ზელენსკი მშვიდობის მიღწევის შესაძლებლობას ნოემბრამდე ხედავს

მინისტრმა ყურადღება გაამახვილა იმ ფაქტზე, რომ განვითარებულ ქვეყნებში, როგორიცაა გერმანია და იაპონია, კონკურენტი აფთიაქების ერთ სივრცეში თავმოყრა არ ხდება. სარჯველაძის თქმით, საქართველოში დამკვიდრებული პრაქტიკა, სადაც რამდენიმე აფთიაქი ერთმანეთის გვერდითაა განთავსებული, სექტორის ხარჯებს ზრდის.„თუ დაელაპარაკებით სექტორის წარმომადგენლებს, შეიძლება გითხრან, რომ ეს გავლენას 10-15%-ით ახდენს, მაგრამ რომ ახდენს გავლენას ხარჯებზე, ამაზე 100%-ით შემიძლია გესაუბროთ“, - განაცხადა მინისტრმა.კითხვაზე, დაუწესდებათ თუ არა სააფთიაქო ქსელებს რაოდენობრივი ან ტერიტორიული შეზღუდვები, მიხეილ სარჯველაძემ აღნიშნა, რომ შესაძლებელია შემუშავდეს სპეციალური ალგორითმი, რომელიც აფთიაქების კონკრეტულ ტერიტორიაზე ოპტიმალურ განაწილებას უზრუნველყოფს.ამასთან, მინისტრმა გამორიცხა პრინციპი „ერთი უბანი - ერთი აფთიაქი“ და ხაზი გაუსვა, რომ რეგულაციის ფორმებსა და მის პოტენციურ შედეგებზე სიღრმისეული მსჯელობაა საჭირო.ჯანდაცვის უწყების ხელმძღვანელის განცხადებით, ამ ეტაპზე საკითხთან დაკავშირებით საბოლოო პოზიცია ჩამოყალიბებული არ არის, თუმცა თემა აუცილებლად იმსახურებს ყურადღებას და მსჯელობას.„აპრიორი, რომ ამაზე არ უნდა ვიმსჯელოთ, საკითხი ასე არ დგას. სამედიცინო სექტორში მსგავსი რეგულირება ნორმალურია, თუმცა დაფიქრება გვმართებს, რა შედეგის მოტანა შეუძლია ამას“, - დასძინა სარჯველაძემ.

1772191094

Microsoft-ის კვლევის მონაცემებით, საქართველოში AI-ის ათვისების მაჩვენებელმა (AI Diffusion) 18.2% შეადგინა. მიუხედავად იმისა, რომ წლის მეორე ნახევარში ქვეყანაში ზრდა მხოლოდ 0.9% იყო, საქართველო რეგიონულ ჭრილში მეზობელ ქვეყნებზე წინ დგას: აზერბაიჯანი: 15.5% თურქეთი: 14.6% სომხეთი: 6.6% გლობალური მასშტაბით პირველობას არაბთა გაერთიანებული საამიროები (64%) და სინგაპური (60.9%) ინარჩუნებენ. საქართველო საერთო რეიტინგში 63-ე ადგილზეა.ანგარიში ხაზს უსვამს „მზარდ ციფრულ ნაპრალს“ (Widening Digital Divide). „გლობალურ ჩრდილოეთში“ ათვისების ტემპი თითქმის ორჯერ უფრო სწრაფია, ვიდრე „გლობალურ სამხრეთში“. განვითარებულ ქვეყნებში სამუშაო ასაკის მოსახლეობის 24.7% იყენებს AI ინსტრუმენტებს, მაშინ როცა განვითარებად ეკონომიკებში ეს მაჩვენებელი 14.1%-ია.Microsoft-ის კვლევის მიხედვით, 2025 წლის მნიშვნელოვან ტენდენციად იქცა ჩინური ღია კოდის მქონე პლატფორმის, DeepSeek-ის ექსპანსია. უფასო ხელმისაწვდომობის გამო, მან სწრაფად მოიპოვა წილი იმ ბაზრებზე, სადაც ფინანსური ბარიერები მაღალია. საქართველოში DeepSeek-ის საბაზრო წილი უკვე 6-10%-იან შუალედში ფიქსირდება. კვლევის მიხედვით, ეს მოდელი განსაკუთრებით პოპულარულია: აფრიკაში, ჩინეთში, რუსეთსა და ირანში.Microsoft-ის ანგარიშში წლის წარმატებულ მაგალითად დასახელებულია სამხრეთ კორეა, რომელმაც რეიტინგში 7 საფეხურით გადაინაცვლა წინ და მე-18 ადგილზე დამკვიდრდა (30.7%). წარმატება განაპირობა სახელმწიფო პოლიტიკამ, AI-ის სკოლებსა და საჯარო სექტორში ინტეგრაციამ და მშობლიურ ენაზე მოდელების ოპტიმიზაციამ.ანგარიშის დასკვნით, გლობალური კონკურენცია აშშ-სა და ჩინეთს შორის ახლა საკუთარი ეროვნული მოდელების ათვისების ტემპზე გადის. საქართველოსთვის და სხვა რეგიონული მოთამაშეებისთვის მთავარ გამოწვევად AI-უნარების განვითარება და ტექნოლოგიური ხელმისაწვდომობის უზრუნველყოფა რჩება.

