ცესკოს თავმჯდომარის შეხვედრა ხანდაზმულ ამომრჩეველთან

ლარის იუბილესთან დაკავშირებით ეროვნული ბანკის პრეზიდენტი ნათია თურნავა მიმართვას ავრცელებს, რომელსაც სრულად გთავაზობთ:„გასული სამი ათეული წელი სავსე იყო მიღწევებით და  გამოწვევებით. ამ პერიოდში ლარმა თავისი მთავარი ფუნქცია შეასრულა - ყოფილიყო სანდო და სტაბილური ვალუტა ეკონომიკური ურთიერთობებისა და მოქალაქეთა ყოველდღიური ცხოვრებისთვის. ლარი თითოეული ჩვენგანისთვის თავისუფლების, ერთიანობისა და ეროვნული იდენტობის სიმბოლოა. იგი ღირსეულად აგრძელებს ქართული ფულის 26 საუკუნოვან ისტორიას, რომელიც კოლხური თეთრით დაიწყო და საქართველოს ტერიტორიაზე უძველესი ცივილიზაციისა და მდიდარი ეკონომიკური წარსულის ნათელი დადასტურებაა. ქართული ფულის სახელწოდებაც ჩვენი ისტორიიდან მოდის - „ლარი“ - ქონების, განძის, სიმდიდრის გამომხატველი სიტყვაა.ლარის შემოღება იყო საეტაპო მნიშვნელობის მოვლენა ქვეყნის განვითარების ისტორიაში. ლარი ჩვენი სახელმწიფოებრიობის ერთ-ერთი უმნიშვნელოვანესი სიმბოლოა. ამასთან, იგი დამოუკიდებელი მონეტარული პოლიტიკის განხორციელების ქვაკუთხედია. 1991 წლის 9 აპრილს საქართველოს სახელმწიფოებრიობის აღდგენის კვალდაკვალ, დასაბამი მიეცა ქვეყანაში დამოუკიდებელ ფულად და საკრედიტო სისტემას. ამ მხრივ განსაკუთრებით აღსანიშნავია ამავე წლის 2 აგვისტოს საქართველოს რესპუბლიკის უზენაესი საბჭოს მიერ მიღებული კანონები - „ეროვნული ბანკის შესახებ“, „ფულად-საკრედიტო რეგულირების შესახებ“ და „ბანკების და საბანკო საქმიანობის შესახებ“. სწორედ ამ პერიოდიდან ოფიციალურად დაიწყო მოსამზადებელი სამუშაოები ქართული ვალუტის დიზაინის, სახელწოდებისა და ტექნიკური პარამეტრების შესაქმნელად. ამ პროცესში არ შეიძლება მადლიერებით არ აღვნიშნოთ საერთაშორისო სავალუტო ფონდის მხარდაჭერა და დახმარება. სსფ დღემდე რჩება ჩვენს ერთ-ერთ ყველაზე მნიშვნელოვან და სანდო პარტნიორად.ლარმა უპირველესად, სტაბილურობა მოგვიტანა. მეორე მხრივ, განამტკიცა ჩვენი სუვერენიტეტი. შემდგომ ის ერთიანობისა და თავისუფლების სიმბოლოდ იქცა, როგორც დამოუკიდებელი საქართველოს მონაპოვარი. ახლა დროა, ახალი თავი დაიწეროს ჩვენს ისტორიაში და ეს დამოკიდებული იქნება იმ ქმედებებზე, რომლებსაც ჩვენ განვახორციელებთ. დამოკიდებული იქნება ქართველი ხალხის ნდობაზე. მიხარია, რომ ეკონომიკური სტაბილურობის ფონზე, მზარდია ლარის მიმართ საზოგადოების ნდობა, რაშიც უდავოდ დიდ როლს ასრულებს ლარიზაციის თანმიმდევრული პოლიტიკა, ეფექტიანი მონეტარული პოლიტიკა და საზედამხედველო მიდგომები, რომელთაც ეროვნული ბანკი ატარებს. ხელშესახები შედეგიც სახეზეა - თუ ათწლეულების წინ დეპოზიტების 70%-80% უცხოურ ვალუტაში იყო განთავსებული, დღეს დეპოზიტების თითქმის ნახევარი ლარშია (50%), ჩვენი ქვეყნის რეზიდენტების დეპოზიტების ლარიზაცია კი კიდევ უფრო მეტად - 57%-მდეა გაზრდილი.აღსანიშნავია, რომ ლარის საიუბილეო წელი ეროვნულმა ბანკმა არაერთი ღონისძიებით და აქტივობით აღნიშნა - ვუმასპინძლეთ მასშტაბურ საერთაშორისო ფორუმს, განვაახლეთ სამეცნიერო - ანალიტიკური ჟურნალის გამოცემა, მოიჭრა 5 ლარის ნომინალის ოქროს, ვერცხლისა და სპილენძ - ნიკელის საკოლექციო მონეტები და გამოვუშვით 50 ლარის ნომინალის საიუბილეო ბანკნოტი.გარდა ამისა, ეროვნული ბანკის ინიციატივით საქართველოს ფოსტამ გამოუშვა თემატური საფოსტო მარკა, საზოგადოებრივმა მაუწყებელმა კი მოამზადა დოკუმენტური ფილმი, რომელიც საქართველოს სახელმწიფო ბანკის პირველი მმართველის იასონ ლორთქიფანიძის ცხოვრებასა და მოღვაწეობას ასახავს. წელს ეკონომისტის დღე საქართველოში ტრადიციულად კონფერენციით აღნიშნა, რომელიც ლარის მიმოქცევაში შესვლიდან 30 წლის იუბილეს მიეძღვნა. ლარის საიუბილეო ღონისძიებების ფარგლებში, წლის ბოლომდე სხვადასხვა აქტივობებია დაგეგმილი, მათ შორის, საგანმანათლებლო მიმართულებით.კიდევ ერთხელ ვულოცავ ლარის 30 წლის იუბილეს სრულიად საქართველოს. ყველას, ვინც ჩართული იყო ფულის რეფორმის განხორციელების პროცესში. მათ, ვინც მოამზადა ქართული ლარის შემოღების ეკონომიკური საფუძვლები და მცირედი წვლილი მაინც შეიტანა ქართული სახელმწიფოსთვის ამ უმნიშვნელოვანეს საქმეში“, – ნათქვამია ნათია თურნავას მიმართვაში.

