საქართველოში რეგისტრირებული თითქმის მილიონი კომპანიიდან მხოლოდ 27% ფუნქციონირებს

კერძოდ, 2024 წლის მარტში, ComCom-ში შემოვიდა მომხმარებლის საჩივარი ინტერნეტთან დაკავშირებული პრობლემის შესახებ, რის შემდეგაც, კომისიამ აბონენტთან 24 საათიანი ინტერნეტის სიჩქარისა და ხარისხის შემოწმების ტესტი ჩაატარა. ტესტმა დაადგინა, რომ „სილქნეტის" მიერ მიწოდებული ინტერნეტ მომსახურება არ შეესაბამებოდა ოპერატორსა და აბონენტს შორის არსებული ხელშეკრულებით გათვალისწინებულ პირობებს.კერძოდ, საჩივრის დაფიქსირების შემდეგ ComCom-ის მიერ ჩატარებულმა ინტერნეტის ხარისხის გაზომვის 24 საათიანმა ტესტმა აჩვენა, რომ ჯიტერის მაჩვენებელი შეადგენდა 152.9 მილიწამს, მაშინ, როდესაც ხელშეკრულება ითვალისწინებს

1714651854

სიტყვით გამოსვლისას მან ყურადღება გაამახვილა საქართველოს საინვესტიციო მიმზიდველობაზე, საიმედო ეკონომიკური პოლიტიკისა და ბიზნესის კეთებისთვის ხელსაყრელ გარემოზე და აღნიშნა, რომ რომ ქვეყნის მიმზიდველ საინვესტიციო გარემოს ისეთი რანგის საერთაშორისო ორგანიზაციები აღიარებენ, როგორიცაა: Heritage Foundation, OECD, World Bank და ა.შ.პანელური დისკუსიის ფარგლებში განიხილეს არაერთი ინიციატივა ფინტექის განვითარებისა და საერთაშორისო გადახდების მხარდასაჭერად, ასევე სხვადასხვა რეგიონის  საუკეთესო საერთაშორისო პრაქტიკა და პროექტები, რომლებშიც ქართული მხარე ჩართულია.ნათია თურნავამ აღნიშნა, რომ ქვეყანაში არსებულმა ტექნოლოგიურმა მიღწევებმა მნიშვნელოვნად შეუწყო ხელი საქართველოს ამჟამინდელ ეკონომიკურ განვითარებას.მისივე განცხადებით, არსებული დაბალი ინფლაცია, მზარდ ეკონომიკასთან ერთად,  მხოლოდ რეალურ ეკონომიკაში  პროდუქტიულობით აიხსნება, რაც ტექნოლოგიური ინოვაციებითაა განპირობებული.პანელურ დისკუსიაში გამოსვლისას ნათია თურნავამ ხაზი გაუსვა, რომ შუა დერეფანში საქართველოს სტრატეგიული მდებარეობის ასათვისებლად და რეგიონული ფინტექ ჰაბის ხელშეწყობის მიზნით, სებ-მა უკვე გაატარა გადამწყვეტი პოლიტიკა ფინტექის განვითარებისთვის. შემუშავდა  მარეგულირებელი ჩარჩო ლიცენზირების მკაფიო წესებით. ბოლო წლებში სებ-მა დანერგა ლიცენზირების სხვადასხვა რეჟიმი, როგორიცაა ციფრული ბანკინგის, VASP-ის და პლატფორმის ლიცენზიები.„აღსანიშნავია, რომ საქართველოში საბანკო სექტორი მაღალი დიჯიტალიზაციით ხასიათდება და ძალიან აქტიურია ახალი ფინანსური ტექნოლოგიების განვითარების თვალსაზრისით. ციფრულ გადახდებში არსებითი ზრდა ფიქსირდება,  მობაილ ბანკის ტრანზაქციების ყოველწლიური გაორმაგება შეინიშნება, ეს კი მნიშვნელოვან როლს თამაშობს დიჯიტალიზაციის და უნაღდო ანგარიშსწორების მომავალი ზრდისთვის. QR კოდები გადახდების სფეროში კი სულ უფრო ფართოდ ვრცელდება. "- აღნიშნა ნათია თურნავამ.მან ასევე ისაუბრა ციფრული ბანკების მნიშვნელობაზე, რაც ქვეყნებს შორის გადახდების გაზრდის კიდევ ერთი წყაროა.„ეროვნული ბანკი მოწოდებულია, 2025 წლისთვის განახორციელოს მყისიერი გადახდების პროექტი, რაც  საქართველოში მნიშვნელოვნად გააუმჯობესებს გადახდის სერვისებს. 2022 წლიდან სებ-ის ხელშეწყობით ამოქმედდა სამი ციფრული ბანკი, რომელთაგან ერთი ხელს უწყობს შეუფერხებელ ტრანზაქციებს ევროკავშირის ეკონომიკურ ზონასთან, ხოლო მეორე არის მსოფლიოში პირველი პროგრამირებადი ბანკი, რომელიც სინგაპურში დაარსდა", - განაცხადა ნათია თურნავამ.პანელურ დისკუსიაში მონაწილეობდნენ კორეის ბანკის პრეზიდენტი ჩენგ იონგ რი,  სინგაპურის მონეტარული ორგანოს ფინტექ დირექტორი სოპნენდუ  მოჰანტი, ლიტვის ბანკის საბჭოს წევრი სიმონას კრეპშტა და კომპანია Raisin-ის დირექტორი თამაზ გიორგაძე. პანელს მოდერატორობა ფინტექ და ინოვაციების სფეროში მოქმედი საკონსულტაციო კომპანია CreatLink-ის დამფუძნებელმა და აღმასრულებელმა დირექტორმა ანა მაი გაუწია.პანელური დისკუსიის დასრულების შემდეგ, საქართველოს ეროვნულ ბანკსა და ფინტექ კომპანია Elevandi-თან ურთიერთთანამშრომლობის მემორანდუმი გაფორმდა.

