კომპანიის ცნობით, ბაქოდან თბილისის მიმართულებით 400 ბილეთი, ხოლო თბილისიდან ბაქოს მიმართულებით 500-ზე მეტი ბილეთი გაიყიდა.მაღალი მოთხოვნის გამო, ბაქოდან პირველ რეისზე დამატებითი ვაგონის დამატება გახდა საჭირო.რკინიგზაში აცხადებენ, რომ ბილეთებზე გაზრდილი მოთხოვნის ფონზე, გაყიდვების სისტემასა და სალაროებში დროებითი შეფერხებები ფიქსირდება.„ბოდიშს გიხდით შექმნილი დროებითი სირთულეებისთვის და მგზავრებს გაგებით მოკიდებას ვთხოვთ“, – აღნიშნულია განცხადებაში.ბაქო-თბილისი-ბაქოს მიმართულებით მატარებლები ბაქოდან 25 მაისიდან, ხოლო თბილისიდან 26 მაისიდან დაიწყებენ მოძრაობას.

1779445221

სიტყვით გამოსვლისას ეკატერინე მიქაბაძემ ყურადღება გაამახვილა მდგრადობის ანგარიშგების მნიშვნელობაზე საბანკო სექტორისა და კაპიტალის ბაზრის განვითარებისათვის. მისი განცხადებით, საერთაშორისო დონეზე მდგრადობის ანგარიშგება სულ უფრო მეტად ყალიბდება კორპორაციული მართვის, ეფექტიანი რისკების მართვისა და ინფორმირებული საინვესტიციო გადაწყვეტილებების მიღების მნიშვნელოვან კომპონენტად.„საქართველოს ეროვნული ბანკი მდგრად დაფინანსებას ფინანსური სტაბილურობისა და გრძელვადიანი ეკონომიკური მდგრადობის ერთ-ერთ მნიშვნელოვან საფუძვლად მიიჩნევს“, - აღნიშნა ეკატერინე მიქაბაძემ.მან ასევე ისაუბრა ეროვნული ბანკის მიერ მდგრადი დაფინანსების მიმართულებით განხორციელებულ რეფორმებსა და ინიციატივებზე. კერძოდ, კომერციული ბანკებისთვის ESG სახელმძღვანელო პრინციპების, ESG ანგარიშგებისა და ინფორმაციის გამჟღავნების ჩარჩოს დანერგვაზე, ასევე მწვანე, სოციალური, მდგრადობისა და მდგრადობასთან დაკავშირებული ობლიგაციების მარეგულირებელი ჩარჩოს შემუშავებაზე.ეკატერინე მიქაბაძის განცხადებით, მდგრადი ფინანსების განვითარებისათვის განსაკუთრებული მნიშვნელობა აქვს ინფორმაციის ხარისხსა და სანდოობას, ხოლო შესაბამისი მარწმუნებელი მომსახურება ხელს უწყობს ინვესტორთა ნდობის გაძლიერებასა და ე.წ. „greenwashing“-ის რისკების შემცირებას.„ვფიქრობთ, მდგრადობის ანგარიშგების დანერგვის პარალელურად ყურადღება უნდა გამახვილდეს ადგილობრივ ბაზარზე შესაბამისი მარწმუნებელი მომსახურების განვითარებასა და დანერგვაზეც“, - განაცხადა ეკატერინე მიქაბაძემ.შეხვედრის ფარგლებში გამართულ პანელურ დისკუსიაში - "მდგრადობის ანგარიშგების სარგებელი და გამოწვევები“, მონაწილეობა მიიღო ეროვნული ბანკის ფინანსური სტაბილურობის დეპარტამენტის უფროსმა დავით უტიაშვილმა.ღონისძიებაში ასევე მონაწილეობდნენ საქართველოს ფინანსთა სამინისტროს, პოლონეთის აუდიტის ზედამხედველობის სააგენტოს (PANA), საპენსიო ფონდის, მსოფლიო ბანკისა და კერძო სექტორის წარმომადგენლები. შეხვედრის მონაწილეები საქართველოში მდგრადობის ანგარიშგების განვითარების მიმართულებებსა და საერთაშორისო პრაქტიკის გაზიარების მნიშვნელობაზე მსჯელობდნენ. (R)

