შინაგან საქმეთა მინისტრად გელა გელაძე დანიშნეს

ბიზნეს მომხმარებელი ბიზნეს მობილბანკსა და ბიზნეს ინტერნეტბანკში სატენდერო გარანტიაზე 65%-მდე ფასდაკლებით ისარგებლებს.ეს შესაძლებელია 1.5 მლნ ლარამდე კონტრაქტებისთვის, უზრუნველყოფის გარეშე. მომენტალურად დამტკიცებით და გააქტიურებით. ტენდერის დასრულებამდე ბიზნეს მომხმარებელს მის უზრუნველსაყოფად თანხის გაჩერება არ უწევს..“საქართველოს ბანკისთვის პარტნიორი ბიზნესების მხარდაჭერა და მათი გაძლიერება უცვლელი პრიორიტეტია. გარკვეული ფინანსური რისკების შემცირების მიზნით სახელმწიფო/სსიპ ტენდერებში მონაწილეობის მსურველ კომპანიებს აქვთ ვალდებულება, ტენდერში მონაწილეობისთვის გარანტია წარადგინონ. სწორედ მსგავსი საჭიროების მქონე კომპანიებს ვთავაზობთ სატენდერო გარანტიას უზრუნველყოფის გარეშე ბიზნეს მობილბანკსა და ბიზნეს ინტერნეტბანკში 1 საათზე ნაკლებ დროში“, - აცხადებენ საქართველოს ბანკში.ბიზნეს მობილბანკში სატენდერო გარანტიით სარგებლობისთვის, აუცილებელია აპლიკაციის განახლება.დეტალური ინფორმაცია სატენდერო გარანტიის შესახებ 

1748524737

ვინ ვაჭრობს ონლაინ სივრცეში საქართველოში ბოლო 6 თვის გათვალისწინებით?ACTR-ს კვლევის შედეგად გამოვლინდა, რომ გამოკითხულთა მნიშვნელოვანი ნაწილი ჩართულია ონლაინ ვაჭრობაში (54%). შესყიდვებისთვის მომხმარებლები მიმართავენ როგორც ქართულ, ისე უცხოურ პლატფორმებს.საინტერესოა ონლაინ მოვაჭრეთა დახასიათება დემოგრაფიულ ჭრილში: მონაცემები ცხადყოფს, რომ ონლაინ ვაჭრობას უფრო მეტად ქალები მიმართავენ (60%), ვიდრე მამაკაცები (41%); აღნიშნულ სეგმენტში ჭარბობენ 18-54 წლის ასაკობრივი ჯგუფის წარმომადგენლები – ჯამურად 79%; განსაკუთრებით საინტერესოა გეოგრაფიული ნიშნით ონლაინ მოვაჭრეთა დახასიათება. მათ შორის მაღალია რეგიონის წარმომადგენელთა წილი (65%). რაც შესაძლოა განპირობებული იყოს სხვადასხვა პროდუქტისა და სავაჭრო ობიექტების ნაკლები მრავალფეროვნებით. ონლაინ ვაჭრობის სიხშირე:ACTR-ს კვლევამ აჩვენა, რომ ქართველ ონლაინ მოვაჭრეთა ნახევარი (50%) აქტიურად (მინიმუმ თვეში ერთხელ) ყიდულობს ონლაინ, ხოლო მეორე ნახევარი – შედარებით იშვიათად (2-3 თვეში ერთხელ ან კიდევ უფრო იშვიათად).საინტერესოა ადგილობრივი და საერთაშორისო პლატფორმების მოხმარების სიხშირის შედარებითი ანალიზიც: ACTR-ს კვლევის შედეგად გამოიკვეთა, რომ ქართველი მომხმარებლები უფრო აქტიურად იყენებენ უცხოურ ონლაინ პლატფორმებს რეგულარული შესყიდვებისთვის (თვეში ერთხელ ან უფრო ხშირად – 51%), ვიდრე ქართულს (თვეში ერთხელ ან უფრო ხშირად – 41%). რას ყიდულობენ ქართველები ონლაინ?ონლაინ ვაჭრობისას, ყველაზე გავრცელებული ქცევაა ტანსაცმლისა და აქსესუარების (47%) შეძენა. ამასთან, საყოფაცხოვრებო ნივთები (29%) და საბავშვო პროდუქტებიც (20%) პოპულარულია სხვა კატეგორიებთან შედარებით.ონლაინ ვაჭრობისთვის პოპულარული უცხოური ვებგვერდები და პლატფორმებიკვლევის შედეგები ცხადყოფს, რომ უცხოური პლატფორმებიდან ცალსახა პოპულარობით სარგებლობს Temu (75%), საყურადღებოა, რომ მსოფლიოს გიგანტი ონლაინ სავაჭრო ორგანიზაცია Amazon-იც (16%) კი მნიშვნელოვნად ჩამოუვარდება.აქვე ისიც უნდა აღინიშნოს, რომ Temu-ს მომხმარებელთა მნიშვნელოვანი წილი რეგიონებზე მოდის.რატომ არ ვაჭრობს ონლაინ ფორმით ქართველი მომხმარებელი, ბოლო 6 თვის გათვალისწინებით?ქართველი მომხმარებლების მიერ ონლაინ ვაჭრობისგან თავის შეკავების მიზეზები მრავალფეროვანია. თუმცა, ყველაზე მნიშვნელოვანი ბარიერად პროდუქტის ნახვის გარეშე ყიდვა და ხარისხთან დაკავშირებული რისკები სახელდება. ეს მიუთითებს, რომ მომხმარებლებისთვის ძალიან მნიშვნელოვანია პროდუქტის უშუალოდ ნახვა შესყიდვამდე.გამოკითხვა ჩატარდა შემთხვევითი შერჩევის გზით, 804 ზრდასრულ მოსახლეს შორის, საქართველოს მასშტაბით. გამოკითხვა მიმდინარეობდა 2025 წლის 22-26 აპრილს. მონაცემთა სტატისტიკური ცდომილება, საშუალოდ, არ აღემატება 3.5%-ს. გამოყენებული მეთოდი – სატელეფონო გამოკითხვა.

