„წითელი ჯვრისა“ და საფინანსო ინსტიტუტების გრანტებზე მთავრობასთან შეთანხმების ვალდებულება არ გავრცელდება

მხარეებმა საქართველოს ფისკალური და მონეტარული პოლიტიკა, მაკროეკონომიკური ვითარება და სსფ-სთან სამომავლო თანამშრომლობის საკითხები განიხილეს.ნათია თურნავამ აღნიშნა, რომ საქართველოს ეკონომიკა ძალიან მდგრადია სხვადასხვა შოკის, მათ შორის ახლო აღმოსავლეთში, კონკრეტულად ირანთან დაკავშირებული მწვავე გეოპოლიტიკური დაძაბულობის გამო წარმოქმნილი რისკების მიმართ. მისი თქმით, საერთაშორისო სავალუტო ფონდიც ყველა შეხვედრაზე ხაზს უსვამს საქართველოს ეკონომიკის მდგრადობას.სებ-ის პრეზიდენტის განცხადებით, ქვეყანას აქვს საკმარისი რესურსები - ისტორიულად მაღალი საერთაშორისო სავალუტო რეზერვები, დაბალი ფისკალური დეფიციტი და ძლიერი ეკონომიკური ზრდა, რათა წარმატებით გაუმკლავდეს ახალ გლობალურ გამოწვევებს.მისივე თქმით, დიალოგი არსებულ მწვავე გაურკვევლობასა და მის გლობალურ ეკონომიკაზე შესაძლო გავლენაზე ძალიან მნიშვნელოვანია, რათა საქართველომ სწორად დაგეგმოს შემდგომი ნაბიჯები და პოლიტიკა.„მიღებული გვაქვს ადეკვატური ზომები, რომელიც შეიძლება გამოვიყენოთ იმისთვის, რომ მაკროეკონომიკური სტაბილურობა ყოველთვის უზრუნველყოფილი იყოს",  - დასძინა ნათია თურნავამ.ყოველწლიურ ფორუმში მონაწილეობენ საერთაშორისო სავალუტო ფონდისა და მსოფლიო ბანკის მმართველები და ალტერნატიული მმართველები, მსოფლიოს უმრავლესი ქვეყნის საფინანსო სექტორის წარმომადგენლები, ცენტრალური ბანკების მმართველები, ფინანსთა მინისტრები და კერძო სექტორის აღმასრულებლები. საგაზაფხულო სესიის ფარგლებში განიხილება გლობალური მნიშვნელობის საკითხები, მათ შორის მსოფლიო ეკონომიკის პერსპექტივები, სიღარიბის დაძლევა, ეკონომიკის განვითარება, ფინანსური სტაბილურობა, კიბერუსაფრთხოება და ფინანსური ტექნოლოგიები.

1776247737

ბოჭორიშვილმა აღნიშნა, რომ ევროკომისიამ 2025 წლის გაფართოების ანგარიშის მომზადებისას მიზანმიმართულად თქვა უარი იმ სფეროების შეფასებაზე, სადაც საქართველოს პროგრესი თვალსაჩინოა, რათა სხვა კანდიდატებთან შედარებით ქვეყნის მოწინავე პოზიციები არ ასახულიყო. მინისტრის შეფასებით, ევროკომისიამ საკუთარ მეთოდოლოგიაზეც კი თქვა უარი, რათა საქართველოს რეალური პროგრესი მიეჩქმალა.საგარეო უწყების ხელმძღვანელის განცხადებით, ე.წ. 9 ნაბიჯი მოლაპარაკებების დაწყების წინაპირობად არავის განუსაზღვრავს და ამ დებულებებიდან ბევრი პუნქტი დღეს უკვე არარელევანტურია. ბოჭორიშვილმა ხაზი გაუსვა, რომ საქართველო მზადაა მოლაპარაკებების საწარმოებლად ევროკავშირის საბჭოს გადაწყვეტილების მიღებისთანავე, თუმცა ამისათვის აუცილებელია ბრიუსელი დაუბრუნდეს ასოცირების შეთანხმებით გათვალისწინებულ პოლიტიკურ დიალოგს.

