აშშ-ისგან თვეში Patriot-ის 12 რაკეტას ვიღებთ, მოგერიება კი 150-ის გვიწევს - ზელენსკი

რენატ ბექტუროვის შეფასებით, სამიტი მნიშვნელოვანი საერთაშორისო პლატფორმაა ფინანსური სექტორის წარმომადგენლებს, პოლიტიკის შემქმნელებსა და ბიზნესს შორის დიალოგისთვის, განსაკუთრებით ფინანსური ტექნოლოგიების, ხელოვნური ინტელექტისა და ფინანსური პროდუქტების განვითარების საკითხებზე. მისივე თქმით, მსგავსი საერთაშორისო ღონისძიებები ხელს უწყობს საქართველოს შესაძლებლობების წარმოჩენას, საერთაშორისო პარტნიორების მოზიდვასა და ქვეყნის ფინანსური სექტორის განვითარების შესახებ დიალოგის გაღრმავებას.„ვინაიდან საქართველო აღმოსავლეთსა და დასავლეთს შორის მდებარეობს, ის ბიზნესებს შორის მნიშვნელოვან დამაკავშირებელ წერტილს წარმოადგენს. მნიშვნელოვანია, რომ საერთაშორისო მონაწილეები თავად ჩამოვიდნენ საქართველოში, გაეცნონ ქვეყნის შესაძლებლობებს და შეხვდნენ გადაწყვეტილების მიმღებ პირებს", – განაცხადა რენატ ბექტუროვმა.AIFC-ის მმართველის განცხადებით, საქართველოსთან თანამშრომლობის ერთ-ერთი მნიშვნელოვანი მიმართულებაა შუა დერეფნის განვითარება, რასაც თან უნდა ახლდეს ფინანსური კავშირების გაძლიერება. მისი შეფასებით, ამ პროცესში მნიშვნელოვან როლს შეასრულებენ როგორც ფინტექკომპანიები, ისე ტრადიციული საბანკო სექტორი.რენატ ბექტუროვმა ასევე ყურადღება გაამახვილა კაპიტალის ბაზრების განვითარებაზე, რომელიც ხელს უწყობს ადგილობრივი და საერთაშორისო ფინანსური რესურსების მობილიზებას ეკონომიკური ზრდისთვის.მისივე თქმით, ასტანას საერთაშორისო ფინანსურ ცენტრსა და საქართველოს ეროვნულ ბანკს შორის გაფორმებული ურთიერთთანამშრომლობის მემორანდუმი თანამშრომლობის გაღრმავების მნიშვნელოვანი საფუძველია. მხარეები ერთობლივად იმუშავებენ ლიცენზირებული სუბიექტებისთვის ორმხრივი წვდომის პროექტზე, რაც ხელს შეუწყობს ცენტრალურ აზიასა და სამხრეთ კავკასიას შორის ფინანსური კავშირების გაძლიერებას.AIFC - ასტანას საერთაშორისო ფინანსური ცენტრი ყაზახეთში, ასტანაში დაფუძნებული საერთაშორისო ფინანსური პლატფორმაა, რომლის მიზანია ქვეყანაში და რეგიონში ინვესტიციების მოზიდვის ხელშეწყობა, კაპიტალის ბაზრის განვითარება და ფინანსური მომსახურების სექტორის გაძლიერება. ცენტრი აერთიანებს ფინანსურ ინსტიტუტებს, საინვესტიციო კომპანიებსა და სხვა მონაწილეებს და ხელს უწყობს საერთაშორისო ფინანსურ ბაზრებთან კავშირების გაღრმავებას.

