მათივე ცნობით, შეხვედრა გაეროს ბიოლოგიური მრავალფეროვნების შესახებ კონვენციის მხარეთა მე-17 კონფერენციის ფარგლებში გაიმართა და საუბარი შეეხო ორ ქვეყანას შორის არსებულ ურთიერთობებს. აღინიშნა პოზიტიური თანამშრომლობა ტურიზმის მიმართულებით.შეხვედრაზე ასევე ყურადღება დაეთმო რეგიონში არსებულ ვითარებას. საქართველოს პრემიერ-მინისტრმა კიდევ ერთხელ გაუსვა ხაზი დიალოგისა და დიპლომატიური ძალისხმევის განსაკუთრებულ მნიშვნელობას დეესკალაციისა და ხანგრძლივი მშვიდობის უზრუნველყოფისთვის.

1792144892

ევროკავშირის წარმომადგენლობის ცნობით, გამოყოფილი ფინანსური რესურსი მოხმარდება პროექტებს, რომლებიც მიმართულია ოჯახებისა და თემებისთვის რეალური, დადებითი ცვლილებების განხორციელებაზე მთელ საქართველოში.ახალი პროექტების ძირითადი მიმართულებები მოიცავს: პატარა ქალაქებსა და დაბებში ეკონომიკური შესაძლებლობების შექმნას; ცვალებადი შრომის ბაზრის შესაბამისი უნარების განვითარებას; სოფლებსა და რეგიონებში სოციალურ-ეკონომიკურ განვითარებას ქალების ჩართულობით; ბაზრებზე წვდომის გაუმჯობესებასა და სურსათის ხარისხის ამაღლებას; ქალთა და გოგონათა მიმართ ძალადობის წინააღმდეგ ბრძოლას; უსაფრთხო და ორგანიზებული მიგრაციის ხელშეწყობას; კლიმატის ცვლილებასთან ადაპტაციასა და სტიქიური უბედურებებისთვის მზადყოფნას; აფხაზეთში მცხოვრები თემების მხარდაჭერის გაგრძელებას. განცხადებაში აღნიშნულია, რომ ევროკავშირი საქართველოს მოსახლეობას 30 წელზე მეტია უჭერს მხარს და 1992 წლიდან დღემდე ქვეყანაში 2 მილიარდ ევროზე მეტი ინვესტიცია განახორციელა ისეთ სფეროებში, როგორიცაა სოფლის მეურნეობა, ბიზნესის მხარდაჭერა რეგიონებში, ჰაერის ხარისხის გაუმჯობესება და აღმოსავლეთ-დასავლეთის ჩქაროსნული ავტომაგისტრალის მოდერნიზაცია.

