საფრანგეთში საქართველოს ელჩად ირაკლი ყურაშვილი დაინიშნა

ევროკავშირის პრესსპიკერი აღნიშნავს, ევროკავშირის ერთგულება საქართველოში კონფლიქტების მშვიდობიანი მოგვარების მიმართ კვლავ ურყევია.„7 აგვისტოს რუსეთსა და საქართველოს შორის 2008 წლის აგვისტოში ომის დაწყებიდან 17 წელი შესრულდა. ევროკავშირის ერთგულება საქართველოში კონფლიქტების მშვიდობიანი მოგვარების მიმართ კვლავ ურყევია.ვგმობთ რუსეთის გადაწყვეტილებას აფხაზეთისა და სამხრეთ ოსეთის ოკუპირებული თვითგამოცხადებული რეგიონების ე. წ. დამოუკიდებლობის აღიარების თაობაზე და მივიჩნევთ, რომ ამ რეგიონებში რუსეთის სამხედრო ძალების განგრძობადი ყოფნა არღვევს საერთაშორისო სამართალს და ეწინააღმდეგება 2008 წლის 12 აგვისტოს მიღწეული ექვსპუნქტიანი შეთანხმების შესაბამისად რუსეთის მიერ ნაკისრ ვალდებულებებს. კონფლიქტით დაზარალებული მოსახლეობა კვლავ იტანჯება ადამიანის უფლებების დარღვევების გამო, როგორიცაა „ბორდერიზაცია“, გადაკვეთის პუნქტების დაკეტვა და უკანონო დაკავებები. გადაადგილების თავისუფლების შეზღუდვები უნდა დასრულდეს, აუცილებლად უნდა ჩატარდეს გამოძიებები ადამიანის უფლებების დარღვევის შემთხვევებთან დაკავშირებით, ყველა დაზარალებულისთვის სამართლიანობის უზრუნველსაყოფად. ლტოლვილთა და დევნილთა უფლებები კვლავ გამოწვევის წინაშეა და ჩვენ ხაზგასმით აღვნიშნავთ მათ უფლებას მდგრადი გადაწყვეტის არჩევასთან დაკავშირებით, რომელიც ნებაყოფლობით, უსაფრთხო და ღირსეულ დაბრუნებას მოიცავს.ევროკავშირი კვლავ აქტიურად არის ჩართული ამ კონფლიქტების მოგვარებაში, მათ შორის ჟენევის საერთაშორისო დისკუსიებში (GID) თანათავმჯდომარის რანგში და სამხრეთ კავკასიასა და საქართველოში კრიზისის საკითხებში ევროკავშირის სპეციალური წარმომადგენლის მიმდინარე მუშაობის საშუალებით. ეს მექანიზმი ისევ გადამწყვეტი მნიშვნელობისაა ადგილზე უსაფრთხოებისა და სტაბილურობის უზრუნველსაყოფად. გარდა ამისა, ევროკავშირის სადამკვირვებლო მისია (EUMM) 200-ზე მეტი სამოქალაქო დამკვირვებლის მონაწილეობით და 2026 წლის