ირანი კასპიის ზღვას აღწერს არა მხოლოდ როგორც სავაჭრო მარშრუტს, არამედ როგორც სტრატეგიულ აქტივს, რომელსაც შეუძლია ქვეყნის ჩრდილოეთ მეზობლებთან ეკონომიკური კავშირების გაძლიერება, ჩრდილოეთი–სამხრეთის სატრანსპორტო დერეფნის განვითარება და ევრაზიულ ეკონომიკურ სივრცეში ირანის პოზიციის გამყარება.ამ კონტექსტში განსაკუთრებით მნიშვნელოვანია წერილის გავრცელების დრო.ატომ ახლა?ირანისთვის კასპიის ზღვის სამართლებრივი რეჟიმის საკითხი აქტუალური სწორედ ახლა ხდება. 2026 წლის ივლისში ირანის მთავრობამ 2018 წელს ხელმოწერილი კასპიის ზღვის სამართლებრივი სტატუსის შესახებ კონვენციის რატიფიკაციის კანონპროექტი დაამტკიცა, ხოლო აგვისტოში დოკუმენტი პარლამენტში შევიდა.ოთხმა სხვა სანაპირო სახელმწიფომ – აზერბაიჯანმა, რუსეთმა, ყაზახეთმა და თურქმენეთმა –უკვე მოახდინა კონვენციის რატიფიცირება. მისი ძალაში შესვლა ხუთივე ქვეყნის მიერ რატიფიკაციას მოითხოვს.ამიტომ საელჩოს მიერ გავრცელებული ტექსტი შეიძლება განვიხილოთ როგორც ირანის საზოგადოებრივი და პოლიტიკური გზავნილის ნაწილი რატიფიკაციის პროცესის წინ: თეირანი ცდილობს აჩვენოს, რომ კასპიის საკითხზე გადაწყვეტილება მხოლოდ სამართლებრივი ფორმალობა არ არის და მას ქვეყნის მრავალწლიანი ეკონომიკური და გეოპოლიტიკური ინტერესები უკავშირდება.კონვენცია კასპიის ზღვის ტერიტორიულ წყლებს, თევზჭერის ზონებს, საერთო საზღვაო სივრცეს, ნაოსნობასა და უსაფრთხოებას არეგულირებს, თუმცა ფსკერისა და წიაღის სექტორებად საბოლოო გამიჯვნას მეზობელ და მოპირდაპირე ქვეყნებს შორის შემდგომ შეთანხმებებს უტოვებს. სწორედ ამიტომ რჩება მნიშვნელოვანი სივრცე შემდგომი მოლაპარაკებებისთვის.ირანის მთავარი მიზანი – კასპიის ზღვის „გადაქცევა“ ალტერნატიულ დერეფნადსაელჩოს ტექსტში ერთ-ერთი ყველაზე მნიშვნელოვანი სიტყვაა „დივერსიფიკაცია“.ირანი პირდაპირ ამბობს, რომ ტრადიციულ სავაჭრო მარშრუტებზე არსებული წნეხის პირობებში კასპიის ზღვა შეიძლება იქცეს რუსეთისა და ცენტრალური აზიის ქვეყნებთან ეკონომიკური კავშირის მნიშვნელოვან არხად.ეს თეირანისთვის განსაკუთრებით მნიშვნელოვანია დასავლეთთან ურთიერთობების, სანქციებისა და ახლო აღმოსავლეთში არსებული უსაფრთხოების რისკების ფონზე. ირანი ცდილობს ეკონომიკური კავშირების ისეთი ქსელის შექმნას, რომელიც მხოლოდ სამხრეთ პორტებსა და სპარსეთის ყურეზე არ იქნება დამოკიდებული.ამ სტრატეგიაში კასპიის პორტები, რკინიგზა და შემდეგ ირანის სამხრეთის პორტები ერთიან სისტემად განიხილება.სხვა სიტყვებით, ირანი ცდილობს ჩამოაყალიბოს მარშრუტი:რუსეთი/ცენტრალური აზია – კასპიის ზღვა – ირანის ჩრდილოეთი პორტები – რკინიგზა/ავტომაგისტრალები – სპარსეთის ყურის პორტები.ეს პირდაპირ უკავშირდება საერთაშორისო ჩრდილოეთი–სამხრეთის სატრანსპორტო დერეფანს. მისი ერთ-ერთი მნიშვნელოვანი მონაკვეთია ირანის რკინიგზა რაშთიდან ასტარამდე. რუსეთი და ირანი 2026 წელს ამ მონაკვეთის მშენებლობის პროექტის განხორციელებას აგრძელებენ.ენერგეტიკა – წერილის ყველაზე მნიშვნელოვანი ქვეტექსტისაელჩოს გზავნილის ყველაზე საინტერესო ნაწილი ენერგეტიკას ეხება.