საქართველოში მომხმარებლის უფლებების დარღვევაზე მიმართვიანობა 92%-ით გაიზარდა

"საიას" შეფასებით, ფრაქცია "ქართული ოცნების" მიერ 2026 წლის 21 იანვარს ინიციირებული ცვლილებები "ექსტრემიზმთან" დაკავშირებით ქმნის რეპრესიული მექანიზმების გაფართოების რისკს პოლიტიკური კონტექსტის ფონზე.ქვემოთ მოცემულია შესაბამისი დასაბუთება:I. კანონპროექტის შინაარსი(ა) სისხლის სამართლის კოდექსში ცვლილებები საქართველოს სისხლის სამართლის კოდექსს ემატება სრულიად ახალი შინაარსის მქონე მუხლი 316¹ - "ექსტრემიზმი კონსტიტუციური წყობილების წინააღმდეგ", რაც გულისხმობს საქართველოს მოქალაქის ან საქართველოში სტატუსის მქონე მოქალაქეობის არმქონე პირის მიერ საქართველოს კანონმდებლობის მასობრივად დარღვევისკენ, საქართველოს ხელისუფლების ორგანოებისადმი მასობრივად დაუმორჩილებლობისკენ, საქართველოს ხელისუფლების ორგანოების ალტერნატიული ორგანოების შექმნისკენ სისტემატურად საჯაროდ მოწოდებას, ამავე პირის მიერ საქართველოს ხელისუფლების წარმომადგენლად სხვისი ან საკუთარი თავის თვითნებურად, საჯაროდ და სისტემატურად წარმოჩენას, ან ამავე პირის მიერ ჩადენილ სხვა სისტემატურ მოქმედებას, თუ ამ ნაწილით გათვალისწინებული რომელიმე აღნიშნული ქმედება მიმართულია საქართველოს კონსტიტუციური წყობილების ან კონსტიტუციური ორგანოების არალეგიტიმურობის შექმნის შესახებ აღქმის დამკვიდრებისკენ და აზიანებს საქართველოს ინტერესებს ან ქმნის საქართველოს ინტერესების დაზიანების რეალურ საფრთხეს.წარმოდგენილი კანონპროექტით, სასჯელის სახედ რამდენიმე ალტერნატივაა გათვალისწინებული. ჯარიმისა და საკმაოდ ხანგრძლივი საზოგადოებრივი შრომის (400-იდან 600 საათამდე) გარდა, კანონპროექტი 3 წლამდე ვადით თავისუფლების აღკვეთასაც აწესებს, ხოლო იურიდიული პირი დაისჯება ჯარიმით ან ლიკვიდაციით და ჯარიმით. ცვლილება შეეხება სასჯელის დანიშვნის ნაწილსაც. კონკრეტულად, სასჯელის დანიშვნის დროს დამამძიმებელ გარემოებად მიიჩნევა საქართველოს კონსტიტუციური წყობილების ან კონსტიტუციური ორგანოების არაღიარების მოტივით დანაშაულის ჩადენა."ამ დროს თავისუფლების აღკვეთის დანიშვნისას, მოსახდელი სასჯელის ვადა, სულ მცირე, 1 წლით უნდა აღემატებოდეს ჩადენილი დანაშაულისთვის კოდექსის შესაბამისი ნაწილით გათვალისწინებული სასჯელის მინიმალურ ვადას", განაცხადა კანონპროექტის წარმდგენმა.(ბ) ადმინისტრაციულ სამართალდარღვევათა კოდექსში ცვლილებები გარდა ამისა, ადმინისტრაციულ სამართალდარღვევათა კოდექსში ინიციირებული ცვლილებების მიხედვით, ადმინისტრაციული სამართალდარღვევისთვის პასუხისმგებლობის დამამძიმებელ გარემოებებს დაემატა „ლ“ ქვეპუნქტი - სამართალდარღვევის ჩადენა საქართველოს კონსტიტუციური წყობილების ან კონსტიტუციური ორგანოების არაღიარების მოტივით.II. ცვლილებების შეფასებაკანონპროექტი არსებით რისკებს შეიცავს ადამიანის უფლებებისთვის, განსაკუთრებით ინსტრუმენტული უფლებების უზრუნველყოფისთვის. არსებობს რეალური რისკი, რომ, შესაძლოა, ის გამოყენებული იყოს კრიტიკის ჩასახშობად. კანონპროექტი, ფაქტობრივად, სისხლის სამართლის დანაშაულად მიიჩნევს ადამიანთა აღქმებსა და მათ გამოხატვას. მით უფრო, იმ ფონზე, რომ შინაგან საქმეთა სამინისტრო, სასამართლოსთან კოორდინირებულად, ზოგ შემთხვევაში სრულიად დაუსაბუთებელი ადმინისტრაციული მექანიზმების გამოყენებით, დევნის პროტესტის მონაწილეებს.საყურადღებოა, რომ სახელმწიფოს წინააღმდეგ მიმართულ დანაშაულებს სისხლის სამართლის კოდექსში უკვე არსებული მთელი თავი6 ეთმობა, რომელიც იცავს კონსტიტუციურ წყობილებას, სახელმწიფო ხელისუფლების ორგანოებსა და ეროვნული უსაფრთხოების საფუძვლებს. ეს ნორმები ფარავს ისეთ ქმედებებს, როგორებიცაა კონსტიტუციური წყობილების ძალადობრივი შეცვლა, სახელმწიფო გადატრიალება, აჯანყება, ხელისუფლების მიტაცება, ძალადობისკენ საჯაროდ მოწოდება და სხვა. შესაბამისად, სახელმწიფოს წინააღმდეგ მიმართულ ძალადობრივ ან ორგანიზებულ საფრთხეებს უკვე არეგულირებს მოქმედი სამართლებრივი ჩარჩო.შემოთავაზებული ახალი მუხლი კი, რომელიც ხელისუფლების არაღიარებასთან, არალეგიტიმურობის აღქმის დამკვიდრებასთან ან მასობრივი დაუმორჩილებლობისკენ სისტემატურ მოწოდებასთან დაკავშირებული ქმედებების კრიმინალიზებას ახდენს, აჩენს ნორმატიული დუბლირების და სისხლისსამართლებრივი რეპრესიის გაფართოების რისკს.