პატრიარქ ილია II-ის ჯანმრთელობის მდგომარეობა სტაბილურად მძიმეა - მინისტრი

„პროქართული“ საზომი გეოპოლიტიკაშიშალვა პაპუაშვილის თქმით, საერთაშორისო პოლიტიკაში „მექანიკური იარლიყები“, როგორიცაა პროდასავლურობა თუ პრორუსულობა - გახუნდა. მისი მტკიცებით, დღეს ერთადერთი ვალიდური საზომი „პროქართული“ ორიენტაციაა, რადგან ნებისმიერი სხვა „პრო-ორიენტაცია“ საბოლოო ჯამში არა ქართულია, ვინაიდან ის ქვეყნის პოლიტიკას ეროვნულ ინტერესს აშორებს და სხვისი მიზნების ინსტრუმენტად აქცევს.პარლამენტის თავმჯდომარემ აღნიშნა, რომ ქვეყნის მართვის საკითხებში არ არსებობს პროევროპულობა და ანტიევროპულობა, არამედ არსებობს მხოლოდ ქართულობა და ანტიქართულობა.ევროპა, როგორც ღირებულება და არა ბიუროკრატიაპაპუაშვილმა განმარტა, რომ ევროკავშირი ევროპის მხოლოდ ერთ-ერთი გამოვლინებაა და წევრობის არქონა არ ნიშნავს, რომ საქართველო ვინმეზე ნაკლები ევროპაა. მან მკაცრად დაგმო პარტნიორების მხრიდან ე.წ. „მენტორული ტონი“ და აღნიშნა, რომ საქართველო ევროპული ღირებულებების დაცვაში ისტორიულად ხშირად მარტო იდგა. მისი თქმით, ევროკავშირის წევრობა არავის უნდა აძლევდეს უფლებას, ქედმაღლურად უკარნახოს ქართველ ხალხს საკუთარი არჩევანი, რადგან ასეთი დამოკიდებულება უსამართლო და არაევროპულია.ბრიუსელის პასუხისმგებლობა და ურთიერთობის გამოსწორების გზაპარლამენტის თავმჯდომარემ დაძაბულ ურთიერთობებზე პასუხისმგებლობა იმ ევროპელ მმართველებს დააკისრა, რომლებმაც ეს პროცესი საკუთარი პოლიტიკური დღის წესრიგის მძევლად აქციეს. მისი თქმით, ურთიერთობების გამოსასწორებლად ბრიუსელმა უპირველეს ყოვლისა პატივი უნდა სცეს დემოკრატიას და შეწყვიტოს პოლიტიკური ნების გარედან თავს მოხვევა.ამასთანავე, პაპუაშვილმა ყურადღება გაამახვილა სამართლის უზენაესობაზე და პარტნიორებს შეახსენა საერთაშორისო სასამართლოებში, კერძოდ სტრასბურგში, ქართული მართლმსაჯულების სასარგებლოდ დასრულებული საქმეები. გამოსვლის დასასრულს მან აღნიშნა, რომ აუცილებელია შეწყდეს ევროპული დედაქალაქებიდან მომდინარე დეზინფორმაცია და ანტიქართული რიტორიკა, რადგან პარტნიორობა შეუძლებელია იქ, სადაც სიმართლის ნაცვლად პოლიტიკური ნარატივები დომინირებს.

