საგარეო უწყება დიპლომატიური პასპორტებისთვის უვიზო მიმოსვლის შეჩერებას უსამართლობას უწოდებს

2025 წელს ქვეყანაში 4.4 ათასი ღონისძიება ჩატარდა, აქედან 130 იყო გასვლითი (ქალაქის გარეთ).საზღვარგარეთ ჩატარებული ღონისძიებების რაოდენობამ 153 ერთეული შეადგინა.2025 წელს ჩატარებული სპექტაკლების რაოდენობა, წინა წელთან შედარებით 9.8%-ით შემცირდა და 4 073 ერთეული შეადგინა. სპექტაკლების ნახევარზე მეტი (70.4%) თბილისში ჩატარდა.საქსტატის მონაცემებით, 2025 წელს ღონისძიებებზე დამსწრე მაყურებელთა საერთო რიცხოვნობა, წინა წელთან შედარებით 2.5%-ით შემცირდა და 620.3 ათასი შეადგინა. მაყურებელთა დასწრების ყველაზე მაღალი მაჩვენებლით გამოირჩეოდა თბილისი (66.3%-ით), ხოლო მეორე ადგილზეა იმერეთი (9.6%-ით).2025 წელს საქართველოში 261 მუზეუმი და მუზეუმ-ნაკრძალი ფუნქციონირებდა, საიდანაც 104 ერთეული წარმოადგენს მემორიალურ მუზეუმს, 74 ერთეული - ისტორიულს (მხარეთმცოდნეობის), 23 ერთეული - ხელოვნების, 13 ერთეული - მუზეუმ-ნაკრძალს, 2 ერთეული - ლიტერატურულს, ხოლო 45 - სხვა სახის მუზეუმს.2025 წელს ყველაზე მეტი მუზეუმი ფუნქციონირებდა თბილისში (22.6%). ამ მაჩვენებლით მეორე და მესამე ადგილებზე იმერეთის (15.3%) და კახეთის (14.2%) რეგიონებია.2025 წელს მუზეუმებში დამთვალიერებელთა რიცხოვნობა, წინა წელთან შედარებით 4.5%-ით გაიზარდა და 2 მლნ. კაცი შეადგინა. საშუალოდ ერთ მუზეუმზე 7.7 ათასი დამთვალიერებელი მოდის.2025 წელს მუზეუმებში ექსკურსიების რაოდენობა 0.9%-ით შემცირდა და 44.6 ათასი შეადგინა, ხოლო გამოფენათა რაოდენობა - 7.1%-ით გაიზარდა და 1 006 ერთეული იყო.

1781253870

კობახიძემ ხაზგასმით აღნიშნა, რომ ყირგიზეთისთვის, ისევე როგორც ცენტრალური აზიის ხუთივე ქვეყნისთვის, საქართველოსთან სავაჭრო-ეკონომიკური პარტნიორობა და დაკავშირებადობის გაძლიერება სტრატეგიულ ხასიათს ატარებს.„საქართველო აკავშირებს ცენტრალური აზიის ხუთივე ქვეყანას საბოლოოდ შავ ზღვასთან და დასავლურ სივრცესთან. აქედან გამომდინარე, ყირგიზეთისთვის მნიშვნელოვანია ჩვენთან თანამშრომლობა ეკონომიკური, სავაჭრო კუთხით და ჩვენთვისაც მნიშვნელოვანია ამ თანამშრომლობის გაღრმავება. ყირგიზეთი ბოლო წლებში სწრაფი ტემპით ვითარდება ეკონომიკური კუთხით და მაქსიმალურად ცდილობს გააძლიეროს საკუთარი ფუნქცია დაკავშირებადობის კუთხით. ეს ქმნის ახალ შესაძლებლობებს ჩვენი ორმხრივი თანამშრომლობისთვის“, - განაცხადა პრემიერმა.ჟურნალისტებთან საუბრისას კობახიძე ბრიუსელში გამართულ სავიზო დიალოგსაც შეეხო და მწუხარება გამოთქვა იმის გამო, რომ ვიზალიბერალიზაციის საკითხი პოლიტიკური შანტაჟის ინსტრუმენტად გამოიყენება.მისი თქმით, საქართველო აბსოლუტურად ღიაა დიალოგისთვის და ყველა დასმულ კითხვაზე აქვს მკაფიო პასუხი. პრემიერმა იმედი გამოთქვა, რომ ევროპულ ბიუროკრატიაში მიდგომები შეიცვლება და ქვეყნის მიმართ სამართლიანი პოზიცია ჩამოყალიბდება.ირაკლი კობახიძემ ასევე უპასუხა ამერიკელი კონგრესმენის, ჯო უილსონის კრიტიკას, რომელიც საქართველოს ჩინეთთან ურთიერთობების გაღრმავების გამო აკრიტიკებს. პრემიერმა ამ განცხადებებს ალოგიკური უწოდა იმ ფონზე, როდესაც თავად აშშ-ც ცდილობს ჩინეთთან კავშირების გაძლიერებას. მთავრობის მეთაურის შეფასებით, აღნიშნული თავდასხმები „გლობალური ომის პარტიის“ გავლენითა და გარე დაკვეთებით ხორციელდება, თუმცა მათ საქართველოსთვის განსაკუთრებული ფასი არ გააჩნია.

