მყინვარული ხეობებიდან საფრთხე ჯერ არ მოდის. რა დასკვნა დადეს შვეიცარიელებმა

ფრანგულმა მწარმოებელმა „ლაქტალის ნუტრიშენ სანტე“ (LNS), Picot-ის ბავშვთა კვების რძის პროდუქტების რამდენიმე პარტიაში ტოქსინ Cereulide-ის გამოვლენის შესაძლო რისკის გამო, სხვადასხვა ქვეყნიდან, მათ შორის საქართველოდან, კონკრეტული პარტიების ამოღების შესახებ გადაწყვეტილება მიიღო იმის მიუხედავად, რომ არცერთ ქვეყანაში ამ პროდუქტის მიღების შედეგად რაიმე სახის გართულების ფაქტი არ დაფიქსირებულა.მიღებული ინფორმაციის საფუძველზე, სურსათის ეროვნულმა სააგენტოს თბილისის დეპარტამენტის ინსპექტორებმა იმპორტიორი კომპანია „უნო გრუპი“ შეამოწმეს.ბიზნესოპერატორი სურსათის გამოთხოვის და მიღებული ზომების შესახებ სააგენტოსთვის სავალდებულო წერილობითი შეტყობინების თავის არიდებისთვის დაჯარიმდა.ამ დროისთვის იდენტიფიცირებულია კონკრეტული პარტიები, რომლებიც ექვემდებარება ბაზრიდან გამოთხოვას: Picot 1 400G – 8000003312; Picot 1 800G -8000003297; Picot 2 800G -8000003280. ბაზრიდან გამოთხოვის პროცესს, სააგენტოს ზედამხედველობით, ბიზნესოპერატორი ინტენსიურ რეჟიმში ახორციელებს.სურსათის ეროვნული სააგენტო მოუწოდებს მომხმარებელს, იმ შემთხვევაში, თუ უკვე შეძენილი აქვს პროდუქცია დასახელებული პარტიებიდან, არ გამოიყენოს.ბაზრიდან გამოთხოვა ხდება მხოლოდ მოცემული პარტიების პროდუქციის. ბაზრიდან გამოთხოვის მოთხოვნა არ ვრცელდება სხვა პარტიებსა და ბავშვთა კვების სხვა პროდუქტებზე, რომლებიც ბაზარზე Picot-ის სახელწოდებით არის წარმოდგენილი.

1769167375

მუდმივი წინსვლისა და არგაჩერების პროცესში სუხიშვილების მთავარი სპონსორი საქართველოს ბანკია, ღონისძიების ორგანიზატორი კი Emolas Corporation იყო.1891 წელს გახსნილი კარნეგი ჰოლი საუკუნეზე მეტია გამორჩეულ არტისტებს მასპინძლობს. მათ, რომლებმაც ეპოქები შექმნეს. სწორედ აქ იდგნენ ბილი ჰოლიდეი, ლუი არმსტრონგი, ელა ფიცჯერალდი, მაილს დევისი, არეტა ფრანკლინი, მარია კალასი, The Beatles და სხვა არტისტები, რომლებმაც ეს სცენა ლეგენდარულად აქციეს.  მათი თითოეული კონცერტი კულტურულ მოვლენად იქცა, რომელმაც თაობები გააერთიანა და დროს გაუძლო.მათ რიგს უკვე ქართული კულტურაც შეუერთდა. სუხიშვილების კონცერტმა კარნეგი ჰოლში დაადასტურა, რომ ქართული ეროვნული ცეკვა მსოფლიო კულტურის ნაწილია.აღსანიშნავია, რომ საქართველოს ბანკი აქტიურ რეჟიმში უჭერს მხარს საზღვარგარეთ მცხოვრებ ქართველებს და მათთვის არაერთ პროექტს ახორციელებს როგორც საბანკო სერვისების განვითარების,  ისე კულტურული პროექტების განხორციელების მიმართულებით. სუხიშვილების კონცერტის მხარდაჭერა სწორედ ამ ხედვის ნაწილია.„სუხიშვილების კარნეგი ჰოლის სცენაზე გამოსვლა ისტორიული მოვლენაა, რომელიც განსაკუთრებულად მნიშვნელოვანია საზღვარგარეთ მცხოვრები ჩვენი თანამემამულეებისთვის. საქართველოს ბანკი უკვე წლებია აქტიურად ახორციელებს ემიგრანტებზე ორიენტირებულ არაერთ პროექტს როგორც ფინანსური სერვისების განვითარების, ისე კულტურული და საზოგადოებრივი ინიციატივების მხარდაჭერის კუთხით. ჩვენთვის განსაკუთრებით საამაყოა, რომ ამ ისტორიული მნიშვნელობის მოვლენის მხარდამჭერები ვართ. მსგავსი ღონისძიებები გვაძლევს შესაძლებლობას ემიგრანტებისთვის შევქმნათ კავშირი საკუთარ კულტურასთან, სადაც არ უნდა იყვნენ ისინი”, - განაცხადა საქართველოს ბანკის ემიგრანტების საბანკო მომსახურების დეპარტამენტის დირექტორმა, ნატალია შათირიშვილმა.თუ ქვეყნის საზღვრებს გარეთ ცხოვრობთ და გიყვართ ქართული კულტურა, შემოუერთდით ემიგრანტების ჯგუფს, რომ მსგავსი დღეები ერთად აღვნიშნოთ!(R)