1773738922

ახალი ტარიფები და კატეგორიებიცვლილებების მთავარი არსი ავტომობილების ასაკობრივი ჯგუფების მიხედვით დაბეგვრის პრინციპის შეცვლაა: 0-დან 6 წლის ჩათვლით: აქციზის განაკვეთი ძრავის მოცულობის ყოველ 1 სმ³-ზე 1.5 ლარით განისაზღვრება. 6 წელზე მეტი ასაკის: აქციზის განაკვეთი სამმაგდება და 1 სმ³-ზე 4.5 ლარი ხდება. ამასთან, ნარჩუნდება შეღავათები ჰიბრიდული ავტომობილებისთვის (ძირითადი განაკვეთის 60%-ით შემცირებული ტარიფი), ხოლო მარჯვენასაჭიანი ავტომობილებისთვის ძირითადი განაკვეთი ასევე გასამმაგდება.გარდამავალი პერიოდი და ვადებიკანონპროექტი ითვალისწინებს შეღავათიან პირობებს მათთვის, ვისაც ავტომობილის შემოყვანის პროცესი უკვე დაწყებული აქვს: ძველი ტარიფით ისარგებლებენ ის პირები, რომელთა ავტომობილი საქართველოში 2026 წლის 1-ელ აპრილამდე შემოვა, ან რომელთა ტრანსპორტირება უცხო ქვეყანაში ამ თარიღამდე დაიწყება. სახმელეთო ტრანსპორტირებისას (ან საკუთარი სვლით გადაადგილებისას), ძველი განაკვეთები იმოქმედებს, თუ ავტომობილი ქვეყნის ტერიტორიაზე 2026 წლის 1-ელ ივლისამდე შემოვა. რატომ იცვლება კანონმდებლობა?ინიციატივის ავტორები „ქართული ოცნების“ დეპუტატები არიან. მათი განმარტებით, არსებული სისტემა ვერ ახდენდა ავტოპარკის განახლების სტიმულირებას, რადგან 6-8 წლის ავტომობილებზე დაბალი აქციზი მათ იმპორტს ეკონომიკურად ხელსაყრელს ხდიდა.„საქართველოში იმპორტირებული ავტომობილების დიდი ნაწილი 6 წელზე მეტი ასაკისაა, რაც იწვევს ჰაერის დაბინძურებას და ზრდის საგზაო შემთხვევების რისკს. ცვლილების მიზანია შეიქმნას სტაბილური გარემო ახალი ავტომობილების იმპორტისთვის და დაწესდეს ეფექტიანი ფინანსური ბარიერი ხანდაზმული ტრანსპორტის შესაზღუდად“, - ნათქვამია კანონპროექტის განმარტებით ბარათში.მიუხედავად კომიტეტების მხარდაჭერისა, ინიციატივას მწვავე კრიტიკით გამოეხმაურა „ხალხის ძალის“ დეპუტატი დიმიტრი ხუნდაძე. მისი შეფასებით, შემოთავაზებული ტარიფები არა „შემზღუდავი“, არამედ „ამკრძალავია“, რაც საპირისპირო ეკოლოგიურ ეფექტს გამოიღებს.ხუნდაძემ ძირითად არგუმენტებად მოიყვანა: ავტოპარკის დაბერება: დეპუტატის აზრით, რადგან საზოგადოების დიდ ნაწილს ახალი ავტომობილის ყიდვის საშუალება არ აქვს, ისინი იძულებულნი გახდებიან, უკვე არსებული ძველი მანქანების ექსპლუატაციის ვადა ხელოვნურად გაახანგრძლივონ, რაც ავტოპარკის კიდევ უფრო მეტ დაბერებას გამოიწვევს. სოციალური ფაქტორი: ხუნდაძე აღნიშნავს, რომ თბილისისგან განსხვავებით, რეგიონებში საზოგადოებრივი ტრანსპორტი მოუწესრიგებელია და ავტომობილი იქ ფუფუნება კი არა, გადაადგილების ერთადერთი საშუალებაა. დარტყმა რეექსპორტზე: ცვლილებები შესაძლოა უარყოფითად აისახოს რეექსპორტის სექტორზეც, რომელიც საქართველოს ეკონომიკისთვის ერთ-ერთი წამყვანი მიმართულებაა. ტექდათვალიერება ასაკის ნაცვლად: დეპუტატი მიიჩნევს, რომ მხოლოდ ასაკი ვერ იქნება განმსაზღვრელი და აუცილებელია ტექდათვალიერების ინსტრუმენტის დახვეწა - თუ მანქანა ტექნიკურად გამართულია, მისი აკრძალვა გაუმართლებელია.