1781251298

უწყების ცნობით, შესაბამის ორმხრივ მემორანდუმს ხელი ყირგიზეთის ვეტერინარული სამსახურის დირექტორმა, ადილეტ სოტოვალდიევმა და საქართველოს გარემოს დაცვისა და სოფლის მეურნეობის მინისტრმა, დავით სონღულაშვილმა მოაწერეს.გაფორმებული შეთანხმება ითვალისწინებს ვეტერინარულ-სანიტარული მოთხოვნების გამარტივებას ორ ქვეყანას შორის ცოცხალი ცხოველების, ხორცისა და მეცხოველეობის სხვა პროდუქტების ექსპორტისა და იმპორტის პროცედურებში.გარდა სავაჭრო პროცედურების გამარტივებისა, დოკუმენტი ითვალისწინებს ცხოველთა ინფექციური დაავადებების წინააღმდეგ ერთობლივ ბრძოლას და ვეტერინარული უსაფრთხოების სისტემების განმტკიცებას. ასევე, დაგეგმილია ორი ქვეყნის პროფილური სპეციალისტების მიერ ერთობლივი ღონისძიებების ჩატარება და კვალიფიკაციის ამაღლება.ყირგიზული მხარის შეფასებით, აღნიშნული ნაბიჯი არა მხოლოდ უზრუნველყოფს მაღალ ვეტერინარულ უსაფრთხოებას, არამედ მნიშვნელოვან სტიმულს მისცემს ორი ქვეყნის საერთაშორისო სავაჭრო შესაძლებლობების გაფართოებასა და მეცხოველეობის დარგის მოდერნიზაციას.საქსტატის საგარეო ვაჭრობის პორტალის ოფიციალური მონაცემებით, ბოლო პერიოდში საქართველოდან ყირგიზეთში ხორცისა და ხორცის კვებითი სუბპროდუქტების ექსპორტის მკვეთრი ზრდის ტენდენცია ფიქსირდება. კერძოდ, თუ 2024 წელს საქართველოდან ყირგიზეთში რეალიზებული იყო 101.9 ათასი აშშ დოლარის ღირებულების პროდუქცია, 2025 წელს ეს მაჩვენებელი 6-ჯერ მეტად გაიზარდა და 648 ათას აშშ დოლარს მიაღწია. რაც შეეხება საპირისპირო ნაკადს, ოფიციალური სტატისტიკა აჩვენებს, რომ 2024-2025 წლებში ყირგიზეთიდან საქართველოში ხორცის იმპორტი საერთოდ არ განხორციელებულა და ეს მაჩვენებელი ნულოვანია.