1714649493

ანონიმმა წაშალა საქართველოს მმართველი პარტიის ( http:// gd.ge ) და მასთან დაკავშირებული პროპაგანდისტული მედიასაშუალების POSTV ( http:// postv.media ) ვებგვერდები.რუსეთის მიერ კონტროლირებად საქართველოს მარიონეტულ მთავრობას: მიუხედავად ჩვენი გაფრთხილებისა თქვენ გადაწყვიტეთ უგულებელყოთ ჩვენი მოთხოვნა მომიტინგეების მიმართ პოლიციის სისასტიკის შეჩერების შესახებ და განაგრძეთ მათი შეურაცხყოფა, შევიწროება და ზიანი. თქვენი საკუთარი მოქალაქეების მიმართ თქვენი არაადამიანური ქმედებებისთვის, ჩვენ გავაგრძელებთ თქვენი მთავრობის ყოველი ვებ-ზე დაფუძნებული აქტივის ოფლაინ ხაზგასმას. ეს არ არის საფრთხე; ეს არის დაპირება. სანამ სამართლიანობა არ იმარჯვებს, მას ჰაკერობა და პროტესტი ჩაანაცვლებს. უსაფრთხოებისა და დემოკრატიის მიზეზი გაამართლებს თავდასხმას თქვენს ვირტუალურ ინფრასტრუქტურაზე. არ დაგავიწყდეთ: საქართველო რუსეთი არ არის და არც არასდროს იქნება", - წერს ანონიმუსი.

