. სწორედ ამ მიზნით დაინერგა განახლებული ვებგვერდი, რომელიც ჯივიპის აბონენტებს მისცემს შესაძლებლობას უმოკლეს დროში მიიღონ ინფორმაცია და გამარტივებულად, დისტანციურ რეჟიმში ისარგებლონ კომპანიის სერვისებით.

1750683212

სების პრეს–ცენტრის ცნობით, სტრატეგიის მიღება ხელს შეუწყობს მოსახლეობისა და სხვა დაინტერესებული მხარეებისთვის მომხმარებელთა უფლებების დაცვის მიმართულებით საქართველოს ეროვნული ბანკის ხედვაზე, პრიორიტეტებსა და გეგმებზე ინფორმაციის ხელმისაწვდომობას. ასევე, აღნიშნული მიმართულებით საქართველოს ეროვნული ბანკის საქმიანობის ეფექტურ დაგეგმვასა და სამომავლო აქტივობებზე ფინანსური ორგანიზაციების ინფორმირებულობის ზრდას.დოკუმენტი განსაზღვრავს საბაზრო ქცევის ზედამხედველობის პრიორიტეტებსა და ძირითად მიმართულებებს, ასევე, შეფასების ინდიკატორებს და მათი მონიტორინგის პროცესს.იმისათვის, რომ სტრატეგიაში მაქსიმალურად იყოს გათვალისწინებული დაინტერესებულ მხარეთა ინტერესები, საქართველოს ეროვნული ბანკი საბაზრო ქცევის ზედამხედველობის სტრატეგიის პირველად ვერსიას აქვეყნებს. სები ჩართულ მხარეებს აქტიური კომუნიკაციისა და სტრატეგიასთან დაკავშირებით საკუთარი მოსაზრებების გაზიარებისკენ მოუწოდებს.კომენტარებისა და მოსაზრებების გამოგზავნა შესაძლებელია ელექტრონული ფოსტის მისამართზე - mcs@nbg.gov.ge არაუგვიანეს 2025 წლის 4 ივლისისა. განიხილება მხოლოდ წესით განსაზღვრული ფორმით წარმოდგენილი და დასაბუთებული კომენტარები.

1750679397

სებ–ის პრეს–ცენტრის ცნობით, საუბარი შეეხო საერთაშორისო სავალუტო ფონდის კავკასიის, ცენტრალური აზიისა და მონღოლეთის შესაძლებლობების განვითარების რეგიონული ცენტრის (CCAMTAC) მმართველი კომიტეტის ყოველწლიურ შეხვედრას, რომელსაც თავმჯდომარე ქვეყნის რანგში წელს საქართველო მასპინძლობს.როგორც სუბირ ლალმა აღნიშნა, ეს მეტად მნიშვნელოვანი ყოველწლიური შეხვედრაა და მოხარულია, რომ წელს სწორედ საქართველოა CCAMTAC-ის მმართველი კომიტეტის თავმჯდომარე ქვეყანა. მისივე თქმით, CCAMTAC სსფ-ისთვის კავკასიის, ცენტრალური აზიის და მონღოლეთის რეგიონთან ჩართულობის მნიშვნელოვანი საყრდენია.ნათია თურნავას თქმით, სები მიესალმება ბაზრის საჭიროებებზე მორგებული საგანმანათლებლო პროგრამების მნიშვნელობას და რეგიონში პროფესიონალების წახალისებას. ამ მიზნით შექმნილი ცენტრალიზებული პლატფორმა - საგანმანათლებლო სივრცის პროექტიც ამის ნათელი დადასტურებაა.შეხვედრაზე მხარეებმა შეაჯამეს ცენტრის საქმიანობა და მომავალი წლის სამუშაო პროგრამა განიხილეს.CCAMTAC სსფ-სა და ცხრა წევრი ქვეყნის - საქართველო, აზერბაიჯანი, სომხეთი, ყაზახეთი, ყირგიზეთი, მონღოლეთი, ტაჯიკეთი, თურქმენეთი და უზბეკეთი -  ერთობლივი პროექტია, რომლის ძირითადი საქმიანობა რეგიონის ეკონომიკური პოტენციალის განვითარებაზეა მიმართული.