1773736246

საქართველოში შემოქმედებითი ინდუსტრიის გასაძლიერებლად და ახალგაზრდა ტალანტების აღმოსაჩენად თიბისი, ტრადიციულად, ჩვენს ქვეყანაში „კანის ლომების“ მხარდამჭერი და კონკურსში მარკეტერის კატეგორიის წარმდგენია.ფესტივალის მიზანი ახალგაზრდა შემოქმედებითი პროფესიონალების აღმოჩენა და მათთვის საერთაშორისო სცენაზე საკუთარი შესაძლებლობების წარმოჩენის შესაძლებლობაა.კონკურსი ხუთ კატეგორიაში - Print, Film, Digital, Marketer, PR ჩატარდება და განკუთვნილია, როგორც კრეატიული სააგენტოების თანამშრომლებისთვის, ასევე სტუდენტებისთვის და სხვადასხვა კომპანიებში დასაქმებული შემოქმედებითი გუნდებისთვის.გამარჯვებული გუნდები, საქართველოს სახელით, საფრანგეთის ქალაქ კანში, მსოფლიოს ერთ-ერთ ყველაზე პრესტიჟულ შემოქმედებით ფესტივალზე იასპარეზებენ.შემოქმედებითი ინდუსტრიის განვითარებაში განსაკუთრებული წვლილის შეტანისთვის წელს, კვლავ გაიცემა ნიკა გუჯეჯიანის სახელობის საპატიო ჯილდო.თიბისი ათწლეულებია მხარს უჭერს ინიციატივებს, რომლებიც ახალ თაობას საკუთარი პოტენციალის აღმოჩენაში ეხმარება, აძლიერებს მათ თვითდაჯერებას და ხელს უწყობს შემოქმედებითი უნარების განვითარებას. სწორედ ამიტომ, ბრენდი თავად ქმნის და პარტნიორებთან ერთად ახორციელებს პროექტებს, რომლებიც საქართველოში შემოქმედებითი ინდუსტრიის განვითარებას უწყობს ხელს, ახალ თაობას საერთაშორისო გამოცდილების მიღების შესაძლებლობას აძლევს და მათი პროფესიული განვითარების გაღრმავებას ემსახურება.(R)