1714648884

ღონისძიებაში მონაწილეობა მიიღეს ადგილობრივი და საერთაშორისო საფინანსო ინსტიტუტების წარმომადგენლებმა. ბაზრის მოთამაშეებმა, ინვესტორებმა და ემიტენტებმა, კაპიტალის ბაზრის მდგრადი განვითარების პერსპექტივები და ის საინვესტიციო პროექტები მიმოიხილეს, რომლებიც საქართველოში და განვითარებად ქვეყნებში ESG და მწვანე ობლიგაციების ბაზრის ზრდასა და განვითარებას ემსახურება.აღნიშნული ღონისძიება საქართველოს ბანკის და თიბისის ESG სტრატეგიის ნაწილი და ბანკების მიერ, მდგრადი განვითარების ხელშეწყობისთვის განხორციელებული კიდევ ერთი ინიციატივაა.„მდგრადობის კომპონენტის შემოტანა ობლიგაციების ბაზარზე გლობალური ტენდენციაა, რამდენადაც ეს დაფინანსების მოძიების მნიშვნელოვანი პირობა ხდება. ამ პროცესს საერთაშორისო საფინანსო ინსტიტუტების მხრიდან მნიშვნელოვანი მხარდაჭერა აქვს. მდგრადი ემისიები უკანასკნელ წლებში საქართველოშიც მნიშვნელოვნად არის გაზრდილი. აღნიშნულ ტრენდს მნიშვნელოვნად შეუწყო ხელი გალტ & თაგარტმა, რომელიც ადგილობრივ ბაზარზე პირველი მწვანე, მდგრადობასთან დაკავშირებული და სოციალური (გენდერული) ობლიგაციების ემისიების განთავსების აგენტი იყო. ჩვენმა სემინარმა, რომელიც ADB-ის ყოველწლიური შეხვედრის ფარგლებში ჩატარდა, ადგილობრივ და საერთაშორისო ექსპერტებს უმასპინძლა, რომლებმაც მდგრადი დაფინანსების შესახებ ისაუბრეს. სემინარის მიზანი კომპანიებისა და ინვესტორებისთვის პრაქტიკული ცოდნის გაზიარება და მდგრადი ემისიების ხელშეწყობა იყო", - ლევან შავკაციშვილი, გალტ & თაგარტის აღმასრულებელი დირექტორი.„მსოფლიოში ESG და მწვანე ობლიგაციების გამოშვება სწრაფი ტემპით იზრდება. ბაზრის კაპიტალიზაცია უკვე 1 ტრილიონ დოლარს აჭარბებს. სულ უფრო მეტი ინვესტორი იღებს ვალდებულებას, რომ პორტფელში მწვანე ობლიგაციების წილს გაზრდის და გარემოსთვის სასარგებლო საინვესტიციო გადაწყვეტილებებს მიიღებს. მნიშვნელოვანია, რომ ქართული კომპანიებიც ამ ტენდენციის მონაწილეები იყვნენ იმისთვის, რომ კიდევ უფრო მეტად დავაინტერესოთ ადგილობრივი და საერთაშორისო ინვესტორები. სწორედ ამიტომ, ძალიან დროული ინიციატივა იყო ჩაგვეტარებინა კაპიტალის ბაზარზე ESG-ის როლთან დაკავშირებული სესია ისეთ მასშტაბურ პლატფორმაზე, როგორიც ADB-ის ყოველწლიური შეხვედრაა. თიბისი კაპიტალის მხარდაჭერით, ამ ეტაპზე, 5 მწვანე ობლიგაციაა განთავსებული ბაზარზე, რაც ხაზს უსვამს თიბისი კაპიტალის და ზოგადად, თიბისი ჯგუფის წვლილს და ინტერესს მდგრადი განვითარების მიმართულებით. სესიაზე, რომლის ერთ-ერთი სპიკერიც მე ვიყავი, მწვანე, გენდერული თანასწორობისა და ზოგადად, თემატური ობლიგაციების მნიშვნელობაზე ვისაუბრეთ  და მიმოვიხილეთ გზები, როგორ შეგვიძლია ხელი შევუწყოთ მათ განვითარებას. ასევე, განვიხილეთ ESG ობლიგაციებში ინვესტირების შესაძლებლობები და სექტორები, რომლებიც ყველაზე აქტიურად უშვებენ ESG ბონდებს", - მერი ჩაჩანიძე, თიბისი კაპიტალის მმართველი დირექტორი.აზიის განვითარების ბანკის (ADB) 57-ე ყოველწლიურ შეხვედრას, საქართველო 2-5 მაისს, პირველად მასპინძლობს. ყოველწლიური შეხვედრა არის პლატფორმა, სადაც ADB, პარტნიორებთან ერთად, აზიისა და წყნარი ოკეანის რეგიონის წინაშე არსებულ გამოწვევებსა და ამ გამოწვევების გადაჭრის გზებს განიხილავს.