დეკემბრამდე გახანგრძლივებული მანდატით, კვლავაც გადამწყვეტ როლს ასრულებს უსაფრთხოების სიტუაციის სტაბილიზაციაში, რადგან ის ადგილზე არსებული ერთადერთი საერთაშორისო მისიაა. მოვუწოდებთ ჟენევის საერთაშორისო დისკუსიების ყველა მონაწილეს კონსტრუქციულად ჩაერთონ განხილვებში 2008 წლის 12 აგვისტოს ექვსპუნქტიანი შეთანხმების და ასევე 2008 წლის 8 სექტემბრის განხორციელების ზომების შესახებ შეთანხმების სრული განხორციელების მისაღწევად.ევროკავშირი კვლავ ადასტურებს ურყევ მხარდაჭერას საქართველოს დამოუკიდებლობის, სუვერენიტეტისა და ტერიტორიული მთლიანობის მიმართ ქვეყნის საერთაშორისოდ აღიარებულ საზღვრებში და რეგიონში სტაბილიზაციისა და კონფლიქტების მოგვარების ძალისხმევაში ჩართულობის ერთგული რჩება“, - აღნიშნულია ევროკავშირის პრესსპიკერის განცხადებაში.2008 წლის აგვისტოს რუსეთ-საქართველოს ომში საქართველოს თავდაცვის სამინისტროს 170 მოსამსახურე, შინაგან საქმეთა სამინისტროს 14 თანამშრომელი და 224 სამოქალაქო პირი დაიღუპა. დაჭრილ და დაშავებულ სამოქალაქო და სამხედრო პირთა რაოდენობა სულ 2 232-ს შეადგენს, მათ შორის, 1045 პირი სამხედრო მოსამსახურეა.რუსეთს ოკუპირებული აქვს დამოუკიდებელი საქართველოს ტერიტორიები - აფხაზეთი და ცხინვალის რეგიონი. ამ ორი რეგიონის ოკუპაციიდან ორ თვეში რუსეთმა ისინი დამოუკიდებელ სუბიექტებად აღიარა. რუსეთის შეიარაღებული ძალები დღემდე აკონტროლებენ საქართველოს ამ ორ რეგიონს, რაც ქვეყნის ტერიტორიის დაახლოებით 20%–ს შეადგენს.2008 წლის 12 აგვისტოს საფრანგეთის პრეზიდენტმა, ნიკოლა სარკოზიმ და რუსეთის პრეზიდენტმა, დმიტრი მედვედევმა მოსკოვში მოაწერეს ხელი საქართველოში საბრძოლო მოქმედებების დასრულების 6-პუნქტიან შეთანხმებას. ამ დოკუმენტის პირობებს რუსეთი დღემდე არღვევს და უარს ამბობს ომამდელ პოზიციებზე დააბრუნოს საკუთარი სამხედროები.„ქართული ოცნების" ხელისუფლება ომის დაწყების დღედ 2008 წლის 8 აგვისტოს მიიჩნევს. ის ომის დაწყებაში „ნაციონალური მოძრაობის" ხელისუფლებას ადანაშაულებს და არა - რუსეთს.