1776246143

კარტოფილის წარმოება 6.1%-ით შემცირდა და 207.9 ათასი ტონა შეადგინა. ამასთან, 2025 წლის განმავლობაში წარმოებულია 146.3 ათასი ტონა ბოსტნეული, რაც 8.9%-ით აღემატება წინა წლის შესაბამის მაჩვენებელს.2025 წლის წინასწარი მონაცემებით, წინა წელთან შედარებით, კარტოფილის და ბოსტნეულის საშუალო მოსავლიანობის მაჩვენებლები შემცირდა. გაიზარდა სიმინდის და ქერის საშუალო მოსავლიანობის მაჩვენებლები. გამოკვლევის შედეგების მიხედვით, ხორბლის საშუალო მოსავლიანობამ 2.9 ტონა/ჰა შეადგინა, ქერის საშუალო მოსავლიანობამ - 2.7 ტონა/ჰა, სიმინდის - 3.1 ტონა/ჰა, კარტოფილის - 14.5 ტონა/ჰა, ბოსტნეულის - 10.6 ტონა/ჰა.საქსტატის წინასწარი მონაცემებით, 2025 წელს ერთწლიანი კულტურების ნათესმა ფართობმა 184.3 ათასი ჰექტარი შეადგინა, რაც წინა წლის შესაბამის მაჩვენებელს 3.8%-ით ჩამორჩება. საშემოდგომო მარცვლოვანი კულტურების ნათესი ფართობი შემცირდა 1.3%-ით და შეადგინა 60.4 ათასი ჰექტარი, ხოლო საგაზაფხულო კულტურების ნათესი ფართობი შემცირდა 4.9%-ით და შეადგინა 123.9 ათასი ჰექტარი.ერთწლიანი კულტურების ნათეს ფართობში ყველაზე დიდი წილი სიმინდს უკავია, რომლის ნათესმა ფართობმა 65.3 ათასი ჰექტარი შეადგინა. ხორბლის ნათესი ფართობი 49.4 ათასი ჰექტარი იყო, ქერის - 24 ათასი ჰექტარი, კარტოფილის - 14.3 ათასი ჰექტარი, ერთწლიანი და მრავალწლიანი ბალახების - 10.3 ათასი ჰექტარი, ბოსტნეულის - 10.8 ათასი ჰექტარი, ხოლო დანარჩენი კულტურების ჯამური ნათესი ფართობი 10.2 ათას ჰექტარს შეადგენდა.საქსტატის წინასწარი მონაცემებით, 2025 წელს ქვეყანაში წარმოებულია 205.6 ათასი ტონა ხილი (ყურძნისა და ციტრუსის გარდა), რაც 15.6%-ით ჩამორჩება წინა წლის შესაბამისი პერიოდის მაჩვენებელს. რაც შეეხება ხილის განაწილებას სახეობების მიხედვით, საანგარიშო პერიოდში წარმოებულია 72.3 ათასი ტონა თესლოვანი ხილი (19.3%-ით ნაკლებია წინა წლის შესაბამის მაჩვენებელზე), ასევე 53.3 ათასი ტონა კურკოვანი ხილი (30.5%-ით ნაკლებია), 53.9 ათასი ტონა კაკლოვანი ხილი (2.7%-ით მეტია), 17.4 ათასი ტონა სუბტროპიკული ხილი (1.2%-ით მეტია) და 8.7 ათასი ტონა კენკროვანი ხილი (16%-ით მეტია).გარდა ზემოთქმულისა აღსანიშნავია, რომ 2025 წელს წარმოებულია 347.4 ათასი ტონა ყურძენი, რაც 8.3%-ით აღემატება წინა წლის შესაბამის მაჩვენებელს და 55 ათასი ტონა ციტრუსი, რაც 0.4%-ით ნაკლებია წინა წლის მაჩვენებელზე.

