ასევე შეგახსენებთ, რომ 06:45 საათიდან იმუშავებს ცესკოს კონტაქტ - ჰაბი 2 51-00-51.საინფორმაციო ბრიფინგების განრიგი:09:00 სთ15:00 სთ21:00 სთბრიფინგების განრიგი საჭიროების შემთხვევაში შეიძლება შეიცვალოს.

1790947757

„ამომრჩევლები აღნიშნული მუნიციპალიტეტების საკრებულოების 4 მაჟორიტარ წევრს აირჩევენ. შუალედური არჩევნებისთვის ოთხივე საარჩევნო ოლქში ჯამში შვიდი საარჩევნო უბანი გაიხსნა, მათ შორის ოთხი წალკაში. აქვე შეგახსენებთ, რომ საარჩევნო უბნები გახსნილია ახმეტაში - სოფელ კასრისწყალში, დმანისში - სოფ. ველისპირსა და სოფ. განახლებას შორის, წალკაში სოფლებში - იმერაში, ბარეთში, საბეჭისსა და ლივადში, ვანში -სოფელ ფერეთაში. გამოყენებული იქნება როგორც ელექტრონული, ისე ტრადიციული კენჭისყრის მოდელი.წალკის 3 საარჩევნო უბანზე და ვანის საარჩევნო უბანზე გამოყენებული იქნება ელექტრონული ვერიფიკაციისა და ხმის მთვლელი აპარატები.ამომრჩეველთა საერთო რაოდენობა 2 225-ს შეადგენს.  გადასატანი ყუთის მოთხოვნით საარჩევნო ადმინისტრაციას 50 - მა ამომრჩეველმა მომართა.არჩევნებისთვის რეგისტრირებულია 2 პოლიტიკური პარტიის მიერ წარდგენილი მაჟორიტარობის 7 კანდიდატი.  დმანისში, წალკასა და ვანში რეგისტრირებული არიან კანდიდატები საარჩევნო სუბიექტებიდან „ქართული ოცნება“ და „ძლიერი საქართველო - ლელო“, ხოლო ახმეტაში რეგისტრირებულია მხოლოდ „ქართული ოცნების“ კანდიდატი.აღსანიშნავია, რომ საარჩევნო პროცესს დააკვირდება 7 ადგილობრივი ორგანიზაციის 56 დამკვირვებელი, ხოლო პროცესს გააშუქებს 8 მედია ორგანიზაციის 187 წარმომადგენელი.აქვე შეგახსენებთ საარჩევნო პროცედურებს - კენჭისყრა იმართება დილის 08:00 საათიდან საღამოს 20:00 საათამდე. საარჩევნო უბანზე მისვლისას ამომრჩეველმა თან უნდა იქონიოს საქართველოს მოქალაქის პირადობის მოწმობა ან საქართველოს მოქალაქის პასპორტი. იმ საარჩევნო უბნებზე, სადაც კენჭისყრა ელექტრონული საშუალებების გამოყენებით ტარდება, საარჩევნო ბიულეტენთან ერთად, რეგისტრატორი ამომრჩეველს გადასცემს შესაბამისი ფორმის სპეციალურ, შესაბამის ჩარჩო-კონვერტს. ელექტრონულ უბანზე მისულმა ამომრჩეველმა სპეციალური მარკერით უნდა გააფერადოს/მონიშნოს მისთვის სასურველი მხოლოდ ერთი კანდიდატის წინ არსებული წრის შიდა სივრცე და სპეციალური ჩარჩო-კონვერტის გამოყენებით ბიულეტენი მოათავსოს ხმის მთვლელ აპარატში ჭრილის საფარის ქვეშ.ხმის მთვლელი აპარატი ავტომატურ რეჟიმში ითვლის ხმებს და კენჭისყრის დასრულების შემდეგ, სავალდებულო პროცედურების განხორციელებისთანავე ბეჭდავს კენჭისყრის წინასწარი შედეგების შესახებ ამონაწერს, რომელიც პლანშეტის საშუალებით გამოიგზავნება ცესკოში. მონაცემები ამავდროულად ხელმისაწვდომი იქნება ნებისმიერი დაინტერესებული პირისთვის ვებგვერდზე results.cec.gov.ge.3 საარჩევნო უბანზე, კენჭისყრა ტრადიციული წესით ჩატარდება, თუმცა აღნიშნულ უბნებზე საარჩევნო ბიულეტენები დასკანერდება და გაციფრულდება, შესაბამის უსაფრთხო პლატფორმაზე აიტვირთება და ხელმისაწვდომი იქნება ყველა დაინტერესებული მხარისთვის.ხმის მიცემა ფარულია. კაბინაში ფოტო და ვიდეოგადაღება აკრძალულია.აქვე შეგახსენებთ, რომ დღის განმავლობაში იმუშავებს ცესკოს კონტაქტ-ჰაბი - 2 51 00 51. ასევე მუდმივ რეჟიმში იმუშავებს მედიაცენტრი, სადაც მედიას და საარჩევნო პროცესებში ჩართულ მხარეებს საშუალება ექნებათ მიიღონ ინფორმაცია მათთვის საინტერესო საკითხებზე“, - განაცხადა ნათია იოსელიანმა.