1779445040

მემორანდუმის თანახმად, თბილისის მუნიციპალიტეტში რეგისტრირებული მოქალაქეები, რომლებიც თბილისის მერიას ან საკრებულოს მედიაკმენტების დაფინანსებით მიმართავენ, PSP-ს სააფთიქო ქსელში კვირის ნებისმიერ დღეს ფასდაკლების დღეების ფასად მიიღებენ მედიკამენტებს.ურთიერთთანამშრომლობის მემორანდუმს ხელი საკრებულოს თავმჯდომარემ, ზურაბ აბაშიძემ, ჯანმრთელობის დაცვის და სოციალურ საკითხთა კომისიის თავმჯდომარემ, ბექა მიქაუტაძემ და ფარმაცევტული კომპანია შპს „პსპ-ფარმას“ სოციალური პროექტების მომსახურების სამსახურის უფროსმა გიორგი ტალიაშვილმა მოაწერეს.ხელმოწერის ცერემონიალის შემდეგ დედაქალაქის საკრებულოს თავმჯდომარემ, ზურაბ აბაშიძემ, ისაუბრა აღნიშნული შეთანხმების მნიშვნელობაზე, რომელიც მოქალაქეებისთვის მედიკამენტებზე შეღავათიანი ფასების ხელმისაწვდომობის გაზრდას ითვალისწინებს.ჯანმრთელობის დაცვის და სოციალურ საკითხთა კომისიის თავმჯდომარემ, ბექა მიქაუტაძემ, გაფორმებულ დოკუმენტს მოქალაქეებისთვის ძალიან მნიშვნელოვანი უწოდა  და ფარმაცევტული კომპანიის გუნდს თანამშრომლობისთვის მადლობა გადაუხადა. “PSP-ს ფართო სააფთიაქო ქსელში კვირაში 3 დღე - სამშაბათს, ოთხშაბათსა და პარასკევს, მოქმედებს განსაკუთრებული ფასდაკლება მედიკამენტებზე საქართველოს მასშტაბით. თბილისის მუციპალიტეტის საკრებულოსთან გაფორმებული მემორანდუმის თანახმად, თბილისის მუნიციპალიტეტის ბენეფიციარები, რომლებიც ქალაქ თბილისის მერიას ან გამგეობას მიმართავს, მედიკამენტებზე ფასდაკლებით ისარგებლებენ კვირის ნებისმიერ დღეს”, - განაცხადა “პსპ ფარმას” სოციალური პროექტების მომსახურების სამსახურის უფროსმა გიორგი ტალიაშვილმა.მემორანდუმი ძალაში შევიდა ხელმოწერისთავანე, 19 მაისს და მოქმედებს 1 წლის ვადით.თანამშრომლობა ხორციელდება მერიისა და რაიონული გამგეობების სოციალური პროგრამების ფარგლებში, რომლებიც მოქალაქეთა სამედიცინო და სხვა საჭიროებების მხარდაჭერას ითვალისწინებს. დოკუმენტს ხელი ჯანმრთელობის დაცვის და სოციალურ საკითხთა კომისიის ინიციატივით მოეწერა. ხელმოწერის ცერემონიალი დედაქალაქის წარმომადგენლობით ორგანოში გაიმართა.(R)