1759390807

ახალი სერვისი მომხმარებლებს აძლევს შესაძლებლობას, ციფრული სასაჩუქრე ბარათი მარტივად, მხოლოდ ადრესატის მობილური ტელეფონის ნომრის გამოყენებით გააგზავნონ. ამასთანავე, შესაძლებელია პერსონალიზაციაც – მისალოცი ტექსტის დამატება და დიზაინის შერჩევა.Grand Mall ბათუმის ციფრული სასაჩუქრე ბარათის მთავარი უპირატესობა მის მოქნილობაშია. ბარათის მფლობელს შეუძლია, იშოპინგოს არა მხოლოდ ერთ კონკრეტულ მაღაზიაში, არამედ სავაჭრო ცენტრის მასშტაბით ნებისმიერ ობიექტში, რაც მას მრავალფეროვან არჩევანს და დამატებით კომფორტს სთავაზობს.„საქართველოს ბანკში ვზრუნავთ, რომ მომხმარებელს თანამედროვე, სწრაფი და მოქნილი ციფრული პროდუქტები შევთავაზოთ. Grand Mall ბათუმის ციფრული სასაჩუქრე ბარათის დამატებით, მობილბანკის ფუნქციონალი კიდევ უფრო მრავალფეროვანი გახდა და მომხმარებლებს ეძლევათ შესაძლებლობა, საყვარელი ადამიანებს საჩუქარი მარტივად გასდასცენ“, – აცხადებენ საქართველოს ბანკში.ინფორმაციისთვის, ბარათის დამატება შესაძლებელია ციფრულ საფულეში (Wallet), ბარათის ადრესატი კი შეიძლება იყოს ნებისმიერი პირი, მიუხედავად იმისა, სარგებლობს თუ არა იგი საქართველოს ბანკის მობილბანკით.გადმოწერე მობილბანკი და გააგზავნე Grand Mall-ის ციფრული სასაჩუქრე ბარათები მარტივად.

1759390629

შეხვედრაზე თიბისი კაპიტალმა ლიკვიდობის მართვის ახალი სერვისი წარადგინა, რომელიც ბიზნესს მათზე მორგებულ საინვესტიციო გადაწყვეტილებებს სთავაზობს. სერვისი მოიცავს: კომპანიების ფულადი სახსრების ანალიზს, მათზე მორგებული საინვესტიციო პორტფელის შექმნასა და მართვას.ფასიან ქაღალდებსა და საინვესტიციო ფონდებში თანხის დაბანდება განვითარებულ ბაზრებზე დამკვიდრებული პრაქტიკაა. ამ ინსტრუმენტებში ინვესტირება კომპანიებისთვის უფრო მოქნილი, დაბალრისკიანი და მაღალშემოსავლიანია, ვიდრე ტრადიციულ აქტივებში. საქართველოში კი ბიზნესი თანხის განსათავსებლად ძირითადად საბანკო დეპოზიტებს ირჩევს. კერძოდ, ბიზნესი თავისუფალი ფულადი რესურსების მხოლოდ 2%-ს აბანდებს ფასიან ქაღალდებში, უდიდესი ნაწილი კი - საბანკო დეპოზიტებშია განთავსებული.წლიდან წლამდე ქვეყანაში ახალ საინვესტიციო ინსტრუმენტებზე მოთხოვნა იზრდება. თიბისი კაპიტალის სერვისების მეშვეობით დღეს ბიზნესს შეუძლია, ინვესტირება სხვადასხვა ფინანსურ ინსტრუმენტში განახორციელოს და მრავალფეროვანი პროდუქტებით ისარგებლოს, როგორებიცაა: საბროკერო სერვისები, მხარდაჭერა ფასიანი ქაღალდების გამოშვებაში, კვლევები და პროფესიონალური კონსულტაციები.თიბისი აქტივების მართვამ კორპორატიული კლიენტებისთვის გამართულ შეხვედრაზე საინვესტიციო ფონდების უპირატესობები წარადგინა: ფონდები მომხმარებლებს ექსკლუზიურ წვდომას აძლევს მაღალი ხარისხის უზრუნველყოფილი სესხების პორტფელზე, რომლითაც შესაძლებელია სტაბილური შემოსავლის მიღება დივერსიფიცირებული რისკით. თიბისი აქტივების მართვის საკრედიტო ფონდების შემოსავლიანობამ ბოლო 12 თვეში უძრავი ქონების გაქირავებითა და ობლიგაციებით მიღებულ შემოსავლიანობას გადააჭარბა; მოკლე და საშუალოვადიან პერიოდში კი მოსალოდნელი სამიზნე მომგებიანობა 8.5-9.5%-ის ფარგლებშია.ღონისძიების დასკვნით ნაწილში პანელური დისკუსია გაიმართა. კომპანიებმა, რომლებიც აქტიურად იყენებენ ალტერნატიულ საინვესტიციო შესაძლებლობებს, საკუთარი გამოცდილება გააზიარეს და პროდუქტების მნიშვნელობაზე ისაუბრეს, რომლებიც ბიზნესის ზრდასა და განვითარებაში ეხმარებათ. 