1772187452

დაწესებული სანქციების ძირითადი შინაარსი:სანქცირების რეჟიმის დასახელება:2019 წლის რუსეთის (სანქციების) (EU Exit) რეგულაციები (Unique ID: RUS3393)დაწესებული სანქციები:აქტივების გაყინვა, დირექტორის დისკვალიფიკაციის სანქცია, ტრასტის სერვისების სანქციებიგაერთიანებული სამეფოს მიერ მიზეზების დასაბუთება:სახელმწიფო მდივანი მიიჩნევს, რომ არსებობს გონივრული საფუძვლები ეჭვისთვის, რომ ტელეკომპანია „იმედი“ წარმოადგენს დაკავშირებულ პირს 2019 წლის რუსეთის (სანქციების) (EU Exit) რეგულაციების საფუძველზე, შემდეგი გარემოების გამო: იგი ავრცელებს და ავრცელებდა მიზანმიმართულად შეცდომაში შემყვან ინფორმაციას რუსეთის მიერ უკრაინაში განხორციელებული სრულმასშტაბიანი შეჭრის შესახებ საკუთარ აუდიტორიაზე, რომელიც ძირითადად საქართველოშია განთავსებული, რაც წარმოადგენს მხარდაჭერას ან ხელშეწყობას ისეთი პოლიტიკისა თუ ქმედებისა, რომელიც დესტაბილიზაციას ახდენს უკრაინაში ან ასუსტებს ან საფრთხეს უქმნის უკრაინის ტერიტორიულ მთლიანობას, სუვერენიტეტს ან დამოუკიდებლობას. კერძოდ, იგი რეგულარულად ავრცელებს ისეთ ინფორმაციას, რომლის მიხედვითაც უკრაინის მთავრობა და პრეზიდენტი ზელენსკი არალეგიტიმურები არიან, უკრაინა არის დასავლეთის „მარიონეტი“, უკრაინა კორუმპირებული ქვეყანაა და რომ უკრაინა და დასავლეთი ცდილობენ საქართველოს დესტაბილიზაციას.ვინ უნდა დაემორჩილოს სანქციების რეგულაციებს?თუ თქვენ ეწევით ნებისმიერ საქმიანობას, რომელიც მოიცავს ტრანზაქციებს, ფინანსურ მომსახურებას, ვაჭრობას, პროფესიული სერვისების მიწოდებას ან დაზღვევას, შესაძლებელია ურთიერთობა გქონდეთ სანქცირებულ პირებთან ან ორგანიზაციებთან, ან სანქცირებულ საქონელსა და მომსახურებასთან.სანქციების რეგულაციები ვრცელდება:• ნებისმიერ ფიზიკურ პირზე, ბიზნესზე ან ორგანიზაციაზე, რომელიც საქმიანობას ახორციელებს გაერთიანებული სამეფოს ტერიტორიაზე ნებისმიერ ადგილას (ტერიტორიული ზღვის ჩათვლით)• ნებისმიერ ბიზნესზე ან ორგანიზაციაზე, რომელიც დაფუძნებულია ან შექმნილია გაერთიანებული სამეფოს რომელიმე ნაწილის კანონმდებლობის საფუძველზე და საქმიანობას ახორციელებს მსოფლიოს ნებისმიერ ადგილას• გაერთიანებული სამეფოს ნებისმიერ მოქალაქეზე, სადაც არ უნდა იმყოფებოდეს ის მსოფლიოშივინ არის ვალდებული დაიცვას ფინანსური სანქციები?გაერთიანებული სამეფოს ფინანსური სანქციები ვრცელდება ყველა პირზე, რომელიც იმყოფება გაერთიანებული სამეფოს ტერიტორიასა და ტერიტორიულ ზღვაში, აგრეთვე ყველა ბრიტანელ პირზე, მსოფლიოს ნებისმიერ წერტილში მათი მდებარეობის მიუხედავად. ეს ნიშნავს, რომ:• ყველა ფიზიკური პირი და იურიდიული პირი, რომელიც იმყოფება ან ახორციელებს საქმიანობას გაერთიანებული სამეფოს ტერიტორიაზე, ვალდებულია დაიცვას მოქმედი გაერთიანებული სამეფოს ფინანსური სანქციები• გაერთიანებული სამეფოს ყველა მოქალაქე და გაერთიანებული სამეფოს კანონმდებლობის საფუძველზე დაფუძნებული იურიდიული პირები, მათ შორის მათი ფილიალები, ასევე ვალდებულნი არიან დაიცვან მოქმედი გაერთიანებული სამეფოს ფინანსური სანქციები, მიუხედავად იმისა, თუ სად ხორციელდება მათი საქმიანობადირექტორის დისკვალიფიკაციის სანქციების ეფექტითუ არ არის გაცემული ლიცენზია ან არ მოქმედებს შესაბამისი გამონაკლისი, პირებს, რომლებიც ექვემდებარებიან დირექტორის დისკვალიფიკაციის სანქციებს, პირდაპირ ან ირიბად ეკრძალებათ:• გაერთიანებულ სამეფოში რეგისტრირებული კომპანიის დირექტორად ყოფნა• უცხოური კომპანიის დირექტორად ყოფნა, რომელსაც საკმარისი კავშირი აქვს გაერთიანებულ სამეფოსთან, მაშინაც კი, თუ იგი აქ არ არის რეგისტრირებული. მაგალითად, თუ იგი ახორციელებს საქმიანობას ან ფლობს აქტივებს გაერთიანებულ სამეფოში• კომპანიის წახალისებაში, დაფუძნებაში ან მართვაში მონაწილეობა ან მასთან დაკავშირებანებისმიერი პირი, რომელიც არღვევს დირექტორის დისკვალიფიკაციის სანქციას, სჩადის სისხლის სამართლის დანაშაულს.სრულად იხილეთ აქ: https://www.gov.uk/government/publications/the-uk-sanctions-list#full-publication-update-history მაუწყებლობის შესახებ საქართველოს კანონის 401 მუხლი არეგულირებს მაუწყებლობის ტრანზიტთან დაკავშირებულ ურთიერთობებს, მაგალითად მისი პირველი პუნქტით:1. საზოგადოებრივ მაუწყებელს, სათემო მაუწყებელს, ამ კანონის შესაბამისად ავტორიზებულ საერთო საეთერო ან/და თანამგზავრულ მაუწყებელს, რომელიც მაუწყებლობს მაუწყებლობის ტრანზიტზე ავტორიზებული პირის მომსახურების მიწოდების ზონაში (თანამგზავრული მაუწყებლის მაუწყებლობის ზონა ამ მუხლის მიზნებისათვის არის ქვეყნის მთელი ტერიტორია), აგრეთვე ავტორიზებულ საერთო საეთერო მაუწყებელს, რომლის მაუწყებლობა საეთერო მაუწყებლობის განხორციელების შედეგად ხელმისაწვდომია საქართველოს მოსახლეობის არანაკლებ 20%-ისათვის, უფლება აქვთ, მოსთხოვონ მაუწყებლობის ტრანზიტზე ავტორიზებულ პირს ასეთი მაუწყებლის სატელევიზიო არხის მომხმარებლისათვის შეთავაზებულ ყველა პაკეტში განთავსება („სავალდებულო ტრანზიტი“). ამ შემთხვევაში მაუწყებელს არ წარმოეშობა მაუწყებლობის ტრანზიტზე ავტორიზებული პირისგან მაუწყებლის სიგნალის ტრანზიტისათვის ანაზღაურების მოთხოვნის უფლება.იხილეთ მაუწყებლობის შესახებ საქართველოს კანონის 401 მუხლი სრულად: https://matsne.gov.ge/ka/document/view/32866?publication=82 ზემოთქმულიდან გამომდინარე, ვფიქრობთ, რომ საზოგადოებას და ყველა დაინტერესებულ სუბიექტს, მათ შორის, ექსპერტებს, ნათელი და სრული წარმოდგენა შეექმნებათ იმ საკითხზე, რაზეც ბოლო პერიოდში ვრცელდება  ურთიერთსაწინააღმდეგო  ინფორმაცია.წყარო: https://www.magticom.ge/ka/magticom-comment 