1790935019

საარჩევნო საკითხებთან დაკავშირებით უფროსი თაობის ადამიანების გამოცდილების, რეკომენდაციების და მოსაზრებების მოსმენას სარჩევნო ადმინისტრაცია განსაკუთრებულ ყურადღებას უთმობს. სწორედ ამ მნიშვნელობის და პატივისცემის ხაზგასმა, ასევე ხანდაზმული ამომრჩევლების ინფორმირებულობა, საარჩევნო პროცესში მათი მონაწილეობის ხელშეწყობა და სერვისების გაცნობა იყო იმ აქტივობების მიზანი, რომელიც დღეს საარჩევნო ადმინისტრაციამ ხანდაზმულთა საერთაშორისო დღის აღსანიშნავად განახორციელა.ამ დღის აღსანიშნავად ცენტრალური საარჩევნო კომისიის (ცესკო) თავმჯდომარე გიორგი კალანდარიშვილი, ცესკოს პრესსპიკერთან ნათია იოსელიანთან და ადმინისტრაციის თანამშრომლებთან ერთად, თბილისში, საერთაშორისო ჰუმანიტარულ კავშირ „კათარზისს“ ეწვია და მათ სიმბოლური საჩუქრები გადასცა. შეხვედრისას გიორგი კალანდარიშვილი ორგანიზაციის ბენეფიციარებს არჩევნებთან დაკავშირებულ მნიშვნელოვან საკითხებზე ესაუბრა, მოისმინა მათი მოსაზრებები და არჩევნებში მონაწილეობის გამოცდილება.გარდა ამისა, ხანდაზმულთა საერთაშორისო დღის აღსანიშნავად, ცესკოს თავმჯდომარე გიორგი კალანდარიშვილი, თავმჯდომარის მოადგილე გიორგი შარაბიძე და ცესკოს პრესსპიკერი ნათია იოსელიანი თბილისში და სოფელ წეროვანში მცხოვრებ ხანდაზმულ ამომრჩევლებს, 97 წლის თინა გიორგობიანს და 101 წლის ლევან ჯაშს ეწვივნენ, მათ ეს დღე მიულოცეს და პატივისცემის ნიშნად, საარჩევნო ადმინისტრაციის სახელით სამახსოვრო დოკუმენტი და სიმბოლური საჩუქრები გადასცეს. წეროვანში ლევან ჯაშთან გამართულ შეხვედრას მცხეთის საოლქო საარჩევნო კომისიის თავმჯდომარე რობერტ აზარაშვილიც ესწრებოდა.ამასთანავე, ხანდაზმულთა საერთაშორისო დღესთან დაკავშირებით, ქობულეთის მუნიციპალიტეტში მცხოვრებ ერთ-ერთ უხუცეს ამომრჩეველს, 100 წლის თამარ გორჯელაძეს ესტუმრნენ აჭარის ავტონომიური რესპუბლიკის უმაღლესი საარჩევნო კომისიის თავმჯდომარე პაატა კეშელავა, თავმჯდომარის მოადგილე ნოდარ მელაძე და ქობულეთის საოლქო საარჩევნო კომისიის თავმჯდომარე გელა ხახნელიძე. საარჩევნო ადმინისტრაციის წარმომადგენლებმა თამარ გორჯელაძეს, როგორც აჭარის ავტონომიური რესპუბლიკის ტერიტორიაზე რეგისტრირებულ ერთ-ერთ უხუცეს ამომრჩეველს, სამახსოვრო სიგელი გადასცეს. ასევე გააცნეს საარჩევნო ადმინისტრაციის მიერ დანერგილი სიახლეები და ამომრჩევლებისთვის ხელმისაწვდომი სერვისები.ამომრჩეველთა  სხვადასხვა ასაკობრივ ჯგუფთან კომუნიკაცია და მათ აქტიურ ჩართულობაზე ზრუნვა იყო და რჩება საარჩევნო ადმინისტრაციის ერთ-ერთ მთავარ პრიორიტეტად.

