Galt & Tagart: 2026 წელი სავალუტო შემოდინებების პოზიტიური დინამიკით დაიწყო

პროკურატურის განცხადებით, მათ მიერ ჩატარებული გამოძიებით დადგინდა, რომ გია ონიანმა, ლენტეხის მუნიციპალიტეტის მერად არჩევის შემდეგ, სასტუმროს აშენების მიზნით, შეიძინა მიწის ნაკვეთი და დაუკვეთა მშენებლობის პროექტი.„საქმეზე ჩატარებული გამოძიებით დადგინდა, რომ გია ონიანმა, ლენტეხის მუნიციპალიტეტის მერად არჩევის შემდეგ, სასტუმროს აშენების მიზნით, შეიძინა მიწის ნაკვეთი და დაუკვეთა მშენებლობის პროექტი. პროექტი, რომელიც ვერ პასუხობდა სამშენებლო ნორმების მოთხოვნებს, კერძოდ განაშენიანების ფართი არ შეესაბამებოდა მოქმედ კოეფიციენტს, გია ონიანმა, მეუღლის სახელზე რეგისტრირებული კომპანიის მეშვეობით წარადგინა ლენტეხის მუნიციპალიტეტის მერიის არქიტექტურის სამსახურში, რომელსაც ნუგზარ ტვილდიანი ხელმძღვანელობდა და სამშენებლო ნებართვის გაცემა მოითხოვა“.„ნებართვის გაცემის პროცესში, გია ონიანმა და ნუგზარ ტვილდიანმა ბოროტად გამოიყენეს სამსახურებრივი უფლებამოსილება, არ გაითვალისწინეს მუნიციპალიტეტის ტერიტორიაზე სავალდებულოდ მოქმედი, ,,ტერიტორიების გამოყენების და განაშენიანების რეგულირების ძირითადი დებულებების შესახებ’’ საქართველოს მთავრობის დადგენილების, აგრეთვე სივრცის დაგეგმარების, არქიტექტურული და სამშენებლო საქმიანობის კოდექსის მოთხოვნები, განაშენიანების ფართის ნაწილში მოქმედ კოეფიციენტთან წინააღმდეგობის ფაქტი, მშენებლობის ადგილზე კულტურული მემკვიდრეობის ძეგლის არსებობა და მიუხედავად იმისა, რომ მშენებლობის საკითხი შეთანხმებული არ ჰქონდათ კულტურული მემკვიდრეობის დაცვის ეროვნულ სააგენტოსთან, ასეთ პირობებში გასცეს კანონმდებლობის შეუსაბამო სამშენებლო ნებართვები.სასტუმროს მშენებლობის პროცესში, ზედამხედველობის სამსახურმა, რომელსაც გია ონიანის მეუღლის დის ქმარი გიორგი გულბანი ხელმძღვანელობდა, ნაცვლად იმისა, რომ შეეჩერებინა კანონის მოთხოვნათა დარღვევით ნაწარმოები მშენებლობა, რაც გასცდა სამშენებლო მოედნის ფარგლებს და გაგრძელდა კერძო პირისა და სახელმწიფოს საკუთრებაში არსებული მიწის ნაკვეთების საზღვრებში, ასევე განეხორციელებინა მახლობლად არსებული კულტურული მემკვიდრეობის ძეგლის დაცვის სათანადო კონტროლი, გია ონიანს საშუალება მისცა გაეგრძელებინა უკანონო მშენებლობა. ბრალდებულთა აღნიშნული ქმედებით, არსებითად დაირღვა სახელმწიფოს კანონიერი ინტერესი.დაკავებულებს ბრალდება სამსახურებრივი უფლებამოსილების ბოროტად გამოყენების ფაქტზე წარედგინებათ, რაც სასჯელის სახედ და ზომად სამ წლამდე თავისუფლების აღკვეთას ითვალისწინებს.პროკურატურა აღკვეთის ღონისძიების შეფარდების შუამდგომლობით სასამართლოს კანონით დადგენილ ვადაში მიმართავს“, – ნათქვამია პროკურატურის მიერ გავრცელებულ განცხადებაში. 