1772186893

აღნიშნული უკანონოდ შემოტანილი ცეცხლსასროლი იარაღები მებაჟე ოფიცრებმა, ეჭვის საფუძველზე უცხო ქვეყნის მოქალაქის მართვის ქვეშ არსებული ავტომობილის დეტალური დათვალიერების შედეგად, სავარძელსა და საბარგულს შორის, მოწყობილ სამალავში გამოავლინეს.საქმის მასალები, შემდგომი რეაგირების მიზნით, საქართველოს შინაგან საქმეთა სამინისტროს გადაეცა.

1772186348

გოცირიძეს თქმით, „თუ ვინმე შექმნის სპეციალურ მიკრო ბანკს და მოემსახურება „იმედს“, ეს სანქციების გვერდის ავლაში ეროვნული ბანკის პირდაპირი მონაწილეობა იქნება, რაც უდიდესი დარტყმის ქვეშ დააყენებს ქვეყნის ფინანსურ სისტემას“.„კანონით იკრძალება რაიმეს ერქვას ბანკი, გარდა ეროვნული ბანკის მიერ დაწესებული საფინანსო ინსტიტუტისა. „იმედის“ ბანკის შექმნა აბსურდია. რომც უნდოდეს ეროვნულ ბანკს, ამას ვერ იზამს, რადგან ეს „ბანკი” ვერ გაივლის შესაბამისობის კრიტერიუმებს. ესეც კანონის მოთხოვნაა.თუ ვინმე შექმნის სპეციალურ მიკრო ბანკს (არის ასეთი შესაძლებლობა კანონში) და მოემსახურება „იმედს“, ეს სანქციების გვერდის ავლაში ეროვნული ბანკის პირდაპირი მონაწილეობა იქნება, რაც უდიდესი დარტყმის ქვეშ ჩააყენებს ქვეყნის ფინანსურ სისტემას“, - წერს რომან გოცირიძე.27 თებერვალს ტელეკომპანია „იმედმა“, საკუთარ ბანკის („იმედის ბანკი“) შექმნა დააანონსა.ტელეკომპანიის მტკიცებით, სანქციების მიუხედავად, მათ "არანაირი, მათ შორის, არც ფინანსური პრობლემა" არ ექნებათ.სანქცირებული ტელევიზია იმასაც ირწმუნება, რომ "რამდენიმე ბანკი" მზადაა, მათ საბანკო მომსახურება გაუწიოს.24 თებერვალს ბრიტანეთის გაერთიანებულმა სამეფომ ტელეკომპანია "იმედი" და "POSTV" "რუსული დეზინფორმაციის გავრცელების" გამო სანქცირებულ ერთეულთა სიაში შეიყვანა, რომლის ფარგლებშიც მათ სამი კატეგორიის სანქციები შეეხოთ: აქტივების გაყინვა, სატრასტო მომსახურების სანქციები და დირექტორის დისკვალიფიკაციის სანქცია. 