1759389713

პარტნიორობა სამ ძირითად მიმართულებას მოიცავს, მათ შორისაა განათლების ხელმისაწვდომობის გაზრდას აფხაზეთში მყოფი ბავშვებისთვის, ახალქალაქში მასწავლებელთა პროფესიული ზრდის მხარდაჭერას, ემიგრანტი ქალებისა და გოგონების ფინანსური ცნობიერების ამაღლებას.თანამშრომლობის ფარგლებში მნიშვნელოვანი აქცენტი გაკეთდება იმ ერთობლივი ინიციატივების განხორციელებაზეც, რომლებიც ემიგრანტ ქალებსა და გოგოებს ფინანსური ცნობიერების ამაღლებასა და სამეწარმეო უნარების გაძლიერებაში დაეხმარება. საგულისხმოა, რომ პროექტის ამ ნაწილში ინტენსიურად ჩაერთვებიან “კრისტალის” გუნდის წევრებიც, რომლებიც დაგეგმილ ინიციატივებში უშუალოდ მიიღებენ მონაწილეობას.პარტნიორობის შედეგად, მიკრობანკ “კრისტალის” ფინანსური მხარდაჭერით, Lib.ge აკადემია ახალგაზრდებთან შეხვედრებს, ონლაინსემინარებს, მასტერკლასებსა და სხვა საგანმანათლებლო აქტივობებს ჩაატარებს.“მოხარულები ვართ, რომ Lib.ge აკადემიასთან ახალ, საინტერესო თანამშრომლობას ვიწყებთ. მიგვაჩნია, რომ განათლება - ეს არის  ინვესტიცია მომავალში. ამიტომ ვერთიანდებით Lib.ge აკადემიასთან, რადგან გვჯერა, რომ ერთად შევქმნით ისეთი შესაძლებლობებს, რომლებიც აფხაზეთში მცხოვრებ ახალგაზრდებს და ემიგრანტ ქალებს ახალი გზების აღმოჩენაში დაეხმარება. სწორედ ასეთ პროექტებში ჩართულობით ჩანს  „კრისტალის“, როგორც არა მხოლოდ ფინანსური ინსტიტუტის, არამედ საზოგადოებრივი ცვლილებების თანამონაწილის რეალური როლი. ვიმედოვნებთ, რომ მემორანდუმის ფარგლებში არაერთ საინტერესო პროექტს განვახორციელებთ”, - აღნიშნავს მიკრობანკ “კრისტალის” E&S მიმართულების ხელმძღვანელი მაია ქობალია.„ამ შეთანხმებიდან ჩემთვის განსაკუთრებით მნიშვნელოვანი გალში მცხოვრები ბავშვების განათლების ხელშეწყობაა. ვფიქრობ, ,,კრისტალთან" ერთად ძალიან მნიშვნელოვან, საეტაპო პროცესს დავუდეთ სათავე, რაც სამომავლოდ კიდევ მრავალ ინიციატივაში აისახება“, - გიორგი კეკელიძე, Lib.ge აკადემიის დირექტორი.“კრისტალისთვის” ახალგაზრდების განათლების, მეწარმეობისთვის საჭირო ცოდნისა და უნარების განვითარების მხარდაჭერა და მათი ეკონომიკური ჩართულობის ხელშეწყობა კორპორაციული სოციალური პასუხისმგებლობის მნიშვნელოვანი მიმართულებაა. ამავდროულად, ის ეხმიანება კომპანიის მიერ შერჩეულ გაეროს მდგრადი განვითარების მე-5-ე და მე-10-ე მიზანს, რომელიც “კრისტალის” კორპორაციულ სტრატეგიაშია ინტეგრირებული და გულისხმობს გოგონების და ქალების ფინანსურ და პერსონალურ გაძლიერებას, მათი ფინანსური წიგნიერების გაღრმავებასა და ამით მათ თემებსა და რეგიონებში უთანასწორობის აღმოფხვრას.Lib.ge აკადემიის შესახებ:Lib.ge აკადემია, რომელიც გიორგი კეკელიძის არაფორმალური განათლების აკადემიაა,  აერთიანებს ციფრულ ბიბლიოთეკას, ონლაინ სკოლას ემიგრანტებისთვის და შემეცნებით პროექტებს. მისი მიზანი საქართველოს  საზღვრებს გარეთ წიგნიერებისა და ქართული კულტურის გავრცელებაა. Lib.ge-აკადემიის ელჩები მზექალა შანიძე და ინგა თოფურია არიან.მიკრობანკი “კრისტალის” შესახებ:მიკრობანკი “კრისტალი” საქართველოში მოქმედი წამყვანი ფინანსური ინსტიტუტია, რომელიც დინამიურად იზრდება და ვითარდება. კომპანიამ 2025 წლის 12 თებერვალს, საქართველოს ეროვნული ბანკისგან მიკრობანკის ლიცენზია მიიღო. ლიცენზიის მიღებას კრისტალი 27-წლიანი გამოცდილებით და სანდო იმიჯით, 600 მილიონი ლარის სასესხო პორტფელით, 48 ფილიალში დასაქმებული 1 000-ზე მეტი თანამშრომლით და ქვეყნის მასშტაბით 100 000 -ზე მეტი უნიკალური მომხმარებებლით შეხვდა. კრისტალის პარტნიორები არიან საერთაშორისო და ადგილობრივი მსხვილი ფინანსური ინსტიტუტები. 

