შავი ზღვის ბანკი მზადაა „შუა დერეფნის“ რენტაბელური პროექტების დასაფინანსებლად

თურქეთმა, რომელსაც NATO-ში სიდიდით მეორე არმია ჰყავს და ირანს ესაზღვრება, გასულ კვირას განაცხადა, რომ ალიანსმა Patriot-ის სისტემა ქვეყნის სამხრეთ-აღმოსავლეთით, მალათიის პროვინციაში, NATO-ს რადარების ბაზის მახლობლად განათავსა. ეს ნაბიჯი ირანის ომიდან მომავალი სარაკეტო მუქარებისგან საჰაერო თავდაცვის გაძლიერების გეგმის ნაწილია. ადანაში მდებარე ინჯირლიკის ავიაბაზაზე თურქ სამხედროებთან ერთად იმყოფებიან პერსონალი აშშ-დან, კატარიდან, ესპანეთიდან და პოლონეთიდან.„ჩვენი საჰაერო სივრცისა და მოქალაქეების უსაფრთხოების უზრუნველსაყოფად ეროვნულ დონეზე მიღებული ზომების გარდა, ადანაში თავსდება კიდევ ერთი Patriot-ის სისტემა, რომელიც რამშტაინში (გერმანია) მოკავშირეთა საჰაერო სარდლობის მიერ იქნა ავტორიზებული. ეს სისტემა დაემატება იქ უკვე დისლოცირებულ ესპანურ Patriot-ს“, - ნათქვამია სამინისტროს ყოველკვირეულ ბრიფინგზე.როგორც Reuters წერს, თურქეთს, რომელიც გლობალურ თავდაცვის ინდუსტრიაში განვითარებად ლიდერად ითვლება, საკუთარი ძალისხმევის მიუხედავად, ჯერ კიდევ აკლია სრულფასოვანი საჰაერო თავდაცვის სისტემები. ქვეყანა ეყრდნობა ხმელთაშუა ზღვის აღმოსავლეთ ნაწილში განლაგებულ NATO-ს საჰაერო თავდაცვის საშუალებებს იმ სამი რაკეტის გადასაცემად, რომლებიც, მათი განცხადებით, ირანიდან იქნა ნასროლი ომის დაწყების შემდეგ.