1772183168

"საკადასტრო მონაცემების განახლება, ღვინის ეროვნული სააგენტოს მევენახეობის კადასტრის სამმართველოს წარმომადგენლების მიერ, მევენახეობის რეგიონების ყველა მუნიციპალიტეტში ადგილზე მიმდინარეობს.მოქმედი რეგულაციით, ვენახის საკადასტრო ამონაწერის გარეშე მევენახე ვერ შეძლებს საწარმოში ყურძნის ჩაბარებას, ხოლო მეღვინე ღვინის რეალიზაციას.ვენახების კადასტრი აუცილებელია მევენახეობა-მეღვინეობის დარგის განვითარების და საერთაშორისო ბაზრებზე ქართული ღვინის კონკურენტუნარიანობის ზრდისთვის. ვენახების კადასტრი თითოეული ვენახის ნაკვეთის იდენტიფიკაციით, მევენახეების და ვენახების შესახებ დეტალური ინფორმაციის აღწერით იქმნება. რეგისტრირებულ ვენახზე ინფორმაცია მოიცავს ვაზის ჯიშებს, დარგვის თარიღს, ვენახის მდგომარეობას, მდებარეობას, ფართობს და სხვა მონაცემებს. დღევანდელი მდგომარეობით, მთელი ქვეყნის მასშტაბით, აღწერილია 50 ათასამდე ჰექტარი ვენახის ფართობი", - წერს სააგენტო. ღვინის ეროვნულმა სააგენტომ პროგრამა 2014 წელს დაიწყო და 2023 წელს უკვე მევენახეობის ყველა რეგიონი მოიცვა. ღვინის ეროვნული სააგენტო ვენახების შესახებ საკადასტრო მონაცემების განახლებას რეგულარულად ახორციელებს.