1754569442

აზერბაიჯანული სააგენტო რეპორტის ცნობით, აქციონერთა რიგგარეშე კრება ბაქოში გაიმართა.Middle Corridor Multimodal Ltd არის საქართველოს, აზერბაიჯანისა და ყაზახეთის სარკინიგზო კომპანიების მიერ შექმნილი ერთობლივი საწარმო, რომლის დანიშნულებაცაა შუა დერეფანში სატრანზიტო გადაზიდვების განვითარება და ეფექტიანობის გაზრდა. 

1754567663

GCAP-ის ანაზღაურების კომიტეტის თავმჯდომარის ნილ ჯანინის განცხადებით,  დროთა განმავლობაში, ირაკლი გილაურმა Georgia Capital-ში მნიშვნელოვანი მფლობელობა დააგროვა, მიუხედავად იმისა, რომ მას ბოლო შვიდი წლის განმავლობაში ფულადი ანაზღაურება არ მიუღია.შესაბამისად, ჯანინის თქმით, ანაზღაურების კომიტეტმა გილაურს მოუწოდა, გაეყიდა თავისი აქციების ნაწილი Georgia Capital-ში.ჯანინის ცნობით, 1H25-ის ანგარიშის გამოქვეყნების დღეს, 6 აგვისტოს, გილაურმა დაადასტურა, რომ გეგმავს დროთა განმავლობაში გაყიდოს მაქსიმუმ Georgia Capital-ის 625 000 აქცია, ფინანსური დივერსიფიკაციის მიზნით. ეს იქნება მისი პირველი აქციების გაყიდვა მას შემდეგ, რაც კომპანია 2018 წლის მაისში დაარსდა.ამჟამად, გილაური ფლობს საერთო ჯამში 3,126,503 აქციას, რომელთაგან 2,131,709 აქცია მის საკუთრებაშია პირდაპირ და 994,794 აქცია ჯერ არ არის გადაცემული (ფლობს როგორც ნულოვანი ღირებულების ოფციონებს), რომლებიც გადაეცემა მომდევნო რამდენიმე წლის განმავლობაში ანაზღაურების პოლიტიკის განრიგის შესაბამისად.ჯანინის თქმით, გილაურმა ეს აქციები Georgia Capital-სა და მის წინამორბედში – საქართველოს ბანკში,  თავისი 20 წლიანი მოღვაწეობის განმავლობაში დააგროვა სხვადასხვა გზით: ნაღდი ფულით შეძენით (213 523 აქცია), გადავადებული ხელფასის აქციებით (ნულოვანი ღირებულების ოფციონებით) და აქციონერული ბონუსებით – თავდაპირველად საქართველოს ბანკში, შემდგომში კი Georgia Capital-ში.კომიტეტის თავმჯდომარის განცხადებით, გაყიდვის შემდეგ და 2025 წლის სახელფასე აქციების მინიჭების შემდეგ, გილაური დაახლოებით 2.7 მლნ აქციას დაიკავებს.მისივე თქმით, ჯგუფის CEO კვლავ ძალიან დარწმუნებულია როგორც Georgia Capital-ის, ასევე საქართველოს ეკონომიკის ძლიერ პერსპექტივებში და დარჩება კომპანიის ერთ-ერთი მნიშვნელოვანი აქციონერი. ოჯახური ქონების დაგეგმარების მიზნით, მან ასევე შეატყობინა კომპანიას, რომ გეგმავს დარჩენილი აქციების გადატანას ცალკე სამართლებრივ სუბიექტში. 

1754566407

„ვაცხადებთ ახალი, ₾700 მლნ-ის მოცულობის კაპიტალის დაბრუნების პროგრამის დაწყებას, რომლის განხორციელებასაც ვგეგმავთ 2027 წლის ბოლომდე. პროგრამა მოიცავს კაპიტალის დაბრუნებას აქციების უკან გამოსყიდვის, დივიდენდების გადახდისა და არსებული, მდგრადობაზე მიბმული ადგილობრივი ობლიგაციების (რომლებიც 2028 წელს იწურება) მაქსიმუმ $150 მლნ-ის ოდენობით ვადამდე წინასწარ დაფარვის მეშვეობით“, - აცხადებს გილაური.მისივე თქმით, პროგრამის დაწყება მხარდაჭერილია GCAP-ის წმინდა აქტივების კაპიტალთან (NCC) შეფარდების მნიშვნელოვანი გაუმჯობესებით, რომელიც 2025 წლის მეორე კვარტალში რეკორდულად დაბალ ნიშნულზე — 7%-ზე დაფიქსირდა.პროგრამის დაფინანსება იგეგმება არსებული ძლიერი ლიკვიდური სახსრებისა და GCAP-ის მიერ გენერირებული მყარი თავისუფალი ფულადი ნაკადების კომბინაციით (საერთო ჯამში, პროგრამის მთლიანი პერიოდის განმავლობაში, ამ ორზე დაფუძნებული რესურსი ₾700 მლნ-ს გადააჭარბებს), - აცხადებს გილაური.ახალი პროგრამის განხორციელება მიმდინარე აქციების გამოსყიდვისა და გაუქმების პროგრამის დასრულების შემდეგ, მიმდინარე წლის აგვისტოში დაიწყება, საწყისი $50 მლნ-ის აქციების გამოსყიდვის პროგრამით.ასევე, 2025 წლის სექტემბერში, GCAP გეგმავს ისარგებლოს ოფციონით და ვადამდე გამოისყიდოს მინიმუმ $50 მლნ-ის ღირებულების ადგილობრივი ჰოლდინგის ობლიგაციები, რომელთა მთლიანი მოცულობა $150 მლნ-ს შეადგენს.

