შემოსავლების სამსახური ტაშკენტში UNODC-ის საერთაშორისო საბაჟო ფორუმს დაესწრო

საქართველოს ბანკის ფინანსური განათლების ეკოსისტემის  2026 წლის პირველი ნახევრის შედეგები ასე გამოიყურება: 185,000+ მომხმარებელი 350-ზე მეტი სკოლა ქვეყნის მასშტაბით 4,000 მოსწავლე, რომელმაც ბანკის მოხალისეების ჩატარებულ ფინანსური წიგნიერების გაკვეთილებში მიიღო მონაწილეობა ეს რიცხვები ერთი, გრძელვადიანი ინიციატივის ნაწილია - ეკოსისტემის, რომელიც ციფრულ განათლებას, საგანმანათლებლო პარტნიორობებს, საზოგადოებრივ ჩართულობასა და პრაქტიკულ სასწავლო პროგრამებს აერთიანებს.მოსწავლეებისთვის შექმნილი ფინანსური განათლების შესაძლებლობებიაღნიშნული ეკოსისტემის ერთ-ერთი მთავარი კომპონენტია ბავშვებისა და მოზარდებისთვის შექმნილი ფინანსური განათლების აპლიკაცია - sCoolApp, რომელიც ინტერაქტიური კონტენტისა და თამაშის ელემენტების საშუალებით მომხმარებლებს ფინანსური ცოდნის განვითარებაში ეხმარება. 2026 წლის პირველ ნახევარში პლატფორმაზე განთავსებულმა საგანმანათლებლო მასალებმა 185 000-ზე მეტი მომხმარებელი მოიცვა.ამასთან, ფინანსური განათლების გავრცელების მნიშვნელოვანი მიმართულებაა სკოლებში ჩატარებული აქტივობები. საქართველოს ბანკის თანამშრომლები, როგორც მოხალისეები, ქვეყნის მასშტაბით 350-ზე მეტ სკოლაში ჩაერთნენ ფინანსური წიგნიერების გაკვეთილების ჩატარებაში, რომელშიც დაახლოებით 4 000 მოსწავლემ მიიღო მონაწილეობა.ფინანსური განათლების შესაძლებლობები სტუდენტებისთვის, მშობლებისა და მასწავლებლებისთვისსაქართველოს ბანკის ფინანსური განათლების ინიციატივა ასევე ღრმად არის ინტეგრირებული აკადემიურ და საგანმანათლებლო გარემოში: ბანკი აქტიურად თანამშრომლობს უნივერსიტეტებთან, რათა სტუდენტებისთვის ხელმისაწვდომი გახდეს პრაქტიკული კურსები და სასწავლო მასალები.ხოლო, სტუდენტების, მასწავლებლებისა და მშობლებისთვის შექმნილი სასერტიფიკატო ტრენინგები ისეთ თემებს მოიცავს, როგორიცაა ბიუჯეტის მართვა, დაზოგვა, პასუხისმგებლობიანი სესხება და ფინანსური კეთილდღეობა.ეკოსისტემა ასევე მოიცავს ფართო საზოგადოებისთვის განკუთვნილ ციფრულ და მედია კონტენტს, რომელიც ფინანსურ თემებს მარტივი და გასაგები ფორმით ხსნის - ბანკი თანამშრომლობს სხვადასხვა მედიაპლატფორმასთან და იყენებს სოციალურ ქსელებს, რათა ფინანსური ცოდნა კიდევ უფრო ფართო აუდიტორიისთვის გახდეს ხელმისაწვდომი.„ფინანსური განათლების ეკოსისტემა ეფუძნება ჩვენს ხედვას, რომ ფინანსური ჩართულობა მხოლოდ ფინანსურ პროდუქტებზე წვდომას არ ნიშნავს - მნიშვნელოვანია, ადამიანებს ჰქონდეთ ცოდნა და თავდაჯერება, რათა ეს შესაძლებლობები სწორად გამოიყენონ. ჩვენი მიზანია, ფინანსური განათლება ცხოვრების ყველა ეტაპის ნაწილად ვაქციოთ“, - აცხადებენ საქართველოს ბანკში.ეს საქართველოს ბანკის მიერ ფინანსური განათლების ხელშეწყობის მიზნით განხორციელებული საგანმანათლებლო პროექტების მხოლოდ ნაწილია. დამატებითი ინფორმაციის მისაღებად ეწვიეთ ვებგვერდს: ganatleba.bog.ge(R)