1750679100

განაჩენის გამოცხადებას არ დასწრებია ბრალდებული, მას არც საბოლოო სიტყვით უსარგებლია.ცნობისთვის, მამუკა ხაზარაძე საქართველოს პარლამენტის დროებით საგამოძიებო კომისიაზე ახსნა-განმარტების მისაცემად დაიბარეს, სადაც ის არ გამოცხადდა. აღნიშნულთან დაკავშირებით მას ბრალი სისხლის სამართლის კოდექსის 349-ე მუხლით წარუდგინეს, რაც „საქართველოს პარლამენტის დროებითი საგამოძიებო კომისიის მოთხოვნის შეუსრულებლობას“ გულისხმობს, აღნიშნული ისჯება ჯარიმით, ან თავისუფლების აღკვეთით ვადით ერთ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.მანამდე, ამ საქმეზე, მამუკა ხაზარაძეს აღკვეთის ღონისძიების სახით 50 000-ლარიანი გირაო ჰქონდა შეფარდებული, რაც მან კანონით დადგენილ ვადაში გადაიხადა.დღეს მოსამართლე ჯვებე ნაჭყებიამ გამოაცხადა ზურაბ გირჩი ჯაფარიძის განაჩენიც - მას 7-თვიანი პატიმრობა მიესაჯა.ხვალ, 24 ივნისს გიორგი ვაშაძის განაჩენის გამოცხადებაა მოსალოდნელი. 27 ივნისს გამოცხადდება გივი თარგამაძის განაჩენი. სასამართლო განიხილავს ნიკა გვარამიას, ნიკა მელიას, ირაკლი ოქრუაშვილის საქმეებსაც.

1750678111

ვორქშოპს გაუძღვება დანიელ მათერი — საერთაშორისო ბიზნესის განვითარების მენეჯერი, ტრენერი და ბიზნეს კონსულტანტი, რომელსაც  ინდივიდუალური და ორგანიზაციული ეფექტიანობის გაზრდაში მრავალწლიანი გამოცდილება აქვს.ვორქშოპის მონაწილეები: გაიგებენ, როგორ შეიძლება საკუთარი მოტივაციის მართვა და ეფექტური ლიდერის როლის გაძლიერება; გაეცნობიან გუნდური მოტივაციის ჩამოყალიბების მექანიზმებს და პრაქტიკულ მიდგომებს; ისწავლიან, როგორ აირიდონ თავიდან დემოტივაციის გამომწვევი ფაქტორები; გაეცნობიან თანამედროვე კვლევებს და გრძელვადიან სამოტივაციო სტრატეგიებს, რომლებიც ხელს უწყობს თანამშრომელთა ჩართულობასა და პროდუქტიულობას. ვორქშოპი 24-25 ივნისს 14:00–17:00 საათზე გაიმართება. დასასწრებად გაიარეთ რეგისტრაცია საქართველოს ბანკის ვებგვერდზე.ღონისძიება ტარდება ბიზნეს 360° პლატფორმის ფარგლებში — ესაა ინიციატივა, რომელიც აერთიანებს საქართველოს ბანკის საგანმანათლებლო პროექტებსა და პრაქტიკულ რესურსებს, რაც მცირე და საშუალო ბიზნესებს განვითარებისკენ სწორი ნაბიჯების გადადგმაში ეხმარება.

1750674939

კალაძის თქმით, მომდევნო წლებში პრიორიტეტები სწორად დალაგდება.„მიუხედავად ბევრი გაკეთებული საქმისა, განხორციელებული პროექტებისა, ცხადია, არსებობს გამოწვევები, პრობლემები, მაგრამ არ გვეშინია. ვიცით, რა სჭირდება ქალაქს, რა პროექტებია განსახორციელებელი, როგორ უნდა დალაგდეს პრიორიტეტები", - განაცხადა თბილისის მერმა.დედაქალაქში განხორციელებული ინფრასტრუქტურული პროექტების შემაჯამებელ პრეზენტაციაზე დღეს ისიც აღინიშნა, რომ თბილისის ბიუჯეტიდან ბოლო წლების განმავლობაში ინფრასტრუქტურულ პროექტებზე  1,8 მლრდ ლარზე მეტი დაიხარჯა.კახა კალაძე დედაქალაქის მერად პირველად 2017 წელს აირჩიეს, მეორედ 2021 წელს. საქართველოში მომდევნო ადგილობრივი თვითმმართველობის არჩევნები 2025 წლის 4 ოქტომბერს გაიმართება. 