1773828787

93 წლის ასაკში გარდაცვლილი ილია II-ის გამო საქართველოში სახელმწიფო გლოვაა გამოცხადებული. ოფიციალური განცხადება პატრიარქის მოსაყდრემ, მეუფე შიომ, „კავკასიის მედიცინის ცენტრში“ გააკეთა, სადაც უწმინდესი ბოლო პერიოდში მკურნალობას გადიოდა.დიპლომატიური მისიების შეფასებებიაშშ-ის საელჩომ პატივი მიაგო პატრიარქის „უდიდეს ღვაწლს“, რომელიც, მათი განცხადებით, „არასდროს მიეცემა დავიწყებას“.ევროკავშირის წარმომადგენლობამ კი განსაკუთრებული აქცენტი ილია II-ის მიერ ეროვნული თვითმყოფადობის შენარჩუნების საქმეში შეტანილ წვლილზე გააკეთა.„მისმა უწმინდესობამ განსაკუთრებული როლი შეასრულა ეროვნული იდენტობისა და სარწმუნოების შენარჩუნებაში და მორწმუნეთათვის ერთიანობის სიმბოლოდ დარჩა“, - ნათქვამია ევროკავშირის მისიის განცხადებაში.პოლონეთის რესპუბლიკის საელჩომ ილია II-ს „განსაცდელის ჟამს გადარჩენის სიმბოლო“ უწოდა, ხოლო თურქეთის წარმომადგენლობამ აღნიშნა, რომ მისი გარდაცვალება უდიდესი დანაკარგია, რადგან იგი ათწლეულების განმავლობაში მშვიდობისა და ზნეობრივი ღირებულებების საყრდენს წარმოადგენდა.თურქეთის საელჩოს სამძიმრის წერილში ნათქვამია, რომ „უწმინდესის გარდაცვალება უდიდესი დანაკარგია... იგი იყო მშვიდობის, ერთიანობისა და ზნეობრივი ღირებულებების საყრდენი“.შვედეთის საელჩო აღნიშნავს, რომ „მისი უწმინდესობის მემკვიდრეობა დარჩება, როგორც რწმენის, სიყვარულისა და მშვიდობის მაგალითი“.ქვეყნის სულიერი მამის გარდაცვალების გამო გულწრფელად უსამძიმრებს საქართველოს მოსახლეობას ასევე იტალიის საელჩო.ავსტრიის საელჩო: „ღრმა მწუხარებას გამოვხატავთ და ვუსამძიმრებთ ყველა მართლმადიდებელს საქართველოში და საზღვარგარეთ“.სლოვაკეთის ელჩი მატუს ბუსოვსკი წერს, რომ გულწრფელ სამძიმარს უცხადებს საქართველოს მართლმადიდებელ ეკლესიას და ქართველ ხალხს.საქართველოს კათოლიკოს-პატრიარქი ილია II (ერისკაცობაში ირაკლი შიოლაშვილი) 1933 წლის 4 იანვარს ვლადიკავკაზში (მაშინდელი ორჯონიკიძე) დაიბადა. 1960 წელს დაამთავრა მოსკოვის სასულიერო აკადემია. მისი სასულიერო გზა 1957 წელს დაიწყო, როდესაც ბერად აღიკვეცა.იერარქიული სვლა და აღსაყდრება: 1963-1972 წწ: იყო მცხეთის სასულიერო სემინარიის პირველი რექტორი. 1967 წელი: მოღვაწეობა განაგრძო აფხაზეთის ეპარქიაში. 1969 წელი: მიენიჭა მიტროპოლიტის ხარისხი. 1977 წლის 23 დეკემბერი: საეკლესიო კრებამ ერთხმად აირჩია კათოლიკოს-პატრიარქად. მისი ინტრონიზაცია 25 დეკემბერს სვეტიცხოვლის ტაძარში შედგა. ილია II-ის სახელს უკავშირდება საქართველოს მართლმადიდებელი ეკლესიის ავტოკეფალიის აღიარება მსოფლიო საპატრიარქოს მიერ (1990 წელს), ეკლესია-მონასტრების მასშტაბური აღდგენა-მშენებლობა, სასულიერო სასწავლებლების დაარსება და ბიბლიის თანამედროვე ქართულ ენაზე გამოცემა. პატრიარქის ინიციატივითვე დამკვიდრდა ჩვილთა საყოველთაო ნათლობის ტრადიცია.