ირანი ხაზს უსვამს კასპიის ზღვის ენერგორესურსების მასშტაბს და აღნიშნავს, რომ რეგიონის ნავთობისა და გაზის მნიშვნელოვანი ნაწილი ირანის გვერდის ავლით გადის მსოფლიო ბაზრებზე.ეს შემთხვევითი აქცენტი არ არის.კასპიის რეგიონში ენერგეტიკული რესურსების მასშტაბი მართლაც დიდია. აშშ-ის ენერგეტიკის ინფორმაციის ადმინისტრაციის მონაცემებით, კასპიის ზღვის ოფშორულ საბადოებზე დაახლოებით 19,6 მილიარდი ბარელი ნავთობისა და კონდენსატის და 106 ტრილიონი კუბური ფუტი ბუნებრივი გაზის მარაგებია შეფასებული.ამ ენერგეტიკული სისტემის მნიშვნელოვანი ნაწილი აზერბაიჯანსა და ყაზახეთზე მოდის.სწორედ აქ ჩნდება საქართველოს ფაქტორი.რატომ ახსენებს ირანი თბილისს?საელჩოს ტექსტში პირდაპირ არის ნახსენები ბაქო–თბილისი–ჯეიჰანის (BTC) ნავთობსადენი და სამხრეთის გაზის დერეფანი.ეს მნიშვნელოვანი პოლიტიკური სიგნალია, რადგან ირანი ფაქტობრივად აღწერს იმ ენერგეტიკულ ინფრასტრუქტურას, რომელიც კასპიის ენერგორესურსებს ირანის ტერიტორიის გვერდის ავლით მსოფლიო ბაზრებთან აკავშირებს.ზერბაიჯანული ნავთობის მნიშვნელოვანი ნაწილი BTC-ის მეშვეობით ხმელთაშუა ზღვამდე მიდის, ხოლო აზერბაიჯანული გაზი სამხრეთის გაზის დერეფნით თურქეთსა და ევროპას მიეწოდება.ამ სისტემაში თბილისი მხოლოდ გეოგრაფიული წერტილი არ არის. საქართველო იმ მარშრუტის ნაწილია, რომელიც კასპიის ენერგორესურსებს დასავლეთის ბაზრებთან აკავშირებს.ამიტომ ირანის მიერ თბილისში გავრცელებულ ტექსტში თბილისის ცალკე გამოყოფას შეიძლება ორმაგი მნიშვნელობა ჰქონდეს.ერთი მხრივ, თეირანი უბრალოდ აღწერს რეგიონულ ენერგეტიკულ რეალობას. მეორე მხრივ, ირანი საქართველოს მკაფიოდ აჩვენებს, რომ კასპიის ზღვის ენერგეტიკული და სატრანსპორტო არქიტექტურა მისთვის უშუალოდ დაკავშირებულია საქართველოს როლთან.ეს BTC-ის წინააღმდეგ მიმართული გზავნილია?საელჩოს მიერ გავრცელებული ტექსტიდან პირდაპირ ასეთი დასკვნის გაკეთება არასწორი იქნებოდა.ირანის საელჩო BTC-ის შეჩერებას, დაზიანებას ან მის წინააღმდეგ მიმართულ მოქმედებას არ მოითხოვს. არც საქართველოს წინააღმდეგ რაიმე კონკრეტული მუქარაა წარმოდგენილი.თუმცა, ტექსტი აჩვენებს მნიშვნელოვან სტრატეგიულ განსხვავებას.დღეს კასპიის ენერგორესურსების დასავლეთისკენ ტრანსპორტირების მნიშვნელოვანი ნაწილი ირანის გვერდის ავლით ხორციელდება. ირანი კი საკუთარ ტერიტორიას ალტერნატიულ მარშრუტად წარმოაჩენს – როგორც ჩრდილოეთიდან სამხრეთისკენ მიმავალი ენერგეტიკული და სატრანსპორტო დერეფნის ნაწილს.ამ თვალსაზრისით, თეირანის გზავნილი უფრო კონკურენტული სატრანზიტო არქიტექტურის შეთავაზებაა, ვიდრე კონკრეტული მილსადენის წინააღმდეგ მიმართული განცხადება.ირანისთვის კასპიის ზღვა მხოლოდ ტრანზიტი არ არისსაელჩოს ტექსტში ენერგეტიკასთან ერთად ხაზგასმულია პორტები, რკინიგზა, ვაჭრობა და ტურიზმი.ეს ნიშნავს, რომ თეირანი კასპიის ზღვის მიმართ კომპლექსურ სტრატეგიას აყალიბებს.