ლონდონის ბირჟაზე ქართული კომპანიების აქციების ფასები სხვადასხვა მიმართულებით წავიდა

საქართველოში სავალუტო ტრანზაქციების ბაზარი წლიდან წლამდე მზარდია, თიბისი კი ლიდერის პოზიციას ინარჩუნებს. ბაზრის განვითარებისა და კლიენტების საჭიროებების გათვალისწინებით, ბანკი მომხმარებლებს მათზე მორგებულ ინოვაციურ სერვისებს სთავაზობს.“Global Finance-ის ჯილდო თიბისისა და ჩვენი ხაზინის გუნდის მორიგი საერთაშორისო აღიარებაა. ამ ნომინაციაში გამარჯვება კიდევ უფრო ამყარებს ბანკის წამყვან პოზიციას ბაზარზე და კლიენტების ნდობას, რომლებიც სავალუტო ტრანზაქციებისთვის სწორედ თიბისის ირჩევენ. ამ ნდობას ჩვენც შესაბამისად ვპასუხობთ და ვცდილობთ, მომხმარებლებს გავუმარტივოთ ცხოვრება უფრო კომფორტული სერვისების შეთავაზებით, რაც უზრუნველყოფს პროცესების უსაფრთხოებას და ვალუტის გაცვლასთან დაკავშირებული რისკების თავიდან არიდებას”, - ვახტანგ ბუცხრიკიძე, თიბისის გენერალური დირექტორი.„სავალუტო სერვისები სულ უფრო ხშირად განიხილება, როგორც ბანკებისა და მსხვილი კორპორაციების ძირითადი და სტრატეგიული ბიზნესი. თუმცა, სექტორში კვლავ მკვეთრი მერყეობებია, რაც განპირობებულია გეოპოლიტიკური დაძაბულობით, საპროცენტო განაკვეთების ხშირი ცვლითა და სტაბილურ ვალუტებზე ზეწოლით. წელს საუკეთესო სავალუტო სერვისების მიმწოდებლის ჯილდო იმ ინსტიტუტებს გადავეცით, რომლებიც ინარჩუნებენ ლიდერობას და აგრძელებენ ინოვაციების დანერგვას კონკურენტულ გარემოში”, - ჯოზეფ ჯიარაპუტო, Global Finance-ის გამომცემელი და მთავარი რედაქტორი.

1763374429

ინფორმაციისთვის, Businesscourse.ge საქართველოს ბანკის შემეცნებით-საგანმანათლებლო პლატფორმაა, რომელიც ბიზნეს 360°-ის მნიშვნელოვანი ნაწილია. „ბიზნეს 360°“ აერთიანებს ყველა იმ შესაძლებლობას, რომელსაც საქართველოს ბანკი მცირე და საშუალო ბიზნესისთვის ქმნის - იქნება ეს საგანმანათლებლო რესურსები, ინდივიდუალური პროგრამები, შეთავაზებები, სექტორული ანალიზები და სხვა.თქვენი ბიზნესის წარმატებას თითოეული თანამშრომელი განაპირობებს. იმისათვის, რომ გაიგოთ, რა როლი აქვთ მათ თქვენი ბიზნესის წარმატებაში, საჭიროა აწარმოოთ ადამიანური კაპიტალის ანგარიშგება კონკრეტული HR მეტრიკების გამოყენებით. თუ როგორ უნდა გამოიყენოთ ეს მონაცემები თქვენი ბიზნესის სტრატეგიულ გადაწყვეტილებებში, ამას ბიზნესკურსში დეტალურად გაიგებთ.კურსი 6 მოდულისგან შედგება, რომლის  ფარგლებშიც განხილული იქნება შემდეგი საკითხები: ლიდერობა და მართვა ორგანიზაციული კულტურა და მრავალფეროვნება რეკრუტინგის სრული ციკლი უნარები და შესაძლებლობები კომპენსაცია და ბენეფიტები პროდუქტიულობა. აღსანიშნავია, კურსები ვიდეო ლექციების ფორმატშია ხელმისაწვდომი, რაც შესაძლებლობას აძლევს მომხმარებელს, ნებისმიერ დროს, ნებისმიერი ადგილიდან მიიღოს ცოდნა სხვადასხვა თემაზე. პლატფორმაზე უკვე 60-ზე მეტი კურსია ხელმისაწვდომი ფინანსების, მარკეტინგის, ბუღალტერიის, ბიზნესის მართვის საფუძვლებისა და სხვა საკითხების შესახებ.მეტი ინფორმაციისთვის და ბიზნესკურსზე  დასარეგისტრირებლად ეწვიეთ ბმულს. 