1759324410

შეგახსენებთ, ფინანსთა სამინისტროსა და შინაგან საქმეთა სამინისტროს თანამშრომლების მიერ, ერთობლივად ჩატარებული ოპერატიულ-სამძებრო მოქმედებების ფარგლებში, მგზავრთა და კონტეინერების კონტროლის უწყებათაშორისი დანაყოფის მიერ, 50 მილიონზე მეტი ღირებულების, განსაკუთრებით დიდი ოდენობით, 200 კილოგრამი ნარკოტიკული საშუალება „ჰეროინის" შემოტანის მცდელობის ფაქტი აღიკვეთა.დაჯილდოების საზეიმო ღონისძიებაზე შეკრებილ სტუმრებს სიტყვით მიმართეს ფინანსთა მინისტრმა, ლაშა ხუციშვილმა, შემოსავლების სამსახურის ხელმძღვანელმა, ირაკლი (დაჩი) ბერაიამ და საბაჟო დეპარტამენტის უფროსმა, მიხეილ ჩოკოშვილმა. ხელმძღვანელმა პირებმა თავიანთ გამოსვლებში, კიდევ ერთხელ, ხაზი გაუსვეს უწყებათაშორისი დანაყოფის ერთობლივი საქმიანობის მნიშვნელობას და მასში ჩართულ თითოეულ წევრს მადლობა გადაუხადეს სამსახურებრივი მოვალეობის კეთილსინდისიერად შესრულებისთვის.აღნიშნული უწყებათაშორისი დანაყოფი გაერო-ს ნარკოტიკებისა და დანაშაულის წინააღმდეგ ბრძოლის ოფისის (UNODC) და მსოფლიო საბაჟო ორგანიზაციის (WCO) ერთობლივი პროექტის - მგზავრებისა და კონტეინერთა კონტროლის პროგრამის ფარგლებში, საბაჟო დეპარტამენტში 2012 წელს შეიქმნა და მასში ჩართულია საბაჟო დეპარტამენტის, ფინანსთა სამინისტროს საგამოძიებო სამსახურის, ასევე ცენტრალური კრიმინალური პოლიციის დეპარტამენტისა და საპატრულო პოლიციის წარმომადგენლები.დანაყოფის წევრები ერთდროულად ახორციელებენ საზღვაო, საჰაერო და სახმელეთო გზით გადაადგილებული ტვირთების კოორდინირებულ კონტროლს.აღსანიშნავია, რომ ერთობლივი დანაყოფი აქტიურადაა ჩართული საერთაშორისო სანქციების აღსრულების პროცესშიც. ჯგუფის მონაწილეობით, ბოლო 2 წლის განმავლობაში ამოღებულია 570 კილოგრამზე მეტი ნარკოტიკული საშუალება „ჰეროინი" და 3 კილოგრამამდე „კოკაინი". ამასთან, სამართალდარღვევის არაერთი ფაქტი იქნა გამოვლენილი, როგორც საქართველოში, ასევე, სხვა ქვეყნებში.