1776242349

„გასულ წელს დავიწყეთ „მიკრო და მცირე ბიზნესის ხელშეწყობის“ საპილოტე პროგრამა, რომელმაც მაღალი ინტერესი და მნიშვნელოვანი წარმატება მოიპოვა. ეკონომიკის განვითარების საქალაქო სამსახური პროგრამის ფარგლებში თანადაფინანსებული მეწარმეების საქმიანობის მონიტორინგს ახორციელებს, რამაც აჩვენა, რომ საკმაოდ დადებითია პროგრამის ეფექტიანობა და შედეგები. აქედან გამომდინარე, მივიღეთ გადაწყვეტილება, საპილოტე პროგრამა სრულმასშტაბიან პროექტად ჩამოვაყალიბოთ და გავაფართოოთ, ასევე, გავაფართოოთ დაფინანსება. გასულ წელს თითოეული მეწარმის დაფინანსების ლიმიტი 20 000 ლარამდე იყო, წელს კი თანადაფინანსება 50 000 ლარამდე გაიზრდება“, - აღნიშნა თბილისის მერმა.მისი თქმით, შარშან, პროგრამის ფარგლებში, 50-მდე მიკრო და მცირე მეწარმე შეირჩა და დაფინანსდა.„მეწარმეებმა შეიძინეს საჭირო დანადგარები და აღჭურვილობა. ბენეფიციართა შერჩევა-შეფასებისას უპირატესობა მიენიჭება იმ კანდიდატებს, რომელთაც აქტიური საწარმო გააჩნიათ და წარმოადგენენ რეალურ კონსტრუქციულ გეგმასა და ხედვას მათი ბიზნესის განვითარებისთვის. თანადაფინანსების პროპორციულობა შემდეგნაირად გადანაწილდა: 5 000 ლარამდე მოთხოვნილი თანხის 90% დაფინანსდება; 5 000-დან 20 000 ლარის ჩათვლით 85%; 20 000-დან 30 000 ლარის ჩათვლით ჩვენი მხრიდან დაფინანსება 80%-მდე იქნება, ხოლო 30 000-დან 50 000 ლარის ჩათვლით მუნიციპალიტეტის მხრიდან 70%-იანი დაფინანსება განხორციელდება“, - განაცხადა კახა კალაძემ.მისივე განმარტებით, აღნიშნული პროგრამა მომავალშიც გაგრძელდება, რადგან იგი ხელს უწყობს ბიზნესის განვითარებას და ახალი სამუშაო ადგილების შექმნას.„პროგრამის ფარგლებში მიღებული მხარდაჭერა ხელს უწყობს მოქმედი ბიზნესების კიდევ უფრო ზრდას, მათი კონკურენტუნარიანობის ამაღლებას და ერთობლივი ძალისხმევით ადგილობრივი წარმოების გაძლიერებას. დარწმუნებული ვარ, ბევრი ადამიანი ისარგებლებს აღნიშნული პროგრამით. პროგრამაში მონაწილეებისთვის საბუთების მიღება უახლოეს პერიოდში გამოცხადდება და საზოგადოებას მივაწვდით ინფორმაციას თარიღებთან დაკავშირებით“, - განაცხადა დედაქალაქის მერმა.