1793180988

დისკუსიის მონაწილეებმა განიხილეს გადახდების ინფრასტრუქტურის განვითარება, ტრანსსასაზღვრო ფინანსური მომსახურების გაუმჯობესება და რეგიონში ფინანსური ბაზრების დაკავშირების შესაძლებლობები.ნინო ჯელაძის განცხადებით, საქართველოს ეროვნული ბანკისთვის ფინანსური ინოვაციების ხელშეწყობა, გადახდების სისტემების მოდერნიზება და მათი ურთიერთთავსებადობის უზრუნველყოფა მნიშვნელოვანი პრიორიტეტებია. ვიცე-პრეზიდენტმა ყურადღება გაამახვილა ეროვნული ბანკის მიერ გადახდების ინფრასტრუქტურის განვითარების მიმართულებით გადადგმულ ნაბიჯებზე, მათ შორის, რეალურ დროში ანგარიშსწორების სისტემის (RTGS) მოდერნიზაციასა და მყისიერი გადახდების სისტემის განვითარებაზე.“ინოვაციების განვითარება უნდა ეფუძნებოდეს მკაფიო და პროგნოზირებად მარეგულირებელ ჩარჩოს, რომელიც მომხმარებელთა ინტერესების დაცვასა და ფინანსური სისტემის მდგრადობას უზრუნველყოფს” – აღნიშნა ნინო ჯელაძემ.ნინო ჯელაძემ ასევე ისაუბრა ტრანსსასაზღვრო გადახდების მიმართულებით რეგიონული თანამშრომლობის მნიშვნელობაზე. მისი თქმით, შუა დერეფნის გასწვრივ მზარდი სავაჭრო და ეკონომიკური კავშირები ქმნის უფრო სწრაფი, ეფექტიანი და ხელმისაწვდომი ფინანსური მომსახურების საჭიროებას. ამ პროცესში მნიშვნელოვანია ცენტრალურ ბანკებს შორის თანამშრომლობა, ტექნიკური სტანდარტებისა და მარეგულირებელი მიდგომების დაახლოება.ვიცე-პრეზიდენტმა ყურადღება გაამახვილა ციფრული აქტივებისა და სტეიბლკოინების პოტენციალზეც, რომლებსაც ტრანსსასაზღვრო ანგარიშსწორების დაჩქარებისა და ტრანზაქციების ხარჯების შემცირების შესაძლებლობა აქვთ. ამასთან, მათი განვითარებისთვის აუცილებელია შესაბამისი მარეგულირებელი ჩარჩო, გამჭვირვალობა და მომხმარებელთა უფლებების დაცვა.„საქართველოს აქვს შესაძლებლობა, გამოიყენოს თავისი სტრატეგიული მდებარეობა, რეგიონული პარტნიორობა და თანამედროვე ფინანსური ინფრასტრუქტურა, რათა შუა დერეფნის გასწვრივ ფინანსური ბაზრების დაკავშირებაში მნიშვნელოვანი როლი შეასრულოს. ჩვენი მიზანია, შევქმნათ გარემო, სადაც ფინანსურ ტექნოლოგიურ კომპანიებს ექნებათ საჭირო ინფრასტრუქტურა, ხოლო საერთაშორისო ინვესტორებსა და ფინანსურ ინსტიტუტებს - ნდობა გამჭვირვალე, უსაფრთხო და პროგნოზირებადი მარეგულირებელი ჩარჩოს მიმართ“, - აღნიშნა ნინო ჯელაძემ.მისივე განცხადებით, ფინანსური ინოვაციების განვითარებისთვის მნიშვნელოვანია კერძო სექტორთან მჭიდრო თანამშრომლობა, რაც ხელს შეუწყობს კონკურენციის გაძლიერებას, ფინანსური მომსახურების ხელმისაწვდომობის ზრდასა და რეგიონული ფინანსური კავშირების განვითარებას.პანელურ დისკუსიაში ნინო ჯელაძესთან ერთად მონაწილეობდნენ Ant International-ის უფროსი ვიცე-პრეზიდენტი და მდგრადი განვითარების მთავარი ოფიცერი ლეიმინგ ჩენი და Neo Georgian Bank-ის სამეთვალყურეო საბჭოს დამოუკიდებელი წევრი თამარ ტყეშელაშვილი. დისკუსიას მოდერაციას უწევდა Global Finance & Technology Network-ის (GFTN) წარმომადგენელი პატ პატელი.„თბილისის ფინანსური სამიტი“ საქართველოს ეროვნული ბანკის, საქართველოს ეკონომიკისა და მდგრადი განვითარების სამინისტროსა და Global Finance & Technology Network-ის (GFTN) თანამშრომლობით იმართება და ფინანსური ტექნოლოგიების, ინოვაციებისა და რეგიონული თანამშრომლობის საკითხებზე საერთაშორისო დიალოგის მნიშვნელოვან პლატფორმას წარმოადგენს.