1772180898

შეიცვალა თავად მიდგომაც უძრავი ქონების მიმართ. ახალგაზრდა მყიდველები ნაკლებად არიან ორიენტირებულნი კვადრატული მეტრების რაოდენობაზე და არამედ მეტად — ლოკაციის კომფორტს, რაიონის ინფრასტრუქტურასა და საცხოვრებლის საკუთარი საჭიროებების მიხედვით სწრაფად ადაპტირების შესაძლებლობაზე. კომპაქტური ბინა ამცირებს შეძენის, მოვლისა და რემონტის ხარჯებს და ამავე დროს ინარჩუნებს ქალაქური ცხოვრების კომფორტს.სტუდიო ბინების პოპულარობის ზრდა პირდაპირ უკავშირდება თანამედროვე ქალაქების დინამიკას. სამუშაოს აქტიური ტემპი, დისტანციური პროფესიების განვითარება და ფინანსური მოქნილობისკენ სწრაფვა ქმნის მოთხოვნას ფუნქციურ საცხოვრებელზე, რომლის შეძენა, გაქირავება ან პირველი დამოუკიდებელი საცხოვრებლის სახით გამოყენება მარტივია. სწორედ ამიტომ სტუდიო ტიპის ბინები ახალგაზრდულ თაობაში ერთ-ერთ ყველაზე მოთხოვნად ფორმატად იქცა.როგორ შეიცვალა ახალგაზრდა მყიდველების პრიორიტეტები უძრავ ქონებაშიბოლო წლებში ახალგაზრდა მყიდველების პრიორიტეტები მნიშვნელოვნად შეიცვალა. თუ ადრე მთავარი კრიტერიუმი ბინის ფართობი იყო, დღეს პირველ ადგილზე გადადის ცხოვრების სტილი, რომელსაც საცხოვრებელი უზრუნველყოფს. ახალგაზრდები ცდილობენ იცხოვრონ სამუშაოს, სწავლების, საზოგადოებრივი სივრცეების და ტრანსპორტის კვანძებთან ახლოს, მაშინაც კი, თუ ამისთვის უფრო კომპაქტური ბინის არჩევა უწევთ.მნიშვნელოვან როლს თამაშობს ფინანსური რაციონალურობაც. ახალგაზრდობა უძრავ ქონებას სულ უფრო ხშირად განიხილავს როგორც მოქნილ აქტივს და არა როგორც ერთჯერად შენაძენს მთელი ცხოვრებისათვის. პირველადი შენატანის უფრო სწრაფად დაგროვება, ყოველთვიური ხარჯების შემცირება და მობილობის შენარჩუნება პატარა ბინებს უფრო მიმზიდველს ხდის დიდ საცხოვრებელთან შედარებით.შეიცვალა საკუთრებისადმი დამოკიდებულებაც. ახალი თაობისთვის მნიშვნელოვანია არა მხოლოდ ბინის ფლობა, არამედ არჩევანის თავისუფლება — საჭიროების შემთხვევაში რაიონის შეცვლა, სხვა ქალაქში გადასვლა ან ბინის მარტივად გაქირავება. სწორედ ამიტომ იზრდება მოთხოვნა ლიკვიდურ ობიექტებზე, რომელთა გაყიდვა ან შემოსავლის წყაროდ გამოყენება მარტივია.ტექნოლოგიები და თანამედროვე ურბანული გარემოც მნიშვნელოვან გავლენას ახდენს არჩევანზე. განვითარებული ინფრასტრუქტურა, ქოვორქინგ სივრცეები, მიტანის სერვისები, საზოგადოებრივი სივრცეები და ტრანსპორტის ხელმისაწვდომობა საშუალებას იძლევა კომფორტულად იცხოვროთ მცირე ფართობზეც. ბინა აღარ წარმოადგენს ყველა ცხოვრების სცენარის ერთადერთ სივრცეს — ამ ფუნქციების ნაწილი ქალაქმა საკუთარ თავზე აიღო.ახალგაზრდებისთვის სულ უფრო მნიშვნელოვანია ცხოვრების ხარისხი და კომფორტი, ვიდრე საცხოვრებლის სტატუსი. ენერგოეფექტური სახლები, თანამედროვე საცხოვრებელი კომპლექსები, უსაფრთხოება და კეთილმოწყობილი გარემო უფრო მნიშვნელოვანი ხდება, ვიდრე ოთახების რაოდენობა. სწორედ ამიტომ კომპაქტური და ფუნქციური ბინები დღეს აღიქმება როგორც ლოგიკური და თანამედროვე არჩევანი.