1785329117

შეხვედრის ფარგლებში მხარეებმა განიხილეს ფინტექ ინდუსტრიის მიმდინარე მდგომარეობა, სექტორისთვის მნიშვნელოვანი საკითხები, არსებული გამოწვევები და განვითარების სამომავლო პერსპექტივები.აღინიშნა, რომ ფინტექ სექტორი საქართველოში ერთ-ერთი ყველაზე სწრაფად მზარდი მიმართულებაა. განსაკუთრებული დინამიკით ვითარდებიან საგადახდო მომსახურების პროვაიდერები და ვირტუალური აქტივების მომსახურების პროვაიდერები, რომლებიც თანამედროვე ფინანსური ეკოსისტემის მნიშვნელოვან ნაწილს წარმოადგენენ. მათი საქმიანობა ხელს უწყობს ინოვაციური ფინანსური პროდუქტებისა და სერვისების დანერგვას, მომხმარებლებისთვის სწრაფი, უსაფრთხო და ხელმისაწვდომი მომსახურების შეთავაზებას, ასევე ფინანსურ სექტორში კონკურენციისა და ტექნოლოგიური განვითარების გაძლიერებას.შეხვედრაზე განსაკუთრებული ყურადღება დაეთმო იმ საკითხებს, რომლებიც დღეს სექტორის შემდგომი განვითარებისათვის მნიშვნელოვანია. მონაწილეებმა იმსჯელეს მარეგულირებელ გარემოზე,  ასევე ეროვნულ ბანკს, საბანკო და ფინტექ ასოციაციებს  შორის თანამშრომლობის კიდევ უფრო გაღრმავების შესაძლებლობებზე სხვადასხვა ინიციატივების მიმართულებით, რაც ხელს შეუწყობს ინოვაციების მხარდაჭერას, მომხმარებელთა ინტერესების დაცვასა და ფინანსური სექტორის მდგრად განვითარებას. ამასთან, გააძლიერებს აღნიშნულ ასოციაციებსა და საბანკო სფეროს შორის პროდუქტიულ თანამშრომლობას.საქართველოს ეროვნულმა ბანკმა კიდევ ერთხელ დაადასტურა მზადყოფნა, გააგრძელოს აქტიური დიალოგი ფინტექ ინდუსტრიასთან, რათა საერთაშორისო საუკეთესო პრაქტიკის გათვალისწინებით ხელი შეუწყოს თანამედროვე, კონკურენტუნარიანი და ინოვაციური ფინანსური ეკოსისტემის განვითარებას საქართველოში.(R)

1785326987

საბაჟო დეპარტამენტის სანიტარიული, ფიტოსანიტარიული და ვეტერინარული კონტროლის სამმართველოს თანამშრომლების მიერ, სასაზღვრო - საკარანტინო კონტროლის პროცედურების განხორციელებისას, ატმისა და ხახვის დიდ ნაწილს ფიტოსანიტარიულ და სასურსათო  მოთხოვნებთან შეუსაბამო დაზიანებები აღენიშნებოდა.საქართველოს მთავრობის 2019 წლის 20 სექტემბრის №463 დადგენილების შესაბამისად, აღნიშნული საქონელი ექსპორტიორ ქვეყანაში გაბრუნებას დაექვემდებარა.