1748523003

თიბისის მიერ დაფინანსებულ პროექტს სტრატეგიული დანიშნულება აქვს არამხოლოდ კომპანიისთვის, არამედ სექტორისთვისაც: ერთი მხრივ, საბორნე გადაზიდვები მთავარი ევროპული მარშრუტის(E60 მაგისტრალი) ნაწილია, რომელიც საფრანგეთიდან ყირგიზეთამდე სატრანსპორტო დერეფანს მოიცავს და ამ მარშრუტზე უწყვეტ ჯაჭვს ქმნის; მეორე მხრივ კი, ფოთი-კონსტანცა-ფოთის რეისები უმოკლესი გზაა საქართველოსა და ევროპის შავი ზღვით დასაკავშირებლად, რაც სრულიად ახალ შესაძლებლობებს ხსნის არამარტო რეგიონისთვის, არამედ „შუა კორიდორის“ დატვირთულობის გაზრდისა და მისი სტაბილურად განვითარებისთვის.პროექტში თიბისის თანამონაწილეობა 19 მილიონ ლარს შეადგენს. სწორედ ამ პარტნიორობის ფარგლებში შეიძინა კომპანიამ ბორანი „დიოსკურია“ და ბიზნესის გაფართოება შეძლო.  ბორნის ტევადობა 80 დიდ სატვირთო და 30 მსუბუქ მანქანას მოიცავს, აღჭურვილია კომფორტული კაბინებით, მოეწყობა რესტორნები, ბარები და გასართობი სივრცეებიც. მნიშვნელოვანია, რომ საზღვაო ტრანსპორტი საერთაშორისო სტანდარტებთან სრულ შესაბამისობაშია.თიბისი, როგორც ბიზნესის #1 მხარდამჭერი,“საზღვაო ხაზი ე-60”-ის პარტნიორია მისი დაარსების დღიდან და ხელს უწყობს არამხოლოდ კომპანიის, არამედ ზოგადად  სატრანსპორტო დარგის განვითარებას. ბოლო 2 წლის განმავლობაში ბანკის პორტფელი ლოგისტიკის მიმართულებით 58%-ით გაიზარდა და 2024 წლისთვის 400 მილიონ ლარს მიაღწია. თიბისი აგრძელებს სექტორის მხარდაჭერას: მსგავსი პროექტების განვითარებითა და ქვეყანაში თანამედროვე სტანდარტების დანერგვით კი მდგრად ეკონომიკურ ზრდასა და საქართველოს მსოფლიო ეკონომიკურ რუკაზე წარმოჩენას უწყობს ხელს.