1750674771

ლიბერთის ინიციატივა - „ბიზნეს დიალოგი" უკვე მეხუთე წელია რაც ხორციელდება და წარმოადგენს ადგილობრივ ბიზნესებთან შეხვედრების სერიას საქართველოს ყველა კუთხეში. ასეთი შეხვედრების მიზანია, უშუალო კავშირი ლიბერთის არსებულ და პოტენციურ მომხმარებლებთან. დიალოგის ფორმატი კარგი პლატფორმაა იმ მიზნით, რომ რეგიონში დასაქმებულმა მეწარმეებმა ერთმანეთს გაუზიარონ გამოცდილება და აგრო და ბიზნეს კომპანიების ფინანსური საჭიროებების შესახებ იმსჯელონ ბანკის წარმომადგენლებთან.სამეგრელოს რეგიონში გამართული ბიზნეს დიალოგის  მონაწილეები გაეცნენ ლიბერთი ბანკის შესაძლებლობებს და ასევე მომავალში დაგეგმილ მასშტაბურ პროექტებს, რომლებიც პარტნიორებთან ერთად განხორციელდება.„ლიბერთი აგრძელებს შეხვედრებს ადგილობრივ ბიზნესებთან მთელი საქართველოს მასშტაბით. 'ბიზნეს დიალოგის' ფორმატი წარმოადგენს ძლიერ პლატფორმას, რომელიც ლიბერთის საშუალებას აძლევს, კიდევ უფრო მჭიდროდ დაუკავშირდეს რეგიონში მოქმედ მეწარმეებს, ღრმად გაეცნოს მათ საჭიროებებს და რეალური მხარდაჭერა გაუწიოს მათ განვითარებაში.ჩვენთვის მნიშვნელოვანია, პარტნიორებთან  გამოცდილების გაზიარება, საერთო გამოწვევების მიხედვით ინოვაციური პროგრამების განვითარება. მსგავსი ტიპის რეგიონალური შეხვედრები ხელს უწყობს იდეების გაცვლას, ახალი საბანკო პროდუქტების შექმნას და მცირე და საშუალო ბიზნესის მხარდაჭერას.ლიბერთისთვის მცირე და საშუალო მეწარმეების გაძლიერება წარმოადგენს  ბანკის განვითარების სტრატეგიულ მიმართულებას. ვიმედოვნებ, რომ ეს დიალოგი გადაიზრდება გრძელვადიან, შედეგზე ორიენტირებულ პარტნიორობაში, რაც პირდაპირ აისახება ქვეყნის ეკონომიკურ წინსვლაზე", -  ვაჟა მენაბდე, ლიბერთის მცირე და საშუალო ბიზნესის მიმართულების დირექტორი.,,სააგენტო „აწარმოე საქართველოში" მჭიდროდ თანამშრომლობს ლიბერთი ბანკთან. ჩვენთვის მნიშვნელოვანია ისეთ საინფორმაციო შეხვედრებში მონაწილეობა, სადაც დიალოგის ფორმატში შეგვიძლია მივაწოდოთ მცირე და საშუალო ბიზნესს ამომწურავი ინფორმაცია სახელმწიფო მხარდაჭერის მექანიზმებზე. ამიტომ, სიამოვნებით ვიღებთ მონაწილეობას მსგავსს ღონისძიებებში, რაც გვაძლევს ინფორმაციის გავრცელებისა და მეწარმეების რეალური საჭიროებების იდენტიფიცირების შესაძლებლობას.აღსანიშნავია, რომ ლიბერთი ბანკი არამხოლოდ ჩვენი უკვე არსებული პროგრამების – სესხის პროცენტის თანადაფინანსებისა და საკრედიტო-საგარანტიო სქემის ერთ-ერთი განმახორციელებელია, არამედ იგი ასევე არის ერთ-ერთი პირველი პარტნიორი ჩვენი ახალი ინიციატივის - მიკრომეწარმეობის მხარდაჭერის პროგრამის მიმართულებითაც", - ლაშა ბოსტაშვილი, სააგენტო „აწარმოე საქართველოში",მცირე და საშუალო ბიზნესის განვითარების დეპარტამენტის უფროსი.,,ლიბერთი ბანკი, სოფლის განვითარების სააგენტოს მნიშვნელოვანი პარტნიორია, განსაკუთრებით სისტემური პროგრამებისა და პირდაპირი გადახდების პროექტების განხორციელების პროცესში. საქართველოს რეგიონებში ლიბერთი ბანკის მიერ ორგანიზებული შეხვედრები, კარგი პლატფორმაა დიალოგისთვის აგრობიზნესში სახელმწიფო ხელშეწყობაზე, იქნება ეს ფინანსური თუ სხვადასხვა სახის მხარდაჭერა, რომელიც ფერმერებსა და აგრობიზნესში ჩართულ პირებს დაეხმარება საკუთარი საქმიანობის განვითარებაში", - თორნიკე კაპანაძე, სოფლის განვითარების სააგენტოს პროექტების მართვისა და ტექნიკური დახმარების დეპარტამენტის უფროსი.ლიბერთი ქვეყნის ერთ-ერთი უმსხვილესი კომერციული ბანკია, რომელიც 1,7 მილიონზე მეტ ფიზიკურ პირსა და 60 000-ზე მეტ მცირე და საშუალო ბიზნესს ემსახურება.ბანკის აქტივები 5.4 მლრდ ლარს შეადგენს, ხოლო დასაქმებულ თანამშრომელთა რაოდენობა 5500-ს აღემატება. ლიბერთი ქვეყნის მასშტაბით წარმოდგენილია ყველაზე ფართო ქსელით: 500-მდე მომსახურების ცენტრით, 663 ბანკომატით, თვითმომსახურებისა და 9956 POS ტერმინალით საქართველოს ყველა რეგიონსა და მუნიციპალიტეტში.განვითარებული ინფრასტრუქტურის გარდა, როგორც ფიზიკური, ისე იურიდიული პირებისთვის ხელმისაწვდომია თანამედროვე ციფრული სერვისები და დისტანციური მომსახურება.ლიბერთის მისიაა გააუმჯობესოს თითოეული ადამიანის, მათი ოჯახის ცხოვრება და ბიზნესი საქართველოში.