1776241200

სტატიის ავტორის თქმით, ხელისუფლების გადაბარება ხდება დელიკატურ მომენტში, როდესაც ბლოკი ერთიანობას ეყრდნობა სანქციების, ბიუჯეტებისა და სხვა გადაწყვეტილებების გასატანად, რომლებიც კვლავ ერთსულოვნებას მოითხოვს. ევროკომისიის პრეზიდენტმა ურსულა ფონ დერ ლაიენმა, ორბანის დამარცხების შემდეგ დრო არ დაკარგა და უკვე წამოაყენა წინადადება ევროკავშირის კენჭისყრის წესების შეცვლის შესახებ, რათა მომავალში თავიდან იქნეს აცილებული მსგავსი „შეფერხებები“.POLITICO წერს: წლების განმავლობაში, უნგრეთის თავხედი პრემიერ-მინისტრი თავის ვეტოს იყენებდა საკვანძო ინიციატივების შესაფერხებლად, განსაკუთრებით უკრაინისთვის ევროკავშირის დახმარების საკითხში. კვირას,  არჩევნებში გამანადგურებელი მარცხის შემდეგ, მას მალე პეტერ მადიარი ჩაანაცვლებს - ცენტრისტულ-მემარჯვენე ფიგურა, რომელმაც ბრიუსელთან უფრო მჭიდრო თანამშრომლობის მზადყოფნა გამოხატა. ზოგიერთი იმედოვნებს, რომ მადიარის გამარჯვება კონსენსუსის მიღწევას გააადვილებს. „ჩემი შთაბეჭდილებით, სისტემური და სტრუქტურული ამრევის პოლიტიკური ბიზნესმოდელი [ორბანის პარტია] Fidesz-ის მძიმე საარჩევნო მარცხთან ერთად ჩამოიშალა“, - განაცხადა დიპლომატმა ევროკავშირიდან, რომელმაც ანონიმურობის დაცვის პირობით ისაუბრა.თუმცა, ორბანის წასვლა სულაც არ ნიშნავს იმას, რომ ფონ დერ ლაიენი ან კიევი შვებით ამოისუნთქავენ. ევროპულ საბჭოში, სადაც გადაწყვეტილებების მისაღებად 27-ვე ქვეყნის ლიდერი იკრიბება, კვლავ რჩება ორბანის რამდენიმე მოკავშირე და რამდენიმე პოტენციური ახალი „წინააღმდეგობის კერა“.POLITICO გთავაზობთ იმ ხუთ ლიდერს, რომლებიც, სავარაუდოდ, ორბანის ესტაფეტას გადაიბარებენ და ბლოკისთვის მორიგ „თავის ტკივილად“ იქცევიან.თანაშემწე: სლოვაკეთის პრემიერ-მინისტრი რობერტ ფიცოსლოვაკეთის პრემიერი ხშირად იყო ორბანის ერთგული პარტნიორი ვეტოს საკითხებში - ის უერთდებოდა თავის პრორუს კოლეგას მოსკოვის წინააღმდეგ სანქციების ბლოკირებაში და ითხოვდა გამონაკლისს უკრაინისთვის განკუთვნილი 90 მილიარდი ევროს სესხიდან. ორბანის წასვლის შემდეგ, ფიცო რჩება კრემლის უახლოეს და შესაძლოა, უკანასკნელ - მეგობრად ევროკავშირში.„მე დაინტერესებული ვარ ვიყო კონსტრუქციული მოთამაშე ევროკავშირში, მაგრამ არა სლოვაკეთის რესპუბლიკის ხარჯზე“, - განაცხადა ფიცომ გასულ ზაფხულს.ფიცომ გასულ თვეში გააფრთხილა ბრიუსელი, რომ თუ უნგრელი არჩევნებს წააგებდა, შესაძლოა თავად დაედო ვეტო კიევისთვის განკუთვნილი 90 მილიარდი ევროს ტრანშისთვის. ბუდაპეშტი თვეების განმავლობაში ბლოკავდა ამ თანხების გაცემას, რაზეც შეთანხმება დეკემბრის სამიტზე მოხდა, კიევთან დავის გამო, რომელიც ცენტრალურ ევროპაში რუსული ნავთობის ტრანსპორტირების დაზიანებულ მილსადენს ეხებოდა, როგორც POLITICO წერს,  მაგიარმა ორშაბათს მიანიშნა, რომ ევროკავშირს გზაზე არ გადაეღობება. ვინაიდან მილსადენი ჯერ კიდევ არ ფუნქციონირებს - უკრაინის პრეზიდენტმა ვოლოდიმირ ზელენსკიმ განაცხადა, რომ ის აპრილის ბოლომდე არ შეკეთდება - ახლა საკითხავი ისაა, შეასრულებს თუ არა ფიცო თავის მუქარას, აიღებს თუ არა ორბანისგან ესტაფეტას თანხების დასაბლოკად, თუ ევროკავშირის საერთო ხაზს დაჰყვება. სლოვაკეთის ლიდერი აქამდე სანქციების საკითხში ყოველთვის უკან იხევდა და უერთდებოდა ევროკავშირის ერთობლივ განცხადებებს უკრაინის მხარდასაჭერად.