1763373699

“საზოგადოებას შევახსენებ, რომ 2006 წლის ნოემბერში, „ნაციონალური მოძრაობის“ ხელისუფლების ორგანიზებით ცხინვალის რეგიონში ჩატარდა არაკონსტიტუციური არჩევნები, რომლის შედეგადაც გამოცხადდა ე.წ. „სამხრეთ ოსეთის პრეზიდენტი“ და ჩამოყალიბდა ე.წ. „სამხრეთ ოსეთის ალტერნატიული მთავრობა“. ამ ნაბიჯით იმჟამინდელმა ხელისუფლებამ სეპარატისტულ პროცესებს ირიბი ლეგიტიმაცია მიანიჭა, რაც საქართველოს სახელმწიფო ინტერესების აშკარა და მძიმე ღალატი იყო", - განაცხადა პაპუაშვილმა.მისივე თქმით, რამდენიმე თვის შემდეგ, 2007 წლის ივნისში, კვლავ კონსტიტუციის დარღვევით შეიქმნა „დროებითი ადმინისტრაციულ-ტერიტორიული ერთეულის ადმინისტრაცია“, რომელიც დაფუძნდა იმავე არაკონსტიტუციური „ალტერნატიული მთავრობის“ ბაზაზე. "ამ გადაწყვეტილებით ხელოვნურად აღდგა 1990 წელს გაუქმებული სამხრეთ ოსეთის ავტონომიური ოლქის ადმინისტრაციული საზღვრები, რაც შემდგომში იქცა ერთ-ერთ ხელშემწყობ გარემოებად 2008 წლის რუსული სამხედრო აგრესიისა და საქართველოს ისტორიული რეგიონის - სამაჩაბლოს ოკუპაციისთვის", - დასძინა პაპუაშვილმა.პარლამენტის თავმჯდომარის განცხადებით, დღევანდელი გადასახედიდან ნათელია, რომ აღნიშნული გადაწყვეტილებები იყო გარე ძალების გეოპოლიტიკური თამაშის ნაწილი, რომელშიც საქართველოს „შესაწირი პაიკის“ როლი დაეკისრა."სააკაშვილის ხელით გატარებულმა პოლიტიკამ რეგიონში ვითარების ესკალაცია გამოიწვია და საბოლოოდ ქვეყანა ომამდე მიიყვანა.ამ ფონზე, საქართველოს პარლამენტის წევრებმა აღნიშნული გადაწყვეტილება შეაფასეს როგორც უხეში ღალატი საქართველოს ეროვნული ინტერესების წინააღმდეგ, რაც აისახა კონსტიტუციურ სარჩელშიც, რომლითაც მოთხოვნილია „ნაციონალური მოძრაობის“ არაკონსტიტუციურად გამოცხადება. ხაზგასმით უნდა ითქვას, რომ იმ ფონზე, როცა საქართველო წლებია მუშაობს არაღიარების პოლიტიკის გაძლიერებაზე, „ნაციონალური მოძრაობის“ რეჟიმის მიერ „სამხრეთ ოსეთის“ ტერმინის თუნდაც ირიბი გამოყენება იმთავითვე იყო კონსტიტუციის და ეროვნული ინტერესების ღალატი. არავითარი „სამხრეთ ოსეთი“ ქართულ სამართლებრივ თუ პოლიტიკურ სივრცეში არ არსებობს.შესაბამისად, მთავრობასთან კონსულტაციის შედეგად, მივიღეთ გადაწყვეტილება „ყოფილი სამხრეთ ოსეთის ავტონომიური ოლქის ტერიტორიაზე შექმნილი ადმინისტრაციულ-ტერიტორიული ერთეულის ადმინისტრაციის“ გაუქმების შესახებ.აქვე, ხაზი უნდა გაესვას, რომ ფუნქციონირებას განაგრძობენ ახალგორის, ქურთის, თიღვისა და ერედვის მუნიციპალიტეტები, რომლებიც კონსტიტუციის სრული დაცვით არჩეულ იქნენ 2006 წელს. ეს მუნიციპალიტეტები არიან ერთადერთი ლეგიტიმურად არჩეული და მოქმედი ხელისუფლება ცხინვალის რეგიონში და ამით, საქართველოს სამართლებრივი და კონსტიტუციური ჩარჩოს ერთადერთი კანონიერი გაგრძელება”, - განაცხადა პაპუაშვილმა.2007 წლის 8 მაისს საქართველოს პარლამენტმა მიიღო დადგენილება, დროებითი ადმინისტრაციულ-ტერიტორიული ერთეულის შექმნის შესახებ.2007 წლის 10 მაისს კი, საქართველოს პრეზიდენტის ბრძანებით, ჩამოყალიბდა „სამხრეთ ოსეთის ადმინისტრაცია“, რომლის მიზნად განისაზღვრა კონფლიქტის მშვიდობიანი მოგვარება და ადგილობრივი მოსახლეობის ინტერესების დაცვა.ყოფილი სამხრეთ ოსეთის ადმინისტრაციაში დასაქმებულია დაახლოებით 50–60 თანამშრომელი, ხოლო მისი წლიური ბიუჯეტი წლების განმავლობაში საშუალოდ 5–6 მილიონი ლარის ფარგლებში მერყეობდა.