თუ ჩრდილოეთის პორტები უფრო აქტიურად დაუკავშირდება რუსეთისა და ცენტრალური აზიის ბაზრებს, ხოლო რაშთი–კასპიისა და მომავალში რაშთი–ასტარის მიმართულებები ირანის სამხრეთ სატრანსპორტო ქსელთან შეერთდება, ქვეყანა მიიღებს შესაძლებლობას, ერთდროულად იყოს: ჩრდილოეთიდან სამხრეთისკენ მიმავალი ტვირთების მიმღები, გადამამუშავებელი და სატრანზიტო ქვეყანა.ეს ირანისთვის განსაკუთრებით მნიშვნელოვანი ხდება მაშინ, როდესაც დასავლეთის სანქციები მის ტრადიციულ სავაჭრო არხებს ზღუდავს.რატომ არის მნიშვნელოვანი კასპიის სამართლებრივი სტატუსი?საელჩოს ტექსტში განსაკუთრებული ყურადღება ეთმობა კონვენციის დეტალებს, მათ შორის ე.წ. საბაზისო ხაზების განსაზღვრას და ზღვის ფსკერის გამიჯვნას.ეს საკითხი მხოლოდ იურიდიულიად არ უნდა აღვიქვათ.კასპიის ფსკერისა და წიაღის გამიჯვნა პირდაპირ უკავშირდება იმას, ვის ეკუთვნის კონკრეტული რესურსების ათვისების უფლება და რა პირობებში შეიძლება განვითარდეს ახალი ენერგეტიკული პროექტები.2018 წლის კონვენციის მე-8 მუხლი სწორედ ფსკერისა და წიაღის გამიჯვნას მეზობელ და მოპირდაპირე სანაპირო ქვეყნებს შორის შეთანხმებას უკავშირებს.ამიტომ ირანისთვის კონვენციის რატიფიკაცია მხოლოდ საერთაშორისო ხელშეკრულების ფორმალურად დასრულება არ არის. ეს არის მომავალი მოლაპარაკებებისა და ენერგეტიკული ინტერესების სამართლებრივი ჩარჩოს განსაზღვრის პროცესიც.მთავარი გზავნილი: ირანს სურს კასპიაში ადგილი დაიბრუნოსსაელჩოს მიერ გავრცელებული ტექსტის საერთო ლოგიკა ასეთია: კასპიის ზღვა ირანისთვის აღარ უნდა იყოს პერიფერიული წყლის სივრცე – ის უნდა გახდეს ქვეყნის ჩრდილოეთ კარიბჭე ევრაზიაში.ამისთვის თეირანი ერთდროულად საუბრობს რუსეთისა და ცენტრალური აზიის ბაზრებზე, პორტებზე, რკინიგზაზე, ჩრდილოეთი–სამხრეთის დერეფანზე, ენერგეტიკაზე და ტურიზმზე.და ამავე დროს, ირანი ახსენებს იმ მარშრუტებსაც, რომლებსაც დღეს კასპიის რესურსები დასავლეთში სწორედ საქართველოს გავლით გადააქვთ.ამიტომ საქართველოსთვის ამ წერილის მნიშვნელობა განსაკუთრებით დიდია.თბილისის გზავნილი ირანისთვის მხოლოდ ენერგეტიკული მარშრუტის საკითხი არ არის. საქართველო მდებარეობს იმ სივრცეში, სადაც ერთმანეთს ხვდება ორი განსხვავებული სატრანზიტო მოდელი: კასპიის რესურსების დასავლეთისკენ გატანა საქართველოს გავლით და კასპიის რესურსებისა და ტვირთების სამხრეთისკენ გადატანა ირანის გავლით.ორივე მარშრუტს თავისი ეკონომიკური და გეოპოლიტიკური უპირატესობები აქვს.ამიტომ ირანის საელჩოს წერილი შეიძლება წავიკითხოთ როგორც მცდელობა, რომ კასპიის ზღვის მომავალი განხილვა მხოლოდ ხუთი სანაპირო სახელმწიფოს შიდა საკითხად არ დარჩეს. თეირანი წინასწარ აყალიბებს საკუთარ პოზიციას და ამბობს, რომ კასპიის ზღვის სამართლებრივი, სატრანსპორტო და ენერგეტიკული არქიტექტურა განსაზღვრავს ირანის ადგილს ევრაზიის ეკონომიკურ სისტემაში მომდევნო ათწლეულებში.„ოქროს შესაძლებლობა“ სწორედ ეს არის – ირანს სურს კასპიის ზღვა გამოიყენოს არა მხოლოდ როგორც საზღვარი, არამედ როგორც ახალი ეკონომიკური კარიბჭე რუსეთის, ცენტრალური აზიისა და, საბოლოოდ, ევროპისკენ მიმავალი რეგიონული ქსელისთვის.

