დამოუკიდებელი საქართველოს ისტორიაში პირველად: რკინიგზა 50 ლოკომოტივსა და 1 500 ვაგონს ყიდულობს

წლევანდელი ღონისძიება თემას “პატარა ნაბიჯები” დაეთმო, რათა სიმბოლურად წარმოეჩინა პროცესი, რომლის მეშვეობითაც მნიშვნელოვანი მიზნები თანმიმდევრული და გააზრებული ქმედებებით მიიღწევა. ეს კონცეფცია დიდწილად „კრისტალის“ განვითარების ისტორიასაც ასახავს: კომპანია, რომელმაც საქმიანობა 28 წლის წინ, პატარა ნაბიჯებით დაიწყო, დღეს ქართული საფინანსო სექტორის წარმატებულ ორგანიზაციას წარმოადგენს. ამ გზაზე კი, შრომასა და პროფესიონალიზმთან ერთად, მნიშვნელოვანი მამოტივირებელი ფაქტორები ახალი ცოდნის, გამოცდილებების გაზიარება და ცვლილებებისკენ მუდმივი სწრაფვა იყო.კომპანიის საქმიანობის საფუძველს წარმოადგენს ცოდნისა და გამოცდილების გაზიარება, ახალი შესაძლებლობების იდენტიფიცირება და მხარდაჭერა, ასევე იმ მცირე, თუმცა კრიტიკულად მნიშვნელოვანი ბიძგების შექმნა, რომლებიც ადამიანებსა და ბიზნესებს განვითარების გზაზე წინსვლაში ეხმარება. ეს ღირებულებები „კრისტალის“ კორპორაციულ კულტურას დაარსების დღიდან განსაზღვრავს და TEDxTbilisi 2026-ის მხარდაჭერაც სწორედ ამ ღირებულებების ნაწილია.“TEDx მთელ მსოფლიოში არაერთი ადამიანისთვის იქცა სივრცედ, სადაც ხშირად აღმოაჩენენ ცოდნას, სიახლეებსა და შთაგონებას პირადი თუ საზოგადოებრივი ცხოვრების ცვლილებებისთვის. მოხარულები ვართ, რომ წელს ეს ღონისძიება სწორედ “კრისტალთან” პარტნიორობით გაიმართა. მსგავსი ინიციატივების მხარდაჭერა ხელს უწყობს იდეების გავრცელებასა და საზოგადოების გაძლიერებას, ხოლო ღონისძიებაზე გაზიარებული ისტორიები და ხედვები შესაძლოა იქცეს მოტივაციად ახალი შესაძლებლობების რეალიზებისთვის და კიდევ ერთხელ შეახსენებს საზოგადოებას, რომ ყველაზე ამბიციურ მიზნამდე გზა სწორედ პატარა ნაბიჯებითა და ცვლილებებით იწყება”, - აღნიშნავს მიკრობანკ “კრისტალის” გენერალური დირექტორი ილია რევია.TEDx გლობალური მასშტაბის ღონისძიებაა, რომელიც მთელ მსოფლიოში ტარდება და  ათასობით მონაწილეს აერთიანებს. იგი წარმოადგენს იდეების გაზიარებისა და შემოქმედებითი აზროვნების განვითარების სივრცეს. TEDxTbilisi საქართველოში 2012 წლიდან იმართება TED-ის ლიცენზიის ფარგლებში და უკვე ტრადიციულად მასპინძლობს სხვადასხვა სფეროს წარმომადგენელ სპიკერებს. ღონისძიება ყოველწლიურად 500-ზე მეტ მონაწილეს აერთიანებს და ქმნის პლატფორმას ინოვაციური იდეებისა და გამოცდილებების გაზიარებისთვის.#შენი შესაძლებლობების ბანკიTEDxTbilisi 2026#პატარა ნაბიჯებიმიკრობანკი “კრისტალის” შესახებ:მიკრობანკი “კრისტალი” საქართველოში მოქმედი წამყვანი ფინანსური ინსტიტუტია, რომელიც დინამიურად იზრდება და ვითარდება. კომპანიამ 2025 წლის 12 თებერვალს, საქართველოს ეროვნული ბანკისგან მიკრობანკის ლიცენზია მიიღო. ლიცენზიის მიღებას კრისტალი 27-წლიანი გამოცდილებით და სანდო იმიჯით, 600 მილიონი ლარის სასესხო პორტფელით, 47 ფილიალში დასაქმებული 1 000-ზე მეტი თანამშრომლით და ქვეყნის მასშტაბით 100 000 -ზე მეტი უნიკალური მომხმარებლით შეხვდა. კრისტალის პარტნიორები არიან საერთაშორისო და ადგილობრივი მსხვილი ფინანსური ინსტიტუტები. (R)