1748521431

სების ცნობით, შეხვედრაზე ასევე საუბარი შეეხო საქართველოში არსებულ მაკროეკონომიკურ ტენდენციებსა და ფინანსური სტაბილურობის საკითხებს. ყურადღება გამახვილდა ეროვნული ბანკის მონეტარული და საზედამხედველო პოლიტიკის არსებულ პრაქტიკაზე, რომელიც სრულ შესაბამისობაშია ევროკავშირის სტანდარტებთან.მხარეებმა ასევე ისაუბრეს გლობალურად ცვალებად გარემოში არსებულ ფინანსურ სისტემებზე და მსოფლიოს შეცვლილი დღის წესრიგის პირობებში მონეტარულ პოლიტიკაზე.ორი ქვეყნის ცენტრალური ბანკის ხელმძღვანელებმა განიხილეს სამომავლო თანამშრომლობის პერსპექტივები და იმსჯელეს ერთობლივი პროექტების განხორციელებაზე.როგორც შეხვედრაზე ითქვა, საქართველოს ეროვნული ბანკი მუდმივად ისწრაფვის პროცესების გაუმჯობესებისა და ოპერაციების დივერსიფიკაციისკენ, რისთვისაც აქტიურად თანამშრომლობს სხვადასხვა ქვეყნის ცენტრალურ ბანკთან.ისლანდიის ცენტრალური ბანკის პრეზიდენტი ლარის მიმოქცევაში შესვლიდან 30 წლის საიუბილეო ღონისძიებებისადმი მიძღვნილ  საერთაშორისო კონფერენციას დაესწრება. ასგეირ იონსონი მონაწილეობას მიიღებს პანელურ დისკუსიაში სახელწოდებით „გლობალური ფინანსური სისტემა ცვალებად გარემოში: გავლენა მონეტარულ პოლიტიკაზე“.

1748521075

სელფი მობაილის კორპორაციული მომსახურება მოიცავს მცირე და საშუალო ბიზნესისთვის აუციელბელი სერვისების სრულ სპექტრს, რომელიც ითვალისწინებს კლიენტის საქმიანობის სფეროსაც და ესადაგება მათ საჭიროებებს. ტელეკომ მომსახურებასთან ერთად, სელფი მობაილი კორპორაციულ კლიენტებს სთავაზობს ინოვაციურ ბიზნეს გადაწყვეტებს და სპეციალურ პირობებს ბიზნესის წარმოებისთვის აუცილებელ სხვადასხვა მომსახურებაზე,  პარტნიორების ფართო ქსელის არსებობის დამსახურებით.„სელფი მობაილის კორპორაციული კლიენტების მომსახურებას გამოარჩევს მომხმარებელზე ინდივიდუალური ზრუნვა და სერვისების ფართო სპექტრი, რომელიც კავშირგაბმულობის გარდა მოიცავს მათი საქმიანობისთვის აუცილებელ გადაწყვეტებს. როგორც ევროპაში წამყვანი ტელეკომ ოპერატორის, Vodafone-ის პარტნიორს საქართველოში, სელფი მობაილს  შესაძლებლობა აქვს მის კლიენტებს გაუზიაროს ევროპაში აპრობირებული საუკეთესო ბიზნეს პრაქტიკა და შესთავაზოს Vodafone-ის პროდუქტები. მოხარული ვარ, რომ ამიერიდან ჩვენს მომხმარებლებს ვთავაზობთ მომსახურებას ახალ სივრცეში, რომელიც სრულადაა მორგებული მათთვის მაქსიმალური კომფორტის შექმნაზე.“- აცხადებს ხათუნა კოხრეიძე, სელფი მობაილის კორპორაციული გაყიდვების დეპარტამენტის ხელმძღვანელი.დამატებითი ინფორმაცია სელფი მობაილის კორპორაციული მომსახურების შესახებ იხილეთ: https://cellfie.ge/ka/b2b/mobile

1748519801

WORK-SHOP ფესტივალი ქმნის სივრცეს ყველა იმ ადამიანისთვის, რომლებსაც იზიდავთ განსხვავებული გამოცდილებები და სურთ გააკეთონ ისეთი რამ, რაც აქამდე არ გამოუცდიათ.ორი დღის განმავლობაში 5000-ზე მეტ ადამიანს საშუალება მიეცემა, დაესწროს 700-მდე ინტერაქციულ ვორქშოფს და საკუთარი შესაძლებლობები განსხვავებული კუთხით მოსინჯოს.ფესტივალზე მისულ სტუმრებს, რომლებსაც სჯერათ, რომ ნებისმიერი რამის სწავლა შესაძლებელია, ადგილზე მრავალი თავგადასავალი დახვდებათ.ფესტივალი ერთნაირად დააინტერესებს ყველა ასაკობრივი კატეგორიის ადამიანს, რომლებსაც სჯერათ, რომ ცხოვრება უსასრულო აღმოჩენაა და ახალი დასაწყისი ყოველთვის შესაძლებელია.Alice Q, რომელიც ვორქშოფ ფესტის საორგანიზაციო გუნდია, 19 წელია ივენთების ორგანიზებითაა დაკავებული, სადაც სტუმრები ერთვებიან სხვადასხვა აქტივობაში და საინტერესო გამოცდილებას იღებენ.თიბისისთვის მნიშვნელოვანია ადამიანებს ჰქონდეთ თვითრწმენა საკუთარი შესაძლებლობების აღმოჩენისას, რაც ბრენდის ახალ გზავნილსაც ეხმიანება: „მთავარი გჯეროდეს“. ვორქშოფ ფესტი კი სწორედ ასეთი ადგილია და სტუმრებს 31 მაისსა და 1 ივნისს, კონსტიტუციის N6/52-ში, 13:00-დან 20:00 საათამდე, მოუთმენლად ელოდება.ფესტივალზე მისულ სტუმრებს ადგილზე თიბისის შეთავაზებაც დახვდებათ. თიბისის ახალი ბარათით გადახდისას, გადახდილი თანხის 20%-ს, ჯამში მაქსიმუმ 30 ლარს, მომენტალურად დაიბრუნებენ. აღნიშნული შეთავაზება გავრცელდება ადგილზე შეძენილ ბილეთებზე და კვების ობიექტებში.ვორქშოპების ჩამონათვალისა და ფესტივალის შესახებ დეტალური ინფორმაციის მისაღებად ეწვიეთ ბმულს.