სტუდიო ტიპის ბინები როგორც ინვესტიცია და დამოუკიდებელი ცხოვრების მოსახერხებელი დასაწყისისტუდიო ტიპის ბინები სულ უფრო ხშირად განიხილება არა მხოლოდ როგორც ხელმისაწვდომი საცხოვრებლის ფორმატი, არამედ როგორც გონივრული ინვესტიცია. ასეთი ბინების შედარებით დაბალი ღირებულების გამო მყიდველებს შეუძლიათ უფრო სწრაფად შეიძინონ საკუთარი უძრავი ქონება და დაიწყონ პირადი კაპიტალის ფორმირება. ბევრი ახალგაზრდისთვის სტუდიო ხდება პირველი ნაბიჯი ფინანსური დამოუკიდებლობისა და სტაბილურობისკენ.სტუდიოების საინვესტიციო მიმზიდველობა დიდწილად დაკავშირებულია გაქირავებაზე მაღალი მოთხოვნით. მცირე ზომის ბინები განსაკუთრებით პოპულარულია სტუდენტებს, ახალგაზრდა სპეციალისტებსა და იმ ადამიანებში, რომლებიც სამუშაოს გამო ქალაქში გადადიან საცხოვრებლად. ეს უზრუნველყოფს დამქირავებლების სტაბილურ ნაკადს და ამცირებს ბინის ხანგრძლივი დაუქირავებლობის რისკს.კიდევ ერთი მნიშვნელოვანი უპირატესობაა ლიკვიდურობა. სტუდიოების გაყიდვა უფრო მარტივია დიდ ბინებთან შედარებით, რადგან ისინი ხელმისაწვდომი რჩება მყიდველების ფართო აუდიტორიისთვის. ქალაქების აქტიური განვითარების პირობებში კომპაქტური ბინები ხშირად უფრო სწრაფად ძვირდება, განსაკუთრებით იმ რაიონებში, სადაც ვითარდება ინფრასტრუქტურა და უზრუნველყოფილია კარგი სატრანსპორტო ხელმისაწვდომობა.ახალგაზრდებისთვის სტუდიო წარმოადგენს დამოუკიდებელი ცხოვრების კომფორტულ საწყისს. მცირე სივრცის მოწყობა, მოვლა და ყოველდღიურ საჭიროებებზე მორგება გაცილებით მარტივია. კომუნალური გადასახადების, რემონტისა და ავეჯის შედარებით დაბალი ხარჯები საშუალებას აძლევს ახალგაზრდებს მეტი ყურადღება დაუთმონ კარიერას, განათლებასა და პირად მიზნებს.დროთა განმავლობაში ასეთი უძრავი ქონება შეიძლება გახდეს გრძელვადიანი სტრატეგიის ნაწილი. მფლობელები ხშირად გადადიან უფრო დიდ საცხოვრებელში, ხოლო სტუდიოს ტოვებენ გასაქირავებლად ან შემდგომი გადაყიდვისთვის. შედეგად, კომპაქტური ბინა ერთდროულად ითავსებს ორი ფუნქციას — პირველი კომფორტული საცხოვრებელი და საიმედო საინვესტიციო აქტივი.როგორ ცვლიან სტუდიოები თბილისის უძრავი ქონების ბაზარსსტუდიო ტიპის ბინების პოპულარობის ზრდამ პირდაპირ იმოქმედა თბილისში ახალი მშენებლობების სტრუქტურაზე. უძრავი ქონების პლატფორმის korter.ge მონაცემებით, დეველოპერები სულ უფრო ხშირად გეგმავენ პროექტებში კომპაქტური დაგეგმარებების დიდ წილს, რადგან სწორედ ასეთი ბინები იყიდება ყველაზე სწრაფად მშენებლობის ეტაპზევე. ახალ საცხოვრებელ კომპლექსებში სტუდიოები ხშირად სრული რაოდენობის თითქმის მესამედს შეადგენს, რაც დეველოპერებს საშუალებას აძლევს დააჩქარონ გაყიდვები და შეამცირონ ფინანსური რისკები.შეიცვალა მყიდველის პორტრეტიც. თუ ადრე ბაზრის მთავარი მომხმარებლები ოჯახები იყვნენ, რომლებიც საცხოვრებელს მუდმივი ცხოვრებისათვის ყიდულობდნენ, დღეს მნიშვნელოვან ნაწილს წარმოადგენენ ახალგაზრდა სპეციალისტები და კერძო ინვესტორები. სტუდიოები გახდა თბილისის უძრავი ქონების ბაზარზე შესვლის ერთ-ერთი ყველაზე ხელმისაწვდომი გზა, რამაც გაზარდა გარიგებების რაოდენობა და შეინარჩუნა მოთხოვნა ფასების მერყეობის პერიოდშიც.