1792144251

ღონისძიების ფარგლებში სხვადასხვა ქვეყნის საარჩევნო ადმინისტრაციების ხელმძღვანელებმა და წარმომადგენლებმა საარჩევნო პროცესების განვითარებაზე, არსებულ გამოწვევებსა და საერთაშორისო გამოცდილების გაზიარებაზე იმსჯელეს. შეხვედრებში დაახლოებით 50 ქვეყნის 100-ზე მეტი დელეგატი მონაწილეობდა.დისკუსიების ძირითადი თემები იყო საარჩევნო ადმინისტრირების თანამედროვე მიდგომები, ტექნოლოგიური სიახლეები, საარჩევნო პროცესების მიმართ ნდობის განმტკიცება, დემოკრატიული პროცესების წინაშე არსებული გამოწვევები და ამომრჩევლებისთვის სანდო ინფორმაციის ხელმისაწვდომობა.ცესკოს თავმჯდომარე გიორგი კალანდარიშვილი აქტიურად მონაწილეობდა გენერალური ასამბლეისა და საერთაშორისო კონფერენციის მუშაობაში და პროფესიულ დისკუსიებში. მან მონაწილეებს საქართველოს საარჩევნო ადმინისტრაციის გამოცდილება გაუზიარა და უცხოელ კოლეგებთან საერთო გამოწვევებზე და სამომავლო თანამშრომლობის საკითხებზე ისაუბრა.გიორგი კალანდარიშვილმა და ცესკოს აპარატის უფროსმა გიორგი სანტურიანმა ასევე გამართეს სამუშაო შეხვედრები სხვადასხვა ქვეყნის საარჩევნო ადმინისტრაციების წარმომადგენლებსა და საერთაშორისო პარტნიორებთან. შეხვედრების ფარგლებში მხარეებმა განიხილეს პროფესიული ურთიერთობების გაღრმავების, გამოცდილების გაზიარებისა და სამომავლო თანამშრომლობის შესაძლებლობები, მათ შორის საერთაშორისო საარჩევნო სადამკვირვებლო და პროფესიულ მისიებში, პროგრამებსა და ინიციატივებში მონაწილეობის მიმართულებით.საერთაშორისო კონფერენციაზე განსაკუთრებული ყურადღება დაეთმო საარჩევნო ტექნოლოგიებს, მათ მიმართ საზოგადოების ნდობის განმტკიცებასა და საარჩევნო პროცესების მთლიანობის დაცვას ხელოვნური ინტელექტისა და ციფრული გარემოს სწრაფი განვითარების პირობებში.ვიზიტის ფარგლებში საქართველოს დელეგაციის წარმომადგენლები საარჩევნო ტექნოლოგიების დემონსტრაციასაც დაესწრნენ. მათ მიიღეს ინფორმაცია წარმოდგენილი ტექნოლოგიების ფუნქციური შესაძლებლობებისა და საარჩევნო პროცესში მათი გამოყენების პრაქტიკის შესახებ.„საერთაშორისო თანამშრომლობა განსაკუთრებით მნიშვნელოვანია დღეს, როდესაც საარჩევნო ადმინისტრაციები ბევრი საერთო გამოწვევის წინაშე დგანან. დეზინფორმაცია, მანიპულაციური საინფორმაციო კამპანიები და საარჩევნო პროცესების მიმართ ნდობის შესუსტების მცდელობები მხოლოდ საქართველოს პრობლემა არ არის - ეს გლობალური გამოწვევებია, რომლებთან გამკლავებაც სხვადასხვა ქვეყნის საარჩევნო ადმინისტრაციებს უწევთ. ამ საკითხების აქტუალობა კიდევ ერთხელ გამოიკვეთა გენერალური ასამბლეისა და საერთაშორისო კონფერენციის ფარგლებში გამართულ დისკუსიებში. ამ გამოწვევებზე ეფექტიანი რეაგირებისთვის მნიშვნელოვანია არა მხოლოდ თითოეული ქვეყნის მიერ საკუთარი შესაძლებლობების გაძლიერება, არამედ საერთაშორისო გამოცდილების გაზიარება, ინფორმაციის გაცვლა და საერთო მიდგომების განვითარება. A-WEB-ის გენერალურ ასამბლეასა და საერთაშორისო კონფერენციაში მონაწილეობა სწორედ ამ შესაძლებლობას გვაძლევს - გავიზიაროთ სხვა ქვეყნების გამოცდილება, წარმოვაჩინოთ საქართველოს საარჩევნო ადმინისტრაციის პრაქტიკა და გავაღრმაოთ თანამშრომლობა საერთაშორისო პარტნიორებთან. ასეთი შეხვედრები გვეხმარება, უკეთ გავიაზროთ არსებული გამოწვევები და ვიპოვოთ გზები, რომლებიც ხელს შეუწყობს გამჭვირვალე, სანდო და თანამედროვე საარჩევნო პროცესების განვითარებას", - განაცხადა გიორგი კალანდარიშვილმა.