1759320963

2025 წლის მასწავლებლის ეროვნული ჯილდოს კონკურსის გამარჯვებული ჟანა ხაჩატურიანი, ილია ჭავჭავაძის სახელობის, ახალქალაქის N3 საჯარო სკოლის მასწავლებელი გახდა.წლევანდელი მასწავლებლების ეროვნული ჯილდოს ფინალისტები იყვნენ: ელენე ბეთლემიშვილი, გორის N3 და N8 საჯარო სკოლის დაწყებითი საფეხურის მასწავლებელი ნესტან კუბლაშვილი, თბილისის N172 საჯარო სკოლის ქართული ენისა და ლიტერატურის მასწავლებელი მაია ლაპიაშვილი, დედოფლისწყაროს N1 საჯარო სკოლის გეოგრაფიის და სამოქალაქო განათლების მასწავლებელი შალვა მინდაძე, თბილისის N70 საჯარო სკოლის ისტორიის მასწავლებელი ჟანა ხაჩატურიანი, ილია ჭავჭავაძის სახელობის, ახალქალაქის N3 საჯარო სკოლის „მე და საზოგადოების“, სამოქალაქო განათლებისა და მოქალაქეობის მასწავლებელი თითოეულ ფინალისტს საქართველოს ბანკისგან ფულადი ჯილდო - 5000 ლარი გადაეცა. კონკურსის გენერალური სპონსორისგან, „გუდავაძე-პატარკაციშვილის ფონდისგან“ კი გამარჯვებულს 15 000 ლარი გადაეცემა.ინფორმაციისთვის, მასწავლებლის ეროვნული ჯილდოს კონკურსში საუკეთესო ათეული განათლების სფეროსა და საზოგადოების წარმომადგენლებით დაკომპლექტებულმა ჟიურიმ შეარჩია.„მასწავლებლის ეროვნული ჯილდო უკვე 9 წელია ემსახურება მთავარ მიზანს აჩვენოს საზოგადოებას, რამდენად მნიშვნელოვანია მასწავლებლის როლი ჩვენი ქვეყნის მომავლისთვის და რამდენად აუცილებელია მათი დაფასება და მხარდაჭერა. ამ დროის მანძილზე არაერთი გამორჩეული პედაგოგი გავაცანით საზოგადოებას, რომლებიც ყოველდღიურად ცვლიან მოსწავლეების ცხოვრებას უკეთესობისკენ, და წლევანდელი გამარჯვებულიც სწორედ ამის მაგალითია. ჯილდო არის მოტივაცია არა მხოლოდ მოქმედი მასწავლებლებისთვის, არამედ მათთვისაც, ვინც მომავალში ამ პროფესიის არჩევაზე ფიქრობენ”, - აღნიშნავს თამუნა გურგენიძე, მასწავლებლის ეროვნული ჯილდოს დირექტორი.“საქართველოს ბანკისთვის, როგორც განათლების მთავარი მხარდამჭერი ორგანიზაციისთვის, განათლების შესაძლებლობების შექმნა ერთ-ერთი მთავარი პრიორიტეტია. ჩვენ კარგად გვესმის, რომ ამ პროცესში გადამწყვეტი მნიშვნელობა მასწავლებლებს ენიჭებათ. სწორედ ამ მიზნით, წელს ჩვენ მასწავლებლის ეროვნული ჯილდოს კონკურსის მთავარი მხარდამჭერები ვართ. მინდა მივულოცო პირველ რიგში კონკურსის გამარჯვებულს და ფინალისტებს და მადლობა გადავუხადო მათ, განათლების სფეროში შეტანილი წვლილისათვის. თითოეულ მონაწილეს კარგად ესმის, რომ სწორედ მასწავლებლები განსაზღვრავენ ქვეყნის უკეთეს მომავალს, ამიტომ მინდა მოვუწოდო მათ, მომავალ წელს აუცილებლად მიიღონ მონაწილეობა კონკურსში, გამოცადონ საკუთარი შესაძლებლობები და უფრო ფართო აუდიტორიას გააცნონ საკუთარი თავი”, - აღნიშნავს ანა ლომთაძე, საქართველოს ბანკის კორპორატიული სოციალური პასუხისმგებლობის მიმართულების ხელმძღვანელი.ინფორმაციისთვის, წელს მასწავლებლის ეროვნული ჯილდოს შესარჩევ კონკურსში 142 მასწავლებელი ჩაერთო.მასწავლებლის ეროვნული ჯილდოს კონკურსის შესახებ დეტალური ინფორმაციის მისაღებად ეწვიეთ ვებგვერდს.