1714647238

არასამთავრობო ორგანიზაციების განცხადებაში, რომელსაც ხელს 53 არასამთავრობო ორგანიზაცია და მედიასაშუალება აწერს, ნათქვამია: „ქალბატონ ასელ იუსუპბეკოვას, მდივანი, აზიის განვითარების ბანკი (ADB) ქალბატონ ლესლი ბერმან ლამს, დირექტორი, ADB საქართველოს მუდმივი მისია, ცენტრალური და დასავლეთ აზიის დეპარტამენტი ADB-ის 57-ე წლიური შეხვედრის ყველა დელეგატს, საქართველოს სამოქალაქო საზოგადოების ორგანიზაციები მივესალმებით აზიის განვითარების ბანკის 57-ე წლიური შეხვედრის მონაწილეებს, რომლებსაც თბილისი მასპინძლობს 2024 წლის 2-5 მაისს. ჩვენ განსაკუთრებით მივესალმებით ჩვენს კოლეგებს და პარტნიორები რეგიონის სამოქალაქო საზოგადოების სექტორიდან, ვინც დაუღალავად იღვწის დემოკრატიის, ადამიანის უფლებების და მდგრადი განვითარების ხელშეწყობისთვის. გვინდა მოვუწოდოთ კლიმატის ცვლილების, ხელოვნური ინტელექტისა და მწვანე ეკონომიკის საკითხების განსახილველად შეხვედრის დელეგატებს, ჩვეული პატივისცემით მოეკიდონ ქართული საზოგადოების ბრძოლას დამოუკიდებლად განსაზღვრონ ქვეყნის განვითარების ტრაექტორია და განაგრძონ სვლა დემოკრატიული, ინკლუზიური და მშვიდობიანი საქართველოსთვის.როგორც დღეს ქუჩებში მყოფი საქართველოს ყველა მოქალაქე, ჩვენც ვამაყობთ ჩვენი ისტორიით, კულტურით და სტუმართმოყვარეობით და გვინდა ეს ყოველივე გაგიზიაროთ თქვენ. ამავდროულად, მნიშვნელოვანია, რომ ჩვენმა პატივცემულმა სტუმრებმა დაადასტურონ ADB-ის წევრი მთავრობების მიერ ადამიანის უფლებებისა და ფუნდამენტური თავისუფლებების დაცვისა და ხელშეწყობის მნიშვნელობა, როგორც საქართველოს მთავრობის წარმომადგენლებთან ამ საკითხებზე საუბრით, ასევე საჯარო საზეიმო ღონისძიებებში მონაწილეობისგან თავის შეკავებით, და, რაც მთავარია, მკაფიო პოზიციის დაფიქსირებით გამოხატვის თავისუფლებისა და მთავრობის ანგარიშვალდებულების მნიშვნელობაზე”.მიმართვას ხელს აწერენ: საერთაშორისო გამჭვირვალობა საქართველოევროპის ფონდისაქართველოს რეფორმების ასოციაცია (GRASS)თბილისი პრაიდიეკონომიკური პოლიტიკის კვლევის ცენტრი (EPRC)GFSIS - რონდელის ფონდისაქართველოს ევროპული ორბიტამთავრობის მონიტორინგის ცენტრი (GMC)დემოკრატიული კვლევის ინსტიტუტი (DRI)ქალთა ინიციატივების მხარდაჭერის ჯგუფიილიას იურიდიული სახლი (Iliasi)სამოქალაქო საზოგადოების ფონდიწამების მსხვერპლთა Ფსიქოსოციალური და სამედიცინო რეაბილიტაციის ცენტრი GCRTსამოქალაქო იდეადემოკრატიის ვირტუალური აკადემიანაბიჯი განვითარებისთვისჟურნალისტიკის რესურს ცენტრი JRCსაქართველოს Რეგიონულ გამომცემელთა ალიანსი GARBკოალიცია დამოუკიდებელი ცხოვრებისთვის CILგორის სათემო რადიო მოზაიკაკოალიციური მოძრაობა ცვლილებებისათვისშეზღუდული შესაძლებლობების მქონე ქალთა ეროვნული ქსელი (NNWWD)ოჯახები დისკრიმინაციის წინააღმდეგ (FAD)საქართველოს დემოკრატიული ინიციატივა (GDI)ინფორმაციის თავისუფლების განვითარების ინსტიტუტი (IDFI)საქართველოს დაუნის სინდრომის ასოციაციაუფლებები საქართველონინოწმინდის სათემო რადიო-ტვ «ნორი»გურიის სამოქალაქო ცენტრიᲐსოციაცია ანიკაᲡაქართველოს ყრუთა კავშირიდემოკრატიის ინდექსი - საქართველოᲤონდი აფხაზინტერკონტიᲨშმ ბავშვთა მშობელთა კავშირი,,ლამპარი’’შშმ ქალთა ეროვნული ქსელიკეთილდღეობის და განვითარების ცენტრიახალგაზრდა მეცნიერთა კავშირი "ინტელექტი"ინოვაციებისა და სამოქალაქო განვითარების ცენტრი- პროგრესის სახლიმედიის განვითარების ფონდისაქართველოს სასოფლო დარბაზიმედია ცენტრი კახეთისაქართველოს რეგიონული რადიოსადგურთა ქსელისაზოგადოებრივ საგანმანათლებლო ასოციაცია ჰერეთიკონსულტაციისა და ტრენინგის ცენტრი (CTC)მედიასახლი “გურია ნიუსი“ორგანიზაცია Post-ალიონი“საქართველოს მედია მონიტორინგის ცენტრიმედია აპრილითავისუფალ ჟურნალისტთა სახლიᲡამოქალაქო აქტივობების ცენტრი [CCA]რადიო “მარნეული”საქართველოს ჟურნალისტური ეთიკის ქარტიაᲜაბიჯი ხარაგაული