1793172729

შეხვედრების ფარგლებში განხილულ იქნა რეგიონული სტრუქტურული დანაყოფების საქმიანობის ძირითადი მიმართულებები და მიმდინარე სამუშაო პროცესთან დაკავშირებული საკითხები. საგამოძიებო სამსახურის უფროსმა ყურადღება გაამახვილა ქვეყნის ეკონომიკური ინტერესების დაცვისა და საფინანსო-ეკონომიკური დანაშაულის წინააღმდეგ ბრძოლის მნიშვნელობაზე. მერაბ გამყრელიძემ ხაზი გაუსვა რეგიონში დანაშაულის პრევენციის, გამოვლენისა და გამოძიების მიმართულებით ეფექტიანი ღონისძიებების გატარებას, პროფესიული პასუხისმგებლობის მაღალ სტანდარტსა და დაკისრებული მოვალეობების სათანადოდ შესრულებას.„რეგიონულ დანაყოფებში სამუშაო შეხვედრების მიზანია არსებული მდგომარეობის შეფასება, თანამშრომელთა წინაშე არსებული საკითხების განხილვა და საქმიანობის გაუმჯობესების კონკრეტული მიმართულებების განსაზღვრა. მნიშვნელოვანია, თითოეულმა სტრუქტურულმა ერთეულმა უზრუნველყოს დაკისრებული ფუნქციების ეფექტიანი შესრულება, პროფესიული პასუხისმგებლობის მაღალი სტანდარტის დაცვა და სამსახურის წინაშე დასახული ამოცანების შედეგზე ორიენტირებულად განხორციელება“, – განაცხადა მერაბ გამყრელიძემ.საგამოძიებო სამსახურის უფროსმა თანამშრომლებს გაწეული საქმიანობისთვის მადლობა გადაუხადა და მათ შესაბამისი დავალებები მისცა.შეხვედრებს ფინანსთა სამინისტროს საგამოძიებო სამსახურის საგამოძიებო დეპარტამენტის უფროსი კობა კოპალიანი მოადგილესთან, დავით სადაღაშვილთან ერთად ესწრებოდა.

1793170404

უცხო ქვეყნის მოქალაქეების, როგორც ფიზიკური, ასევე კუთვნილი ბარგისა და მათი მართვის ქვეშ არსებული ავტოსატრანსპორტო საშუალებების დეტალური დათვალიერების შედეგად ჯამში - 696 გრამი ოქროს ნაკეთობები აღმოაჩინეს.აღნიშნული არადეკლარირებული ოქროს საერთო საბაჟო ღირებულებამ - 166 681 ლარი შეადგინა.3 მოქალაქის საქმის მასალები საქართველოს ფინანსთა სამინისტროს საგამოძიებო სამსახურს გადაეცა, ხოლო 5 კანონდამრღვევი მოქალაქე საქართველოს საბაჟო კოდექსის 168-ე მუხლის I ნაწილის შესაბამისად სანქციის სახით ჯამში - 44 305 ლარით დაჯარიმდა.