1781249929

მხარეებმა განიხილეს საქართველოსა და ჩინეთს შორის არსებული ეკონომიკური და ფინანსური თანამშრომლობის საკითხები, ფინანსური ბაზრებისა და სერვისების მიმართულებით მიმდინარე თანამშრომლობა და სამომავლო პარტნიორობის გაღრმავების შესაძლებლობები.აღინიშნა საქართველოს ეროვნულ ბანკსა და ჩინეთის ცენტრალურ ბანკს შორის გასულ წელს გაფორმებული ურთიერთგაგების მემორანდუმის ფარგლებში მიღწეული პროგრესი.„ურთიერთგაგების მემორანდუმის გაფორმების შემდეგ, საქართველოს ეროვნულ ბანკსა და ჩინეთის ცენტრალურ ბანკს შორის თანამშრომლობა მნიშვნელოვნად გაღრმავდა. განსაკუთრებით აღსანიშნავია ფინანსურ ბაზრებისა და ორ ქვეყანას შორის არსებული ფინანსური სერვისების განვითარებით მიმართულებით გადადგმული ნაბიჯები. მათ შორის, საერთაშორისო რეზერვების დივერსიფიკაციის მიმართულებით“, - დასძინა ნათია თურნავამ.შეხვედრაზე ასევე ისაუბრეს საქართველო-ჩინეთის სავაჭრო-ეკონომიკურ ურთიერთობებზე. აღსანიშნავია, რომ ჩინეთი საქართველოს ერთ-ერთი უმსხვილესი სავაჭრო პარტნიორია. მნიშვნელოვნად გაიზარდა როგორც ექსპორტისა და იმპორტის მოცულობა, ასევე ჩინური ინვესტიციები და ტურისტული ნაკადები.„ჩინეთსა და საქართველოს შორის ეკონომიკური თანამშრომლობა დინამიკურად ვითარდება, რაც ქმნის მყარ საფუძველს, რომ ჩვენი თანამშრომლობა კიდევ უფრო გავაღრმავოთ საფინანსო სექტორში“, - აღნიშნა ეროვნული ბანკის პრეზიდენტმა.შეხვედრის ფარგლებში მხარეებმა კიდევ ერთხელ დაადასტურეს მზადყოფნა აქტიური თანამშრომლობის გაგრძელების შესახებ, რათა ხელი შეუწყონ საქართველოსა და ჩინეთს შორის ფინანსური და ეკონომიკური კავშირების კიდევ უფრო განმტკიცებას.(R)