1750673528

პროექტის ფინალური ღონისძიება წელს განსხვავებული ფორმატით ჩატარდება. დაჯილდოების ცერემონიამდე, მთავარი სცენა საინტერესო თემატიკის ბიზნესსაუბრებს, პანელურ დისკუსიას და ხუთშაბათის შეხვედრების სპეციალურ სერიას დაეთმობა. საღამოს მთავარი თემა იქნება - „ბიზნესი საზღვრებს გარეთ“.ღონისძიების განრიგი:I ნაწილი18:00 - ღონისძიების გახსნა18:30 - ბიზნესსაუბრები: „ბიზნესი საზღვრებს გარეთ“ნიკა ქურდიანი - TBC უზბეკეთის გენერალური დირექტორი18:50 - ბიზნესსაუბრები: „ქართული ღვინის გზა ევროპის დახლებამდე“გაგა მარგველაშვილი - „თბილღვინოს“ დამფუძნებელი19:00 -  პანელური დისკუსია: „რა უნდა ვიცოდეთ ევროპისა და ამერიკის ბაზრებზე?“გიორგი ისაკაძე, დაჩი ჭოლაძე, დავით ბარდაველიძე , თამარ სულუხია, ირაკლი ჩხაიძე19:50 - ხუთშაბათის შეხვედრები: „სპორტი, როგორც ბიზნესი“აკო ახალაია, ლევან ახვლედიანი, შოთა არველაძე, ბაჩა მალაზონიაII ნაწილი21:30 - დაჯილდოების ცერემონიაბიზნესდაჯილდოება 2025-ზე დასასწრებად, აუცილებელია რეგისტრაციის წინასწარ გავლა შემდეგ ბმულზე: თიბისის ბიზნეს დაჯილდოება 2025. ღონისძიებაზე დამსწრეთა რაოდენობა შეზღუდულია.წელს, პროექტის  მთავარი პარტნიორია- Visa. მხარდამჭერები -  აჭარა ჯგუფი და Tegeta Business. მედიამხარდამჭერები: Marketer.ge, BMG, On.ge და Entrepreneur Georgia.

1750673133