1769166286

გრძელვადიანი დაპირისპირების დასასრულიეს გადაწყვეტილება ვაშინგტონსა და პეკინს შორის მრავალწლიან დაპირისპირებას წერტილს უსვამს. პროცესი ჯერ კიდევ დონალდ ტრამპის პირველი საპრეზიდენტო ვადის დროს დაიწყო, როდესაც მან ეროვნული უსაფრთხოების მოტივით აპლიკაციის აკრძალვა სცადა.BBC წერს, მიმდინარე წლის იანვარში ძალაში უნდა შესულიყო კანონი, რომელიც აპლიკაციის მფლობელ ჩინურ კომპანია ByteDance-ს აშშ-ის აქტივების გაყიდვას ავალდებულებდა. თუმცა, პრეზიდენტმა ტრამპმა აღსრულების ვადები რამდენჯერმე გადაავადა, საბოლოოდ კი ჩინეთთან შეთანხმებას მიაღწია.ვინ ფლობს TikTok-ს აშშ-ში?ახალი შეთანხმების თანახმად, იქმნება დამოუკიდებელი სუბიექტი - TikTok USDS Joint Venture LLC, რომელსაც შვიდწევრიანი, უმრავლესობით ამერიკული დირექტორთა საბჭო მართავს. კომპანიის აღმასრულებელ დირექტორად ადამ პრესერი დაინიშნა.მფლობელთა სტრუქტურა ასე ნაწილდება: Oracle: 15% – ტექნოლოგიური გიგანტი, რომელიც პასუხისმგებელია მონაცემთა უსაფრთხოებაზე Silver Lake: 15% – ამერიკული საინვესტიციო ფირმა MGX: 15% – საინვესტიციო ფონდი არაბთა გაერთიანებული საამიროებიდან ByteDance: 19.9% – ჩინური მხარე ინარჩუნებს უმცირესობის წილს სხვა ინვესტორები (35.1%): მათ შორის არიან მაიკლ დელის (Dell) საოჯახო ოფისი და Susquehanna International Group „ბედნიერი ვარ, რომ TikTok-ის გადარჩენაში მივიღე მონაწილეობა“, - დაწერა დონალდ ტრამპმა სოციალურ ქსელში. მან ასევე მადლობა გადაუხადა ჩინეთის პრეზიდენტ სი ძინპინს შეთანხმების დამტკიცებისთვის. რა ბედი ეწევა „საიდუმლო ალგორითმს“?დაპირისპირების მთავარი საგანი სწორედ TikTok-ის მძლავრი ალგორითმი იყო, რომელიც მომხმარებელს ინდივიდუალურ კონტენტს სთავაზობს.ახალი გარიგებით ალგორითმი ლიცენზირებული იქნება ამერიკული კომპანიისთვის. მისი „გაწვრთნა“ მოხდება მხოლოდ ამერიკელი მომხმარებლების მონაცემებზე. მთელი სისტემა განთავსდება Oracle-ის ღრუბლოვან სერვერებზე აშშ-ის ტერიტორიაზე.ექსპერტების ვარაუდით, ამ ცვლილებებმა შესაძლოა გავლენა იქონიოს აპლიკაციის მუშაობის სისწრაფესა და რეკომენდაციების სიზუსტეზე, თუმცა, ზუსტად როგორ აისახება ეს 200 მილიონ ამერიკელ მომხმარებელზე, ჯერჯერობით უცნობია.