1781248846

იოშიჰირო ნაკატა, Toyota Motor Europe-ის პრეზიდენტი და გენერალური დირექტორი: „Ichiban-ის გამარჯვებულები ყოველდღიურად აჩვენებენ, რას ნიშნავს მომხმარებლის ნდობის დამსახურება. ისინი არ შემოიფარგლებიან მოლოდინების დაკმაყოფილებით - უსწრებენ ამ მოლოდინებს, თავად აყალიბებენ მათ და მთელი ჩვენი ქსელისთვის უფრო მაღალ სტანდარტს აწესებენ. სწორედ მათი უნარი, მოერგონ ცვლილებებს, ითანამშრომლონ და განუწყვეტლივ ისწრაფონ გაუმჯობესებისკენ, განსაზღვრავს Toyota-ს მომავალს ევროპაში“.„იჩიბანი“ იაპონური სიტყვაა და ქართულად ნომერ პირველს ნიშნავს. ეს ჯილდო ენიჭებათ მხოლოდ იმ დილერებს, რომლებიც მომხმარებელს უფრო მეტს სთავაზობენ, ვიდრე უბრალოდ სერვისია. წლევანდელი ღონისძიება ერთგვარი პლატფორმა გახდა გამოცდილების გაზიარების, პარტნიორობის განმტკიცებისა და ინდუსტრიის მომავლის ერთობლივად განსაზღვრისთვის.მარიამ მელიაშვილი, „ტოიოტა ცენტრი თეგეტას" გენერალური დირექტორი: „იჩიბანის ჯილდოს ზედიზედ მეორედ მოპოვება „ტოიოტა ცენტრი თეგეტასთვის“ უდიდესი პატივი და პასუხისმგებლობაა. ეს აღიარება ადასტურებს ჩვენი გუნდის ერთგულებას, პროფესიონალიზმსა და იმ მაღალი სტანდარტის დაცვას, რომელსაც Toyota მსოფლიოს მასშტაბით აწესებს. განსაკუთრებით საამაყოა, რომ რეგიონში მოქმედ დილერებს შორის სწორედ საქართველოდან „ტოიოტა ცენტრი თეგეტამ“ შეძლო ამ პრესტიჟული ჯილდოს მოპოვება. ეს არა მხოლოდ ჩვენი კომპანიის, არამედ მთლიანად ქვეყნისთვის მნიშვნელოვანი მიღწევაა, რომელიც კიდევ ერთხელ უსვამს ხაზს ქართული გუნდის შესაძლებლობებს საერთაშორისო დონეზე. მადლობას ვუხდი თითოეულ თანამშრომელს, რომელთა ყოველდღიური შრომაც ამ წარმატების საფუძველია, ჩვენს მომხმარებლებს კი - ნდობისა და ერთგულებისთვის“.„ტოიოტა ცენტრი თეგეტა“ ერთადერთი ქართული კომპანიაა გამარჯვებულთა შორის, რომელიც, აღმოსავლეთ ევროპის რეგიონის წამყვან დილერებთან ერთად, საქართველოს წარმოადგენდა ცერემონიაზე. ეს წარმატება კიდევ ერთხელ ადასტურებს, რომ მომხმარებლის კმაყოფილების მაღალი მაჩვენებლები, მომსახურების ხარისხის უწყვეტი გაუმჯობესება და თანამშრომელთა აქტიური ჩართულობა კომპანიის გუნდის ყოველდღიური საქმიანობის განუყოფელი ნაწილია.Toyota Ichiban-ის ჯილდო ყოველწლიურად გადაეცემა ევროპის საუკეთესო დილერებს, რომლებიც მომხმარებელთა კმაყოფილების მაღალი მაჩვენებლებით, მომსახურების უწყვეტი გაუმჯობესებითა და თანამშრომელთა აქტიური ჩართულობით გამოირჩევიან. „ტოიოტა ცენტრი თეგეტასთვის“ ზედიზედ მეორედ მოპოვებული ჯილდო არა მხოლოდ ადგილობრივ, არამედ რეგიონულ ბაზარზე ლიდერობის კიდევ ერთ დასტურია და ცხადყოფს, რომ ხარისხი, ინოვაცია და მომხმარებელზე ზრუნვა ბრენდის ძირითად ღირებულებებად რჩება.„თეგეტა ჰოლდინგის“ ერთ-ერთ მიმართულებაში, „თეგეტა ქარსში“ შემავალი კომპანია „ტოიოტა ცენტრი თეგეტა" საქართველოს ბაზარზე 2014 წლიდან ოპერირებს. კომპანია მონობრენდულია და მისი მომსახურება სრულიად „ტოიოტას“ ავტომობილებზეა ფოკუსირებული. ამ ეტაპზე კომპანია მომხმარებელს სთავაზობს „ტოიოტას“ უახლესი მოდელების ავტომობილებს, მაღალი ხარისხის ორიგინალ ავტოსათადარიგო ნაწილებს, აქსესუარებსა და მომსახურებას. სერვისი აღჭურვილია თანამედროვე ავტორიზებული პროგრამებითა და კვალიფიციური პერსონალით.(R)