1754565616

ტრანზაქციის შედეგად, GCAP-ის საერთო ხმის უფლება მთლიანად გამოშვებული 43,863,576 აქციიდან 7,950,000 აქცია შეადგინა - სრულად პირდაპირი ხმის უფლებით.შეგახსენებთ, რომ GCAP-ისა და LFG-ის დემერჯი 2018 წლის მაისში მოხდა. 

1754564159

ინიციატივის ფარგლებში ბანკი  სტუდენტებს აძლევს  შესაძლებლობას, 22 პარტნიორ უნივერსიტეტში მიიღონ სწავლის სრული ან ნაწილობრივი დაფინანსება.უკვე გამოვლინდა საქართველოს ბანკის 350-ზე მეტი სტიპენდიატი და მათი რაოდენობა ყოველწლიურად იზრდება. ინიციატივის შესახებ ინფორმაციის მიღება შესაძლებელია ბმულზე.საქართველოს ბანკის სტიპენდიატების გამოვლენა შემდეგ კრიტერიუმებზე დაყრდნობით ხდება: სწავლის დაფინანსების მიღება შეუძლია საბაკალავრო საფეხურზე მყოფ ნებისმიერ სტუდენტს; სტუდენტები შეირჩევიან მაღალი აკადემიური მოსწრებითა და ლიდერობის პოტენციალით; სასტიპენდიო პროგრამის გამარჯვებულები შეირჩევიან კონკრეტული კრიტერიუმებისა და პრიორიტეტული მიმართულებების შესაბამისად; თითო უნივერსიტეტიდან ყოველწლიურად დაფინანსდება მინიმუმ 5 სტუდენტი. ინფორმაციისთვის, ახალგაზრდების მხარდაჭერის მიზნით, საქართველოს ბანკის CSR მიმართულებისთვის უკვე 5 წელზე მეტია განათლება პრიორიტეტია. სწორედ ამიტომ, ბანკი 40-ზე მეტ საგანმანათლებლო პროექტს ახორციელებს და უჭერს მხარს, რითაც 500 000-ზე მეტი მოსწავლისთვის, სტუდენტისა და ახალგაზრდა პროფესიონალისთვის ქმნის განათლების შესაძლებლობას. ბანკის CSR მიმართულების პორტფელი მოიცავს ისეთ საგანმანათლებლო პროექტებს, როგორებიც არის: საქართველოს ბანკის სტიპენდიები; გიორგი ჩახავას სახელობის სტიპენდია; დიდ ბრიტანეთში, აშშ-სა და გერმანიაში სწავლის სრული დაფინანსება; იდეათეკები – საქართველოს ბანკის ბიბლიოთეკების პროექტი; საქართველოს ბანკისა და კომაროვის ერთობლივი პროექტი – STEM სკოლა; საქართველოს ბანკის ოლიმპიადები მოსწავლეებისთვის: STEM ოლიმპიადა, ეკონომიკის ოლიმპიადა, Kings-ის ფინანსური განათლების ოლიმპიადა, ევერესტი. ამასთან, საჯარო მეტყველების კონკურსი, და სხვა.საქართველოს ბანკის მიერ განხორციელებული საგანმანათლებლო პროექტების შესახებ დეტალური ინფორმაციის მისაღებად ეწვიეთ ვებგვერდს csr.bog.ge