1771851719

მოკლევადიან პერიოდში ლარის გამყარების დინამიკა თიბისი კაპიტალის მოლოდინებს შეესაბამება, რაზეც წინა მაკროეკონომიკურ განახლებაშიც იყო საუბარი. "აღნიშნულის ფონზე, როგორც პუბლიკაციის შემდგომი გამოხმაურებები მოწმობს, ერთ-ერთი ყველაზე აქტუალური შეკითხვაა: სადამდე გამყარდება ლარი? სანამ უშუალოდ პასუხზე გადავალთ, კიდევ ერთხელ შევაჯამოთ თიბისი კაპიტალის მკითხველისთვის კარგად ცნობილი მიმდინარე გარემო და ლარზე მოქმედი ფაქტორების უახლესი დინამიკა: აშშ დოლარის გაუფასურება გლობალურ ბაზრებზე - 2025 წლის დასაწყისიდან აშშ დოლარი როგორც ევროსთან, ასევე უფრო ფართო მასშტაბით, მნიშვნელოვნად გაუფასურდა. მიმდინარე წელს - მიუხედავად იმისა, რომ, ჩვენი შეფასებით, აშშ დოლარი ევროსთან მიმართებით ჯერ კიდევ გრძელვადიან წონასწორულ ნიშნულზე ძლიერი რჩება - აშშ დოლარის დამატებით მნიშვნელოვანი გაუფასურება საბაზო სცენარს არ წარმოადგენს. კერძოდ, ჩვენი პროგნოზით, ევრო/აშშ დოლარის გაცვლითი კურსი წლის ბოლოსთვის 1.22-ს მიაღწევს. ამდენად, ეს ფაქტორი ლარზე მხოლოდ მცირედით დადებითად იმოქმედებს. ძლიერი წმინდა სავალუტო შემოდინებები - ერთი მხრივ, საქონლისა და მომსახურების ექსპორტიდან, ტურიზმიდან და ფულადი გზავნილებიდან გაზრდილი შემოდინებებისა და, მეორე მხრივ, იმპორტის ზრდის შენელების ფონზე, 2025 წელს საქართველოში წმინდა სავალუტო შემოდინებები მნიშვნელოვნად გაიზარდა. მიმდინარე წლის დასაწყისში სავალუტო შემოდინებები ძლიერი რჩება, რაც ლარის მხარდამჭერი ფაქტორია. დეპოზიტების ლარიზაცია - 2024 წელს სენტიმენტების გაუარესების ფონზე დეპოზიტების დიდი ნაწილი უცხოურ ვალუტაში დაკონვერტირდა, 2025 წელს კი აღნიშნული კონვერტაციების საპირისპირო მიმართულებით შემოტრიალებამ ლარის მხარდამჭერი გარემოს ჩამოყალიბების კუთხით ერთ-ერთი საკვანძო როლი შეასრულა. ამავდროულად, მიმდინარე წლის იანვარ-თებერვალში, დღიურ შეფასებაზე დაყრდნობით, ლარიზაცია თითქმის უცვლელია, მცირედით შემცირებულიც კი, რაც ჩვენს პროგნოზებთან თანხვედრაშია. ამდენად, მოლოდინების შესაბამისად, 2026 წელს კონვერტაციების ეფექტი უკვე თითქმის ამოწურულია. გაზრდილი წლიური ინფლაცია - მკითხველისთვის ცნობილია, რომ, მაგალითად, აშშ-ში, მოსალოდნელზე მაღალი ინფლაცია, როგორც წესი, აშშ დოლარის გამყარებას იწვევს. მსგავსი პრინციპია საქართველოს შემთხვევაშიც - ინფლაციის ზრდა უფრო მკაცრ მონეტარულ პოლიტიკას მოიაზრებს, რაც, შესაძლოა, საპროცენტო განაკვეთის უფრო გვიან შემცირებაში ან გაზრდაშიც კი გამოვლინდეს. აღსანიშნავია, რომ მონეტარული პოლიტიკის ბოლო სხდომაზე სებ-მა რეფინანსირების განაკვეთი უცვლელად, 8%-ზე შეინარჩუნა. მოცემული ფაქტორებიდან ლარის მოკლევადიან პროგნოზზე გამყარების მიმართულებით ყველაზე მეტად ინფლაციის აჩქარება მოქმედებს.  