გაქირავების სეგმენტიც სტუდიოების გავლენით იცვლება. კომპაქტური ბინები დამქირავებლებს უფრო სწრაფად პოულობს შედარებით დაბალი ქირისა და ერთ ან ორ ადამიანზე მორგებული ფორმატის გამო. შედეგად ძლიერდება საინვესტიციო მოდელი, როდესაც ბინები თავიდანვე შეძენილია გაქირავების მიზნით და ქალაქში ფორმირდება გრძელვადიანი გაქირავების სტაბილური ბაზარი.სტუდიოები ხელს უწყობს ახალი რაიონების განვითარებასაც. მყიდველები მზად არიან განიხილონ ისტორიული ცენტრის გარეთ მდებარე ლოკაციებიც, თუ საცხოვრებელი კომპლექსი თანამედროვე ინფრასტრუქტურას, კეთილმოწყობასა და კარგ ტრანსპორტს სთავაზობს. შედეგად აქტიურად ვითარდება ახალი უბნები, სადაც ჩნდება გზები, კომერციული სივრცეები, კაფეები და სხვადასხვა სერვისი.გრძელვადიან პერსპექტივაში სტუდიოები მთლიანად ცვლის ქალაქური საცხოვრებლის აღქმას. ბაზარი თანდათან გადადის დიდი ბინებიდან ფუნქციურ და ხელმისაწვდომ ფორმატებზე, რომლებიც მობილურ ცხოვრების სტილს ერგება. ეს თბილისის უძრავი ქონების ბაზარს უფრო დინამიკურს ხდის, აფართოებს მყიდველთა აუდიტორიას და ზრდის ქალაქის საინვესტიციო მიმზიდველობას.რატომ არის კომპაქტური ბინების გაქირავება უფრო მარტივი და მათი შეძენა უფრო მომგებიანიკომპაქტური ბინების გაქირავება უფრო მარტივია, პირველ რიგში, ხელმისაწვდომი ფასის გამო. შედარებით დაბალი ქირა ზრდის პოტენციური დამქირავებლების წრეს — სტუდენტები, ახალგაზრდა სპეციალისტები, ექსპატები და ადამიანები, რომლებიც სამუშაოს გამო ქალაქში გადადიან, უფრო ხშირად ირჩევენ მცირე ზომის საცხოვრებელს. შედეგად ასეთი ბინები იშვიათად რჩება დაუქირავებელი და უფრო სწრაფად იწყებს შემოსავლის გენერირებას, განსაკუთრებით თბილისში ბინების გაქირავებაზე სტაბილურად მაღალი მოთხოვნის ფონზე.კიდევ ერთი მნიშვნელოვანი უპირატესობაა გაქირავების მაღალი სიჩქარე. მაშინ როცა დიდი ბინები დამქირავებელს შესაძლოა კვირების განმავლობაში ეძებდეს, სტუდიო და ერთოთახიანი ბინები, როგორც წესი, ბევრად სწრაფად პოულობს მობინადრეს. ინვესტორისთვის ეს ნიშნავს მინიმალურ მოცდენის პერიოდს და სტაბილურ ფინანსურ ნაკადს, რაც განსაკუთრებით მნიშვნელოვანია უძრავი ქონების შეძენისას ინვესტიციის ამოსაღებად.შეძენის თვალსაზრისით, კომპაქტური ბინები ნაკლებ საწყის კაპიტალს საჭიროებს. პირველადი შენატანი, რემონტის, ავეჯისა და მოვლის ხარჯები მნიშვნელოვნად დაბალია დიდ ბინებთან შედარებით. ეს ამცირებს ფინანსურ დატვირთვას მფლობელზე და ინვესტიციას ხელმისაწვდომს ხდის დამწყები ინვესტორებისთვისაც.ექსპლუატაციის ხარჯებიც მნიშვნელოვან როლს ასრულებს. კომუნალური გადასახადები, რემონტისა და ინტერიერის განახლების ხარჯები მცირე ბინებში გაცილებით დაბალია. გაქირავების შემთხვევაში ეს ზრდის ბინის მიმზიდველობას დამქირავებლებისთვის, ხოლო მფლობელისთვის ზრდის ინვესტიციის სუფთა შემოსავალს.გარდა ამისა, კომპაქტური ბინები გამოირჩევა მაღალი ლიკვიდურობით. საჭიროების შემთხვევაში მათი გაყიდვა უფრო მარტივია, რადგან ხელმისაწვდომ საცხოვრებელზე მოთხოვნა სტაბილურად მაღალი რჩება ბაზრის მდგომარეობის მიუხედავად. სწრაფი გაქირავების, ზომიერი ხარჯებისა და მუდმივი მოთხოვნის კომბინაცია კომპაქტურ ბინებს ერთ-ერთ ყველაზე მომგებიან ფორმატად აქცევს როგორც შეძენის, ისე ინვესტირების თვალსაზრისით.(R)