1763371895

ხელშეკრულება თიბისის საშუალებას მისცემს, გააძლიეროს ბიზნესის მხარდაჭერა და კომპანიებს საერთაშორისო სავაჭრო ოპერაციები აქტიურად დაუფინანსოს.შეთანხმება კიდევ უფრო გაამყარებს ბანკის ლიდერულ პოზიციას ვაჭრობის დაფინანსების სექტორში, რომელშიც თიბისის საბაზრო წილი 48%-ს აღემატება, მთლიანი პორტფელი კი ₾2.8 მლრდ-ს შეადგენს.ადგილობრივ ბაზარზე პირველობის გარდა, ბანკს არაერთი საერთაშორისო აღიარება აქვს მოპოვებული: მიმდინარე წელს ვაჭრობის ხელშეწყობისა და დაფინანსების მიმართულებით თიბისი აზიის განვითარების ბანკმა (ADB) და ევროპის რეკონსტრუქციისა და განვითარების ბანკმა (EBRD) დააჯილდოვეს.“მოხარული ვარ, რომ თიბისიმ შეთანხმება ევროპის ერთ-ერთ წამყვან ფინანსურ ინსტიტუტთან გააფორმა. ჩვენი ვაჭრობის დაფინანსების პროდუქტებით უკვე 1000-მდე მსხვილი, მცირე და საშუალო ბიზნესი, ასევე, საერთაშორისო კომპანია სარგებლობს. თიბისი პარტნიორ კომპანიებს ბიზნესპროცესების გამარტივებას, ექსპერტული აზრით მხარდაჭერასა და კონკურენტული პირობებით დაფინანსებას სთავაზობს. ახალი ხელშეკრულების მეშვეობით კი შევძლებთ, კიდევ უფრო მეტი პარტნიორი დავაფინანსოთ და ხელი შევუწყოთ საერთაშორისო ვაჭრობის ზრდას”, - თამარ ხიზანიშვილი, თიბისის ვაჭრობის დაფინანსების და ფაქტორინგის დეპარტამენტის დირექტორი.