1777977739

Outstanding Digital CX - Payments - მსოფლიოში საუკეთესო ციფრული გამოცდილება გადახდებში Best Retail Bank for Digital CX - საუკეთესო ციფრული გამოცდილება აღმოსავლეთ ევროპაში Best Retail Bank for Digital CX – საუკეთესო ციფრული გამოცდილება საქართველოში Outstanding Digital CX - Bank Cards – საქართველოში საუკეთესო ციფრული გამოცდილება საბანკო ბარათებში Highly Acclaimed: Best Digital CX – Onboarding – გამორჩეული ციფრული გამოცდილება მომხმარებლის რეგისტრაციისას ბიზნეს მობაილბანკში. მორიგი მნიშვნელოვანი საერთაშორისო აღიარება კიდევ ერთხელ უსვამს ხაზს, რომ თიბისი საკუთარი მომხმარებლებისთვის მუდმივად აუმჯობესებს ციფრულ გამოცდილებას და ამით ადამიანებს ცხოვრებას უმარტივებს.ეს ჯილდოები იმის დასტურია, რომ თიბისიში ციფრული პროცესებზე წვდომა და სანდოობა საგრძნობლად გაიზარდა; ციფრული ბანკინგი გახდა ადამიანების ყოველდღიურობის განუყოფელი ნაწილი - გადახდები ხელმისაწვდომია 24/7-ზე და მომხმარებელს 500-მდე სერვისს სთავაზობს. გადახდების შესრულება შესაძლებელი გახდა ნებისმიერ დროს, წამებში, ხარვეზების გარეშე და ეს პროცესი ყოველდღიურად იხვეწება და მომხმარებელზე მორგებული ხდება.მნიშვნელოვნად გამარტივდა და უფრო სწრაფი გახდა მობაილბანკში რეგისტრაციის და ბარათების გაცემის პროცესი.სამუშაო პროცესებში მომხმარებელთა აქტიური ჩართულობით, მოსმენით, მათი  სურვილებისა და საჭიროებების გათვალისწინებით იქმნება ციფრული გამოცდილების ახალი სტანდარტები, რამაც თიბისის არაერთი საერთაშორისო აღიარება მოუტანა.The Digital Banker საერთაშორისო მედია და კვლევითი პლატფორმაა, რომლის ერთ-ერთი ყველაზე ძლიერი მიმართულება გლობალური ბანკინგ ჯილდოებია, სადაც მსოფლიოს წამყვანი ბანკები და ფინანსური ინსტიტუტები მონაწილეობენ. Digital CX Awards 2026-ის ოფიციალური გალა-დაჯილდოება სინგაპურში გაიმართა, სადაც თიბისის წარმომადგენლებს ჯილდოები გადაეცათ.(R)

1777975751

სტუდენტებთან შეხვედრას ეკონომისტი და ოპერაციების მკვლევარი, ლევან ფავლენიშვილი უძღვებოდა. კურსს სხვადასხვა უნივერსიტეტის 100-მდე სტუდენტი დაესწრო.შეხვედრის ძირითადი თემები ეხებოდა ისეთ საკითხებს, როგორებიცაა: ბიუჯეტირება, ფულის ფსიქოლოგია, ხარჯვის ემოციური ფაქტორები, პროცენტი, ანაბარი, ემოციების გავლენა დანაზოგებზე და სხვა.ტრენინგის გავლის შემდეგ მონაწილეებს გადაეცათ სერტიფიკატები.ინფორმაციისთვის, 2026 წელს ფინანსური წიგნიერების სასერტიფიკატო კურსების ფარგლებში, შეხვედრები იმართება სამ განსხვავებულ ჯგუფთან: სტუდენტებთან, მასწავლებლებთან და სკოლის მოსწავლეების მშობლებთან. თითოეული კურსი მორგებულია ინდივიდუალური ჯგუფის ინტერესებსა და საჭიროებებს.  შეხვედრები ტარდება როგორც ფიზიკურ, ასევე ონლაინ ფორმატში და მათ მაღალკვალიფიციური ლექტორები უძღვებიან..გაეცანით საქართველოს ბანკის მიერ შექმნის საგანმანათლებლო პროექტებს ვებგვერდზე: ganatleba.bog.ge(R)