1793170072

აღნიშნული შეთანხმება მიზნად ისახავს საქართველოში American Express-ის ბარათების მიღების ქსელის შემდგომ გაფართოებას და ხაზს უსვამს თიბისის ერთგულებას, გაზარდოს მარტივი, მოსახერხებელი და უსაფრთხო გადახდის შესაძლებლობა, მომხმარებლებისა და ბიზნესებისთვის. ბარათების მფლობელებისთვის: American Express-ის ადგილობრივი და საერთაშორისო ბარათების მფლობელები შეძლებენ თავიანთი ბარათების გამოყენებას უფრო ფართო სავაჭრო ქსელში, როგორც ფიზიკურ ობიექტებში, ისე ონლაინ, რაც მათ გადახდის მეტ მოქნილობას სთავაზობს. ბიზნესებისთვის: თიბისის საშუალებით, სავაჭრო ობიექტები შეძლებენ, მოემსახურონ American Express-ის, როგორც ადგილობრივი ბარათების, ისე - საერთაშორისო ბარათების მფლობელებს, რომლებიც საქართველოში მოგზაურობენ. ეს კი მათ, მეტი მომხმარებლის მოზიდვისა და ზრდის შესაძლებლობას მისცემს. დღეს, American Express-ის ბარათები, მსოფლიოს მასშტაბით, 190 მილიონზე მეტ სავაჭრო ობიექტში მიიღება¹. ამ ობიექტების რაოდენობა მიმდინარე წელს დაახლოებით 20 მილიონით გაიზარდა. ბოლო ოთხი წლის განმავლობაში, აშშ-ის ფარგლებს გარეთ, American Express-ის ბარათების მიმღები სავაჭრო ობიექტების რაოდენობა გაორმაგებაზე მეტად გაიზარდა, რაც ასახავს American Express-ის უწყვეტ ერთგულებას, მსოფლიო მასშტაბით ბარათების მიღების ქსელის გაფართოების მიმართ.„მოხარულები ვართ, რომ American Express-თან პარტნიორობით, საქართველოში American Express-ის ბარათების მიღების ქსელს ვაფართოებთ. ეს თანამშრომლობა ასახავს ჩვენს ერთგულებას, სავაჭრო ობიექტებს შევთავაზოთ მარტივი, მოსახერხებელი და უსაფრთხო გადახდის გამოცდილება, მომხმარებლებს კი - გადახდის მეტი არჩევანი. აღნიშნული პარტნიორობა სავაჭრო ობიექტებს ახალ შესაძლებლობას აძლევს, მოემსახურონ მომხმარებელთა უფრო ფართო წრეს, მათ შორის, საერთაშორისო ვიზიტორებს, და ამავდროულად, ხელს უწყობს საქართველოში, გადახდების ეკოსისტემის განვითარებას’’, - სანდრო რთველაძე, თიბისის საცალო ბიზნესის მართვის დირექტორი.„ჩვენი მიზანია, გავაფართოოთ იმ ადგილების რაოდენობა, სადაც ჩვენი ბარათების მფლობელებს, მსოფლიოს მასშტაბით, American Express-ის ბარათების გამოყენება შეუძლიათ. თიბისისთან თანამშრომლობა მიზნად ისახავს საქართველოში American Express-ის ბარათების მიღების ქსელის შემდგომ გაფართოებას და წარმოადგენს კიდევ ერთ მნიშვნელოვან ნაბიჯს ჩვენი ბარათების მფლობელებისთვის, გადახდის მეტი არჩევანის უზრუნველსაყოფად და ქვეყნის მასშტაბით სავაჭრო ობიექტებისთვის ახალი შესაძლებლობების შესაქმნელად“, - სონია დევანი, „American Express-ის გლობალური ქსელური სერვისების EMEA რეგიონის ვიცე-პრეზიდენტი და გენერალური მენეჯერი.“თიბისის არხებით, American Express-ის გადახდების შესახებ დამატებითი ინფორმაციისთვის, ეწვიეთ ვებგვერდს -  www.tbcbank.ge ან დაუკავშირდით ცხელ ხაზს - (+995 32) 2 27 27 27.