1790861093

დონაციის აქცია შ.პ.ს. ,,ნატალია კვანტალიანის სახელობის სისხლის ცენტრალურ ბანკთან“ თანამშრომლობით გაიმართა, რომელიც თბილისსა და რეგიონებში 80-მდე კლინიკას ამარაგებს.სისხლის დონაციის აქციაში საარჩევნო ადმინისტრაციის თანამშრომლები მრავალი წელია მუდმივად მონაწილეობენ და სხვადასხვა სისხლის ბანკთან თანამშრომლობით ხელს უწყობენ სისხლის ბანკის მარაგის შევსებას.

1790851034

საარჩევნო ელექტრონული ტექნოლოგიები ცესკოს ლოგისტიკის გუნდმა, წინასწარ განსაზღვრული გრაფიკის შესაბამისად საოლქო საარჩევნო კომისიებს უკვე გადასცა. თავის მხრივ, საოლქო საარჩევნო კომისიები ტექნოლოგიურ საშუალებებს შესაბამის საუბნო საარჩევნო კომისიებს კენჭისყრის წინა დღეს გადასცემენ.3 ოქტომბრის შუალედური არჩევნებისთვის ჯამში 7 საარჩევნო უბანი გაიხსნება. მათგან 4 უბანზე გამოყენებული იქნება ამომრჩეველთა ელექტრონული ვერიფიკაციისა და ხმის დათვლის აპარატები.