თუ ხსენებული ქმედებები არ შეიცავს ძალადობის რეალურ, უშუალო და კონკრეტულ საფრთხეს, მათი კრიმინალიზაცია სცდება სახელმწიფოს უსაფრთხოების კლასიკურ დაცვას და გადადის პოლიტიკური გამოხატვის რეგულირების სფეროში. განსაკუთრებით პრობლემურია ისეთი შეფასებითი და ფართო კატეგორიების მითითება, როგორებიცაა "არალეგიტიმურობის აღქმის დამკვიდრება" ან "სახელმწიფოს ინტერესების დაზიანება", რადგან ისინი არ აკმაყოფილებს სამართლებრივი განსაზღვრულობის მოთხოვნას.სისხლის სამართლის ნორმა უნდა იყოს მკაფიო, პროგნოზირებადი და ვიწროდ განსაზღვრული, რათა არ შეიქმნას მისი შერჩევითი ან პოლიტიკურად მოტივირებული გამოყენების საფრთხე. ისეთი ცნებები, როგორებიცაა "ინტერესების დაზიანება", "არალეგიტიმურობა" ან "სისტემატური მოქმედება", სამართლებრივად ღია ფართო ინტერპრეტაციის შესაძლებლობის მქონე ფორმულირებები მეტად არის დამახასიათებელი საბჭოთა სამართლის მოდელისთვის.ამასთანავე, პოსტსაბჭოთა პრაქტიკაში პოლიტიკური ლეგიტიმაციის კითხვის ნიშნის ქვეშ დაყენება ხშირად აღიქმებოდა, როგორც "ანტისახელმწიფოებრივი ქმედება". ამის საპირწონედ, დემოკრატიული ქვეყნების კანონმდებლობა, მსგავს შემთხვევებში, უნდა იყენებდეს ვიწრო, კონკრეტულ და პროგნოზირებად კრიტერიუმებს, რომლებიც შემოიფარგლება მხოლოდ მყისიერი, რეალური ძალადობრივი საფრთხის არსებობით, ან პირდაპირ მიმართულია დანაშაულის წაქეზებისკენ. მაგალითად, ხელისუფლების ან სახელმწიფო ინსტიტუტების კრიტიკა, ოპოზიციური მოძრაობების ფუნქციონირება ან ალტერნატიული პოლიტიკური ხედვების პოპულარიზაცია არ მიიჩნევა სისხლისსამართლებრივი პასუხისმგებლობის საფუძვლად, თუნდაც მათ პოლიტიკურად მწვავე ფორმა ჰქონდეთ.ნორმები კონკრეტულად უნდა განსაზღვრავდეს აკრძალულ ქმედებებს, მაგალითად, შეიარაღებული აჯანყება, ძალადობრივი გადატრიალება ან მყისიერი ძალადობრივი მოქმედების ორგანიზება, და არ იყენებდეს ღია, აბსტრაქტულ ცნებებს, როგორიცაა "სახელმწიფოს ინტერესების დაზიანება" ან "არალეგიტიმურობის შექმნა".სამართლებრივ სისტემებში სისხლის სამართლის ნორმები მიმართულია მხოლოდ კონკრეტული, მყისიერი და ძალადობრივი საფრთხეებისკენ. მშვიდობიანი პოლიტიკური გამოხატვა, ხელისუფლების კრიტიკა, ხელისუფლების არაღიარება ან ოპოზიციური მოსაზრებების პოპულარიზაცია არ ექვემდებარება სისხლისსამართლებრივ სანქციას, რადგან ისინი პოლიტიკური პლურალიზმისა და თავისუფალი დისკურსის საბაზისო ელემენტებია.დემოკრატიულ სახელმწიფოში ხელისუფლების არაღიარება ან მისი ლეგიტიმურობის საჯაროდ ეჭვქვეშ დაყენება პოლიტიკური დისკურსის ნაწილია და დაცულია გამოხატვის თავისუფლებით მანამ, სანამ იგი არ გადაიზრდება ძალადობრივ ან კონსტიტუციური წყობილების ძალისმიერი დამხობისკენ მიმართულ ქმედებაში. არსებული სისხლის სამართლის მექანიზმები უკვე უზრუნველყოფს რეალურ საფრთხეებზე სამართლებრივ რეაგირებას. საქართველოს კონსტიტუციის მიხედვით, საქართველო არის დემოკრატიული რესპუბლიკა.დემოკრატიულ რესპუბლიკაში კი სახელმწიფოს ლეგიტიმურობა ვერ დამყარდება სისხლის სამართლის მექანიზმებით - იგი უნდა ეფუძნებოდეს კონსტიტუციურ წესრიგს, არჩევნებსა და საზოგადოების ნდობას. არაღიარების კრიმინალიზაცია ქმნის საფრთხეს, რომ პოლიტიკურმა დისკურსმა და ოპოზიციურმა აქტივობამ გადაინაცვლოს სისხლისსამართლებრივი პასუხისმგებლობის სფეროში, რაც ეწინააღმდეგება დემოკრატიის ფუნდამენტურ პრინციპს - პლურალიზმს.III. ინიციირებული ცვლილებების კონტექსტუალიზაცია მიმდინარე რეპრესიულ საკანონმდებლო კლიმატშიამ საკანონმდებლო ინიციატივას წინ უსწრებდა "საქართველოს საკონსტიტუციო სასამართლოს შესახებ" საქართველოს ორგანულ კანონსა და სხვა თანამდევ კანონებში ცვლილებების შეტანა, რომლის არსიც პარტიების გაუქმებასა და პოლიტიკოსებისთვის პოლიტიკური საქმიანობის აკრძალვას შეეხებოდა. ამის შემდეგ კი, 2025 წლის 31 ოქტომბერს, საქართველოს პარლამენტის 88 წევრმა საკონსტიტუციო სასამართლოს პოლიტიკური პარტიების ("ერთიანობა – ნაციონალური მოძრაობა", "კოალიცია ცვლილებისთვის – გვარამია, მელია, გირჩი, დროა", "ძლიერი საქართველო – ლელო, ხალხისთვის, თავისუფლებისთვის!") საქმიანობის კონსტიტუციურობისა და აკრძალვის შესახებ სარჩელით მიმართა.