1763369975

„მოქმედი საარჩევნო კოდექსი 2011 წელს იქნა მიღებული და მას შემდეგ 100-ზე მეტი ცვლილება განიცადა. შედეგად, ტექსტი გახდა რთულად აღსაქმელი, ბევრი ნორმა გაორმაგებულია, კოდექსის დიდი ნაწილი მოქცეულია გარდამავალ დებულებებში, რომლებიც შინაარსობრივად ძალადაკარგულია, სტრუქტურა საჭიროებს მოწესრიგებას. ამ მიზეზით, უკვე რამდენიმე წელია დღის წესრიგში დგას კოდექსის სრული გადამუშავება. ინიციირებული ახალი რედაქცია სწორედ ამ პრობლემებს პასუხობს. ახალი „საარჩევნო კოდექსით“ მოხდება ნორმების სისტემატიზაცია და ტექნიკური დახვეწა, პროცედურების დაზუსტება, ნორმების დუბლირების აღმოფხვრა, კოდექსი გახდება ერთიანი, მარტივად გასაგები და ფუნქციურად გამართული ტექსტი. ეს ცვლილებები არსებითად ტექნიკური ხასიათისაა, მაგრამ მნიშვნელოვნად აუმჯობესებს საარჩევნო პროცესის ნორმატიულ ჩარჩოს.კოდექსის ერთ-ერთი მნიშვნელოვანი ცვლილება ეხება არარეზიდენტი მოქალაქეების, უცხოეთში მყოფი პირების არჩევნებში ხმის მიცემის წესს. უპირველეს ყოვლისა ხაზი უნდა გაესვას, რომ არაფერი იცვლება სხვა სახელმწიფოში მყოფი მოქალაქეების საარჩევნო უფლებაში. ამავე დროს, ცვლილება ეხება ხმის მიცემის პროცედურას და გულისხმობს ადგილობრივი თვითმმართველობის არჩევნების მსგავსად, საქართველოს პარლამენტის არჩევნებზეც ხმის მიცემას მხოლოდ საქართველოს სახელმწიფო საზღვრებში.ეს გადაწყვეტილება არსებითად ემყარება საქართველოს კონსტიტუციის 24-ე მუხლით სახელმწიფოსთვის დადგენილ ვალდებულებას უზრუნველყოს ნების თავისუფალი გამოვლენა, რაც თავის თავში ნების გარე ჩარევისგან თავისუფლად გამოვლენასაც მოიაზრებს. არჩევნები მსოფლიო მასშტაბით ხდება უფრო მოწყვლადი გარე ჩარევის მიმართ. სულ უფრო ხშირად ისმის ბრალდებები არჩევნებში უცხოურ ჩარევასთან დაკავშირებით, იქნება ეს არჩევნები ამერიკის შეერთებული შტატებში თუ ევროკავშირის წევრ ქვეყანაში. 2024 წლის საპარლამენტო არჩევნებმაც კარგად აჩვენა, რამდენად ღია და უხეში შეიძლება იყოს ამომრჩეველზე საინფორმაციო და პოლიტიკური ზეწოლა უცხოეთიდან.ამ მხრივ, რა თქმა უნდა, ზემოქმედების განსაკუთრებული რისკები არსებობს არარეზიდენტი მოქალაქეების მიმართ, რომლებიც უცხო იურისდიქციის და პოლიტიკური გარემოს გავლენის ქვეშ იმყოფებიან, სადაც სახელმწიფო ვერ ახორციელებს ჩარევის პრევენციას. ამასთან, არარეზიდენტი მოქალაქეების შემთხვევაში მაღალია საინფორმაციო მანიპულირების საშუალებები. ზოგადად ქვეყანაში არსებულ პოლიტიკურ თუ ეკონომიკურ გარემოზე, საზოგადოებრივ საჭიროებებზე ადამიანი ორი წყაროდან იღებს ინფორმაციას - ერთი ეს არის მედია, საიდანაც ადამიანი ინფორმაციას გაფილტრულად, სარედაქციო პოლიტიკის შესაბამისი ინტერპრეტაციით იღებს, და ე.წ. გაუფილტრავი ინფორმაცია, რომელსაც ადამიანი პირადად, საზოგადოებასთან თუ სახელმწიფოსთან ინტერაქციაში იღებს. დეზინფორმაციისა და ცრუ ნარატივების ეპოქაში ამ ორი წყაროდან მიღებული ინფორმაცია შესაძლოა რადიკალურად ურთიერთსაპირისპირო იყო. ეს გარემოება ზრდის ქვეყანას ფიზიკურად მოწყვეტილი მოქალაქის მხრიდან არაინფორმირებული არჩევანის გაკეთების რისკს.შესაბამისად, საქართველოს ტერიტორიაზე ხმის მიცემის წესის დამკვიდრება ზრდის არჩევნების მედეგობას, ამცირებს გარე მოთამაშეების გავლენას და უზრუნველყოფს უფრო ადეკვატურ, ინფორმირებულ არჩევანს. ეს მოდელი სრულად შეესაბამება საერთაშორისო სტანდარტებს და მოქმედებს ისეთ ქვეყნებში, როგორიცაა ირლანდია, მალტა, ისრაელი, სომხეთი.კიდევ ერთხელ ხაზი რომ გავუსვათ, არაფერი იცვლება საზღვარგარეთ მყოფი მოქალაქეების საარჩევნო უფლებაში. როგორც აქამდე, საქართველოს ყველა მოქალაქეს ექნება არჩევნებში ხმის მიცემის სრული უფლება და შესაძლებლობა. ერთადერთი პირობა არის ოთხ წელიწადში ერთხელ, სამშობლოში ჩამოსვლა და ხმის მიცემა საქართველოში“, - განაცხადა პაპუაშვილმა.