1781247948

სიმპოზიუმში მონაწილეობდნენ მსოფლიოს 30-მდე ცენტრალური ბანკისა და მონეტარული ორგანოს პრეზიდენტები და მაღალი რანგის წარმომადგენლები, მათ შორის - საფრანგეთის, გერმანიის, შვეიცარიის, გაერთიანებული სამეფოს, სინგაპურის, ჰონგ კონგის, ბრაზილიის, არგენტინის, ინდონეზიის, საუდის არაბეთისა და კატარის ცენტრალური ბანკების წარმომადგენლები.მასშტაბური საერთაშორისო ღონისძიება ემსახურება მაღალი დონის პლატფორმის შექმნას, სადაც ცენტრალური ბანკების, საერთაშორისო ფინანსური ინსტიტუტებისა და კერძო სექტორის წარმომადგენლები იმსჯელებენ გლობალურ მაკროეკონომიკურ და ფინანსურ პროცესებზე, რეზერვების მართვის თანამედროვე სტრატეგიებზე, საერთაშორისო მონეტარული სისტემის განვითარების პერსპექტივებსა და ფინანსური ბაზრების მიმდინარე და გრძელვადიან ტენდენციებზე.სიმპოზიუმის პირველ სესიაზე - „გლობალური მაკროეკონომიკური და ფინანსური ბაზრების განვითარება“, ნათია თურნავამ მიმოიხილა საერთაშორისო ფინანსურ ბაზრებზე მიმდინარე სტრუქტურული ცვლილებები, საინვესტიციო გადაწყვეტილებებზე  გეოპოლიტიკური პროცესების გავლენა და ცენტრალური ბანკების რეზერვების მართვის თანამედროვე გამოწვევები.სიტყვით გამოსვლისას ეროვნული ბანკის პრეზიდენტმა აღნიშნა, რომ გლობალური საინვესტიციო გარემო გეოპოლიტიკური დაძაბულობის, სავაჭრო ფრაგმენტაციისა და მაკროეკონომიკური გაურკვევლობის ზრდის ფონზე კიდევ უფრო კომპლექსური ხდება.„გრძელვადიანმა სავაჭრო დაძაბულობამ, სამხედრო კონფლიქტებმა ახლო აღმოსავლეთსა და ევროპაში, ასევე მიწოდების ჯაჭვების გლობალურმა შეფერხებამ მნიშვნელოვნად გაზარდა ბაზრების ცვალებადობა და საინვესტიციო რისკები. დღეს გეოპოლიტიკური მოვლენები უკვე მხოლოდ გარე რისკები აღარ არის - ის ეკონომიკურ ცვლადებად იქცა, რომლებიც პირდაპირ გავლენას ახდენს ინფლაციაზე, კაპიტალის ნაკადებზე, სავალუტო კურსებსა და საინვესტიციო სტრატეგიებზე“, - განაცხადა ნათია თურნავამ.საქართველოს ეროვნული ბანკის პრეზიდენტმა განსაკუთრებული ყურადღება სავალუტო რეზერვების მართვის საკითხს დაუთმო და აღნიშნა, რომ მზარდი გეოპოლიტიკური რისკების პირობებში უსაფრთხოება რეზერვების მართვის უმთავრეს პრიორიტეტად იქცა. მისი შეფასებით, ოქროს მიმზიდველობა გაიზარდა, რადგან რეზერვების მმართველები ეძებენ ისეთ აქტივებს, რომლებიც ნაკლებადაა  დამოკიდებული სუვერენულ და გეოპოლიტიკურ რისკებზე.მისივე თქმით, მსოფლიოში სარეზერვო პორტფელების დივერსიფიკაციის ტენდენცია თვალსაჩინოა, ასევე შეიმჩნევა აზიური კაპიტალის ბაზრების მზარდი მიმზიდველობა.„ცენტრალური ბანკებისთვის რეზერვების მართვის სამი ძირითადი პრინციპი არსებობს - უსაფრთხოება, ლიკვიდობა და მომგებიანობა. ბოლო წლებში უსაფრთხოების მნიშვნელობა საგრძნობლად გაიზარდა. სწორედ ამიტომ, მრავალი ცენტრალური ბანკი ცდილობს გააძლიეროს პორტფელების მდგრადობა და გაზარდოს დივერსიფიკაცია როგორც ვალუტების, ისე აქტივების კლასების მიხედვით“, - აღნიშნა ნათია თურნავამ.სებ-ის პრეზიდენტმა ასევე აღნიშნა, რომ ოქროში განხორციელებულმა ინვესტიციებმა მნიშვნელოვნად დადებითი გავლენა მოახდინა საქართველოს საერთაშორისო რეზერვების შემოსავლიანობაზე. მისივე განმარტებით, საქართველოს ეროვნული ბანკი რეზერვების განთავსებისთვის ბაზრების გეოგრაფიულ და სავალუტო დივერსიფიკაციას ახორციელებს და ამ კონტექსტში, ტრადიციული ბაზრების პარალელურად, აზიური ბაზრები და ვალუტები მზარდ ინტერესს წარმოადგენს.ნათია თურნავას განმარტებით, ასეთ გარემოში რისკების დისციპლინირებული მართვა, თანმიმდევრულობა და მოქნილობა, შესაძლოა, გრძელვადიანი საინვესტიციო წარმატების ყველაზე მნიშვნელოვან განმსაზღვრელ ფაქტორებს შორის აღმოჩნდეს.(R)