სარჩელის თანახმად, დასახელებული პარტიები მოქმედი ხელისუფლების ლეგიტიმაციის არაღიარებით ახდენენ არჩევნების დისკრედიტაციას, ხალხის ნებისა და დემოკრატიის მიზანმიმართულ უარყოფას. სარჩელის ინიციატორთა მოსაზრებით, ამ გზით, მათ საქართველოს სახელმწიფოს წინააღმდეგ არაერთი საბოტაჟი აწარმოვეს.ამ საკითხზე საიამ სასამართლოს წარუდგინა "სასამართლოს მეგობრის" მოსაზრება, რომელშიც ხაზგასმულია, რომ არ შეიძლება დემოკრატიული მექანიზმის გამოყენება თავად დემოკრატიისთვის ძირის გამოსათხრელად. ამასთანავე, ორგანიზაციამ სასამართლოს საილუსტრაციოდ წარუდგინა ძალადობრივი კონსტიტუციონალიზმის - ამ შემთხვევაში, პარტიის აკრძალვის ბოროტად გამოყენების ჭრილში მაგალითები.საიას შეფასებით: [საკონსტიტუციო სასამართლოსთვის წარდგენილი სარჩელი არ შეიცავს საჭირო ფაქტობრივ მტკიცებულებებსა და სამართლებრივ არგუმენტებს, რაც შესაძლებელს გახდიდა თავდაცვისუნარიანი დემოკრატიის კონცეფციის მოხმობას.კონკრეტული დანაშაულები, ასეთის არსებობის შემთხვევაში, კონკრეტულ პირებს უნდა შეერაცხოთ დამოუკიდებელი და მიუკერძოებელი სასამართლოს მიერ. თავდაცვისუნარიანი დემოკრატიის კონცეფცია მხოლოდ დემოკრატიულ საზოგადოებაში შეიძლება ამართლებდეს ლეგიტიმურ მიზანს. დემოკრატიული კურსიდან მკვეთრი გადახვევის, ადამიანის უფლებების სისტემური დარღვევის, ძალადობრივი კანონშემოქმედების, მედიასა და არასამათავრობო სექტორზე მნიშვნელოვანი წნეხისა და რეპრესიების ფონზე, შეუძლებელია, თავდაცვისუნარიანმა დემოკრატიამ თავისი დანიშნულება შეასრულოს].IV. ინიციირებული ცვლილებების კონტექსტუალიზაცია მიმდინარე სისხლის სამართლის საქმეების ფონზესაიას შეფასებით, 2025 წელს პოლიტიკურად მოტივირებული მართლმსაჯულება ერთ-ერთ საგანგაშო ტენდენციად გამოიკვეთა.ამასთანავე, ოპოზიციური პარტიების ლიდერების მიმართ სისხლისსამართლებრივი მექანიზმების ინტენსიური გამოყენების არსებული პრაქტიკა სცდება მართლმსაჯულების აღსრულების ინტერესებს და ატარებს პოლიტიკური დევნის ელფერს.ამის კვალდაკვალ, 2025 წლის 6 ნოემბერს ე.წ. საბოტაჟის საქმეზე საქართველოს პროკურატურამ ბრალი წარუდგინა ოპოზიციურ პოლიტიკოსებს:მიხეილ სააკაშვილს, ზურაბ გირჩი ჯაფარიძეს, ნიკა გვარამიას, გიორგი ვაშაძეს, ნიკანორ მელიას, ელენე ხოშტარიას, მამუკა ხაზარაძესა და ბადრი ჯაფარიძეს.ცხადია, ინიციირებული ცვლილებებით, "ქართულმა ოცნებამ" შექმნა კიდევ ერთი საფუძველი პოლიტიკური აქტორების წინააღმდეგ. საია ამ საქმეებს ყურადღებით აკვირდება.V. შეჯამება"ქართული ოცნების" მცდელობა, ხელისუფლების ლეგიტიმურობის დაცვის მიზნით გამოიყენოს სისხლის სამართლის მექანიზმები, კიდევ ერთხელ მიუთითებს ქვეყანაში არსებულ ადამიანის უფლებების კრიზისზე. იმავდროულად, ეს საფრთხეს უქმნის დემოკრატიულ პლურალიზმს, ვინაიდან ოპოზიციური აზრისა და კრიტიკის დევნა არღვევს თავისუფალ საზოგადოებრივ დისკურსს, აბრკოლებს პლურალიზმის ფუნქციონირებას, არ შეესაბამება დემოკრატიული სახელმწიფოს პრინციპებს, ამყარებს უკვე არსებულ პოლიტიკურ კონტროლს, ზრდის ძალაუფლების კონცენტრაციას და მიმართულია ავტორიტარული ტენდენციების გაძლიერებისკენ.ამის გათვალისწინებით, ზემოხსენებული საკანონმდებლო ინიციატივა ქმნის რისკს, რომ სისხლის სამართალი გამოყენებული იქნება არა კონსტიტუციური წესრიგის დასაცავად, არამედ ოპოზიციური აზრის დევნისა და მოქმედი ხელისუფლების პოლიტიკური ლეგიტიმაციის გასამყარებლად, რაც ეწინააღმდეგება დემოკრატიული რესპუბლიკის ფუნდამენტურ პრინციპებს", - ნათქვამია საის დოკუმენტში."ქართულ ოცნებას" სისხლის სამართლის კოდექსში ცვლილებები შეაქვს და ამატებს მუხლს - "ექსტრემიზმი კონსტიტუციური წყობილების წინააღმდეგ".3 თებერვალს, პლენარულ სხდომაზე "ქართული ოცნების" დეპუტატი, ლევან მაჭავარიანი ინიციატივით გამოვიდა, რომ პასუხისმგებლობა დაწესებულიყო იმ პირების მიმართ, რომლებიც "არჩეული ხელისუფლების ლეგიტიმაციას არ აღიარებენ", "ამტკიცებენ, რომ ქვეყანა ოკუპანტი ძალის მიერ იმართება" და ა.შ. და ამ ქმედებებისკენ სხვებსაც მოუწოდებენ.