1777973055

ამჟამად აქტიური მუშაობა მიმდინარეობს თბილისი-ბათუმის რეისის მგზავრობის დროის შემცირებაზე. ზაფხულის სეზონის ბოლოსთვის რკინიგზა მგზავრებს ბათუმში, 5 საათისა და 30 წუთის ნაცვლად, 4 საათში ჩაიყვანს.„არსებულ რეისებს ორი ახალი მიმართულება დაემატება: თბილისი-ქუთაისი-თბილისი და თბილისი-ახალციხე-თბილისი. ამჟამად მიმდინარეობს თბილისი-ახალციხის მონაკვეთის სრული რეაბილიტაცია, კაპიტალურად შეკეთდება სარკინიგზო ინფრასტრუქტურა, რის შემდეგაც მგზავრებს ახალციხეში სამ საათში ჩავიყვანთ. ასევე ვიწყებთ ბორჯომ-ბაკურიანის რკინიგზის აღდგენას. სრული რეაბილიტაცია ჩაუტარდება ე.წ. კუკუშკას, რომელიც მგზავრებს 2027 წლიდან მოემსახურება“, - აცხადებს ლაშა აბაშიძე. (R)

1777972373

კომპანიის წმინდა მოგება 2026 წლის პირველი ოთხი თვის მონაცემებით 2025 წლის იმავე პერიოდთან შედარებით 30%-მდე გაიზარდა. იმავდროულად, საქართველოს რკინიგზის საოპერაციო მოგების მარჟა 2025 წლის პირველ ნახევართან შედარებით 25%-დან 36%-მდე გაუმჯობესდა.მნიშვნელოვნად გაიზარდა კომპანიის შემოსავლები. 2025 წლის პირველ ნახევართან შედარებით მეორე ნახევარში 10%-იანი ზრდა დაფიქსირდა, ხოლო 2026 წლის პირველი 4 თვის მონაცემები 2025 წლის იმავე პერიოდთან მიმართებით 15%-ით არის გაზრდილი.კომპანიის ფინანსური მაჩვენებლები ადასტურებს, რომ საქართველოს რკინიგზა აგრძელებს ფინანსური მდგრადობის განმტკიცებას და ეფექტურობის მაღალ ნიშნულზე შენარჩუნებას, რაც ქვეყნის სატრანსპორტო სექტორის განვითარების უმნიშვნელოვანესი წინაპირობაა.„საოპერაციო და ადმინისტრაციული ხარჯები შევამცირეთ, მოვახდინეთ საკადრო ოპტიმიზაცია, გადავხედეთ გაფორმებულ ხელშეკრულებებს და თანხები ამ მიმართულებითაც დავზოგეთ, კომპანიისთვის საკმაოდ ნაყოფიერი წელი გვქონდა“, - განაცხადა საქართველოს რკინიგზის გენერალურმა დირექტორმა.ლაშა აბაშიძის განმარტებით, წლის განმავლობაში არაერთი სტრატეგიული ცვლილება განხორციელდა. გაუქმდა იჯარა 400 ერთეულ ვაგონზე, ხოლო გვირაბების სამუშაოებზე დაზოგილმა თანხამ დაახლოებით ₾13 მლნ შეადგინა. გარდა ამისა, დამყარდა პირდაპირი კომუნიკაცია საქართველოს რკინიგზასა და საკონტეინერო გადაზიდვების ტვირთმფლობელებს შორის.ჩინეთთან, ყაზახეთთან და აზერბაიჯანთან წარმატებული მოლაპარაკებების შედეგად გაციფრულდა სერვისები და სასაზღვრო პროცედურების დრო შემცირდა 7.5-ჯერ (15-დან 2 სთ-მდე)საქართველოს რკინიგზის მიერ ბოლო ერთი წლის განმავლობაში მიღწეული შედეგები დღეს ლაშა აბაშიძემ სასტუმრო „პარაგრაფში“ გამართულ ღონისძიებაზე მთავრობის წევრებსა და დამსწრე საზოგადოებას წარუდგინა.