1769163238

ნათია ლაბაძე ბათუმის საზღვაო აკადემიის კურსდამთავრებულია. მისი პროფესიული გზა 2015 წელს კადეტობიდან დაიწყო. ამჟამად იგი კონტეინერმზიდ გემზე კაპიტნის თანაშემწედ მუშაობს და მზად არის, ჩაიბაროს გემის კაპიტნის პოზიცია და ეკიპაჟის ხელმძღვანელობა."ნათია ლაბაძის პროფესიული მიღწევა მნიშვნელოვანი მაგალითია ქალთა ჩართულობის ზრდის თვალსაზრისით საზღვაო დარგში.ამჟამად საზღვაო ტრანსპორტის სააგენტოს მიერ 130 ქალი მეზღვაურია სერტიფიცირებული, საიდანაც 120 საკრუიზო გემებზეა დასაქმებული როგორც დამხმარე პერსონალი, რაც შეეხება დანარჩენ 10 ქალ მეზღვაურს, ისინი უშუალოდ მეზღვაურის კომპეტენციას ფლობენ, ოთხი მათგანი ამჟამად შორეულ ნაოსნობაშია.აღსანიშნავია, რომ საქართველოში ქალები გასული საუკუნის დასაწყისიდან ცდილობდნენ საზღვაო პროფესიებში დასაქმებას. მე-20 საუკუნის პირველ ნახევარში იულია ფაილოძემ, ვაიდე გვარიშვილმა, ნინო კალანდაძემ და შუშანა თუმანიშვილმა ბათუმის საზღვაო ტექნიკუმი დაამთავრეს და შორეულ ნაოსნობაში გასვლის სურვილი გამოთქვეს.მე-20 საუკუნის მეორე ნახევრიდან ყოფილ საბჭოთა კავშირში ქალების მსახურება შორეულ ნაოსნობაში პრაქტიკულად შეუძლებელი იყო. შეზღუდვების გამო, ქალები საზღვაო დარგში ძირითადად სანაპირო და დამხმარე მიმართულებებში საქმიანობდნენ - მეტეოროლოგიაში, რადისტებად, სამედიცინო პერსონალში, ჰიდროგრაფიაში და სხვა სანაპირო სტრუქტურებში. სწორედ ამიტომ ნათია ლაბაძის პრეცედენტი გამორჩეულია და საქართველოს იმ ქვეყნების გვერდით აყენებს, სადაც ქალს გემზე უმაღლესი თანამდებობის დაკავება შეუძლია", - წერს საზღვაო ტრანსპორტის სააგენტო.