1792135087

მთავრობის მეთაურის განმარტებით, პენსიების დამატებითი ზრდა სახელმწიფო ბიუჯეტში საპენსიო უზრუნველყოფისთვის გამოყოფილ ხარჯებს დამატებით ₾128 მლნ-ით გაზრდის.„სოციალური ხარჯების წილი სახელმწიფო ბიუჯეტში 33 პროცენტს აღემატება. 2026 წელს ასაკობრივ პენსიებზე გამოყოფილი იყო ₾5 მლრდ-ზე მეტი, ხოლო დაგროვებითი საპენსიო სქემის თანადაფინანსებაზე, ₾540 მლნ. შედარებისთვის, პენსიებზე 2012 წელს მხოლოდ მილიარდ ₾65 მლნ იყო გამოყოფილი. სოციალური ხარჯები უკვე დასაშვები ნორმის და საერთაშორისო ფინანსური ინსტიტუტების რეკომენდაციების ზღვარზეა, რადგან ამ ზღვრის გადალახვა შეანელებს ეკონომიკურ ზრდას. თუმცა, დასაშვები ნორმის ფარგლებში, მომდევნო წლებშიც მაქსიმალურად ვეცდებით, 70 წლამდე პენსიონერებს პენსია ინდექსაციის წესის მიღმა გავუზარდოთ“, - განაცხადა ირაკლი კობახიძემ.ახალი პროგრამა დევნილთა ოჯახებისთვის: 10 000 ლარი თითოეულ წევრზესაპენსიო ცვლილებების პარალელურად, პრემიერ-მინისტრმა იძულებით გადაადგილებულ პირთა მხარდაჭერის ახალი, ალტერნატიული ინიციატივა წარადგინა. სახელმწიფოს მიერ საცხოვრებელი კორპუსების მშენებლობისა და „სოფლად სახლის“ პროგრამის პარალელურად, ამოქმედდება დევნილი ოჯახების ფულადი კომპენსაციით დაკმაყოფილების პროექტი.ახალ პროგრამაში ჩართვა სრულიად ნებაყოფლობითი იქნება. თითოეულ დევნილ ოჯახს, რომელსაც წარსულში სახელმწიფოსგან არ მიუღია საცხოვრისი ან შესაბამისი კომპენსაცია, უფლება ექნება, განაცხადი შეიტანოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს შესაბამის სააგენტოში.პროგრამის ძირითადი პირობები: კომპენსაციის ოდენობა: 10 000 ლარი დევნილი ოჯახის თითოეულ წევრზე; გაცემის წესი: განაცხადების შეტანის ქრონოლოგიური რიგითობის შესაბამისად; დაფინანსება: მიმდინარე წელს პროგრამისთვის გამოყოფილია 58 მილიონი ლარი, ხოლო მომდევნო წლებში ბიუჯეტი კიდევ უფრო გაიზრდება. როგორც პრემიერ-მინისტრმა აღნიშნა, 2012 წლის შემდეგ სახელმწიფომ 45 ათასზე მეტ დევნილ ოჯახს გადასცა საცხოვრებელი, მიმდინარე მშენებლობების დასრულების შემდეგ კი ბინებს დამატებით 2 600 ოჯახი მიიღებს, თუმცა ყველა ოჯახის ბინით უზრუნველყოფას სულ მცირე 10 წელი დასჭირდება. სწორედ ამ პროცესის დაჩქარების მიზნით შემოიღო მთავრობამ ალტერნატიული ფულადი კომპენსაციის მოდელი.