1777972157

სამშაბათს ჟურნალისტებთან საუბრისას პრემიერმა ხაზგასმით აღნიშნა, რომ მიუხედავად პოზიტიური განწყობისა, კიევის მხრიდან გადადგმული წარსული ნაბიჯები თბილისისთვის კვლავ პრობლემურია.„საუბრის სულისკვეთება და განწყობა, რომელიც იყო გამოხატული ორივე მხრიდან, იყო მეგობრული. რა თქმა უნდა, რაც იყო პრობლემები, ის პრობლემები ისევ არის ძალაში, მაგრამ ჩვენ უნდა ვიყოთ მომავალზე ორიენტირებულები და ეს არის ჩვენი სულისკვეთება“, - განაცხადა კობახიძემ.პრემიერმა უარი თქვა შეხვედრის შინაარსობრივი დეტალების გასაჯაროებაზე მისი დახურული ფორმატის გამო, თუმცა მიანიშნა, რომ კიევის მხრიდან ელჩის გაწვევისა და უკრაინელი მაღალჩინოსნების (პოდოლიაკი, დანილოვი) კრიტიკული განცხადებების საკითხი კვლავ გადაუჭრელია.კობახიძის განმარტებით, შეხვედრა, რომელიც სომხეთში ევროპული პოლიტიკური გაერთიანების (EPC) სამიტის ფარგლებში შედგა, პრეზიდენტ ზელენსკის ინიციატივა იყო. მისი თქმით, ქართულმა მხარემ მზადყოფნა მყისიერად დაადასტურა, რადგან უკრაინა საქართველოსთვის „მეგობარი ქვეყანაა“.თავის მხრივ, ვოლოდიმირ ზელენსკიმ X-ზე დაადასტურა, რომ საქართველოს პრემიერთან „ხანმოკლე, მაგრამ მართებული“ საუბარი შედგა.„ჩვენს ქვეყნებს შორის გადაუჭრელი საკითხები მართლაც არსებობს. მნიშვნელოვანია, რომ დიალოგი ყველა დონეზე იყოს. უკრაინა საქართველოს ყოველთვის პატივს სცემდა და ამ პატივისცემას ახლაც განაგრძობს“, - წერს უკრაინის პრეზიდენტი.თბილისსა და კიევს შორის ურთიერთობები 2022 წელს რუსეთის უკრაინაში სრულმასშტაბიანი შეჭრის შემდეგ უკიდურესად დაიძაბა. ომის დაწყებიდან მალევე, 2022 წლის 1 მარტს, პრეზიდენტმა ზელენსკიმ საქართველოდან ელჩი გაიწვია. მიზეზად დასახელდა თბილისის უარი რუსეთის წინააღმდეგ ორმხრივი სანქციების დაწესებაზე და მოხალისეების უკრაინაში გამგზავრებისთვის სავარაუდო ხელის შეშლა.თბილისში ამ ნაბიჯებს „ცალმხრივი მეგობრობა“ უწოდეს. მმართველი პარტიის, „ქართული ოცნების“ ლიდერები აცხადებენ, რომ უკრაინის ხელისუფლების წარმომადგენლები, ევროკავშირის ბიუროკრატებთან და ოპოზიციასთან ერთად, საქართველოში „მეორე ფრონტის“ გახსნას ცდილობდნენ - ბრალდება, რომელსაც კიევი მუდმივად უარყოფს.თუმცა, დიპლომატიური ბზარი რუსეთის აგრესიამდე გაცილებით ადრე გაჩნდა: 2020 წელი: საქართველომ უკრაინიდან ელჩი თეიმურაზ შარაშენიძე მას შემდეგ გამოიწვია, რაც პატიმრობაში მყოფი ექსპრეზიდენტი მიხეილ სააკაშვილი უკრაინის რეფორმების საბჭოს აღმასრულებელ პოსტზე დაინიშნა. 2021 წელი: თითქმის ერთწლიანი პაუზის შემდეგ, ელჩი კიევში მხოლოდ მას შემდეგ დაბრუნდა, რაც პრეზიდენტმა სალომე ზურაბიშვილმა უკრაინას ღია სოლიდარობა გამოუცხადა რუსეთის მომავალი აგრესიის ფონზე. 2026 წელი: თითქმის ოთხწლიანი პაუზის შემდეგ, ვოლოდიმირ ზელენსკიმ საქართველოში ახალი ელჩის დანიშვნის ბრძანებას ხელი მხოლოდ მიმდინარე წლის 26 იანვარს მოაწერა. საქართველოს ხელისუფლება მუდმივად უსვამს ხაზს იმას, რომ ომის დაწყებიდან თბილისმა უკრაინას მნიშვნელოვანი ჰუმანიტარული დახმარება აღმოუჩინა, მიიღო ათასობით ლტოლვილი და მხარი დაუჭირა ყველა რეზოლუციას საერთაშორისო ასპარეზზე. პარალელურად, უკრაინის ფრონტის ხაზზე რუსული აგრესიის წინააღმდეგ ასეულობით ქართველი მოხალისე იბრძვის.