1759319725

Intercontinental Drifting Cup საერთაშორისო საავტომობილო ფედერაციის (FIA) ოფიციალური ღონისძებაა, სადაც მსოფლიოს საუკეთესო მრბოლელები შეიკრიბებიან.ქართული ავტოსპორტის ერთ-ერთ უმნიშვნელოვანეს ფიგურას - მევლუდ მელაძეს ქართველი გულშემატკივარი კარგად იცნობს. მის სახელს, საქართველოში პროფესიული ავტოსპორტის განვითარება და პოპულარიზაცია უკავშირდება. საქართველოს თოთხმეტგზის ჩემპიონი და ათობით საერთაშორისო ეტაპის გამარჯვებული - ეს მისი შედეგების არასრული ჩამონათვალია.ბოლო წლებში კი, მევლუდმა მთელი ენერგია დრიფტისკენ მიმართა – ავტოსპორტის ერთ-ერთი ყველაზე სანახაობრივი დისციპლინისკენ.აღსანიშნავია, რომ მევლუდ მელაძემ დრიფტში მონაწილეობა 42 წლის ასაკში დაიწყო; სწორედ იმ პერიოდში, როცა საერთაშორისო საავტომობილო ფედერაციამ დრიფტის, როგორც სპორტის სახეობის აღიარება დაიწყო და პირველივე რბოლაზე გამარჯვება მოიპოვა, რაშიც საკუთარი თავისა და იმის რწმენა დაეხმარა, რომ ადამიანისთვის შეუძლებელი არაფერია.დრიფტის პოპულარიზაციისთვის, მისი ძალისხმევითა და მეგობრების მხარდაჭერით, შეიქმნა „ლილო არენა“ – პროფესიონალური დრიფტის სარბოლო ტრასა, რომელიც დღეს უკვე არამხოლოდ სპორტსმენების, არამედ ახალგაზრდა თაობისათვისაც განვითარების მნიშვნელოვან სივრცედ იქცა.თიბისისთვის პრიორიტეტია ისეთი ადამიანების მხარდაჭერა, რომლებიც არ უშინდებიან სიახლეებს, დაბრკოლებებს; თამამი ნაბიჯებით, თავდაჯერებულად მიიწევენ დასახული მიზნებისკენ და სრულად გათავისებული აქვთ, რომ შეუძლებელიც შესაძლებელია - მთავარია გჯეროდეს. 