1714645875

მან სტუმრებს მადლობა გადაუხადა ღონისძიებაში მონაწილეობისთვის და იმედი გამოთქვა, რომ სემინარის ფარგლებში გაიმართება საინტერესო დისკუსია.„ჩემთვის დიდი პატივი და პასუხისმგებლობაა 2024 წელს ბანკის ყოველწლიური შეხვედრის მასპინძლობა თბილისში. მადლობელი ვარ აზიის განვითარების ბანკის თავდადებული გუნდის მხარდაჭერისთვის ამ მნიშვნელოვანი ღონისძიების ორგანიზების პროცესში.თემატური საკითხებია: დაკავშირებადობის გაუმჯობესება - ევროპული დაკავშირებადობა და შუა დერეფანი; ფინანსური ტექნოლოგიების სფეროში შექმნილი შესაძლებლობებისა და იმპულსის განხილვა; პერსპექტივები ახალი ბაზრებისთვის - ადგილობრივი ვალუტებისა და ფასიანი ქაღალდების ბაზრის განვითარება. ასე რომ, მოუთმენლად ველი დღევანდელ დისკუსიას და ყველას გისურვებთ ნაყოფიერ დღეს. იმედი მაქვს, რომ თემატური დისკუსიები ინფორმაციული და საინტერესო იქნება", - განაცხადა ფინანსთა მინისტრმა, ლაშა ხუციშვილმა.

1714644585

„მათი საბოლოო მიზანია – გამოათრიონ სააკაშვილი, მოაწყონ 152–ე ქართული მაიდანი, წამოსწიონ დესტრუქციული ძალები, ოსეთისა და აფხაზეთის წინააღმდეგ სამხედრო აგრესია გააჩაღონ. მათ ეს სჭირდებათ, რადგან ამის გარეშე ძალიან რთულია ჩვენი ძალების უკრაინის სამხედრო სცენიდან გამოდევნა“, – თქვა კორნაუხოვმა.მისი თქმით, რუს ძალოვნებს ძალიან მარტივად შეუძლიათ საქართველოს ხელისუფლებისთვის დახმარების გაწევა „ტერორისტული წარმონაქმნებისთვის კისრის მოგრეხვით“, რომლებიც „უცხოელი აგენტების“ კანონს აპროტესტებენ.კორნაუხოვი საქართველოს პრეზიდენტის სალომე ზურაბიშვილის გადაყენების იდეითაც გამოდის, რომელიც „ქართული ოცნების“ მთავრობას აკრიტიკებს.„რა თქმა უნდა, ზურაბიშვილი უნდა მოშორდეს. რა საჭიროა იგი? საქართველოში პროამერიკული ძალები თავიდან უნდა მოვიშოროთ. საქართველო მთლიანად უნდა გაიწმინდოს“, – განაცხადა კორნაუხოვმა.რუსეთის ხელისუფლება მსოფლიოში ერთადერთია, რომელიც „ქართული ოცნების“ მიერ ინიციირებულ ე.წ. რუსულ კანონს მხარს უჭერს.