1785324722

განათლება გამარჯვებაა! სწორედ ამ რწმენით თიბისი მთელი საქართველოს მასშტაბით, სხვადასხვა ასაკის ადამიანებს, ხარისხიან განათლებაზე უფასოდ თანაბარ წვდომას აძლევს და მათ პროფესიული განვითარების ახალ შესაძლებლობებს უხსნის.EJOI-ის ოლიმპიადაზე გამარჯვებულები დიმიტრი შენგელია პირველი ექსპერიმენტული საჯარო სკოლის მე-10 კლასის მოსწავლეა და საინფორმაციო ტექნოლოგიების ცენტრ „მზიურის“ აღსაზრდელია. რიჩარდ ბარბაქაძე კი ვლადიმირ კომაროვის თბილისის ფიზიკა-მათემატიკის N199 საჯარო სკოლის მე-9 კლასის მოსწავლეა და ასევე საინფორმაციო ტექნოლოგიების ცენტრ „მზიურში“ სწავლობს.ამ გამარჯვების უკან დგას თვითრწმენა, მიზანმიმართული და სისტემური მომზადება, რომელიც საქართველოს ტექ ოლიმპიადების ჰაბის ფარგლებში განხორციელდა. წელს პირველად შეიქმნა EJOI-ს ასაკობრივი კატეგორიის ეროვნული ნაკრები, ჩატარდა შესარჩევი ეტაპები და მონაწილეებმა 20-დღიანი ინტენსიური მოსამზადებელი პროგრამა გაიარეს, რაც საერთაშორისო წარმატებით დაგვირგვინდა. ნაკრებს მენტორობას პროფესორი გიორგი მანდარია, თანამენტორობას კი ბაქარ გამეზარდაშვილი უწევენ.თიბისი ტექ ოლიმპიადების მთავარი მხარდამჭერი, ბიზნესისა და ტექნოლოგიების უნივერსიტეტთან ერთად, საქართველოს ტექ ოლიმპიადების ჰაბის მეშვეობით სისტემურად უჭერს მხარს STEM განათლების განვითარებას, ნიჭიერი ახალგაზრდების აღმოჩენას და მათ საერთაშორისო ოლიმპიადებისთვის მომზადებას. ჰაბი უზრუნველყოფს ეროვნული ნაკრებების შერჩევას, მომზადებასა და მხარდაჭერას ევროპის და მსოფლიოს ტექნოლოგიური ოლიმპიადებისთვის.EJOI 2026-ში 25-ზე მეტი ქვეყნის 100-ზე მეტი ახალგაზრდა პროგრამისტი მონაწილეობდა. საქართველოს ნაკრები ოთხი მოსწავლით იყო წარმოდგენილი, ხოლო მოპოვებული ორი ბრინჯაოს მედალი კიდევ ერთხელ ადასტურებს, რომ ქვეყნის ტექნოლოგიური განათლების განვითარებაში განხორციელებული ინვესტიცია საერთაშორისო გამარჯვებებამდე მიდის.ევროპის ახალგაზრდულ ოლიმპიადაზე მიღწეული წარმატება კიდევ ერთი დასტურია, რომ განათლება გამარჯვებაა. თიბისი აგრძელებს იმ ეკოსისტემის გაძლიერებას, რომელიც საქართველოს მომავალ ტექნოლოგიურ ლიდერებს აყალიბებს.(R)