მართალია, იანვარში ფასების ზრდა დიდწილად სურსათის ქვეჯგუფში იყო კონცენტრირებული, თუმცა აღმავალ დინამიკას სამომხმარებლო კალათის ცალკეული პროდუქტები არ განაპირობებდა. შესაბამისად, გაცვლით კურსსა და ინფლაციას შორის მჭიდრო კავშირის გათვალისწინებით, გარკვეულწილად მაგრამ მაინც, ეს მიმდინარე პერიოდში ლარის უფრო მეტად გამყარების არგუმენტია, განსაკუთრებით იმის გათვალისწინებით, რომ ლარი ზედმეტად გაუფასურებული რჩება.ამდენად, დავუბრუნდეთ მთავარ შეკითხვას - სადამდე გამყარდება ლარი? პასუხის გასაცემად, პირველ რიგში, გაცვლით კურსზე მოქმედ ფუნდამენტურ ფაქტორებს უნდა დავეყრდნოთ. თიბისი კაპიტალის მოკლე და გრძელვადიანი წონასწორობის მოდელების ერთობლიობით, ლარი, დღევანდელი მდგომარეობით, წონასწორულ ნიშნულთან შედარებით, დაახლოებით, 5 თეთრით ზედმეტად არის გაუფასურებული. რასაკვირველია, ეს გამყარების ზუსტ პროგნოზს არ წარმოადგენს, თუმცა მაკროეკონომიკური კუთხით სასარგებლო საორიენტაციო წერტილია, რომლისკენაც, სხვა თანაბარ პირობებში, ლარი მიისწრაფვის.გარდა ამისა, აღსანიშნავია, რომ, ჩვენი შეფასებით, თებერვალში სებ-ის მიერ უცხოური ვალუტის შესყიდვა მნიშვნელოვნად არის აჩქარებული და, არსებული ტემპის შენარჩუნების შემთხვევაში, შესაძლოა, 2025 წლის ივლისის რეკორდულად მაღალ შესყიდვებსაც გადააჭარბოს. ვინაიდან მსგავსი მასშტაბის ინტერვენციების მიუხედავად ლარი მაინც მყარდება, ეს ბაზარზე უცხოური ვალუტის მიწოდების მნიშვნელოვან სიჭარბეზე მიუთითებს.საერთო ჯამში, მოკლევადიან პერიოდში ლარის გამყარების არგუმენტები საკმაოდ ძლიერია, თუმცა, ჩვენი შეფასებით, გამყარების მასშტაბი შედარებით მოზომილი იქნება. ამავდროულად, 2026 წლის ბოლოსთვის კვლავ ლარის მცირედი გაუფასურებაა მოსალოდნელი, რადგან საბაზო სცენარად საგარეო ბალანსის გარკვეული გაუარესება და ინფლაციის შენელება რჩება. აუცილებლად გასათვალისწინებელია რუსეთ-უკრაინის ომის დასრულების გაზრდილი ალბათობაც - კონფლიქტის დასრულების სცენარში საქართველოს ეკონომიკაზე როგორც დადებითი, ასევე უარყოფითი მხრივ მრავალი ფაქტორი იმოქმედებს, თუმცა წმინდა ეფექტი, ჩვენი შეფასებით - რაც, შესაძლოა, მიმდინარე მდგომარეობით, საბაზრო კონსენსუსი არ არის - გარკვეულწილად მაინც უარყოფითი იქნება. თავისთავად, მნიშვნელოვანია ისეთი დროებითი ფაქტორების გათვალისწინებაც, როგორიცაა 2025 წლის ბოლოსთვის ავტომობილების წმინდა ექსპორტის გაუმჯობესება. ამდენად, თიბისი კაპიტალის პროგნოზით, მიმდინარე პერიოდში სავარაუდოდ მცირედით გამყარების შემდეგ, წლის ბოლოსათვის ასევე ზომიერი, მაგრამ გაუფასურება კვლავ ჩვენი საბაზო სცენარია", - ვკითხულობთ თიბისი კაპიტალის მიმოხილვაში. 