1773823794

უკრაინის სახელმწიფოს მეთაურმა აღნიშნა, რომ აშშ-ის ყურადღების ფოკუსი, „სამწუხაროდ, უფრო მეტად ახლო აღმოსავლეთზეა მიმართული, ვიდრე უკრაინაზე“, რის გამოც უკრაინის შესახებ სამშვიდობო მოლაპარაკებები „მუდმივად გადაიდება. მიზეზი ერთია – ომი ირანში“.ზელენსკიმ დააკონკრეტა, რომ აშშ-ის პრეზიდენტი დონალდ ტრამპი ფოკუსირებულია ირანზე, თუმცა მომლაპარაკებელი ჯგუფები ერთმანეთთან კომუნიკაციას აგრძელებენ.„ჩვენი ჯგუფი ყოველდღიურად ესაუბრება ამერიკულ მხარეს. ამერიკელებიც ყოველდღე ელაპარაკებიან რუსებს“, - განაცხადა ზელენსკიმ.მან აღნიშნა, რომ ირანის ომის გამო აშშ-მა გამოთქვა მზადყოფნა, უკრაინის შესახებ მოლაპარაკებები თავისთან გამართოს, თუმცა რუსებმა უარი თქვეს.„ამიტომ, ჩვენ ჯერჯერობით ვცდილობთ ფოკუსირებას ამერიკაზე, ვთავაზობთ თარიღსა და ადგილს. უკრაინა მხარს დაუჭერს ნებისმიერ თარიღსა და ნებისმიერ ადგილს, ოღონდ ნამდვილად არა რუსეთში“, - თქვა ზელენსკიმ.გარდა ამისა, ზელენსკიმ დასავლელ ლიდერებს შორის ირანის საკითხზე განხეთქილების შესახებ აღნიშნა. „ძალიან მინდა, რომ ტრამპი შეხვდეს სტარმერს... რათა მათ საერთო პოზიცია ჰქონდეთ“, - აღნიშნა ზელენსკიმ და დასძინა, რომ „ნებისმიერი განხეთქილება ნატოში ორივე მხარეს დაასუსტებს“.გამოცემამ აღნიშნა, რომ ზელენსკი ლონდონში ევროპული ტურნეს ფარგლებში იმყოფებოდა, რომელიც იმ ფონზე მიმდინარეობს, როდესაც ირანის გარშემო არსებული სიტუაცია ჩრდილავს უკრაინის ბრძოლას რუსეთის წინააღმდეგ.„ძალიან მნიშვნელოვანია, რომ ჩვენ ნათლად გვესმოდეს - მთავარი ყურადღება უკრაინაზე უნდა დარჩეს“, - განაცხადა სტარმერმა.ლონდონში ზელენსკი პარლამენტის დეპუტატების წინაშე სიტყვით გამოვიდა: „რეჟიმები რუსეთსა და ირანში სიძულვილის ძმები არიან, ამიტომ ისინი იარაღით ძმებიც არიან. ჩვენ გვინდა, რომ სიძულვილზე აგებულმა რეჟიმებმა არასოდეს გაიმარჯვონ არაფერში. ჩვენ არ გვინდა, რომ ასეთი რეჟიმი ემუქრებოდეს ევროპას ან ჩვენს პარტნიორებს“.გარდა ამისა, ზელენსკიმ ბრიტანელ პოლიტიკოსებს განუცხადა, რომ უკრაინა გახდა თანამედროვე ომის პიონერი და ახლა ფლობს მეთოდებს, რომლებიც შეუძლია მოკავშირეებს გაუზიაროს.გამოცემა Politico 17 მარტს წერდა, რომ აშშ-ის ხელისუფლება აპირებს უკრაინის სამშვიდობო მოლაპარაკებები ჩინეთის წინააღმდეგობისთვის გამოიყენოს. თუმცა, როგორც ექსპერტები მიიჩნევენ, ამ გეგმას წარმატების მცირე შანსი აქვს, სანამ რუსეთისა და ჩინეთის სათავეში ამჟამინდელი დიქტატორები იმყოფებიან.ასევე, გუშინ, ფინეთის პრეზიდენტმა ალექსანდრე სტუბმა გააჟღერა საკუთარი მოსაზრება იმის შესახებ, რომ ევროპას რუსეთთან დიალოგის დამყარება დასჭირდება.

1773820551

საქმიანობის სახეების მიხედვით შედარებით მაღალი ხელფასი დაფიქსირდა შემდეგ დარგებში: ინფორმაცია და კომუნიკაცია - 4 373.2 ლარი (წინა წლის შესაბამის პერიოდთან შედარებით გაიზარდა 9.1%-ით) მშენებლობა - 3 938.9 ლარი (გაიზარდა 17.2%-ით) საფინანსო და სადაზღვევო საქმიანობები - 3 747.7 ლარი (გაიზარდა 11.1%-ით) სამთომოპოვებითი მრეწველობა და კარიერების დამუშავება - 3 386.5 ლარი (გაიზარდა 31.8%-ით) 4Q25-ში ქალების საშუალო ხელფასი 1 952.5 ლარი, ხოლო კაცების - 2 978.9 ლარი იყო. ხელფასების წლიურმა ზრდამ ქალებში 173.9 ლარი (9.8%) შეადგინა, ხოლო კაცებში - 325.1 ლარი (12.2%). საქმიანობის სახეების მიხედვით კაცების ხელფასი თითქმის ყველა სექტორში აღემატებოდა ქალების ხელფასს.4Q25-ში სამეწარმეო (ბიზნეს) სექტორში დაქირავებით დასაქმებულთა საშუალო თვიური ხელფასი გაიზარდა 241.3 ლარით (10.2%) და 2 608.4 ლარი შეადგინა. საქმიანობის სახეების მიხედვით ყველაზე მაღალი ხელფასი დაფიქსირდა ინფორმაციის და კომუნიკაციის (4 433.4 ლარი, წინა წლის შესაბამის პერიოდთან შედარებით გაიზარდა 8.7%-ით) და მშენებლობის (3 943.4 ლარი, გაიზარდა 17.2%-ით) სფეროებში. საქსტატის მონაცემებით, 4Q25-ში არასამეწარმეო და საფინანსო სექტორში საშუალო თვიური ხელფასი გასული წლის შესაბამის პერიოდთან შედარებით 254.8 ლარით (13%) გაიზარდა და 2 210.2 ლარი შეადგინა. საქმიანობის სახეების მიხედვით შედარებით მაღალი ხელფასი აქვთ საფინანსო და სადაზღვევო საქმიანობებში დასაქმებულებს.საშუალო ხელფასის სიდიდის მიხედვით რეგიონებში ლიდერია თბილისი და მცხეთა მთიანეთი. 