1777970586

ანგარიშში, რომელიც ევროკომისიის 2025 წლის შეფასებებს ეყრდნობა, აღნიშნულია, რომ მმართველმა პარტიამ, „ქართულმა ოცნებამ“, ქვეყნის საგარეო ვექტორი საფრთხის ქვეშ დააყენა.მიზნობრივი სანქციები და „დაუსჯელობის დასრულება“ევროპარლამენტარები ხაზგასმით აღნიშნავენ, რომ ბიძინა ივანიშვილის, მმართველი გუნდის ლიდერების, მოსამართლეებისა და პროკურორების წინააღმდეგ დაწესებული პერსონალური სანქციები დაუსჯელობის წინააღმდეგ ბრძოლის უმნიშვნელოვანესი იარაღია.„ანგარიშის პროექტი ხაზს უსვამს, რომ ევროკავშირისა და მისი წევრი სახელმწიფოების მიერ ბიძინა ივანიშვილის, „ქართული ოცნების“ ძირითადი ლიდერების... და სხვა თანამდებობის პირების მიმართ, რომლებიც პასუხისმგებლები არიან არჩევნების გაყალბებასა და ადამიანის უფლებების დარღვევებზე, დაწესებული სანქციები მნიშვნელოვანი ინსტრუმენტია“, - ნათქვამია განმარტებით ბარათში.დოკუმენტი მიესალმება იმ ფაქტს, რომ ევროკავშირის დონეზე ერთსულოვნების არარსებობის მიუხედავად, ცალკეული წევრი სახელმწიფოები ინდივიდუალურად აწესებენ შეზღუდვებს და სხვებსაც იმავე ქმედებისკენ მოუწოდებენ.სავიზო შეზღუდვების საფრთხეევროპარლამენტი მხარს უჭერს ევროკომისიის წინადადებას, რომელიც დიპლომატიური და ოფიციალური პასპორტების მქონე პირებისთვის უვიზო მიმოსვლის შეჩერებას ითვალისწინებს. თუმცა, დოკუმენტში გამოთქმულია მწუხარება, რომ უნგრეთისა და სლოვაკეთის წინააღმდეგობის გამო, ამ ეტაპზე ევროკავშირის მასშტაბით ერთიანი სავიზო აკრძალვების ამოქმედება ვერ მოხერხდა.ანგარიში შეიცავს პირდაპირ გაფრთხილებას საქართველოს მოსახლეობისთვისაც:„საქართველოს ხელისუფლების მხრიდან უმოქმედობის გაგრძელებამ შეიძლება გამოიწვიოს მთელი მოსახლეობისთვის უვიზო მიმოსვლის შეჩერება, რაზეც სრულად პასუხისმგებელი „ქართული ოცნება“ იქნება.“„მოსკოვის მექანიზმი“ და საერთაშორისო ზედამხედველობაევროპარლამენტარები ასევე მიესალმებიან ეუთოს მიერ „მოსკოვის მექანიზმის“ ამოქმედებას 24 წევრი ქვეყნის ინიციატივით. აღნიშნული მექანიზმი ითვალისწინებს ექსპერტთა მისიის გაგზავნას საქართველოში, რათა შეფასდეს, რამდენად ასრულებს თბილისი საერთაშორისო დონეზე აღებულ დემოკრატიულ ვალდებულებებს.დოკუმენტი სრულ სოლიდარობას უცხადებს ქართველ ხალხს, რომელიც „მზარდი რეპრესიებისა და დეზინფორმაციის ფონზე“ აგრძელებს ბრძოლას ევროპული მომავლისთვის.