1772440229

სამინისტროს წარმომადგენლის თქმით, სამაშველო სამსახურებმა ოპერატიულად ჩაატარეს ძებნა–გადარჩენის ოპერაცია, რის შემდეგაც სამხედროები შემდგომი გამოკვლევების მიზნით საავადმყოფოში გადაიყვანეს. მათი მდგომარეობა სტაბილურია. აღინიშნება, რომ ქუვეითის თავდაცვის სამინისტრო ამერიკელ სამხედროებთან კოორდინირებულად მოქმედებს. მომხდარის მიზეზები დგინდება, მიმდინარეობს გამოძიება.ირანმა ქუვეითში მდებარე ამერიკულ სამხედრო ბაზაზე ალი ას–სალემზე მიიტანა იერიში, წერს ირანული მედია.დღესვე რამდენიმე ძლიერი აფეთქება მოხდა არაბთა გაერთიანებული საამიროების ქალაქ რას–ელ–ჰაიმში. 

1772439904

პოლიტიკური აქცენტები იმ ფონზე, როდესაც დასავლური სამყაროს ნაწილი ირანის რეჟიმის წინააღმდეგ აშშ-ისა და ისრაელის სამხედრო კამპანიას მხარს უჭერს, საქართველოს მთავრობის პოზიცია გამორჩეულად სოლიდარულია თეირანის მიმართ. განცხადებაში ხაზგასმულია, რომ ირანში მიმდინარე საომარმა მოქმედებებმა „ყველაზე მეტი ადამიანის, მათ შორის უმაღლესი ლიდერისა და სხვა პოლიტიკური ლიდერების“ სიცოცხლე შეიწირა.მთავრობა ცდილობს დაიცვას დიპლომატიური ბალანსი და პარალელურად სამძიმარს უცხადებს „მეგობარ ებრაელ ხალხს“ მშვიდობიანი მოქალაქეების დაღუპვის გამო. თბილისი ასევე სრულ სოლიდარობას უცხადებს ყურის არაბულ ქვეყნებს, რომლებთანაც საქართველოს „გამორჩეული პარტნიორობა“ აკავშირებს, თუმცა ირანის ხელმძღვანელობის მიმართ გამოხატული სამძიმარი განცხადების ცენტრალურ ნაწილად რჩება.საქართველოს ხელისუფლება მოუწოდებს მხარეებს, რომ საომარი მოქმედებები „დიპლომატიამ და პოლიტიკურმა დიალოგმა“ ჩაანაცვლოს. თუმცა, რეგიონში შექმნილი ეგზისტენციალური კრიზისის პირობებში, თბილისის ეს მოწოდება უფრო მეტად ნეიტრალიტეტის შენარჩუნების მცდელობას ჰგავს, ვიდრე ქმედით გეოპოლიტიკურ ნაბიჯს.ამავდროულად, მთავრობა აცხადებს, რომ მიიღებს „ყველა აუცილებელ ზომას“ რეგიონში მყოფი საქართველოს მოქალაქეების უსაფრთხოების დასაცავად.

1772438634

ამ მომაბეზრებელი პროცესის ნაცვლად, თანხის მიმღებ ფიზიკურ პირს შეუძლია თიბისის მობაილბანკში შევიდეს, გადავიდეს საკუთარ IBAN ანგარიშზე და იქვე იპოვოს QR კოდი, რომელსაც დაასკანერებინებს გადამრიცხველს. შედეგად, გადარიცხვა ხორციელდება სწრაფად და მარტივად, ხოლო თანხა მიმღებს მყისიერად ესახება.QR კოდის დასკანერებისას მომხმარებელი გადადის სპეციალურ გვერდზე, სადაც შეუძლია აირჩიოს გადარიცხვის მისთვის სასურველი მეთოდი - Apple pay-თ ან Google Pay-თ, ნებისმიერი მიბმული ბარათით. გადარიცხვა ხდება მხოლოდ ლარში და ყოველგვარი საკომისიოს გარეშე.  QR-ით მომენტალური გადარიცხვა შეუძლია ნებისმიერი სხვა ქართული ბანკის მომხმარებელსაც- სხვა ბანკის ბარათით ან მობაილბანკით.QR-ით გადარიცხვა ასევე სწრაფი და კომფორტულია ისეთ სივრცეებში, როგორიცაა: ბაზრობები, სამკერვალოები, მცირე მომსახურების ობიექტები...თიბისი მუდმივად ქმნის და ავითარებს ისეთ პროდუქტებსა და სერვისებს, რომლებიც მაქსიმალურად მორგებულია მომხმარებლების საჭიროებებზე და მათ ცხოვრებას ამარტივებს.(R)