1790759005

სწავლების ცენტრის ტრენერებმა, სპეციალურად შემუშავებული სატრენინგო პროგრამის ფარგლებში, ჯამში 30 სატრენინგო სესია ჩაატარეს, რომლის ფარგლებშიც საუბნო საარჩევნო კომისიების ხელმძღვანელი პირები და წევრები დეტალურად გაეცნენ კენჭისყრის დღის პროცედურებს, ამომრჩევლებისთვის სხვადასხვა სახის სერვისების მიწოდებისა და ინკლუზიური საარჩევნო გარემოს უზრუნველყოფის საკითხებს.აღსანიშნავია, რომ N25 წალკისა და N53 ვანის საოლქო საარჩევნო კომისიების ქვემდებარე ოთხი საუბნო საარჩევნო კომისიის წევრებმა ხუთ ეტაპად გაიარეს სწავლება ელექტრონული აპარატების გამოყენებით კენჭისყრის წარმართვის პროცედურებთან დაკავშირებით.N18 ახმეტის, N24 დმანისისა და N25 წალკის საოლქო საარჩევნო კომისიების ქვემდებარე სამი საუბნო საარჩევნო კომისიის წევრებისთვის კი ტრენინგები ოთხ ეტაპად, ელექტრონული აპარატების გამოყენების გარეშე კენჭისყრის პროცედურებზე ჩატარდა.განსაკუთრებული ყურადღება დაეთმო საარჩევნო ადმინისტრატორების როლსა და პასუხისმგებლობას ამომრჩევლის ნების თავისუფლად გამოვლენის, ხმის მიცემის ფარულობის, დაკვირვების ხელმისაწვდომობისა და პერსონალური მონაცემების დაცვის უზრუნველყოფის მიმართულებით.სწავლება პრაქტიკულ კომპონენტებსაც მოიცავდა. ტრენინგების მონაწილეებმა მიიღეს პრაქტიკული ინსტრუქტაჟი ამომრჩევლებთან კომუნიკაციისა და ხმის მიცემის პროცედურებთან დაკავშირებული ინფორმაციის მიწოდების შესახებ. არჩევნებისთვის მოსამზადებელი სამუშაოების ფარგლებში, სწავლების ცენტრმა ცესკოსთან თანამშრომლობით საინფორმაციო-სასწავლო პროექტი ასევე განახორციელა წალკის, ვანის, ახმეტის და დმანისის საოლქო საარჩევნო კომისიების სრული შემადგენლობებისთვის.აღნიშნული პროექტის ფარგლებში საოლქო საარჩევნო კომისიების წევრებმა განიხილეს საკანონმდებლო ცვლილებები, კანონმდებლობის ერთგვაროვანი გამოყენების საკითხები, საარჩევნო დავების გადაწყვეტისა და ქვემდგომი საუბნო საარჩევნო კომისიების საქმიანობის ზედამხედველობის მექანიზმები.ამასთან, 3 ოქტომბრის არჩევნებისთვის ცესკომ და სწავლების ცენტრმა სხვადასხვა სახის საინფორმაციო-სასწავლო რესურსებიც მოამზადა. რესურსები მოიცავს ინფორმაციას საარჩევნო ადმინისტრატორებისა და საარჩევნო უბნებზე ყოფნის უფლების მქონე პირების უფლებებისა და ვალდებულებების, ეთიკის სტანდარტებისა და საქმიანობის პრაქტიკული საკითხების შესახებ.საინფორმაციო-სასწავლო რესურსები ხელს უწყობს კენჭისყრის პროცესის ორგანიზებულად წარმართვას, საარჩევნო ადმინისტრატორების პროფესიული საქმიანობის მხარდაჭერას და ამომრჩეველზე ორიენტირებული საარჩევნო გარემოს უზრუნველყოფას.

1790683563

ეთიკის კოდექსზე ხელმოწერით კომისიის წევრები თანხმდებიან, რომ საკუთარი ფუნქციების შესრულებისას იმოქმედებენ მასში გაწერილი პრინციპების შესაბამისად, რაც გულისხმობს კანონის პატივისცემას, პოლიტიკური ნეიტრალიტეტის დაცვას, საკუთარი საქმიანობის კეთილსინდისიერად, დამოუკიდებლად, მიუკერძოებლად, ობიექტურად და გამჭვირვალედ წარმართვას. ასევე, პროფესიონალიზმის მაღალ სტანდარტს და კოლეგიალობას.აღსანიშნავია, რომ საარჩევნო ადმინისტრაციის ყველა დონის საარჩევნო კომისიის წევრები უკვე წლებია არჩევნების დანიშვნის შემდგომ ხელს აწერენ ეთიკის კოდექსს.ეთიკის კოდექსზე ხელმოწერა რამდენიმე ეტაპად განხორციელდება, დღეს კოდექსს ხელი ცესკოს წევრებმა მოაწერეს, შემდეგ ეტაპზე კი აღნიშნულ დოკუმენტს ხელს მოაწერენ საოლქო და საუბნო საარჩევნო კომისიების წევრები.შეგახსენებთ, რომ 3 ოქტომბერს ამომრჩევლები ახმეტის, ვანის, წალკისა და დმანისის მუნიციპალიტეტების საკრებულოების 4 მაჟორიტარ წევრს აირჩევენ.