1788350885

საქართველოს საარჩევნო ისტორია, სხვადასხვა ქვეყნის საარჩევნო გამოცდილება, არჩევნებსა და ამ პროცესში ახალგაზრდების ჩართულობის მნიშვნელობა - ამ და სხვა მნიშვნელოვან საკითხზე ცესკოს პრეს-სპიკერმა ახალგაზრდებს ამომწურავი ინფორმაცია მიაწოდა.შეხვედრის ერთ-ერთი მთავარი თემა საარჩევნო ელექტრონული ტექნოლოგიები იყო. ნათია იოსელიანმა ახალგაზრდებს იმ ეტაპების შესახებ მიაწოდა ინფორმაცია, რომელიც საარჩევნო ადმინისტრაციამ ელექტრონული ტექნოლოგიების დანერგვის პროცესში განახორციელა. საუბარი ასევე შეეხო დეზინფორმაციას და მასთან დაკავშირებულ გამოწვევებს. ნათია იოსელიანმა შეხვედრის მონაწილეებს ამ მიმართულებით საარჩევნო ადმინისტრაციის სტრატეგია გააცნო და დეტალური ინფორმაცია მიაწოდა დეზინფორმაციასთან ბრძოლის მიმართულებით განხორციელებული საქმიანობის შესახებ.ყვარლის საოლქო საარჩევნო კომისიის თავმჯდომარე მარიამ შეყელაძემ ახალგაზრდებს საარჩევნო ელექტრონული ტექნოლოგიები პირადად გააცნო და დეტალური ინფორმაცია მიაწოდა საარჩევნო ელექტრონული ტექნოლოგიების უპირატესობების შესახებ ხმის მიცემისა და დათვლის პროცესში. ახალგაზრდებმა ყველა ის ეტაპი გაიარეს, რომელსაც ამომრჩეველი საარჩევნო უბანზე გადის.შეხვედრის დასასრულს ახალგაზრდებმა მათთვის საინტერესო არაერთი კითხვა დასვეს, რაზეც ამომწურავი პასუხები მიიღეს.საარჩევნო ადმინისტრაციის ხელმძღვანელი პირებისა და წარმომადგენლების საინფორმაციო შეხვედრები ახალგაზრდებთან, ქვეყნის სხვადასხვა რეგიონში აქტიურად მიმდინარეობს. ყვარლის ახალგაზრდული ბანაკის წევრებთან შეხვედრას 50-მდე ახალგაზრდა დაესწრო.

1788176814

საინფორმაციო-ანალიტიკურმა განყოფილებამ საანგარიშო პერიოდში რაოდენობრივი კვლევის წარმოებისას გამოკვეთა 21 დეზინფორმაცია, 1 მანიპულაცია და 1 იმიჯის შელახვა. მონიტორინგის  შედეგად გამოიკვეთა, რომ ცენტრალური საარჩევნო კომისიის წინააღმდეგ გავრცელებული დეზინფორმაცია რიგ შემთხვევებში კამპანიურ ხასიათს ატარებდა. გავრცელებული დეზინფორმაციები ძირითადად ეხებოდა საარჩევნო ადმინისტრაციის საქმიანობას, 2024 წლის საპარლამენტო არჩევნებსა და საარჩევნო ელექტრონულ ტექნოლოგიებს.აქტიურად ვრცელდებოდა ნარატივები არჩევნების გაყალბების, ცესკოს პოლიტიკური მიკერძოების, ელექტრონული არჩევნების, ხმის ფარულობისა და სხვა საკითხების შესახებ. აღსანიშნავია, რომ  ანგარიშში განხილულ შემთხვევებთან დაკავშირებით  ბრალდებების დამადასტურებელი სათანადო მტკიცებულებები წარმოდგენილი არ ყოფილა.აღნიშნული ნარატივების გავრცელებამ, თავის მხრივ, შესაძლოა ხელი შეუწყო საარჩევნო ადმინისტრაციის, საარჩევნო პროცესისა და არჩევნების შედეგების მიმართ საზოგადოებაში კითხვებისა და უნდობლობის გაჩენას. ამასთან, მონიტორინგის ფარგლებში გამოვლინდა ცალკეულ ქართულ და საერთაშორისო საინფორმაციო წყაროებში მსგავსი ან ერთმანეთთან შინაარსობრივად თანხვედრილი გზავნილების გავრცელების შემთხვევებიც.საანგარიშო პერიოდის ანალიზმა აჩვენა, რომ სხვადასხვა თემაზე გავრცელებული განცხადებები დაკავშირებული იყო ერთმანეთთან და ერთიან საინფორმაციო კამპანიას ემსახურებოდა, მათი ერთობლივი გავრცელება ქმნიდა რისკს, რომ საზოგადოებაში შემცირებულიყო ნდობა ცესკოს საქმიანობის, საარჩევნო პროცესისა და არჩევნების შედეგების მიმართ და გაჩენილიყო დამატებითი კითხვები საარჩევნო პროცესის სანდოობასთან დაკავშირებითზემოაღნიშნული კიდევ ერთხელ ადასტურებს, რომ დეზინფორმაციის გავრცელება საარჩევნო ადმინისტრაციისთვის ერთ-ერთი მნიშვნელოვან გამოწვევად რჩება. შესაბამისად, ცესკოს სტრატეგიული კომუნიკაციების დეპარტამენტის საინფორმაციო-ანალიტიკური განყოფილება მუდმივ რეჟიმში ახორციელებს საინფორმაციო სივრცის მონიტორინგს, რათა საარჩევნო საკითხებთან დაკავშირებით მცდარი ან გადაუმოწმებელი ინფორმაციის გამოვლენის შემთხვევაში, საზოგადოებას დროულად მიეწოდოს გადამოწმებული,  ზუსტი და ფაქტებზე დაფუძნებული ინფორმაცია.