1763369043

“ჩვენი მიზანია მმართველობის სისტემის კონსტიტუციური ჩარჩოს გამყარება და სახელმწიფო რესურსების ოპტიმიზაცია. კორუფციასთან ბრძოლა ხელისუფლების ერთ-ერთი უმთავრესი პრიორიტეტია. ბოლო პერიოდში ამ მიმართულებით მთელი რიგი მნიშვნელოვანი ნაბიჯები გადაიდგა. პროცესში ჩართულია მთავრობის ადმინისტრაციის ეფექტიანობის დეპარტამენტი, სახელმწიფო აუდიტის სამსახური, სახელმწიფო უსაფრთხოების სამსახურის ანტიკორუფციული სააგენტო, პროკურატურა.ანტიკორუფციულ ბიუროს დღეს, არსებითად, დაკისრებული აქვს თანამდებობის პირების, პარტიებისა და არასამთავრობო ორგანიზაციების დეკლარაციების შეგროვება და მონიტორინგი. მთავრობასთან კონსულტაციების შედეგად ჩამოყალიბდა საერთო ხედვა, რომ აღნიშნული ფუნქცია საჯარო მმართველობის კონსტიტუციურ ჩარჩოში უკეთ შეესაბამება სახელმწიფო აუდიტის სამსახურს, როგორც უფრო მაღალ და უფრო დამოუკიდებელ კონსტიტუციურ ორგანოს", - განაცხადა პაპუაშვილმა.მისივე თქმით, 2026 წლის 2 მარტიდან ანტიკორუფციული ბიურო გაუქმდება, მისი ფუნქციები კი სრულად გადაეცემა სახელმწიფო აუდიტის სამსახურს. იგივე მოდელით, 2026 წლის 2 მარტიდან უქმდება პერსონალურ მონაცემთა დაცვის სამსახური.მისი ფუნქციები ასევე სრულად გადაეცემა სახელმწიფო აუდიტის სამსახურს."აუდიტის სამსახური სარგებლობს ინსტიტუციური დამოუკიდებლობის გაცილებით მაღალი ხარისხით, რაც სრულ თანხვედრაშია საერთაშორისო სტანდარტებთან.ამ ბლოკის მესამე ინიციატივა ეხება ბიზნესომბუდსმენს, რომელიც ახალი ინსტიტუციური მოწყობის ფარგლებში, 2026 წლის პირველი იანვრიდან გადავა ეკონომიკის სამინისტროს შემადგენლობაში, რაც ბიზნესის საჭიროებებზე უფრო ოპერატიულ რეაგირებასა და პოლიტიკურ დონეზე უკეთ კოორდინაციას უზრუნველყოფს.საერთო ჯამში, აღნიშნული ცვლილებები უზრუნველყოფს მმართველობის სისტემის შესაბამისობაში მოყვანას კონსტიტუციით დადგენილ ინსტიტუციურ ჩარჩოსთან, სახელმწიფო რესურსების ოპტიმიზაციას - წლიურად დაახლოებით 20 მილიონი ლარით, სტრუქტურული ფუნქციების გამარტივებას, უფრო მკაფიო პასუხისმგებლობებს და ეფექტიან მართვას”, - თქვა პაპუაშვილმა.ანტიკორუფციული ბიურო 2022 წლის 15 დეკემბერს „კორუფციის წინააღმდეგ ბრძოლის შესახებ“ საქართველოს კანონში განხორციელებული საკანონმდებლო ცვლილებების საფუძველზე შეიქმნა, ბიურო შეიქმნა ევროკავშირის წევრობის კანდიდატის სტატუსის საქართველოსთვის მისანიჭებლად, ევროკომისიის მიერ განსაზღვრული მე-4 პრიორიტეტული ამოცანის საფუძველზე.