1773735555

„ევროპის საბჭოს მინისტრთა კომიტეტი 20 ივნისის საქმეების აღსრულების საკითხის გაძლიერებული ზედამხედველობის ქვეშ განხილვას იწყებს. გაძლიერებული ზედამხედველობა ნიშნავს, რომ კომიტეტი უფრო ინტენსიური, „განსაკუთრებული ყურადღების“ რეჟიმით დააკვირდება ამ საქმეზე გასატარებელი ღონისძიებების სახელმწიფოს მიერ შესრულებას. აღსანიშნავია, რომ ასეთი ზედამხედველობის რეჟიმს სტრუქტურული ან სისტემური პრობლემების, მძიმე ან მასობრივი დარღვევების მნიშვნელობის საქმეებზე გამოიყენება.როგორც საზოგადოებისთვის ცნობილია, ევროპული სასამართლოს დიდმა პალატამ 2025 წლის 11 დეკემბრის გადაწყვეტილებით, დაადგინა, რომ სახელმწიფომ 2019 წლის 20-21 ივნისს ე.წ. „გავრილოვის ღამის“ აქციის დარბევის ოპერაციისას დაარღვია ადამიანის უფლებათა ევროპული კონვენციის მე-3 მუხლი (არაადამიანური და დამამცირებელი მოპყრობა), მე-11 მუხლი (შეკრების თავისუფლება) და მე-10 მუხლი (გამოხატვის თავისუფლება). შედეგად დაზიანდნენ დემონსტრანტები და ჟურნალისტები, მათ შორის, ისე, რომ რამდენიმე მათგანმა დაკარგა თვალი/დაუზიანდათ მხედველობა.ამ საქმეში ევროპული სასამართლოს დიდმა პალატამ დეტალურად განმარტა კინეტიკური საშუალებების გამოყენების წესი და კონვენციის 46-ე მუხლის საფუძველზე მიუთითა სახელმწიფოს მიერ სპეციალური საშუალებების გამოყენების მარეგულირებელი ჩარჩოს მოწესრიგების აუცილებლობა. ეს სახელმწიფომ ადამიანის უფლებათა საერთაშორისო სამართლის წესების დაცვით უნდა გააკეთოს, მათ შორის, იმ სახელმძღვანელო სტანდარტების გათვალისწინებით, რომელიც გაეროს ფარგლებშია შემუშავებული.აღსანიშნავია, რომ საქართველოს ახალგაზრდა იურისტთა ასოციაციამ (საიამ) 2026 წლის მარტში წერილობითი კომუნიკაციით მიმართა ევროპის საბჭოს მინისტრთა კომიტეტს და მოითხოვა 20 ივნისის საქმეზე გაძლიერებული ზედამხედველობა. მინისტრთა კომიტეტისთვის გაგზავნილ კომუნიკაციაში საიამ მიუთითა, რომ 20 ივნისის საქმე წარმოაჩენს სისტემურ და სტრუქტურულ პრობლემებს აქციების მართვის მომწესრიგებელი ჩარჩოსა და პრაქტიკის, ასევე, შემდგომში ეფექტიანი გამოძიების კუთხით. 20 ივნისის საქმის ზოგადი საკითხები არ ეხება მხოლოდ რეზინის ტყვიების გამოყენებას, არამედ, ის ნაკლებად ლეტალური იარაღის ბოროტად გამოყენების ფართო პრაქტიკასაც მოიცავს, რაც 2019 წლის შემდგომი აქციების დროსაც გამოვლინდა, მათ შორის, წყლის ჭავლში ქიმიური ნივთიერებების შერევის პრაქტიკის თვალსაზრისით. ნაცვლად მარეგულირებელი ჩარჩოს გაუმჯობესებისა, არსებული კანონმდებლობა და პრაქტიკა კიდევ უფრო გაუარესდა 2019 წლის შემდეგ. ამიტომ, საიამ კომუნიკაციაში აღნიშნა, რომ, ვინაიდან, საქმეში გამოკვეთილი საკითხები საერთაშორისო სტანდარტებთან შესაბამისი საკანონმდებლო ცვლილებების გატარებას მოითხოვს, მინისტრთა კომიტეტმა საქმე უნდა განიხილოს ცალკე და გაძლიერებული ზედამხედველობის ქვეშ, და, არა სხვა საქმეებთან ერთად გაერთიანებულ ჯგუფში.მინისტრთა კომიტეტის მიერ 20 ივნისის საქმეზე ცალკე საზედამხედველო ჯგუფის გახსნა და გაძლიერებული ზედამხედველობის პროცედურის დაწყება, ამასთანავე, მოცემული საქმისთვის „წამყვანი“ (leading) საქმის სტატუსის მინიჭება მოწმობს ამ პროცესის მნიშვნელობას ევროპის საბჭოს მხრიდან საქართველოში შეკრების თავისუფლების უზრუნველყოფაზე მეთვალყურეობის კუთხით. საიას, როგორც მომჩივანთა წარმომადგენელსა და უფლებადაცვით ორგანიზაციას, კონვენციური უფლება აქვს, კომიტეტში წარადგინოს წერილობითი კომუნიკაციები და, შესაბამისად, ამ საქმის აღსრულების მონიტორინგს აქტიურად განახორციელებს“,- აღნიშნულია საიას მიერ გავრცელებულ ინფორმაციაში.