1779444332

კანონპროექტის განმარტებითი ბარათის მიხედვით, მოქმედი სანქციები რიგ შემთხვევებში ვერ უზრუნველყოფს ადმინისტრაციული პასუხისმგებლობის პრევენციულ ფუნქციას. ახალი რეგულირების არეალში ექცევიან ისეთი მსხვილი სუბიექტები, როგორებიცაა: ენერგეტიკული და ინდუსტრიული ობიექტები, ნავთობბაზები, წიაღის მომპოვებლები, მეტალურგიული და ქიმიური ქარხნები, ინფრასტრუქტურული მშენებლობები და ობიექტები, რომლებსაც ჩამდინარე წყლები აქვთ.კანონპროექტით გათვალისწინებული ძირითადი ფინანსური სანქციები: საქმიანობა გარემოსდაცვითი გადაწყვეტილების გარეშე: დაჯარიმდება 25 000-დან 30 000 ლარამდე (მოქმედი რეგულაციით სანქცია 7 000-დან 10 000 ლარამდე იყო). საქმიანობა სკრინინგის პროცედურის გარეშე: განისაზღვრება 7 000-დან 10 000 ლარამდე, ხოლო განმეორებითი დარღვევის შემთხვევაში - 20 000 ლარით. ექსპლუატაციის პირობების თვითნებური შეცვლა: შესაბამისი გადაწყვეტილების გარეშე პირობების შეცვლა გამოიწვევს ჯარიმას 25 000-დან 30 000 ლარამდე (ნაცვლად 7 000 - 10 000 ლარისა), ხოლო განმეორებითი შემთხვევა - 50 000 ლარით დაჯარიმდება (მოქმედი სანქცია 14 000 ლარი იყო). ვალდებულებების შეუსრულებლობა და მიუმართაობა: პირი, რომელიც გარემოსდაცვითი გადაწყვეტილების მისაღებად უწყებას არ მიმართავს, პირველ ჯერზე გაფრთხილდება, ხოლო განმეორებითი დარღვევისთვის 5 000 ლარით დაჯარიმდება. საკანონმდებლო პაკეტით იცვლება ადმინისტრირების წესიც. კერძოდ, გარემოსდაცვითი ზედამხედველობის დეპარტამენტის თანამშრომლებს ეძლევათ უფლებამოსილება, ადგილზე განიხილონ სამართალდარღვევა და გამოწერონ საჯარიმო ქვითარი იმ შემთხვევებში, როდესაც დამატებითი მოკვლევა საჭირო არ არის.გარდა ამისა, უწყება შეძლებს საჯარიმო ქვითრები საკუთარ ვებგვერდზე საჯაროდ გამოაქვეყნოს, თუ სამართალდამრღვევს დოკუმენტი ორჯერ ვერ ჩაჰბარდება. ასეთ სიტუაციაში, ქვითარი გამოქვეყნებიდან 30-ე დღეს ავტომატურად ჩაითვლება ჩაბარებულად.ავტორთა განმარტებით, სანქციების გამკაცრება სახელმწიფო ბიუჯეტის შემოსავლების ზრდასაც გამოიწვევს, თუმცა კონკრეტული ფინანსური ეფექტი დამოუკიდებელი იქნება დაფიქსირებული დარღვევების რაოდენობაზე.

1779441403

ევროკომისიის შეფასებით, ევროკავშირის 27 წევრი ქვეყნის ერთობლივი ეკონომიკა 2026 წელს მხოლოდ 1,1%-ით გაიზრდება, მაშინ როცა წინა პროგნოზი 1,5%-ს შეადგენდა.ინფლაციის პროგნოზი კი 3,1%-მდე გაიზარდა, რაც წინა მოლოდინზე ერთი პროცენტული პუნქტით მეტია.ენერგეტიკული შოკი და საწვავის გაძვირებაევროკომისიის განცხადებით, ევროკავშირის ეკონომიკა ახალი ენერგეტიკული კრიზისის წინაშე დგას, რაც საწარმოო ხარჯებისა და სამომხმარებლო ფასების ზრდას იწვევს.კრიზისი მას შემდეგ გამწვავდა, რაც აშშ-მა და ისრაელმა ირანის წინააღმდეგ სამხედრო ოპერაცია დაიწყეს, ხოლო თეირანმა საპასუხო დარტყმები სპარსეთის ყურის რეგიონში განახორციელა. შედეგად დაზიანდა ენერგეტიკული ინფრასტრუქტურა და ფაქტობრივად შეფერხდა ჰორმუზის სრუტის ფუნქციონირება – ერთ-ერთი უმნიშვნელოვანესი მარშრუტის ნავთობისა და გაზის ტრანსპორტირებისთვის.ამან ევროპაში საწვავის ფასების მკვეთრი ზრდა გამოიწვია.გერმანიის ეკონომიკა სუსტი რჩებაევროკომისიის პროგნოზით, გერმანიის ეკონომიკა 2026 წელს მხოლოდ 0,6%-ით გაიზრდება, ხოლო 2027 წელს – 0,9%-ით.ბრიუსელის შეფასებით, ეკონომიკის სტაბილიზაციაში მნიშვნელოვან როლს თავდაცვისა და ინფრასტრუქტურის მიმართულებით სახელმწიფო ხარჯები ასრულებს.ამასთან, გერმანიის ბიუჯეტის დეფიციტი 2026-2027 წლებში ევროკავშირის მიერ დაშვებულ 3%-იან ზღვარს გადააჭარბებს და, სავარაუდოდ, მშპ-ის 3,7%-სა და 4,1%-ს მიაღწევს.რა პროგნოზი აქვს ბრიუსელს 2027 წლისთვისევროკომისია ვარაუდობს, რომ 2027 წელს ევროკავშირის ეკონომიკური ზრდა 1,4%-მდე დაჩქარდება, ხოლო ინფლაცია 2,4%-მდე შემცირდება.ბრიუსელი აღნიშნავს, რომ ევროკავშირმა ბოლო წლებში ენერგოდამოკიდებულება ნაწილობრივ შეამცირა, გაზარდა განახლებადი ენერგიის წილი და უფრო მდგრადი ეკონომიკური მოდელი ჩამოაყალიბა.თუმცა, ევროკომისია ევროპას აფრთხილებს, რომ თუ ენერგომატარებლების მიწოდებასთან დაკავშირებული პრობლემები უფრო დიდხანს გაგრძელდება, ეკონომიკური პროგნოზები შესაძლოა მნიშვნელოვნად გაუარესდეს.ბრიუსელი მიზნობრივი დახმარებისკენ მოუწოდებსევროკომისიამ წევრ სახელმწიფოებს მოუწოდა, დახმარება მიზნობრივად გაუწიონ ყველაზე მოწყვლად ოჯახებსა და დაზარალებულ ბიზნესს, ხოლო ფართომასშტაბიანი სუბსიდიებისგან თავი შეიკავონ, რადგან მსგავსი პოლიტიკა გრძელვადიან პერსპექტივაში ძალიან ძვირი ჯდება.