1772180275

2025 წელს პროფესიულ საგანმანათლებლო დაწესებულებებში 19.7 ათასი სტუდენტი ჩაირიცხა, რომელთაგან 53.7% - ქალია, ხოლო 46.3% - კაცი.საქსტატის მონაცემებით, სტუდენტების მიღების მაჩვენებელი 2024 წელთან შედარებით 15.3%-ით გაიზარდა.რეგიონების მიხედვით, ყველაზე მეტი სტუდენტი ჩაირიცხა თბილისში (40.1%), შემდეგ მოდის აჭარის არ (19.3%), იმერეთი (11.5%), ქვემო ქართლი (10%), სამეგრელო-ზემო სვანეთი (7.4%) და კახეთი (4.1%).2025 წელს, პროფესიულ საგანმანათლებლო პროგრამებზე, სპეციალური საგანმანათლებლო საჭიროების მქონე 238 სტუდენტი ჩაირიცხა, რომელთაგან 35.7% ქალია, ხოლო 64.3% - კაცი.ამასთან, რეგიონების მიხედვით, ყველაზე მეტი სტუდენტი ჩაირიცხა თბილისში (50.4%).2025 წელს, კურსდამთავრებულთა რიცხოვნობამ 10.5 ათასი შეადგინა, რომელთაგან 47.1% ქალია, ხოლო 52.9% - კაცი. კურსდამთავრებულთა უმეტესობა მოდის მომსახურებების (23.1%), ინჟინერიის, წარმოების და მშენებლობის (21.4%) და ბიზნესის, ადმინისტრირების და სამართლის (15%) პროგრამებზე.

1772180012