პოპულისტი მილიარდერი: ჩეხეთის პრემიერ-მინისტრი ანდრეი ბაბიშიჩეხეთის პრემიერ-მინისტრმა, 71 წლის მილიარდერმა, რომელსაც „ჩეხ ტრამპს“ უწოდებენ და რომელიც დეკემბრიდან ულტრამემარჯვენეებთან კოალიციაში მართავს ქვეყანას, უკვე გამოავლინა ორბანის სტილის მიდრეკილებები. ბაბიში იყო ერთ–ერთი ლიდერი ორბანთან და ფიცოსთან ერთად, რომელმაც უკრაინისთვის 90 მილიარდიანი სესხიდან გამონაკლისი მოითხოვა. მან ასევე მოითხოვა კიევის დახმარების შემცირება, თუმცა საბოლოოდ უკან დაიხია და ჩეხეთის „საბრძოლო მასალების ინიციატივა“ არ გააუქმა. ბაბიშს, რომლის კოალიციაშიც შედის ანტი-მწვანე პარტია „მოტორისტები“, ევროკავშირის კლიმატის პოლიტიკა მიზანში აქვს ამოღებული. ის აკრიტიკებს ბლოკის ნახშირბადის ნებართვების სქემას და ამტკიცებს, რომ ის ჩეხურ მრეწველობას კლავს.ბაგირზე მოსიარულე: იტალიის პრემიერ-მინისტრი ჯორჯია მელონიიტალიის ლიდერი, ხელისუფლებაში მოსვლიდან სამ წელზე მეტია, ბრიუსელთან ურთიერთობაში პრაგმატიზმის სახიფათო ბაგირზე გადის: ის ცდილობს, თავისი მემარჯვენე, ნაციონალისტური პოლიტიკა საერთაშორისო ასპარეზზე პროევროპულ კურსთან დააბალანსოს. სხვა ლიდერებთან, მათ შორის დანიელ მეტე ფრედერიკსენთან ალიანსით, მელონიმ სცადა ევროკავშირის მიგრაციის წესების გამკაცრება არა ობსტრუქციონიზმით, არამედ კონსენსუსის გზით. ევროკავშირის ერთ-ერთი დიპლომატის თქმით, მელონიმ დაამტკიცა, რომ ორბანისგან „სრულიად განსხვავებული ყაიდის“ პოლიტიკოსია. თუმცა, მეორე დიპლომატი გვაფრთხილებს, რომ ის უნგრელი კოლეგის იმავე პოლიტიკურ ოჯახს მიეკუთვნება და მისი ჩამოწერა არ შეიძლება.„ბოლო ევროპულ საბჭოზე ერთადერთი, ვინც ორბანს დაეთანხმა, სწორედ მელონი იყო“, - აღნიშნა მეორე დიპლომატმა და მიანიშნა იტალიის ლიდერის აღიარებაზე სხვა ლიდერებთან, რომ მარტის სამიტზე მისთვის გასაგები იყო ორბანის პოზიცია უკრაინის სესხთან დაკავშირებით. – „აშკარაა, რომ მათ შორის იდეოლოგიური კავშირი არსებობს“.დაბრუნებული პოპულისტი: სლოვენიის იანეზ იანშასლოვენიის ყოფილი მრავალგზის პრემიერ-მინისტრი, მემარჯვენე პოპულისტი და ტრამპის თვითაღიარებული თაყვანისმცემელი, რომელსაც ჟურნალისტებთან დაპირისპირება უყვარს, გასული თვის დრამატულ და ჯაშუშობის სკანდალით დაჩრდილულ არჩევნებში მეორე ადგილზე გავიდა - მხოლოდ ერთი მანდატის სხვაობით. POLITICO წერს, რომ მოლაპარაკებები გრძელდება და ჯერ კიდევ გაურკვეველია, შეძლებს თუ არა იანშა ან მოქმედი პრემიერი რობერტ გოლობი სამთავრობო კოალიციის შეკვრას.იანშა, რომელსაც ხანდახან „მინი-ტრამპს“ უწოდებენ, ხელისუფლებაში დაბრუნების შემთხვევაში ევროკავშირის მზარდ პოპულისტურ კლუბს შეუერთდება. თუმცა, უკრაინის საკითხში იანშასა და ორბანს (ან თუნდაც ფიცოს) შორის მნიშვნელოვანი განსხვავებაა: სხვა საკითხებში უნგრელთან ალიანსის მიუხედავად, იანშა მხარს უჭერს უკრაინის ევროკავშირში გაწევრიანებას და 2022 წელს, რუსეთის სრულმასშტაბიანი შეჭრის პირველსავე დღეებში ეწვია კიევს მხარდასაჭერად.ბულგარული „ველური ბანქო“: რუმენ რადევიბულგარეთის ყოფილი პრეზიდენტი იანვარში გადადგა, რათა ახალი პარტია დაეარსებინა და კვირას დანიშნულ საპარლამენტო არჩევნებში მიეღო მონაწილეობა. POLITICO-ს გამოკითხვების თანახმად, ის გამარჯვების გზაზეა, რაც სოფიაში მრავალწლიანი პოლიტიკური პარალიზის შემდეგ შესაძლო გარღვევა იყოს.ეს შეიძლება პრობლემა აღმოჩნდეს უკრაინისა და მისი ევროპელი მოკავშირეებისთვის. 2025 წელს რადევმა განაცხადა, რომ უკრაინა რუსეთთან ომში „განწირულია“ და ამტკიცებდა, რომ ევროკავშირის სამხედრო დახმარების გაზრდა, ან კიევისთვის „მეტი იარაღის მიწოდება“, გამოსავალი არ იყო. მან ასევე დაადანაშაულა ევროპელი ლიდერები კიევის კონტრშეტევის წახალისებაში და თქვა, რომ ამან უკრაინაში „ასობით ათასი მსხვერპლი“ გამოიწვია.რადევის კრემლისადმი სიმპათიებმა მას ზელენსკისგან მწვავე პასუხი მოუტანა 2023 წელს სოფიაში გამართული სატელევიზიო დებატებისას. „თქვენ იტყოდით: პუტინ, გთხოვ, აიღე ბულგარეთის ტერიტორია?“ - ჰკითხა ზელენსკიმ. დაბნეულ რადევს პასუხის გაცემა გაუჭირდა.