1771851396

ბერლინში სიტყვით გამოსვლისას, მერცმა აღნიშნა, რომ უკრაინის ბრძოლა რუსეთის თავდასხმების წინააღმდეგ იმაზე ეფექტურია, ვიდრე ამას ხშირად წარმოაჩენენ. პარალელურად, ვოლოდიმირ ზელენსკიმ განაცხადა, რომ უკრაინის მიერ დაკარგული ტერიტორიების დაბრუნება „მხოლოდ დროის საკითხია“.უკრაინის სამხედრო უწყების ხელმძღვანელმა დღეს გამოაცხადა, რომ უკრაინამ დაიბრუნა კონტროლი 400 კვადრატულ კილომეტრ ტერიტორიაზე, მათ შორის რვა დასახლებულ პუნქტზე ალექსანდრიუკას ღერძზე, რადგან სამხრეთის კონტრშეტევა შენელების ნიშნებს არ ავლენს.სრულმასშტაბიანი შეჭრის მეოთხე წლისთავის წინა დღეს, მერცმა მგზნებარე სიტყვაში დაგმო ვლადიმირ პუტინის მმართველობის ქვეშ მყოფი რუსეთის „ბარბაროსობა“.„ეს ქვეყანა, ამ ხელმძღვანელობის პირობებში, ამჟამად სრული ბარბაროსობის ფსკერზე იმყოფება და არავის უნდა ეპარებოდეს ეჭვი იმაში, თუ რა სახის რეჟიმთან და ბარბაროსობასთან გვაქვს საქმე დღეს რუსეთის მხრიდან“, - განაცხადა მან.

1771850121

მასწავლებლის ბარათი  მასწავლებლების ყოველდღიური საბანკო ოპერაციების გამარტივებას ემსახურება.  ბარათის მფლობელები ისარგებლებენ შეღავათიანი ტარიფით როგორც კომუნალური გადახდებისას, ასევე თანხის განაღდებისას. გარდა ამისა, მომხმარებლებს შესაძლებლობა აქვთ პარტნიორ ობიექტებში ექსკლუზიური შეთავაზებებით ისარგებლონ.ბარათის შეკვეთა შესაძლებელია სწრაფად და მარტივად. იმ შემთხვევაში, თუ ხელფასი საქართველოს ბანკში გერიცხებათ მასწავლებლის ბარათის შეკვეთა შესაძლებელია მობილბანკიდან ან ინტერნეტბანკიდან.  სურვილის შემთხვევაში, შესაძლებლობა გაქვთ აირჩიოთ, როგორც პლასტიკური, ასევე ციფრული ბარათი. ასევე, ისარგებლოთ საკურიერო მომსახურებით ან ბარათი სასურველი ფილიალიდან თავად გაიტანოთ.ხოლო, თუ ხელფასი საქართველოს ბანკში არ გერიცხებათ, ბარათის შეკვეთა შესაძლებელია ფილიალში.მეტი ინფორმაციისთვის და ბარათის შესაკვეთად ეწვიეთ ბმულს. (R)

1771848199

„ევროსკოპის“ კითხვის საპასუხოდ, კალასმა განმარტა, რომ გრძელვადიანი მშვიდობის დამყარება შეუძლებელია რუსული ძალების გაყვანის გარეშე ყველა იმ რეგიონიდან, სადაც ისინი ამჟამად უკანონოდ იმყოფებიან.კაია კალასმა უპასუხა კრიტიკას იმის შესახებ, რომ რუსული ჯარების გაყვანის მოთხოვნა შესაძლოა „არარეალურად“ ჩანდეს. მისი თქმით, ეს ნაბიჯი აუცილებელია მოლაპარაკებების პროცესის დასაბალანსებლად, რადგან თავად რუსეთის მოთხოვნები ყოველგვარ რეალობასაა აცდენილი.„რუსული მხარის მოთხოვნები საერთოდ არარეალურია. ისინი დიპლომატიური გზით ითხოვენ იმ ტერიტორიებსაც კი, რომლებიც სამხედრო ძალითაც არ დაუპყრიათ“, - აღნიშნა კალასმა.ევროკავშირის უმაღლესი წარმომადგენლის თქმით, დეოკუპაციის საკითხის დღის წესრიგში დაყენება ემსახურება იმას, რომ ყურადღება რეალურ პრობლემაზე გადავიდეს - იმაზე, რომ რუსეთი აგრძელებს თავდასხმას საკუთარ მეზობლებზე.კალასის განცხადებით, ევროკავშირის პოზიცია მკაფიოა: რუსეთმა უნდა დატოვოს ყველა ოკუპირებული ტერიტორია, რათა რეგიონში სტაბილური და სამართლიანი მშვიდობა დამყარდეს.