1773818023

რუმინეთის პატრიარქის სამძიმარირუმინეთის მართლმადიდებელი ეკლესიის პატრიარქმა დანიელმა სპეციალური წერილი გამოაქვეყნა, სადაც ილია II-ს „თანამედროვე მართლმადიდებლობის მაღალღირსი მოღვაწე“ და „სარწმუნოების ურყევი აღმსარებელი“ უწოდა.„ღრმა მწუხარებით შევიტყვეთ ჩვენი საყვარელი ძმის გარდაცვალების შესახებ, რომელიც სიბრძნით მწყემსავდა საქართველოს მართლმადიდებელ ეკლესიას როგორც განსაცდელების, ასევე განახლების პერიოდებში“, - აღნიშნულია პატრიარქ დანიელის მიმართვაში.უკრაინის მართლმადიდებელი ეკლესიის გამოხმაურებაკიევისა და სრულიად უკრაინის მიტროპოლიტმა ეპიფანემ ხაზი გაუსვა ილია II-ის როლს საზოგადოების სულიერ განახლებაში სახელმწიფო ათეიზმის ხანის შემდეგ. მან ასევე განსაკუთრებით აღნიშნა საქართველოს პატრიარქის მხარდაჭერა უკრაინისადმი რუსეთის სრულმასშტაბიანი შემოჭრის დროს.მიტროპოლიტმა ეპიფანემ განაცხადა, რომ ილია II-ის პიროვნება განსაკუთრებული მნიშვნელობის იყო არა მხოლოდ საქართველოსთვის, არამედ მთელი მართლმადიდებლური სამყაროსთვის, რადგან მისი მსახურება ბევრ ადამიანს ეხმარებოდა იმედის შენარჩუნებაში ყველაზე რთულ დროსაც კი.

1773812820

საპატრიარქო კათედრა დაქვრივდა.დღეიდან, ახალი მწყემსთავრის არჩევამდე საქართველოს სამოციქულო მართლმადიდებელ ავტოკეფალურ ეკლესიას მართავს საპატრიარქო ტახტის მოსაყდრე, მიტროპოლიტი შიო მუჯირი.პარალელურად IPN იუწყება, რომ "მთავრობის წარმომადგენლები კავკასიის მედიცინის ცენტრში იკრიბებიან, სადაც კათოპლიკოს-პატრიარქი იმყოფება. ადგილზე მივიდა პრემიერ-მინისტრი ირაკლი კობახიძე, ასევე, პარლამენტის თავმჯდომარე, შალვა პაპუაშვილი, მინისტრთა კაბინეტის სხვა წევრები".საქართველოს კათოლიკოს-პატრიარქი ილია II (ერისკაცობაში ირაკლი შიოლაშვილი) 1933 წლის 4 იანვარს ვლადიკავკაზში (მაშინდელი ორჯონიკიძე) დაიბადა. 1960 წელს დაამთავრა მოსკოვის სასულიერო აკადემია. მისი სასულიერო გზა 1957 წელს დაიწყო, როდესაც ბერად აღიკვეცა.იერარქიული სვლა და აღსაყდრება: 1963-1972 წწ: იყო მცხეთის სასულიერო სემინარიის პირველი რექტორი. 1967 წელი: მოღვაწეობა განაგრძო აფხაზეთის ეპარქიაში. 1969 წელი: მიენიჭა მიტროპოლიტის ხარისხი. 1977 წლის 23 დეკემბერი: საეკლესიო კრებამ ერთხმად აირჩია კათოლიკოს-პატრიარქად. მისი ინტრონიზაცია 25 დეკემბერს სვეტიცხოვლის ტაძარში შედგა. ილია II-ის სახელს უკავშირდება საქართველოს მართლმადიდებელი ეკლესიის ავტოკეფალიის აღიარება მსოფლიო საპატრიარქოს მიერ (1990 წელს), ეკლესია-მონასტრების მასშტაბური აღდგენა-მშენებლობა, სასულიერო სასწავლებლების დაარსება და ბიბლიის თანამედროვე ქართულ ენაზე გამოცემა. პატრიარქის ინიციატივითვე დამკვიდრდა ჩვილთა საყოველთაო ნათლობის ტრადიცია.ბოლო პერიოდში პატრიარქის ჯანმრთელობის მდგომარეობის გაუარესების გამო, მისი ჰოსპიტალიზაცია რამდენჯერმე გახდა საჭირო. თავდაპირველად იგი ჩაფიძის კლინიკაში იმყოფებოდა, მოგვიანებით კი მკურნალობა „კავკასიის მედიცინის ცენტრში“ განაგრძო.