1754563713

როგორც „კოსმოს“ თანადამფუძნებელი სოფიკო მუხულიშვილი ამბობს, ბრენდი მხოლოდ ადამიანური კაპიტალით და დიდი ენთუზიაზმით შეიქმნა. საქმეში თუ მომხმარებელთან გულწრფელმა და გულისხმიერმა დამოკიდებულებამ, კოსმოელების თავდაუზოგავმა შრომამ, ბრენდის სტრატეგიამ — ყოფილიყო უშუალო და მეგობრული, მუდმივად სიახლეების ძიებისა და განვითარების სურვილმა შედეგი გამოიღო და კოსმო ონლაინ სივრცეში მალევე ძალიან პოპულარული გახდა.„დღეს ბრენდი 80 ადამიანისგან შემდგარ კოსმიურ გუნდს, 9 ფილიალს და უამრავ „კოსმოელ მომხმარებელს“ აერთიანებს საქართველოსა თუ მის ფარგლებს გარეთ.  ბრენდის წარმატების მთავარი ძალა კოსმოელები არიან — ადამიანები კოსმოს შიგნით და გარეთ”, - ამბობს სოფიკო მუხულიშვილი. 2018 წლიდან „კოსმომ“ ახალი ეტაპი დაიწყო  აქსესუარებთან ერთად, წარმოადგინა ტყავისა და ხის კომბინაციით დამზადებული ჩანთების კოლექცია, რომელიც ქართული კულტურის შტრიხებს აცოცხლებდა. 2019 წელს კი ამ კოლექციიდან მოდელები ვუდლი და თანი ჰონგ-კონგში გამართულ APLF-ის საერთაშორისო გამოფენაზე საუკეთესოთა ათეულში მოხვდა. 2022 წელს „კოსმომ“ ჩოხის მოტივებზე შექმნილი ჩანთა - „ჩოხჩა“ წარადგინა დუბაიში გამართულ კონკურსზე და გაიმარჯვა ხალხის რჩეულის ნომინაციაში.კოსმო ყოველთვის ხაზს უსვამს იმ ხალხის როლს, ვინც ქმნის ქართულ იდენტობას. ერთ-ერთი გამორჩეული კამპანია  - „ქალები ბაზრიდან“ სწორედ ამას ასახავს. ბრენდმა ბაზარში დასაქმებულ ქალებს ერთი განსაკუთრებული დღე მიუძღვნა: გადაიღო მათი ფოტოპორტრეტები, მოუსმინა მათ ისტორიებს, შექმნა ჟურნალი და ასახა მათი ყოველდღიურობა. ამ კამპანიამ Ad Black Sea-ზე სამი ჯილდო მიიღო, მათ შორის ოქროს მედალი ინტეგრირებული მარკეტინგული კამპანიის კატეგორიაში.ბრენდის უახლესი ინიციატივაა „ღია სახელოსნო“ -  სივრცე, სადაც მომხმარებელი თავად ხდება კოსმოს ნაწილის შემქმნელი. აქ შეგიძლია კოსმოს ოსტატებთან ერთად შექმნა საკუთარი ჩანთა, აირჩიო ფერები, დიზაინი, წარწერა და დატოვო მასში შენი ემოცია.„თითოეული ამ ინიციატივისა და იდეის ერთგული მხარდამჭერი თიბისია. თიბისისთან მეგობრობა ჩვენი კომპანიის დაარსების დღიდან იწყება. ბიზნესის ტექნოლოგიური განვითარების სხვადასხვა ეტაპზე და განსაკუთრებით მაშინ, როცა ნედლეულის შესაძენად ფინანსების მობილიზება გვჭირდებოდა, სწორედ თიბისის მხარდაჭერა გახდა გადამწყვეტი.ამ პარტნიორობის წყალობით შევძელით, რომ „კოსმოში“ შექმნილი პროდუქცია საერთაშორისო ბაზარზე გაგვეტანა. უკვე ორი წელია, დანიაში ერთ-ერთ უმსხვილეს სავაჭრო ქსელთან ვთანამშრომლობთ და დიდ პარტიებად ვაწვდით ჩვენს ხელნაკეთ ნივთებს ნიშნით „Made in Georgia “.„კოსმო“ ამტკიცებს, რომ შენს ჩანთას შეუძლია ილაპარაკოს, თქვას რაღაც მნიშვნელოვანი შენზე, შენს ისტორიაზე, შენს ხასიათზე. ეს არის “კოსმო”, - ადამიანური, ფერადი და კოსმიური.