1771843494

შეხვედრაზე სებ-ის გადაწყვეტილების მართებულობის გასამყარებლად სხვა ქვეყნების პრაქტიკა და საერთაშორისო საფინანსო ინსტიტუტის მიდგომები მოიხმეს. მ.შ. სსფ-ის შეფასება, იუანის როლის ზრდაზე, რომელმაც SDR-ში (სპეციალური ნასესხობის უფლებები) მე-5 ვალუტად შეიყვანა (აშშ დოლართან, ევროსთან, იაპონურ იენასა და ბრიტანულ ფუნტ სტერლინგთან ერთად).სებ-ის პრეზიდენტი შეხვედრის მონაწილეებს, ფინანსთა, ეკონომიკის სამინისტროების, ბანკების, საბროკერო კომპანიების წარმომადგენლებს სხვა ქვეყნების გამოცდილებაზე მოუყვა. მაგ: იაპონიის ინვესტიცია $10 მილიარდია, ავსტრალიის $1.9 მლრდ, შვეიცარიას CNY15 მლრდ-ის საინვესტიციო კვოტა აქვს ($2.4 მლრდ-ის) WB-მ პირველი €500 მლნ 2017- ში მიმართა.სებ-ის ინფორმაციით, აღნიშნული ცხადყოფს რომ ცენტრალური ბანკებისთვის ჩინურ ფასიან ქაღალდებში ინვესტირება დივერსიფიკაციის სტანდარტული და აპრობირებული ინსტრუმენტია.ჩაინა მარკეტზე სებ-ის სასტარტო პოზიცია ნათია თურნავამ 12 თებერვალს განაცხადა. რაც საინვესტიციო ბანკირების ნაწილმა მოუწონა, ნაწილმა არა.ვასილ რევიშვილის თქმით, დივერსიფიკაცია ნებისმიერ შემთხვევაში კარგია, მაგრამ ევროში ან დოლარში განთავსება უფრო პოპულარულია წმინდა ეკონომიკური და კომერციული თვალსაზრისით. დივერსიფიკაციისთვის, რეზერვებში იუანის წილის ზრდაც მისაღებია, თუმცა საყურადღებოა რისკები (წყარო:BRG). ჩინური ფასიანი ქაღალდების ამდროინდელ ტრენდზე აღნიშნა, რომ შემოსავლიანობა ძალიან დაბალ ნიშნულზეა და შესაბამისად ამ ეტაპზე ნაკლებად სწორი გადაწყვეტილება იქნება.10 წლიანი ამერიკული ობლიგაციების შემოსავლიანობა 4%-ია. ჩინეთის, 1.8%.ჩინეთი ურისკო ქვეყანა არ არის. არ არის ამერიკის შეერთებული შტატები, რომლის ქაღალდები საუკეთესოა და ეკონომიკას AAA საკრედიტო რეიტინგი აქვს, ჩინეთი კი არის A ან A+. ეს ნიშნავს, რომ ჩინეთს საინვესტიციო რეიტინგი აქვს, თუმცა საკმაოდ რისკიანია.გასათვალისწინებელია ისიც, რომ ჩინეთის მთავრობის ინტერესშია ჩინური იუანის ნაკლები გამყარება დოლარის მიმართ. იუანი, ალბათ დამატებით შესაძლებლობას მისცემს საქართველოს საბანკო სისტემას უფრო მარტივი გახდეს იუანში ოპერაციები, რაც თავისთავად ცუდი არ არის. შესაძლოა შემოსავლიანობა შეიცვალოს, მაგრამ ეკონომიკა ნაკლებად პროგნოზირებადია, გაანალიზება რთულია პოლიტიკური ზეგავლენისა და სახელმწიფოს დიქტატის გამო.TBC-ის მთავარი ეკონომისტი ოთარ ნადარაია ადასტურებს რომ "ეს მართლა დივერსიფიკაციაა". (წყარო: ბიზნესპარტნიორი).მისივე თქმით, ჩინეთის ეკონომიკა და საფინანსო სისტემა უკვე გლობალური მასშტაბის მოთამაშეა, რაც ასეთ ნაბიჯს სტრატეგიულ მნიშვნელობას ანიჭებს. აღნიშნა, რომ მულტისავალუტო კალათა თანამედროვე რეზერვების მართვის აუცილებელი ელემენტია. ნადარაიამ სებ-ის ჩამონათვალს ნორვეგიის მაგალითიც დაურთო.მისი თქმით, დოლარი, ევრო და იუანი, რომ ყველაზე დიდი ვალუტების TOP 3-ია მსოფლიო ეკონომიკის ობიექტური რეალობაა. 