¹ მოქმედი სავაჭრო ობიექტების რაოდენობის (Locations in Force — LIF) შეფასება 2026 წლის ივლისის მდგომარეობით. მონაცემები მოიცავს ჩინეთსა და ბრაზილიაში დაახლოებით 80 მილიონ სავაჭრო ობიექტს, რომლებიც American Express-ის ბარათებს იღებენ, მათ შორის ციფრული საფულეების მეშვეობით. LIF მოიცავს American Express-ის საკუთრებაში არსებულ და პარტნიორების მიერ მოზიდულ სავაჭრო ობიექტებს, რომლებშიც შესაძლებელია American Express-ის ბარათებით გადახდის მიღება. LIF-ის შეფასებები ეფუძნება გარკვეული მესამე მხარეების მიერ მოწოდებულ მონაცემებს და მოიცავს სავაჭრო ობიექტებს, რომლებიც American Express-ის ბარათებს იღებენ გადახდის შუამავლებისა და ციფრული საფულეების მეშვეობით.თიბისის შესახებთიბისი ბანკი TBC Bank Group PLC-ის წევრია. ეს არის ლონდონის საფონდო ბირჟაზე დალისტული ჯგუფი, რომელიც საქართველოსა და უზბეკეთში, ყოველთვიურად 7.2 მილიონ ციფრულად აქტიურ მომხმარებელს ემსახურება, ორი ბიზნესმოდელის საშუალებით, რომელთა მთავარი ღირებულებაა სიმარტივე, ხელმისაწვდომობა და მომხმარებლის გამოცდილება.თიბისი, საქართველოში წამყვანი, ფინანსური სერვისების მიმწოდებელი, ციფრულ ტექნოლოგიებზე ორიენტირებული კომპანიაა, რომელიც საცალო, მიკრო, მცირე და საშუალო ბიზნესისა (MSME) და კორპორატიული და საინვესტიციო საბანკო მომსახურების (CIB) მიმართულებებით ოპერირებს. თიბისი, ქვეყნის მასშტაბით ფართო წარმომადგენლობით გამოირჩევა და აქვს მომგებიანი ზრდისა და აქციონერებისთვის მაღალი უკუგების უზრუნველყოფის ხანგრძლივი ისტორია.თიბისი უზბეკეთი ცენტრალური აზიის წამყვანი ციფრული ფინანსური ეკოსისტემაა და მომხმარებლებსა და ბიზნესებს სრულად ციფრული მოდელის მეშვეობით ემსახურება.თიბისი ჯგუფი საქართველოში 1992 წელს დაარსდა, ხოლო უზბეკეთში 2020 წლიდან ოპერირებს. ჯგუფი ადგილობრივი ბაზრის ლიდერიდან რეგიონულ ფინანსურ ჯგუფად ჩამოყალიბდა.თიბისი ჯგუფი შედის FTSE 250 ინდექსში, ასევე წარმოდგენილია FTSE4Good ინდექსების სერიასა და MSCI United Kingdom Small Cap ინდექსში.American Express-ის შესახებAmerican Express (NYSE: AXP) ტექნოლოგიებზე დაფუძნებული გლობალური საგადახდო და პრემიუმ ცხოვრების სტილის ბრენდია. მსოფლიოს მასშტაბით, კომპანიის თანამშრომლები მომხმარებლებს სთავაზობენ გამორჩეულ პროდუქტებს, მომსახურებასა და გამოცდილებას, რომლებიც ამდიდრებს მათ ცხოვრებას და ხელს უწყობს ბიზნესის წარმატებას.1850 წელს დაარსებული და ნიუ-იორკში სათავო ოფისით წარმოდგენილი American Express-ის ბრენდი ეფუძნება ნდობას, უსაფრთხოებას, მომსახურების მაღალ ხარისხს, ინოვაციების დანერგვის მდიდარ ისტორიას, ასევე მომხმარებლებისა და პარტნიორებისთვის წევრობის ღირებულების შექმნას.American Express-ის მიზანია, ყოველდღიურად უზრუნველყოს მსოფლიოში საუკეთესო სამომხმარებლო გამოცდილება მომხმარებელთა ფართო სპექტრისთვის, მათ შორის ფიზიკური პირებისთვის, მცირე და საშუალო ბიზნესებისა და მსხვილი კორპორაციებისთვის. ამასთან, American Express, გლობალური ქსელის ფარგლებში ამყარებს და მართავს ურთიერთობებს მილიონობით სავაჭრო ობიექტთან და პარტნიორთან.American Express-ის შესახებ დამატებითი ინფორმაციისთვის ეწვიეთ ვებგვერდებს: americanexpress.com, americanexpress.com/en-us/newsroom/ და ir.americanexpress.com.(R)