1787827912

ადვოკატის ინფორმაციით, სედრაკ ქოჩარიანს შეხვედრების უფლებაც შეეზღუდა, გარდა მეუღლესა და შვილებთან კონტაქტისა.25 აგვისტოს სედრაკ ქოჩარიანი, მისი მამა და კიდევ ოთხი პირი კორუფციული საქმის ფარგლებში დააკავეს. იმავე დღეს ჩხრეკა ჩატარდა რობერტ ქოჩარიანის უმცროსი ვაჟის, ოპოზიციური პარტია „სომხეთის“ დეპუტატის, ლევონ ქოჩარიანის საცხოვრებელ სახლში.ყოფილ პრეზიდენტს სამსახურებრივი უფლებამოსილების ბოროტად გამოყენებას, ქრთამის აღებასა და ფულის გათეთრებას ედავებიან. დაკავების შემდეგ რობერტ ქოჩარიანს ჯანმრთელობის მდგომარეობა გაუუარესდა და ის საავადმყოფოში გადაიყვანეს. მისი წინასწარი პატიმრობის საკითხის განხილვა ხელისუფლებას სამედიცინო გამოკვლევის დასრულების შემდეგ ჰქონდა დაგეგმილი.ანტიკორუფციული კომიტეტის ვერსიით, ქოჩარიანის პრეზიდენტობის წლებში რამდენიმე ძვირფასი სახელმწიფო ობიექტი სახელმწიფოს საკუთრებიდან გავიდა და მასთან დაკავშირებულმა სტრუქტურებმა საბაზრო ღირებულებაზე მნიშვნელოვნად დაბალ ფასად შეიძინეს. გამოძიება მიიჩნევს, რომ მოგვიანებით ეს ქონება დაკავშირებულ კომპანიებსა და ოჯახის წევრებზე გადაფორმდა.საქმეში ფიგურირებს, მათ შორის, მიწის ნაკვეთი, სადაც მოგვიანებით გასართობი ცენტრი Play City აშენდა, ერევნის ერთ-ერთი სიმბოლოს – „კასკადის“ კომპლექსის ტერიტორია, ასევე უძრავი ქონება პარონიანის ქუჩაზე და სხვა ობიექტები.გენერალური პროკურატურა სახელმწიფოს სასარგებლოდ ქოჩარიანისა და მასთან დაკავშირებული პირების, მათ შორის მისი შვილებისა და მათი მეუღლეების აქტივების ჩამორთმევას მოითხოვს. საქმე ეხება ათეულობით უძრავ ქონებას, კომპანიებში წილებს, ფასიან ქაღალდებს, დეპოზიტებსა და სხვა აქტივებს.თავად ქოჩარიანი და მისი პოლიტიკური მოკავშირეები მის წინააღმდეგ აღძრულ საქმეებს პოლიტიკურად მოტივირებულს უწოდებენ.საქმის განვითარებას წინ უძღოდა დაძაბული დაპირისპირება სომხეთის პარლამენტში. 24 აგვისტოს ლევონ ქოჩარიანსა და პრემიერ-მინისტრ ნიკოლ ფაშინიანს შორის კითხვა-პასუხის დროს მწვავე სიტყვიერი დაპირისპირება მოხდა.ლევონ ქოჩარიანმა ფაშინიანის მისამართით განაცხადა, რომ საზოგადოება კითხულობს, რატომ რჩება ის ხელისუფლებაში. საპასუხოდ ფაშინიანმა ქოჩარიანის ოჯახის ქონებრივ მდგომარეობაზე გაამახვილა ყურადღება და ჰკითხა ოპოზიციონერ დეპუტატს, რატომ არიან ის და მისი ოჯახის წევრები მილიონერები.ეს რობერტ ქოჩარიანის წინააღმდეგ პირველი სისხლის სამართლის საქმე არ არის. 2018 წელს, ნიკოლ ფაშინიანის ხელისუფლებაში მოსვლის შემდეგ, ყოფილ პრეზიდენტს 2008 წლის 1 მარტის მოვლენებთან დაკავშირებით კონსტიტუციური წყობილების დამხობის ბრალდება წაუყენეს. მაშინ, საპრეზიდენტო არჩევნების შემდეგ ერევანში ოპოზიციის საპროტესტო აქციების დაშლისას, დაპირისპირებას 10 ადამიანი ემსხვერპლა.რობერტ ქოჩარიანი სომხეთის ოპოზიციის ერთ-ერთ ყველაზე გავლენიან ფიგურად რჩება და სომხეთსა და რუსეთს შორის მჭიდრო ურთიერთობების შენარჩუნებას უჭერს მხარს. ის ქვეყნის მიერ კოლექტიური უსაფრთხოების ხელშეკრულების ორგანიზაციიდან (კუხო) გასვლის წინააღმდეგია.ამ ფონზე, ნიკოლ ფაშინიანი აცხადებს, რომ ოპოზიციის ნაწილი სომხეთში კუხოს სამშვიდობო ძალების შეყვანას ცდილობს.„კუხოს სამშვიდობო ძალები სომხეთში არ შემოვლენ და საერთოდ, სომხეთში არც ერთი სამშვიდობო ძალა არ შემოვა, რადგან მშვიდობა დამყარებულია და მშვიდობისმყოფელი თავად ხალხია“, – განაცხადა ფაშინიანმა.რობერტ ქოჩარიანის ოფისმა ყოფილი პრეზიდენტისა და მისი ოჯახის წევრების დაკავებას ხელისუფლების მხრიდან „კიდევ ერთი შეტევა“ უწოდა. სომხეთის ხელისუფლება კი აცხადებს, რომ საქმე კორუფციულ დანაშაულებთან დაკავშირებულ გამოძიებას ეხება.საქმე ვითარდება სომხეთის ხელისუფლებასა და ოპოზიციის იმ ნაწილს შორის მზარდი დაპირისპირების ფონზე, რომელიც ქვეყნის რუსეთთან ტრადიციულად მჭიდრო ურთიერთობების შენარჩუნებას ემხრობა.