1773773000

ვორკშოპს უძღვებოდა ბრენდის სტრატეგიის კონსულტანტი და ტრენერი, ბრენდინგის შესახებ პირველი ქართული წიგნის ავტორი, შოთა ჩინჩალაძე.შეხვედრის განმავლობაში მონაწილეებმა მიიღეს ინფორმაცია ბრენდის შექმნისა და განვითარების პროცესზე, სტრატეგიულ მოდელებზე და იმ კომპონენტებზე, რომლებიც ბიზნესს გრძელვადიანი და კონკურენტული ბრენდის ჩამოყალიბებაში ეხმარება. განსაკუთრებული ყურადღება დაეთმო პრაქტიკულ მაგალითებსა და იმ ნაბიჯებს, რომლებიც კომპანიებს საკუთარი ბრენდის პოზიციონირების გასაძლიერებლად შეუძლიათ, გადადგან.SOLO Business Talks წარმოადგენს რეგულარული შეხვედრების სერიას, რომელიც მომხმარებლებს სხვადასხვა მიმართულებით ცოდნის გაღრმავებასა და გამოცდილების გაზიარებაში ეხმარება. იგი SOLO Business-ის - საქართველოს ბანკის პრემიუმ საბანკო ბიზნეს მომსახურების ნაწილია. SOLO Business აერთიანებს როგორც ყოველდღიურ პრემიუმ საბანკო პროდუქტებსა და სერვისებს, ისე სხვადასხვა ინიციატივას საშუალო ბიზნესის განვითარებისთვის, მათ შორის საგანმანათლებლო პროექტებსა და პროფესიული ქსელის გაძლიერების შესაძლებლობას.(R)

1773761880

საქართველოს ბანკი მომხმარებლებისთვის მრავალფეროვანი შეთავაზებების შექმნას განაგრძობს. ამჯერად, ბანკი საკრედიტო Amex ბარათის მფლობელებს City Mall-ში სპეციალურ აქციას სთავაზობს.23-დან 29 მარტის ჩათვლით, საკრედიტო Amex ბარათის მფლობელები City Mall-ში გადახდისას 10-ჯერ მეტ MR ქულას დააგროვებენ. შეთავაზების ფარგლებში შესაძლებელია მაქსიმუმ 10,000 MR ქულის დაგროვება.ინფორმაციისთვის, აქციით სარგებლობისთვის აუცილებელია შეთავაზების წინასწარ გააქტიურება მობილბანკში და გადახდის განხორციელება Wallet-ში დამატებული ბარათით.აღნიშნული აქცია ვრცელდება მხოლოდ City Mall საბურთალოსა და გლდანში არსებულ მაღაზიებში და არ მოიცავს კვების ობიექტებს, აფთიაქებსა და მარკეტებს.აღსანიშნავია, რომ ბანკმა საკრედიტო Amex ბარათის აღების პროცესი კიდევ უფრო გაამარტივა.  მომხმარებლებს შესაძლებლობა აქვთ ბარათი სრულად ციფრულად, მობილბანკიდან,  წამებში მიიღონ. ბარათის დამტკიცებისთანავე შესაძლებელია მისი დამატება Apple Pay-სა და Google Pay-ში და გადახდის განხორციელება როგორც საქართველოში, ისე საზღვარგარეთ.(R)

1773751400