1776238593

შეხვედრის ფარგლებში მხარეებმა საქართველოს ფისკალური და მონეტარული პოლიტიკა, მაკროეკონომიკური ვითარება და სსფ-თან სამომავლო თანამშრომლობის საკითხები განიხილეს.ხაზი გაესვა, რომ საქართველოს მაკროეკონომიკური ფუნდამენტები რჩება ძლიერი და ბოლო წლებში ქვეყნის საგარეო პოზიცია მნიშვნელოვნად გაუმჯობესდა.აღინიშნა, რომ 2026 წლის მარტის მდგომარეობით, მთლიანმა ინფლაციამ 4.3% შეადგინა. საბაზო ინფლაცია მიზნობრივ მაჩვენებელზე დაბლა შენარჩუნდა და დაახლოებით 2.4%-ით განისაზღვრა, ხოლო მომსახურების ინფლაცია მიზნობრივ მაჩვენებელთან ახლოს დარჩა და 3.3% შეადგინა.„ეს ინდიკატორები, რომლებიც გრძელვადიან ინფლაციურ დინამიკას უკეთ ასახავს, იმაზე მიუთითებს, რომ ინფლაციური მოლოდინები კარგად იმართება“, - აღნიშნა სების პრეზიდენტმა.შეხვედრისას ასევე ხაზი გაესვა სების საერთაშორისო სავალუტო რეზერვების დაგროვების პოლიტიკას და კიდევ ერთხელ დადებითად შეფასდა, რომ 2025 წელს საქართველოს სავალუტო რეზერვებმა რეკორდულ მაქსიმუმს მიაღწია და პირველად, 2022 წლის შემდეგ, გასულ წელს საერთაშორისო რეზერვების მოცულობა ადეკვატურობის 100%-იან ზღვარს გადასცდა.საუბარი ასევე შეეხო ახლო აღმოსავლეთში მიმდინარე კონფლიქტს, რომლის გახანგრძლივებამ შესაძლოა, გავლენა იქონიოს არსებულ პროგნოზებზე.თავის მხრივ, ჯიჰად აზურმა განაცხადა, რომ რეგიონში არსებული მწვავე გაურკვევლობისა და მიმდინარე კონფლიქტის მიუხედავად, საქართველო წარმატებით უმკლავდება საგარეო შოკებს და ინარჩუნებს მდგრად ეკონომიკურ მდგომარეობას.შეხვედრას ასევე ესწრებოდნენ სების ვიცე-პრეზიდენტები ეკატერინე მიქაბაძე, ეკატერინე გალდავა და ნინო ჯელაძე, ფინანსთა მინისტრის მოადგილეები - გიორგი კაკაურიძე და ეკატერინე გუნცაძე.