1787726576

ცესკოს ხელმძღვანელი პირები არჩევნებს ყაზახეთის რესპუბლიკის ცენტრალური საარჩევნო კომისიის მიწვევით, საერთაშორისო დამკვირვებლის სტატუსით, აკვირდებოდნენ.ვიზიტის ფარგლებში დელეგაციების წევრები საარჩევნო უბნების გახსნას, პროცესის მიმდინარეობას და უბნების დახურვას დედაქალაქის მასშტაბით დააკვირდნენ. ასევე შეხვდნენ ყაზახეთის ცენტრალური საარჩევნო კომისიის თავმჯდომარეს და წევრებს, სადაც ყველა იმ საქმიანობის შესახებ მიიღეს ინფორმაცია, რომელიც საარჩევნო ადმინისტრაციამ საპარლამენტო არჩევნების ჩასატარებლად განახორციელა. როგორც ცესკოს თავმჯდომარე გიორგი კალანდარიშვილმა აღნიშნა არჩევნებს ადმინისტრირება 70 000-ზე მეტმა ადმინისტრატორმა, 12 000-ზე მეტ უბანზე გაუწია, შესაბამისად არჩევნებისთვის მზადების პროცესში ძალიან დიდი სამუშაო განხორციელდა. მისი თქმით, პროცესი ორგანიზებულობით, ადმინისტრირების კარგი ხარისხითა და ამომრჩეველთა ინფორმირებულობით გამოირჩეოდა.„საარჩევნო უბნებზე დაკვირვებამ მოგვცა შესაძლებლობა, უშუალოდ გავცნობოდით კენჭისყრის ორგანიზებისა და ადმინისტრირების პროცესს. ჩვენი დაკვირვების ფარგლებში პროცესი გამოირჩეოდა ორგანიზებულობით, კომისიის წევრების მზადყოფნით და ამომრჩეველთა ინფორმირებულობის სათანადო დონით. ამასთან, როგორც საერთაშორისო დამკვირვებლები, ხაზს ვუსვამთ, რომ ჩვენი დაკვირვება ქვეყნის მასშტაბით ჩატარებული არჩევნების სრულფასოვანი შეფასების საფუძველს არ წარმოადგენს. ასეთი ვიზიტების მთავარი ღირებულება არის გამოცდილების გაზიარება და პროფესიული დიალოგის გაძლიერება საარჩევნო ადმინისტრაციებს შორის“, - განაცხადა გიორგი კალანდარიშვილმა.ვიზიტის ფარგლებში ცესკოს თავმჯდომარე და მდივანი ხელოვნური ინტელექტის ინოვაციების ცენტრში იმყოფებოდნენ, სადაც ყაზახეთის რესპუბლიკის ხელოვნური ინტელექტისა და ციფრული განვითარების მინისტრის პირველ მოადგილეს, როსტისლავ კონიაშკინს შეხვდნენ. ცესკოს წარმომადგენლებმა მინისტრის მოადგილესთან ისაუბრეს ისეთ მნიშვნელოვან საკითხზე როგორიცაა სამთავრობო სერვისებსა და არჩევნებში სხვადასხვა ელექტრონული საშუალებების გამოყენება. ყაზახურმა მხარემ ცესკოს ხელმძღვანელ პირებს ამ კუთხით საკუთარი გამოცდილება გაუზიარა. გარდა ამისა, საქართველოს ცესკოს თავმჯდომარემ და მდივანმა ორმხრივი შეხვედრები გამართეს სხვადასხვა ქვეყნების საარჩევნო ადმინისტრაციებთან, რომლის ფარგლებშიც განიხილეს სამომავლო თანამშრომლობის პერსპექტივები. მათ ასევე შეხვედრა გამართეს ყაზახეთში საქართველოს საელჩოს წარმომადგენლებთან, კონსულ თემურ ტარტარაშვილთან და საგანგებო და სრულუფლებიან დესპანთან ყაზახეთის რესპუბლიკაში ირაკლი მესხელთან. საპარლამენტო არჩევნები ყაზახეთში 23 აგვისტოს გაიმართა. საქართველოს საარჩევნო ადმინისტრაციის გარდა პროცესს მონიტორინგი 22 ქვეყნის საარჩევნო ადმინისტრაციის 60-მდე დელეგატმა გაუწია.ახალი კონსტიტუციის ფარგლებში, ყაზახეთში, პირველ საყოველთაო არჩევნებში ერთპალატიანი პარლამენტის 145 დეპუტატი პროპორციული სისტემის საფუძველზე აირჩიეს.