1785323356

გამოცემის ცნობით, თეირანი ამ ნაბიჯს კასპიის ზღვაში ირანულ სავაჭრო გემზე განხორციელებული შეტევის საპასუხოდ განიხილავდა, რათა კიევისთვის „სიმბოლური გაფრთხილება“ მიეცა. დასავლელი ოფიციალური პირები შიშობდნენ, რომ ირანის ტერიტორიიდან პირდაპირი სარაკეტო დარტყმა კონფლიქტის მასშტაბურ ესკალაციას გამოიწვევდა.სიტუაციის დაძაბვა 25 ივლისს კასპიის ზღვაში მომხდარ ინციდენტს უკავშირდება. ირანის მხარემ უკრაინა თავის გემზე თავდასხმაში დაადანაშაულა და ზარალის ანაზღაურება მოითხოვა, ხოლო უკრაინის პრეზიდენტმა ვოლოდიმირ ზელენსკიმ განაცხადა, რომ კასპიის ზღვის აკვატორიაში იმ გემების წინააღმდეგ, რომლებსაც ირანიდან რუსეთისთვის სამხედრო ტვირთები გადაჰქონდათ, „ძალიან კარგი შედეგები“ დაფიქსირდა.28 ივლისს უკრაინის საგარეო საქმეთა მინისტრის მოვალეობის შემსრულებელმა ანდრი სიბიჰამ ირანელ კოლეგასთან, აბას არაღჩისთან სატელეფონო საუბარში ხაზი გაუსვა, რომ კიევს ესკალაციის არიდება სურს.ამასთან, აშშ-ში ვიზიტისას ვოლოდიმირ ზელენსკიმ ვაშინგტონს მიაწოდა სადაზვერვო მონაცემები იმის შესახებ, რომ რუსეთი ირანს ახლო აღმოსავლეთში არსებული ამერიკული სამხედრო ბაზების თანამგზავრულ ფოტოებს გადასცემს. უკრაინის პრეზიდენტმა ასევე აღნიშნა, რომ ირანი და ჩრდილოეთ კორეა რუსეთისთვის იარაღისა და სამხედრო პერსონალის მიწოდებით უკვე ჩართულნი არიან უკრაინის წინააღმდეგ ომში.

1785320361

მთავრობის მეთაურის გადაწყვეტილებით, თანამდებობა ასევე დატოვა კულტურის მინისტრის პირველმა მოადგილემ, მაკა გურგენიძემ. ამასთან, 28 ივლისით დათარიღებული კიდევ ერთი ბრძანების თანახმად, პრემიერ-მინისტრმა კულტურის მინისტრის პირველ მოადგილედ მიხეილ კიკნაძე დანიშნა.თინათინ რუხაძემ კულტურის მინისტრის პოსტის დატოვების შესახებ განცხადება გუშინ, 28 ივლისს გაავრცელა. Facebook-ის პირად გვერდზე გამოქვეყნებულ მიმართვაში მან გადაწყვეტილების მიზეზად ჯანმრთელობის მდგომარეობა დაასახელა და აღნიშნა, რომ შექმნილი ვითარება საშუალებას არ აძლევს, სათანადო ყურადღება დაუთმოს საყვარელ საქმეს.

1785318770

უწყების მონაცემებით, წინა წლის ანალოგიურ პერიოდთან შედარებით, ექსპორტირებული მოცვის მოცულობა 53%-ით (3.3 ათასი ტონით), ხოლო ღირებულება 46%-ით ($19.5 მლნ-ით) გაიზარდა.ამავე პერიოდში 1 კგ მოცვის საშუალო საექსპორტო ფასმა $6.4 შეადგინა.სამინისტროს ცნობით, ქართული მოცვის ძირითადი საექსპორტო ბაზარი კვლავ რუსეთია, სადაც მაის-ივლისის პერიოდში ექსპორტირებული მოსავლის 91% - 8 736 ტონა პროდუქტი შევიდა.ევროკავშირის ქვეყნებში 498 ტონა მოცვის ექსპორტი განხორციელდა, ხოლო შედარებით მცირე მოცულობები სომხეთში, თურქეთში, არაბთა გაერთიანებულ საამიროებსა და სხვა ქვეყნებში გადაიზიდა.