1790606828

როგორც სააგენტო „რეპორტი“ აზერბაიჯანის საგარეო უწყებაზე დაყრდნობით წერს, სამინისტრომ ასევე მიუღებლად მიიჩნია ქვეყნის ტერიტორიაზე არსებული გეოგრაფიული და ისტორიული ტოპონიმებისთვის სხვა სახელწოდებების გამოყენება.„აზერბაიჯანი ყოველთვის პატივს სცემდა საქართველოს ტერიტორიულ მთლიანობასა და სუვერენიტეტს. საქართველოს მხრიდან აზერბაიჯანის ტერიტორიული მთლიანობისა და სუვერენიტეტისადმი იგივე დამოკიდებულება ჩვენს ქვეყნებს შორის სტრატეგიული პარტნიორობის ერთ-ერთი უმნიშვნელოვანესი საფუძველია. სწორედ ამიტომ გაუგებარია საქართველოს საპატრიარქოს პოზიცია, რომელიც აზერბაიჯანთან მიმართებით ტერიტორიულ პრეტენზიებს შეიცავს“, – ნათქვამია განცხადებაში.აზერბაიჯანის საგარეო საქმეთა სამინისტროში ხაზგასმით აღნიშნეს, რომ რელიგიურმა ორგანიზაციებმა თავი უნდა აარიდონ ისეთ მიდგომებს, რომლებმაც შესაძლოა ზიანი მიაყენოს აზერბაიჯანისა და საქართველოს ხალხებს შორის საუკუნეების განმავლობაში ჩამოყალიბებულ მეგობრობასა და კეთილმეზობლობას.„ამასთან დაკავშირებით, საქართველოს საპატრიარქოს არ ვურჩევთ, გაიმეოროს სომხური ეკლესიისთვის ცნობილი მიდგომები და მის მაგალითს მიჰყვეს. აზერბაიჯანის ტერიტორიაზე არსებული ყველა ისტორიული, კულტურული და რელიგიური ძეგლი აზერბაიჯანელი ხალხისა და სახელმწიფოს ეროვნული მემკვიდრეობის განუყოფელი ნაწილია“, – განაცხადეს უწყებაში.საქართველოს საპატრიარქომ ქურმუხის წმინდა გიორგის ტაძარში და მის მიმდებარე ტერიტორიაზე მიმდინარე სამუშაოებთან დაკავშირებით განცხადება 24 სექტემბერს გაავრცელა. საპატრიარქოს განცხადებით, ტაძარი დღეს აზერბაიჯანის ტერიტორიაზე მდებარეობს, თუმცა ის საქართველოსა და ეკლესიის ისტორიული და სულიერი მემკვიდრეობის მნიშვნელოვანი ძეგლია.საპატრიარქოს თქმით, მას აზერბაიჯანის შესაბამისი სახელმწიფო უწყებებისგან სამუშაოების შესახებ ინფორმაცია არ მიუღია. უწყებაში ასევე აღნიშნეს, რომ კითხვებს აჩენს როგორც სამუშაოების მიზნები, ისე ქართული კულტურული მემკვიდრეობის ძეგლის ქართულ მხარესთან შეუთანხმებელი რეაბილიტაცია.საპატრიარქო მიიჩნევს, რომ აუცილებელია დადგინდეს, რა სახის სამუშაოები მიმდინარეობს ტაძრის ტერიტორიაზე, რა კვლევებს ეფუძნება ისინი და ვინ ახორციელებს მათ. ამასთან, საპატრიარქომ საქართველოს შესაბამის სახელმწიფო უწყებებს პროცესში ჩართვისა და საკითხზე სათანადო რეაგირებისკენ მოუწოდა.