1779439999

ღონისძიება გახსნეს და მონაწილეებს მისასალმებელი სიტყვით მიმართეს ფინანსთა მინისტრის მოადგილემ, ცოტნე ყავლაშვილმა, ეროვნული ბანკის პირველმა ვიცე-პრეზიდენტმა, ეკატერინე მიქაბაძემ, ბუღალტრული აღრიცხვის, ანგარიშგებისა და აუდიტის ზედამხედველობის სამსახურის უფროსმა, დავით მჭედლიძემ და პოლონეთის აუდიტის ზედამხედველობის სააგენტოს (PANA) ხელმძღვანელის მოადგილემ, დარიუშ დანილიუკმა.შეხვედრის ფარგლებში, განხილული იყო მდგრადობის ანგარიშგების როლი თანამედროვე კორპორაციული ანგარიშგების სისტემაში, მისი მნიშვნელობა კომპანიების გამჭვირვალობის, ანგარიშგების ხარისხისა და ინვესტორთა ნდობის ამაღლებისთვის.ღონისძიებაში მონაწილეობა მიიღეს პოლონეთის აუდიტის ზედამხედველობის სააგენტოს (PANA) წარმომადგენლებმა, გაეცნენ პოლონეთის პრაქტიკულ გამოცდილებას იმ საკითხებზე, რომლებიც მდგრადობის ანგარიშგებისა და შესაბამისი მარწმუნებელი მომსახურების დანერგვას, ზედამხედველობასა და პროფესიული პრაქტიკის განვითარებას უკავშირდება.გაიმართა საჯარო განხილვები, რომლებშიც მონაწილეობა მიიღეს ეროვნული ბანკის, საპენსიო ფონდის, მსოფლიო ბანკისა და კერძო სექტორის, ასევე საერთაშორისო აუდიტორული და საკონსულტაციო კომპანიების წარმომადგენლებმა.მონაწილეებმა იმსჯელეს საქართველოში მდგრადობის ანგარიშგების განვითარების მიმართულებებზე. აღინიშნა, რომ პროცესი საჭიროებს ეტაპობრივ, პროპორციულ და პრაქტიკულ მიდგომას, რომელიც ერთდროულად გაითვალისწინებს საერთაშორისო სტანდარტებთან თავსებადობას, კომპანიების მზაობას, აუდიტორული სექტორის შესაძლებლობებსა და ბაზრის საჭიროებებს.ღონისძიებას დაესწრნენ აუდიტორები, აუდიტორული ფირმები, საწარმოები, საჯარო და კერძო სექტორის, მარეგულირებელი უწყებების, პროფესიული წრეების, პარტნიორი და დონორი ორგანიზაციების წარმომადგენლები.კონფერენცია შეაჯამა სამსახურის უფროსმა, დავით მჭედლიძემ. მან ყურადღება გაამახვილა მდგრადობის ანგარიშგებისა და მარწმუნებელი მომსახურების მნიშვნელობაზე საქართველოს კორპორაციული ანგარიშგების სისტემის შემდგომი განვითარებისთვის და აღნიშნა, რომ საერთაშორისო გამოცდილების გაზიარება, პროფესიული დიალოგი და დაინტერესებულ მხარეებთან თანამშრომლობა მნიშვნელოვანი წინაპირობაა აღნიშნული მიმართულების ეტაპობრივი და ეფექტიანი განვითარებისთვის.

1779439169