1791800295

აკრძალვა შვიდი ქართული მწარმოებლის პროდუქციას შეეხო2006 წლის საყოველთაო ემბარგოდან 20 წლის შემდეგ რუსეთის მიერ ქართული ღვინისა და მინერალური წყლის იმპორტის ნაწილობრივი აკრძალვის შესახებ 9 ოქტომბერს როსპოტრებნადზორის განცხადებიდან გახდა ცნობილი.დოკუმენტის თანახმად, რუსეთში იმპორტისა და რეალიზაციის დროებითი აკრძალვა შვიდი უმსხვილესი ქართული ალკოჰოლური და უალკოჰოლო სასმელების მწარმოებლის პროდუქციას ეხება. გადაწყვეტილების მიზეზად რუსეთის ფედერაციაში დადგენილ ხარისხისა და უსაფრთხოების სტანდარტებთან შეუსაბამობა სახელდება, მათ შორის, ორგანოლეპტიკური და ფიზიკურ-ქიმიური მაჩვენებლების მიხედვით.აკრძალულ კომპანიებს შორის არიან ქართული ღვინის უმსხვილესი მწარმოებლები: სს „თელიანი ველი“, სს „თბილღვინო“ (Tbilvino), შპს „ასკანელი ძმები“ (Askaneli Brothers) და შპს „ვაინმენი“ (Wine Man).შეზღუდვა ასევე შეეხო სს „საქართველოს ლუდის კომპანიას“ (ბრენდი Zedazeni) და „ჰელსი უოთერს“ (Healthy Water), რომელიც მინერალურ წყალს „ნაბეღლავს“ აწარმოებს. შეწყდა თბილისის Coca-Cola-ს ქარხნის პროდუქციის იმპორტიც.როსპოტრებნადზორის გადაწყვეტილებიდან მეორე დღესვე რუსეთის სავაჭრო ქსელებმა მაღაზიების თაროებიდან ქართული ღვინისა და მინერალური წყლის ნაწილის ამოღება დაიწყეს.რუსეთ-საქართველოს სავაჭრო ბრუნვამ $2 მლრდ-ს გადააჭარბასაქართველოს სტატისტიკის ეროვნული სამსახურის მონაცემებით, 2026 წლის იანვარ-აგვისტოში საქართველოსა და რუსეთს შორის სავაჭრო ბრუნვამ $2 მლრდ-ს გადააჭარბა, რაც წლიურად 19.1%-იანი ზრდაა.ექვსი თვის განმავლობაში რუსეთმა საქართველოში დაახლოებით $1.5 მლრდ-ის ღირებულების საქონელი შემოიტანა. საქართველოდან რუსეთში ექსპორტი 4.1%-ით გაიზარდა და $500.7 მლნ შეადგინა.როსპოტრებნადზორის მიერ აკრძალული ღვინის კომპანიების პროდუქციაზე საქართველოდან რუსეთში ღვინის ექსპორტის დაახლოებით 75-80% მოდის.ეს მწარმოებლები საქართველოს ეკონომიკისთვის სისტემურად მნიშვნელოვან კომპანიებად მიიჩნევიან.საქართველო რუსეთისთვის ღვინის უმსხვილესი მიმწოდებელიარუსული ალკოჰოლური ბაზრის მონაწილეთა მონაცემებით, 2026 წლის იანვარ-აგვისტოში რუსეთში იმპორტირებული ღვინის საერთო მოცულობის 9.4% საქართველოზე მოდიოდა. ამ პერიოდში რუსეთში საქართველოდან 3.67 მლნ დეკალიტრი ღვინო შევიდა, რაც წინა წლის ანალოგიურ პერიოდთან შედარებით 2.2%-ით ნაკლებია.მიმდინარე წლის რვა თვის შედეგებით, საქართველო რუსეთში ღვინის ექსპორტიორ ქვეყნებს შორის პირველ ადგილზე იყო პროდუქციის მოცულობით.შედარებისთვის, მეორე ადგილზე მყოფი იტალიიდან რუსეთში 2.26 მლნ დეკალიტრი ღვინო შევიდა, რაც წლიურად 7.8%-იანი კლებაა.ქართული ღვინის იმპორტის ნაწილობრივი აკრძალვა რუს მომხმარებლებში ამ პროდუქციაზე მოთხოვნის შემცირებას დაემთხვა. რუსეთის ალკოჰოლისა და თამბაქოს ბაზრის მარეგულირებლის მონაცემებით, 2026 წლის იანვარ-ივნისში რუსეთში წყნარი ღვინოების საცალო გაყიდვები, რომელთა წარმოებაშიც ქართული კომპანიები სპეციალიზდებიან, წლიურად 2.7%-ით შემცირდა და 26.38 მლნ დეკალიტრი შეადგინა.რუსეთში ქართული მინერალური წყლის იმპორტიც მცირდებასაქართველოდან მინერალური წყლის ექსპორტიც კლებულობს. „რია ნოვოსტის“ მიერ ადრე გავრცელებული საქართველოს საბაჟო მონაცემების თანახმად, აგვისტოში რუსეთმა ქართული მინერალური წყლის იმპორტი სამჯერ შეამცირა - €2.5 მლნ-მდე. ეს 2022 წლის ივნისის შემდეგ ყველაზე დაბალი მაჩვენებელია.მოსკოვი თბილისის „პრაგმატულ კურსს“ იწონებდაბოლო წლებში რუსეთის საგარეო საქმეთა სამინისტრო დადებითად აფასებდა საქართველოს ხელისუფლების „პრაგმატულ კურსს“ მოსკოვთან ურთიერთობებში.რუსეთის მხარე გულისხმობდა, რომ 2022 წლიდან, უკრაინაში რუსეთის მიერ დაწყებული სრულმასშტაბიანი ომის შემდეგ, თბილისს რუსეთის წინააღმდეგ სანქციები არ დაუწესებია. ამასთან, საქართველოს ხელისუფლებამ ოფიციალურად აკრძალა ქვეყნის მოქალაქეებისთვის უკრაინაში საბრძოლო მოქმედებებში მონაწილეობის მიზნით გამგზავრება.სულ რამდენიმე დღის წინ რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ საქართველოს მოქმედი ხელისუფლება კვლავ შეაქო „პრაგმატული მიდგომისთვის“ და მოსკოვთან ეკონომიკური კავშირების გაწყვეტის სურვილის არქონისთვის.