1714643895

მათივე თქმით, საფრანგეთი საქართველოში არსებულ ვითარებას თვალს შეშფოთებით ადევნებს და იგი, უცხოური გავლენის შესახებ კანონის მიღების შემდეგ, დემონსტრანტების წინააღმდეგ ძალადობის გამოყენებას გმობს. "საქართველომ ძალისხმევა უნდა გააგრძელოს, რათა ევროკავშირს თავისი მოსახლეობის სურვილის შესაბამისად დაუახლოვდეს“, - წერს საფრანგეთის საგარეო უწყება X-ზე.საფრანგეთის საგარეო უწყების მსგავსად საქართველოს ხელისუფლების გადაწყვეტილებას, მიიღოს „აგენტების კანონი“, განცხადებით გამოეხმაურა აშშ-ის საელჩო საქართველოში.„საქართველოს მთავრობის განცხადებები და ქმედებები შეუსაბამოა დემოკრატიულ ღირებულებებთან, რომელიც ევროკავშირისა და NATO-ს წევრობის საფუძველშია და ძირს უთხრის საქართველოს ევროატლანტიკური ინტეგრაციის გზას“,- ნათქვამია განცხადებაში.„შეერთებული შტატები გმობს კრემლის მიერ შთაგონებულ „უცხოური გავლენის" კანონმდებლობის წინ წაწევას საქართველოს პარლამენტში და მთავრობის ოფიციალური პირების ყალბ ნარატივს, რომელსაც მის დასაცავად მიმართეს. მმართველი პარტიის წევრები ცხადად ამბობენ, რომ კანონის მიზანია, ჩაახშოს კრიტიკული ხმები და გაანადგუროს საქართველოს მრავალფეროვანი სამოქალაქო საზოგადოება, რომელიც ნებისმიერ დემოკრატიულ ქვეყანაში მთავრობის კონტროლის უმნიშვნელოვანეს როლს ასრულებს.ეს კანონი და „ქართული ოცნების“ ანტიდასავლური რიტორიკა საქართველოს სახიფათო გზაზე აყენებს“, - აცხადებს აშშ-ის საელჩო.განცხადებაში ვკითხულობთ, დიპლომატიური წარმომადგენლობა მიიჩნევს, რომ ძალის გამოყენება მშვიდობიანი შეკრებისა და სიტყვის თავისუფლების ჩასახშობად მიუღებელია.„ჩვენ ვდგავართ ქართველი ხალხის გვერდით და მხარს ვუჭერთ მათ უფლებას, რომ გაგონილი იყოს მათი ხმა. ვგმობთ ძალადობას მშვიდობიანი დემონსტრანტების წინააღმდეგ, მათ შორის ჟურნალისტების წინააღმდეგ, რომლებიც დემონსტრაციებს აშუქებენ. ძალის გამოყენება მშვიდობიანი შეკრებისა და სიტყვის თავისუფლების ჩასახშობად მიუღებელია. მოვუწოდებთ ხელისუფლებას არაძალადობრივი აქციის მონაწილეებს მისცეს შესაძლებლობა, გააგრძელონ გამოხატვის თავისუფლების უფლების გამოყენება“, - ვკითხულობთ განცხადებაში.მიმდინარე აქციებს ბრიტანეთის საელჩო საქართველოშიც ეხმაურება და აცხადებს, რომ ბრიტანეთი ყურადღებით აკვირდება მოვლენებს.„საქართველოს მოქალაქეები მკაფიოდ და ხმამაღლა აფიქსირებენ თავიანთ სურვილს გახდნენ ევროატლანტიკური ოჯახის წევრები. მათი ხმა გაგონილ უნდა იქნეს. მშვიდობიანი პროტესტის გამოხატვის უფლება უნდა იყოს დაცული”, – ნათქვამია განცხადებაში."საქართველო უკანასკნელი წლების განმავლობაში „ჰედლაინებში" პოზიტიური საკითხების გამო ხშირად ხვდებოდა, მათ შორის, შემიძლია გამოვყო კანდიდატის სტატუსის მიღების საკითხი, მნიშვნელოვანი რეგიონული თანამშრომლობის ინიციატივები და ახლა "ჰედლაინებში" ყოფნა ამ სამწუხარო პროტესტის გამო, გამოწვევაა", - ამის შესახებ სამხრეთ კავკასიაში მსოფლიო ბანკის რეგიონულმა დირექტორმა როლანდ პრაისმა აზიის განვითარების ბანკის 57-ე ყოველწლიურ შეხვედრაზე ჟურნალისტებთან განაცხადა, რითაც უპასუხა „უცხოური გავლენის გამჭვირვალობის შესახებ“ კანონპროექტთან დაკავშირებით დასმულ კითხვას.