1763368730

საქართველოს აეროპორტების გაერთიანებაში აცხადებენ, რომ Condor Airlines-ის დაბრუნება ავიაბაზარზე განსაკუთრებით  ტრანსატლანტიკური ტრანზიტული ფრენების მიმართულებით არის მნიშვნელოვანი. აეროპორტების გაერთიანების გენერალური დირექტორის ლევან მოსეშვილის განცხადებით, გერმანია საქართველოსთვის სტრატეგიული მიმართულებაა, ამიტომ მუდმივად მიდის პროაქტიური მუშაობა, რაც შეიძლება მეტი ავიაკომპანია დაინტერესდეს საქართველოში ფრენების დაწყებით.ამჟამად, თბილისისა და ქუთაისის საერთაშორისო აეროპორტებიდან, პირდაპირი რეგულარული ფრენები საქართველოდან გერმანიის 8 ქალაქის მიმართულებით სრულდება.  2025 წლის იანვარი-ოქტომბერში საქართველოში საჰაერო გზით 350 000-მდე მგზავრი შემოვიდა და 2025 წლის იანვარი-სექტემბერში 65 968 ვიზიტორი ეწვია.ავიაკომპანია Condor 1955 წელს დაფუძნდა. მისი ძირითადი ბაზა ფრანკფურტის აეროპორტში მდებარეობს. 2025 წლის მონაცემებით, ავიაკომპანია 60 ბოინგისა და ეარბასის ტიპის საჰაერო ხომალდებს ფლობს. Condor ფრენებს ხმელთაშუა ზღვის ქვეყნებში, აზიაში, აფრიკაში, ჩრდილოეთ და სამხრეთ ამერიკაში ასრულებს. 