1754558356

სააპელაციო სასამართლომ 7 აგვისტოს სხდომაზე მხოლოდ შედეგი გამოაცხადა, დასაბუთებული გადაწყვეტილება კი მხარეებს მოგვიანებით გადაეცემათ.კომპანია „ჩირინა“ არ ეთანხმება სააპელაციო სასამართლოს გადაწყვეტილებას და საქმეს უზენაეს სასამართლოში გაასაჩივრებს.„საქმეში არ არსებობს მტკიცებულება, რომელიც დაადასტურებს, რომ „ჩირინამ“ „ყვარლის ბაგასთან“ გაფორმებული ხელშეკრულების რომელიმე პუნქტი დაარღვია. ერთი მხრივ, სააპელაციო სასამართლომ დაამტკიცა, რომ ჩვენ „ყვარლის ბაგის“ მიუღებელ ზარალში არაფერ შუაში ვართ და დავალიანება ₾1.6 მლნ-მდე შეამცირა, მაგრამ ჩვენ აქაც გვაქვს კითხვები, რადგან „ჩირინას“ ძროხების სიკვდილიანობაში ბრალი არ მიუძღვის. მოსამართლეებმა გადაწყვიტეს, რომ ჩვენ დავარღვიეთ ხელშეკრულება, მაგრამ დარწმუნებული ვარ, უზენაესი სასამართლო ამასაც გააუქმებს. დაველოდებით მოსამართლეების მიღებულ გადაწყვეტილებას დოკუმენტურად და ამ გადაწყვეტილებას მომდევნო ინსტანციაში გავასაჩივრებთ“, - თქვა რევაზ ვაშაკიძე, „ჩირინას“ დამფუძნებელმა. მეორე ინსტანციის სასამართლო განიხილავდა საქმეს - „ყვარლის ბაგა“ „ჩირინას“ წინააღმდეგ, რომლის ფარგლებშიც მეცხოველეობის ფერმა „ჩირინასგან“ ₾4.7 მლნ-ის ზიანის ანაზღაურებას ითხოვს. სასამართლო პროცესი „ყვარლის ბაგა“ „ჩირინას“ წინააღმდეგ მიმდინარეობდა, რომლის ფარგლებშიც მეცხოველეობის ფერმა „ჩირინასგან“ ₾4.7 მლნ-ის ზიანის ანაზღაურებას ითხოვდა.აღნიშნული თანხის გადახდა „ჩირინას“ 2024 წლის 24 დეკემბერს თბილისის საქალაქო სასამართლოს გადაწყვეტილებით დაეკისრა, რაც კომპანიამ სააპელაციო სასამართლოში გაასაჩივრა.ბიზნესმენ ლაშა პაპაშვილის „ყვარლის ბაგა“ ირწმუნება, რომ 200-მდე სული ძროხა მას შემდეგ დაეხოცა, რაც „ჩირინასგან“ ნაყიდი ქათმის სკინტლი აჭამეს. სარჩელი ეფუძნებოდა მტკიცებას, თითქოს „ყვარლის ბაგამ“ შეძენილ ნაკელში აღმოაჩინა „აკრძალული ვეტ-პრეპარატი“ ტეტრაციკლინი, რომლის გამოყენებაც არ არის აკრძალული საქართველოს კანონმდებლობის მიხედვით და “ყვარლის ბაგა“ თავადაც იყენებს. კომპანია „ჩირინა“ კატეგორიულად უარყოფს ბრალდებებს და შესაბამისი დოკუმენტაციით ამტკიცებს, რომ კომპანიას არ დაურღვევია არც ხელშეკრულებით ნაკისრი ვალდებულება და არც მოქმედი კანონმდებლობა. საქალაქო სასამართლოს გადაწყვეტილება კი ეყრდნობოდა სამართლებრივად გაუმართლებელ დაშვებებსა და არასწორ ინტერპრეტაციებს.

1754556555