1787646177

პრეზიდენტის ადმინისტრაციის ცნობით, SFLG Global Platform (საერთაშორისო ინიციატივა, რომელიც 2021 წლიდან მსოფლიოს სახელმწიფო მეთაურების მეუღლეებს აერთიანებს) კიევში მაღალი დონის შეხვედრებს მართავს, რათა ხელი შეუწყოს დიალოგს გლობალური მნიშვნელობის საკითხებზე.წლევანდელ რიგით VI სამიტში საქართველოს პირველი ლედი, თამარ ბაგრატიონი მონაწილეობს.მისი შეფასებით: „ჩვენი ეროვნული იდენტობა შვიდ მარადიულ საყრდენს ეფუძნება - ღმერთს, სამშობლოს, ადამიანს, ენას, მამულს, სარწმუნოებასა და ოჯახს. მრავალსაუკუნოვანი ბრძოლის პროცესში ჩამოყალიბებული ეს პრინციპები ღრმად არის გამჯდარი ჩვენს გენეტიკურ კოდში“.თამარ ბაგრატიონმა უკრაინასა და უკრაინელ ხალხს დამოუკიდებლობის 35-ე წლისთავი მიულოცა და მშვიდობა, კეთილდღეობა და წინსვლა უსურვა.საქართველოს პირველმა ლედიმ კიდევ ერთხელ დაადასტურა საქართველოს მხარდაჭერა უკრაინის სუვერენიტეტისა და ტერიტორიული მთლიანობისადმი.

1787573793

გენერალური პროკურორის მოადგილის, ამირან გულუაშვილის განცხადებით, გამოძიებასთან თანამშრომლობის სურვილით უწყებას 12 აგვისტოს მიმართა თავდაცვის ყოფილი მინისტრის ნათესავმა, კორუფციისთვის მსჯავრდადებულმა ვასილ მხეიძემ, რის შემდეგაც გამოძიებასთან ითანამშრომლა და ჩვენება მისცა პატიმრობაში მყოფმა თავდაცვის ყოფილმა მინისტრმა, ჯუანშერ ბურჭულაძემაც.გამოძიების ვერსიით, 2022 წლის ბოლოს თავდაცვის სამინისტროსთვის სამედიცინო აპარატურის საიდუმლო შესყიდვებისას შეიქმნა არაკონკურენტული გარემო. შედეგად, 11.5 მილიონი ლარის რეალური ღირებულების აპარატურა სახელმწიფომ 18.5 მილიონ ლარად შეიძინა, რამაც ბიუჯეტს თითქმის 7 მილიონი ლარის ზიანი მიაყენა.სანაცვლოდ, შესყიდვებში მონაწილე ბიზნესმენმა ვასილ მხეიძეს ქრთამის სახით 1.9 მილიონი ლარი გადასცა. აქედან 400 000 ლარი მხეიძემ დაიტოვა, ხოლო 1.5 მილიონი ლარი ჯუანშერ ბურჭულაძეს გადასცა. ბურჭულაძემ მიღებული თანხიდან 750 000 ლარი თავად დაიტოვა, ხოლო მეორე ნახევარი, 750 000 ლარი, რამდენიმე ეტაპად, „ქეშად“ გადასცა იმჟამინდელ პრემიერ-მინისტრ ირაკლი ღარიბაშვილს მფარველობისა და გარანტიების სანაცვლოდ.აღნიშნული ბრალდება მოჰყვა ირაკლი ღარიბაშვილის მიერ 17-20 აგვისტოს საპატიმროდან გავრცელებულ სკანდალურ განცხადებებს.ექსპრემიერი აცხადებდა, რომ მამუკა მდინარაძისგან მიიღო წერილი ახალი კორუფციული ბრალის აღიარების მოთხოვნით და ყოფილ თანაგუნდელებსა და ბიძინა ივანიშვილს მისი და მისი ოჯახის განადგურების მცდელობაში ადანაშაულებდა. თავის მხრივ, მამუკა მდინარაძე ბრალდებებს უარყოფს და მიმდინარე პროცესებს კორუფციასთან „ქართული ოცნების“ უკომპრომისო ბრძოლით ხსნის.პროკურატურის ცნობით, ვინაიდან ირაკლი ღარიბაშვილი უკვე იხდის სასჯელს სხვა სისხლის სამართლის საქმეზე, უწყება სასამართლოს მხოლოდ წინასასამართლო სხდომის დანიშვნის შუამდგომლობით მიმართავს.