1785318183

2026 წლის ივნისში საქართველოში წლიურმა ინფლაციამ 5.8% შეადგინა. მიზნობრივზე მაღალი ინფლაცია კვლავ ძირითადად ენერგორესურსების ფასების ზრდას უკავშირდება. ახლო აღმოსავლეთში გეოპოლიტიკური დაძაბულობის რეესკალაციის ფონზე ნავთობის საერთაშორისო ფასების მერყეობა კვლავ გაიზარდა. თუმცა, მიმდინარე საბაზრო ტენდენციები მიუთითებს, რომ ფასები წინა ესკალაციის პერიოდში დაფიქსირებულ დონესთან შედარებით დაბალია. ამასთან, კონფლიქტის გახანგრძლივებამ ენერგორესურსების ფასებიდან მომდინარე არაპირდაპირი ინფლაციური ეფექტების რისკები გააძლიერა. ინფლაციის შედარებით ხისტი ფასების ინდიკატორი, რომელიც უკეთ ასახავს გრძელვადიან ინფლაციურ პროცესებსა და ინფლაციურ მოლოდინებს, კვლავ მიზნობრივ დონესთან ახლოს ნარჩუნდება. კერძოდ, ივნისში საბაზო ინფლაციამ (სურსათის, ენერგომატარებლებისა და თამბაქოს გამორიცხვით) 3.2% შეადგინა. თუმცა, მომსახურების ინფლაცია 4.1%-მდე დაჩქარდა. აღნიშნული მიუთითებს, რომ საბაზო ინფლაციის ზომიერი მაჩვენებლის მიუხედავად, მეორე რაუნდის ეფექტების გაძლიერების რისკები კვლავ საყურადღებო ფაქტორად რჩება.სებ-ის განახლებული ცენტრალური სცენარის მიხედვით, ენერგორესურსების წვლილი ინფლაციაში მიმდინარე წელს მნიშვნელოვანი დარჩება. აღნიშნულის გათვალისწინებით, 2026 წელს საშუალო ინფლაცია 5.2% იქნება. 2026 წლის მეორე ნახევრიდან ინფლაცია შემცირებას დაიწყებს და საშუალოვადიან პერიოდში მიზნობრივ სამპროცენტიან მაჩვენებელს ეტაპობრივად დაუახლოვდება.ეკონომიკური აქტივობა, საგარეო შოკების პირობებში, მდგრადობას ინარჩუნებს. წინასწარი მონაცემებით, 2026 წლის მაისში ეკონომიკურმა ზრდამ 6.4%, ხოლო პირველ ხუთ თვეში საშუალოდ 7.8% შეადგინა. ზრდის ძირითად წყაროდ კვლავ მაღალპროდუქტიული, მომსახურებაზე ორიენტირებული სექტორები რჩება, რაც მოთხოვნის მხრიდან ინფლაციურ წნეხს ანეიტრალებს. ამასთან, მოლოდინების შესაბამისად, ახლო აღმოსავლეთში მიმდინარე კონფლიქტის უარყოფითი გავლენა საგარეო მოთხოვნაზე შეზღუდულია. შესაბამისად, განახლებული ცენტრალური სცენარით, 2026 წლის ეკონომიკური ზრდის პროგნოზი, 6.5%-ზე, ნარჩუნდება.გეოპოლიტიკური ვითარება და მისგან მომდინარე ეკონომიკური შედეგები კვლავ გლობალური ეკონომიკის პერსპექტივის განმსაზღვრელ ერთ-ერთ ძირითად რისკად რჩება. აღნიშნული გაურკვევლობის ფონზე, მონეტარული პოლიტიკის კომიტეტმა ცენტრალურ სცენართან ერთად განიხილა, როგორც მაღალინფლაციური, ისე დაბალინფლაციური რისკების სცენარები.