1781247477

უმაღლესი დონის შეხვედრის ძირითადი ნაწილი სავაჭრო-ეკონომიკურ, საინვესტიციო და სატრანსპორტო-ლოგისტიკურ სფეროებში თანამშრომლობის გაღრმავებას დაეთმო.მთავარი აქცენტი სატრანზიტო მარშრუტების სინქრონიზაციაზემოლაპარაკებების ერთ-ერთ ცენტრალურ თემას რეგიონული სატრანსპორტო პროექტების ინტეგრაცია წარმოადგენდა. მხარეებმა განიხილეს „შუა დერეფნის“ შემდგომი განვითარების პერსპექტივები და ამ მარშრუტზე დამატებითი ტვირთნაკადების მოზიდვის მექანიზმები.საქართველოს პრემიერ-მინისტრის განცხადებით, ქართული მხარე დიდი ინტერესით ადევნებს თვალს ჩინეთი-ყირგიზეთი-უზბეკეთის სარკინიგზო პროექტის რეალიზაციას, რომელიც სწრაფი ტემპით მიმდინარეობს. ირაკლი კობახიძის შეფასებით, აღნიშნული სარკინიგზო ხაზი მნიშვნელოვნად შეუწყობს ხელს ცენტრალურ აზიასა და შავი ზღვის რეგიონს შორის დაკავშირებადობის გაძლიერებას. მან ასევე აღნიშნა, რომ საქართველო საკუთარი სატრანზიტო ფუნქციის გასაფართოებლად შიდა ინფრასტრუქტურაში მსხვილ ინვესტიციებს ახორციელებს.ყირგიზეთის პრეზიდენტმა სადირ ჟაპაროვმა დაადასტურა, რომ ჩინეთი-ყირგიზეთი-უზბეკეთის სარკინიგზო დერეფნის დაკავშირება საქართველოს საპორტო ინფრასტრუქტურასთან ორმხრივი დღის წესრიგის ერთ-ერთი პრიორიტეტული მიმართულებაა. ჟაპაროვმა მოუწოდა ქართულ ბიზნესწრეებს, უფრო აქტიურად განიხილონ საინვესტიციო პროექტები ყირგიზეთის ლოგისტიკის, სოფლის მეურნეობის, მშენებლობის, ციფრული ეკონომიკისა და ტურიზმის სექტორებში, სადაც ქვეყანა მდგრადი ეკონომიკური ზრდის ფონზე ინვესტორებისთვის ხელსაყრელ პირობებს ქმნის.მთავრობათაშორისი კომისია და პირდაპირი ფრენების პერსპექტივავიზიტის ფარგლებში ბიშკეკში პარალელურად გაიმართა საქართველო-ყირგიზეთის მთავრობათაშორისი ეკონომიკური თანამშრომლობის კომისიის მეორე სხდომა. მხარეების შეფასებით, კომისიის მუშაობის განახლება დროული ნაბიჯია, რაც ხელს შეუწყობს სავაჭრო ბრუნვის გაზრდასა და პირდაპირი ბიზნესკონტაქტების დამყარებას.მოლაპარაკებებზე ყურადღება გამახვილდა ტურიზმის სექტორში ორმხრივი ნაკადების გაზრდის მნიშვნელობაზე. აღინიშნა, რომ საქართველოსა და ყირგიზეთს შორის პირდაპირი საჰაერო მიმოსვლის დაწყება დამატებით სტიმულს მისცემდა როგორც ეკონომიკურ თანამშრომლობას, ისე ხალხთაშორისი კავშირების გაღრმავებას.პოლიტიკური დიალოგი და ორმხრივი დოკუმენტებიშეხვედრის დასასრულს ირაკლი კობახიძემ და სადირ ჟაპაროვმა ხელი მოაწერეს ერთობლივ განცხადებას. ასევე გაფორმდა ორმხრივი სამთავრობათაშორისი დოკუმენტები, რომლებიც სამომავლო თანამშრომლობის სამართლებრივ საფუძვლებს განსაზღვრავენ.საქართველოს პრემიერ-მინისტრმა მადლობა გადაუხადა ყირგიზეთის რესპუბლიკის პრეზიდენტს საქართველოს სუვერენიტეტისა და ტერიტორიული მთლიანობის უპირობო მხარდაჭერისთვის. თავის მხრივ, სადირ ჟაპაროვმა მადლიერება გამოხატა ქართული მხარის მიერ ყირგიზეთის საერთაშორისო ინიციატივების მხარდაჭერისთვის, რაც მთიანი რეგიონების მდგრად განვითარებას ეხება.ირაკლი კობახიძემ ყირგიზეთის პრეზიდენტი საპასუხო ოფიციალური ვიზიტით საქართველოში მოიწვია.