1777968841

როგორც კობახიძემ ჟურნალისტებს განუცხადა, ამ ეტაპზე მთავრობა აქტიურ მოლაპარაკებებს აწარმოებს პოტენციურ ინვესტორებთან, თუმცა დეტალები მოგვიანებით გახდება ცნობილი.„ჩვენ კონცენტრირებული ვართ ინვესტორზე. მთავარი არის ის, რომ ანაკლიის პორტი აშენდება და სახელმწიფო მიიღებს მაქსიმალურ მოგებას ამ პროექტიდან... ანაკლიის პორტი ყველა შემთხვევაში აშენდება და მოემსახურება ჩვენი ქვეყნის სატრანზიტო ფუნქციის შემდგომ განვითარებას“, - აღნიშნა პრემიერმა.ანაკლიის ღრმაწყლოვანი ნავსადგურის პროექტი საქართველოს დამოუკიდებლობის ისტორიაში ერთ-ერთი ყველაზე ამბიციური გეოპოლიტიკური და ეკონომიკური ინიციატივაა. მისი იდეა ქვეყნის სტრატეგიულ მდებარეობას ეფუძნება და მიზნად ისახავს საქართველოს გადაქცევას „შუა დერეფნის“ უმნიშვნელოვანეს რგოლად, რომელიც ჩინეთსა და ცენტრალურ აზიას ევროპასთან დააკავშირებს. ტრადიციული პორტებისგან განსხვავებით, ანაკლიის მთავარი უპირატესობა მისი სიღრმეა, რაც ქვეყანას საშუალებას მისცემს, ისტორიაში პირველად მიიღოს დიდი მოცულობის, ე.წ. Panamax-ის ტიპის გემები.პროექტის აქტიური ფაზა 2016 წლიდან დაიწყო, როდესაც ტენდერში „ანაკლიის განვითარების კონსორციუმმა“ (ADC) გაიმარჯვა. კონსორციუმში, რომლის სათავეშიც მამუკა ხაზარაძე და ბადრი ჯაფარიძე იდგნენ, გაერთიანებული იყვნენ „თიბისი ჰოლდინგ ანაკლია“, ამერიკული Conti International, ნიდერლანდური Van Oord PPP International, ბრიტანული Wondernet Express, ბულგარული G-Star და ინვესტორი ბობ მეიერი.სამშენებლო სამუშაოები საზეიმოდ 2017 წელს დაიწყო და მოიცავდა ზღვის ფსკერის მასშტაბურ დაღრმავებას. თავდაპირველი გეგმით, პორტს პირველი გემი 2020 წელს უნდა მიეღო, თუმცა პროცესი მალევე შეფერხდა. ძირითადი დაბრკოლება საერთაშორისო ბანკებისგან დაფინანსების მოზიდვასა და სახელმწიფოსგან მოთხოვნილ დამატებით გარანტიებს უკავშირდებოდა, რასაც თან დაერთო სამართლებრივი დავა კონსორციუმის დამფუძნებლების წინააღმდეგ.2020 წლის იანვარში საქართველოს მთავრობამ კონსორციუმთან გაფორმებული ხელშეკრულება ოფიციალურად გაწყვიტა. სახელმწიფომ მიზეზად ვალდებულებების შეუსრულებლობა დაასახელა, ხოლო კონსორციუმი ხელისუფლებას პროექტისთვის ხელის შეშლაში ადანაშაულებდა. აღნიშნულ საქმეზე საერთაშორისო არბიტრაჟში გამართული ორივე დავა სახელმწიფოს გამარჯვებით დასრულდა და კონსორციუმის მოთხოვნა მრავალმილიარდიანი კომპენსაციის შესახებ არ დაკმაყოფილდა.ხელშეკრულების გაწყვეტის შემდეგ, სახელმწიფომ მიიღო გადაწყვეტილება პორტის მშენებლობა საკუთარი სახსრებით გაეგრძელებინა, სადაც საკონტროლო, 51%-იანი წილი სახელმწიფოს საკუთრებაში დარჩებოდა, ხოლო ინვესტორს მხოლოდ 49% გადაეცემოდა.2024 წლის 29 მაისს მთავრობამ გამოაცხადა, რომ კერძო პარტნიორად ჩინურ-სინგაპურული კონსორციუმი (CCCC) შეირჩა, თუმცა ამ დროის მონაცემებით, ოფიციალური საინვესტიციო ხელშეკრულება მათთან ჯერ არ დადებულა.ამჟამად ადგილზე საზღვაო სამშენებლო სამუშაოები განახლებულია და მას ბელგიური გიგანტი Jan De Nul ახორციელებს. პროექტის პირველი ფაზის ფარგლებში ნავსადგურის ფსკერი 16 მეტრამდე უნდა დაღრმავდეს. განახლებული გეგმის მიხედვით, ანაკლიის ღრმაწყლოვანი პორტი პირველ გემს 2029 წელს მიიღებს, რაც მნიშვნელოვნად გაზრდის საქართველოს ტვირთბრუნვასა და მის გავლენას საერთაშორისო ლოგისტიკურ ჯაჭვში.

1777968551