1769159791

ნაერთი ბიუჯეტის შემოსულობების მიხედვით (კონსოლიდაციის გარეშე), 2025 წელს სატვირთო ავტომობილების გატარებიდან ხაზინაში 171 286 748 ლარი შევიდა, 2024 წელს 179 432 915 ლარი, 2023 წელს კი, 181 998 905 ლარი.შესაბამისად, ბიუჯეტში გზათსარგებლობის საფასურით მიღებული შემოსავალი 2025 წლის იანვარ-დეკემბერში, წინა წლის ანალოგიურ პერიოდთან შედარებით, 8.146 მლნ ლარით შემცირდა, 2023 წელთან შედარებით კი 10.712 მლნ ლარით.TCRC წერს, გადაზიდვების კლების მიზეზად, გადამზიდავი კომპანიები და ცალკეული მძღოლები გაჭიანურებულ სასაზღვრო-საბაჟო პროცედურებს ასახელებენ. მათივე განმარტებით მნიშვნელოვან პრობლემას წარმოადგენს საბაჟო პუნქტებში რიგები, მებაჟეების პასიური მუშაობა, დაუსაბუთებლად გაზრდილი სატრანზიტო – 350 ლარი და პარკის – 80 ლარი გადასახადები, რომლებსაც, მათი თქმით, არ მოჰყვება ადეკვატური სერვისები.მათივე მტკიცებით, როგორც ქართველი, ასევე უცხოელი გადამზიდველები ხშირად მარშრუტს იცვლიან, აღნიშნული კი ნეგატიურად აისახება სატრანსპორტო დერეფნის კონკურენტუნარიანობაზე.TCRC ანალიზში მძღოლების პოზიციაც მოჰყავს.„ერთ მანქანას ერთ საათში უშვებენ და, რა თქმა უნდა, რიგი იქნება. ვლადიკავკაზში ჩასვლა-ჩამოსვლას ორი კვირა უნდები, დაიღალნენ მძღოლები, ბოლოს აღარავინ წავა და უარესი არ იქნება?! რატომ ვერ დალაგდა ეს საზღვარი, რა გახდა, არცერთ ქვეყანაში ასე არ ხდება“, - ამბობს ერთ-ერთი მძღოლი.ამასთან, ცენტრის ინფორმაციით, ქართველი მძღოლები საზღვრებზე არასაკმარისი პერსონალის რაოდენობაზე ამახვილებენ ყურადღებას – „ხშირად ათი კაცის საქმეს ერთი ადამიანი ასრულებს. საბაჟოზე მძღოლები ვიტანჯებით, რატომ არ უნდა დაალაგოს ეს საკითხი სახელმწიფომ?“. ანდაც – „არსად არაფერია დალაგებული, ლაგოდეხში ღამით ერთ ადამიანს ამუშავებენ, აზერბაიჯანის მხრიდან კილომეტრიანი რიგია, წითელ ხიდზე კიდევ უარესი – საბაჟოზე პერსონალი არ არის, კიდევაა დასამატებელი“.გარდა გაჭიანურებული სასაზღვრო–საბაჟო პრობლემებისა, გადამზიდავი კომპანიის მძღოლები – დერეფნის გასწვრივ მაღალ გადასახადებზე აკეთებენ აქცენტს. კერძოდ, ისინი წინასასაზღვრო პარკების სიძვირეზე ამახვილებენ ყურადღებას – „პარკის გადასახადი 80 ლარია, არანაირი სერვისი არ გააჩნია. შეამცირეთ – 80 ლარი ძალიან ძვირია“.მძღოლები საზღვრებზე ინფრასტრუქტურის არასრული დატვირთვით გამოყენებასა და მისგან გამომდინარე სისტემურ პრობლემაზეც საუბრობენ – „საქართველოს ყველა საზღვარზე ერთი და იგივე პრობლემაა, ოთხი რიგის ნაცვლად ყველგან ერთ რიგს ამუშავებენ, დანარჩენი გასასვლელები დაკეტილია“.გარდა გამშვები პუნქტების ინფრასტრუქტურის დაბალი დატვირთვით გამოყენებისა, არსებობს სასაზღვრო გადასასვლელები სადაც გაჭიანურებულია ინფრასტრუქტურის მოწყობა – „დარიალის გამშვებ საბაჟოზე ერთი წელია თითქმის აკეთებენ ერთ გამშვებ ხაზს, მაგრამ საშველი ვერ დაადგა. ძირითადად სატვირთო მძღოლები ტანჯვას გადიან. მოსულია დრო, რომ მძღოლები საძებარი გაგიხდებათ და მერე როგორ იქნება ტვირთის ბრუნვა, დაინახავთ. დააფასეთ მძღოლის შრომა“.მძღოლები საზღვრებზე სათანადო ინფრასტრუქტურის მოწყობის აუცილებლობაზე ამახვილებენ ყურადღებას – „რუსეთის მხარე დარიალის საზღვარს აფართოებს, ჩვენებმა ორი გამშვები ვერ გააკეთეს, რომ ნორმალურად ვიმოძრაოთ“. ანალოგიურ პრობლემაზე აღნიშნავენ სხვა მძღოლებიც– “ზემო ლარსზე მინიმუმ, რვა ზოლი მაინც უნდა მუშაობდეს, ამუშავებენ ორს, არ ყოფნის ეგ ორი ზოლი, დიდი ნაკადია პატრონი არავინ არაა”.ახალქალაქის რეგიონში დროში გაჭიანურებული და დაუსრულებელი საგზაო პროექტები სატვირთო ავტოტრანსპორტისთვის გადაადგილების სირთულეებს ქმნის, რაც პირველ რიგში საქართველოზე გამავალი დერეფნის და სატრანზიტო გადაზიდვებზე ნეგატიურად აისახება.