1759319202

TI Georgia-ს ინფორმაციით: ბიძინა ივანიშვილი "იმედს" მინიმუმ 2018 წლიდან აფინანსებს. 2022 წლის ბოლოს "იმედის" სასესხო დავალიანება ბიძინა ივანიშვილის კომპანიების მიმართ მინიმუმ ₾61 მლნ იყო. "ქართუ ჯგუფთან" დაკავშირებულ სხვა კომპანიებთან ერთად დავალიანება ₾165 მლნ-ს აღწევს, რაც იმედის დაფინანსების 50%-ია. "იმედის" დაფინანსება შეღავათიანი სესხებით ხდება. 2023 წელს ტელეკომპანიას ₾331 მლნ-ის სესხი ჰქონდა აღებული. სესხის 2 მთავარი გამცემი ბიძინა ივანიშვილი და ირაკლი რუხაძე არიან (დაკავშირებული კომპანიების საშუალებით). კომპანია ზარალზე მუშაობს. 2023 წლის ბოლოს, მას 388 მლნ ლარის ზარალი ჰქონდა დაგროვილი."ქართული ოცნების მთავარი პროპაგანდისტული საშუალება – ტელეკომპანია „იმედი“ ხშირად პოზიციონირებს, როგორც დამოუკიდებელი სარედაქციო პოლიტიკის მქონე კერძო ტელევიზია. ამავე დროს, მისი მფლობელი ირაკლი რუხაძე აღიარებს, რომ ტელეკომპანიის სარედაქციო პოლიტიკას ის განსაზღვრავს და რომ ის „ქართული ოცნების“ პარტიულ მიზნებს ემთხვევა. შპს „ტელეიმედის“ 100%-ს შპს „ჯორჯიან მედია პროდაქშენ ჯგუფი“ ფლობს, რომლის მფლობელი ნიდერლანდებში რეგისტრირებული კომპანია „მედია ფაინენს გრუპ“ არის. 2023 წლის 31 დეკემბრის მდგომარეობით, „მედია ფაინენს გრუპის“ საბოლოო მფლობელები კი ირაკლი რუხაძე, ბენჯამინ ალბერტ მარსონი და იგორ ალექსეევი არიან.„ტელეიმედი“ ზარალზე მომუშავე კომპანიაა. მისი ფინანსური ანგარიშის მიხედვით, 2023 წლის 31 დეკემბრის მდგომარეობით 388 მლნ ლარის დაგროვილი ზარალი ჰქონდა. 2018 წელს, როდესაც პირველად გასაჯაროვდა „ტელეიმედის“ ფინანსური ანგარიში, კომპანიას უკვე 170 მლნ ლარის დაგროვილი ზარალი ჰქონდა.ზარალის დასაფარად „ტელეიმედი“ მისი მფლობელებისა და მათთან დაკავშირებული კომპანიებისგან წლიდან წლამდე იღებს შეღავათიან სესხებს, რომელთა დაბრუნებას „ტელეიმედს“ არავინ სთხოვს. ამას კომპანია თავად აღნიშნავს მის ფინანსურ ანგარიშებში. 2023 წლის ფინანსურ ანგარიშში (გვერდი 22) ვკითხულობთ:„მიმდინარე ვალდებულებების მნიშვნელოვანი ნაწილი წარმოდგენილია ისეთი კომპანიებისგან აღებული სესხებით, რომლებიც კომპანიის აქციონერები და მათი ჯგუფის წევრები არიან. კომპანიის ხელმძღვანელობა არ მოელის, რომ აღნიშნული კრედიტორები მოითხოვენ სესხების დაფარვას ისე, რომ „ტელეიმედს“ლიკვიდურობის პრობლემა შეექმნას”.2018 წელს „ტელეიმედს“ 141 მლნ ლარის სესხი ჰქონდა აღებული, ხოლო 2023 წელს უკვე 331 მლნ ლარი. ამ თანხის უმეტესი ნაწილი კომპანიის ერთ-ერთი საბოლოო ბენეფიციარი მფლობელის, ირაკლი რუხაძის კომპანიებისგან მოდის. თუმცა, ფინანსური ანგარიშების ანალიზმა აჩვენა, რომ იმავე სქემით, „ტელეიმედის“ დამფინანსებელთა შორის ბიძინა ივანიშვილთან დაკავშირებული კომპანიებიც არიან, ბოლო მონაცემებით (2022 წელი): სს „ბანკი ქართუ“ - 44.8 მლნ ლარი შპს „ქართუ ჯგუფი“ - 6.9 მლნ ლარი Wenigen Management Limited - 9 მლნ ლარი 2018 წლის ბოლოს „ტელეიმედს“ ბიძინა ივანიშვილთან დაკავშირებული კომპანიებისგან 15 მლნ ლარამდე სესხი ჰქონდა მიღებული, კერძოდ „ქართუ ბანკისგან“ 8.1 მლნ ლარი და Wenigen Management Limited-სგან 6.8 მლნ ლარი. 2022 წლის ბოლოს „ტელეიმედის“ სასესხო დავალიანება ბიძინა ივანიშვილთან დაკავშირებული კომპანიების მიმართ 61 მლნ ლარამდე იყო. ტელევიზიას ყველაზე მეტი ვალი – 45 მლნ ლარამდე „ქართუ ბანკის“ მიმართ ჰქონდა. 9 მლნ ლარის სესხი ჰქონდა Wenigen Management Limited-სგან და 7 მლნ ლარის სესხი შპს „ქართუ ჯგუფისგან“. 2018 წელს ბიძინა ივანიშვილთან დაკავშირებული კომპანიების სესხის წილი მთლიან სესხებში 10% იყო, ხოლო 2022 წელს 21%.2023 წლის ფინანსურ ანგარიშში „ტელეიმედის“ სესხები აღარ არის ჩაშლილი კრედიტორების მიხედვით. თუმცა, აღნიშნულია, რომ 2023 წლის 31 დეკემბრის მდგომარეობით არსებული მიმდინარე ვალდებულებებიდან (331 მლნ ლარი) მნიშვნელოვანი ნაწილი (274 მლნ ლარი) „ტელეიმედის“ აქციონერებისგან და მათთან დაკავშირებული კომპანიებისგან აღებული სესხებია.მონაცემთა წყარო: „ტელეიმედის“ წლიური ფინანსური ანგარიშებიბიძინა ივანიშვილთან პირდაპირ დაკავშირებული კრედიტორი კომპანიებისს „ბანკი ქართუ“სს „ბანკი ქართუს“ 100% წილის მფლობელი ფონდი „ქართუ“ არის, რომელსაც, თავის მხრივ, მფლობს სს „ქართუ ჯგუფი“; ამ უკანასკნელის საბოლოო მფლობელი, 2025 წლამდე, ბიძინა ივანიშვილის შვილი უტა ივანიშვილი იყო. 2025 წლის დასაწყისში შეიცვალა მფლობელობის სტრუქტურა, სავარაუდოდ ბიძინა ივანიშვილზე დაწესებული სანქციებისგან კომპანიების დაცვის მიზნით; დღეის მდგომარეობით უტა ივანიშვილი სს „ქართუ ჯგუფის“ 35%-ს ფლობს, ხოლო დანარჩენი წილები სულ მცირე 14 უცნობ პირზეა გადანაწილებული.2018 წელს „ტელეიმედს“ სს „ბანკი ქართუსგან“ 8 მლნ ლარის სესხი ჰქონდა აღებული. 