მისივე თქმით, საქართველო ძალიან ფოკუსირებული იყო ევროკავშირის კანდიდატის სტატუსის მოპოვებაზე და აქედან გამომდინარე ხელისუფლება ამ გზაზე გადასადგმელ ნაბიჯებს სიფრთხილით უნდა მოეკიდოს.„მე ვფიქრობ, რომ ქვეყანა ძალიან ფოკუსირებული იყო ევროკავშირის კანდიდატობაზე, არა მხოლოდ კავშირის წევრობაზე, არამედ ამ კუთხით ეკონომიკურ ზრდასა და განვითარებაზეც. ვფიქრობ, ყველა ეს მიზეზი ჯერ კიდევ არსებობს და აქედან გამომდინარე, ძალიან მნიშვნელოვანია, რომ ხელისუფლება და ქვეყნის ლიდერები სიფრთხილით მოეკიდონ შემდეგ ნაბიჯებს. მე ვფიქრობ, რომ რეფორმები, რომლებიც იყო მოტივირებული ევროკავშირის კანდიდატობით, ჯერ კიდევ რელევანტურია და ვფიქრობ, საქართველოსთვის მნიშვნელოვანია ამ კურსის შენარჩუნება, რათა საფრთხე არ შეექმნას ამას.ჩვენ უნდა შევაფასოთ, რა შესაძლო გავლენა შეიძლება ჰქონდეს აღნიშნულ კანონს იმ სამუშაოზე, რომელსაც საქართველოში ვეწევით. ის თუ რა გავლენას მოახდენს ეს კანონი ევროკავშირთან ურთიერთობას, ვფიქრობ, ევროკავშირის წარმომადგენლებს უნდა ჰკითხოთ. მსოფლიო ბანკი, უფრო მეტად დაკავებულია საქართველოში ეკონომიკური განვითარების, სიღარიბის ზრდის საკითხებით და საბოლოოდ და საქართველოსა და ქართველებისთვის კეთილდღეობის შექმნით და ვიცი, რომ ამაზე საქართველოს ხელისუფლებაც ფიქრობს. ვისურვებდი, რომ მათ განაგრძონ ამ მიმართულებებზე მუშაობა, თუ რა რეფორმები უნდა გატარდეს და რა გზის არჩევა უნდა მოხდეს, საქართველოში კეთილდღეობის შესაქმნელად“,- განაცხადა როლანდ პრაისმა.ცნობისთვის, 1–ელ მაისს რუსთაველის გამზირზე „რუსული კანონის“ გასაპროტესტებლად ასი ათასამდე ადამიანი შეიკრიბა. შსს-მ განაცხადა, რომ პოლიცია სრულად გაიყვანა ადგილიდან.რამდენიმე ათეული ადამიანი 9 აპრილის ქუჩის მხრიდან პარლამენტის ჭიშკარს ეჯაჯგურებოდა. სპეცრაზმმა, რომელიც პარლამენტის ეზოში იყო, მათ წინააღმდეგ ცრემლსადენი გაზი, სპრეი და წყლის ჭავლი გამოიყენა. შემდეგ კი გაზი რამდენჯერმე გაუშვეს რუსთაველის გამზირის მხარესაც. აქციის მონაწილეები აცხადებენ, რომ გამოიყენეს ასევე რეზინის ტყვია, თუმცა შსს ამ ფაქტს უარყოფს.დღეს, 2 მაისის დილას, საქართველოს პარლამენტის აპარატმა განაცხადა, რომ პლენარული სხდომები არ გაიმართება. „მოქმედებს წითელი და შემდეგ ყვითელი დონეები, ვინაიდან 1-ელ მაისს, საპროტესტო აქციის მონაწილეების მიერ საქართველოს პარლამენტის სასახლეზე განხორციელებული თავდასხმის შედეგად დაზიანდა პარლამენტის შენობა და ინფრასტრუქტურა, შესაბამისად დღეს, 2 მაისს, პარლამენტის სასახლეში დაგეგმილი ღონისძიებები (ბიუროს და პლენარული სხდომები) არ გაიმართება“, – ნათქვამია პარლამენტის მიერ გავრცელებულ ინფორმაციაში.ფოტო: მაქსიმე ბაქრაძე

1714642907