გადამზიდავები სახელმწიფოთაშორის ახალქალაქი–კარწახის საავტომობილო გზის მონაკვეთის სავალალო მდგომარეობაზე ამახვილებენ ყურადღებას – „ორმოების თავიდან ასარიდებლად საპირისპიროდ მოძრავი მანქანები ერთმანეთს გზას ვუთმობთ. ვთხოვთ ქვეყნის ხელმძღვანელობას, ყურადღება მიაქციონ ამ პრობლემას და მიიღონ შესაბამისი ზომები გზის აღსადგენად“.გადამზიდველი მძღოლები კომპლექსურად უყურებენ სისტემაში არსებულ პრობლემებს, გარდა სასაზღვრო გამშვებ პუნქტებისა, ყურადღებას ამახვილებენ მძღოლების მიმართ საპატრულო პოლიციის გულგრილ დამოკიდებულებაზე – „მარტყოფთან შემოვლით გზაზე ხშირია, პატრულის ზერელე დამოკიდებულება, გზა დაკეტილი აქვთ და მარტყოფში გეუბნება, რომ ცარიელსაც არ შეგიძლია გასვლა. ხშირად მალფუჭებადი ტვირთით თუ ხარ, მაგალითად, ატმით დატვირთული, გეკუთვნის პრიორიტეტში გავლა, მაინც არ გატარებს, მიუხედავად იმისა, რომ ნატახტარში ასეთი მალფუჭებადი ტვირთით დატვირთული მანქანებისთვის იმხელა პარკია გაკეთებული, მიუხედავად ამისა, პატრული მარტყოფში გვაჩერებს 38 გრადუს სიცხეში იმ მოტივით, რომ იქნებ ნატახტარში ადგილი არ იყოსო. არადა, მარტივად შესაძლებელია პროგრამაში ცარიელი და დაკავებული ადგილების ნახვა და სათანადო გადაწყვეტილების მიღება. ნატახტარში 380 ცარიელ ადგილს აჩვენებდა და პატრული მძღოლს ეუბნება, იქნებ ადგილები არ იყოსო, და არც გისმენს, ეს ყოველივე ხელოვნური ბარიერის შექმნის ტოლფასია”.ხშირად მძღოლები საპატრულო სამსახურის მოუქნელ, ხისტ მუშაობაზე ჩივიან – „უაზრო შეზღუდვებია დაწესებული რიკოთის მონაკვეთზე, არც წყალი, არც ელემენტარული რაიმე სანიტარული სერვისი. იქნებ რამე რეაგირება მოახდინონ – ამ ტვირთნაკადის გასატარებლად, სათანადო სერვისების გარეშე საქართველო ჯერ მზად არ არის“.გარდა გაჭიანურებული სასაზღვრო–საბაჟო პროცედურებისა, გადამზიდავები სატრანსპორტო კვანძებთან ინფრასტრუქტურის გაუმართაობაზე, კერძოდ, ბათუმის ნავსადგურთან მისასვლელი გზის უხარისხობაზე ამახვილებენ ყურადღებას – „სატრანსპორტო დერეფნით მილიარდები კეთდება, შემოსავალი სად მიდის? ბათუმის პორტი მილიონებს შოულობს და პორტის წინ ოთხი თვეა გზა ვერ შეუკეთებიათ. ნუთუ მერიას არ რცხვენია? ის მაინც გააკეთე, საიდანაც ფული შემოდის? ყველა მძღოლი დამეთანხმება, ფული რომ იშოვება, დახარჯე და გზა გამიკეთე, შე ოჯახაშენებულო. განა მეტს ვითხოვ? მე რომ არ ვიყო და არ ვიარო, მაგ ფულს ხომ ვერ იშოვი, არა? ჩემით შოულობ და ელემენტარული გზა მოაწესრიგეთ, ხომ შეიძლება?!“.„დღეს ყველას სურს ტვირთი ჩაიტანოს „იაფად და სწრაფად“, თუმცა ხშირად სერიოზულ სისტემურ ხარვეზებს ეჯახება. მთავარი პრობლემა ის არის, რომ პრობლემებზე რეაგირება ხშირად მხოლოდ წესებისა და შეზღუდვების დაწესებით შემოიფარგლება, მაგრამ პრაქტიკულად არანაირი ყურადღება არ ექცევა სერვისის გაუმჯობესებასა და სისტემის ოპტიმიზაციას. დღეს სატრანსპორტო სექტორი – მძღოლები, გადამზიდავები და ლოგისტიკური კომპანიები – ყოველდღიურად ურთულეს გზას გადიან და ბევრ პრობლემას ეჯახებიან. ხშირად გართულებული ბიუროკრატიული პროცედურების გამო ზარალდებიან კომპანიები და ამ პროცესში ქვეყანა კარგავს საერთაშორისო პარტნიორების ნდობასა და კონკურენტუნარიანობას“, - ვკითხულობთ TCRC-ის კვლევაში.TCRC დასკვნის სახით აღნიშნავს, რომ 2023–2025 წლებში საქართველოს დერეფნის სატრანზიტო მონაკვეთზე სატვირთო ავტოტრანსპორტის ტრანზიტული გადაზიდვების 5%-იანი შემცირების ტენდენცია შეინიშნება.ამასთან, 2022 წელს 50%-იანი ზრდის ფონზე, სახელმწიფომ გზით სარგებლობის საფასურის არსებული გადასახადი 200 ლარიდან 350 ლარამდე 75%-ით გაზარდა.