2022 წლის მონაცემებით ბანკისადმი დავალიანება 44.8 მლნ ლარამდე იყო გაზრდილი.შპს „ქართუ ჯგუფი“შპს „ქართუ ჯგუფის“ 100% წილის მფლობელი ასევე ფონდი „ქართუა“, შესაბამისად, „ქართუ ბანკის“ მსგავსად, კომპანიის საბოლოო მფლობელი 2025 წლამდე ბიძინა ივანიშვილის შვილი უტა ივანიშვილი იყო; დღეის მდგომარეობით კი წილები განაწილებულია უტა ივანიშვილსა (35%) და სულ მცირე 14 უცნობ პირს შორის.„ტელეიმედმა“ „ქართუ ჯგუფისგან“ სესხი პირველად 2020 წელს მიიღო 7.1 მლნ ლარის ოდენობით. 2022 წლის ბოლოს დავალიანება 6.9 მლნ ლარამდე იყო შემცირებული.Wenigen Management Limited„ტელეიმედის“ ფინანსური ანგარიშების მიხედვით Wenigen Management Limited ტელევიზიის მფლობელებთან დაკავშირებული კომპანიაა. თუმცა, „საერთაშორისო გამჭვირვალობა - საქართველოს“ 2022 წლის კვლევის მიხედვით, Wenigen Management Limited ბიძინა ივანიშვილთან დაკავშირებული ოფშორში რეგისტრირებული კომპანიაა, რომელიც 2018-2019 წლებში ფონდ „ქართუს“ აფინანსებდა. 2018 წელს „ტელეიმედს“ Wenigen Management Limited-სგან 6.8 მლნ ლარის სესხი ჰქონდა აღებული. 2022 წლის მონაცემებით კი სესხის მოცულობა 9 მლნ ლარამდე იყო გაზრდილი.შპს „ამბერი“ – „ქართუ ბანკთან“ / ბიძინა ივანიშვილთან დაკავშირებული კიდევ ერთი კომპანია?შპს „ამბერი“ „ტელეიმედის“ მსხვილი კრედიტორია. ის 2018 წლიდან აფინანსებს ტელევიზიას და 2022 წლის ბოლოს 105 მლნ ლარის სესხი ჰქონდა გაცემული. რადგან „ამბერის“ სახელი ფინანსურ ანგარიშებში ქართულად წერია, ის სავარაუდოდ საქართველოში რეგისტრირებული კომპანია უნდა იყოს. ფინანსურ ანგარიშებში არ არის მოცემული კომპანიის საიდენტიფიკაციო კოდი, „ამბერი“ კი ათზე მეტ კომპანიას ჰქვია. აქედან გამომდინარე კომპანიის ზუსტი იდენტიფიცირება ვერ მოხერხდა. თუმცა, „ტელეიმედის“ 2022 წლის ფინანსურ ანგარიშში აღნიშნულია (გვერდი 22), რომ „ამბერი“ ტელევიზიის მფლობელებთან და მათი ჯგუფის წევრებთან დაკავშირებული კომპანიაა.ჩვენ შევისწავლეთ 2018 წლამდე რეგისტრირებული ყველა კომპანია, რომელსაც „ამბერი“ ჰქვია. მაღალი ალბათობით ტელევიზიას 2018 წლის 17 ოქტომბერს რეგისტრირებული შპს „ამბერი“ (საიდენტიფიკაციო ნომერი 400251758) აფინანსებს, რომლის 100% წილის მფლობელი იაკობ გოგოლაძეა. ერთ-ერთი სპორტული ვებსაიტის მიხედვით, იაკობ გოგოლაძე ფუტსალის გრანდ ლიგაში „ბანკი ქართუს“ გუნდში თამაშობს. სოციალურ მედიაში მის მიერ გამოქვეყნებული პოსტის მიხედვით, ის „ბანკი ქართუს“ გუნდში 2019 წელსაც თამაშობდა.სს „ქართუ ჯგუფის“ 2018 წლის ფინანსურ ანგარიშში აღნიშნულია, რომ „ქართუ ჯგუფმა“ 2018 წლის 18 ოქტომბერს 2.8 მლნ ლარის სესხი მისცა შპს „ამბერს“. ჩვენს მიერ იდენტიფიცირებული „ამბერი“ კი ერთი დღით ადრე დარეგისტრირდა, რაც მიანიშნებს, რომ სესხი სწორედ ამ კომპანიამ მიიღო. თავის მხრივ, 2018 წელს „ამბერმა“ „ტელეიმედს“ დაახლოებით იგივე მოცულობის თანხა - 2.9 მლნ ასესხა. „ქართუ ჯგუფმა“ ამბერს 2.9 მლნ ლარის სესხი 2019 წელსაც მისცა, რომელმაც შემდეგ „ტელეიმედი“ დააფინანსა.ეს სქემა აჩენს ეჭვს, რომ შპს „ამბერიც“ რეალურად ბიძინა ივანიშვილთან დაკავშირებული კომპანიაა, რომლის საშუალებითაც ივანიშვილი იმაზე მეტ თანხას დებს იმედში, ვიდრე ზემოთ ნახსენები სამი კომპანიის საშუალებით. ასეთ შემთხვევაში, ბიძინა ივანიშვილთან დაკავშირებული კომპანიების მიერ „იმედის“ დაფინანსების წილი 56%-მდე იზრდება.ცხრილი 1. შპს „ტელეიმედის“ სესხები, 31 დეკემბრის მდგომარეობით, მლნ ლარიინფორმაციის წყარო: „ტელეიმედის“ წლიური ფინანსური ანგარიშებიPs Capital Lux S.A.R.L„ტელეიმედის“ ფინანსური ანგარიშების მიხედვით, Ps Capital Lux S.A.R.L ტელევიზიის მესაკუთრეებთან დაკავშირებული კომპანიაა. Ps Capital Lux S.A.R.L ლუქსემბურგში არის რეგისტრირებული და მისი მფლობელი ბრიტანეთის ვირჯინიის კუნძულებზე რეგისტრირებული კომპანია Park Street Capital LP-ია. აღნიშნული კომპანია 2021 წლიდან აფინანსებს „ტელეიმედს“ და 2022 წლის ბოლოს ყველაზე მსხვილი დამფინანსებელი იყო. ტელევიზიის დავალიანება მის მიმართ 126 მლნ ლარი იყო", - წერს TI.

1759319051