1793169691

დისკუსიის მთავარი თემები საქართველოს საბანკო სექტორის კონკურენტუნარიანობა, საერთაშორისო ბაზრებზე გაფართოების შესაძლებლობები, ტექნოლოგიური ტრანსფორმაცია და საბანკო სექტორისა და მარეგულირებლის თანამშრომლობა იყო.პანელურ დისკუსიას წინ უძღოდა ჩინეთის ბანკის აღმასრულებელი ვიცე-პრეზიდენტის, იანგ ჯუნის, მოხსენება საბანკო სისტემის, გადახდებისა და ფინანსური ტექნოლოგიების განვითარების ტენდენციების შესახებ.ეკატერინე მიქაბაძემ საქართველოს საბანკო სექტორის წარმატების ძირითად ფაქტორებად ძლიერი საზედამხედველო ჩარჩო, ჯანსაღი ფინანსური მაჩვენებლები და ტექნოლოგიურ ცვლილებებთან ადაპტაციის უნარი დაასახელა. მისი შეფასებით, მომდევნო ათწლეულში სექტორის მდგრადი განვითარებისთვის მნიშვნელოვანია ფინანსური სტაბილურობის შენარჩუნება, ინოვაციების დანერგვა და რისკების ეფექტიანი მართვა.პანელზე ყურადღება გამახვილდა საქართველოს საბანკო სექტორის რეგიონული გაფართოების შესაძლებლობებსა და ამ პროცესთან დაკავშირებულ გამოწვევებზე. აღინიშნა, რომ საერთაშორისო ბაზრებზე წარმატებული საქმიანობა მოითხოვს ჯგუფის დონეზე რისკების მართვის გაძლიერებას, სხვადასხვა იურისდიქციის მარეგულირებელ მოთხოვნებთან ადაპტაციასა და მდგრადი ბიზნესმოდელების განვითარებას.დისკუსიის ერთ-ერთი მნიშვნელოვანი საკითხი ხელოვნური ინტელექტის გამოყენება და მისი გავლენა საბანკო სექტორზე იყო. ეკატერინე მიქაბაძის განცხადებით, ახალი ტექნოლოგიები ფინანსურ ინსტიტუტებს შესაძლებლობას აძლევს, გააუმჯობესონ ოპერაციული ეფექტიანობა, რისკების მართვა და მომხმარებელთა მომსახურება. ამასთან, ტექნოლოგიური განვითარების პარალელურად განსაკუთრებული მნიშვნელობა ენიჭება კიბერუსაფრთხოებას, მონაცემთა დაცვასა და ოპერაციულ მდგრადობას.„ხელოვნური ინტელექტი ფინანსურ სექტორს ოპერაციული ეფექტიანობის გაუმჯობესების, რისკების მართვის გაძლიერებისა და მომხმარებლებისთვის უკეთესი მომსახურების შეთავაზების მნიშვნელოვან შესაძლებლობებს აძლევს. თუმცა, ტექნოლოგიური პროგრესის პარალელურად, განსაკუთრებული ყურადღება უნდა დაეთმოს კიბერუსაფრთხოებას, მონაცემთა დაცვასა და ოპერაციულ მდგრადობას. ჩვენი მიზანია, ხელი შევუწყოთ პასუხისმგებლიან ინოვაციებს და შევქმნათ ისეთი მარეგულირებელი გარემო, რომელიც ფინანსურ ინსტიტუტებს ახალი ტექნოლოგიების დანერგვის შესაძლებლობას მისცემს ისე, რომ შენარჩუნებული იყოს ფინანსური სტაბილურობა და მომხმარებელთა ნდობა“, - განაცხადა ეკატერინე მიქაბაძემ.ეკატერინე მიქაბაძემ ხაზი გაუსვა, რომ ეროვნული ბანკის მიდგომა პასუხისმგებლიანი ინოვაციების ხელშეწყობას ეფუძნება. მნიშვნელოვანია, ფინანსურმა ინსტიტუტებმა ახალი ტექნოლოგიები შესაბამისი მმართველობითი ჩარჩოსა და რისკების მართვის მექანიზმების გათვალისწინებით დანერგონ. ამ პროცესში განსაკუთრებული მნიშვნელობა ენიჭება საბანკო სექტორთან თანამშრომლობას, ხარისხიანი მონაცემების გამოყენებასა და მარეგულირებელთან დროულ დიალოგს.პანელურ დისკუსიაში მონაწილეობდნენ "საქართველოს ბანკის" გენერალური დირექტორი არჩილ გაჩეჩილაძე, "თიბისი ბანკის" გენერალური დირექტორი გიორგი თხელიძე, "სილქ ბანკის" გენერალური დირექტორი ალექსი ხოროშვილი და „ლიბერთის“ ფინანსური დირექტორი, „ბაზისბანკის ჯგუფის“ წარმომადგენელი ვახტანგ ბაბუნაშვილი. დისკუსიის მოდერატორი იყო Global Finance & Technology Network-ის (GFTN) შვილობილი ორგანიზაციის, GFTN Solutions-ის აღმასრულებელი დირექტორი მაჰა ელ დიმაჩკი.„თბილისის ფინანსური სამიტი“ 27-28 ოქტომბერს იმართება და ფინანსური სექტორის, ცენტრალური ბანკების, ტექნოლოგიური კომპანიებისა და საერთაშორისო ორგანიზაციების წარმომადგენლებს აერთიანებს. სამიტის მიზანია ფინანსური ტექნოლოგიების, რეგიონული თანამშრომლობისა და ფინანსური სექტორის განვითარების აქტუალური საკითხების განხილვა.(R)