1769159300

„საია წარდგენილ საჩივარში მიუთითებდა, რომ ჩატარებული არჩევნების დროს საარჩევნო ადმინისტრაციის მიერ საკუთარი ვალდებულებების არაჯეროვნად შესრულებამ მასობრივად დაარღვია კენჭისყრის ფარულობის ფუნდამენტური პრინციპი, ხოლო საარჩევნო დავების განხილვის დროს დაირღვა საარჩევნო დავების ეფექტიანი მექანიზმით განხილვის უფლება. საია საჩივარში ასევე დავობდა, რომ საქართველოს კანონმდებლობაში არსებული ბლანკეტური განაწესი, რომელიც მოქალაქეებს საარჩევნო დავაზე საჩივრის წარდგენის შესაძლებლობას უზღუდავს, არ შეესაბამება ადამიანის უფლებათა ევროპული კონვენციის მოთხოვნებს", - განაცხადა ონიანმა.მისი თქმით, საიამ აღნიშნული საჩივარი 2025 წელს გაგზავნა.საიას თავმჯდომარის განმარტებით, საქმის განხილვა მიმდინარეობს ადამიანის უფლებათა ევროპული კონვენციის პირველი დამატებითი ოქმის მე-3 მუხლისა (თავისუფალი არჩევნების უფლება) და მე-13 მუხლის (სამართლებრივი დაცვის ქმედითი საშუალების უფლება) ფარგლებში.„სასამართლო ასევე იმსჯელებს და შეაფასებს, არღვევს თუ არა ხმის მიცემის უფლებას საზღვარგარეთ არასაკმარისი რაოდენობის საარჩევნო უბნების გახსნა. სასამართლომ აღნიშნულ საქმეზე პოზიციის წარდგენისთვის სახელმწიფოს ვადა განუსაზღვრა 2026 წლის 15 მაისამდე.სტრასბურგის სასამართლომ წარდგენილი საჩივრები მცირე დროში მიიღო არსებითად განსახილველად. აღნიშნული ხაზს უსვამს სასამართლოს მხრიდან საქმის პრიორიტეტულობას და იძლევა შესაძლებლობას საერთაშორისო სასამართლოს მიერ შეფასდეს 2024 წლის 26 ოქტომბრის არჩევნების დროს გამოვლენილი ფარულობის სისტემური დარღვევა და საარჩევნო კანონმდებლობაში არსებული ხარვეზები, რაც არღვევს კონვენციური უფლებებით დაცულ სფეროს", - განაცხადა თამარ ონიანმა.

1769156946

მთავრობის ადმინისტრაციის უფროსის ლევან ჟორჟოლიანის ინფორმაციით, ამავე კომისიის ფარგლებში, ორშაბათს დაგეგმილია შეხვედრა მწარმოებლებთან, შემდეგ ფარმაცევტულ კომპანიებთან, ბოლოს კი შეხვედრა გაიმართება საწვავის ფასთან დაკავშირებით.მანამდე, კომისიის ფარგლებში შეხვედრა გაიმართა ქსელური მარკეტების წარმომადგენლებთან, რის შემდეგაც რამდენიმე ქსელურ მარკეტში სუსის წარმომადგენლები შევიდნენ.

1769156549

4Q25-ში, წინა კვარტალთან შედარებით, ფასების ზრდა დაფიქსირდა, როგორც საცხოვრებელი ბინების სეგმენტში (1.3%), ისე კერძო სახლების სეგმენტში (2.1%).საქსტატის მონაცემებით, 4Q25-თან შედარებით ფასების ზრდა დაფიქსირდა ორივე სეგმენტში - ბინებზე 3.5%-ით, ხოლო კერძო სახლებზე 2.5%-ით.ქვემოთ მოცემულ გრაფიკზე წარმოდგენილია ჯამური RPPI-ის და მისი ქვეინდექსების, ასევე სამომხმარებლო ფასების ინდექსის (CPI) შედარებითი დინამიკა.ქვემოთ მოცემულ გრაფიკზე წარმოდგენილია 2025 წლის მეოთხე კვარტალში ახალაშენებული (დასრულებული) საცხოვრებლების სეგმენტში 1მ²-ის მედიანური ღირებულება, თბილისის უბნების მიხედვით.

1769152663