1790336813

ვანის, ახმეტის, დმანისისა და წალკის საუბნო საარჩევნო კომისიებისთვის განკუთვნილი ბიულეტენები თბილისში, შპს „ფავორიტ სტილში“ დაიბეჭდა.სულ დაიბეჭდა 2 450 საარჩევნო ბიულეტენი, საიდანაც 1 750 ბიულეტენი განკუთვნილია იმ საარჩევნო უბნებისთვის, სადაც კენჭისყრა ელექტრონული ტექნოლოგიების გამოყენებით ჩატარდება, ხოლო 700 ბიულეტენი იმ უბნებისთვის, სადაც კენჭისყრა ტრადიციული მეთოდით გაიმართება.საარჩევნო ბიულეტენების ბეჭდვის პროცესს ცესკოს პრესსპიკერი ნათია იოსელიანი ადგილზე გაეცნო. მისი განცხადებით, ბიულეტენები შესაბამისი სტანდარტების სრული დაცვით დაიბეჭდა.ბიულეტენების ბეჭდვის პროცესს სტამბაში მონიტორინგს უწევდა ცენტრალური საარჩევნო კომისიის (ცესკო) საფინანსო დეპარტამენტი, ხოლო საარჩევნო პროცესების მართვის დეპარტამენტის, საარჩევნო ტექნოლოგიების უზრუნველყოფის გუნდმა ბიულეტენების ხმის მთვლელ ელექტრონულ აპარატებთან თავსებადობა შეამოწმა.ცენტრალური საარჩევნო კომისია აღნიშნულ ბიულეტენებს კანონით განსაზღვრულ ვადებში შესაბამის საოლქო საარჩევნო კომისიებს გადასცემს.(R)

1790241591

უკრაინის გენერალური პროკურატურის ინფორმაციით, 21 სექტემბერს საქართველოდან უკრაინაში ექსტრადირებულ პირს ედავებიან სამხედრო ვალდებულების მქონე პირების სახელმწიფო საზღვარზე უკანონოდ გადაყვანის ორგანიზებას.გამოძიების ინფორმაციით, 2022 წლის ნოემბრიდან 2023 წლის აგვისტომდე დანაშაულებრივი ორგანიზაციის წევრებმა უკრაინის სახელმწიფო საზღვრის უკანონოდ გადაკვეთა დაახლოებით 40 პირს მოუწყვეს.გამოძიების ვერსიით, გაწვევის ასაკის მამაკაცების უკრაინიდან უკანონოდ გაყვანისთვის სქემის მონაწილეები თითოეულ ადამიანზე 1 400-დან 5 000 დოლარამდე იღებდნენ.უკრაინის გენერალური პროკურატურის ცნობით, ეჭვმიტანილი დანაშაულებრივი ორგანიზაციის აქტიური წევრი იყო და მოქმედებდა ანგარების მოტივით. მას ბრალად ედება დანაშაულებრივ ორგანიზაციაში მონაწილეობა, განსაკუთრებული პერიოდის განმავლობაში უკრაინის შეიარაღებული ძალებისა და სხვა სამხედრო ფორმირებების კანონიერი საქმიანობისთვის ხელის შეშლა, ასევე პირების უკრაინის სახელმწიფო საზღვარზე უკანონოდ გადაყვანა.დანაშაულებრივი საქმიანობის გამოვლენის შემდეგ მამაკაცმა უკრაინა დატოვა და საერთაშორისო ძებნაში გამოცხადდა.შემდგომში ის საქართველოს შესაბამისმა ორგანოებმა დააკავეს. საჭირო საექსტრადიციო პროცედურების დასრულების შემდეგ მისი უკრაინისთვის გადაცემის გადაწყვეტილება მიიღეს.როგორც „უკრაინსკა პრავდას“ უკრაინის გენერალურ პროკურატურაში განუცხადეს, პროკურორების შუამდგომლობის საფუძველზე სასამართლომ ეჭვმიტანილს აღკვეთის ღონისძიების სახით პატიმრობა შეუფარდა, გირაოს განსაზღვრის გარეშე.გენერალური პროკურატურის განცხადებით, ეს 2026 წელს უკრაინაში მოქალაქეების სახელმწიფო საზღვარზე უკანონოდ გადაყვანასთან დაკავშირებულ დანაშაულებში ძებნილი პირის მე-10 ექსტრადიციაა.მანამდე მსგავსი ბრალდებით ძებნილი პირების ექსტრადიცია განხორციელდა პოლონეთიდან, გერმანიიდან, ჩეხეთიდან, რუმინეთიდან და მოლდოვის რესპუბლიკიდან.წინასასამართლო გამოძიებას უკრაინის უსაფრთხოების სამსახურის მთავარი საგამოძიებო სამმართველო აწარმოებს.

1790151656