1787554800

№9 – „ძლიერი საქართველო-ლელო"; №41 – ქართული ოცნება. აღნიშნულ სუბიექტებს კანდიდატების წარდგენისთვის ვადა არჩევნებამდე არაუგვიანეს 30 დღისა (3 სექტემბერი) აქვთ. მაჟორიტარი დეპუტატობის კანდიდატები მათ შესაბამის საოლქო საარჩევნო კომისიებს უნდა წარუდგინონ.შეგახსენებთ, რომ 3 ოქტომბერს საკრებულოების შუალედური არჩევნები ვანის, წალკის, დმანისისა და ახმეტის მუნიციპალიტეტებში გაიმართება.შუალედური არჩევნებისთვის ჯამში შვიდი საარჩევნო უბანი გაიხსნება, მათ შორის ოთხ საარჩევნო უბანზე გამოყენებული იქნება ელექტრონული ვერიფიკაციისა და ხმის მთვლელი აპარატები. ამომრჩევლები აღნიშნული მუნიციპალიტეტების საკრებულოების 4 მაჟორიტარ წევრს აირჩევენ.

1787130841

„საზოგადოებას მინდა ვუთხრა სიმართლე, თუ რატომ ვზივარ ციხეში“, – წერს ღარიბაშვილი სამშაბათს საღამოს გავრცელებულ წერილში და აცხადებს, რომ გასულ წელს დაწყებული კამპანიის ფარგლებში მან უარი თქვა სამართლებრივ ბრძოლაზე, რათა გუნდთან და მისთვის ძვირფას ადამიანებთან დაპირისპირება აერიდებინა.მისი თქმით, ამის სანაცვლოდ მიიღო „დადგმული ბინძური პროვოკაცია“, ტყუილი და უსამართლობა, თუმცა მთელი ამ პერიოდის განმავლობაში საჯაროდ არ უსაუბრია.ღარიბაშვილი ასევე საუბრობს მის მიერ გუშინ გამოქვეყნებულ წერილზე, რომელიც, მისი თქმით, მამუკა მდინარაძემ გაუგზავნა. როგორც ყოფილი პრემიერი აცხადებს, მან მდინარაძეს აცნობა, რომ პოლიტიკაში დაბრუნებას არ აპირებდა და ამ საკითხთან დაკავშირებით საკუთარი ხედვაც შესთავაზა.მისივე განცხადებით, საპასუხოდ უთხრეს, რომ მაინც არსებობდა „1%-იანი რისკი“, რომ ის პოლიტიკაში დაბრუნდებოდა და ამ რისკის დასაზღვევად საჭირო იყო მისთვის კორუფციული ბრალის წარდგენა და ბრალის აღიარება.ღარიბაშვილის შეფასებით, ეს მისთვის „წითელი ხაზი“ აღმოჩნდა.„შესაბამისად, რადგან სხვა გამოსავალი აღარ მაქვს, იძულებულს მხდიან, დავიწყო ბრძოლა“, – წერს ირაკლი ღარიბაშვილი.

1787069596

ახალი რეგულაცია, რომელსაც პოლონეთის საგარეო საქმეთა მინისტრმა, რადოსლავ სიკორსკიმ 10 აგვისტოს მოაწერა ხელი, უკვე ძალაშია და ის კონკრეტულად მხოლოდ დასაქმების მიზნით ჩასულ პირებზე ვრცელდება. იმ მოქალაქეებისთვის კი, რომლებიც პოლონეთში სამუშაოდ 15 აგვისტომდე შევიდნენ, კვლავ ძველი წესები იმოქმედებს.აღსანიშნავია, რომ სავიზო პოლიტიკის გამკაცრება არ ეხება ტურისტულ ვიზიტებს. საქართველოს, კოლუმბიისა და ვენესუელის მოქალაქეებს პოლონეთში უვიზოდ ჩასვლა კვლავ შეუძლიათ ტურისტული და სხვა დაშვებული მოკლევადიანი მიზნებისთვის.როგორც პოლონეთის მთავრობაში განმარტავენ, აღნიშნული სამი ქვეყნის მოქალაქეები უვიზო მიმოსვლის რეჟიმს სისტემატურად იყენებდნენ კანონიერი მოთხოვნების დაკმაყოფილების გარეშე დასაქმებისთვის. ოფიციალური პირების განცხადებით, ახალი რეგულაციების შემოღების მთავარი მიზეზები უკანონო დასაქმება და ქვეყანაში არალეგალურად დარჩენა, ჩრდილოვანი ეკონომიკის ზრდა, დასაქმებულთა ექსპლუატაცია და ადამიანებით ვაჭრობის საფრთხეებია. გარდა ამისა, პოლონეთის მთავრობაში აცხადებენ, რომ ეს სამი სახელმწიფო მიგრაციის მაღალი რისკის მქონე ქვეყნების კატეგორიას განეკუთვნება.

1787052764