1793122200

ჯილდო უკავშირდება საქართველოს ბანკის პროექტს, რომლის მიზანიც თვითდასაქმებული ადამიანებისთვის ფინანსურ სერვისებზე ხელმისაწვდომობის გაზრდაა. საქართველოში 800 000-ზე მეტი თვითდასაქმებულია, რაც ქვეყნის სამუშაო ძალის დაახლოებით 40%-ს შეადგენს. მათ შორის არიან მასწავლებლები, დიასახლისები, ფერმერები და სხვა პირები, რომლებიც მანამდე საფინანსო სერვისებით სარგებლობისას სხვადასხვა ბარიერს ხვდებოდნენ.ამ გამოწვევის საპასუხოდ, საქართველოს ბანკმა ხელოვნურ ინტელექტზე დაფუძნებული ეკოსისტემა შექმნა, რომელიც მომხმარებლის იდენტიფიკაციას, შემოსავლის შეფასებას, საკრედიტო ლიმიტის განსაზღვრასა და რისკების მართვას ერთიან პროცესში აერთიანებს.  პროექტმა ფინანსური ინკლუზიის გაფართოებას სამი მიმართულებით შეუწყო ხელი: ფინანსურ სერვისებზე წვდომის შესაძლებლობა გაუჩნდა ქალებს, რომლებიც მანამდე ფორმალური საფინანსო სისტემის მიღმა რჩებოდნენ; სერვისი ყველა არხსა და ფილიალში გავრცელდა. ამასთან, 787 ადგილობრივი წარმომადგენლის მეშვეობით მომსახურება 2 900 სოფელში გახდა ხელმისაწვდომი; ამასთანავე, პროექტი განსაკუთრებით მნიშვნელოვანია იმ რეგიონებისთვის, სადაც ეთნიკური უმცირესობები ცხოვრობენ და თვითდასაქმება შემოსავლის მიღების ერთ-ერთი ძირითადი წყაროა. აღსანიშნავია, რომ საქართველოს ბანკმა საერთაშორისო გამოცემა Global Finance-ის AI in Finance Awards 2026-ზე 7 გლობალური და რეგიონული ჯილდო მოიპოვა. მათ შორის, ბანკი დასახელდა მსოფლიოში საუკეთესო AI ბანკად გლობალური და რეგიონული მასშტაბებით.

1793111355

რეიტინგში საქართველოს ბანკის ჯგუფი ლიდერობს. Q3/2026 -ის მდგომარეობით, BOG-ის ROE 30.72%-ია შემცირებულია კაპიტალზე ლიბერთის უკუგების მაჩვენებელი, რაც სექტორში დიდ გამსხვილებას უკავშირდება (ჩინური ჰუალინგ ჯგუფი ლიბერთის მიერთების პროცესშია) TOP - 7 ბანკი კაპიტალზე უკუგებით (ROE)

1793111171