1773733827

გავრცელებული ინფორმაციით, ყველაზე დიდი დანაკარგი „ისლამური რევოლუციის გუშაგთა კორპუსმა“ (IRGC), „ბასიჯის“ ძალებმა და პოლიციის სპეცდანიშნულების რაზმებმა განიცადეს. ირანის შეიარაღებული ძალების დანაკარგების შესახებ ოფიციალური მონაცემები არ გამოქვეყნებულა. ასევე ვრცელდება ინფორმაცია, რომ ხელისუფლება ცდილობდა საზოგადოების ინფორმირებულობის შეზღუდვას და საჯარო დაკრძალვების რაოდენობის შემცირებას. არსებული მონაცემებით, დაღუპულთა ოჯახებს სამგლოვიარო ღონისძიებების კერძო პირობებში ჩატარების რეკომენდაცია მისცეს.ცნობები დაღუპულთა შესახებ ვრცელდება უკმაყოფილების, მორალური სულისკვეთების დაცემის, ფინანსური სირთულეებისა და დეზერტირობის ნიშნების ფონზე, რაც, როგორც ამტკიცებენ, ირანის უსაფრთხოების ძალებისა და არმიის ცალკეულ ქვედანაყოფებში შეინიშნება.Iran International წერს, რომ პოლიციის სპეციალური ქვედანაყოფების თანამშრომლებმა მიიღეს შეტყობინება ხელფასების გაცემის დაგვიანების შესახებ. ამ განცხადების საპასუხოდ, პირადმა შემადგენლობამ უარი თქვა მთავრობის მხარდამჭერ მიტინგებში მონაწილეობაზე. ასევე ვრცელდება ინფორმაცია, რომ პენსიონერებსა და ზოგიერთ სამხედრო მოსამსახურეს ხელფასი უკვე ზედიზედ მეორე თვეა არ მიუღია.არსებული მონაცემებით, ზოგიერთი მაღალი რანგის მეთაური „ისლამური რევოლუციის გუშაგთა კორპუსს“ ადანაშაულებს ბანკ „სეპაჰში“ (Sepah) არსებული ფინანსური კრიზისის გამოყენებაში პოლიციის დასასუსტებლად და სხვა ინსტიტუტების, განსაკუთრებით სამღვდელოებასთან დაკავშირებული უწყებების გასაძლიერებლად.გავრცელებული ინფორმაციით, სამხედრო-საჰაერო ძალებშიც დაბალია მორალური სულისკვეთება და საბრძოლო მზადყოფნა. ბევრი პილოტი, განსაკუთრებით ისრაელის F-35-თან შეტაკებისას Yak-130 ტიპის თვითმფრინავის ჩამოგდების შესახებ გავრცელებული ცნობების შემდეგ, თავს არიდებს ისრაელის ან ამერიკის ძალების წინააღმდეგ საბრძოლო გაფრენებში მონაწილეობას.

1773733704

სამხრეთ კორეის საგარეო საქმეთა სამინისტროს სპიკერმა პაკ ილმა სამშაბათს განაცხადა, რომ ოფიციალური პირები მჭიდრო კონტაქტზე არიან მეზობელი ქვეყნების პორტებთან, რათა ხელი შეუწყონ საკვებისა და სხვა საჭირო ნივთების მიწოდებას ეკიპაჟებისთვის.პაკის თქმით, სიტუაციის გაუარესების შემთხვევაში, ისინი გეგმავენ დამატებითი, ჯერჯერობით დაუკონკრეტებელი ზომების მიღებას.AP წერს, რომ სამხრეთ კორეა სიფრთხილეს იჩენს აშშ-ის იმ ძალისხმევის მხარდაჭერის საკითხზე, რომელიც ჰორმუზის სრუტის გახსნას ისახავს მიზნად. ეს მას შემდეგ მოხდა, რაც პრეზიდენტმა დონალდ ტრამპმა რამდენიმე მთავრობას, მათ შორის სეულს, სამხედრო-საზღვაო რესურსების განლაგებისკენ მოუწოდა.„მთავრობა შეინარჩუნებს მჭიდრო კომუნიკაციას ამერიკულ მხარესთან და განახორციელებს საკითხის დეტალურ და ფრთხილ განხილვას სხვადასხვა ფაქტორისა და რეგიონში ცვალებადი სიტუაციის გათვალისწინებით“, - განაცხადა პაკმა.

1773732878

წინანდლის მამულში „ქალთა თვის“ განსაკუთრებული პროგრამით აღნიშვნა უკვე ყოველწლიურ ტრადიციად იქცა. მარტის განმავლობაში, მამულის სივრცეებში - Radisson Collection-სა და Park Hotel-ში - სტუმრებს მრავალფეროვანი ღონისძიებები ელოდებათ.სპეციალურად შერჩეული პროგრამა კულტურულ, სპორტულ და გასართობ აქტივობებს აერთიანებს, რომელთა ფარგლებშიც სტუმრებს შესაძლებლობა ექნებათ დაესწრონ კინოჩვენებებსა და მუსიკალურ საღამოებს, მიიღონ მონაწილეობა პადელის ჩემპიონატში, პორტრეტულ ფოტოგადაღებაში, პილატესისა და იოგის მასტერკლასებში, თემატურ ვორქშოფებსა და ბავშვებისთვის განკუთვნილ გასართობ პროგრამებში. დეტალური ინფორმაციის მისაღებად, ეწვიეთ ვებგვერდს.წინანდლის მამულში „ქალთა თვის“ ფარგლებში, აღნიშნული აქტივობები გაიმართება ყოველ შაბათ-კვირას. ღონისძიებების ორგანიზატორია - Silk Hospitality.სასტუმროს დასაჯავშნად, დაინტერესებულ პირებს შეუძლიათ დაუკავშირდნენ Silk Hospitality-ის კონტაქტცენტრს: ტელ.: 032 2402 222; ელფოსტა: welcome@silkhospitality.com(R)