1772437887

დიდი ოდენობით ქრთამის აღების ფაქტზე დაკავებულია თბილისის მუნიციპალიტეტის, სამგორის რაიონის გამგეობის საბიუჯეტო-საფინანსო და შესყიდვების განყოფილების უფროსი სპეციალისტი; ქრთამის აღებაში დახმარების ფაქტზე - ერთი მოქალაქე, ხოლო ქრთამის მიცემის ფაქტზე საგამოძიებო სამსახურმა თბილისში მოქმედი ერთ-ერთი კომპანიის წარმომადგენელი დააკავა.გამოძიებით დადგინდა, რომ საჯარო მოხელე, სამსახურებრივი ავტორიტეტის გამოყენებითა და შუამავალი პირის დახმარებით, დიდი ოდენობით ქრთამს იღებდა. კერძოდ, მან სახელმწიფო საკუთრებაში არსებულ მიწის ნაკვეთზე, შესაბამისი სანებართვო დოკუმენტაციის გარეშე ობიექტის მშენებლობის მფარველობის სანაცვლოდ, ქრთამის სახით მოითხოვა და შუამავლის მეშვეობით მიიღო 15 000 ლარი.ბრალდებულები  ქრთამის სახით მოთხოვნილი თანხის აღებისთანავე დააკავეს. ფულადი თანხა ამოღებულია ნივთმტკიცების სახით.გამოძიებით ასევე დადგინდა, რომ 2026 წლის თებერვალში, ერთ-ერთი კომპანიის კუთვნილ ობიექტზე განსახორციელებელი უკანონო მშენებლობის მფარველობის სანაცვლოდ, კომპანიის წარმომადგენელმა იმავე საჯარო მოხელეს, კვლავ შუამავლის მეშვეობით, გადასცა მოთხოვნილი 15 000 ლარი. აღნიშნულ ეპიზოდზე, ქრთამის მიცემის ფაქტზე, დაკავებულია კომპანიის წარმომადგენელი.გამოძიება მიმდინარეობს საქართველოს სისხლის სამართლის კოდექსის 338-ე მუხლის მეორე ნაწილის „ბ“ ქვეპუნქტითა და 339-ე მუხლის პირველი ნაწილით. დანაშაული სასჯელის სახით ითვალისწინებს თავისუფლების აღკვეთას 7-დან 11 წლამდე ვადით.ფინანსთა სამინისტროს საგამოძიებო სამსახური მოუწოდებს საჯარო მოხელეებსა და მათთან დანაშაულებრივ გარიგებაში შესვლის მსურველ პირებს, თავი შეიკავონ მსგავსი უკანონო ქმედებებისგან. სამსახურის რეაგირება ნებისმიერ შემთხვევაში იქნება მკაცრი.

1772437135

პაპუაშვილის განმარტებით, სამყაროში შექმნილი რთული ვითარება ქართველი ხალხისთვის უცხო არ არის და ქვეყნის ისტორია სწორედ მსგავსი გამოწვევების დროს იწერებოდა. მისი თქმით, საქართველომ არაერთი ომი და ეპოქალური კატაკლიზმი გამოიარა, როდესაც ყველაფერი იშლებოდა და თავიდან იწყებოდა.„როცა გაიფიქრებ, რომ სამყარო თითქოს შეიშალა, გაიხსენე, რომ ქართველი ხარ. ჩვენი ისტორია სწორედ ასეთ დროს იწერებოდა - ქაოსის, დიდი დაპირისპირებებისა და გაურკვევლობის ეპოქებში“, - წერს პაპუაშვილი.პარლამენტის თავმჯდომარე ხაზს უსვამს ქართველი ხალხის უნარს, ყველაზე მძიმე პერიოდებშიც კი შეინარჩუნოს სამშობლო და ეროვნული ღირსება. ის მოუწოდებს საზოგადოებას, გაიხსენონ საკუთარი იდენტობა, როგორც ძალა, რომელიც ქარიშხლებს უძლებს.„ქართველს ყოველთვის ჰქონდა ძალა, ყველაზე მძიმე დროსაც კი შეენარჩუნებინა საკუთარი სამშობლო, საკუთარი ღირსება და საკუთარი მემკვიდრეობა. ჩვენ ის ხალხი ვართ, ვინც ქარიშხლებს უძლებს, ფეხზე დგება და ღირსებით აგრძელებს გზას“, - ნათქვამია განცხადებაში.