1791789898

რეზოლუციით ევროპარლამენტარები მკაცრად გმობენ ოპოზიციური პარტიების აკრძალვის მცდელობას და საკონსტიტუციო სარჩელის დაუყოვნებლივ გაწვევას ითხოვენ. დოკუმენტში აღნიშნულია, რომ ლეგიტიმური პოლიტიკური ოპოზიციის სასამართლო გზით განადგურება შეუთავსებელია დემოკრატიასთან. ევროპარლამენტი ხაზგასმით აღნიშნავს, რომ პარტიების აკრძალვის ნებისმიერი მცდელობა საქართველოს ევროკავშირისგან დააშორებს და ევროინტეგრაციის პროცესში წინსვლის შესაძლებლობას გამორიცხავს.ევროპარლამენტარები ევროკავშირსა და წევრ სახელმწიფოებს მოუწოდებენ, დააწესონ მიზანმიმართული პერსონალური სანქციები და სავიზო შეზღუდვები იმ პირების წინააღმდეგ, რომლებიც პასუხისმგებელნი არიან დემოკრატიულ უკუსვლაზე, ძალადობრივ რეპრესიებსა და პოლიტიკურ დევნაზე. დოკუმენტში კონკრეტულად დასახელებული არიან ბიძინა ივანიშვილი, ირაკლი კობახიძე, შალვა პაპუაშვილი და კახა კალაძე.რეზოლუციის მიხედვით, ევროპარლამენტი ასევე ითხოვს: ყველა პოლიტპატიმრისა და მშვიდობიანი პროტესტის გამო დაკავებული პირების დაუყოვნებლივ გათავისუფლებას, მათ შორის ელენე ხოშტარიას, მზია ამაღლობელის, მიხეილ სააკაშვილის, გიორგი ბარამიძისა და ნიკა მელიას; პოლიტიკურად მოტივირებულ „საბოტაჟის“ საქმეებზე ბრალდებების შეწყვეტას; იმ ნორმების გაუქმებას, რომლებიც აკრძალულ პარტიებთან დაკავშირებული პირებისა და პოლიტიკური ჯგუფების მიმართ არაპროპორციული შეზღუდვების დაწესების შესაძლებლობას იძლევა; კანონმდებლობისა და სახელმწიფო ინსტიტუტების პოლიტიკური ოპონენტების გასაჩუმებლად გამოყენების შეწყვეტას; ევროპული პოლიტიკური ფონდების (მათ შორის „კონრად ადენაუერისა“ და „ფრიდრიხ ნაუმანის“ ფონდების) საქმიანობისთვის ხელის შეშლის დასრულებას. დოკუმენტში აღნიშნულია, რომ საქართველოში ვითარება სულ უფრო უარესდება დემოკრატიის, მედიის თავისუფლების, ადამიანის უფლებებისა და კანონის უზენაესობის კუთხით. ევროპარლამენტი ავალებს თავის პრეზიდენტს, აღნიშნული რეზოლუცია გადასცეს ევროკავშირის საბჭოს, ევროკომისიას, უმაღლეს წარმომადგენელს, წევრ სახელმწიფოებსა და საქართველოს ხელისუფლებას.