1773732056

„მისმინეთ, ახალი არაფერია. ამ ოთხი წლის განმავლობაში ბევრი სხვადასხვა შეტყობინება მომისმენია. ჩვენ არ გვეშინია მსგავსი შეტყობინებების. ასეთი მუქარების გარემოცვაში ვცხოვრობთ ყოველდღე ბოლო ოთხი წელი, მინიმუმ ოთხი, მაგრამ ძირითადად - 12 წელი. ამიტომ, ჩვენთვის ეს სიახლე არ არის“, - განაცხადა უკრაინის პრეზიდენტმა.მან ასევე დარწმუნებით აღნიშნა, რომ რუსეთი ეხმარება ირანს უპილოტო საფრენი აპარატების მიწოდებით, რადგან ახლო აღმოსავლეთში ჩამოგდებულ „შაჰიდში“ რუსული დეტალები აღმოაჩინეს.„დიახ, დარწმუნებული ვარ. ჩვენ ვნახეთ ერთ-ერთი „შაჰიდის“ დეტალები, რომელიც ახლო აღმოსავლეთის ერთ-ერთ ქვეყანაში განადგურდა. ეს იყო რუსული დეტალები. ჩვენ ეს ვიცით, რადგან ირანელები მათ არ აწარმოებდნენ. ამიტომ, ვფიქრობ, ეს ნიშნავს, რომ რუსებიც ისევე ეხმარებიან მათ, როგორც ირანელები ეხმარებოდნენ ომის დასაწყისში, როდესაც „შაჰიდები“ გადასცეს“, - აღნიშნა ზელენსკიმ.ირანი უკრაინას დაემუქრა: რა არის ცნობილიმანამდე, ირანის პარლამენტის ეროვნული უსაფრთხოების კომისიის ხელმძღვანელმა, იბრაჰიმ აზიზიმ განაცხადა, რომ უკრაინის მხრიდან ისრაელისთვის გაწეული ნებისმიერი დახმარება, მათ შორის დრონები, მთელ უკრაინულ ტერიტორიას თეირანის სარაკეტო დარტყმების „კანონიერ სამიზნედ“ აქცევს.უკრაინის საგარეო საქმეთა სამინისტროს სპიკერმა, გიორგი ტიხიმ შეახსენა ყველას, რომ ირანული რეჟიმი წლებია მხარს უჭერს უკრაინელების მკვლელობას, რადგან რუსეთს აწვდის დრონებსა და ტექნოლოგიებს უკრაინის წინააღმდეგ ომისთვის.ტიხიმ უკრაინის მიმართ ამ ქვეყნის წარმომადგენლების მუქარას აბსურდული უწოდა. მან დასძინა, რომ „ეს იგივეა, სერიულმა მკვლელმა თავისი დანაშაულები სისხლის სამართლის კოდექსზე მითითებით გაამართლოს“.უკრაინული მედია წერდა, რომ პრეზიდენტმა ზელენსკიმ ხაზგასმით აღნიშნა: უკრაინა არ ეომება ირანს, ხოლო ჩვენი ქვეყნის გუნდის მუშაობა ახლო აღმოსავლეთში მდგომარეობს ექსპერტიზის ჩატარებასა და იმაში, რომ აჩვენონ, როგორ უნდა ვებრძოლოთ ირანულ „შაჰიდებს“.ზელენსკიმ დაადასტურა, რომ უკრაინელი სპეციალისტები ოპერაციებში მონაწილეობას არ იღებენ. კითხვაზე, რას მიიღებს უკრაინა სანაცვლოდ ახლო აღმოსავლეთის პარტნიორებისგან, ზელენსკიმ განმარტა, რომ მოლაპარაკებები გაიმართება, თუმცა „ჩვენთვის დღეს მნიშვნელოვანი იქნება როგორც ტექნოლოგიები, ისე ფული“.

1773724680