1772435990

ისრაელმა განაცხადა, რომ თავს დაესხა ლიბანელი შიიტი მუსლიმი „ჰეზბოლას“ მებრძოლებთან დაკავშირებულ ობიექტებს, მას შემდეგ რაც დაჯგუფებამ აღიარა რაკეტებისა და დრონების გაშვება ისრაელის მიმართულებით, ირანის უმაღლესი ლიდერის, ალი ხამენეის მკვლელობის გამო შურისძიების მიზნით. ისრაელმა საჰაერო დარტყმები ბეირუთის სამხრეთ გარეუბნებზე განახორციელა, რასაც ლიბანის დედაქალაქში ათზე მეტი აფეთქება მოჰყვა.Reuters–ის ინფორმაციით, „ჰეზბოლასა“ და ისრაელის თავდასხმები აფართოებს კონფლიქტს, რომელიც მთელ ახლო აღმოსავლეთში მას შემდეგ გავრცელდა, რაც შაბათს აშშ-მა და ისრაელმა ირანზე იერიში მიიტანეს, რამაც ნავთობის ფასების მკვეთრი ზრდა და საჰაერო მიმოსვლის შეფერხება გამოიწვია.თეთრი სახლი: შეტევა შეუფერხებლად გაგრძელდებაისრაელის სამხედროებმა განაცხადეს, რომ მათმა საჰაერო ძალებმა თეირანზე საჰაერო უპირატესობა მოიპოვეს და დარტყმების ტალღა მიმართული იყო დაზვერვის, უსაფრთხოებისა და სამხედრო სარდლობის ცენტრებისკენ.ორშაბათს დილით აფეთქებების ხმა ისმოდა დუბაიში, დოჰასა და თეირანში. ქუვეითმა განაცხადა, რომ მისმა საჰაერო თავდაცვამ მტრული დრონები ჩამოაგდო. კვიპროსზე მდებარე ბრიტანეთის სამხედრო ბაზა Akrotiri-ზე დრონით თავდასხმა განხორციელდა, თუმცა ზიანი შეზღუდულია და მსხვერპლი არ არის.თეთრი სახლის მაღალჩინოსანმა Reuters-ს განუცხადა, მიუხედავად იმისა, რომ ტრამპი გარკვეულ მომენტში დაელაპარაკება ირანის ახალ პოტენციურ ხელმძღვანელობას, სამხედრო კამპანია გაგრძელდება. „პრეზიდენტმა თქვა, რომ ირანის ახალმა ხელმძღვანელობამ გამოთქვა საუბრის სურვილი და ის საბოლოოდ დაელაპარაკება მათ. ამ დროისთვის კი ოპერაცია Epic Fury (ეპიკური რისხვა) შეუფერხებლად გრძელდება“, - განაცხადა ოფიციალურმა პირმა.ირანის პრეზიდენტმა მასუდ პეზეშკიანმა განაცხადა, რომ უმაღლესი ლიდერის მოვალეობებს დროებით საბჭო შეასრულებს. თუმცა, ხამენეის მრჩეველმა ალი ლარიჯანიმ განაცხადა, რომ ქვეყანა ტრამპთან მოლაპარაკებებს არ აპირებს და აშშ-ის პრეზიდენტს „ილუზორულ ამბიციებში“ დასდო ბრალი.პირველი ამერიკელი მსხვერპლიკამპანიის განმავლობაში აშშ-ის პირველი დანაკარგები, მათ შორის სამი სამხედრო მოსამსახურის სიკვდილი, კვირას დადასტურდა. აშშ-ის ორმა ოფიციალურმა პირმა, ანონიმურობის პირობით, Reuters-ს განუცხადა, რომ სამხედროები ქუვეითის ბაზაზე დაიღუპნენ.ტრამპმა პატივი მიაგო სამ დაღუპულს, როგორც „ნამდვილ ამერიკელ პატრიოტებს“, თუმცა გააფრთხილა საზოგადოება, რომ მსხვერპლი სავარაუდოდ კიდევ იქნება. „ეს ასე ხდება“, - თქვა მან.გახანგრძლივებულმა სამხედრო კამპანიამ შესაძლოა დიდი პოლიტიკური რისკი შეუქმნას ტრამპის რესპუბლიკურ პარტიას აშშ-ის შუალედური არჩევნების წინ, რომელმაც შესაძლოა კონგრესის ბედი გადაწყვიტოს. კვირას ჩატარებული Reuters/Ipsos-ის გამოკითხვის თანახმად, ამერიკელების მხოლოდ მეოთხედი უჭერს მხარს ოპერაციას.თუმცა, კვირას გამოქვეყნებულ ვიდეოში ტრამპი დაჰპირდა, რომ ირანზე სამხედრო დარტყმები გაგრძელდება „სანამ ყველა ჩვენი მიზანი არ იქნება მიღწეული“, კონკრეტული დეტალების დაზუსტების გარეშე. მან თქვა, რომ შეტევამ აქამდე გაანადგურა ირანის სამხედრო სარდლობა, რეჟიმის ცხრა სამხედრო ხომალდი და საზღვაო შენობა.