მაღალინფლაციური რისკის სცენარის რეალიზების შემთხვევაში ფუნდამენტური პროცესები მონეტარული პოლიტიკის განაკვეთის უფრო მაღალ ტრაექტორიას მოითხოვს, ვიდრე ცენტრალური სცენარი. აღნიშნული სცენარი გეოპოლიტიკური ვითარების მოსალოდნელზე ხანგრძლივი პერიოდით გამწვავებას ითვალისწინებს, რაც საერთაშორისო სასაქონლო ბაზრებზე ენერგორესურსების ფასების დამატებით ზრდას გამოიწვევს. ენერგორესურსების ფასების ზრდა ადგილობრივ ბაზარზე საწვავის ფასებზე აისახება, ხოლო გაზრდილი ტრანსპორტირების და წარმოების ხარჯების გავლით სხვა საქონლისა და მომსახურების ფასებზეც გავრცელდება. ამასთან, ბოლო პერიოდში არასახარბიელო კლიმატური პირობები საერთაშორისო ბაზრებზე ნედლეული სურსათის ფასების ზრდის დამატებით რისკს ქმნის. აღნიშნული რისკების რეალიზების შემთხვევაში, ინფლაცია ცენტრალურ სცენართან შედარებით მაღალი იქნება.მეორე მხრივ, მონეტარული პოლიტიკის კომიტეტის მიერ განხილული დაბალინფლაციური სცენარით გათვალისწინებული რისკების რეალიზაცია მონეტარული პოლიტიკის განაკვეთის, ცენტრალურ სცენართან შედარებით, უფრო სწრაფად ნორმალიზების შესაძლებლობას მოიაზრებს. ბოლო წლებში ეკონომიკაში მიმდინარე სტრუქტურული ცვლილებების შედეგად, იზრდება შედარებით მაღალპროდუქტიული და ნაკლებად იმპორტინტენსიური სექტორების წვლილი, რაც, ამავდროულად, ქვეყნის საგარეო პოზიციას აძლიერებს. ეროვნული ბანკის ცენტრალური სცენარის მიხედვით, აღნიშნული ტენდენცია ეტაპობრივად ნორმალიზდება, თუმცა შესაძლებელია, რომ იგი გრძელვადიან პერიოდშიც გაგრძელდეს. ამ შემთხვევაში, ერთი მხრივ, ეკონომიკის გრძელვადიანი პოტენციალის უფრო მაღალი ზრდა მოთხოვნის მხრიდან ინფლაციურ გავლენას შეამცირებს. მეორე მხრივ, ძლიერი საგარეო პოზიცია და დაბალი სუვერენული რისკის პრემია ეფექტური გაცვლითი კურსის ფუნდამენტური გამყარების ტენდენციას განაპირობებს, რაც დამატებით დისინფლაციურ გავლენას მოახდენს. ამასთან, გეოპოლიტიკური ვითარების სწრაფი დეესკალაციის შემთხვევაში, ენერგორესურსების ფასების  დაჩქარებული ტემპით შემცირებაც დაბალინფლაციური სცენარის განვითარების ერთ-ერთ განმაპირობებელ ფაქტორს წარმოადგენს. შედეგად, მთლიანი ინფლაცია ცენტრალურ სცენართან შედარებით უფრო სწრაფად დაუახლოვდება მიზნობრივ მაჩვენებელს.მიმდინარე მაკროეკონომიკური გარემოს, განახლებული სცენარებისა და რისკების შეფასების საფუძველზე, მონეტარული პოლიტიკის კომიტეტმა მიზანშეწონილად მიიჩნია, ამ ეტაპზე, მონეტარული პოლიტიკის განაკვეთის უცვლელად შენარჩუნება. თუმცა, მომატებული ინფლაციური რისკების გათვალისწინებით, მონეტარული პოლიტიკის მკაცრი პოზიცია შედარებით ხანგრძლივი პერიოდის განმავლობაში შენარჩუნდება. ეროვნული ბანკი აქტიურად აკვირდება საგარეო შოკების საქართველოს ეკონომიკაზე გადმოცემის ინტენსივობასა და მათ გავლენას. თუ ინფლაციური რისკები, მათ შორის მეორე რაუნდის ეფექტები და ინფლაციური მოლოდინები, მოსალოდნელზე მეტად გაძლიერდება, ეროვნული ბანკი მზად არის მონეტარული პოლიტიკა დამატებით გაამკაცროს. მონეტარული პოლიტიკის რეაგირება მიმართულია იმისკენ, რომ მიწოდების მხრიდან მოქმედი ინფლაციური შოკის ამოწურვის შემდეგ ინფლაცია სამპროცენტიან მაჩვენებელს სწრაფად დაუბრუნდეს.მონეტარული პოლიტიკის კომიტეტის შემდეგი სხდომა 2026 წლის 9 სექტემბერს გაიმართება.

1785312000