1776238395

მინისტრის განცხადებით, სახელმწიფო საწარმოების რეფორმის ყველა ასპექტთან მიმართებით სამინისტროსა და ფონდს პოზიციები შეჯერებული აქვთ. შეხვედრაზე ხაზი გაესვა, რომ საქართველოს არსებული ეკონომიკური პარამეტრები და დაგროვილი ბუფერები ქვეყანას აძლევს შესაძლებლობას, თავისუფლად გადააზღვიოს ის რისკები, რომლებიც შესაძლოა გეოპოლიტიკური ვითარებიდან გამომდინარე წარმოიქმნას.ლაშა ხუციშვილის განმარტებით, საერთაშორისო სავალუტო ფონდი რჩება საქართველოს რეფორმების მხარდამჭერად და მასთან აქტიური თანამშრომლობა მომავალშიც გაგრძელდება.

1776237861

გათამაშებაში ჩართვა ძალიან მარტივია. PSP-ს K-Beauty გათამაშებაში მონაწილეობისთვის საკმარისია იყოთ საქართველოს სრულწლოვანი მოქალაქე და ფლობდეთ PSP-ს ლოიალობის ბარათს (ჩემი ოჯახის ბარათი).PSP აფთიაქში ან ონლაინ, კორეული ბრენდების (Mizon, Village11, Missha, A’pieu, Dermafirm, COSRX) ნებისმიერი პროდუქტის შეძენისას, „ჩემი ოჯახის ბარათის“ დაფიქსირებით, ავტომატურად ერთვებით გათამაშებაში.3 მთავარ პრიზთან ერთად -  Beauty ტური სამხრეთ კორეაში, შეგიძლიათ მოიგოთ 1000 საჩუქარი: Dyson-ის თმის უთოები და სტაილერები Fujifilm Instax Mini კამერები JBL დინამიკები კორეული თავის მოვლის ნაკრებები Beauty ტური PSP-სგან მოიცავს ავიაბილეთს,ტრანსფერს, განთავსებას, სამოგზაურო დაზღვევას, კვებას, ქალაქის ტურსა და K-Beauty პროგრამას.გათამაშებაში მონაწილეობა შესაძლებელია მრავალჯერადად - მინიმუმ ერთი კორეული პროდუქტის შეძენით მონაწილეობთ გათამაშებაში და ზრდით 1000 პრიზიდან ერთ-ერთის მოგების შანსს. შესაბამისად, თითოეულ მომხმარებელს შეუძლია ერთზე მეტი პრიზის მოგება, გარდა მთავარი პრიზისა. შედეგები ყოველდღიურად მუშავდება და გამარჯვებულებს ეცნობებათ SMS შეტყობინებით.მიუხედავად იმისა, რომ გათამაშება სულ ახლახანს დაიწყო, 161 მომხმარებელი უკვე გახდა განსაკუთრებული პრიზის მფლობელი.გათამაშების წესები და პერსონალური მონაცემების დამუშავების პირობები იხილეთგვერდზე https://psp.ge/sale-koreuli-gatamasheba.PSP გისურვებთ წარმატებას და 1000 პრიზიდან ერთ-ერთის ან სამხრეთ კორეაში დაუვიწყარ Beauty ტურის მოგებას!(R)

1776237595