ამერიკულმა თვითმფრინავებმა და ხომალდებმა შაბათს საომარი მოქმედებების დაწყებიდან მოყოლებული 1,000-ზე მეტ ირანულ სამიზნეს დაარტყეს, განაცხადეს აშშ-ის სამხედროებმა. ტრამპმა მოუწოდა ირანის არმიასა და პოლიციას, მათ შორის გავლენიან „ისლამური რევოლუციის გუშაგთა კორპუსს“, შეწყვიტონ ბრძოლა, დაჰპირდა იმუნიტეტს მათ, ვინც ჩაჰბარდება, ხოლო წინააღმდეგობის გამწევებს „გარდაუვალი სიკვდილით“ დაემუქრა. მან გაიმეორა მოწოდებები ირანელი ხალხისადმი, რომ აჯანყდნენ მთავრობის წინააღმდეგ.„მოვუწოდებ ყველა ირანელ პატრიოტს, ვისაც თავისუფლება სწყურია, გამოიყენონ ეს მომენტი, იყვნენ მამაცები, გაბედულები, გმირულები და დაიბრუნონ თავიანთი ქვეყანა“, - თქვა ტრამპმა წინასწარ ჩაწერილ ვიდეოში. „ამერიკა თქვენთანაა“.სხვადასხვა მედიასაშუალებებთან ინტერვიუში ტრამპმა თქვა, რომ სამხედრო კამპანია ირანის წინააღმდეგ შესაძლოა მინიმუმ ოთხი კვირა გაგრძელდეს.ეგზისტენციალური გამოწვევა ირანისთვისReuters წერს, რომ ხამენეის სიკვდილის შემდეგ ირანი ძალაუფლების ვაკუუმის წინაშე დგას, რამაც შესაძლოა ქვეყანა ქაოსში ჩააგდოს, თუმცა ტრამპის ადმინისტრაციას ქვეყნისთვის გრძელვადიანი მიზნები არ ჩამოუყალიბებია.ირანის „რევოლუციურმა გვარდიამ“ კვირას განაცხადა, რომ მათ დაარტყეს აშშ-ისა და გაერთიანებული სამეფოს სამ ნავთობტანკერს ყურესა და ჰორმუზის სრუტეში და თავს დაესხნენ სამხედრო ბაზებს ქუვეითსა და ბაჰრეინში დრონებითა და რაკეტებით. ნაოსნობის მონაცემებმა აჩვენა, რომ ასობით გემმა, მათ შორის ნავთობისა და გაზის ტანკერებმა, ღუზა ჩაუშვეს მიმდებარე წყლებში; ტრეიდერები ორშაბათს ნედლი ნავთობის ფასების მკვეთრ ზრდას ელიან.გლობალური საჰაერო მიმოსვლა ასევე მნიშვნელოვნად შეფერხდა, რადგან საჰაერო დარტყმების გამო ახლო აღმოსავლეთის უმსხვილესი აეროპორტები დახურული რჩება, მათ შორის დუბაი - მსოფლიოს ყველაზე დატვირთული საერთაშორისო ჰაბი. ეს ბოლო წლების განმავლობაში ავიაციის ერთ-ერთი ყველაზე დიდი შეფერხებაა. აზიური ავიაკომპანიების აქციების ფასი ორშაბათს დაეცა, ზოგიერთი მსხვილი გადამზიდავის მაჩვენებელი 5%-ზე მეტით შემცირდა.გაურკვეველი რჩება, როგორია ირანის გრძელვადიანი პერსპექტივები ხელმძღვანელობის აღსადგენად და 86 წლის ხამენეის შესაცვლელად, რომელსაც ძალაუფლება 1989 წლიდან, ისლამური რესპუბლიკის დამფუძნებლის, აიათოლა რუჰოლა ხომეინის სიკვდილის შემდეგ ეჭირა.ექსპერტების თქმით, მიუხედავად იმისა, რომ მისი და სხვა ირანელი ლიდერების სიკვდილი ირანისთვის უდიდესი დარტყმაა, ეს სულაც არ ნიშნავს ირანის გამჯდარი სასულიერო მმართველობის ან ელიტური „რევოლუციური გვარდიის“ მოსახლეობაზე გავლენის დასრულებას.თუმცა, ჯერ კიდევ ნაადრევია იმის თქმა, როგორი იქნება ირანელი ხალხის რეაქცია ცვლილებებზე. ირანული სოციალური მედიის ახალი ანალიზი გლობალური სადაზვერვო ფირმა Redpoint Advisors-ისგან მიუთითებს, რომ საზოგადოება უკვე ხამენეის მიღმა იყურება მისი შემცვლელის ძიებაში.