1771842200

პროექტის მიზანია მეწარმე ქალების მხარდაჭერა და მათი პროდუქციის პოპულარიზაციის ხელშეწყობა. აღნიშნული ინიციატივის ფარგლებში, ბაზარი ორბელიანი ერთი წლის განმავლობაში, ყოველ თვე, სამი დღის განმავლობაში (პარასკევი–შაბათი–კვირა), სივრცეს მეწარმე ქალებს დაუთმობს, რათა მათ საკუთარი პროდუქცია წარმოადგინონ და გაყიდონ.გამოფენა-გაყიდვაში მონაწილეობის მსურველებმა სარეგისტრაციო ფორმა უნდა შეავსონ. რეგისტრაციის ბოლო ვადაა 2026 წლის 28 თებერვალი.ინფორმაციისთვის, სარეგისტრაციო ფორმის შევსება ავტომატურად არ გულისხმობს მონაწილეობაზე დასტურს. მონაწილეთა შერჩევა განხორციელდება წინასწარ განსაზღვრული შიდა შეფასების კრიტერიუმების საფუძველზე. შერჩეულ მონაწილეებს ეტაპობრივად მიეწოდებათ ინფორმაცია მონაწილეობის, თარიღებისა და ტექნიკურ-ლოგისტიკური დეტალების შესახებ. მონაწილეები 2026 წლის განმავლობაში გადანაწილდებიან შესაბამის თარიღებზე.(R)

1771841076

კერძოდ, Lion Finance Group-ის (BGEO LN) აქციები დაიხურა 102.50 ბრიტანულ ფუნტ სტერლინგში (GBP), +5.67% წინა კვირასთან შედარებით და +7.67% გასულ თვესთან შედარებით. ვაჭრობის მოცულობამ 207 ათას აქციაზე მეტი შეადგინა, GBP 97.55 - 103.20 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 56 ათასი აქცია შეადგინა.თიბისი ბანკის ჯგუფის (TBCG LN) აქციები დაიხურა 46.65 ბრიტანულ ფუნტ სტერლინგში (GBP), +9.76% წინა კვირასთან შედარებით და +17.21% გასულ თვესთან შედარებით. ვაჭრობის მოცულობამ 268 ათას აქციაზე მეტი შეადგინა, GBP 42.00 - 46.65 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 68 ათასი აქცია შეადგინა.Georgia Capital-ის (CGEO LN) აქციები დაიხურა 34.00 ბრიტანულ ფუნტ სტერლინგში (GBP), +2.56% წინა კვირასთან შედარებით და +8.97% გასულ თვესთან შედარებით. ვაჭრობის მოცულობამ 194 ათას აქციაზე მეტი შეადგინა, GBP 33.15 - 34.75 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 48 ათასი აქცია შეადგინა.

1771834818