1763368464

პირველი პარტნიორობა უკვე შედგა საქართველოს ეროვნულ უნივერსიტეტთან სეუსთან, რომელმაც 2025 წლის სემესტრიდან უკვე დანერგა ფინანსური განათლების კურსი, როგორც არჩევითი სასწავლო მოდული. კურსზე 20-მდე სტუდენტი დარეგისტრირდა ისეთი მიმართულებებიდან, როგორიცაა: მენეჯმენტის, ბიზნესის ადმინისტრირების, ტურიზმის, სამართლისა და ფსიქოლოგიის პროგრამები.„ჩვენთვის, როგორც ფინანსური ინსტიტუტისთვის, განათლების და განსაკუთრებით, ფინანსური განათლების მხარდაჭერა, ერთ-ერთი უცვლელი პრიორიტეტია. გვინდა, უნივერსიტეტებს მაქსიმალურად შევუწყოთ ხელი ფინანსური განათლების ისეთი კურსის დანერგვაში, რომელიც როგორც უნივერსიტეტის, ასევე სტუდენტების საჭიროებებზე, ინტერესებზე და სპეციფიკაზე იქნება მორგებული. ვფიქრობთ, ფინანსური ცოდნა აუცილებელია ყველასთვის, განურჩევლად იმისა, თუ რა არის სტუდენტის ძირითადი ფაკულტეტი“, - აცხადებს ანა ხონელიძე, საქართველოს ბანკის კორპორაციული სოციალური პასუხიმგებლობის  (CSR) მიმართულების უფროსი ბრენდ მენეჯერი.საქართველოს ეროვნული უნივერსიტეტის სეუს პროფესორის, ვალერი მოსიაშვილის თქმით, სტუდენტების მხრიდან კურსისადმი ინტერესი მაღალია და მომავალ სემესტრებში კიდევ უფრო მეტი რეგისტრაცია იგეგმება.„მოხარული ვართ, რომ ახალმა კურსმა სტუდენტების ასეთი დაინტერესება გამოიწვია. მიგვაჩნია, რომ ეს პროგრამა ძალიან საჭირო და საინტერესოა ყველა სტუდენტისთვის, განურჩევლად მათი ფაკულტეტებისა. ფინანსების მართვა და სწორი ეკონომიკური გადაწყვეტილებების მიღება ხომ ჩვენი ყოველდღიურობის ნაწილია “, - ამბობს ვალერი მოსიაშვილი.პროექტის ფარგლებში კურსის ფორმატი, ხანგრძლივობა და შინაარსი ინდივიდუალურად განისაზღვრება უნივერსიტეტის მიერ. კურსის მიმდინარეობა მოიცავს მრავალფეროვან სწავლების ფორმებს, როგორიცა: ლექციები, დისკუსიები, ქეისების ანალიზი, პროექტებზე მუშაობა და ელექტრონული სწავლება. კურსის ფორმატი დაფუძნებულია თანამშრომლობაზე, დამოუკიდებელი აზროვნების წახალისებაზე და პრაქტიკული უნარების განვითარებაზე.პროექტის შესახებ: ახალი კურსი ყველა მიმართულების სტუდენტს აძლევს საბაზისო ფინანსური და ეკონომიკური ცოდნის მიღების შესაძლებლობას; განსაკუთრებით მნიშვნელოვანია იმ ახალგაზრდებისთვის, ვისაც სკოლის საფეხურზე არ მიუღია მსგავსი განათლება; სტუდენტებს ეძლევათ შესაძლებლობა, უკეთ გაიგონ, როგორ მართონ პირადი ფინანსები, როგორ მუშაობს საბანკო სისტემა და როგორ მიიღონ ინფორმირებული ეკონომიკური გადაწყვეტილებები. ინიციატივის პირველი პარტნიორი უნივერსიტეტია – საქართველოს ეროვნული უნივერსიტეტი სეუ. თუმცა, ბანკი ღიაა ახალი პარტნიორობებისთვის.თუ ხარ უნივერსიტეტის ადმინისტრაციის წარმომადგენელი ან სტუდენტი და გსურს, ფინანსური განათლების კურსი შენს უნივერსიტეტშიც დაინერგოს, დარეგისტრირდი ბმულზე და ჩვენ აუცილებლად შეგეხმიანებით.

1763366544