1781245308

ირანულ სახელმწიფო ტელეარხ PressTV-თან საუბრისას ბაღაიმ აღნიშნა, რომ მოლაპარაკებების პროცესში მთავარ პრობლემას ვაშინგტონის „არათანმიმდევრული პოზიცია“ წარმოადგენდა.„პრობლემა ის არის, რომ შეერთებული შტატების ურთიერთგამომრიცხავი პოზიციები მუდმივად იწვევდა ტურბულენტობას და აფერხებდა ამ პროცესს“, - განაცხადა მან.ბაღაის თქმით, ირანი მოლაპარაკებებში „კეთილი ნებითა და სრული პასუხისმგებლობით“ ჩაერთო, თუმცა ამერიკული მხარე, მისი შეფასებით, არაერთხელ ცვლიდა პოზიციას, აყენებდა „არარეალისტურ“ მოთხოვნებს და პარალელურად ახორციელებდა სამხედრო თავდასხმებს.11 ივნისს საღამოს აშშ-ის პრეზიდენტმა დონალდ ტრამპმა განაცხადა, რომ მხარეები ომის დასრულებაზე შეთანხმდნენ.„ხელმოწერა მალე შედგება. დოკუმენტები მომზადების საბოლოო ეტაპზეა“, — განაცხადა ტრამპმა.მისი თქმით, შეთანხმების გაფორმების შემდეგ გაიხსნება ჰორმუზის სრუტე, რაც შესაძლოა უახლოეს შაბათ-კვირას მოხდეს.ამასთან, ბრიტანული გამოცემა The Guardian წყაროზე დაყრდნობით წერს, რომ მემორანდუმი არ შეიცავს კონკრეტულ შეთანხმებებს ირანის ბირთვულ პროგრამასთან დაკავშირებით. დოკუმენტში მხოლოდ ის მექანიზმებია აღწერილი, რომლებიც შემდგომი მოლაპარაკებებისთვის იქნება საჭირო, მათ შორის ბირთვული პროგრამისა და ირანის გაყინული აქტივების საკითხებზე.ირანსა და აშშ-ს შორის დაპირისპირება ათწლეულებია გრძელდება, თუმცა ბოლო პერიოდში მხარეებს შორის არაპირდაპირი მოლაპარაკებები გააქტიურდა. ერთ-ერთ მთავარ საკითხად რჩება თეირანის ბირთვული პროგრამა, დასავლეთის მიერ დაწესებული სანქციები და უცხოურ ბანკებში გაყინული ირანული აქტივების ბედი.თუ შეთანხმება მართლაც გაფორმდება, ეს შესაძლოა რეგიონში დაძაბულობის შემცირებისკენ გადადგმული ყველაზე მნიშვნელოვანი ნაბიჯი იყოს ბოლო წლების განმავლობაში. ამასთან, ანალიტიკოსები აღნიშნავენ, რომ საბოლოო შედეგის შეფასება შესაძლებელი იქნება მხოლოდ მას შემდეგ, რაც შეთანხმების სრული ტექსტი გასაჯაროვდება და ცნობილი გახდება, შეიცავს თუ არა ის კონკრეტულ ვალდებულებებს ბირთვული პროგრამისა და სანქციების საკითხებზე.

1781241305