1791459574

გაფართოების დოკუმენტზე, სადაც  საქართველო არ მოიხსენიება, დასმული კითხვის საპასუხოდ კობახიძემ თქვა, რომ საქართველო 1 000 ნაბიჯით უსწრებს მოლდოვას, უკრაინასაც და სხვა კანდიდატ ქვეყნებს. "დანარჩენი უკვე ჯანსაღი დამოკიდებულების ამბავია. თუ ევროკომისიას ჯანსაღი დამოკიდებულება ექნება საქართველოს მიმართ, შეუფერხებლად გაგრძელდება ქვეყნის ევროინტეგრაცია“,მისი თქმით დაველოდოთ მოვლენების განვითარებას, "გაცხადებული გვაქვს სურვილი და ნება, რომ გზას განვაგრძობთ ევროინტეგრაციის მიმართულებით. პირნათლად ვასრულებთ ჩვენს ვალდებულებებს".ევროკომისიამ წინა პოლიტიკას გადახედა, მიიღო გაფართოებისთვის მოსამზადებელი დოკუმენტები. საუბარია 4 კანდიდატზე (ალბანეთი, მოლდოვა, მონტენეგრო, უკრაინაზე), რომელთა საორიენტაციო საგზაო რუკებს წარადგენს.**„როგორც იცით, საქართველო მხოლოდ ქაღალდზეა კანდიდატი ქვეყანა. ვწუხვარ ამის გამო. ვისურვებდი, რომ საქართველოც, ქართველი ხალხის უდიდესი მხარდაჭერით, ყოფილიყო დღეს იმავე დონეზე, რაზეც მოლდოვა და უკრაინაა"

1791378660

ევროპარლამენტარმა აღნიშნა, რომ დიპლომატიური და ოფიციალური პასპორტების მფლობელებისთვის უვიზო რეჟიმის შეჩერებას მცირე ეფექტი ჰქონდა და დაინტერესდა, განიხილავს თუ არა ევროკომისია უვიზო მიმოსვლის უფრო ფართო შეჩერებას ან არსებობს თუ არა საბჭოში მიზანმიმართულ სანქციებზე შეთანხმების რეალური შანსი.მარტა კოსის განცხადებით, მომავალ კვირას ევროკავშირის საგარეო საქმეთა საბჭოს (FAC) შეხვედრაზე საქართველოსთან დაკავშირებით კონკრეტული დისკუსია გაიმართება.ევროკომისიამ უკვე მიიღო გაფართოებისთვის მოსამზადებელი დოკუმენტები, რომლებიც განსაზღვრავს პოლიტიკურ ორიენტირებსა და აუცილებელ ქმედებებს. 2026 წლის გაფართოების პაკეტის ფარგლებში საორიენტაციო საგზაო რუკები წარედგინება ოთხ კანდიდატ ქვეყანას - ალბანეთს, მოლდოვას, მონტენეგროსა და უკრაინას.გაფართოების საკითხებში ევროკომისარმა ხაზგასმით აღნიშნა, რომ საქართველო ამ ეტაპზე მხოლოდ ქაღალდზეა კანდიდატი ქვეყანა და ქვეყანაში მიმდინარე მოვლენები ასახული იქნება გაფართოების მომავალ ანგარიშში.