1772434114

X-ზე გამოქვეყნებულ ვიდეოში პრემიერ-მინისტრმა განაცხადა: „ამერიკის შეერთებულმა შტატებმა მოითხოვა ნებართვა გამოიყენოს ბრიტანული ბაზები კონკრეტული და შეზღუდული თავდაცვითი მიზნებისთვის. ჩვენ მივიღეთ გადაწყვეტილება დავაკმაყოფილოთ ეს მოთხოვნა, რათა აღვკვეთოთ ირანის მიერ რეგიონში რაკეტების გაშვება, რაც კლავს მშვიდობიან მოსახლეობას, საფრთხეს უქმნის ბრიტანელების სიცოცხლეს და ხვდება იმ ქვეყნებს, რომლებიც კონფლიქტში ჩართულნი არ იყვნენ".საფრანგეთსა და გერმანიასთან ერთად მანამდე გავრცელებულ ერთობლივ განცხადებაში, გაერთიანებულმა სამეფომ მიანიშნა, რომ სამმა ქვეყანამ შესაძლოა პირველად დაუჭიროს მხარი აშშ-ისა და ისრაელის მიერ ირანის ტერიტორიაზე განხორციელებულ თავდასხმებს.„ჩვენ გადავდგამთ ნაბიჯებს ჩვენი და რეგიონში ჩვენი მოკავშირეების ინტერესების დასაცავად, რაც შესაძლოა მოიცავდეს პროპორციულ თავდაცვით ქმედებებს ირანის შესაძლებლობების გასანადგურებლად, რათა მათ ვერ შეძლონ რაკეტებისა და დრონების გაშვება უშუალოდ წყაროდან“, - ნათქვამია სტარმერის განცხადებაში. My update on the situation in the Middle East. pic.twitter.com/DvsOVcTDMy — Keir Starmer (@Keir_Starmer) March 1, 2026 მანამდე, ბრიტანეთი უარს ეუბნებოდა აშშ-ს ისეთი ბაზების გამოყენებაზე, როგორიცაა RAF Fairford და დიეგო გარსია (ჩაგოსის არქიპელაგი), საერთაშორისო სამართალზე მითითებით. ამ გადაწყვეტილების გამო დონალდ ტრამპმა უარი თქვა მხარი დაეჭირა სტარმერის შეთანხმებისთვის კუნძულების მავრიკისთვის გადაცემის შესახებ.The Telegraph-ის ცნობით, პოზიციის შეცვლას წინ უძღოდა ირანის ორდღიანი ინტენსიური დაბომბვა და ირანული დარტყმები ყურის ქვეყნებზე. აშშ-ისა და ისრაელის სარაკეტო დარტყმები კვირას გაძლიერდა მას შემდეგ, რაც ირანის უმაღლესი ლიდერი, ალი ხამენეი მოკლეს, რასაც მოჰყვა ირანული რაკეტებისა და დრონების საპასუხო ტალღა.ირანის დედაქალაქ თეირანის რამდენიმე რაიონი დაიბომბა, რადგან აშშ-ის სამხედრო-საზღვაო და საჰაერო ძალები სრული საჰაერო უპირატესობის მოპოვებას ცდილობენ. საომარი მოქმედებების დაწყებიდან 48 საათზე ნაკლებ დროში, აშშ-ისა და ისრაელის ძალებმა გაანადგურეს ირანის უმაღლესი ხელმძღვანელობის დიდი ნაწილი, ათობით სარაკეტო გამშვები და ჩაძირეს რეჟიმის ცხრა სამხედრო ხომალდი. გარდა ამისა, დემონტაჟებულია ასაფეთქებელი ნივთიერებების მთავარი ქარხანა.კვირას, პირველ მარტს, თავდაცვის სამინისტრომ დაადასტურა სავარაუდო დრონით თავდასხმა კვიპროსზე მდებარე RAF Akrotiri-ის ბაზაზე. დაშავებულები არ არიან. კვიპროსზე მყოფმა ბრიტანელმა სამხედროებმა მიიღეს გაფრთხილება „უსაფრთხოების საფრთხის“ შესახებ და შენობებში დარჩნენ. არსებობს ვარაუდი, რომ აფეთქებები ლიბანიდან ნასროლი რაკეტებით იყო გამოწვეული, რაც შესაძლოა ირანის მარიონეტული ჯგუფის, „ჰეზბოლას“ მიერ ყოფილიყო ორგანიზებული. „ჰეზბოლამ“ შუაღამისას ისრაელის მიმართულებით რაკეტების სეტყვა დაუშვა, რაც მიუთითებს იმაზე, რომ ჯგუფი ოფიციალურად ჩაება ომში.დონალდ ტრამპმა განაცხადა, რომ ირანის დროებითი ლიდერები მზად არიან ცეცხლის შეწყვეტის შესახებ მოლაპარაკებებისთვის. მან აღნიშნა, რომ ოპერაციები დაგეგმილია ოთხ კვირაზე, ან უფრო ნაკლებ დროზე, თუ რეჟიმი ბირთვულ შეთანხმებას დათანხმდება. მარ-ა-ლაგოდან გავრცელებულ ვიდეოში მან მოუწოდა რევოლუციურ გვარდიას და ირანის არმიას, დაყარონ იარაღი და მიიღონ სრული იმუნიტეტი, წინააღმდეგ შემთხვევაში მათ „გარდაუვალი სიკვდილი“ ელით.ტრამპის მიერ რეჟიმის შეცვლაზე გაკეთებული ფსონის ფასი კვირას გაიზარდა: აშშ-მა დაადასტურა პირველი დანაკარგები - სამი დაღუპული და ხუთი დაჭრილი ჯარისკაცი. ნავთობის ფასი (Brent crude) 13%-ით გაიზარდა და ბარელზე 82 დოლარს მიაღწია, რაც ბოლო შვიდი თვის მაქსიმუმია. ჰორმუზის სრუტეში, საიდანაც მსოფლიო ნავთობის მიწოდების მეხუთედი გადის, ნაოსნობა შეჩერებულია.ირანულმა რაკეტებმა დააზიანეს სამიზნეები ისრაელსა და ყურის ქვეყნებში, მათ შორის ბაჰრეინში, ომანში, ქუვეითში, კატარსა და არაბთა გაერთიანებულ საამიროებში. რეგიონში ასობით ათასი ბრიტანეთის მოქალაქეა ჩარჩენილი და მთავრობა მეორე მსოფლიო ომის შემდეგ ერთ-ერთ ყველაზე მასშტაბურ ევაკუაციას გეგმავს.კირ სტარმერმა ხაზგასმით აღნიშნა, რომ თავდაცვითი მოქმედებები შეესაბამება საერთაშორისო სამართალს. თუმცა, მასზე ზეწოლა ხორციელდება როგორც „მემარცხენეებისგან“, რომლებიც თავდასხმებს უკანონოდ მიიჩნევენ, ისე „მემარჯვენეებისგან“, რომლებიც მეტ სიმტკიცეს სთხოვენ. ლეიბორისტული პარტიის ზოგიერთმა წევრმა და „მწვანეთა პარტიის“ ლიდერმა ზაკ პოლანსკიმ თავდასხმები დაგმეს, როგორც აგრესიის უკანონო აქტი.ამავდროულად, კანადის პრემიერ-მინისტრმა მარკ კარნიმ, ავსტრალიის პრემიერმა ენტონი ალბანიზმა და უკრაინის პრეზიდენტმა ვოლოდიმირ ზელენსკიმ მხარი დაუჭირეს აშშ-ის ქმედებებს ირანის ბირთვული შეიარაღებისა და რეგიონული საფრთხეების აღსაკვეთად.

1772427960