1748514870

შეხვედრაზე დასასწრებად გაიარეთ რეგისტრაცია ბმულზე.ვებინარის მონაწილეებს საქართველოს ბანკის Fulbright-ის პროგრამის სტიპენდიატები და გაცვლითი პროგრამების კოორდინატორი საკუთარ გამოცდილებასა და რჩევებს გაუზიარებენ.Fulbright-ის პროგრამით დაინტერესებული ახალგაზრდები მიიღებენ ინფორმაციას აშშ-ს წამყვანი უნივერსიტეტების სამაგისტრო საფეხურზე სწავლის შესაძლებლობების შესახებ; დეტალურად გაეცნობიან პროგრამაში მონაწილეობის ყველა ეტაპს და მიიღებენ აპლიკაციის შესავსებად საჭირო მნიშვნელოვან რჩევებს.ღონისძიების შესახებ დეტალური ინფორმაციის მისაღებად ეწვიეთ ვებგვერდს.2026-2027 წლის Fulbright-ის სამაგისტრო პროგრამისთვის აპლიკაციების შევსება შესაძლებელია 2025 წლის 1 აგვისტომდე. დამატებითი დეტალებისთვის ეწვიეთ საერთაშორისო განათლების ინსტიტუტის (IIE) პორტალს.ინფორმაციისთვის, საქართველოს ბანკი Fulbright-ის სამაგისტრო პროგრამასთან 2014 წლიდან თანამშრომლობს და ფინანსური ინსტიტუტის მხარდაჭერით, აშშ-ში სწავლის შესაძლებლობა უკვე 15-მა ახალგაზრდა პროფესიონალმა მიიღო.

1748513604

სებ-ის პრეზიდენტმა ყურადღება გაამახვილა საქართველოს მდგრად ფინანსურ სექტორზე, რაც საერთაშორისო ინვესტორებისთვის განსაკუთრებით საინტერესოა.„საერთაშორისო ინვესტორებს იზიდავთ საქართველოს სტაბილური მაკროეკონომიკური გარემო და სექტორის მდგრადობა ნებისმიერი გარე გაურკვევლობისა თუ შოკების მიმართ. იაპონელი ინვესტორი საფინანსო სექტორში ყველა ქვეყნისთვის სასურველია. ეს ქვეყანა ცნობილია საფინანსო სექტორის სიმყარით და ინვესტირების ხანგრძლივი ტრადიციებით, რომლებიც სტაბილურად და მუდმივად ზრდიან თავიანთ დაფინანსებას ქვეყნებში. Gojo & Company-ის გეგმები საქართველოში გრძელვადიანია,“ - განაცხადა ნათია თურნავამ.თავის მხრივ, Gojo & Company-ის დამფუძნებელმა და აღმასრულებელმა დირექტორმა, რომელმაც ქართულ საფინანსო სექტორში პირველი იაპონური ინვესტიცია უკვე განახორციელა და კრედო ბანკის 16.8%-იან წილს ფლობს, საქართველოს ეკონომიკის სტაბილურად მზარდ ტენდენციაზე გაამახვილა ყურადღება.„ჩვენ დარწმუნებული ვართ საქართველოს წარმატებაში. იაპონელი ინვესტორები გრძელვადიანი ხედვით და თანამშრომლობისადმი ერთგულებით გამოვირჩევით. ვგეგმავთ საქართველოში მეტი ინვესტიციის განხორციელებას, განსაკუთრებით რეგიონის მოსახლეობისთვის. დარწმუნებული ვართ, რომ საქართველო გააგრძელებს განვითარებას და  წინსვლას“, - განაცხადა ტაეჯუნ შინმა.სოციალური გავლენის მქონე ჰოლდინგი Gojo & Company-ის დამფუძნებელი და აღმასრულებელი დირექტორი ტაეჯუნ შინი საქართველოში ლარის მიმოქცევაში შესვლიდან 30 წლისადმი მიძღვნილ საერთაშორისო კონფერენციაზე მონაწილეობის მისაღებად იმყოფება.

1748511677