თბილისი (GBC) – Apple-მა განაცხადა, რომ მრავალმილიარდიანი ხელშეკრულება დადო კომპანია Broadcom-თან.
კომპანიაში აცხადებენ, რომ აღნიშნული ხელშეკრულების პირობებში Apple გამოიყენებს უფრო მეტ ამერიკული წარმოების ნაწილებს.
მრავალწლიანი შეთანხმების თანახმად, ორი ამერიკული კომპანია შექმნის და განავითარებს კომპონენტებს 5G ტექნოლოგიისთვის.
Apple-ში განაცხადეს, რომ ეს იმ გეგმის ნაწილია, რომელიც მათ 2021 წელს დააანონსეს. აღნიშნული გეგმა მოიცავს აშშ-ის ეკონომიკაში 430 მილიარდი დოლარის ინვესტიციას.
BBC წერს, რომ აღნიშნული გადაწყვეტილება გამოიწვია ვაშინგტონსა და პეკინს შორის სავაჭრო დაპირისპირებამ, რომელიც ორიენტირებულია ტექნოლოგიურ ინდუსტრიაზე.