1791376796

შეხვედრას საქართველოს სხვადასხვა კუთხიდან 108 მონაწილე დაესწრო. მათ შორის, საქართველოს ტექნიკური უნივერსიტეტის სტუდენტები და აფხაზეთის ომის ვეტერანები.ნათია იოსელიანმა მონაწილეებს არჩევნებთან დაკავშირებული მნიშვნელოვანი საკითხები გააცნო. საუბარი შეეხო ამომრჩევლის როლსა და უფლებებს, საარჩევნო ელექტრონული ტექნოლოგიების უპირატესობებსა და დეზინფორმაციას, როგორც ერთ-ერთ მთავარ გამოწვევას საარჩევნო პროცესში.შეხვედრის ფარგლებში ცესკოს პრესსპიკერმა მონაწილეებს ასევე გააცნო საარჩევნო ადმინისტრაციის ჟურნალი „არჩევნები 360 გრადუსით“, რომელშიც სიღრმისეულადაა განხილული აქტუალური საარჩევნო საკითხები.შეხვედრა ინტერაქტიულ ფორმატში წარიმართა. მონაწილეებმა მათთვის საინტერესო საკითხებთან დაკავშირებით არაერთი კითხვა დასვეს და მათზე ამომწურავი პასუხები მიიღეს.აღსანიშნავია, რომ გომბორის მოხალისეთა მომზადების ცენტრში, ცენტრალური საარჩევნო კომისიის (ცესკო) მიერ გამართული საინფორმაციო შეხვედრების ფარგლებში, საარჩევნო საკითხებზე ინფორმაცია ჯამში 400-ზე მეტმა ადამიანმა მიიღო.საარჩევნო ადმინისტრაციისთვის მსგავსი საინფორმაციო შეხვედრების გამართვა მნიშვნელოვანია, რადგან ის ხელს უწყობს ამომრჩეველთა ინფორმირებულობის გაზრდას, საარჩევნო საკითხებზე ცნობიერების ამაღლებასა და მოქალაქეთა აქტიურ ჩართულობას საარჩევნო პროცესში.

1791277608

გოგა კიკილაშვილი  ყაველაშვილმა დანიშნა, სერგო მეთოფიშვილი - უზენაესი სასამართლოს პლენუმმა.პრეზიდენტის თქმით, საქართველოს კონსტიტუცია ქვეყნის მრავალსაუკუნოვან ისტორიულ გამოცდილებას, სახელმწიფოებრივ ტრადიციებსა და თავისუფლებისკენ სწრაფვას განასახიერებს და თითოეული მოქალაქის ფუნდამენტურ უფლებებსა და თავისუფლებას იცავს.მან გოგა კიკილაშვილსა და სერგო მეთოფიშვილს საქმიანობის დაწყება მიულოცა და პროფესიული წარმატება უსურვა.გოგა კიკილაშვილი იურიდიულ და აკადემიურ საქმიანობას ეწევა. მას დაცული აქვს ივანე ჯავახიშვილის სახ.  თსუ-ს სამართლის სადოქტორო პროგრამა, პროფესიული განათლება მიღებული აქვს გერმანიასა და შვედეთში.ის აკადემიურ საქმიანობას ეწეოდა სხვადასხვა უნივერსიტეტში.იყო იუსტიციის უმაღლესი სკოლის დამოუკიდებელი საბჭოს წევრი. 2023 წლიდან - საქართველოს იუსტიციის უმაღლესი საბჭოს არამოსამართლე წევრი.სერგო მეთოფიშვილის კარიერა 2009 წელს დაიწყო. საქმიანობდა რაიონულ და თბილისის საქალაქო სასამართლოებში. 2016 წელს ის იუსტიციის უმაღლესი საბჭოს წევრად აირჩიეს. საკონსტიტუციო სასამართლოში დანიშვნამდე კი თბილისის სააპელაციო სასამართლოს საგამოძიებო კოლეგიის მოსამართლის უფლებამოსილებას ახორციელებდა.საკონსტიტუციო სასამართლო 10 წლის ვადით განწესებული 9 მოსამართლისგან შედგება. სამს ნიშნავსპრეზიდენტი, სამს ირჩევს პარლამენტი და სამს უზენაესი სასამართლო.ფიცის დადების ცერემონიას საკონსტიტუციო სასამართლოს მოსამართლეები, აჭარის ავტონომიური რესპუბლიკის მთავრობისა და უმაღლესი საბჭოს თავმჯდომარეები და ბათუმის მერი ესწრებოდნენ.

1791203940